من خلال ما عم اقرأ..لقيت انو التهمة الموجهة لاعضاء اعلان دمشق المعارض..
(الانتساب الى جمعية سرية بقصد تغيير كيان الدولة السياسي والاقتصادي ونشر اخبار كاذبة من شأنها ان توهن نفسية الامة واضعاف الشعور القومي وايقاظ النعرات العنصرية والمذهبية والنيل من هيبة الدولة)..
اعلان دمشق للتغير الوطني الديمقراطي.. جمعية سرية..؟ ام انو تحرك هالجماعة بالدولة رح يعملوا عنصرية..او رح يعملوا اضعاف بالشعور القومي..؟
من بعض التعليقات اللي شفتها..
انو اكيد في تناقض واضح للدولة الحكم..من اعتقال للمعارضين السلميين بالبلد..ومن سكوت الدولة الحكم..ع تجاوزات الدولة الاسرئيلية..ع البلد..!!
كيف الدولة الحاكمة بتقر بانو ع طول الجبهة مع اسرائيل يجب ان يكون التعامل بضبط النفس وانو السلام خيار استراتيجي..واما المواطن فالتعامل معه بالاعتقال والنفي..والقبر..!!
ما فهمت..هل يا ترا هيبة الدولة بتنزل لما بنلاقي تجاوز ع حقوق الانسان بالبلد.. ام انو الهيبة تزداد لما بنلاقي تجاوب مع حقوق الانسان والمواطن..؟

التلفيق و التبلّي شي من تراثنا على ما يبدو... انو بس بدي أعرف شلون الهون وجه يحاكمو أسرى اعلان دمشق و قبلهون ميشيل كيلو على اثارة النعرات لما وزير الدفاع السابق عندو كتاب يتهم بمقاطع منو الطائفة المسيحية بتلقي أوامر سياسية من الفاتيكان و المخابرات الأمريكية من أجل مؤازرة رفعت الأسد بمحاولتو الانقلابية أواسط الثمانينات
....

الكتاب اسمه "ثلاثة شهور هزت سورية" و من طبع و نشر دار طلاس......


هزلت


الحرية لأسرى الضمير

[QUOTE][(الانتساب الى جمعية سرية بقصد تغيير كيان الدولة السياسي والاقتصادي ونشر اخبار كاذبة من شأنها ان توهن نفسية الامة واضعاف الشعور القومي وايقاظ النعرات العنصرية والمذهبية والنيل من هيبة الدولة)../QUOTE]

كا هدول سوا وين هيبة الدولة اللي عم يحكو عنا ووين نفسية الامة وشو بقي من الشعور القومي

لهيك حكيت لا يمكن فصل المطالب الديمقراطية عن المطالب الوطنية ولا الإجتماعية والإقتصادية ....
كله بيودي على بعضه ولحنا شاطرين نستنكر ......
شكرا زميلي على الموضوع
بس بتوقع في ناس تعودنا عليهن رح يردوا بكلمة واحدة " في الوقت المناسب " اللي لسا ما إجا ...
تحياتي الحارة
ظل جيفارا

هي يا رفيق لانو المخابرات عنا والمافيا الاسدية مفصلة تهم واحكام جاهزة

يعني كل سنة الها موديلات جديدة شي بيرفع الراس .... اعلان دمشق صار منظمة سرية حلوة هالنكتة

على كل حال اذا المحامين ما قدرو ياخدو صور عن محاضر الجلسات والتعذيب طال المعتقلين القياديين

متل علي العبدالله لانو اثناء المحاكمة انعرض على الدكتور

واعتقال رياض سيف يلي اساسا معو سرطان بروستات والبرد لوحدو كفيل يعرض حياتو للخطر

بقى فيقو يا ولاد الشام من نومكم فيقو ..... فيروز بدمشق عم تقول للوالي صح النوم .. وقيادة المعارضة الشريفة عم تتحاكم

والوالي والشعب اقرب للموت من النوم بقى لا فيروز ولا مسرحيتها رح تفيقكم .....

هزلت :jakoush: