لو بحثنا في دراسات علم النفس عن معنى للانتماء لوجدنا الكثير من الأبحاث و الدراسات و أطروحات الدكتوراه عن هذا الموضوع, و على الأغلب سنجد أن جميعها تتفق على تعريف الانتماء كشعور غريزي يبدأ لحظة الولادة, إذ أن الطفل ينتمي للوسط العائلي بشكل عام و الأم بشكل خاص لأن هذه الأم تقدّم له ما يحتاج من رعاية و غذاء. فنجده مطمئنا في حضن أمه و قد يبدأ بالبكاء و الصراخ إن تركته أمه و أخذه في الأحضان شخص من خارج وسطه الانتمائي الأولي. لعله من المبالغة القول أن هذا البكاء الناتج عن ترك حضن الأم هو أبسط أشكال أزمة الاغتراب.... و قد لا يكون مبالغة.

في مراحل الحياة التالية يكبر الوسط الانتمائي للطفل و يتشعّب و يتعقّد, فيبدأ بالتوسع في الوسط العائلي ثم أصدقاء اللعب ثم زملاء المدرسة.... الخ, و في كثير من المراحل لا يمكن للشخص تعريف وسطه الانتمائي و تعليل انتمائه له.

إن الانتماء بشكل أساسي و رئيس هو عملية نفسو-تعليمية (بسيكو كوغنيتيف) تهدف إلى إقامة علاقات مادية و نفسية مع أشخاص بهدف أساسي هو الشعور بالراحة و الأمان و الاكتفاء الكامل أو الجزئي, فالطفل في أعوامه الأولى ينتمي لمجموعة أطفال لأنهم يحبون نفس اللعبة مثلا أو يشتركون في متابعة مسلسل أفلام كرتون معيّن... الخ و قد يكون هذا العامل المشترك هو الرابط الذي جمعهم منذ البداية و قد يكون حاجزا يفترض على طفل آخر تجاوزه لكي ينضم لهذه المجموعة, أي لكي ينتمي, فهذا الطفل قد لا يكون من هواة لعبة معينة أو قد لا يعرف لعبها لكنه لا شعوريا يجتهد في تعلمها و إتقانها بقصد الانتماء إلى المجموعة التي تمارس هذه اللعبة, هذا أبسط أشكال التكيّف الاجتماعي و أولها.

في مرحلة تالية من العمر يبدأ الانتماء الاصطفائي أو الانتقائي الذاتي و الخارجي, و في هذه المرحلة قد تظهر أولى أزمات الانتماء, فالطفل عند دخوله المدرسة ينتمي إلى وسط انتمائي كبير هو مجموعة طلاب هذه المدرسة, و ضمن هذا الوسط الكبير هناك وسط أصغر هو الطلاب الزملاء في الصف, و ضمن هذه المجموعة الأصغر هناك مجموعة أصغر و هي مجموعة الأصدقاء الأقرب في الصف (الشلّة). الانتماء الاصطفائي الذاتي يبدأ لحظة توسّع الخيارات الانتمائية لدى الطفل, فقبل دخول المدرسة قد يكون محكوما بضيق أو قلة الخيارات لديه, فهناك أطفال الجيران و أبناء أصدقاء أهله فقط, لكن في المدرسة الأفق أوسع و الخيارات المتاحة أكبر, لذلك تبدأ العملية الاصطفائية الذاتية في البحث عن المجموعة الأكثر إثارة للانتباه و التي تقدّم إغراءات أكبر للطفل, و تبدأ هنا أيضا عملية الانتقاء الخارجي, فالأهل يمنعون الطفل من الدخول في مجموعة قد لا تناسب ما هو بالنسبة لهم صحيح, و حسب الأساس الثقافي أو الاجتماعي أو العقائدي للأهل فسوف يختارون ما هو صحيح برأيهم. قد يبدأ الاصطفاء الخارجي قبل هذه المرحلة, عند انتقاء الأهل المدرسة التي يريدون ان يدرس فيها الطفل, و هذا الانتقاء في كثير من الأحيان لا علاقة له بالمستوى التعليمي أو الدراسي و إنما تكون هناك عوامل أخرى, طبقية و عقائدية و حتى عائلية و اجتماعية.

إن هذه الخطوات الاجتماعية الأولى في حياة الطفل هي نفسها تتكرر في حياته بعد بلوغه, تختلف المسميات و العوامل و طريقة الانتماء لكن الأساس واحد, فالشخص ينتمي إلى مجموعة تناسب فكره (أو يقولب فكره ولو حتى ظاهريا حسب المجموعة التي سوف ينتمي إليها لأسباب مباشرة أو غير مباشرة) و يشعر فيها بالأمان و تناسب وسطه الاجتماعي المحيط و لا تتعارض مع قيم هذا المجتمع و عاداته و تقاليده, أو على الأقل لا يصل هذا التعارض حد الصدام.

لكن ,ما يبدو واضحا و بسيط الفهم بالنسبة للطفل من حيث الانتماء المتعدد المختلف الأوساط من حيث الانتماء لمجموعة طلاب المدرسة كمجموعة كبرى, و داخلها مجموعة طلاب الصف, و داخل هذه الأخيرة مجموعة أصدقائه ضمن طلاب الصف قد لا يكون بهذا الوضوح بالنسبة للبالغ, فهو ينتمي لمجموعات قد تتضارب فكريا بشكل أساسي أو مفتعل مما يسبب له أزمة انتماء. و أريد أن أخص في هذه الحالة أزمة الانتماء الوطني, القومي و الديني في مجتمعنا, فالتضارب قد لا يكون ضروريا و لا حتميا انما هو ناتج عن عوامل منها الجهل و منها ضبابية الوصف الانتمائي و منها تأثيرات فكرية خارجية قد تؤدي الى تضارب المجموعات الانتمائية حيث لم يكن من اللازم أو المفترض أن يكون هناك تضارب.

ان أكبر أسباب أزمة الانتماء عند الإنسان هو اتخاذ الفكر أو التيار السياسي أو العقيدة كمحيط انتمائي أساسي. و هذا يكون مسببا على الأغلب من قبل بعض الاعتبارات القالبية كالفكر القومي بأنواعه العديدة. حيث أن الفكر القومي هو أكبر نقيض الفكر الوطني المبسط من حيث انه عاجز عن الامتناع عن إعطاء هوية معينة للمجتمع "المثالي" و المواطن "المثالي" الذي يعيش في هذا المجتمع و اعتبار من يخرج عن هذه المثالية "حالة شاذة" أو في أحسن الأحوال "وضع خاص" مما يؤدي بشكل حتمي إنشاء غيتو من نوع ما ردا على هذا الإقصاء مهما كان هذا الإقصاء ممكيجا أو مموها. و كمثال يمكننا أن نورد الفكر القومي العربي الذي هو برأيي فكر مشّوه و يناقض نفسه لكن ليس هذا مهما بالنسبة لموضوعنا. الفكر القومي العربي يتحدث عن مجتمع "عربي" و مواطن "عربي" بصفات و مميزات معينة منها اللغة و التاريخ و الآمال و التطلعات ...الخ. ضمن الفكر العربي هناك التيار الغالب و هو الفكر القومي العربي الاشتراكي الذي يضيف فكرة الاشتراكية بشكل ممسوخ على كل ما ذكرناه سابقا.

اسقاط الفكر القومي العربي على مجتمع متنوع و مختلط كالسوري خلق مشاكل عديدة جدا أكبرها و أهمها هو تدمير الهوية الوطنية السورية تماما لصالح فكر قومي نقيض آخر وهو الفكر القومي السوري و هو فكر اقصائي كالعربي تماما, فكل فكر قومي هو ناتج عن فكر قومي آخر, و الخاسر الأكبر هو الفكر الوطني ببساطته ووضوحه و شموليته. فالفكر القومي السوري كان ناتجا عن رفض القولبة القومية العربية, و على مدى عقود طويلة كانوا أعداء فكريا و سياسيا. و من المضحك رؤية تصالحهما الحالي و "اختفاء" صراعهما الفكري و العقائدي و السياسي على مدى عقود من أدبيات كلا الفكرين.

الفكر القومي هو مسبب أساسي لأزمة الانتماء. من الخطأ, بل من سوء النية, اعطاء صفات لازمة للمجتمع عدا مجتمع القيم, القيم الناتجة عن خبرة التعايش المشترك و التي تضمن الانتماء الكامل لكل أفراد المجتمع, و هي الطريقة الوحيدة لعدم تضارب محاور الانتماء لدى المواطن. فبالنسبة للمجتمع السوري مثلا, من المفترض أن يكون المواطن السوري هو سوري و فقط بدون أي صفات أخرى لازمة, كل الأمور الأخرى انما هي حرية شخصية و انتمائية ثانوية أمام الانتماء الوطني. فالطفل لا يتضارب عنده الانتماء الأسري و الانتماء لمجموعة أصدقائه و مدرسته, و لا يعقل أن يكون الأطفال أذكى من البالغين.









