-
دخول

عرض كامل الموضوع : اغرب موقف حصل معي في حياتي واعتقد ما حيتكرر مع اني بتمنى ...

Hus
29/06/2004, 22:45
تحية يا شباب
حصل معي اغرب قصة بحياتي من قيمة اربع ايام وكان يومها بدي اكتب القصة هون بس انشغلت ...

الموهم كان يومها عنا امتحان (طب مجتمع) مادة خفيفة هيك امتحان ابو ساعتين و رجعت على البيت وكنت يومها عازم الشباب على الغدى بشرياتون القاهرة 8) احم احم - مافي مناسبة بس هيك محبة من الله-

الموهم يعني انا رجعت من الامتحان وبدي اتحمم جهز حالي عشان يعدو الشباب وننزل يعني في وقت بالبيت تقريبا ساعة وبدي ارجع اطلع ..
اول ما وصلت غيرت تيابي بالاحرى انا قلعت تيابي عني لاني حقيقة وحدي بالبيت بعد ما سافر رامي (الي ساكن معي بالشقة) ... وانا من محبي الحرية بشكل مفعم .. دوم لما بكون لحالي بالبيت ما بلبس شي لا بالنهار ولا باليل ..
ما علينا يوميها قلعت كل تيابي ما عدى الداخلي .. ما بعرف شو خطرلي قيد نفسي يومها ورحت قعدت على الكمبيورتر شيك اميلات وشيك على الموقع والشباب ...

شوي حكى معي الشحوف (والي هوي كريم شحفة) .. اي وصوتو على قلبي شو بدي قلكون يعني
بقا صار لازم فوت الحمام .. ما بعرف كيف سائبت هوي سكرت حكي معو انحصرت ..

رحنا الحمام وانا كمان من عوايدي خبط الابواب محل بدخل وبطلع بقا بدي ادخل الحمام كان مفتوح الباب بس على الرغم من هال الشي خبطتو بالحيط ..
بهال الحظة حستو ما خبط مظبوط ولمحت رجل عم تنسحب ..

الحقيقة اجمدت بارضي لنص ثانية او اقل .. وفتحت الباب بقوة و وايدي قدامي منشان امسك الشخص الي وراء الباب
اي اول ما شفتو اقصر مني هيك قلبي اطمن متل ما اتقولو يعني فيني دقو قتلي ...
وفعلا مسكت بخوانيق شبيب متسول الشكل عمرو تقريبا 16-17 سنة ... كان لابس جاكيت رياضة مع انو هون شوب
كتير ..

بس الظاهر ما عندو غيرها .. هاي الجاكيت ساعدت كتير باني ضب على خوانيقو فيها ومسكتو ما عارف شو بدي اعمل فيه .. اول شي عملتو شلتو بايد وحدي الي ضابب على خوانيقو فيها .. وحطيتو بالبانيو .. (هوي نحيف كتير)
وقلت رح افتح عليه المي منشان يتلبك وانا بلحظاتهها عم عيط وصرخ فيه .. (ما سبيتو ) بس عياط يعني
وبعدين طلعتو من البانيو و انا هون هديت شوي .. بس ما بعرف حبيت اضربو كف ..
انا الحقيقة كتير بحب اضرب كفوف كنت اسألو اخي .. كان بزمانو اضربو كفوف كتير .. بس هلق صار بياكلني

الموهم وبعدين هوي فتحلي موضوع الشرطة الله يخلك ما تاخدني على الشرطة وانا فقير وابي قلعني من البيت وهال الحكي ..
قمت انا لما شفتو خايف من الشرطة صرت هددو فيها اكتر وكل ما يحكي كلمي قلو بدي اخدك على الشرطة وهيك ..
الموهم بعد ما هدينا دخلتو معي على غرفتي منشان ما يهرب ولبست بنطلون وكنزة قلت يعني ما حلوي لو اخدتو على الشرطة .. مو اكتر ..

بعدين هوي وعم يبكي صار بدو يبوس ايدي وقاعد يترجاني ما تاخدني على الشرطة وانا كنت نايم بالحدقيقة الي ورا وشفت الشباك مفتحو قمت نطيت لاني جوعان وبدي شي اكلو ..

الموهم عاد انا الحقيقة صدقتو .. وخلص كنت رايق وقتحا حطيتو بغرفة القعدة وجبتلو اكل ..
ورجعت قعدت على الكمبيوتر الي هوي باخر غرفة القعدة .. صاير يعني هوي قدامي عم ياك وانا على الكمبيوتر
خمس دقايق رحت شيك عليه لقيتو ما عم ياكل غير خبز حاف .. مع اني الله الوكيل طلعتلو كلشي عندي حطيتلو جبني وفتحتلو علبة طون وجبتلو كولا لك حتى ريكفورد حطيتلو .. وعسلات جاييني من سوريا طلب مخصوص ..
الموهم بس طلع ما بيحب الاجبان مدري ما بياكل جبنة .. ما بعرف شو قصتو ..
اخيرو ما اكل كتير يعني شي انو سد جوعتو برغيف حاف و شرب الكولايات ..

