مساء الخير جميعاً


قبل حوالي الاربع شهور من اليوم انضميت لأسرة الفيس بوك الكبيرة ، ووقتها حبيت فكرة هالموقع كتير لأنو كان وسيلة تواصل كتير رائعة بين الناس خصوصا انو بيحمل معلومات واخبار عن سوريا ممكن حتى اهل البلد ما يكونوا عرفانين فيها ، لذلك كان بمثابة وسيلة تواصل رائعة الي هون بالغربة وصرت من خلالو حس وكأني مو عايش بغربة أبداً

لكن ... وقبل حوالي شهرين بدأ الاشخاص بتحويل صفحة نتوورك سوريا إلى ساحة للنقاش السياسي ... وياريتو كان نقاش سياسي ... بل كان عبارة عن شوية همج ما بيعرفوا غير السب والشتم على رموز البلد وشخصياتها بأسوأ واحقر الالفاظ بحجة "الدفاع عن الوطن وتحريره ".... وقتها عرفت انو صفحة الـForbidden قادمة عما قريب على شاشات المتصفحين السوريين ..

وللأسف .. الحجب صار وكلنا منعرف

لكن اللي ما توقف هو هدنك الرعاع اللي خليت الهن صفحة النتوورك ليحكوا فيها ويسبوا فيها باسم سوريا من دون ما حدا يردهن او يقلهم شي !!

والسؤال .. إلى متى ؟!؟!؟

ادارة الموقع " وحسب متابعتي للوضع " ما قصّرت ابدا .. وعمتحذف كل الردود والمواضيع اللي بتوصل لها عنهم مشاركات سيئة .. لكن مو من المعقول انو يتابعو كل حرف عمينكتب هنيك !! .... حتى انها قفلت بروفايلات كتير من هالاشخاص .. إلا انهم عادوا وكتبو ببروفايلات جديدة .. ولا كأن صار شي

كتير من الاشخاص حاولوا انهم يصلحوا البعض ويوقفوهم عند حدهم .. لكن ما في أمل!!


طيب وبعدين ؟؟.... شو الحل ؟؟...

المشكلة انو النتوورك هي واجهة البلد عالموقع .. يعني لما بيفوت حدا غريب وبيشوف هالمنظر شو بدو يقول ؟؟؟... تمنيت شوف اي نتوورك عربي بيشبه النتوورك السوري @@.... لك شي بيخزي والله

لذلك حبيت اطرح هالموضوع هون بركي منقدر نلاقي حل لهالمهزلة اللي عمتصير هنيك باسم " النقاش الحر في سوريا" .... لأن الحلول الفردية مستحيل تقدر تجيب نتيجة مع همج وحثالة متل المتواجدين هنيك

بانتظار آرائكم

أخوكم
إيـــاد

رابط النتوورك السوري
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ما في اي مبرر لحجب الفيسبوك وغيرو من المواقع بسوريا والنظام اللي مابيعرف الا سياسة القمع والحجب والمنع هو المسؤول الاول والاخير

اما ليش في ناس بتشتم كتير فلازم تسال حالك من اللي وصلنا لهون وهدول اللي عم يشتمو شو عمل فين النظام لخلاهن يصيروا هيك

يا أخ ayhamm26 اي هيدلو انت عمتشتم النظام
يعني بكفي سياسة طبعا انا ضد الحجب
بس كمان مو على الرايحة والجاي النظام مسؤؤل شو الشعب ما في وعي شوف مثلا بمصر
بس ياريت قلولنا كيف بدنا نفتح موقع الفيس بوك
شووووووووووو
ويسلمووووووووووووو

بســـــــــــــــــــــــ ــــام

ما في اي مبرر لحجب الفيسبوك وغيرو من المواقع بسوريا والنظام اللي مابيعرف الا سياسة القمع والحجب والمنع هو المسؤول الاول والاخير

اما ليش في ناس بتشتم كتير فلازم تسال حالك من اللي وصلنا لهون وهدول اللي عم يشتمو شو عمل فين النظام لخلاهن يصيروا هيك


اهلا اخ أيهم ...

هلأ هون ما عمأحكي انا عن الحجب .. انا عمأحكي عن نوعية الاحاديث والنثاشات الدونية اللي عمتصير هنيك

مهما كان الشخص حاقد او كاره ما بيصير يحكي بهالاسلوب ويلجأ للألفاظ الوضعية اللي بتسيء الو قبل الكل وبتعطي صورة وسخة عنا قدام الناس !!

فكرة الموضوع هو ايجاد حل لهالمجانين اللي مستعمرين النتوورك !!

اخي شعبنا من طول عمرو شعب بيكره بعضو وبحقط ع بعضو وكل واحد بكره التاني وكل واحد بيحفر للتاني وكل واحد مو عاجبو التاني ..
بصراحة كل مالي عبتيقن انو الشعب السوري من اكتر الشعوب اللي بتكره بعضا ولدرجة انو وصلا لدرجة ماحدا صار يتفق مع التاني .. يعني بصراحة صرنا غير عن كل هالناس ..

