اول شي قبل ما نحكي خلينا نتفق بالأخير اننا بدنا نوصل لحل نهائي للمشكلة اللي بدها
فاذا كان النقاش عبارة عن مماطلة بدون وضع اجابات صريحة وواضحة فاحذفوا الموضوع قبل ما حدا يقراه وبلا وجع لاراس كله .

حوار الاديان :
يا اخي هاد الباب اللي مفتوح وما حدا عبيعرف يسكره

بخبركم بتنبيه الاعضاء ما بتكونوا عبتعملوا شي يعني شو بيطلع بايدكم اكتر من حذف عضويته ؟!؟!
لكن بالمقابل بكون عبينهان وبيتجرح بكافة الاديان على الطالعة والنازلة .

بدكم تقوالوا لي ما في حوار اديان وانت هو اول شخص بيعمل حوار اديان بالمواضيع

كل شي بهاي الدنية ماشي على فكرة الرأي والرأي الآخر داخل نطاق التنظيم

المواضيع الدينية او المواضيع اللي بتترق للاديان مواضيع من اسوا النوعية وهي اللي بتجيب كل المشاكل السبب

مثلا : وقت بينحط موضوع على العقيدة المسيحية او على الاسلامية او اليهودية او البوذية او او او او .......... الخ

من الطبيعي يدخل شخص يايد ويدخل تاني يعارض

هلق اللي بايد هاد لا غبار عليه وهو عبشاركو وبحيي وبرافو عليه :clap:

اما اللي بعارض فهو مشكلجي كافر صاحب مشاكل سبب الخراب بالاخوية لازمه تنبيه :jakoush:

يا اخي الدنية فيها راي وراي آخر لازم الكل بيتقبل هاي الفكرة وبكل المواضيع يعني واحد بحط لك غنية محسب حاله عبيعمل شي خطير بيدخل واحد تاني بقول له قديمة .
شو معناها عبهينه الشخص هاد او عبسبه
لا
بكل بساطة عبعارضه بالراي

لكن بحوار الاديان بتكون المساحة اللي عبينحكى فيها ضيقة شوي يعني يا معنا يا ضدنا
فاذا ما كان معنا فهو بالتاكيد ضدنا وبيشتغل التحشيك وبيفتحوا لها الشباب " منفتحلها يعني "

طب اذا بدنا نجي على التقييم
الحق على منين ؟!؟!
على اللي عارض الفكرة المحطوطة او على الموضوع بحد ذاته

باكد لكم الموضوع ما فيه شي غريب باسخف المواضيع اللي ممكن تشوفها في معارض وفي موافق برجع بقول بس بحوار الاديان مجال التحرك والنماقشة صغير نسبيا .

طب يا جماعة انتوا اعرفوا امشوا مشان نحن كمان نعرف نمشي معكم

بتقوالوا لنا ما في حوار اديان بنفس الوقت في مواضيع دينية بحتة بتنحط وقد تتثبت واذا رديت بشي ما عجب المشرف او حدا من الاعضاء كبسك مشاركة عاطلة معناها انت مشاغب وبتحقر بالاديان .

يعني شو الحل ينحط موضوع وممنوع الاقتراب واي مشاركة تنبيه على الحارك
او ي اخي من اولها سكروا الباب كل موضوع في اله جانب ديني احذفوا ونبهوا الاعضاء اللي حطوه مرة والتانية الكل بيتعلم .
لكن انك تعيف هيك نوعية وماضيع وتمنع اي شخص من التعقيب هي صار " احجية بدها حل " على قولة عمك كونان :lol:

برجع بقول بدنا ارضية كشتركة فهموني كيف بيتقيم الموضوع كيف بتتقيم الردود .
كيف يعتبر التعقيب على موضوع اهانة لعضو آخر
كيف بيعتبر الرد على موضوع غبي ديني بحت ما في اله هدف غير الاستفزاز المخالفة المتكررة لقوانين القسم الخاصة
او الإتيان المتكرر بحوارات جانبيّة خاصة تنحو بالموضوع بغير مبتغاه..