عاد ما عارف انا شو اعمل فيه .. اول شي قلت ما رح اخدو على الشرطة اكيد يعني خطي وهيك .. بس رح جيب الشباب يتفرجو عليه ومنو منتصور معو وهيك .. هههههههههههههههه موقع تاريخي الحقيقة وانا نادم جدا كيف ما اتصورت معو ..
الموهم بعد التقصي بالتحقيق معو طلع داخل على البيت قبل ما ادخل انا بتلات دقايق .. وملاقي حوالي جنيهين تلاتي بالارض وحوالي 10 ليرات سوري ..
الموهم ولما سمع صوت المفتاح بالباب هرب .. واتخبى تحت التخت بس مو بغرفتي بغرفة رامي .. لانو تختي انا كتير واطي ..
وبعدين لما انا قعدت على الكمبيوتر هوي شافني بقا مفتكر انو الغرفة الي هوي متخبي فيها هيي غرفتي قام هرب على الحمام يتخبى .. وبهال الحظات انا كنت داخل على الحمام ومسكتو..
وكان المصاري الي ملاقيهون بالبيت مخبيون تحت التخت منشان ياخدون معو لما يطلع ..
عاد هني كلون ما بيطلعو جنيهين تلاتي .. عطيتو ياهون قلتلو انتا حرامي وهدول عرق جبينك اتفضل ههههههههههه وعطيتو كنزة (ما لقيت غيرها من مقاسو) ..
وصرفتو ....
بس يعني شو بدي قلكون نص ساعة من السوسبينس ولاثارة ما بتتكرر بحياتي

وندمان ومتمني انو يرجع يدخل لانو في شغلات كتير كان لازم اعملها وما عملتها .. اولها انو اتصور معو .. والشباب اقترحو عليي كان اني خليه يجلي الجليات بالمطبخ ..(انا بيتي قايم قاعد ) .. كمان هاي ما خطرتلي ..
كتير شغلات كان فيني اعملها لك والله كان فيني سكنو عندي (على حكيو انو ما عندو بيت وبينام بالجنينة المجاورة)
كنت بسكنو عندي مقابل انو ينضف ويجلي و يرتب البيت ويجبلي غراض وهيك .. انا كتير لازمني حدى تحت ايدي هيك روح وتعى وجيب وخود ..
وخاصة بعد ما اكتشفت انو اللفاية -الشغالة ام محمد - كانت لما تجي اتنضف تسرق شغلات من البيت ورحلي كتير غراض انا ورامي ومصار كمان

الموهم يومها كنت كتير مبسوط وفعلا كنت محظوط جدا جدا جدا .. لانو ببساطة لو هوي ضل تحت التخت انا كنت خلال ربع ساعة رح اطلع من البيت وكان يومها ساحب مبلغ كبير من البنك منشان صرفون وارجع دخلون على البنك لانو سعر السوق اعلى يعني اخينا بالله هذا كان كيييييييييييييف ....

ما بعرف طولت عليكون اكيد بس صدقا يا شباب بتمنى تحصل معكون هال الموضوع هيك وتلقطو الحرامي لانو شغلة ما في احلى من هيك . .. قمة التسالييييييييييييي

باييييييي
Joe
29/06/2004, 22:57
wow
شو هل سوسبنس مان
أحلى شي مقطع لما قلت شفت رجل... :shock:

عن جد قصة رهيبة... بس خوفي انك هيك كمان شجعتو على السرقة... يعني قد ما كان... بيضل اسمو ولد حسب ما فهمت منك.. و باول عمرو...
بس منيحة شغلة الجلي و الله فكرة.. انا عندي كتير جلي هون... يا ريت شي حرامي.... بس ما يطلع أسود و قد الحيط :lol:
mhmary
30/06/2004, 07:18
والله حلوة هالقصة بس أنتبه مرة تاني ما يفوت عالبيت شي واحد صعيدي يدقك أتلي مرتبة :wink:
وبالنسبة ألي أنا ما تفرق معي أذا شي واحد فات لعندي علابيت ما رح يلقي شي يسرقو :lol:
بس أخ حسام يعني أنا فهمت القصة كلها بس ليش يعني كنت عم تشرحلنا أنو بتعد بالبيت من دون تياب حاسس أنو ما دخلا بالقصة :angel: :?
Hus
30/06/2004, 13:18
ههههههههههههههههه لاء اب عضل دخلها كتير ...
لانو بعد ما كنت داقق بخوانيقو وانا لما مسكتو بالحمام اكتشفت اني انا بدون تياب !!! يعني هوي اكيد من منظري لحالو كان عم يرجف ههههههههههههههه .. غير هيك كان ما فيني مثلا نادي الجيران او لو هرب الحقو بقا ضليت ماسكو ودخلتو معي على الفرفة بين ما لبست و بعدين حتى عفيت عنو ههههههههههههههههههه
mhmary
30/06/2004, 20:05
أههههههههههههه هلأ فهمت أذا هيك معك حق :lol: :lol: :lol:
architecturer
01/07/2004, 00:37
يعني حكيم كل القصة فهمتا :o