شعب حقود عبعضو وبكره بعضو وهالشغلات كل مالا عبتطلع ع الصعيد النت او حتى بالمغترب ..
وكل واحد من هالشعب عبطالع الحقد اللي بقلبو وماعاد في محبة بين ابناء هالشعب
وكل مالو من سئ لأسوأ ورح نضل هيك لنكره رب الجنسية السورية اللي حاملينا
ومن جهتي انا اول واحد بلشت اقرف حياتي من وشختن هالشعب على بعضو

الصراحة ما كتير مطّلع على مجريات النقاش السياسي بالفيسبوك... بس مبدئيا يعني أمر عادي و صحي انو يكون في اختلافات في الرأي و مو شرط اختلاف الرأي حتى الشديد و العميق منه يكون شتم... و حتى لو في شتم, مافي مبرر اخلاقي لحجب موقع متل فيسبوك أبدا

يا الهي ...

الموضوع يا عالم مو عن سبب الحجب... الموضوع عن اللي عمينكتب بنتوورك سوريا هنيك

يعني معقول هي صورة النقاش عند الشعب السوري ؟

طيب عطينا مثال عن السب اللي عم يصير و مين عم تقصد بحثالة مثلا بيجوز الأمر مو بهالخطورة يعني....

يعني هو بصراحة معو حق كاتب الموضوع انا الفيسبوك ما شفت شو مكتوب في بس مثلا اي واحد يفتح اليوتيوب على موضوع الو علاقة بسوريا سواء كان مع او ضد النظام ويشوف التعليقات بتلاقي انواع شتائم ما سمعتها بحياتك شي مستويات متدنية تماما وهدا طبعا بيرجعنا للمربع الاول والسؤال الازلي

ليش صرنا هيك؟؟؟ وليش كل فينا تراجع حتى الاخلاق

يعني هو بصراحة معو حق كاتب الموضوع انا الفيسبوك ما شفت شو مكتوب في بس مثلا اي واحد يفتح اليوتيوب على موضوع الو علاقة بسوريا سواء كان مع او ضد النظام ويشوف التعليقات بتلاقي انواع شتائم ما سمعتها بحياتك شي مستويات متدنية تماما وهدا طبعا بيرجعنا للمربع الاول والسؤال الازلي

ليش صرنا هيك؟؟؟ وليش كل فينا تراجع حتى الاخلاق



هوي بس هدول ؟
ما قلتلي ايهم ليش صرنا هيك ومين المسؤول عن الموضوع

شفت شو مكتوب في بس مثلا اي واحد يفتح اليوتيوب على موضوع الو علاقة بسوريا سواء كان مع او ضد النظام ويشوف التعليقات بتلاقي انواع شتائم ما سمعتها بحياتك

عنجد ..منيح زكرتنا باليوت يوب كمان
متل ماقلت اليوت يوب كمان صاير على اوسخ من الفيس يوك ..
مافي موضوع بحكي عن سوريا الا بصير فيو علقات بالتعليقات للسما ..
ينعن ديب هيك ناس من هالشعب ازا مابعفوا الواحد سما ..
ينعن ديب هيك شعب كل واحد بكره التاني ومابطيق سما التاني

يا ريت تجبلنا شي من النقاش اللي قصدك عليه.
غالبا اللي بصير بهيك حالات انو بيجي معارض. بحط رأيو بالنظام, بيجو بقا مؤيدي النظام, وبينزلو مسبات فيه.


مافي موضوع بحكي عن سوريا الا بصير فيو علقات بالتعليقات للسما ..

اليوتوب العلقات اللي بتصير فيه, بتكون بين اللبنانية والسورية.
وما فيك تلومون, لانو اعلام البلدين ما تركلون مجال يطيقو بعض.

يعني معقول هي صورة النقاش عند الشعب السوري ؟

عند نسبة لا بأس بها ، - للأسف - اي ..


بيحزّ بنفسي انّــي ادخل ع حيـّاالله موقع او نتوورك بيحكي عن سوريا - ايّ شي عن سوريا ، ولو على مستوى صور لمناظر طبيعية فيها - ، و ما لاقي انــّو الموضوع كمــّل بنفس الهدف اللي انحطّ مشانو ..
آخرتو - بأغلب الاحيان - تحريف مسار الموضوع لاتــّجاه بعيد كل البعد عن الهدف ... وهالشي اكيد بيولــّد مشاكل ..
يعني كـ مثال النتوورك اللي حكيت عنــّو ، اسمو " سوريا " ، هيك "سوريا " حاف !!
معناها - بتصوّري - ما بدّو اللي اسّس هالنتوورك ، الا يكون مجرّد مساحة للتواصل بين المغتربين برّا سوريا ، ليحطّو صور عنها .. يتذكــّرو مواقف فيها ، يحنــّو لاهلون ورفقاتون فيها ..
القصد من حكيي ، انــّو يتطلــّعو عالجانب الـمشرق بالبلد ويتذكــّروه .. و بس .. بغضّ النظر عن كل شي - كل العالم بتعرفو مسبقاً ، في حال ما كانت عايشتو اصلاً .. -
ليش كل شي بدنا نحملو اكتر من ما هو عليه !؟ ما عاد فينا نذكر سوريا بدون ما نقرن الاسم بشغلة بالسياسة؟ او بالوضع الاقتصادي ؟؟ او نقعد نترحــّم !؟
لبنان - على الوضع المأساوي اللي واصلتو هلأ - ، ما بتلاقيهن نازلين ببعض كل ما جابو سيرة البلد !
يعني جبتو سيرة اليوتوب ، باليوتوب بيكون الفيديو عن طبيعة سوريا ، بيجي واحد بيعلّق " يا حيف عليكي يا بلد سرقوكي ! " ، انــّو ما فهمت ، شو دخل !؟؟ حتى الطبيعة صارت ممنوعة عنــّا مثلاً ؟!
ما في داعي كل ما دق الكوز بالجرّة تدخلو السياسة بالقصــّة ..
اي ما اختلفنا ، قلبكن محروق من الوضع ... ما كلنا هيك ! بس مو ضروري بكل حزّة ولزّة نسمّع نفس الحكي !!

في كتيـــر نتووركس بالفيس بوك - او غيرو - عن السياسة ، الاقتصاد ، الادب والثقافة ،الفنّ و الفنانين بسوريا ..
هالتخصيص هاد ما اجى من فراغ !
خلــّو كل شي بمطرحو ، احسن .. و أركز ... و أريح للبال ..
انا شو الله جابرني اقعد اقرأ المهاترات اللي بتصير بين الموالاة والمعارضة كل ما اجى ع بالي طلّع شغلة عن سوريا ؟؟
تأكــّدو لو اجى ع بالي هيك شي ، بروح لشي قسم سياسي ، و بتنعــّم بهيك رفاهية ..


بنجي للنقطة التانية ..
ولنفرض انــّو اي ، بدّي اتنعــّم بالسياسة وقصصا ..
ما بيصير يكون الحديث على مستوى من الرقيّ والاحترام المتبادل !؟
قول رأيك ، وبقول رأيي ... بدون ما تسبني وتطعميني بهدلة لانـّك ما بتوافقني عليه .. وبدون ما تتهمني بتمسيح الجوخ و " لعق احذية " النظام لو كنت معون ، او العمالة والخيانة لو كنت ضدّون ...
ما في داعي لهالشي !!
اذا مانــّك قد مستوى النقاش وما بتقدر تتحكــّم باعصابك و لسانك ، لا تدخل يا اخي!!
بس هالحكي اللي عم يصير عيب ..
عنجد عيب ..

أهلين بالشباب... نورتوا

طيب عطينا مثال عن السب اللي عم يصير و مين عم تقصد بحثالة مثلا بيجوز الأمر مو بهالخطورة يعني....

والله كان نفسي انسخلكم شوي .. لكن للأسف ما بتلاقي رد الا فيه كلام فاحش جداً


غالبا اللي بصير بهيك حالات انو بيجي معارض. بحط رأيو بالنظام, بيجو بقا مؤيدي النظام, وبينزلو مسبات فيه.


بالضبط ... بيبدوا الاتنين عاملين حالهم ملائكة وما حدا ادهم ... وبعد دقيقتين بيبدا كل واحد منهم يسب التاني ويلعن نفسو ... وبيلحّق لجماعة التاني بأفظع الشتائم والالفاظ
حأعطيكم جانب :

في واحد سوري اسمو "اركان" هاد البني ادم انطرد 4 مرات من الفيس بوك وكل مرة بيرجع بيسجّل باسم جديد
و هالبني ادم مشكلتو انو قضى 6 شهور معتقل بفرع مخابرات ....

أول مابدا كتب قصتو وقصة تعذيبو بموضوع ... وشوي شوي انملى الموضوع بردود السباب من الطرفين ... لدرجة انو واحد من "الموالاة" صار يهددو ويقلو والله لجيب راسك هون يا كلب يا وسخ وانو عميلاحقه ليرفع مكانه !!

وبالطبع .. أطنان من الشتائم طلعت منو على بشار والقرداحة والنظام السوري وووو ...

طبعا هاد جانب بسيط لا يذكر من اللي موجود ...

ومشان يكمل الهنا تبعنا من يومين صار يفوتو لبنانيين يسبوا عالبلد كلها ...

و هالايام طالعين بنغمة جديدة واللي هي "الطائفية".... شي بيقول النظام طائفي وشي بيقول المعارضة طائفية !!


ما بيصير يكون الحديث على مستوى من الرقيّ والاحترام المتبادل !؟

وهاد حكينا ... انو شلون هالناس اللي عمتكتب بتفكر ما بعرف!!

يعني كنت معتبر الفيس بوك وسيلة اتصال رائعة بالوطن .. لكن شوية اوباش حولوه لزريبة مليانة بالالفاظ الوسخة والدونية والاتهامات العشوائية اللي مالها داعي ومالها هدف

ومشان يكمل الهنا تبعنا من يومين صار يفوتو لبنانيين يسبوا عالبلد كلها

مالهالشوايا والنور الوش اللي خلاهن يدخلو ع الخط ويسبوا ع البلد غير هالكم هالكم غبي وجحش من شعبنا ..
يعني هدول يدن هيك مواقف من الله مشان يطلع شغلن ..

وهي شعبنا كلو هيك عبارة عن المدعو راكان .. وطرف تاني ..
ينعن ديبو هالشعب صرت مشتهي شوف تنين سوريين بحبو بعض لا الله

والله ما بعرف شو بدي احكي عن شعبنا
حتى اللي بيدعي فيهن الثقافة والمعرفة وانا واثق انو ادعاء والثقافة بريئة منه براءة الجنة من ابليس بتلاقيه نفسه فايت وعامل فيها مثقف وعم يحكي بالأخر نفس الفكرة ولو بطريقة تانية
اذا كان موالي سباب وشتائم على المعارضة
واذا كان معارض الله لا يعلقكن بشي واحد منهن صارت تلات رباع المعارضة ببلادنا ما خصها بالمعارضة إلا بالكلمة وتلات رباع المعارضين وصلوا للي بدهن ايااه قعدوا يحكوا عن النظام لحتى ما صار فينا نقول عنهن معارضين وهيدا اللي بدهن اياه
هيدا الواقع المريض للأسف عم ينعكس على كل محل بيكون فيه سوريين
انا بحمل السبب لشخصيات مريضة داخل المعارضة وداخل الأجهزة الأمنية
يعني لولا الأجهزة الأمنية عندها هيك سياسة بحل الأزمات ما كانت طلعت الاصوات التانية
ولولا انو " المعارضة " وبين قوسين يعني الشخصيات المريضة الأنفة الذكر لولا بدها تتاجر بفترات اعتقال الناس ما كنا وصلنا هيك

" المعارضة " و" الأجهزة الامنية " شكرا كتير بهدلتونا ..
تحياتي الحارة
ظل جيفارا

والله ما بعرف شو بدي احكي عن شعبنا
حتى اللي بيدعي فيهن الثقافة والمعرفة وانا واثق انو ادعاء والثقافة بريئة منه براءة الجنة من ابليس بتلاقيه نفسه فايت وعامل فيها مثقف وعم يحكي بالأخر نفس الفكرة ولو بطريقة تانية
اذا كان موالي سباب وشتائم على المعارضة
واذا كان معارض الله لا يعلقكن بشي واحد منهن صارت تلات رباع المعارضة ببلادنا ما خصها بالمعارضة إلا بالكلمة وتلات رباع المعارضين وصلوا للي بدهن ايااه قعدوا يحكوا عن النظام لحتى ما صار فينا نقول عنهن معارضين وهيدا اللي بدهن اياه
هيدا الواقع المريض للأسف عم ينعكس على كل محل بيكون فيه سوريين
انا بحمل السبب لشخصيات مريضة داخل المعارضة وداخل الأجهزة الأمنية
يعني لولا الأجهزة الأمنية عندها هيك سياسة بحل الأزمات ما كانت طلعت الاصوات التانية
ولولا انو " المعارضة " وبين قوسين يعني الشخصيات المريضة الأنفة الذكر لولا بدها تتاجر بفترات اعتقال الناس ما كنا وصلنا هيك

" المعارضة " و" الأجهزة الامنية " شكرا كتير بهدلتونا ..
تحياتي الحارة
ظل جيفارا


لا سيدي كامل المسؤولية بتتحملها اجهزة الامن الرهيبة اللي عنا

لك مواقع كلها محجوبة بسوريا ومع هيك بتلاقي معينين ناس بس ينكتب اي نوع من النقد للنظام او اي خبر عن الفساد او الاعتقالات بتلاقي بلشو الشتم والسب وبالروح بالدم نفديك لك ليششش طالما الموقع منعتو؟؟؟

بعدين كتير احيانا بتحصل انو بيطعلك واحد كمان امن بيكتب تعليق باسم عمر مثلا وبيقلك بدي ادبح العلويين وشعبنا قد مو فهيم ما بيصدق ببلشو من الجهة التانية مسبات وتخوين وتكفير وبتعلق وهي برايي سياسة مقصودة لتخريب اي نقاش موضوعي بينحط عن مشاكل البلد مشان بالاخير يقولو شفتو هالشعب النوري ما خرجوا حرية ولا بطيخ ما خرجوا غير يضل محكوم من بيت الاسد

هوي بس هدول ؟
ما قلتلي ايهم ليش صرنا هيك ومين المسؤول عن الموضوع

والله يا صاحبي هي بدها موضوع مستقل لحالو احسن ما ناكل مخالفة بحجة الخروج عن الموضوع

لا سيدي كامل المسؤولية بتتحملها اجهزة الامن الرهيبة اللي عنا
لك مواقع كلها محجوبة بسوريا ومع هيك بتلاقي معينين ناس بس ينكتب اي نوع من النقد للنظام او اي خبر عن الفساد او الاعتقالات بتلاقي بلشو الشتم والسب وبالروح بالدم نفديك لك ليششش طالما الموقع منعتو؟؟؟
بعدين كتير احيانا بتحصل انو بيطعلك واحد كمان امن بيكتب تعليق باسم عمر مثلا وبيقلك بدي ادبح العلويين وشعبنا قد مو فهيم ما بيصدق ببلشو من الجهة التانية مسبات وتخوين وتكفير وبتعلق وهي برايي سياسة مقصودة لتخريب اي نقاش موضوعي بينحط عن مشاكل البلد مشان بالاخير يقولو شفتو هالشعب النوري ما خرجوا حرية ولا بطيخ ما خرجوا غير يضل محكوم من بيت الاسد
صديقي رجاء خلينا نكون منصفين
بدك تتأكد اني مو أمن مشان نحكي راقب تطور مواضيعي مشان تعرف ...غير اذا ما كنت بتأمن بالراقوب الممسوخ .
بس يا صاحبي خلينا نكون منصفين يمكن حضرتك شفت وشفنا كتير معارضين للأسف شوهوا صورتنا كمعارضة وطنية قبل ما يشوهوا صورة انفسهم ... غوغائية وتبرير كلشي وتحويله على انه خطط امنية وخطط من النظام ..
هيدا الشي بيخلي الناس تقرفنا كمعارضة لإنو فعليا على الأرض ما هيك عم يمشي سوريا اللي لحنا فيها مسرح عمليات لأكتر من " فئة " بالعالم واي خطة قد تكون نتاج تحرك اي فئة من هذه الفئات وليس فقط نتاج الأنظمة الأمنية
اما مسؤولية الأجهزة الأمنية فهي تتجلى في سلوكها وسياستها في حل الأزمات الداخلية
تحياتي الحارة
ظل جيفارا

لا سيدي كامل المسؤولية بتتحملها اجهزة الامن الرهيبة اللي عنا

نعم وانا بدي شدد على الكلام كمان.
الاجهة الامنية روجت لشغلة انو كل معارض هو خائن. لهيك صارت اصغر كلمة تطلع من معارض, تعتبر يا ويلاه. وما بضل مؤيد بالنظام الا وبينزل مسبة وتخوين فيه.
عدا عن انو هية اللي ما تركت مجال للكلام المنيح.
وهية اللي كل ما شافت معارضة منظمة, بتقطع راسا.
بالله قلي. اذا صار حزب معارض بسوريا. شو بصير؟؟
يعني اذا حدا من سوريا انضم لحزب معارض. وين بصير؟؟

لهيك بتشوف عالم بالشرق وعالم بتحكي بالغرب.
المعارضة مانها كلا وحدة, حتى تقول "بهدلتونا"
في الاخوان المسلمين معارضة!! وفي الاكراد معارضة!! وفي غيرون كتير اطياف للمعارضة!

يعني المعارضة هالايام والنقد صايرة بحسا شغلة متل موضة فينا نقول هالايام ..
هلأ في ناس اوكي معارضة معارضة بسبب قصص صارتلن او معانيين من شي
بس في ناس عندن معارضة لمجرد المعارضة بس ..

هلأ طبعا هون انا ماعبتهم مثلا هالمعارضة بشي يعني معارضة ع عيني وراسي ,, وموالاة كمان ع عيني وراسي ..
بس انو عيب
عيب
انتشر غسيلنا الوسخ قدام العالم بكل المواقع يوت يوب فيس بوك شوفي مواقع هيك يعني انفضحنا ..
شعبنا بدون شي كرهان بعضو ومافي .. وصارت صعبة تلاقي تنين سوريين بحبو بعض هيك ل الله ..

يعني انو عيب بكفي نشر غسيل وسخ

انتشر غسيلنا الوسخ قدام العالم بكل المواقع يوت يوب فيس بوك شوفي مواقع هيك يعني انفضحنا

واقعنا. ليش بدنا نخبيه!!
عالعموم, اقترح علينا شو مثلا لازم نعمل مشان ما ينتشر غسيلنا قدام العالم؟؟

واقعنا. ليش بدنا نخبيه!!
عالعموم, اقترح علينا شو مثلا لازم نعمل مشان ما ينتشر غسيلنا قدام العالم؟؟


اخي طيب ليش نص البلاد عندن معارضة وعندن موالاة وناس بتحب النظام وناس مابتحب ..
عندك بالاردن ومصر مثلا ..
كتير ناس مابتحب النظام كتير كتير
وناس بتحبو
ليش مابصير عندن وع مواقفن متل مابصير عنا
او مو بهالشكل المفضوح اللي صاير عنا وبكل مكان ؟
ليش بس عنا




ومشان الاقتراح بصراحة ماعندي اي فكرة او اي حل مشان نخلص من هالنشر الغسيل قدام العالم ..
ولو في شي فكرة لنخلص من هيك شي كنت حكيت عنا من زمان وماكترت حكي ..
بس انو صعبة مافي :dunno::dunno:

طيب ما لازم يكون في وعي عند هالبشر اللي بتسمي حالها "معارضة " انو اللي عميصير هو اثارة فتنة من قبل الاجهزة الامنية ؟؟

و بعدين مهما يكون .. اللي عميصر هنيك انو الطرفين الاتنين ما عميقصروا ببعض.. لك غسيل مو وسخ وبس... شي بيقرف...


ومنرجع للسؤال الاساسي ...

كيف ممكن نخلي هالنتوورك " نضيف" ؟؟؟

ما فيك.
خلي العالم تسب وتلعن, خليا تفش خلقا لتقدر تعيش

انا عندي شغلة ماني موافق عليها... انو حتى باليوتيوب و الفيسبوك عم تقسمو العالم موالاة و معارضة؟؟ طيب ليش هالظلم يعني انا و الاخونجي بنفس الفئة و الموالي الراكز و الجحش الأمني بنفس الفئة؟؟

خيو ليش ما بتقسمو بين مؤدب و قليل أدب و نخلص قبل؟

خيو ليش ما بتقسمو بين مؤدب و قليل أدب و نخلص قبل؟

كلام حلو كتير ..


وكمان نقطة شعبنا مابحب بعضو وكلو حاقد ع بعضو ..
وشعب مابيحترم بعضو لانو مالو الفة ع بعضو


وهادا كمان سبب من الاسباب ..

خيو ليش ما بتقسمو بين مؤدب و قليل أدب و نخلص قبل؟

يا سيدي انا موافق.. عنجد معك حق

لأن طويل اللسان ما بتفرق شو انتمائاتو

والمشكلة انو الشغلة مو بس شعب عميفش خلقو ... المشكلة انو صارت هالفصص واجهة للشباب السوري قدام الناس الغربا..

لازم يكون في حل ... ما كل الشعوب العربية مكبوتة وبتفش خلقها عالنت ... بقى ليش نحنا بس اللي لسانا طويل وما منتفاهم الا بالكلمات النابية ؟

يا جماعة..بالبداية اسف للخروج من الموضوع..بس شو هاد الفيس بوك..!!؟ انا لسا ما تعرفت عليه...
اللي بعرفو انو من قبل شي شهر وحدة صبية لقوها مقتولة بشي شارع جانبي..وبعد التحيقات تبين انها انقتلت بسبب الفيس بوك..!! (والسبب انها عملت مشاجرة مع شي حدا من رفقاتها والشب ما تحمل قام اخد معلوماتها من الفيس بوك حسب ما قالوا..ورح لعندها ونطرها لبينما تطلع وقتلها..)..

بنرجع لمتن الموضوع...
ما بعتقد انو سبب حجب الفيس بوك او اي موقع تاني...الانحطاط بالنقاش او المحاورة...
سياسة الحجب للمواقع..بنعرفها من نفسها..كلمة الحجب يعني انو في امور ما لازم تعرفها لهيك بصير الحجب..
سياسياً يا حلوين... لما اي نظام بدو من شعبو انو ياخد الاخبار والمعلومات من طرفو.. بيقوم بحجب اي منفذ تاني..باعتبار اي خبر او تحليل قادم من برا..رح يكون خطر ع الامن القومي او الوطني للبلد..
لذلك اتباع هالسياسة سياسة الحجب اكيد فعالة لمنع ورود اي اخبار خارجية بتضر مصلحة النظام..
مرة بالزمن القديم... اجى مدرس تربية قومية..ونزل بالطلاب درس قومي..إلى ان وصل إلى اذاعة بي بي سي..فرفع صوتو وقال هالاذاعة اذاعة عدو..ويا طلاب لاتسمعوا اي شي من هالاذاعة...واي واحد رح يسمع رح يضر بلدو.. يعني لو طالع بايدو لكان عمل حجب ع الاذاعة كمان..

ما بعتقد يا سادة انو طريقة الحوار والنقاش باي منتدى سوري او مجتمع افتراضي متل الفيس بوك..والشتائم والمسبات اللي عم تصير تدل ع الانحطاط..بالعكس انا بشوف انو الامر في غاية العادية...لانو انسان ممنوع من الكلام لمدة من الزمن تحت ضغط وخوف..بيطلع لبرا بلاقي حرية بالكلام..أكيد اول ما رح يبدأ رح يبدأ بشتم وسب الماضي واللي كان الو سبب بخسارتو..بخروجو عن البلد...هاد بالفترة الاولى هيك.. طبعاً هالشي الو سبب تاني كمان لما بيشوف التلميع والمسح ع جوخ النظام من طرف ناس تانيين الهم مصالح مع النظام..
بصراحة الحكي بيطول كتير..رح نكتفي بهالقدر من توضيح رأيي..

_________________
للمقارنة قليلاً..خلينا نشوف الاحداث الاخيرة اللي حصلت بـ بورما..وكيف الحكومة حجبت النت عن الناس هنيك لمجرد انو تم تسريب فضائع النظام لبرا...(طبعاً بالغض النظر ع انو هالشعب كان عم يسب وعم يشتم بعضو والنظام..)..

يا جماعة..بالبداية اسف للخروج من الموضوع..بس شو هاد الفيس بوك..!!؟ انا لسا ما تعرفت عليه...
اللي بعرفو انو من قبل شي شهر وحدة صبية لقوها مقتولة بشي شارع جانبي..وبعد التحيقات تبين انها انقتلت بسبب الفيس بوك..!! (والسبب انها عملت مشاجرة مع شي حدا من رفقاتها والشب ما تحمل قام اخد معلوماتها من الفيس بوك حسب ما قالوا..ورح لعندها ونطرها لبينما تطلع وقتلها..)..

بنرجع لمتن الموضوع...
ما بعتقد انو سبب حجب الفيس بوك او اي موقع تاني...الانحطاط بالنقاش او المحاورة...
سياسة الحجب للمواقع..بنعرفها من نفسها..كلمة الحجب يعني انو في امور ما لازم تعرفها لهيك بصير الحجب..
سياسياً يا حلوين... لما اي نظام بدو من شعبو انو ياخد الاخبار والمعلومات من طرفو.. بيقوم بحجب اي منفذ تاني..باعتبار اي خبر او تحليل قادم من برا..رح يكون خطر ع الامن القومي او الوطني للبلد..
لذلك اتباع هالسياسة سياسة الحجب اكيد فعالة لمنع ورود اي اخبار خارجية بتضر مصلحة النظام..
مرة بالزمن القديم... اجى مدرس تربية قومية..ونزل بالطلاب درس قومي..إلى ان وصل إلى اذاعة بي بي سي..فرفع صوتو وقال هالاذاعة اذاعة عدو..ويا طلاب لاتسمعوا اي شي من هالاذاعة...واي واحد رح يسمع رح يضر بلدو.. يعني لو طالع بايدو لكان عمل حجب ع الاذاعة كمان..

ما بعتقد يا سادة انو طريقة الحوار والنقاش باي منتدى سوري او مجتمع افتراضي متل الفيس بوك..والشتائم والمسبات اللي عم تصير تدل ع الانحطاط..بالعكس انا بشوف انو الامر في غاية العادية...لانو انسان ممنوع من الكلام لمدة من الزمن تحت ضغط وخوف..بيطلع لبرا بلاقي حرية بالكلام..أكيد اول ما رح يبدأ رح يبدأ بشتم وسب الماضي واللي كان الو سبب بخسارتو..بخروجو عن البلد...هاد بالفترة الاولى هيك.. طبعاً هالشي الو سبب تاني كمان لما بيشوف التلميع والمسح ع جوخ النظام من طرف ناس تانيين الهم مصالح مع النظام..
بصراحة الحكي بيطول كتير..رح نكتفي بهالقدر من توضيح رأيي..

_________________
للمقارنة قليلاً..خلينا نشوف الاحداث الاخيرة اللي حصلت بـ بورما..وكيف الحكومة حجبت النت عن الناس هنيك لمجرد انو تم تسريب فضائع النظام لبرا...(طبعاً بالغض النظر ع انو هالشعب كان عم يسب وعم يشتم بعضو والنظام..)..


أهلاً حبيبي

الفيس بوك يا صديقي هو عبارة عن موقع تعارف ... ومتل ما بيسموه "مجتمع افتراضي".. يعني متل مواقع My Space او Tagged او Hi5 ..

وهي الموقع كلها مسموحة بسوريا لأنها عادية ومافيها شي ابدا .. اما الفيس بوك فكان مميز عن الباقي انو في امكانية ومساحة لمشاركة الاراء بكتير شغلات .. وبعض النفوس استغلتها لتكون منابر شتم

طيب .. انت عمتقول انو عميطلع برة ويشوف وينفتح عقلو ووو ... على عيني وراسي.. بس هل هالـ"برة" بيتعامل مع النظام او معارضته -حسب انتمائو- بهالطريقة الدونية ؟؟؟

لا والمشكلة انو اللي عميصير مو فرض رأي.. اللي عميصير هو سب شخصي لرموز شخصيات بألفاظ أنا بتحدى اي واحد منهم يقدر يجيبها على لسانو قدام اي شخص ... سواء كان عميشتم هالرموز نفسها او اي حدا تاني!!

وبالنسبة للحادثة فبصراحة انا ما سمعت فيها !!

ويسلمو عالمرور :D

ما فيني غير مر عبر عن اعجابي بردود جوفرمنت واياد وياسين
لإنو عنجد عبروا عن افكار كتير حلوة
حسون البطل حكي نقطة كتير مهمة إنو في ناس معارضة لمجرد المعارضة وهيدول اللي بيخوفوا اكتر ولا تفكروهن قلال صدقوني كتير واصلين وفي منهن بيكتبوا بجرايد كمان
وكمان توزيع ياسين عجبني كتير وانا ابدا ما بحس انو هالنظام او هالمعارضة كتلة وحدة لإنو هالربط بيخسرني وبيجمعني بناس متل خدام والغادري والأخوان ...
كمان اياد حكي بنقطة مهمة كتير برأيي انو لازم يكون في وعي متل ما هو مطلوب عند المؤيد بالروح بالدم مطلوب عند المعارض بالروح بالدم كمان
تحياتي الحارة
ظل جيفارا

مساء الخير جميعاً


لكن ... وقبل حوالي شهرين بدأ الاشخاص بتحويل صفحة نتوورك سوريا إلى ساحة للنقاش السياسي ... وياريتو كان نقاش سياسي ... بل كان عبارة عن شوية همج ما بيعرفوا غير السب والشتم على رموز البلد وشخصياتها بأسوأ واحقر الالفاظ بحجة "الدفاع عن الوطن وتحريره ".... وقتها عرفت انو صفحة الـForbidden قادمة عما قريب على شاشات المتصفحين السوريين ..


[COLOR=Red] عدم الموأخذة مين هنن رموز البلد أنا اللي بعرفون كلون بالحبس رياض سيف وميشيل كيلو وعارف دليلة وواحد برات الحبس رياض الترك وماظني انو قصدك هدول.


وللأسف .. الحجب صار وكلنا منعرف
لكن اللي ما توقف هو هدنك الرعاع اللي خليت الهن صفحة النتوورك ليحكوا فيها ويسبوا فيها باسم سوريا من دون ما حدا يردهن او يقلهم شي !!
والسؤال .. إلى متى ؟!؟!؟

والله يا رفيق المشكلة ايد المخابرات السورية ما عم تطول الي برات البلد وما فيون يعرفوهون، بركي انشا الله بص توصل ثورة 8 اذار ع امريكا بضبون كلون وبتصير بتقرا انو اسرة فيس بوك تتقدم باسمى ايات التهنئة والتباريك للقيادة الحكيمة بمناسبة أعياد الثورة.[/QUOTE]

ادارة الموقع " وحسب متابعتي للوضع " ما قصّرت ابدا .. وعمتحذف كل الردود والمواضيع اللي بتوصل لها عنهم مشاركات سيئة .. لكن مو من المعقول انو يتابعو كل حرف عمينكتب هنيك !! .... حتى انها قفلت بروفايلات كتير من هالاشخاص .. إلا انهم عادوا وكتبو ببروفايلات جديدة .. ولا كأن صار شي
كتير من الاشخاص حاولوا انهم يصلحوا البعض ويوقفوهم عند حدهم .. لكن ما في أمل!!

طبعاً بالتهديد والوعيد هادا اللي شاطرين فيه[/QUOTE]

طيب وبعدين ؟؟.... شو الحل ؟؟...
المشكلة انو النتوورك هي واجهة البلد عالموقع .. يعني لما بيفوت حدا غريب وبيشوف هالمنظر شو بدو يقول ؟؟؟... تمنيت شوف اي نتوورك عربي بيشبه النتوورك السوري @@.... لك شي بيخزي والله

كتير خايف عسمعة البلد؟؟؟؟!!!!!! خليون يطلعوا المناضلين من الحبوس مين بسيء للبلد اكتر واحد عم يعبر عن رفضو للوضع الحالي بشتائم رغم رفضي المطلق لشتم اي كان ولا المخابرات اللي ما تركوا مثقف ولا وطني الا وحطوا بالحبس وكأنو مجرم[/QUOTE]

لذلك حبيت اطرح هالموضوع هون بركي منقدر نلاقي حل لهالمهزلة اللي عمتصير هنيك باسم " النقاش الحر في سوريا" .... لأن الحلول الفردية مستحيل تقدر تجيب نتيجة مع همج وحثالة متل المتواجدين هنيك

ما في حل وما خربت الدنية هادا وقت الحرية وما عاد في آلهة غير قابلة للمس كلنا بشر وكلنا عرضة للانتقاد وشتم.
قالوا الله يلعن اللي بسب الناس ام ردوا الله يلعن اللي بخلي الناس تسبو، فهمت عليي شلون!![/QUOTE]