هاي اعضاء أخوية انا نزلت هالموضوع بالسقيفة لحتى ما يتغلّب المشرفين وينئلوه لهون:pos:
هلأ انا بدي اسأل شغلة ليش لما واحد ينزل موضوع عن الاسلام طبعا ضدو لانو معو
ما رح يتنزل هالموضوع وينحزف:frown:ما حدا بيحكوا معو ولا مشرف بيجي بئولو عيب من قوانين
المنتدى تحترم الديانات التانية:jakoush:بس هالقوانين ما بتمشي على حدا بيغلط علينا وعلى دينا
والرسول وحتى الصحابة ما سلمو منهم:xالمهم معلش حدا يحكي ليش
وبتوقع ازا بتدورو المنتدى كلو ما بتلائو حدا غلط على ديانة حدا ليش احنا :jakoush:شو يعني
في حدا بيدفعلكو مصاري لما تغلطو فينا وبدينا:sly:
وتاني مشكلة لما مشرف يعمل مشكلة مع عضو طبعا وشو ما حكى المشرف عليه الامان
ما رح يصير عليه شي بس حيروح المشرف على صاحبو المشرف لينبعت للعضو مخالفة متل
ما صار معي:jakoush:ورح ئلكو لو بعتو مية مخالفة والله اخر همي وما بتفرئو بشلن:pos:
بس يا ريت شي حدا فهمان يجي يجاوب ويا ريت المشرفين ومش كلهم همي تلاتة ينئطونا سكوتهم
ويحكولي قواعد المنتدى مرة تانية لانو قواعد اخوية هيك:

تتعدّى عالاسلام خود يا عمي راحتك وانفلت وجعلّ ما حدا حوّش
يا مشرف إلك الصلاحية تعمل اللي بدك حتى لو تطرد عضو بما انو مش داخلك من زور :jakoush:

ممنوع تنزّل شي موضوع بيمدح الاسلام ها دير بالك بتروح فيها

يا عضو ما تعطي رأيك خليك ساكت وفوت وانت ساكت واطلع وانت ساكت لانو ازا حكيت
بتتطلع برّى المنتدى
وبتئول اللي خلئ اخوية ما خلئ غيرو
:jakoush:

اعصابك بيتي روقي,
حقيقة اتفق معك في بعض النقاط خصوصا بتعامل بعض المشرفين مع المواضيع المسيئة للاسلام حيث يتم التغاضي عنها و عند الاعتراض يقول ما في اهانة و انما نقاش عادي او نكت او....

روء
والله ما ضل فيها رواااااااء ابدا ابدا:pos:
المهم اللي حكيتو والله صح

هو الحل لهيك قصص انك تبعتي تقرير مشاركه عاطله ..هاد أولا
والتطنيش لهيك مواضيع وعدم الرد عليها ( يعني ابعتي تقرير مشاركه عاطله و اطلعي من الموضوع ) .. هاد تانيا
بتوقع لما تكتر الشكاوي على موضوع المشرفين رح يتصرفو .. بس لما يصير أخد وعطى وواحد يحكي والتاني يرد هاد بيوحي انو في نقاش شغال و ما حد معترض على الموضوع..
وروقي بيتي ..

ياشباب الواحد بيحكي شو الو وشوعليه كلامك يا بتي صحيح بس انا شاعر بتحسن كبير وها التحسن خلى الطرف الأخر مستاء والدليل المواضيع يلي نزلت مبارح دليل استيائهم من توجه أخوية نحو الاعتدال واستيعاب مختلف شرائح المجتمع بس يظهر عندهم خلل في التنسيق فيما بينهم يعني فجأة مابتلاقي اي مشرف

مهوي والله لو ضليت وانا والاعضاء كلهم نئدم تقارير ما حنستفيد شي
وكأنو بنغني باالطاااااااااااااااحووون
خلص لعيونك روئت:larg:

صح يا ابو عمير بس وحياتك المشرف ما بيجي غير على اللي زكرتهم فوء او رديت على موضوع ديني
متل ما خالفني كهربجي ومكتوب ل(لا للمواضيع الدينية):jakoush:
مشان الله شو هاد بتسموه

على علمي ..... مبارح انحذفت 3 مواضيع بسبب اساءتها للاسلام





بس من ناحية تانية ..... ما في داعي لما تشوفوا موضوع مسيء للاسلام كمان انتو تسيئوا لغير ديانات
يعني هالشخص يللي عم يسيء للاسلام ... بالنهاية ما بمثل غير نفسو
و في منهون حتى عن نفسون مو مسؤلين

انا معك بيتي
بالنسبه للحكي يلي قلتيه عالمشرفين انا معك :D

صح وازا بتلاحظ يا مادماكس انو اي عضو مسلم ما بيعتدي على ديانة التاني
لانو الاسلام حكالنا نحترم الديانات التانية لانها كلها ديانات سماوية

اها تمام يا حالة حب شكرا سويتي

مهوي والله لو ضليت وانا والاعضاء كلهم نئدم تقارير ما حنستفيد شي
وكأنو بنغني باالطاااااااااااااااحووون
خلص لعيونك روئت:larg:

صح يا ابو عمير بس وحياتك المشرف ما بيجي غير على اللي زكرتهم فوء او رديت على موضوع ديني
متل ما خالفني كهربجي ومكتوب ل(لا للمواضيع الدينية):jakoush:
مشان الله شو هاد بتسموه
هون باعتقادي مالازم شخص بمفرده يقرر او يعطي مخالفة لازم يكون قرار جماعي بس عدة أسئلة تخطر بالبال
أخوية هل تملك بين أعضاءها كادر مؤهل للأشراف ام هناك نقص شديد
وأمور كثيرة أخرى بتصور بالأيام الجاية حتتبلور ونعرف الجواب وكذلك ونحن نخوض بهاالمسائل مالازم ننسى جهود بعض المشرفيين القيمة يلي هي كلها تبرع مافي عليها اجر

يا عمي ليش بنكبر بشغلة المشرفين
خلينا نكون واقعيين همي بشو بتغلبو اه بيتغلبو بس يكون في عضو مش حابينو وكيف بدهم يطلعوه

هون بعطيك مثل عن نفسي انا مابيطيقوني وكتير سلخوني مخالفات بس ماقلعوني وصرت حريص ماخليلهم سبب للمخالفة
بس بلفت نظرك لشغلة نحنا ضيوف عندهم مو العكس لازم نتحمل

اول شي يا انسة بيتي...مبارح حذفت اكتر من تلات مواضيع مسيئة للاسلام...ولا اللي بدوكون ياه بتشوفوه واللي مابدكون ياه ما بتشوفوه.؟؟؟؟
تاني شي...هيك موضوع محلو البريد...مو السقيفة....
تالت شي...السقيفة مو هي مكان مسموح انك تحكي في اي شي و كل شي....كل قسم الو شروطو و الو مواضيعو.....
رابع شي...اي شي ما ببعجبك بتعملي تقرير مشاركة عاطلة...مو بتتهجمي ع هاد وهاد...و على توجيه اهانات و اساءات....
خامس شي و اهم شي....اي موضوع بيتناول اداء المشرفين هوي ممنوووووووووووووع.....ممنوع تقييم اداء المشرفين بهي الطريقة...كل واحد بيعرف كتير منيح شو شغلو وشو شغلتو...و ايمت بيحذف و شو بيحذف.....

سادس شي...هالموضوع رح ينحذف كمان...لانو بعتقد وصلك الجواب انسة بيتي....

أنا مو معكون بهالكلام عن المشرفين
لأنو لما عم يوصل تبليغ المشاركة العاطلة .... عم ينحذف الموضوع

طيب سرسورة احزفي لحتى الاعضاء اللي ما شافو هلأ ما يشوفو بكرة
وبتوقع انتو بتقيمو حالك منيح وكل واحد ادرى بحالو على كلن احزفيه ولو هادا الموضوع
فيو الواقع وما بيمشي معكو يا مشرفين
يي حاسدين حالكو لانو حزفتو 3مواضيع شو هادا ما شالله انجاز اللي عملتو

يي حاسدين حالكو لانو حزفتو 3مواضيع شو هادا ما شالله انجاز اللي عملتو
اذا عندك مواضيع تانية ...... بلغي عنهون ..و حطيلنا روابطهون ... لنشوف وين مقصرين أو متحيزين هالمشرفين

مع احترامي سرسورة مو لازم تسمعوا صوتنا شوي البريد معناه شكوى والشباب حابين يفتحوا نقاش معكم مو شكوى في شغلات بنكون ساهيين عنها بدا توضيح وتذكير تحملونا شو بدكم تساوو

ما فيها الشي اذا كان حوار بين الاعضاء و المشرفين لا تاخدوا الامر بحساسية

شو هل الحكي
أيه على علمي المنتدى رح يصير إسلامي إلا شوي شي عن الحسين وكربلاء وشي توصيات الرسول للحفاظ على الجمال وشي عن ما بعرف شو

مع احترامي سرسورة مو لازم تسمعوا صوتنا شوي البريد معناه شكوى والشباب حابين يفتحوا نقاش معكم مو شكوى في شغلات بنكون ساهيين عنها بدا توضيح وتذكير تحملونا شو بدكم تساوو


