غلاء الأسعار يأكل سوريا .... [الأرشيـــــف]

عرض كامل الموضوع : غلاء الأسعار يأكل سوريا ....

THE_unforgiven

11/02/2008, 03:10

طبعا ومتل ما بتعرفوا ... دوبلت الأسعار بهالفترة .... والشعب رح يموت الجوع ... شو مشان انو كل شي صار الضعف ... اعطونا آرائكم وتعليقاتكم ...:larg:

THE_unforgiven

11/02/2008, 03:15

طبعا البيض كان 130 صار 150
الخبز ... السياحي كان 25 - وهلق 30 ورح يصير ب 35
الحليب ... اتدرج 15-20-25-و 30 بالفترة الجايي
البسكويت اللي بخمسة صار بعشرة واللي بعشرة صار 15 وهكذا ....
والحبل جرار:x ....

MaTyA

11/02/2008, 03:16

عادي..طبيعي يغلى..كلو عم يغلى بكل المناطق

الا قيمة الانسان يا عميمة ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ظل جيفارا

11/02/2008, 13:32

واضح الشعب اللي كان عم يعاني تحت مسخ ممسوخ من الإشتراكية هلا اعلن الفريق الإقتصادي انو خلص زهق من الإشتراكية لإنو في شوية حيتان من هيدول اللي نشاؤا عن النظام الإشتراكي الممسوخ هلا صار بدهن يستثمروا فقرر الفريق الإقتصادي انو اقتصاد السوق المفتوح هو الحل والله يستر من هالحل لإنو الشعب هو المفتوح ببداية تطبيق هالحل ....
قال شو حسب تصريحاتهن انو رح يكون في خسائر في البدء بس بعدين رح يتطور الوضع ....
الخسائر رح تكون فوق التسعين بالمية من الشعب السوري ما رح يقدروا ياكلوا
مبروك للفريق الإقتصادي الجولات اللي عم يربحها بالجملة صارت ..
تحياتي الحارة
ظل جيفارا

modarhanna

13/02/2008, 04:15

و الله يا جماعة هي هو مو غلاء أسعار هو انفلات أقتصادي و تدهور في الوضع المعيشي للمواطن العادي ز و ذلك بغياب الجهات الرقابية و السلطة التنفيذية و القضائية ....

لقد أضحى المواطن تحت خط الفقر يا عالم من يسمع .......لا احد

الحاج متولي

13/02/2008, 04:24

yass

13/02/2008, 04:28

بتعرفوا يا شباب
نحنا صار فينا متل يلي كذب الكذبو صدقها ...و طحش فيها

يعني المشكلة إني ... في شغلات غليت بس التجار الفجار عنا .... مسكوا العصاية و طحشوا فيها
يعني الشغلة يلي لازم تصير بــ 10 % زادت عم بيزيدوها 50 % و ما إلنا غير نقول أين الرقابة ... أين الرقابة ... أين الرقابة:x

تماما... غياب الرقابة كمان عامل خلّى التجار يلعبو ع كيفهون و بحجج واهية أحيانا

يعني على مستوى العقارات مثلا, انو غليت بالشام فهمناها مشان العراقيين... بس انو بمدن مااجاها ولا عراقي ارتفعت الاسعار شراء و استئجار تقريبا 70-100% خلال 3 أو 4 سنين.

THE_unforgiven

13/02/2008, 11:39

معك حق خيي ياس ... وبالإضافة أنو شعبنا كان عايش من زمان فترة انغلاق اقتصادي ... يعني ما كان في تجارة وإن وأوت متل هلق ... ف ومتل ما بتعرف الشعوب العربية بتاخد الحضارة من بابها الأوسع ف بلشو التجار ياكلو عضم المواطن ولحموا ويربحوا على حسابو ...
و أغلب التجار الكبار ... واستطون كبيرة وما حدا بيحكيون ... ف هي السبب الرئيسي ..
وطبعا ما ممنسى تأثير الجيش على الوضع بسورية ... ف يمكن ما كتير عالم بتعرف انو الجيش بيمتلك 85% من ميزانية سورية ...وهيدا كلو مشان نحمي سوريا .. ف الدفاع والأمن على حساب الإقتصاد ... ف هي عالقليلة انو نحنا محميين ... ومو مين ما كان بيقدر يطحش علينا ... وما تنسى الفلسطيني والعراقية واللبنانية ... اللي هالكين رب البلد ... وبالإضافة للتهريب اللي عم يرفع من ميزانية لبنان 35 % وعم يشيلها من الميزانية السورية ...
ف مثلا خود المازوت ,,, بيهربو 3-4طن بالشهر بيشترو اللتر ب بسبعة ويا خيي خليها بعشرة وبيبيعوه بلبنان بين ال(40 - 45 ) ليرة سورية .. بينما المازوت اللبناني عم ينباع ب (55- 60) ف العالم بتشتري وبدل الدولة ما تبيعون للبنان ب 40 ولبنان يبيعون ب55 المهربين عم يبيعوه ب40 ويربحو 30 ليرة بكل لتر فإذا ضربتوا ب 1 طن مازوت مثلا ... ف احسبون وردلي خبر ... :cry:

maged-syrian

16/02/2008, 04:50

بالنسبة لفاقد الأمل مافي غير طريقتين
1- أما أن يسكت ويسلم أمره لله ويصبر على مابتلاه الله به
2- أو أن يلجأ لطرق غير مشروعة من قتل وسرقة ورشاوي وفساد أله أول ماله آخر ليعيش

Bekham.Lampard.Rooney

25/02/2008, 14:22

كل شي غلي حتى علامات القبول بجامعات

ولييييييييييي

THE_unforgiven

28/02/2008, 22:24

هالشي صح 100 بالمية ... شكرا عالمشاركة ,,, :p

HashtNasht

28/02/2008, 22:32

اخي انتو ليش ما بتلاحظو ارتفاع الاسعار العالمية !!!
برميل النفط صار فوق ال 100 دولار ...خلينا منطقيين :pos:

BL@CK

05/03/2008, 04:41

اخي انتو ليش ما بتلاحظو ارتفاع الاسعار العالمية !!!
برميل النفط صار فوق ال 100 دولار ...خلينا منطقيين :pos:

تماما ً هاي الفكرة لازم تندرج في نص الموضوع مشان يكون في مصداقيـّة أو موضوعيـّة ..

المهم و اللي بدي أقولو مش بس نحنا عم نعاني من غلاء أسعار و تضخم بكل دول العالم

أبسط مثال بالصين رفعت الدولة تسعيرة المحروقات 10 % من لمـّـا كان سعر برميل البترول 95 دولار ..

sandra

05/03/2008, 04:55

إي صحيح كل دول العالم صار فيها غلاء اسعار
بس الفرق بينا وبينون
أنو نحن من قبل هالغلاء عم نعاني فهلا شو ممكن نوصف الحالة؟؟ لا تعليق :pos:
أما بباقي الدول ما بتصل لدرجة العيشة المعترة

ابو عمير السوري

06/03/2008, 22:52

القادم أسوء انتظروا حتى تستطعم الناس ارتفاع فاتورة الكهرباء الى عشرة اضعاف
الغلاء غلاء عالمي ولكن ثمة من يصطاد بالماء العكر وبدل مايحلها بيشعلها هذا هو المواطن الفاسد :sick: