المسلميين = النازيين
من سخريات القدر وضياع المفاهيم أن يصبح المسلميين يساوو النازيين
فالمسلم في سوريا أصبح نازي كتاريخ النازيين بسبب حركة الأخوان المسلمون الدموية في بداية الثمانينات وكأن كل مسلمي سوريا أخونجية
هذه الفكرة جائتني بعد مهاجمتي فجأة من قبل صديق . كنا نتناقش معا عن التلفزيون السوري والمحسوبيات فيه واستقباله المتكرر لنفس الوجوه أمثال علي الديك ... وكأن هناك توجه لتكريس وجوه معينة ذات طابع غنائي واحد وهو النمط الساحلي ونمط الوادي . مع تغييب لباقي الوجوه السورية من القدود الحلبية بداية وأنتهاءا" بباقي تراث المحافظات ... يشابه أستضافته لنفس الوجوه في برامجه السياسية التي تكرس فكر وتوجه واحد ...فعاجلني وفاجئني بمقولة (معون حق لما بيقولوا أنكم أذا أستلمتوا السلطة بدكم تحكموا البلد على كيفكم وتحرموا العالم من حققوها ) مع أستغرابي لربط الأمرين ببعض والمثال الذي بنا عليه فكرته
وكانت صديقة أخرى قبل مدة فاجئتني بنفس المقولة عند نقاشنا عن المعارضة وأعلان دمشق مع أن أغلب أعضائه من الليبراليين والعلمانيين
هذه الفكرة سربت للشارع السوري عن طريق النظام لحمايته من التغيير مع فكرة أخرى درجت في السنيين الأخيرة بعد حرب العراق وهي ( بدكم التغيير ماشفتوا شو صار بالعراق بدكم يصير فيكم متل العراق بيكفي أنو عايشيين بأمان )
فأنا كمسلم سني ممنوع عن النقاش وعن التدخل بشؤون البلد لأني مسلم سني وبهذا المفهوم أخونجي دموي قاتل
وهذا جعلني أتذكر مايعاني منه الألمان فهم ممنوعون من أخذ مكانهم بأي موضوع . وممنوعون من أنتقاد أحد لأن تهمتهم جاهزة وهي ببساطة أنتم نازييون . وكأن الشعب الألماني كله هتلر أو شارك بالحرب العالمية الثانية ... مع أنه ربما لم يتبقى سوى عدة أشخاص من الذين عاشوا في تلك الفترة
كيف أنقلبت المفاهيم فأصبح غالبية الشعب مدانيين ومهاجمين وممنوعون من البوح بأفكارهم ومن المشاركة والقرار بأعتبار غالبية الشعب السوري من المسلميين
فأنا مهاجم ووجهة نظري باتت مهاجمة سلفا لأني مسلم سوري يتحدث عن السياسة ... أنت لايحق لك الكلام ولست بحاجة لأحد ليذكرك بتاريخك ( مع العلم بأن 95% من المسلميين السوريين ضد مافعله الأخوان المسلميين )
يبدو أنه في الوقت الذي بات يتهم فيه كل مسلمي العالم بأنهم أرهابيين وقاعدة تميز عنهم مسلمي سورية بأنهم تارة أرهابيين وقاعدة وتارة أخرى أرهابيين وأخونجية وربما قريبا أرهابيين وجند الشام ...
مادام الأتهام جاهزا" ومادام التعميم موجودا"
على الهامش هذا الكلام لايتهم دين معين أو طائفة معينة لكنه يعكس حالة عامة موجودة
ولهذا لم يذكر دين أو طائفة الصديق والصديقة لأن هذا لا يخدم الموضوع وربما يستخدم في غير مكانهأ

موضوع مهم جدا وجميل... على الأغلب راح ينفهم غلط من كتير عالم لذلك ردي راح يكون دعوة لقرائته بتمعن و فهمه جيدا... مشان ما يصير عندي شغل كثير :lol:

بمحادثة مع صديق من الأخوة المسيحيين, كنا نتحدث عن البلد و أوضاع البلد, فكلامو بصراحة استغربتو لأنو هو شخص نوعا ما حيادي يميل الى المعارضة نوعا ما بآرائه حول عدة قضايا... فكان ردو انو اخي صح فساد و ظلم و استبداد و كل شي تريدو بس أنا كمسيحي ما بقدر غير قول انو الله يديمهون لأنو لو راحو المسيحية راح ينبادو بسوريا.... انو طبعا استغربت و استنكرت جدا جدا... بس بعدين تذكرت مقولة مشهورة باسبانيا بالخمسينات و الستينات باسبانيا عن فرانكو.. كانو الناس يقولو انو الله يلعنو بس الله يخليه.... و السبب انو الجهاز الاعلامي لفرانكو كان يلعب على وتر كاثوليكية الشعب الاسباني و تدينه في تلك الفترة.. فكان مقنع العالم انو اذا مو هو الحاكم راح يجو الحمر "الشيوعيين" و يمنعو الصلاة و يحرقو الكنائس و الكاتدرائيات و يدبحو رجال الدين... فكان هالقول عن فرانكو منتشر انو و الله عالقليلة بفضلو فينا نصلي....

طبعا التاريخ كذّب فرانكو... أقصى ما وصله الشيوعيين بعد وفاة فرانكو و اقامة النظام الديمقراطي كان 15 برلماني من أصل 350, و الآن لا يملكون الا 5 برلمانيين


شكرا عالموضوع:D

فأنا كمسلم سني ممنوع عن النقاش وعن التدخل بشؤون البلد لأني مسلم سني وبهذا المفهوم أخونجي دموي قاتل
يللي بشوف هالحكي ...
ما بصدق أنو رئيس الحكومة عنا سني .....و رئيس مجلس الشعب كمان سني ..
و الغالبية العظمى من الوزراء سنيين

كيف أنقلبت المفاهيم فأصبح غالبية الشعب مدانيين ومهاجمين وممنوعون من البوح بأفكارهم ومن المشاركة والقرار بأعتبار غالبية الشعب السوري من المسلميين

حبيب النظام بسوربا لا يراعي الطائفية وليس هناك فرق حتى بالهوية.
كمان لقلك شي.
الرئيس نفسو بيصلي صلاة السنة على التلفزيون.
ولما قريت الموضوع حسيت بإنو السنة عم يتقتلو بالشوارع بسوريا ومحرومين ومظلومين.
عن أي بلد عم تحكي ؟
المناهج التعليمية تراعي فقط المذهب السني وقوانين الدولة والعطل والمناسبات الاسلامية تراعي المذهب السني. مادة الشريعة في الجامعات تدرس الفقه السني فقط.
الوزراء في الحكومة من السنة . آلاف المساجد في كل مدينة. الشرطة والجيش من السنة .
أما عن المعاناة في التعبير عن الرأي فكل السوريين سواسية فيها السني مع الشيعي مع المسيحي مع الدرزي وباقي الطوائف الغالية علينا.
الظلم الطائفي الي بتحكي عنو وبتشبهو بظلم الالمان على أيام هتلر ضرب من الخيال.
وأيام الاخوان المسلمين ولت وانقرضت والغير مسموحلهون يحكو مو السنة باعتبارهون غالبية الشعب السوري بل التيارات السلفية الموالية لنهج القاعدة والحركات الاصولية.
غالبية الشعب السوري من العرب السنة وهم يتمتعون بنفس الحقوق مع المسيحين وباقي الطوائف.

:D

دقيقة دقيقة

كلامكون عالعين و عالراس.... بس عندي نقطتين

الحديث عن السنة كأكثرية بالموضوع الأساسي (هلأ انتبهتلو) ماني معو بنوب لأنو اذا بدنا نستعمل الطوائف كقوى مثل لبنان فعلينا السلام

النقطة الثانية, الموضوع الطائفي... سوريا ولو انو في طائفية بس انو وضعنا احسن من غيرنا بكتير... بس يا ترى بهالمنبر كم مرة سمعانين انو لو "انفلت الوضع" انو راح يصير الحكم اسلامي و تتذبّح الطوائف الأخرى, و كم مرة سمعنا انو "ما خرجنا ديمقراطية" لأنو الشعب راح يسمع كلمة رجال الدين؟ و راح نصير متل العراق

ماني مع فكرة الأساس الطائفي للحكم, أنا مجرد انو ضد انو كأنو طوائف هالبلد واقفة على بعضها على تكة و بس "فلت الوضع" راح تبلش المذابح, يعني شعور بعض أبناء الأقليات انو النظام الأمني هو الضمان لوجودهم و من دون هالنظام الأمني راح يتدمرو او على الأقل يتهمشو أعتقد انو ضار... ضار بشكل أساسي للبلد. كلنا أبناء هالبلد و ادخال الطائفة أو الدين بالسياسة (من الناحية الولائية)غلط كبير

بلد كلها رؤساء من وين بدي جبلكم شعب
اه اولولي بالله من وين


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أولا قصدت بسني ليس بقصد الطائفية ولكن لاأحد مثلا يحمل المسلم العلوي وزر الأخوان المسلمين من يحمل الوزر هم فقط المسلميين السنة هذا للتذكير ... وهل كنا سنقول دون ذكر الطوائف لو حملت مثلا الطائفة الدرزية وزر فئة صغيرة ذهبت مع التاريخ
هذا للتوضيح وسأعود للرد على كل الأفكار

يللي بشوف هالحكي ...
ما بصدق أنو رئيس الحكومة عنا سني .....و رئيس مجلس الشعب كمان سني ..
و الغالبية العظمى من الوزراء سنيين
صديقي جميع مناصب الدولة العليا غير العسكرية مقسمة حسب الطوائف والمحافظات وأحزاب الجبهة وعددهم ... وهم ليسوا بالنتيجة ممثليين حقيقيين وهذا بعيد عن الفكرة الرئيسية للموضوع

حبيب النظام بسوربا لا يراعي الطائفية وليس هناك فرق حتى بالهوية.
كمان لقلك شي.
الرئيس نفسو بيصلي صلاة السنة على التلفزيون.
ولما قريت الموضوع حسيت بإنو السنة عم يتقتلو بالشوارع بسوريا ومحرومين ومظلومين.
هاد يلي فهمتو من الموضوع
عن أي بلد عم تحكي ؟
سوريا
المناهج التعليمية تراعي فقط المذهب السني
تراعي اسلامي مسيحي مابعرف كيف بدا تراعي شيعي مثلا أذا بأغلب المدارس حينوجد بالصف طالب واحد أو لا فكيف بدون يعملولو درس لوحدو
وقوانين الدولة والعطل والمناسبات الاسلامية تراعي المذهب السني.
كمان اسلامي مسيحي عيد الفطر والأضحى والمولد النبوي ومثلها لدى المسيحيين شو العيد يلي بس سني ياريت تذكرو
مادة الشريعة في الجامعات تدرس الفقه السني فقط.
ماعندي فكرة بصراحة بس بعتقد أغلب الأصول مشتركة وأنها تتبع ايضا لقضية العدد وأنا مع تعديلها أن كان الواقع على الأرض غير ذلك
الوزراء في الحكومة من السنة .
من وين جبتها هي حتى الشيوعيين بيمثلهم وزير
آلاف المساجد في كل مدينة
.كل مدينة ألها جوامعها أو كنائسها حسب غالبيتها السكانية
وبالسيدة زينب والشيخ محي الدين جوامع شيعية
الشرطة والجيش من السنة .
هون فرطتني ضحك
أما عن المعاناة في التعبير عن الرأي فكل السوريين سواسية فيها السني مع الشيعي مع المسيحي مع الدرزي وباقي الطوائف الغالية علينا.
هذا ماأريد الوصول أليه
الظلم الطائفي الي بتحكي عنو وبتشبهو بظلم الالمان على أيام هتلر ضرب من الخيال.
بالنسة ألك والصديق ياس حكى عن مثال صار معو والقصة حسب ماتفهم الموضوع
وأيام الاخوان المسلمين ولت وانقرضت والغير مسموحلهون يحكو مو السنة باعتبارهون غالبية الشعب السوري بل التيارات السلفية الموالية لنهج القاعدة والحركات الاصولية.
هي كلنا ضدها ولكن قصدي تغييب أي فكر أو تيار تحت هذا الأتهام
غالبية الشعب السوري من العرب السنة وهم يتمتعون بنفس الحقوق مع المسيحين وباقي الطوائف.


:D

انا ماحبيت أذكر دين أو مذهب الصديقيين حتى لا يضيع الموضوع عن هدفو
قمتوا لحقتوا مذهبي وهاد واقع لأنو الأخوان المسلميين والقاعدة وغيرهم سنة :D

موضوع مهم جدا وجميل... على الأغلب راح ينفهم غلط من كتير عالم لذلك ردي راح يكون دعوة لقرائته بتمعن و فهمه جيدا... مشان ما يصير عندي شغل كثير :lol:

بمحادثة مع صديق من الأخوة المسيحيين, كنا نتحدث عن البلد و أوضاع البلد, فكلامو بصراحة استغربتو لأنو هو شخص نوعا ما حيادي يميل الى المعارضة نوعا ما بآرائه حول عدة قضايا... فكان ردو انو اخي صح فساد و ظلم و استبداد و كل شي تريدو بس أنا كمسيحي ما بقدر غير قول انو الله يديمهون لأنو لو راحو المسيحية راح ينبادو بسوريا.... انو طبعا استغربت و استنكرت جدا جدا... بس بعدين تذكرت مقولة مشهورة باسبانيا بالخمسينات و الستينات باسبانيا عن فرانكو.. كانو الناس يقولو انو الله يلعنو بس الله يخليه.... و السبب انو الجهاز الاعلامي لفرانكو كان يلعب على وتر كاثوليكية الشعب الاسباني و تدينه في تلك الفترة.. فكان مقنع العالم انو اذا مو هو الحاكم راح يجو الحمر "الشيوعيين" و يمنعو الصلاة و يحرقو الكنائس و الكاتدرائيات و يدبحو رجال الدين... فكان هالقول عن فرانكو منتشر انو و الله عالقليلة بفضلو فينا نصلي....

طبعا التاريخ كذّب فرانكو... أقصى ما وصله الشيوعيين بعد وفاة فرانكو و اقامة النظام الديمقراطي كان 15 برلماني من أصل 350, و الآن لا يملكون الا 5 برلمانيين


شكرا عالموضوع:D
هذا تماما ماقصدته مشكور ياس
من المؤكد أنك تستحق لقب مفكر أخوية
ومتل ماقلت في كتير عالم ماحتاخد الموضوع بتجرد وتحولوا لطائفي :D

بلد كلها رؤساء من وين بدي جبلكم شعب
اه اولولي بالله من وين


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
صديقي القصة قصة فكر وتوجه مو مناصب
مشكور :larg:

:lol: لك ليش عم نطلع عن الموضوع ؟

اي .. انا من هالأقليات اللي ربيت .. ورددت ولا تزال لكتير اوقات بتردد .. القول الشهير
" الله يديم البعثية .. إذا البديل هو حكم الأغلبية " ..
هادا شي انشغل عليه كتير كتير .. .انشغل عليه بإعطاء الاقليات امتيازات ( من التجمع للمدارس .. لل إلخ ) .. بالتلويح بأحداث حماه والأخوان
لك عمي ببساطة هيك .. ليش عناصر الأمن موجودة بطقوس صلواتنا وقت الأعياد " ليش هيك بيوقف وبيسدلك الطريق " لتعدي نهار الجمعة العظيمة ..
مو ليحسسك أنو أنا إذا ما كنت موجود أنت بخطر ؟ :?

لأي درجة هالخطر موجود وحقيقي ؟ :) ما بعرف .. اي للصراحة ما بعرف :oops: كتيراوقات بحس انو شيء بتفكيرنا اعمق مني أني اقدر انزعو بسهولة .. او انظرلو بحيادية
نعم في فكري انو رح تتم إبادتنا في حال وصل السني للحكم .. في فكري انو رح نفقد مدارسنا وكنائسنا ..
نعم في فكري انو نحنا كأقلية اليوم ننعم بامتيازات ناتجة عن الحكم البعثي .. وما بعرف إذا بقدر ضحي فيها
نعم في فكري أنو التغيير بحاجة لدم .. ونعم انا استسلامية لدرجة أنو ما بدي الدم يكون دم طائفتي :)
نعم في فكري انن عم يحموني من الذوبان .. في الأغلبية .. ونعم اخاف من التلويح بالتجربة العراقية والتجربة اللبنانية ... او حتى بالتلويح بمشاكل الأقباط بمصر

بس هالبعد العاطفي .. " الحقيقي أو الوهمي " انشغل عليه كتير وبذكاء وحرفية عالية
لهيك هالأقليات اليوم .. :) - غالبا ً مشان ما عمم - مؤيدين للحكم .. وعندن خوف من الأغلبية ..

بس ...

ومتل ماقلت في كتير عالم ماحتاخد الموضوع بتجرد وتحولوا لطائفي :D
ولك انت ما فهمتنا المقصود من الموضوع بوضوح.
وبلشتو بشكل انو السنة مظلومين بهالبلد وبيلزقو فيهون تهم الارهاب.
على كلِ انا بشوف انو لا مظلومين ولا شي ووضعهون متل هالبشر بهالبلد.
مثال ياس كتير عجبني وحبيتو.
وأنا من الناس الي ما بئول الله يخلي النظام لأنو حاميلنا معتقدنا.
بل نحنا بدنا نظام ديمقراطي يحمي معتقدات الجميع ويحافط على وحدة الوطن.
بالنهاية أمام الوطنية وحب الوطن ما في دين ولا معتقد.
:D

الشغلة يا جماعة مو شغلة سني و لا علوي و لا بوذي بالنهاية كلنا سوريين

ما بعرف ليش أخي محارب عندو هالشعور

بغض النظر عن الطائفة او الدين لازم النظرة تكون على كفاءة الشخص هل هو كفؤ لتحمل مسؤولية ما أم لا

عندما يكون الشخص قادر على تحمل مسؤولية و العمل الجاد في مصلحة البلد فلم لا بغض النظر عن طائفته

ما بظن انو في نظرة طائفية ببلدنا

لهيك هالأقليات اليوم .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// - غالبا ً مشان ما عمم - مؤيدين للحكم .. وعندن خوف من الأغلبية ..

أصبتي كبد الحقيقة
نحنا بدنا نظام يحمينا من الاغلبية بس مو بالقمع بل بالديمقراطية
نحنا حاسين انو نحنا محميين بهالنظام وأكيد متل ما حكيت أنا قبل انو أحسن من اي نظام أصولي أو اسلامي متعصب.
يعني برفض حكومات على اساس ديني ولو كان هادا البديل لأ الله يخلي حكم البعث.
اما لو كان البديل الديمقراطية على شاكلة تركيا أهلاً وسهلاً بالتغيير.
:D

الحديث عن السنة كأكثرية بالموضوع الأساسي (هلأ انتبهتلو)
لا ياس أنا فصلت لما ذكرت السنة ولما ذكرت المسلميين كأكثرية مع أنو هاد الواقع
وهدف الفكرة موطائفي أنما فكر مرتبط بطائفة


النقطة الثانية, الموضوع الطائفي... سوريا ولو انو في طائفية بس انو وضعنا احسن من غيرنا بكتير... بس يا ترى بهالمنبر كم مرة سمعانين انو لو "انفلت الوضع" انو راح يصير الحكم اسلامي و تتذبّح الطوائف الأخرى, و كم مرة سمعنا انو "ما خرجنا ديمقراطية" لأنو الشعب راح يسمع كلمة رجال الدين؟ و راح نصير متل العراق
هذا تماما بيت القصيد

ماني مع فكرة الأساس الطائفي للحكم, أنا مجرد انو ضد انو كأنو طوائف هالبلد واقفة على بعضها على تكة و بس "فلت الوضع" راح تبلش المذابح, يعني شعور بعض أبناء الأقليات انو النظام الأمني هو الضمان لوجودهم و من دون هالنظام الأمني راح يتدمرو او على الأقل يتهمشو أعتقد انو ضار... ضار بشكل أساسي للبلد. كلنا أبناء هالبلد و ادخال الطائفة أو الدين بالسياسة (من الناحية الولائية)غلط كبير
لكن للأسف هذا الواقع :D

بس بتمنى ماحدا يخرج عن الموضوع حتى ما يتعرض موضوع أخي المحارب للحذف

خلونا نتناقش بأخلاقية و بتفاهم و بحضارة و وعي

:D

على كلِ انا بشوف انو لا مظلومين ولا شي ووضعهون متل هالبشر بهالبلد.

بحمد الله عنا بسوريا طائفيتنا اجتماعية و غير سياسية... يعني انو نحنا ما بنجوز بناتنا من طوائف اخرى بس متل بعضها انو مديرنا بالشغل من غير طائفة... بس هاد جزء من تراثنا و من حياتنا... و مو نتيجة نظام امني عم يأمن هالشي

شوف رد مرسيل فوق... هاد قصدي. في شعور عند نسبة كبيرة من أبناء الأقليات انو خيو هالنظام هو اللي مأمننا, و من دونو راح نروح بشربة مي, و اجت مشكلة العراق زوّدت هالشعور. أخي مو صحيح هالكلام. و سمعانو من مرسيل قبل...
هالشعور بيخوّفهون من التغيير... لأنو أمانهون (نظريا) في خطر بهالتغيير

و ما فيني غير قول انو فارس بيك الخوري قعد سنة و 8 شهور و من ضمن صلاحياتو وزارة الأوقاف و ما حدا قال شي....


بس انو هاد شعور متجذر... واقعي و ما فينا ننكرو...


تحية:D

رح قلكم شغلة

ابوه لرفيقي من الساحل قلي انو قبل ما يكون القائد الخالد رئيس ما كان علوي يسترجي ينزل عالمدينة

وكانو يضلو بالضيعة و يجي التاجر السني يشتري اللي عندهم و بالسعر اللي هوي بيحطو ويا ويلو اللي بيعترض

عفوا انو هيك عم اكتب بس مشان أخي محارب يعرف ليش خايفين وهي حقيقة كانت حيث انو العلوي دمه و عرضة و ماله مستباح و لا يعتبر العلوي مسلم بل هو كافر

مع انو منعرف انو السنة بشكل عام ضد الاخوان المسلمين وتصرفاتهم الارهابية كمان السنة تعرضو لارهاب الاخوان متل العلويين تماما

:lol: لك ليش عم نطلع عن الموضوع ؟

اي .. انا من هالأقليات اللي ربيت .. ورددت ولا تزال لكتير اوقات بتردد .. القول الشهير
" الله يديم البعثية .. إذا البديل هو حكم الأغلبية " ..
هادا شي انشغل عليه كتير كتير .. .انشغل عليه بإعطاء الاقليات امتيازات ( من التجمع للمدارس .. لل إلخ ) .. بالتلويح بأحداث حماه والأخوان
لك عمي ببساطة هيك .. ليش عناصر الأمن موجودة بطقوس صلواتنا وقت الأعياد " ليش هيك بيوقف وبيسدلك الطريق " لتعدي نهار الجمعة العظيمة ..
مو ليحسسك أنو أنا إذا ما كنت موجود أنت بخطر ؟ :?

لأي درجة هالخطر موجود وحقيقي ؟ :) ما بعرف .. اي للصراحة ما بعرف :oops: كتيراوقات بحس انو شيء بتفكيرنا اعمق مني أني اقدر انزعو بسهولة .. او انظرلو بحيادية
نعم في فكري انو رح تتم إبادتنا في حال وصل السني للحكم .. في فكري انو رح نفقد مدارسنا وكنائسنا ..
نعم في فكري انو نحنا كأقلية اليوم ننعم بامتيازات ناتجة عن الحكم البعثي .. وما بعرف إذا بقدر ضحي فيها
نعم في فكري أنو التغيير بحاجة لدم .. ونعم انا استسلامية لدرجة أنو ما بدي الدم يكون دم طائفتي :)
نعم في فكري انن عم يحموني من الذوبان .. في الأغلبية .. ونعم اخاف من التلويح بالتجربة العراقية والتجربة اللبنانية ... او حتى بالتلويح بمشاكل الأقباط بمصر

بس هالبعد العاطفي .. " الحقيقي أو الوهمي " انشغل عليه كتير وبذكاء وحرفية عالية
لهيك هالأقليات اليوم .. :) - غالبا ً مشان ما عمم - مؤيدين للحكم .. وعندن خوف من الأغلبية ..

بس ...









أصبت الحقيقة ومثال حماة والأخوان هو ما أسمعه باستمرار :D

تسجيل دخول
الموضوع جميل ومثير بالنسبة لي
مع أحترامي للجميع
لي عودة إن شاء الله

اما لو كان البديل الديمقراطية على شاكلة تركيا أهلاً وسهلاً بالتغيير.

:D

هون كتير حبيتك وفهمتني
وهذا ماكنت أريد كتابته كمثال ولكني لم أرد أطالة الموضوع وتشتيته
أذا جاء حزب بأيديلوجية أسلامية معتدلة تضمن حقوق المواطنة كاملة فلما لا ولما التخوف منها والحكم عليه سلفا"
حزب العدالة والتنمية في تركيا هو من يحاول أعطاء الأقليات العلوية والكردية حقها وهو من أعطى الأقلية المحجبة حقها بأرتياد الجامعات رغم الغالبية الأسلامية في الوقت الذي حرمهم منه القوميين والعلمانيين
على الهامش أنا من أشد المعجبين بحزب التنمية والعدالة التركي والتجربة التركية
وخاصة بأردوغان وغول رمز الاسلام السياسي المنفتح

[quote=yass;911072]

و ما فيني غير قول انو فارس بيك الخوري قعد سنة و 8 شهور و من ضمن صلاحياتو وزارة الأوقاف و ما حدا قال شي....




تحية:D[/quot
من أعظم الشخصيات التي مرت في تاريخ سوريا على الأطلاق
وهنا يظهر أن الوطنية الحقيقية تطغى الدين :D

مصانع للصور الشائهة والأفكار المغلوطة
المسلمين = نازييين هذا فكر غربي
قال الواعظ الامريكي بات روبرتسون ان المسلمين نازيين
وأضاف أن المسلمين أسوأ من النازيين أدولف هتلر كان سيئا لكن ما يريد المسلمون أن يفعلوه باليهود اسوا
آمل بأن يستيقظ اليهود في أميركا وأن يفتحوا أعينهم ويقرؤوا ما يقال عنهم معتبرا أن المسلمين يريدون إبادة اليهود
لا سيما ان هتلر عمل باسرائل لا ينساه التاريخ
لا يفلت من هذه النظرة حتى عالم الأكاديميا وصفوف الذين تربطهم حياتهم الجامعية والمهنية بدراسة الإسلام حيث من الواضح أولهما الذي يضم الأغلبية العظمى مصرلاسباب مختلفة محورها على أن الإسلام هو جوهر المشكلة الكبرى وأن جميع الحركات أو الجماعات الأصولية الإسلامية تمثل خطراً حقيقياً على الغرب
كما يقول البروفيسور جون اسبوزيتو أستاذ الدراسات الإسلامية ومؤسس مركز التفاهم الإسلامي المسيحي في جامعة جورجتاون
ومؤلف العديد من الكتب عن الإسلام ويتعرض هو وزملائه الى انتقادات حاده في كتاب صدر في أكتوبر بعنوان : أبراج عاجية على الرمل لأحد أبرز عتاة المعسكر الأول مارتن كرايمر وهو صهيوني يدرس في الولايات المتحدة وإسرائيل ويرأس تحرير فصلية الشرق الأوسط التي أسسها دانيال بايبس الزي قال ان الإسلام الأصولي قائم ضمن حدود الإسلام التاريخي
يجب اعتبارهم قتلة محتملين
وهم مثل النازيين واللينيين قد يعيشون حياتهم الخاصة من دون عنف لكن دعمهم لقوة بربرية يعني أنهم أيضاً بربريون ويجب معاملتهم على هذا الأساس !!