Yass

لو بحثنا في دراسات علم النفس عن معنى للانتماء لوجدنا الكثير من الأبحاث و الدراسات و أطروحات الدكتوراه عن هذا الموضوع, و على الأغلب سنجد أن جميعها تتفق على تعريف الانتماء كشعور غريزي يبدأ لحظة الولادة, إذ أن الطفل ينتمي للوسط العائلي بشكل عام و الأم بشكل خاص لأن هذه الأم تقدّم له ما يحتاج من رعاية و غذاء. فنجده مطمئنا في حضن أمه و قد يبدأ بالبكاء و الصراخ إن تركته أمه و أخذه في الأحضان شخص من خارج وسطه الانتمائي الأولي. لعله من المبالغة القول أن هذا البكاء الناتج عن ترك حضن الأم هو أبسط أشكال أزمة الاغتراب.... و قد لا يكون مبالغة.

في مراحل الحياة التالية يكبر الوسط الانتمائي للطفل و يتشعّب و يتعقّد, فيبدأ بالتوسع في الوسط العائلي ثم أصدقاء اللعب ثم زملاء المدرسة.... الخ, و في كثير من المراحل لا يمكن للشخص تعريف وسطه الانتمائي و تعليل انتمائه له.

إن الانتماء بشكل أساسي و رئيس هو عملية نفسو-تعليمية (بسيكو كوغنيتيف) تهدف إلى إقامة علاقات مادية و نفسية مع أشخاص بهدف أساسي هو الشعور بالراحة و الأمان و الاكتفاء الكامل أو الجزئي, فالطفل في أعوامه الأولى ينتمي لمجموعة أطفال لأنهم يحبون نفس اللعبة مثلا أو يشتركون في متابعة مسلسل أفلام كرتون معيّن... الخ و قد يكون هذا العامل المشترك هو الرابط الذي جمعهم منذ البداية و قد يكون حاجزا يفترض على طفل آخر تجاوزه لكي ينضم لهذه المجموعة, أي لكي ينتمي, فهذا الطفل قد لا يكون من هواة لعبة معينة أو قد لا يعرف لعبها لكنه لا شعوريا يجتهد في تعلمها و إتقانها بقصد الانتماء إلى المجموعة التي تمارس هذه اللعبة, هذا أبسط أشكال التكيّف الاجتماعي و أولها.

في مرحلة تالية من العمر يبدأ الانتماء الاصطفائي أو الانتقائي الذاتي و الخارجي, و في هذه المرحلة قد تظهر أولى أزمات الانتماء, فالطفل عند دخوله المدرسة ينتمي إلى وسط انتمائي كبير هو مجموعة طلاب هذه المدرسة, و ضمن هذا الوسط الكبير هناك وسط أصغر هو الطلاب الزملاء في الصف, و ضمن هذه المجموعة الأصغر هناك مجموعة أصغر و هي مجموعة الأصدقاء الأقرب في الصف (الشلّة). الانتماء الاصطفائي الذاتي يبدأ لحظة توسّع الخيارات الانتمائية لدى الطفل, فقبل دخول المدرسة قد يكون محكوما بضيق أو قلة الخيارات لديه, فهناك أطفال الجيران و أبناء أصدقاء أهله فقط, لكن في المدرسة الأفق أوسع و الخيارات المتاحة أكبر, لذلك تبدأ العملية الاصطفائية الذاتية في البحث عن المجموعة الأكثر إثارة للانتباه و التي تقدّم إغراءات أكبر للطفل, و تبدأ هنا أيضا عملية الانتقاء الخارجي, فالأهل يمنعون الطفل من الدخول في مجموعة قد لا تناسب ما هو بالنسبة لهم صحيح, و حسب الأساس الثقافي أو الاجتماعي أو العقائدي للأهل فسوف يختارون ما هو صحيح برأيهم. قد يبدأ الاصطفاء الخارجي قبل هذه المرحلة, عند انتقاء الأهل المدرسة التي يريدون ان يدرس فيها الطفل, و هذا الانتقاء في كثير من الأحيان لا علاقة له بالمستوى التعليمي أو الدراسي و إنما تكون هناك عوامل أخرى, طبقية و عقائدية و حتى عائلية و اجتماعية.

إن هذه الخطوات الاجتماعية الأولى في حياة الطفل هي نفسها تتكرر في حياته بعد بلوغه, تختلف المسميات و العوامل و طريقة الانتماء لكن الأساس واحد, فالشخص ينتمي إلى مجموعة تناسب فكره (أو يقولب فكره ولو حتى ظاهريا حسب المجموعة التي سوف ينتمي إليها لأسباب مباشرة أو غير مباشرة) و يشعر فيها بالأمان و تناسب وسطه الاجتماعي المحيط و لا تتعارض مع قيم هذا المجتمع و عاداته و تقاليده, أو على الأقل لا يصل هذا التعارض حد الصدام.

لكن ,ما يبدو واضحا و بسيط الفهم بالنسبة للطفل من حيث الانتماء المتعدد المختلف الأوساط من حيث الانتماء لمجموعة طلاب المدرسة كمجموعة كبرى, و داخلها مجموعة طلاب الصف, و داخل هذه الأخيرة مجموعة أصدقائه ضمن طلاب الصف قد لا يكون بهذا الوضوح بالنسبة للبالغ, فهو ينتمي لمجموعات قد تتضارب فكريا بشكل أساسي أو مفتعل مما يسبب له أزمة انتماء. و أريد أن أخص في هذه الحالة أزمة الانتماء الوطني, القومي و الديني في مجتمعنا, فالتضارب قد لا يكون ضروريا و لا حتميا انما هو ناتج عن عوامل منها الجهل و منها ضبابية الوصف الانتمائي و منها تأثيرات فكرية خارجية قد تؤدي الى تضارب المجموعات الانتمائية حيث لم يكن من اللازم أو المفترض أن يكون هناك تضارب.

ان أكبر أسباب أزمة الانتماء عند الإنسان هو اتخاذ الفكر أو التيار السياسي أو العقيدة كمحيط انتمائي أساسي. و هذا يكون مسببا على الأغلب من قبل بعض الاعتبارات القالبية كالفكر القومي بأنواعه العديدة. حيث أن الفكر القومي هو أكبر نقيض الفكر الوطني المبسط من حيث انه عاجز عن الامتناع عن إعطاء هوية معينة للمجتمع "المثالي" و المواطن "المثالي" الذي يعيش في هذا المجتمع و اعتبار من يخرج عن هذه المثالية "حالة شاذة" أو في أحسن الأحوال "وضع خاص" مما يؤدي بشكل حتمي إنشاء غيتو من نوع ما ردا على هذا الإقصاء مهما كان هذا الإقصاء ممكيجا أو مموها. و كمثال يمكننا أن نورد الفكر القومي العربي الذي هو برأيي فكر مشّوه و يناقض نفسه لكن ليس هذا مهما بالنسبة لموضوعنا. الفكر القومي العربي يتحدث عن مجتمع "عربي" و مواطن "عربي" بصفات و مميزات معينة منها اللغة و التاريخ و الآمال و التطلعات ...الخ. ضمن الفكر العربي هناك التيار الغالب و هو الفكر القومي العربي الاشتراكي الذي يضيف فكرة الاشتراكية بشكل ممسوخ على كل ما ذكرناه سابقا.

اسقاط الفكر القومي العربي على مجتمع متنوع و مختلط كالسوري خلق مشاكل عديدة جدا أكبرها و أهمها هو تدمير الهوية الوطنية السورية تماما لصالح فكر قومي نقيض آخر وهو الفكر القومي السوري و هو فكر اقصائي كالعربي تماما, فكل فكر قومي هو ناتج عن فكر قومي آخر, و الخاسر الأكبر هو الفكر الوطني ببساطته ووضوحه و شموليته. فالفكر القومي السوري كان ناتجا عن رفض القولبة القومية العربية, و على مدى عقود طويلة كانوا أعداء فكريا و سياسيا. و من المضحك رؤية تصالحهما الحالي و "اختفاء" صراعهما الفكري و العقائدي و السياسي على مدى عقود من أدبيات كلا الفكرين.

الفكر القومي هو مسبب أساسي لأزمة الانتماء. من الخطأ, بل من سوء النية, اعطاء صفات لازمة للمجتمع عدا مجتمع القيم, القيم الناتجة عن خبرة التعايش المشترك و التي تضمن الانتماء الكامل لكل أفراد المجتمع, و هي الطريقة الوحيدة لعدم تضارب محاور الانتماء لدى المواطن. فبالنسبة للمجتمع السوري مثلا, من المفترض أن يكون المواطن السوري هو سوري و فقط بدون أي صفات أخرى لازمة, كل الأمور الأخرى انما هي حرية شخصية و انتمائية ثانوية أمام الانتماء الوطني. فالطفل لا يتضارب عنده الانتماء الأسري و الانتماء لمجموعة أصدقائه و مدرسته, و لا يعقل أن يكون الأطفال أذكى من البالغين.









Yass



يسلموا معلم
بس الي سؤال صغير هلا
انو كلامك صحيح اوكي بس تعا اليوم على ارض الواقع
قبل كم يوم اممي عمل استفتاء وما شاء الله شو طلعت نتيجة منه
يعني بمعنى اخر انتماء تلت رباع البشر هو مش سوريا
وهو انتماء اما عشائري او طائفي واحيانا بيروح لبلد تاني كمان
فبهالحالة كيف بدك تقنع هالبشر انو انتماءكون هوي سوريا وسوريا اولا وثانيا وثالثا مش الدين ولا العشيرة ولاالطائفة ولا الوطن اللي مساحته 14 مليون كم مربع (طبعا كانتماء اول )



تحياتي

فبهالحالة كيف بدك تقنع هالبشر انو انتماءكون هوي سوريا وسوريا اولا وثانيا وثالثا مش الدين ولا العشيرة ولاالطائفة ولا الوطن اللي مساحته 14 مليون كم مربع (طبعا كانتماء اول )



تحياتي

ما بدي أقنع حدا.. هاد ناتج عن تدمير الشعور الوطني لصالح الانتماء القومي المؤدلج.. مابيصير ينخلط الانتماء الوطني و الايديولوجية.. كل شي لوحدو. فاللي صار انو مثلا بحالة سوريا لحتى تكون سوري يبدو انو لازم يكون عروبي اشتراكي.. فاللي مو عروبي و مو اشتراكي كأنو مو سوري... لأ عمي ما حدا بيحط مواصفات للمواطن السوري... هاي الأمور الفكرية تدخل في حيز الحريات الشخصية و ليست صفات انتمائية وطنية

اسقاط الفكر القومي العربي على مجتمع متنوع و مختلط كالسوري خلق مشاكل عديدة جدا أكبرها و أهمها هو تدمير الهوية الوطنية السورية تماما لصالح فكر قومي نقيض آخر وهو الفكر القومي السوري و هو فكر اقصائي كالعربي تماما, فكل فكر قومي هو ناتج عن فكر قومي آخر, و الخاسر الأكبر هو الفكر الوطني ببساطته ووضوحه و شموليته.

يسلم هالتم معلم ياس
نحن سوريين فقط, ونحن كيان حضاري مستقل لسنا بحاجة الى هوية الآخرين (العرب)

اي معناتا رح نضل نقول نحنا سوريين وتلت رباع الشعب بيقلك لا نحنا عرب وهيك تربينا وهيك تعلمنا
شو بتعمل وقتا؟
تحية والي رجعة

اي معناتا رح نضل نقول نحنا سوريين وتلت رباع الشعب بيقلك لا نحنا عرب وهيك تربينا وهيك تعلمنا
شو بتعمل وقتا؟
تحية والي رجعة

أنا بقول اللي عندي و اللي بفكر فيه و انتهى الأمر, اللي راح يقللي هيك تربينا و هيك تعلمنا هو ضحية التلويث (كمان يصير تلويص) الانتمائي و لصق قضايا عقائدية فيه... هاد اللي صار بكل بساطة

يسلم هالتم معلم ياس
نحن سوريين فقط, ونحن كيان حضاري مستقل لسنا بحاجة الى هوية الآخرين (العرب)


القضية ليست هوية آخرين أو هوية ذاتية.. اللي ما يجوز هو لصق قضايا عقائدية بشي بسيط مثل الانتماء الوطني.. يعني النقد كمان شامل القوميين السوريين:D

تحياتي الحارة :D
بتفقك معك بكل ما كتبت ...
وعندي نفس الفكرة الكثير من مشاكلنا كانت فكرة القومية العربية هي المسبب لها فقد خلقت مسخا بدلا من الإنتماء الحقيقي وكذلك مفهوم الإشتراكية الممسوخ الذي طبقته تلك الدول .. فقد مسخ معنى اي تركيب فكري في ذهون العامة...
وبرجع لإتذكر موضوع تحديد الإنتماء في اخوية للرفيق اممي .
تحياتي الحارة
ظل جيفارا

انا اسف شباب بدي ارجع رد بس في تعليق عجبني جدا ......
اي معناتا رح نضل نقول نحنا سوريين وتلت رباع الشعب بيقلك لا نحنا عرب وهيك تربينا وهيك تعلمنا
شو بتعمل وقتا؟
تحية والي رجعة
:D
خيي انا برأيي هيدي الفرصة الأفضل لنشر افكار الإنتماء الوطني بشكل واسع لإنو بهالإيام في حالة تململ واسع وقوي من العروبة ومن اللي وصلتنا العروبة عليه ....


بس معلش على الهامش ( ما لازم ندير بالنا لإنو بهيك حالة ولحنا طالعين من تجربة قومية فاشلة - بالضرورة ستفشل - لازم ننتبه لإنو في خيط رفيع بين العودة للوطنية الصرفة وبين الشوفينية المرفوضة " على الأقل بالنسبة إلي .." )
تحياتي الحارة
ظل جيفارا

القضية ليست هوية آخرين أو هوية ذاتية.. اللي ما يجوز هو لصق قضايا عقائدية بشي بسيط مثل الانتماء الوطني.. يعني النقد كمان شامل القوميين السوريين:D
ياس أنا كان تعليقي على فكرتك بخصوص القومية العربية ولصقها بالمواطن السوري
أكيد السوري هو سوري وهاد كافي وما في داعي للصق قضايا عقائدية بالانتماء

أما بالنسبة للقوميين السوريين ما كتير عندي فكرة عنهم
وبيني وبينك لازم ارجع اقرا موضوعك لأن مرة وحدة ما بتكفي لأفهمو منيح :D

بالمناسبة ليش ما بترجعو بتعملو استفتاء بخصوص الانتماء
لأن الاستفتاء اللي عملو اممي (مشكور عليه) كانت بنودو مو واضحة وشاملة ومفهومة للكل وبظن صار مغالطات فيو
طبعاً مجرد اقتراح :D

لإنو بهالإيام في حالة تململ واسع وقوي من العروبة ومن اللي وصلتنا العروبة عليه ....

و اللي خايب أملو من العروبة عم يقلب يا اسلامي يا قومي سوري... لأنو ما عندو مفهوم انتماء وطني مجرد

بالمناسبة ليش ما بترجعو بتعملو استفتاء بخصوص الانتماء
لأن الاستفتاء اللي عملو اممي (مشكور عليه) كانت بنودو مو واضحة وشاملة ومفهومة للكل وبظن صار مغالطات فيو
طبعاً مجرد اقتراح :D

ما بنقدر نعمل هيك شي.. ما بقدر اسأل شخص انو لمين انتماءك أكتر لسوريا و للا للعروبة وللا لأي شي آخر... لو هالسؤال ينسأل بدولة ثانية راح يتمسخرو علي. انو شو دخل الانتماء الوطني بالدين أو الايديولوجيا أو أي قضية أخرى

و كمان بهالمنتدى يوجد نسبة ضخمة من الأعضاء الغير سوريين.. يعني حتى لو تركنا على جنب لا منطقية هالاستفتاء النتائج ما راح تكون موضوعية

:D

و اللي خايب أملو من العروبة عم يقلب يا اسلامي يا قومي سوري... لأنو ما عندو مفهوم انتماء وطني مجرد
صديقي تحياتي :D
هيدا لإنو ما في احزاب تحمل ايديولوجيا وطنية وتعمل على نشر تلك الأيديولوجيا على الأرض .
الأحزاب الموجودة في الجبهة وهي المرحب بعملها على ارض الواقع " خوف وجهل من عامة الشعب " ما فيهن حزب وطني موجود بقوة وعم يعمل نشر لأفكاره وخصوصا بطريقة القومي السوري اللي كتير عم يشتغل على جذب الشباب بطرق بتوقع معروفة . ومرغوبة للأسف
بتذكر الراحل محمد الماغوط بيقول بمحل نسيت وين انو انتسب للقومي السوري لإنو كانت الدنيا برد والقومي السوري كان المحل الوحيد اللي فيه دفاية بوقتها .
خلينا نفكر منيح كتير بهالكلمة . لإنها كتير مهمة .
تحياتي الحارة
ظل جيفارا

بتذكر الراحل محمد الماغوط بيقول بمحل نسيت وين انو انتسب للقومي السوري لإنو كانت الدنيا برد والقومي السوري كان المحل الوحيد اللي فيه دفاية بوقتها .
خلينا نفكر منيح كتير بهالكلمة . لإنها كتير مهمة .

أي أنا بقلك كيف فهمتها.. أبو شام هون شبّه انعدام, أو خلينا نقول أزمة الانتماء الناتجة عن عدم القناعة بالخيارات الانتمائية الموجودة بالبرد, يعني بفترة كانت القومية العربية هي الخيار الموجود و ما كان مقتنع فيه و شاف القومية السورية كبديل... لو ترجع لمقالة نشرتها من عدة أيام حول مبادئ الفكر القومي بتشوف انو سبق وذكرت أنو اغلب الحركات القومية هي ناتجة عن حركات قومية أخرى... يعني بهديك الفترة الماغوط سوري الفكر و شاف انو القومي السوري هو الوحيد اللي يحكي عن سوريا فانتسبلو

هلأ أنا عندي قناعة أنو 90% اذا مو أكثر من القوميين السوريين لا يحملون أفكار قومية انما وطنية, و على اعتبار أنه لا يوجد فكر وطني سوري لأنه مدمر تاريخيا اذ انه في فترة من الفترات كان فارس الخوري و أمثاله ينعتون بالانعزاليين و الرجعيين و الاقليميين... الخ. ففي حالة انعدام الفكر الوطني يعتبر الناس الذين يحملون بذرة الوطنية السورية لكنهم لا يجدون المرجعية الفكرية الملائمة أن الفكر القومي السوري هو (الأكثر قربا) لما يفكرونه... و لا أعتقد انه قريب... شتان بين الفكر الوطني و القومي

يجب يجب يجب العمل على اعادة احياء الفكر الوطني, الذي يعتبر الوطن قطعة أرض و المواطنين هم من يعيشون عليها و يملكون ارادة استمرار الحياة فقط.. دون أي اعتبارات اديولوجية أو دينية او حتى تاريخية و ثقافية... هذه أمور أخرى لا علاقة لها بمفهوم الوطن بتاتا و من الخطأ محاولة دمجها معه


تحية:D

يجب يجب يجب العمل على اعادة احياء الفكر الوطني, الذي يعتبر الوطن قطعة أرض و المواطنين هم من يعيشون عليها و يملكون ارادة استمرار الحياة فقط.. دون أي اعتبارات اديولوجية أو دينية او حتى تاريخية و ثقافية... هذه أمور أخرى لا علاقة لها بمفهوم الوطن بتاتا و من الخطأ محاولة دمجها معه




تماما

هاد صلب الموضوع, الانتماء الوطني ما بيعني رفض الأفكار القومية, بس المطلوب من كل مواطن يتنامى عندو الشعور الوطني بمعزل عن أي ايديولوجيا بيتبناها سواء كانت دينية قومية اقتصادية بيئية..... الخ



نستغل لحظة تاريخية لإضعاف الشعور القومي؟؟؟؟

ما هيك الموضوع بتاتاً

هل ممكن تجي لحظة تاريخية تانية نستغلا لإضعاف الشعور الديني؟؟؟؟؟؟؟

أكيد ما هاد المطلوب


المشكلة أنو عم تشوفوا الانتماء لفكر عم يقصي عن الانتماء للوطن, هون القصة كلها


بس نعزل الوطن عن كل ها الانتماءات,بدون ما ننتقص من أهمية أو مشروعية ها الانتماءات بنكون وصلنا لمحل ما بتصور مطلوب أنو نوصل


منكون وصلنا لسوريا للجميع, سوريا الكل فيها متساويين, متناغمين, متحاببين, و وقتا الفكر القومي و الديني و الاشتراكي و الرأسمالي مع بعضن بيكونو عم يعمروا سوريا أقوى و أحلى.



تحياتي الخضراء





:D

تماما

هاد صلب الموضوع, الانتماء الوطني ما بيعني رفض الأفكار القومية, بس المطلوب من كل مواطن يتنامى عندو الشعور الوطني بمعزل عن أي ايديولوجيا بيتبناها سواء كانت دينية قومية اقتصادية بيئية..... الخ



نستغل لحظة تاريخية لإضعاف الشعور القومي؟؟؟؟

ما هيك الموضوع بتاتاً

هل ممكن تجي لحظة تاريخية تانية نستغلا لإضعاف الشعور الديني؟؟؟؟؟؟؟

أكيد ما هاد المطلوب


المشكلة أنو عم تشوفوا الانتماء لفكر عم يقصي عن الانتماء للوطن, هون القصة كلها


بس نعزل الوطن عن كل ها الانتماءات,بدون ما ننتقص من أهمية أو مشروعية ها الانتماءات بنكون وصلنا لمحل ما بتصور مطلوب أنو نوصل


منكون وصلنا لسوريا للجميع, سوريا الكل فيها متساويين, متناغمين, متحاببين, و وقتا الفكر القومي و الديني و الاشتراكي و الرأسمالي مع بعضن بيكونو عم يعمروا سوريا أقوى و أحلى.



تحياتي الخضراء





:D

كيف يعني سوريا للجميع؟
ومن جهة ثانية كيف الفكر القومي والديني والاشتراكي والراسمالي مع بعض يبنوا سوريا اقوى ؟
معليه بعد اذنك توضح هالنقطة

هلأ أنا عندي قناعة أنو 90% اذا مو أكثر من القوميين السوريين لا يحملون أفكار قومية انما وطنية, و على اعتبار أنه لا يوجد فكر وطني سوري لأنه مدمر تاريخيا اذ انه في فترة من الفترات كان فارس الخوري و أمثاله ينعتون بالانعزاليين و الرجعيين و الاقليميين... الخ. ففي حالة انعدام الفكر الوطني يعتبر الناس الذين يحملون بذرة الوطنية السورية لكنهم لا يجدون المرجعية الفكرية الملائمة أن الفكر القومي السوري هو (الأكثر قربا) لما يفكرونه... و لا أعتقد انه قريب... شتان بين الفكر الوطني و القومي

يجب يجب يجب العمل على اعادة احياء الفكر الوطني, الذي يعتبر الوطن قطعة أرض و المواطنين هم من يعيشون عليها و يملكون ارادة استمرار الحياة فقط.. دون أي اعتبارات اديولوجية أو دينية او حتى تاريخية و ثقافية... هذه أمور أخرى لا علاقة لها بمفهوم الوطن بتاتا و من الخطأ محاولة دمجها معه


تحية:D
ياس فيك تقلنا شو الفكر الوطني وشو الفكر القومي ؟

وسؤالي الثاني انو اعادة احياء الفكر الوطني شو الالية او الطريقة اللي لازم ينشغل عليها لاعادة احياء الفكر الوطني
:)

المشكلة أنو عم تشوفوا الانتماء لفكر عم يقصي عن الانتماء للوطن, هون القصة كلها


هاي هيه مشكلة أحزابنا السورية العظيمة .. فعلا ً جبتو لكبد الحقيقة ب صاروخ أرض جو .. :lol:

إلي رجعة أنا لأمخمخ عالمقال :D




*هامش شوي كبير .. :p


كاتب النص الأصلي : phoenixbird ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
بس الي سؤال صغير هلا



كاتب النص الأصلي : phoenixbird ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
شو بتعمل وقتا؟




كاتب النص الأصلي : phoenixbird ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
كيف يعني سوريا للجميع؟
ومن جهة ثانية كيف الفكر القومي والديني والاشتراكي والراسمالي مع بعض يبنوا سوريا اقوى ؟
معليه بعد اذنك توضح هالنقطة




كاتب النص الأصلي : phoenixbird ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
ياس فيك تقلنا شو الفكر الوطني وشو الفكر القومي ؟

وسؤالي الثاني انو اعادة احياء الفكر الوطني شو الالية او الطريقة اللي لازم ينشغل عليها لاعادة احياء الفكر الوطني
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


بس أنو يا زلمي وجعني راسي من كتر ما بتسأل , حدي قلك طريقة الإستجواب بالردود ظريفة ..

أنو يا أخي الواحد بسأل مرة مرتين مش كل ردودوه أسئلة

يعني أنا أندوخت بقا كيف اللي عم يجاوبك ..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


بس أنو يا زلمي وجعني راسي من كتر ما بتسأل , حدي قلك طريقة الإستجواب بالردود ظريفة ..

أنو يا أخي الواحد بسأل مرة مرتين مش كل ردودوه أسئلة

يعني أنا أندوخت بقا كيف اللي عم يجاوبك ..

سلامة راسك ما على قلبك شر :D
انا ما عم استجوب عبتساءل
ومني للي عم جاوبه اصطفل

ياس فيك تقلنا شو الفكر الوطني وشو الفكر القومي ؟

الفكر الوطني ببساطة هو انو عندك مساحة من الأرض عليها عدد من السكان. هاد اسمو الوطن. الشعور الوطني هو ارادة العيش المشترك و التطور بغض النظر عن أي عوامل ايديولوجية أو دينية أو تاريخية من أي نوع و أي شكل, و بدون أي قالب أو نموذج للمواطن "المثالي"

أما الفكر القومي فيك تشوف هالرابط

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


اعادة احياء الفكر الوطني شو الالية او الطريقة اللي لازم ينشغل عليها لاعادة احياء الفكر الوطني

بكل بساطة محاولة نشره و الوقوف بوجه "احتكار" الوطنية من أي طرف كان و لأي سبب كان

سلامة راسك ما على قلبك شر :D
انا ما عم استجوب عبتساءل
ومني للي عم جاوبه اصطفل

طوّل بالك طارق.. عبد ما قصدو يقلك شي غلط... انو ياأخي بس قلي رشاش الأسئلة هاد منوين جايبو:lol:

القصد انو عم تتكرر بأكتر من موضوع انو كل ردودك عم تصير أسئلة و مانها طريقة نقاش حلوة برأيي لأنو معليه انا بعرف انو قصدك تفيد و تستفيد بس هالطريقة بالرد لشخص آخر قد تكون مزعجة لأنو يصير كأنو عم تشكك بحكيو و بس بدك تحصرو أو توصلو لطريق مسدود أو عم تعجزو...عرفت شلون خيو؟؟ يعني النقاش رأي مني و رأي منك و رأي من الكل...


سلامات:D

الموضوع بساطة أنّكم مجمعون على أنّ العامل الجغرافي هو الأهمّ بل هو العامل الأوحد الذي يجب أن يكون الولاء من أجله؛ رغم أنّي أتوق لليوم الذي أُصغي فيه بإنصات و انتباه و وقار شديد إلى النشيد الوطني الذي يذاع في نهاية إرسال التلفزيون إلاّ أنّي أخالفكم جميعاً!
إذا كان من المفترض أن يكون ولاء الشخص للأرض التي يعيش عليها إذاً على السوري (مثل yass) الذي يعيش في أوربّا أن يكون ولاؤه لأوربّا لأنّها التي يمشي على أرضها و يأكل من نباتها و يدرس في جامعاتها و يلبس من أقمشتها و يشتري بطاطا شيبس بعملتها و ...
برأيّي علينا إدراج الولاء في قائمة الأشياء النسبيّة (اعذروني؛ أؤكّد لكم أنّ هذا لا علاقة له بإعجابي بأينشتاين): لأوضّح لكم الامر بالأمثلة؛؛
عندما هاجم الاتّحاد السوفياتي أفغانستان في ثمانينيّات القرن الماضي هبّ بعض الأشخاص و من بينهم سوريّون للوقوف في وجه الاعتداء (و الذي حرّكم انتماؤهم الإسلاميّ) كما كان من بين المدافعين عن أفغانستان "أسامة بن لادن" و منظّمته (و الذي حرّكه انتماؤه لأمريكا - و الكلّ يعلم ذلك- مدّعياً أنّ الذي يحرّكه انتماؤه الإسلامي) و دافع عن أفغانستان أيضاً أمريكا (و الذي حرّكها عداوة الاتّحاد السوفياتي) و دافع أيضاً أبناء البلد المعني "أفغانستان" حيث كان الدافع الانتماء الوطني (أيّ لأنّهم أفغانيّيون) هذا كلّه عدا الغربيّون الذين دافعوا بحكم أنّهم من انصار حقوق الإنسان أي الإنسانيّة!
نجد فيما بعد أنّ أمريكا نفسها هاجمت أفغانستان؛ و دافع عن أفغانستان الآن "القاعدة" و "طالبان" و دوبلوماسيّاً "روسيا" و كان دافع "القاعدة" ربّما إسلامي أو معاداة أمريكا أو محالفة طالبان أمّا دافع طالبان كان وطنيّاً لأنّهم أبناء البلد و دافع روسيا تضارب المصالح مع أمريكا فقط؛ و كذلك كان من بين المهاجمين جماعة من نفس البلد "بقيادة مسعود" و كان دافعهم الطمع بالسلطة أو العداء العقائدي مع طالبان أو موالاة أمريكا.
في وقتٍ لاحق هاجمت أمريكا العراق و هبّ بعض الناس من سوريا أيضاً للدفاع و كان هذه المرّة دافعهم الانتماء للعروبة!
و قد تهاجم أمريكا يوماً ما سوريا فيدافع هؤلاء الناس عن سوريا لكن لا يستطيع أحد الجزم بدافعهم فهناك العديد من الاحتمالات مثلاً الشعور الوطني السوري ثمّ العروبة ثمّ الإسلام ثمّ معاداة الإمبرياليّة المتمثّلة بأمريكا و قد يكون لبناء مجد شخصي ..
إليكم هذا الاقتباس ؛؛؛
نحن لينا بالخلاصة، انت بني آدم منيح ، لإنك مسلم حلو، لإنك علماني حلو، لإنك ملحد حلو .. انت ما عم بتمارس القتل خوفا من جهنم (النار) او خوفا من قوانينا المدنية .. شي بيرجعلك ، الي معك انك ما تمارس القتل. و الك الحرية بإختيار موجباتك ..
.
الخلاصة من طرفي أنّ أيّ إنسان سيمنح ولاءه مَن يستطيع الدفاع عنه؛ أي يمنحه للعروبة إذا وجد انّ العروبة تلبّي رغباته و مصالحة الماديّة او الروحيّة على حدٍّ سواء؛ و يمنحه للإسلام أن كان الإسلام قادراً على منحه تلك الحاجات؛ و يمنحه لقريته الصغيرة إن منحته هذه الأشياء و يمنحه للكونغو إن منحته إيّاها المهمّ أن يحصل على راحته و يختلف مفهوم الراحة بين الناس فالبعض يجدها في الراحة الروحيّة و الآخر يجدها في الراحة المادّيّة.
أمّا إن خفّفنا من حدّة اللهجة المادّيّة يمكن أن نصل إلى قاعدة أخرى مشابهة في النتيجة مفادها أنّ الولاء يكون ردّ جميل على هبة ما منحتها الجهة التي ندين لها بالولاء؛ فتجد شخصاً ما يقدّس معلّمه أكثر من أهله لأنّه حصد و شاهد فضائله أكثر من فضائل أهله أو عامل ما ينحاز لأحد الشريكين صاحبي العمل أكثر من الآخر لأنّه منحه زيادةً ما على أجره؛ دولة تدين بولائها لدولة عظمى دون أخرى لأنّها ساعدتها بالقضاء على مرض السلّ.
و الخلاف بين أوّل نتيجة و الثانية أنّ الأولى تقضي بأن يكون الولاء للجهة التي نتوقّع الحصول منها على فائدة أمّا الثانية تكون الفائدة حاضرة يتبعها الولاء.
.
و حسب ما ذكرتُ آنفاً قد تتعدّد مستويات الولاء لذا سيكون هناك على الدوام مفاضلة؛ فلكي أحصل على منفعة ما الآن عليّ أن أكون عضواً في حزب أو جماعةٍ ما تستطيع أن تمنحني هذه المنفعة لكن أجد أنّ تعارضاً ما قائماً بين أفكار هذا الحزب و أفكار أخرى لجهة أدين لها بالولاء مثلاً ديانة ما و ليكن هذا التعارض أنّ الحزب المزعوم يشترط أن أكون لادينيّاً فتحصل المفاضلة؛ الديانة ستمنحني الجنّة في عالم ما بعد الموت و الحزب سيمنحني منفعة ما ؛ هل عليّ التضحية في النعيم بعد الموت من أجل هذه المنفعة أم عليّ التضحية بهذه المنفعة؟
.
و هنا أظنّ قصد (yass) أن يربح الانتماء الوطني السوري في كلّ المفاضلات.
حسناً... إذا أراد الوطن أن يربح هذه المفاضلة عليه أن يقدّم هباته لأصحاب الولاء بحيث تمنعهم من التفكير في التحوّل إلى ولاءٍ آخر!
.
و في النهاية أتذكّر و أقتبس توقيع أحدهم:
"إنّ الذي يدّعي أنّه يدافع عن الله أو الإنسانيّة أو الدين أو الوطن كاذب؛ إنّما يدافع عن أديلوجيّة رتّب حياته على أساسها"
.
:melody:
.
®

