نتيجة للقيل والقال والاراء الي وردت بالفترة الاخيرة علي ان الاخوية منتدي تابع لدين محدد والاعضاء الي من افكار وديانات اخري هم ضيوف علي المنتدي
حبيت انشر هالاستبيان لنعرف ان نحنا مو بس بالاخوية لا بهالوطن الي عايشين (اذا حدا مومن ان هاد وطن عنجد) شو انتمائاتنا
ياريت الكل يشارك وعلي اساس الاستفتاء راح شوف اذا راح قدم طلب هجرة من هالمنتدي (متل ماعملت معا وطني ) ولا لا
اممي

رجاءا ماحدا يتزاكا ويحط خيارين
يعني مابدي اقرا شي من مبد انا مسيحي سوري او انا مسلم سوري
بدي الانتماء الاكثر او الاقوي عند الشباب والصبايا الي بالاخوية لنعرف الله وين حاطنا :frown:

أنا اخترت سوريا
و اللي سمع كلمة الرئيس مبارح بيعرف ليش اخترت سوريا

الصراحة أنا انتمائي الغالب أكتر طائفي
يعني مرات بحس انو الشيعي الأفغاني أو الايراني بيعنيني أكتر من السوري من غير معتقدات
أنا بحب الصراحة وما بحب المتاجرة والكزب
أممي انتي طلبت انو الواحد يحط رأيو الصريح مشان نعرف الله وين حاططنا.
أنا هاد شعوري بدون مجاملات.
ورغم هالشي يعني ازا بصير شي لشب عربي أو بيحتاجني ما بعرف كيف في رابط بيشدني الو..
مبرسي عالموضوع :D

انا حطيت الجواب الاخير يعني ولا وحدة من اللي فوق
لانو الاعضاء اللي باخوية مانهن من دين واحد ز لا من بلد واحد ولا من حزب واحد
برايي هالتنوع باخوية عم يعطيها صفة رائعة انو هيي قريبة من العالم الواقعي و ليست عالم وهمي بالانترنت و بس :D

الصراحة أنا انتمائي الغالب أكتر طائفي
يعني مرات بحس انو الشيعي الأفغاني أو الايراني بيعنيني أكتر من السوري من غير معتقدات
أنا بحب الصراحة وما بحب المتاجرة والكزب
أممي انتي طلبت انو الواحد يحط رأيو الصريح مشان نعرف الله وين حاططنا.
أنا هاد شعوري بدون مجاملات.
ورغم هالشي يعني ازا بصير شي لشب عربي أو بيحتاجني ما بعرف كيف في رابط بيشدني الو..
مبرسي عالموضوع :D
بشكر صراحتك
بكل الاحوال انا تارك مناقشة الردود لبعد 4 ايام من الاستفتاء لان مابدي حدا يتاثر راي بمشاركتي

انا حطيت الجواب الاخير يعني ولا وحدة من اللي فوق
لانو الاعضاء اللي باخوية مانهن من دين واحد ز لا من بلد واحد ولا من حزب واحد
برايي هالتنوع باخوية عم يعطيها صفة رائعة انو هيي قريبة من العالم الواقعي و ليست عالم وهمي بالانترنت و بس :D

سوالي كان عن انتماءك الشخصي ...
يسلموا علي مرورك:D

سوالي كان عن انتماءك الشخصي ...
يسلموا علي مرورك:D
خيو بدك ما تواخذني بس الهيئة متقل انا هالمرة.....
شو يعني انتمائي الشخصي؟؟
شو هاد؟



:hashish:

خيو بدك ما تواخذني بس الهيئة متقل انا هالمرة.....
شو يعني انتمائي الشخصي؟؟
شو هاد؟



:hashish:

يعني انت بتحس حالك ايو اكثر
سوري
مسلم
مسيجي
حزبي
او مابتنمي لاي وحدة من هدول
;)

انا بنتمي لديني قبل ما انتمي لبلدي لانو لما الناس بدها تجي تحاسبك على غرار يلي عم بيصير هلأ .. بتحاسبك ع دينك ومذهبك وبتصنفك تبعا لدينك و مذهبك مش تبعا لبلدك :D

الإنسان بيولد على الفطرة، إنتمائي الأساس لديني الذي هو محركي الداخلي تجاه نفسي وأهلي ومجتمعي ووطني، بس برضو استفتاءك حاسو مو ممضبوط 100% والغرض منه غير واضح