رح قلكم شغلة

ابوه لرفيقي من الساحل قلي انو قبل ما يكون القائد الخالد رئيس ما كان علوي يسترجي ينزل عالمدينة
أعتقد ولا أجزم أن ماقاله والد صديقك يندرج تحت التهويل الذي نقصده
فربما كان هناك حالات شاذة وليست عامة وألا لما كان وصل القائد الخالد لمنصب وزير الدفاع
فكانت حالات فردية قابلها حالات تشبيح فردية في السبعينات والثمانينات ضد أهل المناطق السنية
وكانو يضلو بالضيعة و يجي التاجر السني يشتري اللي عندهم و بالسعر اللي هوي بيحطو ويا ويلو اللي بيعترض

عفوا انو هيك عم اكتب بس مشان أخي محارب يعرف ليش خايفين وهي حقيقة كانت حيث انو العلوي دمه و عرضة و ماله مستباح و لا يعتبر العلوي مسلم بل هو كافر

مع انو منعرف انو السنة بشكل عام ضد الاخوان المسلمين وتصرفاتهم الارهابية كمان السنة تعرضو لارهاب الاخوان متل العلويين تماما

أعتقد بعد هذا الأنفتاح الحضاري التكنولوجي وهذه التجارب التي مرينا بها أن أخطاء الماضي لن تتكرر
حتى الأخوان المسلميين ( المثال السيء ) أعلنوا تغيير أستراتيجيتهم
ومشكور على جميع الردود :D

مشان أخي محارب يعرف ليش خايفين وهي حقيقة كانت حيث انو العلوي دمه و عرضة و ماله مستباح و لا يعتبر العلوي مسلم بل هو كافر

مادام عم تجزم انو الأمر حقيقة... ممكن تحدد مين مستبيح دم و عرض و مال العلوي؟ و مين معتبرو كافر؟

مصانع للصور الشائهة والأفكار المغلوطة
المسلمين = نازييين هذا فكر غربي
قال الواعظ الامريكي بات روبرتسون ان المسلمين نازيين
وأضاف أن المسلمين أسوأ من النازيين أدولف هتلر كان سيئا لكن ما يريد المسلمون أن يفعلوه باليهود اسوا
آمل بأن يستيقظ اليهود في أميركا وأن يفتحوا أعينهم ويقرؤوا ما يقال عنهم معتبرا أن المسلمين يريدون إبادة اليهود
لا سيما ان هتلر عمل باسرائل لا ينساه التاريخ
لا يفلت من هذه النظرة حتى عالم الأكاديميا وصفوف الذين تربطهم حياتهم الجامعية والمهنية بدراسة الإسلام حيث من الواضح أولهما الذي يضم الأغلبية العظمى مصرلاسباب مختلفة محورها على أن الإسلام هو جوهر المشكلة الكبرى وأن جميع الحركات أو الجماعات الأصولية الإسلامية تمثل خطراً حقيقياً على الغرب
كما يقول البروفيسور جون اسبوزيتو أستاذ الدراسات الإسلامية ومؤسس مركز التفاهم الإسلامي المسيحي في جامعة جورجتاون
ومؤلف العديد من الكتب عن الإسلام ويتعرض هو وزملائه الى انتقادات حاده في كتاب صدر في أكتوبر بعنوان : أبراج عاجية على الرمل لأحد أبرز عتاة المعسكر الأول مارتن كرايمر وهو صهيوني يدرس في الولايات المتحدة وإسرائيل ويرأس تحرير فصلية الشرق الأوسط التي أسسها دانيال بايبس الزي قال ان الإسلام الأصولي قائم ضمن حدود الإسلام التاريخي
يجب اعتبارهم قتلة محتملين
وهم مثل النازيين واللينيين قد يعيشون حياتهم الخاصة من دون عنف لكن دعمهم لقوة بربرية يعني أنهم أيضاً بربريون ويجب معاملتهم على هذا الأساس !!
مشكورأخي مسلم على المرور
وأنت أعطيت الموضوع البعد العالمي :D

ما بظن انو في نظرة طائفية ببلدنا
لاأحد ينكر استلام الطائفة العلوية للمناصب الحساسة بالبلد متل المناصب الأمنية ...
واذا فكر اي شخص من الطائفة السنية يقدم على وظيفة بمنصب أمني يرفض طلبه فوراً وشفنا كم حالة صارت بدمشق ! يعني انا اعتبر ذلك اجحاف بحق المسلمين السنة اللي بالبلد اللي بيمثلوا اغلبية الشعب!
وكما قال الاخ محارب 95% اذا ماكانت النسبة اكتر من المسلمين السنة ضد الاعمال الاجرامية للاخوان المسلمين







ابوه لرفيقي من الساحل قلي انو قبل ما يكون القائد الخالد رئيس ما كان علوي يسترجي ينزل عالمدينة


اخالفك الرأي .. هاد الكلام مجرد فزاعة بيخوفوا فيها الطوائف الاخرى


مادام عم تجزم انو الأمر حقيقة... ممكن تحدد مين مستبيح دم و عرض و مال العلوي؟ و مين معتبرو كافر؟

انا كنت بدي اسئلك نفس السؤال اللي سأله الاخ ياس .. اتمنى تعطينا جواب


اما لو كان البديل الديمقراطية على شاكلة تركيا أهلاً وسهلاً بالتغيير

الديمقراطية التركية المطبقة حالياً ... ديمقراطية مطبقة على جميع الطوائف بمن فيها الطائفة السنية .. أهلا وسهلا بهكذا ديمقراطيات

مرحبا
الموضوع الأساسي واضح و فكرته صحيحة و موجودة و لكن للأسف أسيء فهمه من قبل البعض.

في فكرتين حابب اعطي رأيي فيهم

1- النمطية موجودة بمجتمعنا و بتعاني منها فئات اخرى كمان. بنفس المبدأ اذا مواطن سوري كردي (من الأكراد القدماء الشوام او غيرهم مثلا) حب ينتسب للمعارضة من مبدأ انساني, ممكن يتم النظر إليه كإنفصالي. المواطن السوري من الطائفة العلوية كمان محسوب انه منتفع من النظام مع انو اغلبيتهم معترين و ما واصلهم شي و واقعين بين سندانين... اذا حكى ضد النظام بيطلع "خاين" للطائفة و يمكن يتعاقب بشراسة اكتر.. و اذا ما حكى بيطلع منتفع.. و هو بالحالتين ما واصله شي. مجتمعنا بشكل عام الحمدلله بيزخر بهيك أمثلة من التنميط و الظلم

2- انا كمسيحي بعتبر ترهيب المسيحيين من الأغلبية السنية هراء و حكي فاضي بشكل عام و لو انو في حالات شاذة موجودة سببها الجهل و الفقر. يمكن يكون اكتشاف هالشي صعب شوي و بعتبر انو خروجي من سوريا و تعاملي مع شعوب اميركية ساعدني اني شوف بعض الأمور بوضوح اكتر (على الأقل انا هيك بشوف حاليا, يمكن بالعكس عملي غبش!).. بس انا بشوف انو فكرة ترهيب الأقليات و خاصة المسيحيين خاطئة و خاطئة جدا لعدة أسباب:
واحد: نحنا عشنا كللللل تاريخنا تقريبا تحت الحكم الإسلامي! صح اعدادنا انخفضت من 100 بالمية لعشرة بالمية خلال شي ألف و خمسمية سنة!! يعني فترة كبيرة جدا و الانخفاض الأكبر كان باواخر الحقبة العثمانية بينما النسبة بسوريا الطبيعية كانت حوالي النصف لفترات طويلة جدا... و صح في مسيحيين هاجروا على مناطق نائية بالأحراش و الجبال و الوديان... الله اعلم ليش... بس في غيرهم كتير ضلوا ساكنين بالمدن و عندهم حاراتهم الخاصة و محلاتهم بالأسواق و مصالحهم ... بس على حد علمي البعث ما كان حامينا خلال كل حقبات التاريخ... على حد علمي كان في دولة .. و الدولة كان إلها هيبتها و ضمانتها لأهل هالدولة... و نحنا كنا مواطنين درجة تانية... بس كنا مواطنين... يعني ليش هلق لما رح يروح البعث رح يتم القضاء علينا؟ ليش؟ شو الفكرة؟ ماني شايف فكرة... يمكن السبب الوحيد يلي ممكن يأدي لهل شي لا سمح الله هو استمرارنا كمسيحيين بعزل انفسنا عن بيئتنا العربية و انو نحنا خطي و الله يساعدنا... و هادا غلط... نحنا جزء من هالنسيج و هالوطن... و لازم نتحمل و نسعى للحرية و الأحسن متلنا متل باقي السوريين... ما نستنى غيرنا ليعمل الثورة (ما ضروري عسكرية... انو ثورة بأي مجال... بس اي شي بيتعلق بمصير البلد)
تنين: اذا حبينا نقارن الخطر الافتراضي على المسيحيين... فأنا بشوف انو بظل دولة طائفية تقوم على تهميش الأغلبية السنية, وضع كل الأقليات بخطر أكبر بكتير من بظل دولة اخدة فيها الأغلبية حقها الشرعي. تذكروا يا جماعة الخير إنو الإنسان لما يكون قوي, ما بيكون ظالم... ما بيكون همجي... بالعكس بيكون متسامح.. لانو قوي... مانو مضطر يتقاوى على حدا.... بينما لما يكون الإنسان مهضوم الحقوق... رح يتجه نحو التعصب الديني ... و مين اكتر شي عم يزيد من التعصب الديني بين الحشود؟؟ الظلم السياسي

خلاصة... انا مقتنع انو لما كل فئات المجتمع تستلم دورها الطبيعي... يعني دولة سورية سنية بشكل طبيعي... كل الأقليات رح تعيش بسلام حقيقي.... على عكس السلام الأمني المخابراتي الزائف يلي نحنا هلق عايشينو... و يلي فعلا بيحط كل مواطنين البلد على كف عفريت. و انا حسب خبرتي المتواضعة كل مالي بتأكد انو نحنا الشعوب العربية فعلا شعوب محبة للسلام و الاسترخاء و البسط... و بس بدنا نعيش بأمان حقيقي و حقوق طبيعية...

خلاصة... انا مقتنع انو لما كل فئات المجتمع تستلم دورها الطبيعي... يعني دولة سورية سنية بشكل طبيعي... كل الأقليات رح تعيش بسلام حقيقي.... على عكس السلام الأمني المخابراتي الزائف يلي نحنا هلق عايشينو... و يلي فعلا بيحط كل مواطنين البلد على كف عفريت. و انا حسب خبرتي المتواضعة كل مالي بتأكد انو نحنا الشعوب العربية فعلا شعوب محبة للسلام و الاسترخاء و البسط... و بس بدنا نعيش بأمان حقيقي و حقوق طبيعية...


ماعندي تعقيب غير انك كفيت ووفيت ..
انت نموذج للمواطن السوري المتحضر والواعي :D

النقطة الثانية, الموضوع الطائفي... سوريا ولو انو في طائفية بس انو وضعنا احسن من غيرنا بكتير... بس يا ترى بهالمنبر كم مرة سمعانين انو لو "انفلت الوضع" انو راح يصير الحكم اسلامي و تتذبّح الطوائف الأخرى, و كم مرة سمعنا انو "ما خرجنا ديمقراطية" لأنو الشعب راح يسمع كلمة رجال الدين؟ و راح نصير متل العراق
اي ..... بس مو هي فكرة الموضوع الاساسية .... هي فكرة زغيرة من الافكار يللي وردت بالموضوع

الفكرة الاساسية يللي عم يحكيها بالموضوع ... هي فكرة ظلم الطائفة السنية و تحميلها تبائع تصرفات الأخوان المسلمين من زمان
بقى ما بعرف قديش مزبوطة هالفكرة بسوريا

مادام عم تجزم انو الأمر حقيقة... ممكن تحدد مين مستبيح دم و عرض و مال العلوي؟ و مين معتبرو كافر؟
اي أكيد الامر كان حقيقي قبل الـ 1963
و للأسف هالأمور مستندة على نصوص ( شرعية عند الطائفة السنة و لا سيما افتاءات ابن تيمية )

صديقي جميع مناصب الدولة العليا غير العسكرية مقسمة حسب الطوائف والمحافظات وأحزاب الجبهة وعددهم ... وهم ليسوا بالنتيجة ممثليين حقيقيين وهذا بعيد عن الفكرة الرئيسية للموضوع
وضعهون ...متل وضع جميع الطوائف ..... يعني تمثيلهون الواقعي مو أسوأ من التمثيل العلوي و مو أسوأ من التمثيل المسيحي
بس ما بعرف شو بتعني انت بالتمثيل .....
يعني اذا بتقصد بالتمثيل ... أنو لازم يجيبوا ناس بتحمل ايديولوجيا سياسية اسلامية
فأكيد هيك منكون رجعنا قرون لورا .....و ما بظن حدا من يللي عم يحكوا هون بيتمنى يرجع يعيش بظل نظان طائفي ... شو ما كان لونو







خلاصة الموضوع ..... أنو نسيتو كل سلبيات الحكم ..و اجيتو تنتقدوا النقطة الايجابية الوحيدة يللي عنا ..؟؟

لاأحد ينكر استلام الطائفة العلوية للمناصب الحساسة بالبلد متل المناصب الأمنية ...
واذا فكر اي شخص من الطائفة السنية يقدم على وظيفة بمنصب أمني يرفض طلبه فوراً وشفنا كم حالة صارت بدمشق ! يعني انا اعتبر ذلك اجحاف بحق المسلمين السنة اللي بالبلد اللي بيمثلوا اغلبية الشعب!
وكما قال الاخ محارب 95% اذا ماكانت النسبة اكتر من المسلمين السنة ضد الاعمال الاجرامية للاخوان المسلمين

وبرأيي استلام العلويين للمناصب اللي عم توصفها حضرتك بالحساسة شي ذات اهمية و بعتقد انو حقق شي كبير لسورية من حيث انو ضمنت حقوق الاقليات الاخرى حيث انو العلويين عانو من التمييز و العنصرية طوال عصور يعني بيعرفو شعور الاضطهاد اللي ممكن تعانيه اي اقلية وهالشي حقق توازن بالبلد
هلق بدك تجبلي انو الاكراد عم يضطهدو
اي مامعك حق لانو هنن جابو الدب لكرمهم وبدهم دولة مستقلة

طبعا انو اغلب السنة هنن ضد اعمال الاخوان المسلمين و علاقة السنة والعلويين هالايام علاقة طيبة متل ماني ملاحظ وما شفت اي مشكلة ذات وجه طائفي







اخالفك الرأي .. هاد الكلام مجرد فزاعة بيخوفوا فيها الطوائف الاخرى

وحياتك هي حقيقة وابي الله يرحمو حكالي هالحكي والتاريخ بيحكيلك هالحكي

شوف صلاح الدين و المجازر اللي عملها

شوف الاتراك والمجازر اللي عملوها بالعلويين


انا كنت بدي اسئلك نفس السؤال اللي سأله الاخ ياس .. اتمنى تعطينا جواب


وصل الجواب




الديمقراطية التركية المطبقة حالياً ... ديمقراطية مطبقة على جميع الطوائف بمن فيها الطائفة السنية .. أهلا وسهلا بهكذا ديمقراطيات


وبرأيي استلام العلويين للمناصب اللي عم توصفها حضرتك بالحساسة شي ذات اهمية و بعتقد انو حقق شي كبير لسورية من حيث انو ضمنت حقوق الاقليات الاخرى حيث انو العلويين عانو من التمييز و العنصرية طوال عصور يعني بيعرفو شعور الاضطهاد اللي ممكن تعانيه اي اقلية وهالشي حقق توازن بالبلد
هلق بدك تجبلي انو الاكراد عم يضطهدو
اي مامعك حق لانو هنن جابو الدب لكرمهم وبدهم دولة مستقلة

طبعا انو اغلب السنة هنن ضد اعمال الاخوان المسلمين و علاقة السنة والعلويين هالايام علاقة طيبة متل ماني ملاحظ وما شفت اي مشكلة ذات وجه طائفي







اخالفك الرأي .. هاد الكلام مجرد فزاعة بيخوفوا فيها الطوائف الاخرى

وحياتك هي حقيقة وابي الله يرحمو حكالي هالحكي والتاريخ بيحكيلك هالحكي

شوف صلاح الدين و المجازر اللي عملها

شوف الاتراك والمجازر اللي عملوها بالعلويين


انا كنت بدي اسئلك نفس السؤال اللي سأله الاخ ياس .. اتمنى تعطينا جواب


وصل الجواب

إن نصف الناس أعداء لمن .. ولي الأحكام هذا ان عدل

يعني قصدي قول في ناس بتعارض بشغلات ممكن ينحكى فيها ومتل هيك عالم لازم نحاورون كرمال نبني وطن
وفي عالم متل الأخ صاحب الموضوع و غيرو همون يعارضوا بشغلات ما الها اساس بالواقع بس لمجرد المعارضةو متل هيك عالم بتصور عم نضيع وقتنا بالمناقشة معن

وبالأخير ارضاء الناس غاية لا تدرك

1. المواطن السوري من الطائفة العلوية كمان محسوب انه منتفع من النظام مع انو اغلبيتهم معترين و ما واصلهم شي و واقعين بين سندانين... اذا حكى ضد النظام بيطلع "خاين" للطائفة و يمكن يتعاقب بشراسة اكتر.. و اذا ما حكى بيطلع منتفع.. و هو بالحالتين ما واصله شي.



بعتبر ترهيب المسيحيين من الأغلبية السنية هراء و حكي فاضي بشكل عام و لو انو في حالات شاذة موجودة سببها الجهل و الفقر.




غيرهم كتير ضلوا ساكنين بالمدن و عندهم حاراتهم الخاصة و محلاتهم بالأسواق و مصالحهم ... بس على حد علمي البعث ما كان حامينا خلال كل حقبات التاريخ... على حد علمي كان في دولة .. و الدولة كان إلها هيبتها و ضمانتها لأهل هالدولة...