ملخص الحكي: ماننا مستعدين نسمع اهانة ثانية بحقنا, بصراحة طفح الكيل أخي

العضوة هاي تخالفت لأنو ضربت بعرض الحائط رد بخط كبير و لونو أحمر محطوط على موضوع مخالف ما كان عندي الصلاحية اني أحذفو... تخالفت صاحبتو 3 مخالفات و طلبت انو لا حدا يرد عالموضوع منشان ما يظل بأعلى صفحة القسم لحتى يجي مشرف القسم لحتى يحذفو كما حصل, كتبت بخط واضح انو كل واحد راح يرد بعد ردي راح يتخالف, و معظم الموجودين استجابو مشكورين و تعاونو معي.... العضوة هاي ردت بعد 10 ساعات من ردي, و تخالفت متل ما تخالفو كل اللي ما عبّرو التنبيه..... بس سبحان الله التبلي شغّال لأبو موزة

في أكتر من عشرين عضو كانو موجودين و شاهدين على كلامي تماما....


مافي استعداد نتحمّل كلمة واحدة عاطلة أو اتهام مفتري, اللي يحس انو صار في غلط بحقو يحط شكوى و اذا عندو حق راح ياخدو...... غير هيك ما عنا استعداد نسمع اهانات و اتهامات

اذا عندك مواضيع تانية ...... بلغي عنهون ..و حطيلنا روابطهون ... لنشوف وين مقصرين أو متحيزين هالمشرفين
ايوا...تمام.....بس اللي حاطط قدام عيونو شي مانو حابب يشوف غيرو...مارح يشوف غيرو....
يعني في تلات مواضيع مسيئة بالقسم حذفناها..وانا مسؤولة عن هالقسم ..منخترعلك مواضيع و منحذفلك ياها لترضي يعني؟


مع احترامي سرسورة مو لازم تسمعوا صوتنا شوي البريد معناه شكوى والشباب حابين يفتحوا نقاش معكم مو شكوى في شغلات بنكون ساهيين عنها بدا توضيح وتذكير تحملونا شو بدكم تساوو

على عيني ابو عمير ...على عيني...بس القصة مو صايرة نقاش...صاير تقييم ...و هجوم.....يعني انتو كلكون شايفين مستوى و طريقة الحوار...و بتعرفو انو نحنا ابدا مو ضد النقاش....
هاد الموضوع بالذات صار مطروح اكتر من مرة...و باكتر من مطرح...و عطيناكون الجواب كمان اكتر من مرة....
شايفين انو كل المواضيع المسيئة عم تنحذف ....او عالاقل بالاقسام اللي مشرفينا عم يفوتو بشكل منتظم...
بس في اعضاء مو حابين يشوفو....

تحياتي لالك ولكل اللي عم يتفهمو...واللي عم يناقشو بمنطق واحترام:D

شو هل الحكي
أيه على علمي المنتدى رح يصير إسلامي إلا شوي شي عن الحسين وكربلاء وشي توصيات الرسول للحفاظ على الجمال وشي عن ما بعرف شو
وفي موضوع جديد نزلوا اخونا فاوست اسمو روسيا تحكم ثلاث سنوات على رسام لرسمه كاريكتور مسيء للنبي محمد عليه السلام مو انت كاتبه

شكرا لتفهمك سرسورة وايضاحك

تمت مخالفة الاخت بيتي بسبب موضعها الذي نشارك فيه الان و هي تحت الاقامة الجبرية لذا لا يمكنها الرد و الدفاع عن وجهة نظرها
على الهامش : و ضعت هذا الرد بطلب من بيتيي

شو هل الحكي
أيه على علمي المنتدى رح يصير إسلامي إلا شوي شي عن الحسين وكربلاء وشي توصيات الرسول للحفاظ على الجمال وشي عن ما بعرف شو

وماذا فيها اخي كل عضو حر في وضع اي موضوع ما دام لا يتهجم على معتقدات الاخر او خروج عن الاداب العام او قوانين المنتدى

المنتدى ليس له أي توجه طائفي وعلى هذا الأساس من المهم مراقبة جميع المشاركات التي تمس الديانات وشكرا

أنا بتوقع ازا كان في موضوع هيك ولاّ هيك مو محزوف بكون بسبب تقصير من المشرفين ..
ما بعرف ازا بعض المشرفين بتعاطى مع موضوع المخالفات والحذف بطريقة شخصية .. بس الصح انو الحذف والمخالفة يكون بناءا على اعراف وقوانين أخوية .. هاد من ناحية .. من ناحية تانية مافي دخان بلا نار .. كتير سمعنا من قبل شكاوي بهالخصوص .. لذلك بتمنى يكون الي صاير تقصير (لأنو مو ملحقين شغل) ومو بسبب قواعد واعراف المشرف نفسه بعيدا عن قواعد المنتدى ..

وشغلة تانية .. أنا بعترض يكون وضعها بالمعتقل بسبب هالموضوع .. خصوصا انها مو مخالفة مخالفة بتستوجب هالاجراء .. (ازا كانت خالفت)



:D

تمت مخالفة الاخت بيتي بسبب موضعها الذي نشارك فيه الان و هي تحت الاقامة الجبرية لذا لا يمكنها الرد و الدفاع عن وجهة نظرها
على الهامش : و ضعت هذا الرد بطلب من بيتيي


لك شوووووووووووووووووووووووو ووووو القصة
ياريت توضيح من الأشراف :D

وشغلة تانية .. أنا بعترض يكون وضعها بالمعتقل بسبب هالموضوع .. خصوصا انها مو مخالفة مخالفة بتستوجب هالاجراء .. (ازا كانت خالفت)

قانون المخالفات هو كالتالي
اليوم اخدت مخالفة ب 20 زعلة. مدتها اسبوع (يعني بروحو ال20 زعلة بعد اسبوع)
وبعد يومين اخدت مخالفة ب 20 زعلة. صارو 40
وبعدها مثلا 10 صارو 50

وبس يصير عندك عدد معين من الزعلات, النظام بشكل اوتوماتيكي بيلحشك بالمعتقل.

وهية ما شاءالله عليها بهاليومين ما عم تقدر تقعد عاقلة.
فلذلك صار تراكم مخالفات. ودتها للمكان اللي بالي بالك منو ;)


عالعموم الموضوع علاك مصدي بكل بساطة.
لما يكون في عندك اعتراض على موضوع ابعتي تقرير مشاركة عاطلة. اذا شاف المشرف انو الموضوع مخالف لقوانين اخوية. بيحذفو, ما شاف انو مخالف بيتركو. انت ما الك حق تهاجمي قوانين اخوية. في عندك اعتراض على شي. اكتبيه بالبريد.

في أكتر من عشرين عضو كانو موجودين و شاهدين على كلامي تماما....


انا بشهد على كلامك.. لاني بوقتها شفت ردك.. وتماماً كان متل ما هلأ انت قلت
انت وقتها خالفت صاحبة الموضوع وقلت ما حدا يرد كرمال ما يضل الموضوع بــ اعلى الصفحة
وانو المشرف لما يجي بيحذف الموضوع... وانو اي رد بعدك رح يتخالف
واكتر من هيك بحب قول في عضوة بعدك ردت وانا بعتلها رسالة تحذف ردها لانو هي جديدة ما شافت ردك انو رح تخالف اي حدا بيرد بعدك والخ... لهيك لما نبهتها رجعت حذفت ردها

انا ما شايفة تقصير من المشرفين حقيقة

تسالي :lol:

تسالي :lol:

موو ابو الهن

واحلى الشي بيقولولك هادا نقاش:lol:
ليحيا النقاش ازن:lol::jakoush:

[quote=Madmax;882589]على علمي ..... مبارح انحذفت 3 مواضيع بسبب اساءتها للاسلام




لأ خيو وانت الصادق ماانحزف الموضوع الا لما صرنا بندافع عن الاسلام ورموزه بس لما حكيو عنو بالباطل ماحدا تحركتلو شعرة اي باولها الاسلام مستهدف من هيك اشكال بس هو ارفع من هيك كتير وكل مسلم مؤمن بيعرف هالشيئ.


انا مع بيتي في كل الي قالته الله ينصر دينك يا بيتي

[quote=Madmax;882589]على علمي ..... مبارح انحذفت 3 مواضيع بسبب اساءتها للاسلام




لأ خيو وانت الصادق ماانحزف الموضوع الا لما صرنا بندافع عن الاسلام ورموزه بس لما حكيو عنو بالباطل ماحدا تحركتلو شعرة اي باولها الاسلام مستهدف من هيك اشكال بس هو ارفع من هيك كتير وكل مسلم مؤمن بيعرف هالشيئ.