انا صوتت للاسلام

بس ماعارفه لشو هالتصويت مع ان المواضيع الاسلاميه ممنوعه واخدت مخالفتين عنهم

مع انو في ناس تحط مواضيع تتهجم على الاسلام ما يعطوهم مخالفات

:Dانا صوتت للاسلام

بس ماعارفه لشو هالتصويت مع ان المواضيع الاسلاميه ممنوعه واخدت مخالفتين عنهم

مع انو في ناس تحط مواضيع تتهجم على الاسلام ما يعطوهم مخالفات

انا انسان الي بيعرفوني بيقولو اعني لا ديني
وانا بفتخر بهالشي
وهدف الاستفتاء راح تعرف بعد 4 ايام يعني لما بيكون عدد المقترعين اكثر من 20 عضو من اصل 100عضو بالاخوية:D

سوريا حبيبتي
انا بصراحة ما بفوت منتديات ذات طابع ديني طائفي
حتى بالمنتديات بشكل عام ما بفوت القسم الديني الا فيما ندر
واتفاجات لما قال البعض هون انو هيدا المنتدى مسيحي بالاصل
لان ما شفت فيه اي قسم بيدل على انو حكر على الديانة المسيحية فقط
لو اعرف هيك ما كنت فتت وصار في عندي ناس حبون هون

انا مني من سوريا , و ما حبيت اتحيز بس كل واحد بيحط هو لشو بينتمي
و كمانا ما حبيت حط اني ما بنتمي لولا شي , لانه كل واحد بينتمي لشي معين
انا بنتمي للبنان و الاسلام
و اخترت الاسلام هون
و بعدين اخوية , ما فيها تحيز ديني ولا شي , بس ما بعرف شو الي صار اخر ايام , المهم انو المواضيع الي كانت مسيئة النا انحذفت
شكرا ع الموضوع , و ان شاء الله الي صار ما بيتكرر و بضلون اعضاء اخوية اخوة مع بعض و مترابطين

سوريا حبيبتي
انا بصراحة ما بفوت منتديات ذات طابع ديني طائفي
حتى بالمنتديات بشكل عام ما بفوت القسم الديني الا فيما ندر
واتفاجات لما قال البعض هون انو هيدا المنتدى مسيحي بالاصل
لان ما شفت فيه اي قسم بيدل على انو حكر على الديانة المسيحية فقط
لو اعرف هيك ما كنت فتت وصار في عندي ناس حبون هون
صوت رفيقة؟؟

عربي و أفتخر


:clap::clap::clap:

صوت رفيقة؟؟
صوتي لسوريا اولا واخيرا بكل من فيها
اسلامها ومسيحها
ملحدها ومؤمنها
موالاة ومعارضة
صوتي لابن بلدي ولروح بلدي

صوتي لسوريا اولا واخيرا بكل من فيها
اسلامها ومسيحها
ملحدها ومؤمنها
موالاة ومعارضة
صوتي لابن بلدي ولروح بلدي
:D:D:D:D:D

صوتي لسوريا اولا واخيرا بكل من فيها
اسلامها ومسيحها
ملحدها ومؤمنها
موالاة ومعارضة
صوتي لابن بلدي ولروح بلدي

بتستاهلي مية وردة :D
وأنا رأيي من رأيك

بتستاهلي مية وردة :D
وأنا رأيي من رأيك

كتر خيركن ...:D

ابقو ردو عليي خبر بنتيجة التصويت

الاخوية منتدى سوري
سوري
سوري ..

وغصبالعن كل واحد رح يضلو سوري
وغصبالعن كل واحد الو نية او بقصد انو الاخوية موقع غير سوري ويكون على هوا سواءا موقع مسيحي او اسلامي او الحادي او او او
الاخوية رح تضل موقع سوري اجباري عنك
حتى لو كنت بتتمنى انو ماتكون هيك وتكون ع هواك سواءا بالسر او بالعلن ..


اخوية سوربا
ولكل السوريين .. :D

:deal:الاخوية منتدى سوري
سوري
سوري ..

وغصبالعن كل واحد رح يضلو سوري
وغصبالعن كل واحد الو نية او بقصد انو الاخوية موقع غير سوري ويكون على هوا سواءا موقع مسيحي او اسلامي او الحادي او او او
الاخوية رح تضل موقع سوري اجباري عنك
حتى لو كنت بتتمنى انو ماتكون هيك وتكون ع هواك سواءا بالسر او بالعلن ..


اخوية سوربا
ولكل السوريين .. :D

بحييك
:deal:

انا بنتمي للاسلام بشكل عام ولسوريا بشكل خاص وللمسيحية بشكل اخص
الاسلام ديني و بيحضني على الايمان بالمسيحية وهاد فرض عليي فالمسيحي اخي
وسوريا بلدي يلي اربيت فيها وشربت من ميتها وبموت بترابها وهواها فالسوري كمان اخي
وبما اني مسلم فالمسلم اخي
شلون بدك ياني افصل بين التلاتة

يا خيو اممي

انا مسلم سوري وبهالحالة ما بميز بيناتهون..لانو ماديا انا سوري للابد...وروحانيا انا مسلم والحمد لله

يعني سوريا عندي فوق كل العالم بكل توجهات اهلها

والاسلام عندي قبل كل شي موجود بالعالم

عا قولة هديك الدعاية...اتنين بواحد ما بقدر افصلهون..لانو كل واحد الو دورو بشخصيتي

المنتدى جنسيتو سوري ....وبفضل يبقى سوري وبس

لكن سؤالك بهالطريقة ماحدد جنسية المنتدى
تحياتي

انا عني شخصيا انتميت لا المنتدى لانو سوري فقط

واغلب اعضائو سوريين

والله انا اخترت ولا وحدة
لان اخوية كل يوم شكل متل الدولار
شي سوري شي مسيحي شي اسلامي شي اشرافي ( الي هاليومين مثبتة اخوية عليها )
:frown::frown::frown::frown::frown::frown::frown:

مرحباً

من طبيعة الانسان ان يفضّل ويحب ويعز قومه اكثر من غيرهـ لكن هذا لا يعني تجريح الآخرين...بالنسبة لي فـ انا اعامل الجميع معاملة مصفّاة تمامًا من المنحى الطائفي الا في بعض حالات اجد نفسي امام نقاش طائفي والخ...

انتمائي::

1)ان كان (x)من قومي مقابل (x) من قوم آخر واثنينهما على اخلاق عالية فـ انا طبعاً سأحترم الاثنين ولكن يبقى لـ ابن قومي وديني معزة خاصة..وهذا طبيعي وغير مُستغرَب,,

2) ان كان (x) من قومي شرير مقابل (x) من قوم آخر وهو على خلق فـ انا هنا طبعاً افضّل ابن القوم الآخر فنحن لا نفضّل اشرار قومنا على اخيار قوم آخرين فـ كما قال الامام علي زين العابدين عليه السلام (مضموناً) ان التعصب ليس في ان تحب قومك بل التعصب في ان تحب اشرار قومك على اخيار قوم آخرين...وبالمقابل ايضاً لا نفضّل اشرار قوم آخرين على اخيار قومنا...

اذاً انتمائي الدقيق هو المبدأ الصح والحق والتعامل الاخلاقي والعقلاني

ولن اصوّت لـ ايٍّ من خيارات الاستفتاء

تحية

ماتيا كلام رائع ... جميل ....منطقي ... عقلاني
برافو عليكي بنت العم
:D

يعني انت بتحس حالك ايو اكثر
سوري
مسلم
مسيجي
حزبي
او مابتنمي لاي وحدة من هدول
;)
ايوا....قلتلي انتمائي لكن....اي سماع لكن
خيو انا زلمي سوري و لمى اتعرفت ع اخوية حبيتها لانها باللهجة السورية العامية بس هادا ما بيعني انو هي فقط للسوريين....هاد الكلام ما بيجوز....اعضاء كتير اتعرفنا عليهن و حبيناهن و حبونا و هنن مو سوريين
بحياتي ما فتت ع موضوع ديني باخوية او تناقشت مع حدا فيه لانو هاد الشي ما بحبو لانو بالنسية الي الدين لله و الوطن للجميع
بالنسبة للحزبية.....همم....يا سيدي انا بحب سورية ك بلد...بحب السيد الكتور بشار بس ما بحب تسلط المسؤولين عنا مشان هيك ما فيني قول انو انتمائي لاهوية هو انتماء سياسي
فلذلك اخترت الجواب الاخير
:D

بما ان الموضوع خاص بسورين نكتفي بالمتابعة

انا جاوبت ولا شي

لأنو مابدخل اخوية لحتى كون من فئة محددة او مع فئة محددة

عم ادخل اخوية بجوو وكل شي فيو مسيحي مسلم سوري عربي كردي ارمني .....

ولا وحدة يا عزيزي انا ماني سوري
ماني مسلم ولا مسيحي ولاانتمي الا اي ديانة
انا ملحد ولست حزبيا
انا انسان حر فيط لا غير

انتمائي الأول والاخير لوطني سوريا .. الوطن للجميع على اختلاف اديان ابناء الوطن ...
انا مسلم من الطائفة السنية ... لكن هذا الشيء بيني وبين ربي ... لن اقحم ديني بالتعامل مع ابناء وطني
لم ولن افكر ابداً بشكل طائفي ... لم افكر ابداً ان اسئل عن ديانة جاري او ديانة زميلي او ديانة استاذي بالمعهد او
زميلي بالعمل ... الدين لله والوطن للجميع ... الله عز وجل لن يحاسبني عن دين غيري ... ولن يحاسب غيري عن ديني .... احترم جميع الديان والمعتقدات شرط ان يتم احترام ديني ومعتقدي ... لدي الحق كمواطن بأن أمارس عقيدتي بحرية ... وليس لدي الحق بتطبيق عقيدتي على الاخرين ... لكم دينكم ولي دين
لدي صديق مسيحيي ... لكن ولامرة واحد فينا فكر أن يقول للتاني انا ديني صح وانت غلط وان خطر ببال اي واحد فينا ان يقول ان ديني صح ودينك غلط فستنشأ عداوة بيننا وسنفترق الى الابد
ولدي أصدقاء شيعة ... لكن ولامرة فكر واحد فينا أن يقول للآخر أن مبدأي صح وانت مبدأك غلط واذا فكر واحد أن يقول أنا مبدأي صح وانت غلط ... على الفور نفترق وتحصل عداوة وكراهية
ولدي اصدقاء ملحدين يسبون الدين والذات الالهية ... لكن عندما التقي بهم يحترمون مشاعري ويتوقفون عن السب ... وفي حال سبوا الدين أمامي فسأضع عليهم علامة x واهجرهم .... كل دين توجد به نقاط اختلاف لكن هذا لايعني ان اشتم دينك واقول لك ان دينك غلط وديني صح ... ايضاً لايعني ان تشتم ديني وتقول ان ديني غلط ودينك هو الصحيح ...
الله خلقني مسلم وخلقك مسيحي لذلك لاتحاول اخي المواطن المسيحي اقناعي بدينك على الاطلاق ... انا مسلم للابد وانت مسيحي للابد
لاتحاول ابداً فرض معتقدك علي لأن جميع الاديان برأيي الخاص اديان باطلة لكنني احترم متبعي تلك الاديان بتطبيق معتقداتهم بحرية ... لاتحاول ابداً فرض معتقدك علي لكي لاتخسرني أخ لك في المواطنة وأنا اخسرك
اتمنى تكون وصلت فكرتي .. وآسف عالاطالة :D

تحية

عجبتني نتيجة التصويت لحد الان :lol:

عم تاكدلي فكرة براسي :cry:

عجبتني نتيجة التصويت لحد الان ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

عم تاكدلي فكرة براسي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


الفكرة معروفة.
بتذكر صار نقاش فيها بالزمان الغابر, كان احد اطراف النقاش هو كريم اذا ماني غلطان.

بس سيدي.... الا ما يصيرو.

الفكرة معروفة.
بتذكر صار نقاش فيها بالزمان الغابر, كان احد اطراف النقاش هو كريم اذا ماني غلطان.

بس سيدي.... الا ما يصيرو.

انتي اكيد انو بيصير

او ما في امل ويلعن ابو التخلف ؟ ;)

اعــه

مافي امل اقرب للواقعية.

الا ما يصير. امنية.

اعــه

مافي امل اقرب للواقعية.

الا ما يصير. امنية.

يعني خمس دقايق لفهمت شو هالجملتين بس مشي الحال وصلت بالاخير

اي خليك عم تتمنى لكن لانو بحياتك ما رح توصل للواقعية

انا مسلمة لانو الاسلام اشمل من سوريا


مع اني بحب سوريا مووووووووووووووووووت


بس انا شايفة انو نتائج التصويت صارت اكتر نسبة مسلمة


ورغم هيك لسا لهلا ما بيقيموا وزن للاهانات اللي بتجينا


بس مو مشكلة النا الله قادر على كل شي

أكيد أكيد أكيد لسوريا...

بحلوها وبمرها...لسوريا بكل شبر من ارضها وترابها..

باحزابها ومعارضتها وكل أديانها وكل طوائفها...

بكل حارة من حاراتها وكل شخص بحمل ذرة حب لهالجنة..

عالهامش* هالاستفتاء نبهني على شغلة كتير مهمة لاحظتا بالنتيجة..ازا كمل الاستفتاء عهالحالة بفضل انو نذكر الكل انو الوطن وكرامة الوطن اهم من كتير اشيا تانية حتى لو كانت الدين..وحب تراب الوطن والانتماء الو اهم من كتير اشيا...

:larg:

ليه هو في أصلا حد متبع ديانة من يلي قلتهم

البشرية ما بتعرف ولا بتعترف بدين غير دين العادات والتقاليد

لو كان كل واحد بيعبد ديانة لما كان يلي بنشوفوا على هالارض موجود


وللجميعــ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

عجبتني نتيجة التصويت لحد الان :lol:

عم تاكدلي فكرة براسي :cry:

نفس الفكرة اللي ببالي ؟ :cry:
إذا نتيجة التصويت رج تبقى هيك
فعلى الأخوية السلام :jakoush:

الصراحة أنا انتمائي الغالب أكتر طائفي
يعني مرات بحس انو الشيعي الأفغاني أو الايراني بيعنيني أكتر من السوري من غير معتقدات
أنا بحب الصراحة وما بحب المتاجرة والكزب
أممي انتي طلبت انو الواحد يحط رأيو الصريح مشان نعرف الله وين حاططنا.
أنا هاد شعوري بدون مجاملات.
ورغم هالشي يعني ازا بصير شي لشب عربي أو بيحتاجني ما بعرف كيف في رابط بيشدني الو..
مبرسي عالموضوع :D
لفت نظري كلامك الصريح
ولما قريتو فورا تبادر لراسي سؤال معين
وبما اني بحب الطابة فسؤالي عن الطابة
فروض انو منخب سوريا الوطني لكرة القدم عم يلعب مع منتخب ايران الوطني بمباراة معينة
طبعا منتخب سوريا متنوع الاديان والعقائد ومنتخب ايران تغلب عليه النسبة الشيعية
بسألك انت بتشجع منتخب ايران بهي الحالة
ياريت تجاوب حتى اعرف كون نتيجة بعلقي ليلي انحكا من كل الاعضاء
شكرا الك:deal:

لفت نظري كلامك الصريح
ولما قريتو فورا تبادر لراسي سؤال معين
وبما اني بحب الطابة فسؤالي عن الطابة
فروض انو منخب سوريا الوطني لكرة القدم عم يلعب مع منتخب ايران الوطني بمباراة معينة
طبعا منتخب سوريا متنوع الاديان والعقائد ومنتخب ايران تغلب عليه النسبة الشيعية
بسألك انت بتشجع منتخب ايران بهي الحالة
ياريت تجاوب حتى اعرف كون نتيجة بعلقي ليلي انحكا من كل الاعضاء
شكرا الك:deal:


الله حيو الطائفة العلوية لأجلك ...
ياريت كل الشيعة ببلادنا تفكيرهم متل تفكيرك :deal:
كانت بلادنا بألف خير ونعمة

سوريا ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// 1839.13%الاسلام ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// 1839.13%المسيح ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


بجد النتيجة مضحكة جداااااااا ^_^

عنجد هالشي ولا في تزوير او لعب بالنتائج...:cry:

عنجد هالشي ولا في تزوير او لعب بالنتائج...:cry:

ليه شو كنت متوقع! :cry:

عجبتني نتيجة التصويت لحد الان :lol:

عم تاكدلي فكرة براسي :cry:


شو هية هالفكرة ..
عجب نفس الفكرة اللي براسي ولا غيرا ؟