و نحنا كنا مواطنين درجة تانية... بس كنا مواطنين... يعني ليش هلق لما رح يروح البعث رح يتم القضاء علينا؟ ليش؟ شو الفكرة؟ ماني شايف فكرة... يمكن السبب الوحيد يلي ممكن يأدي لهل شي لا سمح الله هو استمرارنا كمسيحيين بعزل انفسنا عن بيئتنا العربية

و هادا غلط... نحنا جزء من هالنسيج و هالوطن... و لازم نتحمل و نسعى للحرية و الأحسن متلنا متل باقي السوريين... ما نستنى غيرنا ليعمل الثورة (ما ضروري عسكرية... انو ثورة بأي مجال... بس اي شي بيتعلق بمصير البلد)




تذكروا يا جماعة الخير إنو الإنسان لما يكون قوي, ما بيكون ظالم... ما بيكون همجي... بالعكس بيكون متسامح.. لانو قوي... مانو مضطر يتقاوى على حدا.... بينما لما يكون الإنسان مهضوم الحقوق... رح يتجه نحو التعصب الديني ... و مين اكتر شي عم يزيد من التعصب الديني بين الحشود؟؟

...



معك مليون بالميه


وبرجــع

لحظة لحظة شباب :jakoush: انا ملاحظ انو كترانة المواضيع يللي بتحكي عن اكترية سنية بسورية و مع اني ما كنت حابب احكي بهالموضوع بس خلونا نحط النقط ع الحروف

علويين 16%

دروز واسماعيليين 10%

مسيحيين 12% "اذا منحسب بالمغترب بيصيروا 16%"

اكراد حوالي 18%

بيضلو العرب السنة40_ 44%


بس بحب اكد انوكلنا منتمنى نوصل للمرحلة يللي منتعتبر فيها انو100%سنة و 100%علويون و 100%مسيحيين .....
:D

أعتقد بعد هذا الأنفتاح الحضاري التكنولوجي وهذه التجارب التي مرينا بها أن أخطاء الماضي لن تتكرر
حتى الأخوان المسلميين ( المثال السيء ) أعلنوا تغيير أستراتيجيتهم
ومشكور على جميع الردود :D
حبيبي ركز معي شوية
اللي حكاه سوريانا صحيح مية بالمية و اكد عليه مادماكس
و فيك تسال الناس الكبيرة بالعمر و هنن بيقولولك هالحكي صحيح
و لاعطيط مثال صغير تاني:
ليش العلويين كانو عايشين بالجبال؟ليش هنيك مو باي منطقة تانية؟لانو هنيك كان صعب الوصول الهن بعد ما ضلو يهربوا من مكان لمكان من التدبيح و القتل اللي كانو عم يتعرضو الو من وقت ما بلشت الدولة الاموية مرورا بالعباسية ثم الاتراك ولا تقلي انو هالشي موصحيح لاني بهالحالة رح قلك اسف بس انت ما بتعرف تاريخ الحروب الطائفية و المدابح اللي كانت تصير عنا

لاأحد ينكر استلام الطائفة العلوية للمناصب الحساسة بالبلد متل المناصب الأمنية ...
واذا فكر اي شخص من الطائفة السنية يقدم على وظيفة بمنصب أمني يرفض طلبه فوراً وشفنا كم حالة صارت بدمشق ! يعني انا اعتبر ذلك اجحاف بحق المسلمين السنة اللي بالبلد اللي بيمثلوا اغلبية الشعب!
وكما قال الاخ محارب 95% اذا ماكانت النسبة اكتر من المسلمين السنة ضد الاعمال الاجرامية للاخوان المسلمين


ماجد...اتمنى عدم التعميم...يعني مثال واحد او مثالين ما بيعبر عن الحالة العامة...و بعدين لا تنسى شغلة الواسطات و الرشاوي و المحسوبيات عنا...اللي بتقرر باغلب الحالات بدل ما الكفاءات هيي اللي تقرر



اخالفك الرأي .. هاد الكلام مجرد فزاعة بيخوفوا فيها الطوائف الاخرى

بيجوز....الله يسمع منكنو ما يكون هالكلام صحيح ;)


الديمقراطية التركية المطبقة حالياً ... ديمقراطية مطبقة على جميع الطوائف بمن فيها الطائفة السنية .. أهلا وسهلا بهكذا ديمقراطيات

مادام عم تجزم انو الأمر حقيقة... ممكن تحدد مين مستبيح دم و عرض و مال العلوي؟ و مين معتبرو كافر؟
ياسين...بلا مؤاخذة بس انت عايش اغلب عمرك برا فلذلك قد ما كان ما رح تحس بهالشي متل اللي عايشين كل عمرن بالبلد
بعدين في فكرة يا ريت الكل ينتبهولها هون:
القصة مو قصة انو العلوي وين ما راح هو معزز مكرم والو الاولوية...هالكلام غلط و مية غلط
القصة بتعتمد بشكل رئيسي عالرشوة و المحسوبية
يعني: نفرض مثلا انو علوي فقير مالو واسطة...و واحد مثلا سني بيقرب شي لواء بالشرطة او بالجيش....و تنيناتن اتقدمو لشي وظيفة...مين مفكر رح يقبلو؟؟؟؟ العلوي؟.... اي من ط.....
انا علوي و فقير و مالي واسطة بسورية و امورنا كلها اكل خ...ى باكل خ...ى مضروبين بحجرة كبيرة انو الرئيس علوي و انو العلويين هنن ماسكين كل شي باديهن اي لاء سيدي هالحكي مو صحيح
العلوي الفقير ( وهنن قسم كبير من مجموع الطائفة العلوية بسورية ) ملعون ربو بسورية اكتر من كل الناس
هو اللي عم يتخوزق اكتر شي لانو مضروب بحجرة كبيرة عالفاضي
و بعدين بس يتغير الحكي العالم رح تفش خلاقها و منهن قسم منيح رح ينتقم من ممارسات النظام الخاطئة....و مفكر بمين رح يفشو خلقون؟؟بالعلوي اللي معو مصاري ما بتاكلها النيران ع قد ما سرق من الدولة؟؟لا حبيبي ما حزرت رح تروح علينا نحنا الفقرا بس
نحنا اللي رح يلتعن ربنا و ناكل خ..ى بالمعلقة....
اللي بيعرف الوضع مزبوط بيكون فم عليي شو قصدي واللي ما بيعرف مو مشكلة منرجع منشرحلو مرة تانية مع انو كلامي كتير كان بسيط و واضح

علويين 16%

دروز واسماعيليين 10%

مسيحيين 12% "اذا منحسب بالمغترب بيصيروا 16%"

اكراد حوالي 18%

بيضلو العرب السنة40_ 44%


كلامك هون صحيح
يعني نسبة العرب السنة هي حوالي 44 إلى 40 بالمية بالطبع كلنا بيعرف أنو الأكراد في سوريا غاليتهم مو دينيين فغالبيتهم ينتمون إلى تيارات قومية ويسارية علمانية
المهم منرجع لموضوع انو نسبة العرب السنة هي 45% فلماذا الخوف من التغيير إذن!!!؟
تنين هل كل العرب السنة هم طالبانيين في سوريا؟ الا يوجد بعثيين الا يوجد شيوعيين الا يوجد ناصريين وغيرهم الكثير الكثير وأيضاً هل كل السنة الغير علمانيين هم طالبانيين مثلاً الشيخ شحرور هل قرأ أحدكم أفكاره الشيخ جودت سعيد وغيرهم الكثير
فكرة الإسلام الأصولي الوهابي في سوريا ليست حقيقة إنما هي بربوغندا أطلقها النظام لتصويرنا كأقليات بأننا محميين من قبله
يعني المسيحيين في سوريا يعيشون منذعصور وإستلموا أرفع المناصب قبل قدوم الأسد،مثال فارس الخوري وميخائيل اليان(الكتلة الوطنية)
ثانياً سؤال يعني لماذا لم يباد المسيحيين سابقاً مثلاً بكون الظروف كانت مختلفة عن الأن
فعلى سبيل المثال في فترة الحروب الصليبية كان بإمكان السنة إبادة المسيحيين جميعاً وبسهولة وكان بإستطاعتهم إستخدام ردة الفعل من قبل العرب على الصليبين الذين قتلوا تحت راية الصليب،وفي ذلك الوقت لم يكن هناك منظمات حقوق إنسان ومجلس أمن ولا أنترنت وإعلام فكانت الإبادة ستتم بسهولة دون أن يسمع بها

أنا لا أنكر أن هناك ردة فعل ضدد العلويين حالياً،لكن الملام الأول في هذا الموضوع هو النظام الذي صور نفسة بأنه نظام طائفي بينما هو نظام عائلي مافيوي
يعني حافظ الأسد نفى أخو أبن أمو وأبو بالمشرمحي حافظ الأسد مو سأل عن أخو يوم الموضوع يتعلق بالسلطة فكيف بدو يسألعن طائفة كاملة

بس يا أصدقائي ساهمت انو العلويين من الفقراء في سورية والفقير عادة يدخل إلى الجيش بسبب سهولة الحصول على العمل في الجيش هذا أدى إلى وجود كبير للطائفة العلوية في الجيش بجانب الدروز والإسماعليين
كانوا الشوام مثلاً يقولوا عن الجيش (عدس)يعني علوي درزي أسماعيلي
يعني المسيحي والسني غالبيتهن من أهالي المدن الميسورين في سوريا لذا لا يوجد عدد كبير من السنة والمسيحيين في الجيش،وهذا من قبل سيطرة الأسد على الحكم

بس العلوي مضروب بحجرين واحد من الشعب والتاني من النظام
من النظام يلي بعطي عقوبة مضاعفة يوم بيعارض(عارف دليلة مثلاً الوحيد الذي وضع في حبس إنفرادي وحكم ب 10 سنوات من معتقلي ربيع دمشق!!!)
منظمة العمل الشيوعي أنتهت كلها في السجن وصفيت بطريقة وحشية(غالبية القيادات من خلفية علوية في المنظمة)مع العلم بأن منظمة العمل كانت من أكثر التنظيمات المعارضة تطرفاً ضدد النظام وكان مطلبها هو إسقاط النظام منذ تشكيلها
بيجي الشعب وبيقلك أنو العلوية مستفدين يأخي تفتحو شوي أي إستفادة هي العلوي ميت من الجوع لك القرداحة فيها بيوت من التبن لحد هلق!!!!!

بس النظام المجرم عم يحاول يصور هادا الشي ليضل مرعب العلوية والإقليات الأخرى من التغيير

بعدين زملائي من الأقليات :):)
أي ميزات هي يلي عم ناخدها في ظل هذا النظام يعني انتوا عم تخدموا النظام وعم تروجوا شي ضدكن بهادا الشي
يعني مثلاً المسيحية على سبيل المثال لا يزالوا في ظل الحكم "العلماني" الأسدي معدودين كمواطنين درجة تانية طالما ما الدستور ينص على ان الرئيس هو مسلم حصراً
بعدين قانون الأحوال الشخصية أيضاً يعني المسلم يستطيع أن يتزوج من المسيحية ام المسيحي لا يستطيع أن يتزوج من المسلمة أعرف بأن هذا القانون هو قانون إسلامي لكنه لا يزال قائم في ظل وجود النظام المسمى علماني والذي يطرح نفسه كحامي للأقليات!!!!!!

المروج للطائفية في هذا البلد هم الأسرة الحاكمة نحن شعب ليس بطائفي وسوريا من المستحيل أن تحكم بالعمامة

في 3 نقط حابب احكيها:

1- نحن لا نأيد أي تغيير بحيث يستلم البلد وزمام الأمور أي متطرف أو اصولي:
مثال:
واحد بمجلس أنا كنت موجود فيه وقال وعم يسمعني انو لو كان بإيدو الحكم كان أول شي بيعلمو بيهدم مقام السيدة زينب وما بيعطي الأقليات أي حقوق ورح يمنع المطربين ويفرض الحجاب.
طبعاً أنا ما أخدت وعطيت معو لأنو كل الي بيقولو أحلام بعيدة.
لكن بالاخر منخاف من أي مد أصولي داخل البلد أو أي استلام للسلطة يجردنا كأقليات من حق الاعتقاد ويجرد الوطن ككل من حق الحرية والتعبير.

2- أنا شخصياً أؤيد أي تغيير يحصل يوصل العلمانيين أو المعتدلين للحكم ومن أي طائفة ولا أؤيد بتاتاً الحكم الديني في أي بلد يحكمها التنوع الا اذا كان ذلك الخيار الديمقراطي بالانتخابات بحيث يؤمنون حقوق الأقليات و الحقوق المدنية والمساواة والحريات للجميع.

3- أنا لا أنظر للوطن والمواطنين من منطلق طائفي بل الى أبناء وطن واحد
لكن للأسف ليس الجميع ينظرون هكذا.


بالنهاية:
بتمنى يجي يوم فعلاً ما يكون في حاجة نكتب ونناقش فيه بهيك موضوع ونكون حلينا مشاكلنا.
نحنا مو طالبين غير الحرية بالوطن والحماية أو استئصال الجماعات الاصولية والفكر المنحرف الي ما بينتمي لأي طائفة.
وبتمنى ننفتح على بعض أكتر ونحب بعض أكتر ونشيل اللهجة المتعصبة من أحاديثنا.

:D

تنين هل كل العرب السنة هم طالبانيين في سوريا؟ الا يوجد بعثيين الا يوجد شيوعيين الا يوجد ناصريين وغيرهم الكثير الكثير وأيضاً هل كل السنة الغير علمانيين هم طالبانيين مثلاً الشيخ شحرور هل قرأ أحدكم أفكاره الشيخ جودت سعيد وغيرهم الكثير

صح!! كلام مهم جدا. داخل السنة مثل داخل كل الطوائف في البعثي و الناصري و الشيوعي و اللي مالو علاقة بحدا و ما دخلو بالسياسةبنوب... الخ.. يعني مافي سنّة موالاة؟ في, و اغلبيتهون كمان, ذاتا لو بدي دوس على مبادئي للحظة بسيطة و نقسم البلد الى طوائف و نعمل استبيان حول مين موالاة و مين معارضة, بتلاقي النسب متشابهة في جميع الطوائف

الطائفة بسوريا مانها مرجعية, لا نحنا متل لبنان و لا متل العراق. لا كل العلوية موالين و منتفعين و لا كل السنة حموية اخونجية قلبهون مدمّل من العلوية.. مو صحيح هالحكي بنوب, في من كل شي بكل المحلات و كل الناس خير و بركة

في حكي كتير كان بدي رد عليه بس هالموضوع بالذات ما بدي يصير فيه خروج مشان ما يساء فهمو


تحية

اي أكيد الامر كان حقيقي قبل الـ 1963
و للأسف هالأمور مستندة على نصوص ( شرعية عند الطائفة السنة و لا سيما افتاءات ابن تيمية )
بتعرف ياصاحبي انني لم أقرأ بحياتي ماتتكلم عنه وابي علمني شغلة انو ابن الساحل وقت بينزل على الشام بيكون انسان صادق وطيب ولكن بعد فترة بيتعلم من أهل المدينة نفاقهم وووووووو

الانتهازي هو انتهازي ان ايا كانت طائفته والطائفة لاينسب اليها الفساد بمعنى أن الاصابع باليد الواحدة مختلفة
نحن السنة اللذين تقولون عنهم 40% من عدد السكان مشردون معظمهم اختار الهجرة في شتى أصقاع الدنيا وبعضهم لم يرى سوريا من عشرات السنين من تاريخ اللحظة التي أمم فيها جمال عبد الناصر معظم ممتلكاتهم
ولاأعتقد أنه سيأتي يوم نختلف مع اي طائفة وأحياء دمشق القديمة المتعانقة تختصر مأود قوله

اي أكيد الامر كان حقيقي قبل الـ 1963
و للأسف هالأمور مستندة على نصوص ( شرعية عند الطائفة السنة و لا سيما افتاءات ابن تيمية )

طيب لو الأمر حقيقي كيف حافظ الأسد وصل الى ما وصل عليه؟

هلأ انو شرعية عند الطائفة السنية من بعد افتاءات ابن تيمية و الله ماني مع هالشي... يعني كمان ابن تيمية كفّر الشيخ محي الدين بن عربي, و للا لأ؟ و ليكو محي الدين بن عربي قديه كان محترم و ما زال بدمشق

أنا ابن عائلة سنية و ابن منطقة سنية, و الله وكيلك 80 أو 90 % من أهل سوريا "السنة" لا بيعرفو مين ابن تيمية ولا قريانيلو شي و لا يفوتو هالفوتات... يعني "الملتزم" منهم يصلي و يصوم و لا بيعرف شو الفرق بين السني و الشيعي, و عندو كل المسيحية أرمن و ما بيعرف عن العلوية غير انو بيقولو "قرد".... هيك السواد الأعظم

متل ما قلت من قبل....ما بدي اطلع كتير بهالموضوع بس انو شرعيا ما بعرف مدى تأثير فتاوي ابن تيمية خارج الوهابية... انو يعني مانو مرجعية سنية,

بالنسبة لوضع سوريا قبل الثورة و وضع العلويين... يعني أعتقد انو بهديك الفترة كان الصراع هو صراع مدينة-ريف و ليس صراع طوائف. و كتاب باتريك سيل فيو شرح جيد للأمر.. انو صح كان العلوي طريقو أصعب, بس لأنو ريفي مو لأنو علوي, و كان بنفس الخانة مع أهل ريف دمشق رغم أغلبيتهم السنية, و الاسماعيلية ... الخ يعني حتى ضحكني انو باتريك سيل كان يحكي انو أبناء العائلات الدمشقية كان بيقولو عن كل شي غير دمشقي انو "حوراني".... و أنا سمعات مقارنة بزماناتي من شخص من عائلة دمشقية مرموقة عم يقارن حرب الـ48 بحرب الـ67, فيقول انو بحرب الـ67 انهزمنا لأنو الضباط كانو "فلاليح" بينما بحرب الـ48 كانو الضباط أبناء مدينة و عائلات, فصحيح انو بحرب الـ48 انهزمنا بس كان سبب الهزيمة هو ضعف الامكانات فقط لأنو الضابط ابن العيلة كان يقاتل الى النهاية لأنو كان يعتبر انو مو حلوة بحق سمعة عيلتو انو ابن العيلة الفلانية هرب.... تخيّل يعني على هالمنطق


يعني مثل حاليا المنطقة الشرقية... مهمشة جدا الى الآن و أهلها حتى بنظر الحكم دون الملكية الفكريةالكافية لحتى يستلمو ادارة بمحافظاتهم ... نفس وضع المنطقة الشرقية حاليا كان وضع مناطق ريف الساحل... مو قضية طائفية

بتعرف ياصاحبي انني لم أقرأ بحياتي ماتتكلم عنه وابي علمني شغلة انو ابن الساحل وقت بينزل على الشام بيكون انسان صادق وطيب ولكن بعد فترة بيتعلم من أهل المدينة نفاقهم وووووووو
أنا ما قلت أنو هي حال كل الطائفة السنية
بس كمان هاد ما بيعني أنو هالأشيا ما كانت تصير


و على فكرة ... حزب الاخوان المسلمين أشار لهالشغلة بآخر مؤتمر الو ....و قال انو رح يتخلى عن هالفتاوى
بس السؤال .. قديش في ناس ممكن تصدق أو توثق بهيك كلام

حبيبي ركز معي شوية
اللي حكاه سوريانا صحيح مية بالمية و اكد عليه مادماكس
و فيك تسال الناس الكبيرة بالعمر و هنن بيقولولك هالحكي صحيح
و لاعطيط مثال صغير تاني:
ليش العلويين كانو عايشين بالجبال؟ليش هنيك مو باي منطقة تانية؟لانو هنيك كان صعب الوصول الهن بعد ما ضلو يهربوا من مكان لمكان من التدبيح و القتل اللي كانو عم يتعرضو الو من وقت ما بلشت الدولة الاموية مرورا بالعباسية ثم الاتراك ولا تقلي انو هالشي موصحيح لاني بهالحالة رح قلك اسف بس انت ما بتعرف تاريخ الحروب الطائفية و المدابح اللي كانت تصير عنا



ياسين...بلا مؤاخذة بس انت عايش اغلب عمرك برا فلذلك قد ما كان ما رح تحس بهالشي متل اللي عايشين كل عمرن بالبلد
بعدين في فكرة يا ريت الكل ينتبهولها هون:
القصة مو قصة انو العلوي وين ما راح هو معزز مكرم والو الاولوية...هالكلام غلط و مية غلط
القصة بتعتمد بشكل رئيسي عالرشوة و المحسوبية
يعني: نفرض مثلا انو علوي فقير مالو واسطة...و واحد مثلا سني بيقرب شي لواء بالشرطة او بالجيش....و تنيناتن اتقدمو لشي وظيفة...مين مفكر رح يقبلو؟؟؟؟ العلوي؟.... اي من ط.....
انا علوي و فقير و مالي واسطة بسورية و امورنا كلها اكل خ...ى باكل خ...ى مضروبين بحجرة كبيرة انو الرئيس علوي و انو العلويين هنن ماسكين كل شي باديهن اي لاء سيدي هالحكي مو صحيح
العلوي الفقير ( وهنن قسم كبير من مجموع الطائفة العلوية بسورية ) ملعون ربو بسورية اكتر من كل الناس
هو اللي عم يتخوزق اكتر شي لانو مضروب بحجرة كبيرة عالفاضي
و بعدين بس يتغير الحكي العالم رح تفش خلاقها و منهن قسم منيح رح ينتقم من ممارسات النظام الخاطئة....و مفكر بمين رح يفشو خلقون؟؟بالعلوي اللي معو مصاري ما بتاكلها النيران ع قد ما سرق من الدولة؟؟لا حبيبي ما حزرت رح تروح علينا نحنا الفقرا بس
نحنا اللي رح يلتعن ربنا و ناكل خ..ى بالمعلقة....
اللي بيعرف الوضع مزبوط بيكون فم عليي شو قصدي واللي ما بيعرف مو مشكلة منرجع منشرحلو مرة تانية مع انو كلامي كتير كان بسيط و واضح




عفوا بس نسيت نوه انو هالكلام موجه فقط للي بيتعاملو على اساس طائفي و اللي بيميزوا طائفيا و هنن نسبة مو كتير كبيرة بسورية فلذلك كلامي موجه لفئة ليست بكبيرة ولكن ليست بصغيرة كمان

و الكل طبعا بيتمنى انو نتجاوز هالتفكير هاد و نتعامل مع بعض على اساس انساني واحد و على بغض النظر عن المرجعية الدينية للشخص لانو بالنهاية الدين لله و الوطن للجميع

طيب لو الأمر حقيقي كيف حافظ الأسد وصل الى ما وصل عليه؟

هلأ انو شرعية عند الطائفة السنية من بعد افتاءات ابن تيمية و الله ماني مع هالشي... يعني كمان ابن تيمية كفّر الشيخ محي الدين بن عربي, و للا لأ؟ و ليكو محي الدين بن عربي قديه كان محترم و ما زال بدمشق


أنا ما عم قول أنو كل السنة هيك ( متل ما ذكرت قبل ) بس كمان هيك افتاءات استُغلت بشكل كبير من قبل بعض الاحزاب الطائفية لهيك بستغرب لما البعض بطالبوا بتمثيل أكبر للقوى يللي ايديلوجيتها طائفية




بالنسبة لوضع سوريا قبل الثورة و وضع العلويين... يعني أعتقد انو بهديك الفترة كان الصراع هو صراع مدينة-ريف و ليس صراع طوائف.

لا .... كان طائفي بامتياز .....
و كونو صراع غير متكافئ القوى نتجت عنو مجازر كتيرة ....
يمكن كونك انت عشت بمنطقة بعيدة عن مناطق الاحتكاك الطائفي
و كون هيك أمور ما بتتوثق .. لأنها شي ما بيرفع الراس ...... ما بظنك تكون تعرف كتير عنها



يعني مثل حاليا المنطقة الشرقية... مهمشة جدا الى الآن و أهلها حتى بنظر الحكم دون الملكية الفكريةالكافية لحتى يستلمو ادارة بمحافظاتهم ... نفس وضع المنطقة الشرقية حاليا كان وضع مناطق ريف الساحل... مو قضية طائفية


أنا ما عم احكي عن استلام ادارة و مناصب و هالأمور يللي عم يحكوا عنها هلأ

أنا عم احكي عن الاعتراف بأنهون بني آدمين .....و أحيان كتير اعتراف بحقون بالحياة








عموماً مو كتير بحب احكي بهالقصص ... بس انو سيرة و انفتحت








خلونا بسؤال الموضوع الاساسي ... هل برأيكون الطائفة السنية حالياً ...مهمّشة بسورية ..؟؟

خلونا بسؤال الموضوع الاساسي ... هل برأيكون الطائفة السنية حالياً ...مهمّشة بسورية ..؟؟
كأي طائفة أخرى الأنتهازي عايش تمام ومبسوط اما المواطن الصالح فهو على الهامش ويعارك من أجل قوته اليومي

كأي طائفة أخرى الأنتهازي عايش تمام ومبسوط اما المواطن الصالح فهو على الهامش ويعارك من أجل قوته اليومي
معناها ... مشكلة النظام عنا ........ مو الطائفية
في مشاكل كتيرة بتستحق النقاش أكتر من شغلة الطائفية

:lol: لك ليش عم نطلع عن الموضوع ؟

اي .. انا من هالأقليات اللي ربيت .. ورددت ولا تزال لكتير اوقات بتردد .. القول الشهير
" الله يديم البعثية .. إذا البديل هو حكم الأغلبية " ..
هادا شي انشغل عليه كتير كتير .. .انشغل عليه بإعطاء الاقليات امتيازات ( من التجمع للمدارس .. لل إلخ ) .. بالتلويح بأحداث حماه والأخوان
لك عمي ببساطة هيك .. ليش عناصر الأمن موجودة بطقوس صلواتنا وقت الأعياد " ليش هيك بيوقف وبيسدلك الطريق " لتعدي نهار الجمعة العظيمة ..
مو ليحسسك أنو أنا إذا ما كنت موجود أنت بخطر ؟ :?

لأي درجة هالخطر موجود وحقيقي ؟ :) ما بعرف .. اي للصراحة ما بعرف :oops: كتيراوقات بحس انو شيء بتفكيرنا اعمق مني أني اقدر انزعو بسهولة .. او انظرلو بحيادية
نعم في فكري انو رح تتم إبادتنا في حال وصل السني للحكم .. في فكري انو رح نفقد مدارسنا وكنائسنا ..
نعم في فكري انو نحنا كأقلية اليوم ننعم بامتيازات ناتجة عن الحكم البعثي .. وما بعرف إذا بقدر ضحي فيها
نعم في فكري أنو التغيير بحاجة لدم .. ونعم انا استسلامية لدرجة أنو ما بدي الدم يكون دم طائفتي :)
نعم في فكري انن عم يحموني من الذوبان .. في الأغلبية .. ونعم اخاف من التلويح بالتجربة العراقية والتجربة اللبنانية ... او حتى بالتلويح بمشاكل الأقباط بمصر

بس هالبعد العاطفي .. " الحقيقي أو الوهمي " انشغل عليه كتير وبذكاء وحرفية عالية
لهيك هالأقليات اليوم .. :) - غالبا ً مشان ما عمم - مؤيدين للحكم .. وعندن خوف من الأغلبية ..

بس ...


انا بتمنى عليك زيارة حارات دمشق العتيقة وتاخدي معك احد العارفين بها وتشوفي شلون متداخلة مع بعضها
حتى ان بينها حارة كاملة لليهود طبعا رحلوا ولكن كانوا فيها يعيشون بجوار الجميع
دخلك هدول شلون كانوا عايشين بسبات ونبات
اطمني نحن ننظر نظرة احترام للأخريين والذنب ذبنكم لأنو بتخلوا أبوابكم مقفلة وما تندمجوا مع الأخريين طبعا لاأعمم في استثناءات