يوم مضى ولا يوجد تعليق

4 يوم مضى ولا يوجد تعليق

1 اسبوع مضى ولا يوجد رد

8 يوم مضى ولا يوجد رد

12 يوم مضى ولا يوجد درد

13 يوم مضى ولا يوجد درد

قسم سقيفة البريد ، "كأي سقيفة" للأشياء الي مالها لزوم بالوقت الحالي، ..

وسقيفة البريد خصيصا للمواضيع الي تم حلها ، تم الإنتهاء منها ومناقشتها ..
وهدف السقيفة تبع البريد يفضل البريد كقسم دعم فني ، سهل ، واضح ، بموضيع قليلة مفيدة ، دون المواضيع المكررة والي ما بتفيد صاحب المشكلة، (الي رح يدخل ع البريد يستفسر عن مشكلة او يحط تعقيب او مبادرة او اقتراح ..)

فوجب العلم ان لا نقوم بمراجعة المواضيع هنا ولا ندخل هنا غير لتنظيم القسم .. أي موضوع هون فيه استفسار لن يجاب عليه (لان لن يكون في ساحة المشاهدة والتصفح) ..
. :D

:?

ما وقفنا على القسم انقلوا الموضوع للقسم اللي ممكن تردوا عليه

العبرة بالموضوع ومو بالقسم اللي انحط فيه الموضوع

انا شفت انه سقيفة البريد هي "سقيفة البريد للنقاشات "
مشان هيك حطيت الموضوع هون يمكن انا فهمت القسم غلط بس بدي اسمع راي الادارة بهاد الحكي

هلا كابي ..
اللي بدي احكيه .. اني .. استغربت جدا ً أنو تكون الدعوة للحكي عن أرضية مشتركة نابعة منك .. بمعنى تاني " أسمع كلامك أصدقك .. أشوف افعالك استعجب " ...
بالفعل بأخوية عم نحاول نحقق " قدر الإمكان طبعا ً " أرضية مشتركة لحدا ما .. هلق هالشي ماعم نقدر لكتير اوقات .. لأسباب .. أنو في رغبة في الحديث عن الدين بطريقة .. مخيفة .. كل شي بيرجع لينحكى بالدين
التاني .. انو ما عم نقدر نحترم أنو العلاقة مع الله هي علاقة شخصية بحتة .. وما حدا أيا كان الحدا بيحقلو يتدخل بنوع وطبيعة هي العلاقة .. ووجود هالعلاقة او عدم وجودها
تالت شي .. واللي انت جزء منو هو وجود " قلة " متطرفة بانتماءها الديني هالقلة .. فايتة بدا تعمل خناقة .. فايتة " تورجيه للآخر أنو هية أحسن .. انو هية الحق .. انو هية اللي بتفهم " ...
كابي أيا أرضية مشتركة .. ومواضيعك بالفترة الأخيرة كلها دينية أو تصب في السياق الديني ؟
الله ديكتاتور – المراة في الأسلام – وهم الإعجاز العلمي في القرآن ؟
هادا برأيك ارضية مشتركة ؟ كيف فينك تحط الإنقاص من مقدسات الأخرين .. هدف لألك بأخوية وبعدين تحكي عن الأرضية المشتركة ؟
الأرضية المشتركة .. بدك تعترف انو الأخر موجود .. وتحترم حريتو ورأيو ...

هلق هامش مسيحي شوي ..:oops:
ما بفهم التطرف المسيحي .. مهما حاولت للأسف .. ما بقدر افهم كيف ممكن تفسير " ومن لا يحب لم يعرف الله، لأن الله محبة (1يو8:4) " ...
و
إن قال أحد: " إني أحب الله وهو يبغض أخاه كان كاذباً لأن الذي لا يحب أخاه الذي يراه لا يستطيع أن يحب الله الذي لا يراه ". ( يو4/7-21 )

على انن إلغاء للأخر ؟
ما بفهم علاقة مع المسيح .. بتقدر تمسح عن الأخر وجه المسيح .. إيمانك المسيحي بيقول انو الآخر .. هوصورة الله
ما بفهم علاقة مع المسيح .. بيكون فيها لأخيك عليك شيئا ً ..
إن قدمت قربانك إلى المذبح وهناك تذكرت أن لأخيك شيئاً عليك ، فاترك قربانك قدام المذبح واذهب أولاً اصطلح مع أخيك وحينئذ تعالَ وقدم قربانك

بتمنى تقبل ردي بكتير من الود
:mimo:

الله ديكتاتور – المراة في الأسلام – وهم الإعجاز العلمي في القرآن ؟
هادا برأيك ارضية مشتركة ؟ كيف فينك تحط الإنقاص من مقدسات الأخرين .. هدف لألك بأخوية وبعدين تحكي عن الأرضية المشتركة ؟
الأرضية المشتركة .. بدك تعترف انو الأخر موجود .. وتحترم حريتو ورأيو ...


الله ديكتاتور : موضوع ليس موجه لأي دين وليس منحاز لأي طائفة عبارة عن موضوع يناقش فكرة الديكتاتور والثائر بعد اسقاط الفكرة على اسطورة الله والشيطان وحذف المضووع دليل على تخطبت ادراة الاخوية في الحكم على الاوامر
وبدل بشكل كتير كبير على عدم وضع خطوط واضحة للسير عليها الشي اللي كان طلبي بالموضوع هاد بالاصل واللي كنت فيه عبحكي مع حالي وما حدا رد عليّ .

وهم الاعجاز العلمي : عبارة عن كتاب بعتقد قبل ما احط الموضوع حطيت اسم الكاتب واسم دار النشر ولتوضيح فكرة الموضوع حطيت كام اقتباس من الكاتب وما بعتقد في اشكالية على الومضوع


المرأة في الاسلام : موضوع تم حذفه واعادة صياغته تحت عنوان لاتزال المرأة تتعرض للضرب حاولت اطرح فيه واقع المرأة العربية وكان هدفي بالموضوع اظهار العبودية المباركة من الله

وباكد لك مارسيل ما كنتي شفتي هيك موضوع بالأخوية لو انكم " المشرفين " رديتوا بطريقة صريحة على مواقفكم بشكل واضح وصريح وما تركتوا مجال للشك .

خصوصا ان الدين الاسلامي فيه عدة مواقف فه دين بالدرجة الأولى ودولة بالدرجة التانية

بمعنى آخر هو بحدد علاقة الانسان بالله وهاد شي لا انا ولا واحد بحق له يناقش فيه " بالاخوية فقط "
والقسم التاني هو علاقة البشر مع بعضهم واللي بيدعو بالدارج " العلاقات الاجتماعية " وبعتقد هي لازم ما يكون فيها خطوط حمر خصوصا ان المجتمع العربي مبني على هي الافكار والمعتقدات يعني ممكن تشوف هي المواضيع على انها مواضيع تهجم على دين اذا بدك وممكن تعتبر انها مواضيع مناقشة واقع في مجتمعات عربية اي وماضيع مجتمع .
وما بعتقد لازم يكون في اشكاليات بالأصل حول هيك اشياء

وما بعتقد لازم يكون في اشكاليات بالأصل حول هيك اشياء:lol: تمام أنت ما بتعتقد ببساطة انو لازم يكون في اشكالية ... لأنك انت اللي عم تهاجم
يعني ما عم افهم شو اللي ما واضح ..

خطوط السير تبعون ألأقسام واضحة جدا ً ... وأعراف أخوية على أوضحين .. من له أذنان للسمع فليسمع

وباكد لك مارسيل ما كنتي شفتي هيك موضوع بالأخوية لو انكم " المشرفين " رديتوا بطريقة صريحة على مواقفكم بشكل واضح وصريح وما تركتوا مجال للشك .
:jakoush::jakoush: أول شي ..
اسمي بدون ألف :krimbow:
تاني شي .. شو اللي ما واضح ..
اخي المواضيع الدينية ممنوعة
حوار الأديان مغلق
الردود اللي فيها إساءة لمعتقدات الآخرين رح يتخالف عليها
اوضح من هيك شو بدك ؟ :?

" المشكلة مو بالوضوح المشكلة بالمتعصبين اللي بدن يحكو عن الأرضية المشتركة .. وماعندن استعداد يحاولو يطبقوها "

المشكلة مو بالوضوح المشكلة بالمتعصبين اللي بدن يحكو عن الأرضية المشتركة .. وماعندن استعداد يحاولو يطبقوها

هاد بعتقد غريب شوي لو انك قريتي الموضوع الاصلي كنتي فهمتي عليّ اكتر لكن انك تعيفوا الموضوع مسكر وما حدا عبقرب عليه حتى تنتظروا شي مني ويصير لكم حجة تحكوا فيها !!!

ما بختلف معك وما بدي اناقشك ان موضوع الاديان والمعتقدات ممنوع الحديث عنها بالأخوية
لكن ما فسرتي لي شو هو مفهوم الاديان او شو الدين

الدين متل ما قلتي انت قبل شوي بالرد الأول بتانيا
التاني .. انو ما عم نقدر نحترم أنو العلاقة مع الله هي علاقة شخصية بحتة .. وما حدا أيا كان الحدا بيحقلو يتدخل بنوع وطبيعة هي العلاقة .. ووجود هالعلاقة او عدم وجودها


بمعنى آخر الدين هو العلاقة بين الانسان والله

وهي علاقة لا انا ولا واحد ممكن يعقب فيها ممكن واحد يسال لكن بحكم ظروف الأخوية وموقفها من حوار الاديان احترمنا هي الرغبة وما بعتقد بتشوفي موضوع بيتحدث على ماهية العلاقة بين الانسان والله وكيف بده يكون .

لكن الاحكام بين البشر ةالعلاقات البشرية مانها علاقة دينية اذا كان احد الاديان ذكرها بشكل كبير هاد ما بيعني انها علاقة الهية ممنوع التحدث فيها او انها من الخطوط الحمر .

قبل ما نمنع الاديان لازم نعرف شو هو الدين بالأصل

على هاد الاساس ممكن واحد اذا كتب موضوع جيولوجي على علم الارض تعتبروه مخالف للاديان وعبهين المعتقداتالشخصية
اذا كتب موضوع طبي حول مراحل الحمل كمان بتعتبروه عبهيم وعبجرح بالأديان .

المشكلة هي منشوفها بشكل اكبر في الدين الاسلامي باعتبار انه بيتقاطع مع الشرائع الأرضية بنسبة اكبر من قية الاديان .
بمعنى آخر بيحكي على عقات البشر وعلى كيف واحد لازم يصوم وكيف واحد لازم يصلي وكم زوجة لازم يتزوج .

هلق اذا نحكى بهاد الموضوع باحد الكتب " السمواية " فهاد معناه اصبح المجال هاد ديني بحث ممنوع الاقتراب منه واي تساؤل حول العلاقات البشرية اللي خططها الله صارت تهجم على الاديان ؟!!

مرسيل ما عبطلب غير نطلع على كيفية الحكم على الأمور او كيف هي المعايير اللي تقاس اليها المواضيع " ان وجدت "
فبكون طلبي كبير !؟!

على الهامش الديني
اقري القسم بالانجيل الخاص بدخول المسيح على الهيكل ومشاهدة الباعة المتجولين فيه :D

على الهامش مرسيل من الواضح انك دخلتي فقط لذكر فكرة واحدة اني متعصب ومتطرف واكيد ما كان الهدف تحاولي تردي او تعقبي بس بتبقي احسن من بقية العالم اللي بقيت ساكتة .


مشان هيك بقدرا اقول
7 اسبوع مضى ولا يوجد رد