بس في شغلة حسرة بقلبي وبدي اعرفا :lol:

شو هادا الركفورد يلي حطيتلو يا :shock:
Hus
01/07/2004, 02:42
شو هادا الركفورد يلي حطيتلو يا :shock:


نوع جبنة.. جبنة معفني مان (شي من شبه الشنكليش ) منستعيض عنها بسبب انحسار واضمحلال مصارد الشنكليش هون
بس هوي لما شاف العفن عليها ومعشعش هيك وهاي الخيطان تبع العفن طالعة بقا خاف هههههههههههه فكرني بدي سممو مثلا :P
هذا فوق ما عم دللو ..
هوي عاد لو قعدلو شي نص ساعة تانية كنت اكيد بصبلو شي كاس وسكي ههههههههههههههه انا ما بسدق لاقي واحد يسامرني :gem:
:P
NEDAL-S
01/07/2004, 12:22
ولا حلوة هلقصة بس ماكان في داعي تمسكو من خوانيقو
لانو يعطيك العافية من ضربة الباب بيكون صار بغير دنيا :wink: :wink: :gem: :gem:
julia
02/07/2004, 00:45
حلوة هالقصة والله.......وفعلاً كان حظك حلو
بس أنا من رأي جو يعني ممكن انت تكون شجعتو عالسرقة :D
RAMI007
02/07/2004, 03:34
يا حكيم إزا بدك لفاية بدل أم محمد ترى أنا جاهز
ومنتفق على السعر بعدين
:lol: :lol: :lol: :lol: :lol: :lol: :lol:
بس عن جد لازم تدير بالك لأنو مابتعرف مين بيقدر كمان يفوت لعندك متل ما قالوا الشباب
ومتل ما بيقول المتل لا تنام بين القبور ولا تشوف منامات وحشة
مش هيك
سلامتك على كل حال وتعيش وتاكل غيرا يا بطل :gem:
•• LEO ••
30/06/2007, 02:41
:? :? :? :?
اممي
30/06/2007, 05:26
شي بيزعل انك بتحتاج لفاية لتنظف بيتك وهوه ابن البلد تبع ماعند ياكل وانت بدك تاخد صورة لسا معو....
صحيح هو حرامي بس هاد عم يسرق لان جوعان وماعندو مصاري بيطعمي عيلت في كتير ناس عنا وعندن بايكل الاخضر واليابس وماحدى ساءل عنن ...لاوكمان العالم بدا تتصور معن
:frown:
ليندا
30/06/2007, 08:13
موقف حلو كتير وجد مابيتكرر بس ..........................
يلي لفت نظري بالموضوع انو في ردود كانت بتاريخ متل هاليوم 30 يونيو :birthday:
abu-wdea3
30/06/2007, 08:44
ههههههههههه....... حلو حلو لو انا مكانك كنت جننتو ..........
يمان Rooooonaldo
30/06/2007, 09:50
يا محمد عالنكش شو عم يصير هون:shock:
hanny dagher
30/06/2007, 10:50
موقف حلو كتير وجد مابيتكرر بس ..........................
يلي لفت نظري بالموضوع انو في ردود كانت بتاريخ متل هاليوم 30 يونيو :birthday:

اي مزبوط تلاتين يونيو سنة ال 2004
يعني تلت سنين
لك تلت سنين شو فيقكن عالموضوع بدي اعرف :jakoush::pos:
The morning
30/06/2007, 11:04
اي مزبوط تلاتين يونيو سنة ال 2004
يعني تلت سنين
لك تلت سنين شو فيقكن عالموضوع بدي اعرف :jakoush::pos:
:lol::lol: ..
لــك انـت لاحــظت مــتل مــا انــا لاحــظت
انــو فــي مــين عــم يــنكوش مــواضــيع الــحكــيم :?
Spector
30/06/2007, 11:07
شكرا عالكولا والطون حسام
بس ما حبيت الجبنات
واسف عال 2 جنيه

:cry:
Abu Guzef
30/06/2007, 12:18
لقينا الحرامي :lol:
سبيكتور
•• LEO ••
30/06/2007, 13:58
انا الحقيقة كتير بحب اضرب كفوف كنت اسألو اخي .. كان بزمانو اضربو كفوف كتير .. بس هلق صار بياكلني

نفس الشعور :deal:
تالين
30/06/2007, 14:15
القصة مؤثرة كتير ولله
بس يعني ما خطرلك تسئلو او تحكي معو ليش هيك عم يساوي او شو قصتو؟
بس هي شغلة انك تتصور معو :shock::cry: شو صاير منظر سياحي للتتصور معو يعني حرام ولي عليك
يسلمووووو
pioneer
30/06/2007, 14:35
شي هالحرامي النهفة هاد يا ريت كلن هيك
بس فكرة الجليات كنت لازم تستغلا
Syrian Gay
30/06/2007, 17:34
شو هالموضوع المنكوش هادا

هادا نسيم ناكشو بس والله قصة نهفة

يللا رايح انكوش مواضيع الحكيم حسحس لنتعرف عليه شوي :lol:
sadooka
30/06/2007, 17:54
حسااااااااااااااااااااااا ااااااااااااااااااااااااا اااااااااام
شوي حكى معي الشحوف (والي هوي كريم شحفة) ..
:o:o:o:o:o:o:o:o:o:o:o:o:o:o:o:o:o
ولك أرايبي .... أرايبيييييييييييييييييي أبوس ألله
حسام أيدي بزنارك مو كريم ابنو للدكتور فادي شحفة ؟؟؟؟؟؟؟؟؟؟؟؟؟؟


:adal: خيو نحنا بيت الشحفة :gem:
silin
30/06/2007, 22:41
وقت وصلت بكلامك ل ( شفت رجل ) خطر ببالي تكون شفت شي جن هههههههه
يؤيؤ

((((ما بعرف طولت عليكون اكيد بس صدقا يا شباب بتمنى تحصل معكون هال الموضوع هيك وتلقطو الحرامي لانو شغلة ما في احلى من هيك . .. قمة التسالييييييييييييي))))

اتمنى على حالك دخلك ما نقني انا قال وكمان بدك تشغلو عندك
ههههههه والله مبين قلبك طيب كتير على هل حكي هيدا

ما كنت مفكريتك مهضوم كمان:p



يااااااااا رب تعيش وتاكل غيرا مليون مرة كمان ويلا كرمال تنبسط مش اكتر وتتسلى هههههههه
vanina
30/06/2007, 23:23
عم تقول حلوة اذا صارت معك . ** انتو الشباب **
بس اذا صارت مع بنت مصيبة :lol:


والاحلى انك طعميتو و لبستو
غيرك كان جد اخدو عالشرطة .:D
•• LEO ••
30/06/2007, 23:27
القصة مؤثرة كتير ولله
بس يعني ما خطرلك تسئلو او تحكي معو ليش هيك عم يساوي او شو قصتو؟
بس هي شغلة انك تتصور معو :shock::cry: شو صاير منظر سياحي للتتصور معو يعني حرام ولي عليك
يسلمووووو

الله الله .. الحلو فيكي انك اطلعتي ع الموضوع من منظور انساني .. وكل الي قروه شافوه كموقف طريف
شو هالحنية دخيل الله :cry::D


هادا نسيم ناكشو بس والله قصة نهفة



ولو سيريان .. نحن للنكوشة ;-)
قلب أم
02/07/2007, 10:57
:shock::shock:


و الله كان خاطري شوفك من غير هدوووم و انت ماسكو للشحلوت ( الصبي ) :lol:

<< دخلك شو معنى ( شحلوت ) عندكون بسوريا :o


ههههههههههههه


يا الله غير مراااا بدك تخليه ينام معك و ينضفلك البيت

و اتصوووور معو و فرجينا الصوره :p


اوكي !
em4love
02/07/2007, 11:56
أحلى قصة صارت معي :
رحت إستقبل إختي بالمطار ..وبعد ما نطرت شي 5 ساعات عرفت أنو مانها جاي ....
بس مو هون النهفة
النهفة أني رحت إستقبلها قبل بيوم من الموعد:shock:
fernanda bachchan kfoury
02/07/2007, 16:41
لك شو هيدا انا بالاول فكرتك ضربتو كف كملت عليه:gem: تتهنى فيه انشالله عقبال اللص الثاني و الثالث :yahoo:
Darck Jack
02/07/2007, 19:20
هههههههههههههههههههه حنون
Government
05/07/2007, 23:33
ينعمى شقدي جحش :pos:


شفت الموضوع قريت النص الاول من التاريخ لاقيتو 29/6 بس ماقريت الباقي
وبعد ماضليت ساعة اقرا فيه وانا مفكرو جديد من يومين تلاتة

رجعت لكمل التاريخ ع المزبوط 29/6/2004


يعني قبل 3 سنين :cry:
يهيم طول عمري بضل بهيم