الناس أجناس
بسم الله
وتوكلنا على الله وكفى بالله وكيلا
اليوم من الصبح ما كنت رايق وعصبي المزاج
يعني أرتفع معي الضغط
مع أنه أمبارح كنت مبسوط أخر الليل قبل ما أسكر الحانوت حلوة كلمة ...حانوت , حانوتي , حوانيت .
دخل أمبارح رجل علينا على الحانوت ويبلغ من العمر 70 سنة ومن الباب سألني : وينه الأشقر
قمت جاوبته قصدك والدي
وقلي : نعم وينه
قلتله : البقاء لله
وجمد الشخص وتفاجأ ووضع يده على وجهه وغطا عينيه وكان لابس نضارة
المهم تبين لي أني تأثر وأندهش من الموضوع
وبعد ثواني ما ألاقيه غير نزل لعندي وتوجه علي بسرعة قلت خلص جاي يضربني كف أو بوكس
ومد أيده على جيب طقمه الداخلي ونترني كرت الفزت تبعه
طلعت على الكرت ألاقي صورته البشوشة بالكرت وعينيه عاملين حادث وطبعا لا نعيب خلق الله
لكن بعد ما نترني الكرت تبعه وقريت محتويات الكرت مكتوب فيه :
الاسم
الطبيب العربي لمعالجة العقم والأمراض المستعصية
بالأعشاب الطبية (هي مكتوبة بالأحمر ومغمقة كمان )
وبهالسطر نفس الحواشي فوق بس بالانكليزي
وأخر سطر عنوان عيادته
طبعا أنا بهداك الوقت ما قريت كل هالهيلمة ألي بالكرت لأنه
وصلت أيده لظمارة رقبتي وطلع علي مدهوش
وقلي : أنت معك أفراط بالغدة ال ما بعرف شو أسم هال الغدة ألي نترني ياها بس
حط أيده تحت كراسي حناكي
ورجع قفز على بطني
وقلي : أنت عندك أضرابات بالهضم .
رأسن ما شاء الله عرف شو معي بدون فحص سريري أو شعاعي أو أي نوع من أنواع الفحوصات
المهم أنقلب مزاجية الشخص من أنسان حزين بموت أبي
إلى رجل يحمل قسم ابو قراط العشبي
وطلع على الشب ألي موجود معي وقله : أنت معك فقر دم وانا عندي الدواء .
ماشاء الله اي شو هذا تقول جهاز طبقي محوري متنقل بالشوارع
يا أخي الخبرة تتكلم والشعب يتألم
وما لاقيت إلا بدي أختراق النفوس وبدي يضحكنا
واندار إلى صاحبي قله : وانتم مين
وأنا جاوبته : هو أخوي
قام قالي : مستحيل يا زلمة أنت أبيض وهو أسمر
قلتله : جملة بما معنى أخوة بالرضاعة ههههههههههههههههههه
المهم العينتين الطبيب ضحك شوي وسحب كرسي وريح باكاجه على الكرسي
ونحنا بدنا نسكر لأنه خلص الدوام وانتهت صلاحيتنا
المهم بركله شي 10 دقائق على صف حكي ليوم ألحكي
هذا ألي صار , هلق في كتير من الناس ما بتعرف كيف تقدم نفسها للطرف الأخر
يا عين على أليسا شقد صوتها حنون وكلماتها أحلى
قال بتقول بغنيتا : لو تعرفو لو يوم شفتوه كلموه عن ناس هنا بيحبوه
وفكروه فاتني وبستناه
في باله أو في باله
يا عين غنية حلوة على فكرة هلق معلقين على براد الشاي بدنا نشربكم شاي طبعا بطريقتي
لأنه الشاي اختصاصي والي بيعرفني وبيعرف مالك الحلبي بيشهد علي بمجلدات الشاي
ونرجع لموضوعنا وهو :
محاولة كسر الحواجز لإيصال رسالة معينة للطرف الأخر
وهذه الحالة بتوقع يبرع بها النصابين أحكي لكم قصة هههههههههههه قصصي ما بتنتهي إلا بقرب الأجل اللهم أجعل شهادتي على الأيمان
أمين
مرة كنت قاعد بالمحل وكان أبي الله يرحمه موجود
دخلوا تنين كل واحد بطول الزرافة والعرض بعرض باب الجرار
وقعد يبوس أبوي ويمجق فيو تقول بيعرفه من خمسين سنة
شلونك أبو مالك؟ طمني عنك ؟ كنا عند العميد فلان وجبنا سيرتك ....الخ
وقت كنا بالسهرة عند فلان ...الخ
وأبوي لا حول له ولا قوة إلا بالله العلى العظيم
عبيطلع فيو .....وما بيعرفه ..... وبيعصر مخه ما عبلاقي طلاسم وشه بالعقل الباطني لأبي رحمه الله
المهم قاموا الشبين القبضايات قال بدهم ألبسة
وقمت أنا معهم أطالعلهم منتجاتنا وأعرض عليهم
أشو قمصان اشو بناطرين أشو بلايز
ويقولولي : حط هي... وحط هديك..... وحط هي ..... وحط هديك
وأقله : هذا مو قياسك !!!!
يجاوبني : حطه بعطيه لأخوي او ابن أختي
المهم طبقو البسة بما يعادله من 500$
أجا وقت الدفع ( و البكا على تم الجب )
حطينا البضايع بالكياس وكيسناهم
والداعي سجل الأسعار ما بقي غير الدفع
ألاقي واحد من الأتنين قرب لأبوي وهمس بأدنه
و قله :أبو مالك نحنا هلق طالعين على طريق سفر وراحين لمدينة تانية بركي وقت منرجع مندفعلك
وأخذ كل شي بضحك وأحلى أبو مالك.... وعلى راسي أبو مالك ... وطبق ورد أبومالك ......الخ
وأبو مالك حسيته بوظ وارتفع ضغطه بس شو, ما عبيعرف كيف بده يتصرف
وأجاكم الداعي العبد الفقير لرحمة الله عزوجل تقول صوبرمان لابس شحاطة أم الأصبعة
قلتله : بالنسبة للبضايع ما بطالعهم إلا وحقهم فوقهم
رجع الشخص مع أبوي وبدون ما يلتفت لألي أبدا وما عبيخاطبني أبدا تقول أنا كنت لابس طاقية الأخفى
ويقله : بس نرجع مندفعلك حقهم يا أبو مالك
قام أبوي قال له : ما بقدر أطالع ولا قطعة إلا وحقها فوقها
قام بوسوه لأبوي وطلعو
وقاله واحد منن : بس ما منرجع مناخد هالبضايع
سألنا عليهم طلعو نصابين من الدرجة السوبر وناصبين على 10 محلات بالعزيزية
هي قصة حكينالكم ياها
وبلكي منلاقي الضحكة علت وجوهكم
تحياتي

الطبيب العربي



أحيانا تظلمنا العروبة ..
إذ أصبحت في عصورنا حين تُرفق بكلمة طبيب تساوي الكفاءة المنتقصة ..

و أحيانا تنصفنا ..
إذ حين تُرفق بكلمة مسلم يكون لها صدى جميل ..



محاولة كسر الحواجز لإيصال رسالة معينة للطرف الأخر



هناك رسائل الطريقة الوحيدة في إيصالها هي من وراء الحواجز ..
و أحيانا حتى بإيصال الرسالة يُكسر الحاجز ..



طلعو نصابين من الدرجة السوبر وناصبين على 10 محلات بالعزيزية




هم نصبوا الشباك لمال ..
أرحم ..
ممن ينصب الشباك لقلب ..


رحمك الله أباك و أكرمه في قبره ..

من الخواطر والخربشات
:mimo:

الله يستر بهيك زمن

:shock::shock::shock::shock:

من الخواطر



كسرتيلو خواطرو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////







عالهامش :
شو مشان .. على اساس كنت مقلحف ..... و ودعتنا ..و قمنا بالواجب معك



غيرت رأيك يعني ..؟؟

كسرتيلو خواطرو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////







عالهامش :
شو مشان .. على اساس كنت مقلحف ..... و ودعتنا ..و قمنا بالواجب معك



غيرت رأيك يعني ..؟؟:shock:
يا سيد مادمكس هو في الحقيقة أنا أعجبت بطريقتك الأستفزازية لألي
وبحب أوضحلك صورة وهي أنه أنا ما ضايقت من شي بقدر ما تضايقت من مواضيع موجودة بحوار الأديان ويجب حذفها
فأنا ما بحب أناقش حدا بعقيدته وأيمانه وأفكاره بطريقة السخريةوبكلمات نابية
إنما الحوار يأخذ بمنطق الأقناع وأيصال الفكرة بشكل جميل ومنمق ( طبعا هذا الحوار يكون عادة بين أصحاب الثقافةالرفيعة وليس بين أصحاب السخافة الفظيعة )
فإما أن تقنعني أو أقنعك
وإن لم يحصل الأقناع فيجب على الطرفين أستمرارية الأحترام المتبادل
وكل شخص يقذف ويفضي ويهاجم ويعلو صوته بعفونة المفردات المسيئة ولا يفقه ما يقرئ أو يكتب وهذا يكون عادة
شخص ذو شخصية ضعيفة غير متمكن من أدراك ما يدور حوله
ويقوم بهذا الفعل عادة ليثبت أنه موجود أو ليثبت أفكار ومفاهيم ( هو نفسه لا يفهمها ).............



أما بالنسبة للقلحفة ( اسم مقلحف ) فهذه يا سيدي كلمة
اّسرتها للخوض في هذا المنتدى بتواضع وبساطة
وإن كانت ترمز فهي ترمز إلى أني إنسان قد أكون أقل من الجميع إلماما ودراية أو أكثر من الجميع
, وهي كلمة تقصي فيا نشأة غرور ظلماء ... ولا تنسيني أننا كلنا من خلق اله واحد


وكرمال خاطرك وخاطر كلماتك وفكرك وخاطر بيريتك وخاطر المشرفة التي أثلجت صدري بعض الشئ
قررت العودة والأستسقاء والأنتهال من المفكرين البارزين .....


ولأفرجيك وأثبتلك يا أبو الشباب معلممادمكس أنو أنا مالي أنسحابي ولا أنبطاحي ولا أنهزامي
بس أنا ولله الحمد تربيتي وسلوكي ما بيسمحولي بالرد على الخطأ بالخطأ

ويا معلم .................. ألقى إذا بتلقى هههههههههههههههههههههههه
تحياتي:deal:يا أحلى مادمكس :clap:

ما بيجمعش .....................:lol: