الرئيس اليمني يطلب من إسبانيا الإفراج عن علوني

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// الزميل تيسير علوني حكم عليه بسبع سنوات في محاكمة تفتقر إلى أدلة (الجزيرة-أرشيف)

توسط الرئيس اليمني علي عبد الله صالح لدى ملك إسبانيا خوان كارلوس للإفراج عن مراسل الجزيرة الزميل تيسير علوني الذي يخضع للإقامة الجبرية في منزله تنفيذا لعقوبة بالسجن مدتها سبع سنوات بتهمة "التعاون مع جماعة إرهابية".
وأثناء لقاء جمع الثلاثاء بين العاهل الإسباني والرئيس اليمني في القصر الملكي بمدريد طلب صالح إلغاء ما تبقى من العقوبة المفروضة على علوني، وأعرب عن اقتناعه بأن المحاكمة التي أجريت للزميل تيسير كانت من غير أدلة باعتراف المدعي العام في القضية.
ونقلت وكالة الأنباء اليمنية عن "مصادر مطلعة" قولها إن نجاح مبادرة صالح "سيمثل خطوة إيجابية من شأنها خدمة العلاقات العربية الإسبانية وتعزيز الصورة الإيجابية لإسبانيا لدى العالم العربي، وإزالة أي لبس نتج عن اعتقال علوني على خلفية نشاطه الصحافي".
وحسب ما نسبته الوكالة إلى المصادر نفسها، فإن الرئيس اليمني، الذي وصل الاثنين إلى مدريد في زيارة تستمر ثلاثة أيام، سيؤكد استعداد بلاده لتسليم مدريد المعتقل السوري الإسباني نبيل نانكلي، المحكوم عليه بالإعدام بتهمة التخطيط "لأعمال إرهابية" في اليمن.
واعتقل نانكلي في 1997 بعد أن أطلق النار على سائحة أجنبية في فندق بصنعاء، واتهم في وقت لاحق بالتعامل مع بلد أجنبي بهدف زعزعة استقرار اليمن واغتيال مسؤوليه.
وأدين بعد ذلك بالمشاركة في تفجيرات في صنعاء وعدن جنوب اليمن وأيدت الأحكام في الاستئناف والتمييز.////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

المصدر: الجزيرة + وكالات

أين حكومة بلدنا من تيسير

وأين تقليقات الشباب مو هادا سوري

يعني كيف بدي احكيلك......


هو شغلتين.. الأولى مهزلة علي عبد الله صالح اللي مفكّر انو كل بلاد الدنيي محكومة متل ما هو و اللي أمثالو حاكمين بلادهون.. لك ما حدا حكالو انو ملك اسبانيا ما بيمون على أصغر رئيس بلدية.. منصبو فخري.. و بعدين ما حدا يقدر يمس حكم قضائي ما عدا الجهة القضائية العليا و قضية تيسير وصلت لأعلى المواصيل و كانت علنية بكل مراحلها

الشغلة التانية... أخي الجزيرة تعلك شو ما بدها لبكرا الصبح. ما عدا مرتو ما حدا من عيلتو عارض الحكم.. عليه شغلات متل عين الشمس ووحدة منهون انو في شبكة تمويل انكشفت (و رئيسها أبو الدحداح عماد الدين جركس أصلو سوري) باعتين كميات كبيرة من المال عن طريق تيسير علوني لما كان مراسل الجزيرة بأفغانستان و كان يجي ع اسبانيا (هو معاه جنسية اسبانية) و ياخدهون معاه, و هو ما نفى هالشي و ما كان ممكن ينفيه لأنو تحركات حساباتو كانت جدا واضحة.. هو دفاعا عن نفسو قال انو أنا كنت آخد هالمصاري لطلاب بأفغانستان من هون... و يعني معليش اسمحولي اتفق مع المدعي العام انو يا تيسير غلطة الشاطر بألف... شلون أستاذ محاضر بجامعة قرطبة و انسان فهمان متلك يوقع هالوقعة يعني.....

هو هاد كان اتهامو.. المساهمة بشبكة تمويل. فيما عدا ذلك كان ممكن تطلع عليه شغلات كتيرة مثل انو كان بنص اسبانيا يفخر بعلاقتو الوثقى مع بن لادن لما هو المطلوب رقم واحد بالعالم و المحكمة ما نظرت لهالأمر لأنو هو صحفي و شافو انو من حق الصحفي انو ما يحكي عن مصادر أخبارو

تيسير علوني حوكم طليقا و حكمو كان سبع سنين اقامة جبرية ببيتو... يعني ما حدا كان متوقع حكم لهالدرجة خفيف.. خفيف لأنو بعد نصف المدة يصير درجة ثالثة و فقط مجبور ينام ببيتو و ربع المدة الباقي راح يتسامح فيها على الأغلب


أنا كتير بحترمو لتيسير و لعيلتو رغم انو ما بلتقي معو بشي أبدا... و كنت حابب انو على اعتبار انو هو بذات نفسو بيعرف انو انحكم بشي جدا مخفف و لو الأمر صاير بسوريا كان الله عليم قديه انحكم عليها (يعني تخيلو واحد ينحكم بسبب تمويل جند الشام شو بيصير فيه؟) انو ما بيسمح انو يستخدمو اسمو شلة الجزيرة اللي كتير مريّحهون سمعة القناة المستهدفة... لو يبطلو علاك و يعملو لأجل سامي الحاج اللي فعلا مظلوم كان كتير أحسن للكل

على كل الله يفك أسرو .... المخفف و غير الظالم

و يفك أسر كل مظلوم بالأرض

مشكور على التعليق اخي ياسو