صديقي لما عم احكي عن انتماء ماعم احكي عن ولاء... شتان بين الأمرين. الولاء ايديولوجي و الانتماء نفسي, و اذا مكان الانتماء استعملت كلمة ولاء فيكون خطأ مطبعي غير مقصود أبدا

برجع بعد شوي برد مفصّل على ردك

:D

الموضوع بساطة أنّكم مجمعون على أنّ العامل الجغرافي هو الأهمّ بل هو العامل الأوحد الذي يجب أن يكون الولاء من أجله؛ رغم أنّي أتوق لليوم الذي أُصغي فيه بإنصات و انتباه و وقار شديد إلى النشيد الوطني الذي يذاع في نهاية إرسال التلفزيون إلاّ أنّي أخالفكم جميعاً!
إذا كان من المفترض أن يكون ولاء الشخص للأرض التي يعيش عليها إذاً على السوري (مثل yass) الذي يعيش في أوربّا أن يكون ولاؤه لأوربّا لأنّها التي يمشي على أرضها و يأكل من نباتها و يدرس في جامعاتها و يلبس من أقمشتها و يشتري بطاطا شيبس بعملتها و ...

لأ لأ لأ لأ هوووووووووووووووووووووووو وووووووووووووووووووووووب حجي!!!!!.... الوطن مانو الأرض. استنى اجيبلك شغلة من المقلاية:lol:



شو هو الوطن .. هل هو الارض .. هل هو الناس

الوطن هو ببساطة الأرض و الناس مع بعض, و من انفقد واحد من العاملين ما عاد في وطن... و بدي أحكي شوي عن الوطنية.... الوطنية هي حب الوطن, و الوطن هو الناس و الأرض

مو شرط أنا أفكر انو أرض وطني هي الأجمل.... هي أرض عادية بس هي الأرض اللي عشت فيها

و نفس الشي بالنسبة للشعب... شعب متل غيرو من الشعوب لا أكثر و لا أقل.... بس هالشعب هنن أهلي و جيراني و صحابي.. بسلبياتهو و ايجابياتهم

هاد هوي الوطن بكل بساطة


يعني لو "لا قدر الله " راح كل الناس يلي بتعرفهم من وطنك .. صفي ارض بدون ناس .. بضل وطن؟؟
يعني الوحده = غربه؟؟
الوطن = مكان ما موجودين الناس يلي بهمونا؟؟


الوطن هو الأرض و الناس مع بعض... ما فيني فرّق العاملين... راح اعطيكي مثال:

لو انتي ساكنة ببيت, و قررتو تنتقلو و بعتو البيت و رحتو ع حارة تانية سكنتو, و بيتكون القديم هدموه و طلعو ببناية جديدة محلو. لما راح تمرّي قدام البناية الجديدة راح تحكي انو و الله هون كان بيتي و أكيد عندك ذكريات و تحبي هالذكريات.. بس هاد ما عاد بيتك, وصلت؟

اذا الوحدة = غربة... ممكن هالشي تماما, بس ما فيني حدد كتير, بعمري ما حسيت بالغربة





الوطن مانو عامل جغرافي بالنسبة الي بنوب. يعني فيك تقول انو ردي هاد بيلخص شوي مفهوم الوطن بشكل ما


برأيّي علينا إدراج الولاء في قائمة الأشياء النسبيّة (اعذروني؛ أؤكّد لكم أنّ هذا لا علاقة له بإعجابي بأينشتاين): لأوضّح لكم الامر بالأمثلة؛؛
عندما هاجم الاتّحاد السوفياتي أفغانستان في ثمانينيّات القرن الماضي هبّ بعض الأشخاص و من بينهم سوريّون للوقوف في وجه الاعتداء (و الذي حرّكم انتماؤهم الإسلاميّ) كما كان من بين المدافعين عن أفغانستان "أسامة بن لادن" و منظّمته (و الذي حرّكه انتماؤه لأمريكا - و الكلّ يعلم ذلك- مدّعياً أنّ الذي يحرّكه انتماؤه الإسلامي) و دافع عن أفغانستان أيضاً أمريكا (و الذي حرّكها عداوة الاتّحاد السوفياتي) و دافع أيضاً أبناء البلد المعني "أفغانستان" حيث كان الدافع الانتماء الوطني (أيّ لأنّهم أفغانيّيون) هذا كلّه عدا الغربيّون الذين دافعوا بحكم أنّهم من انصار حقوق الإنسان أي الإنسانيّة!
نجد فيما بعد أنّ أمريكا نفسها هاجمت أفغانستان؛ و دافع عن أفغانستان الآن "القاعدة" و "طالبان" و دوبلوماسيّاً "روسيا" و كان دافع "القاعدة" ربّما إسلامي أو معاداة أمريكا أو محالفة طالبان أمّا دافع طالبان كان وطنيّاً لأنّهم أبناء البلد و دافع روسيا تضارب المصالح مع أمريكا فقط؛ و كذلك كان من بين المهاجمين جماعة من نفس البلد "بقيادة مسعود" و كان دافعهم الطمع بالسلطة أو العداء العقائدي مع طالبان أو موالاة أمريكا.
في وقتٍ لاحق هاجمت أمريكا العراق و هبّ بعض الناس من سوريا أيضاً للدفاع و كان هذه المرّة دافعهم الانتماء للعروبة!
و قد تهاجم أمريكا يوماً ما سوريا فيدافع هؤلاء الناس عن سوريا لكن لا يستطيع أحد الجزم بدافعهم فهناك العديد من الاحتمالات مثلاً الشعور الوطني السوري ثمّ العروبة ثمّ الإسلام ثمّ معاداة الإمبرياليّة المتمثّلة بأمريكا و قد يكون لبناء مجد شخصي ..
إليكم هذا الاقتباس ؛؛؛
اقتباس:
كاتب النص الأصلي : Hus
نحن لينا بالخلاصة، انت بني آدم منيح ، لإنك مسلم حلو، لإنك علماني حلو، لإنك ملحد حلو .. انت ما عم بتمارس القتل خوفا من جهنم (النار) او خوفا من قوانينا المدنية .. شي بيرجعلك ، الي معك انك ما تمارس القتل. و الك الحرية بإختيار موجباتك ..

.
الخلاصة من طرفي أنّ أيّ إنسان سيمنح ولاءه مَن يستطيع الدفاع عنه؛ أي يمنحه للعروبة إذا وجد انّ العروبة تلبّي رغباته و مصالحة الماديّة او الروحيّة على حدٍّ سواء؛ و يمنحه للإسلام أن كان الإسلام قادراً على منحه تلك الحاجات؛ و يمنحه لقريته الصغيرة إن منحته هذه الأشياء و يمنحه للكونغو إن منحته إيّاها المهمّ أن يحصل على راحته و يختلف مفهوم الراحة بين الناس فالبعض يجدها في الراحة الروحيّة و الآخر يجدها في الراحة المادّيّة.
أمّا إن خفّفنا من حدّة اللهجة المادّيّة يمكن أن نصل إلى قاعدة أخرى مشابهة في النتيجة مفادها أنّ الولاء يكون ردّ جميل على هبة ما منحتها الجهة التي ندين لها بالولاء؛ فتجد شخصاً ما يقدّس معلّمه أكثر من أهله لأنّه حصد و شاهد فضائله أكثر من فضائل أهله أو عامل ما ينحاز لأحد الشريكين صاحبي العمل أكثر من الآخر لأنّه منحه زيادةً ما على أجره؛ دولة تدين بولائها لدولة عظمى دون أخرى لأنّها ساعدتها بالقضاء على مرض السلّ.
و الخلاف بين أوّل نتيجة و الثانية أنّ الأولى تقضي بأن يكون الولاء للجهة التي نتوقّع الحصول منها على فائدة أمّا الثانية تكون الفائدة حاضرة يتبعها الولاء.
.
و حسب ما ذكرتُ آنفاً قد تتعدّد مستويات الولاء لذا سيكون هناك على الدوام مفاضلة؛ فلكي أحصل على منفعة ما الآن عليّ أن أكون عضواً في حزب أو جماعةٍ ما تستطيع أن تمنحني هذه المنفعة لكن أجد أنّ تعارضاً ما قائماً بين أفكار هذا الحزب و أفكار أخرى لجهة أدين لها بالولاء مثلاً ديانة ما و ليكن هذا التعارض أنّ الحزب المزعوم يشترط أن أكون لادينيّاً فتحصل المفاضلة؛ الديانة ستمنحني الجنّة في عالم ما بعد الموت و الحزب سيمنحني منفعة ما ؛ هل عليّ التضحية في النعيم بعد الموت من أجل هذه المنفعة أم عليّ التضحية بهذه المنفعة؟
.

هلأ مثل ما قلت بردي السابق.. كلامك عن الولاء لا غبار عليه. أو على الأقل النقطة اللي بدي ياها لا غبار عليها.. بس انا ما قصدي احكي عن الولاء أبدا. الولاء أمر مختلف عن الانتماء

الانتماء شعور نفسي بحت, بينما الانتماء مستحيل ما يكون ولو بشكل غير مباشر ايديولوجي, و اللي بيقول انو ولائو للوطن بيكون ولائو لفكرة او تصور محدد لهالوطن أو حتى اتجاه معين... يعني فتنا بفكر قومي بشكل ما

فكرة الوطن هي فكرة انتماء, الوطن متل العيلة, انت تنتمي لعيلة هي أبوك و أمك و اخواتك... الخ... بس في ولاء للعيلة؟ طيب خلينا نقول انو الولاء يكون انو هالعيلة حاط تصور انو نحنا ناس مثقفين متعلمين راكزين ما بنأذي حدا ... الخ, طيب لاسمح الله أخوك طلع أزعر و جاهل.. مو من عيلتك؟ تنكر وجودو؟ تتبرا منو؟ هاد مثال الفكر القومي. انو خيو نحنا اهل هالبلد عنا "مواصفات" ضرورية و اللي ما عندو ياها مانو ابن بلد... طيب ياأخي مين سمحلك تقرر شو مميزات أهل البلد؟ (طبعا مثال الأهل مانو شخصي)

في مثال ذكرتو لعبد بزماناتي مشان اشرحلو الفرق بين الفكرين الوطني و القومي... تخيل واحد قومي حلبي, انو عندو انو خيو نحنا الحلبية كلنا نشجع الاتحاد يا الحرية و ناكل مشاوي و كبب و نشتري أحذيتنا من هوفيك و نسمع صباح فخري.... الخ الخ الخ... طيب بلكي أنا حلبي و ما بحب لا الاتحاد و لا الحرية, و لا بحب المشاوي و الكبب و ما بطيق صوت صباح فخري.... شو يعني خاين لحلبيتي يعني؟ مين حطك تقرر مواصفات الحلبي الجيد؟ يا عمي حلبي ليكني!


و هنا أظنّ قصد (yass) أن يربح الانتماء الوطني السوري في كلّ المفاضلات.
حسناً... إذا أراد الوطن أن يربح هذه المفاضلة عليه أن يقدّم هباته لأصحاب الولاء بحيث تمنعهم من التفكير في التحوّل إلى ولاءٍ آخر!
.

أصلا لو ما عنا أزمة انتماء الانتماء الوطني ما بيفوت مفاضلة مع شي... أمر آخر و انتماء آخر.. كلشي وحدو , و متل ما قلت برد سابق, مقارنة الانتماء الوطني بانتماءات و ولاءات أخرى على الاغلب مدعاة ضحك في شعوب ليس لديها مشاكلنا.

و في النهاية أتذكّر و أقتبس توقيع أحدهم:
"إنّ الذي يدّعي أنّه يدافع عن الله أو الإنسانيّة أو الدين أو الوطن كاذب؛ إنّما يدافع عن أديلوجيّة رتّب حياته على أساسها"
.
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
.
®

هاد أبو نهلة العظيم مو؟:lol:




ما بعرف ما حبيت ردي و انا عم اكتبو... حاسس عم احكي بشكل كرشوني, على كل اذا حدا مو فهمان شي يقللي


:D

كأنّو راح ردّي بشربة مي؛؛؛
ليه ؟

لأن حضرتك (yass) فرّقت بين بين مفهوم الانتماء و مفهوم الولاء!

على كلّ حال لازم نرجع نمخمخ على الموضوع مرّة تانية و نشوف كيف بدنا نزبّطها إنّو الانتماء يكافئ الولاء.

:melody:

®

تسجيل متابعة

.
و في النهاية أتذكّر و أقتبس توقيع أحدهم:
"إنّ الذي يدّعي أنّه يدافع عن الله أو الإنسانيّة أو الدين أو الوطن كاذب؛ إنّما يدافع عن أديلوجيّة رتّب حياته على أساسها"



هاد افضل توقيع قريتو بالاخوية .
بس انت نسيت من الجزء التاني من الفكرة انو بيدافع عن المصالح مش الايديولوجية
بس عنجد هاد افضل توقيع قريتو بالاخوية على الاطلاق .

ما بتخيل المشكلة بين الانتماء و الولاء لانو واحد من التنين رح ياخد عا التاني

بتصور المشكلة هي الانتماء و الايديولوجيا

و تضارب الايديولوجيا مع الانتماء الوطني

يعني مثلا لناخد شخص اشتراكي سوري, بفترة الاتحاد السوفييتي, هل الايديولوجيا اللي بيتبناها رح تفرض عليه الولاء للاتحاد السوفيتي ولا لسوريا

نفس الشي الأمثلة اللي ذكرا الأخ RAW , اخواني من سوريا هل بيحس بالولاء للفرد المسلم بأفغانستان ولا للمواطن شو ما كان انتماءه الديني بسوريا

هون المشكلة و هون الحل


لما بتكون الايديولوجيا طريقة لتفسر العالم من حواليك يعني طريقة حياة, أكيد رح تتناقض مع كل الدنيا و بالتالي ما رح تحس بالانتماء لأي شي غير الايديولوجيا تبعك

لما الايديولوجيا بتكون مجموعة من الافكار اللي بتآمن فيا, بس مو جامدة لدرجة توقف حياتك و عقلك عليها و مرنة بحيث تقبل وجود ايديولوجيات تانية معك بنفس ها الكرة الارضية, رح تقدر تفصل انتماءك لها الايديولوجيا او الفكر عن انتماءاتك الأخرى العديدة اللي جزء منها مفروض عليك بحكم الولادة

لما بتقبل اختلاف ايديولوجيتك عن ايديولوجية جارك و بتضلو حبايب, لما تقبل كل المواطنين اللي معك بنفس الوطن, شو ما كانت افكارون, لما تعترف بحقن بالاختلاف و بنفس الوقت بالمساواة معك منكون وصلنا


وقتا بيصير الوطن أولا و بعدين بتتدرج كل الانتماءات التانية


تحياتي الخضراء

أنا شخصيا ماني حابب أحكي بالموضوع ..و لا غير موضوع يعني ...جاي ع بالي اتحمم :lol:

على كل حال .

اقتباس:
و في النهاية أتذكّر و أقتبس توقيع أحدهم:
"إنّ الذي يدّعي أنّه يدافع عن الله أو الإنسانيّة أو الدين أو الوطن كاذب؛ إنّما يدافع عن أديلوجيّة رتّب حياته على أساسها"
.
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
.
®
هاد أبو نهلة العظيم مو؟

مو ...... و هو كان كالتالي :
-الذي يقول أقاتلك دفاعًا عن الله أو عن الحرية أو عن النظام والعدل إنما يعني الدفاع عن أسلوب من الحياة قد رتَّب مصالحَه عليه.
و هو اقتباس من كتاب ( أيها العقل... مَن رآك ؟) لعبد الله القصيمي

هلأا أنا بس حابب قول شغلة ...الأنتماء برأيي هو علاقة بين طرفين ..يعني ما بكفي طرف واحد يقرر ...أو يستنتج أو يتخيل انو هو منتمي لطرف تاني ليكون صار منتمي !!!

الانتماء بيتطلب رغبة و قبول .... تماما متل اذا بدك تسجل بمدرسة يعني .... او اذا بدك تفوت ع السينما :shock:

و غير هيك مابيمشي الحال .... يعني انا ما بقدر اطلع فجأة و قول انو أنا بنتمي لجيل السبعينات !!!
أو انو انا بنتمي لحركةتحرير الحبشيت صبعو !!
أو انو انا بنتمي مثلا لجنوب السودان !!!

وكمان نفس الشي ...يعني ما بينفع يجي الحزب الجمهوري الايرلندي و يقول أنو ياس بينتمي الو !! و ما بينفع تجي اميركا و تقول أنو الهنود الحمر ( مواطنين ) أمريكيين ...بدون رغبة ياس و الهنود الحمر انهن ينتمو للحزب الجمهوري الايرلندي و للولايات المتحدة :gem: ( ياس خود استراحة خمس دقايق و ناقش الهنود الحمر و ردولي خبر شو صار معكن :lol: )


اي انو هاي هيي يعني ... كتير بسيطة ...:?:?:?:?

مو ...... و هو كان كالتالي :
-الذي يقول أقاتلك دفاعًا عن الله أو عن الحرية أو عن النظام والعدل إنما يعني الدفاع عن أسلوب من الحياة قد رتَّب مصالحَه عليه.
و هو اقتباس من كتاب ( أيها العقل... مَن رآك ؟) لعبد الله القصيمي

هلأا أنا بس حابب قول شغلة ...الأنتماء برأيي هو علاقة بين طرفين ..يعني ما بكفي طرف واحد يقرر ...أو يستنتج أو يتخيل انو هو منتمي لطرف تاني ليكون صار منتمي !!!

الانتماء بيتطلب رغبة و قبول .... تماما متل اذا بدك تسجل بمدرسة يعني .... او اذا بدك تفوت ع السينما ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و غير هيك مابيمشي الحال .... يعني انا ما بقدر اطلع فجأة و قول انو أنا بنتمي لجيل السبعينات !!!
أو انو انا بنتمي لحركةتحرير الحبشيت صبعو !!
أو انو انا بنتمي مثلا لجنوب السودان !!!

وكمان نفس الشي ...يعني ما بينفع يجي الحزب الجمهوري الايرلندي و يقول أنو ياس بينتمي الو !! و ما بينفع تجي اميركا و تقول أنو الهنود الحمر ( مواطنين ) أمريكيين ...بدون رغبة ياس و الهنود الحمر انهن ينتمو للحزب الجمهوري الايرلندي و للولايات المتحدة :gem: ( ياس خود استراحة خمس دقايق و ناقش الهنود الحمر و ردولي خبر شو صار معكن :lol: )


اي انو هاي هيي يعني ... كتير بسيطة ...////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


أول شي ليش بدنا نترجّى و نبكي لحتى تجي ترد عالمنبر؟؟ موضوع السنافر أحسن منّا يعني؟:lol:

خيو.. أنا قلت انو الانتماء حالة نفسية.. و اعتقد انو هالتعريف مناسب لكلامك اللي متفق معو...

شلون يعني حالة نفسية... السعادة حالة نفسية, و تكون سعيد لما في أسباب أدت الى انو تكون سعيد (أحداث مفرحة, مخدرات ... الخ) يعني انت ما بتصحى الصبح و تقرر انك فرحان اذا ما عندك أسباب بتستوجب تكون فرحان (هالقاعدة الها استثنائين.... انو الواحد يكون عندو مشكلة نفسية أو انو الواحد يكون حمصي:p)

الانتماء كحالة نفسية هو ناتج عن عوامل وهي التعايش و الخبرة الحياتية... الخ الخ

الباقي أعتقد انو متفق معو

ملاحظة: استثناء الحماصنة لا حدا يسيء فهمو انو الحماصنة عندهون مشاكل نفسية... أبدا... مجرد انو الحماصنة غير... و لتحيا حمص:gem:


ع راسي أبو نهلة:D

بتصدق ان هالموضوع من المواضيع القليلة الي بالاخوية الي رجعت قريت ردودها رد رد
يعني صارلي شي ربع ساعة قاعد عم حاول جمع فكرة عن هالانتماء
صراحة وبنص هالمعمة الي صارت ضد القومي السوري والاحزاب العربية الاشتراكية انا حاسس ان في شي منسي بالطريق...
هلق بتعتقد ان سبب ازمة الانتماء هيه ه////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////الاحزاب ؟
انا مابعتقد هالشي
الازمة بلشت من لما كل الاحزاب اتهمشت ومافيهم حزب البعث العربي الاشتراكي (الي انا بومن ان كان الو في فترة محددة من حياة سوريا دور رائد ) وصارت البلد مافيها فكر تقدمي ..
يعني البعث والعروبة صارت علامات للبكلوريا والقومي السوري صار رفقة حلوة وحفلات والحزب الشيوعي (يعني الي انا بؤمن فيه وما جاب سيرة ياسين ) صار حزب رحل واعتصامات ومسير للمزرعة مشان ذكري ثورة او معركة
كل هالناس الي كانت افكارهم ومباديهم تهدف الي تطوير المجتمع (ولو عالورق) اختفوا لصالح هالي كل هدفهم بالحياة هوه الاخرة وبالتالي هنن بيبيعو هالحياة الفانية للحياة الازلية...
الرجعية هيه الي حولت الانتماءات من العمل من اجل الوطن الي العمل من اجل اللاموجود وقادة الرجعية هنن الي حولو الانتماء للوطن والوطن نفس الي بدعة غربية او شي يحاول ان يبعد الانسان عن رب
هلق الحق بهالشي مو عالرجعين الحق بصراحة عالتقدمين الي كل مادق الكوز بالجرة اتقاتل
وغير ان نشر افكارهم صارت معدومة واساليبهم صارت كتير قديمة (وجيل البوكيمون مستحيل يقرا كارل ماركس بالنسخة الفلسفية تبع او راح يمسك مجلة المناضل او يقلب بمذكرات الشهيد انطون سعادة) وبالتالي هالجيل اما راح يتوجه للبوكيمون(وهيه كائنات خيالية ) او للفوضي (من داعي التميز) وطبعا لاباس من ان يحط صورة التشي او الزوبعة بعتبار صاحب فكر
الاحزاب رغم التشويه الي وصلتل كانت تهدف الي تطوير بلدانها حتي لو حملت فكر قومي او قومي عربي
بذكر بالحزب كان بيعلمونا ان ننحنا اممين ولكن الوطن هوه البوابة الاكبر لتحقيق الاممية وكان بالمدرسة بالكتب تبع القومية بندرس عن سوريا وعن الوطن ونفس الشي بالفكر تبع القومي السوري
الاحزاب يمكن حرفت الانتماء عن الوطنية الصرفة ولكن هيه مالغتها او حدا دخلت في مرحلة محاربتها للوطنية
بالنهاية اسف لطول الرد بس حبيت وضح وجهة نظري

أي طبعا جزء ضخم جدا من مسؤولية أزمة الانتماء يقع على الأحزاب القومية العروبية.. و راح قلك ليش: خلال فترة صدارتها للحياة السياسية العربية, من ثورة تموز بمصر و حتى نهاية التسعينات فرضت نموذج و قالب وحيد و أوحد للمواطن... فرضو هوية عربية صرفة غير واقعية و غير حقيقية على سوريا, فرضو قوالب ايديولوجية الخروج عنها كان خيانة للوطن برأيهون.. يعني احتكرو كلمة الوطنية لصالح الفكر القومي العروبي, بأدبياتهون اللي مانو عروبي مانو سوري.. حتى اسم البلد (الجمهورية العربية السورية) حط هوية وحيدة و هي العروبة

بالنسبة للقومي السوري.... يعني فيك تقول هون صار في شيء ما من الحربائية بالأمر... يعني لو حدا يفتح كتاب القومية تبع الصف السابع (طبعة ما قبل الآلفين) يشوف شلون معدود حزب من الأحزاب (الاقليمية الرجعية).. هلأ صارو مناح؟ طبعا الاعتراف بهم فيه مصلحة متبادلة و راح قلك شو هي... خيبة أمل السوريين بالقومية العربية قوّى النزعة القومية السورية, يعني من الألفين لهلق كم ضعف تضاعفو القوميين السوريين؟ فالحكم السوري شايف انو هاد تيار عم يكبر (كل فكر قومي هو ناتج عن فكر قومي آخر) و تصرّف حيالو... عرض عليه دخول الجبهة فالحزب انشطر... ناس بدها و ناس ما بدها.. يعني شطر قيادة حركة في تصاعد و شطرها و جاب شطر جنبو... حركة ماكيافيلية من الدرجة الأولى ... فرّق تسد


أما بالنسبة للأحزاب الشيوعية.... فدخيل رب الأممية المتحالفة مع القومية;)



:D

حجي

يبقى بهالحالة وعلى ضؤ اللي حكيته
مافي ولا حزب بسوريا عنده انتماء بالدرجة الاولى للوطن ؟

حجي

يبقى بهالحالة وعلى ضؤ اللي حكيته
مافي ولا حزب بسوريا عنده انتماء بالدرجة الاولى للوطن ؟

و الله ما بعتقد فيه... كلو يلعب على وتر العروبة بشكل ما ان كانو أحزاب الجبهة أو أحزاب المعارضة.. مافي أحزاب لأنو مافي قاعدة... مافي فكرة الوطنية.. انو سوريا هيك ببساطة دون لواحق و سوابق

و ما راح يكون في على مدى عدة سنوات

حاليا up up
بس راجع