انا مع بيتي في كل الي قالته الله ينصر دينك يا بيتي

الموضوع طالما مخالف ومسئ للدين رح ينحذف وسبب انو انحذف هوي اسائته للدين ومو لانو حدا دافع او لأ

واذا كان في تأخير بالحذف فهاد سببه انو المشرف عن القسم بيكون مو موجود واول مايفوت وينتبه على موضوع مسئ للدين رح يحذفو فورا (وهون اهمية تقرير المشاركة العاطلة اللي بيخلي المشرف ينتبه على اي مخالفة اول مايفوت عالاخوية).... بس شو بدك تعمل اذا المشرفين بشر ومضطرين يعيشو حياة بعيدة عن الانترنت والاخوية ولازم يشتغلو او يدرسو وياكلو ويشربو وينامو ومانون قادرين ينوجدو بالاخوية 24 ساعة لحتى يحذفو المواضيع المخالفة بلحظة نزلوها

هلأ لقول شغلة ..
يعني الواحد يحكي اللي الو واللي عليه
في موضوعين نزلو اول امس فين شوية حكي عن الاسلام وتهجم
يعني بصراحة جيت تاني يوم لاقيتن محزوفين وطايرين ..
وبصراحة هي نقطة منيحة ..
عكس الكلام اللي زكرتي بالموضوع
انو يعني الموضوع اللي اساءت للاسلام تاني يوم كانت طايرة وهي نقطة بتنحسب لمشرف هالقسم مشكورا



وبالمقابل في تحفظ كبير وعلامات استفهام كبيرة ع السقيفة بوضعا الحالي وبصراحة كتير اعضاء مدايقين للشي اللي عبصير للسقيفة هلأ
مارح ادخل بالتفاصيل لانو الموضوع هلأ فكرتو مو عن مشاكل السقيفة
فكرتو عن المواضيع الدينينة
اللي انا شفتا وبصراحة لما نزلت هون بالسقيفة تاني يوم كانت طايرة وما الا وجود

:D

حلو كثير بيتي ..

مع انو صار الي اسبوع بهالمنتدى ..

اخذت مخالفتين .. لانو كنت اناقش بادب .. وادافع عن ديني ..

والعضو الي قدامي كان يتسخر على ديني ..

فاخذت انا المخالفه ..

كيف بدو يصير عدل .. لما بنشوف ردود ضد دينا من قبل المشرفين ذات نفسهم ..

" لمين اشتكي اذا كان المجرم هو القاضي " ..

يعني انا ولا مره شوفت موضوع ضد ديانه ثانيه ..

بالعكس في قسم مفتوح لديانه غير ديانة الاسلام .. بمدحها وغيروا ..

بصراحة شيء يسد النفس ويضايق , غايب يومين برجع الاقي طائفية شديدة ومشاكل كتير .

خلينا بالموضوع .رد المشرفين بصفة عامة معقول ومنطقي بل في الواقع ردود ياس وامراة من ورق , توضيح كافي شافي .
انسة بيتي ، لما ياس حط رد بيقول ما حدى يرد بعدي واللي رح يرد رح انبهو ، هل هاد اسلوب واحد بيدافع عن صاحب الموضوع !!!!
لازم تعرفي انو مشرف القسم هو اللي يملك حذف موضوع بقسمه (ما اي مشرف يقدر يحذف اي موضوع باي مكان)
لازم نفكر شوي انو ياس كان بدو يخلي الموضوع ينزل لتحت او يروح لصفحة تانية (او على اقل تقدير انو مايزيد الوضع سوء) ويقدر يحجم المشكلة ويخليها ما تتفاقم .
انا وضحت الموقف وشرحتو منشان ما حدى يفكر اني جاي ادافع عن ياس (لاء انا بحلل تصرف ياس وفق للصلاحيات المتاحة الو ) لو كان عندو صلاحية بحذف الموضوع كان حزفو بدون تردد .
وما معقول تردي وتعيقي عملو في تحجيم المشكلة "الطائفية واللي سببت مشاكل كتير على حسب ما سمعت وواضح انو الموضوع كان مزعج للغاية لدرجة انو عصب عالم كتير وبعتقد انو هاد سبب ادعى انو العالم تساعدو , مش تقف في اتجاه زيادة المشكلة ) على العكس لو كان بدو طائفية او كان مع صاحب الموضوع وبيوفرلو دعم او مبسوط من موضوعو ولهالسبب تركو (كنت اول واحد اقف معكي ضد ياس واي مشرف على هالنمط) بس لاحظي انو ما الو صلاحية بحذف الموضوع .

مابعرف لسا شو صار بكل التفاصيل منشان اقدر احكي بثقة

تمت مخالفة الاخت بيتي بسبب موضعها الذي نشارك فيه الان و هي تحت الاقامة الجبرية لذا لا يمكنها الرد و الدفاع عن وجهة نظرها
على الهامش : و ضعت هذا الرد بطلب من بيتيي
منشان الحق والانصاف .
مابعرف ظروف وملابثات التنبيهات الاخرى بخلاف تنبيه ياس لحتى اقدر احكي فيها (لذلك انا ممتنع)
ان البنت تاخد تنبيه لنشر هالموضوع حتى وان كان فيه تقييم للمشرفين او اتهام فهاد ظلم كبير .
متل ماهو معروف للي بدو يعرف " الاتهام ما معناه ادانة او سب "
القاعدة المنطقية والقانونية بتقول " المتهم بريئ حتى تثبت ادانته"
وهاد معناه انو اذا اتهمت الصبية احد اعضاء فريق الاشراف او حتى الفريق كلو ، فهاد ما معناه ادانة الون (اذا ثبت الادانة هون بيكون صح) اما الاتهام لحد حالو مافيو شيء .
سواء كان البنت محقة والاشراف ثبت ادانتو او غير محقة والاشراف ثبت عدم ادانتو فهاد ما معناه عالاطلاق انها جرحت الاشراف او سبتو (الاصل في الاتهام هو البراءة حتى تثبت الادانه .اللي شايف حالو مدان هاد حكي تاني "ماذنب البنت")
أما اذا المبدا يللي عراسو بطحة بيحسس عليها فهون اي من حق اللي عراسو بطحة يحسس عليها (طبعا حرية التحسيس متاحة) .
التلخيص : اتهام الصبية ما معناه ادانة للاشراف او سب .
والا اي واحد يتقدم لمحاكمة او الشرطة تتهمو بشيء (بيصير مجرم ومدان ) طبعا هالحكي ما منطقي .

طيب شو هو الوضع !!! البنت مظلومة وشو هو التصرف !!!!
رئيي نرجع لقوانين اخوية وهي الفيصل والحكم .

وشغلة انو الاشراف فوق التقييم هاد حكي بيقرب الصورة لانو المشرف ملاك او معصوم او فوق القانون
انا ما واخد بالي بصراحة "في حد في الاشراف كلو شايف حالو من هال3 انواع؟؟"
هاد موضوع ضخم شكلو بدو استقلالية وفي حكي كتير .

لنا عودة بعد ما نستكمل معرفة كل اللي دار بهاليومين اجمالا
وميت وردة للكل (الكل بلا استثناء ) :D

طيب الفكرة هون بما انها مفتوحة شهية الاخوة المسلمين على المواضيع الدينية
فلازم على الأقل تحترموا بقية الاعضاء والاديان الاخرى اي كانت تكن او حتى مو بقية الاديان الاخرى احترموا يا اخي الملحدين على اقل تقدير .

عناوين اسافزازية او مخصوصة للمسلمين وكان المنتدى بشكل كام عبيتحول لقسم الديانة الاسلامية على حياة الرسول ووصاياه ودعاءات وازياء للمحجبين وبدلات اعراس للمحجبات

تخنت شوي ما هيك

ما بتذكر قريب بزماني موضوغ بعنوان ازياء للمسيحيين او شو راي المسيح بالبنطلون الباغي او النظارات

شي بديهي وقت بدكم تحاولوا تثيروا المواضيع الدينية بشكل عشوائي باي قسم بمعنى او بدون معني فشي بديهي بدكم تشوفوا ردود افعال متناوبة بين موافقة وبين معارضة

اذا فعلا بدكم ما ينساء لاي ديانة معينة او لاي رمز ديني فمن الاول ما تفتحوا الباب عليكم بالتطرق للمواضيع الدينية .

ملاحظة :
معظم الردود اللي بيعرها الاخوة المسلمين اساءة بتكون صادرة عن اخوة مسيحيين وفي قسم منها لا يحمل اي اساءة لكن فقط بسبب فكرة انها صادرة عن مسيحي فهي مرفوضة

بمجرد ما تكون ردة الفعل على الموضوع بانها " مشاركة من مسيحي " فبالتاكيد بدها تكبر القصة تصير مشاكل كبيرة بسببها

يعني انو تنزل موضوع تروح تنبعت على المعتقل هيدا مرفوض تماما
انا يلي عم لاحظو بالمنتدى
انو صار المشرف طرف في النزاع بدل ما يكون طرف في الحل
وبعرف انو المشرف من مهامو انو يروق الاجواء ويحتوي المشاكل مو بالعكس
يعين زت بيتي بالمعتقل مش حل انما تازيم للمشكلة
وانا لاحظت باكتر من محل انو المشرف عم يتحول لطرف مشكلة ويكبر المأزق مستخدم حقو في اغلاق الموضوع ايمت مابدو
وهيدا شفتو هون بهيدا الموضوع
لما قالت احدى المشرفات انو هيدا الموضوع كمان رح يتسكر
يعني مابتوقع انو هي هي وظيفة المشرف ....................

اذا فعلا بدكم ما ينساء لاي ديانة معينة او لاي رمز ديني فمن الاول ما تفتحوا الباب عليكم بالتطرق للمواضيع الدينية .

ملاحظة :
معظم الردود اللي بيعرها الاخوة المسلمين اساءة بتكون صادرة عن اخوة مسيحيين وفي قسم منها لا يحمل اي اساءة لكن فقط بسبب فكرة انها صادرة عن مسيحي فهي مرفوضة

بمجرد ما تكون ردة الفعل على الموضوع بانها " مشاركة من مسيحي " فبالتاكيد بدها تكبر القصة تصير مشاكل كبيرة بسببها

اولا ما بعرف شو المانع اذا كان في مواضيع عن الاسلام .. لانو في كمان مواضيع عن المسيحين ..
كل واحد حر بديانته .. !!

وبعدين مو لانو اول ما تكون رد من مسيحي بصير خلاف ..

بس لو انو المسيحي لما يعمل رد .. بعمل رد باحترام وما بجرح .. بالعكس ..

بلاقي احترام كبير ..

اما اذا كان مسيحي بعمل رد بجرح .. وبستهزئ على الموضوع ..

فشو بدك من باناء هذه الديانه يعملوا .. يهنوا على هيك رد ..

خذها على نفسك اخي .. بتقبل واحد من ديانه غير ديانتك ..

يعطيك دروس عن دينك .. ويستهزئ من دينك !!

قبل ما تسال .. اسال نفسك ..

;)

بدون زعل .

بالنسبة للاعضاء اللي عم يسألو عن بيتي...
بتخيل جاد (wili) حط توضيح عن الموضوع...بس الظاهر انكون ما قريتو...او ماقريتوه منيح....
بيتي مادخلت المعتقل بسبب هاد الموضوع بالذات...وانما لانو هي عندا عدد كاف وواف من المخالفات....يعني تراكمت عندها المخالفات....و لما خالفتها بسبب هاد الموضوع...كان باقيلا 20 زعلة لتفوت المعتقل مثلا...و هي المخالفة كانت ب 20....وصلت الفكرة؟؟؟

مجموعة توضيحات ضرورية على ما يبدو:

أولا: فيما يخص العضوة صاحبة الموضوع و دخولها معتقل المنتدى:

ليس صحيحا أبدا أن العضوة تم ارسالها بالمعتقل بسبب هذا الموضوع. أساسا المشرف ما عندو قدرة يرسل حدا عالمعتقل, فوتتة المعتقل الكترونية و مبرمجة ببرنامج المخالفات و دخلت لتراكم المخالفات عليها (3 مخالفات بيومين) و أتحداها تثبت انو أي وحدة من الثلاث مخالفات باطلة أو ما تستحقها.

ثانيا: افتراض ترفّع المشرف عن المحاسبة و التقييم:

"يا أيها الذين آمنوا لا تقربوا الصلاة"......

مواضيع المساس بالاشراف ممنوعة في الاقسام العادية لوجود قسم كامل خاص بالشكاوي اسمو بريد المنتدى. المشرف مانو مجبور, مو مانو مجبور, ما فينو, ما بيلحق يبحبش بالأقسام بحثا عن مين زعلان منو اليوم... ما خرج. المشرف عضو مثلو مثل الاعضاء عندو شغلو و دراستو و حياتو و يا دوب كل مشرف ملحّق قسمو على حساب مشاركاتو و قرائتو للمواضيع بخارج قسمو

قسم بريد المنتدى مفتوح و موجود لكي يوضع فيه كل شكوى او استفسار بكل ما يخص المنتدى و العمل الاشرافي, و تقارير المشاركات العاطلة موجودة لتسهيل المهمة الاشرافية كذلك... كلاهما يستعملان بقلّة شديدة.... 80% من تقارير المشاركات العاطلة يرسلها المشرفون المتقاعدون لأنهم يعرفون نفعها و جدواها. يبدو انو بعض الاعضاء يفضلون فتح مواضيع رجم علني لمشرف قبل الاستفسار في البريد أو ارسال تقرير مشاركة عاطلة. و لا أعتب على هؤلاء... أعتب على من يحكم فورا ضد المشرف دون معرفة الحيثيات و يشارك بسعادة بالغة في الرجم.

ثالثا: حق المشرف بعدم التجريح:

المشرف, كغيره من الأعضاء له كامل الحق في أن تخالف الاساءات التي تهم شخصه, و الاتهام الباطل اهانة و اهانة شديدة كمان.... هلأ لو مثلا, خلينا نقول محمد ابراهيم فتح موضوع بالصالون انو مثلا وسيم عم يبعتلو رسائل مسبات و اهانات ووسيم بيقول انو لأ هو بعتلو رسالة عادية, ما تقولولو وين هالرسائل يا محمد شوفنّا لحتى نحكم اذا مسبات وللا لأ؟؟ و اذا محمد تهرّب ما تقولون انو ادعاء محمد باطل ما لم يثبت و على هالأساس هو غلط بحق وسيم؟ (مجرد مثال يعني بعرف الشباب ما راح يزعلو). ليش الشي اللي يعتبر بديهي بالنسبة لعضوين كتير صاير معقّد بين عضو و مشرف؟ يعني الاتهام الباطل للمشرف (عم ركّز على الاتهام الباطل لأنو يبدو انو الاعضاء بشكل عام رأسا يصفّو مع العضو و كأنو المشرف ضابط اسرائيلي بالشجاعية بغزّة.... عدا الاهانات و المسبات اللي نتلقاها علنا و خاصة و اللي ما بتوصف غير صاحبها).

بتمنى كون وضحت الأمور الأشخاص اللي بدهون انو تتوضّح... هواة الرجم و القذف الهون مني:D

welcome to world

العنوان اسمه بلا تمسيح جوخ

خليني احكي بلا تمسيح جوخ

ببساطة الكل بيعرف " واللي ما بيرعف صار هلق بيعرف " احدى صفات موقع الأخوية انه موقع مسيحي

بالوقت اللي فيه المواقع الاسلامية معبية الدني والاهانات الموجهة للمسيحيين فيها لا تعد ولا تحصى

اكيد ما بدي انا احارب الوماقع او شي منهاد الشي مع انهم عبيتعدوا حقوقهم وعبهاجموا المسيحيين

بموقع متل هاد من البديهي تشوف مواضيع مسيحية او ذات طابع كنسي مسيحي وما بعتقد غلط اذا كان رسولي ويا اخي بابشع احواله تبشيري

ممكن تتقبله على مبدا الموقع ذو طابع مسيحي

انا ضد تمييز الناس على مبدا مسيحي ومسلم او عربي او اجنبي وبعتقد الموقع كمان مع هي الفكرة السبب والدليل امكانية الاشتراك لاي عضو شو ما كان دينه او مذهبه

يا اخي في عندكم الانترنت طوله بعرضه ممكن يلبي لكم خدماتكم اذا كنت تبحث عن التبشير فيا اخي بشر بغير حمل اما اذا كنت تبحث عن التحقير بالديانة المسيحية فمن الغباء نفتح لك ايدينا وناهل ونسهل فيك " عبحكي بلساني الخاص كوني مسيحي منتسب لموقع مسيحي "

طلبنا غريب اذا طلبنا بموقع مسيحي ما يكون في نوع من المواضيع الاسلامية
مو من باب الكره او اي باب تاني بس انطلاقا من فكرة يا اخي هوي هاد الموقع المسيحي اللي عندنا اياه .

ما حدا يحسب باني ضد فكرة وجود المسلمين بالمنتدى بالِأخير المنتدى لا ملك اي ولا ملك لحدا من اجدادي ومين ما بده يفوق يفوق بس منكون عبمنطلب كيتر اذا حبينا تتم الأخوية اذت طابع مسيحي ؟!؟!

وما بعتقد غلط اذا كان رسولي ويا اخي بابشع احواله تبشيري غابي...مو بس السيد المسيح(عليه السلام) و الديانة المسيحية ديانة تبشيرية
الديانة الاسلامية هيك كمان
:D

ما كنت حابب اتدخل بهالموضوع لانو النقاش ديني و انا هيك مواضيع ما بحب ناقش فيها لانو في شي بيقلك:
الدين لله و الوطن للجميع
بس جملتك هي خلتني شارك :D
احدى صفات موقع الأخوية انه موقع مسيحي :?
:shock:
معناها الموقع بالاساس مخالف للشروط الاساسية تبعيتو :lol:
اذا حبينا تتم الأخوية اذت طابع مسيحي

لالا الواضيح فهتني غلط

يمكن بالبداية ضهر موقع الأخوية تحت اسم كنيسة لكن بعد ما تخلت عنه رفع راية اللي انت حكيت عنها
" الدين لله والوطن للجميع "

بس من الغلط اذا طالبنا كمسيحيين عرب اقلية انه يكون في النا موقع مسيحي يا اخي نحن ما بدنا موقع مسيحي لا بل انا برفض يكون الموقع مسيحي انا بدي اياه موقع رافع راية " الدين لله والوطن للجميع "
يا اخي موقع بيطلع لك لا يوجد نتيجة مطابقة اذا اجريت عملية بحث عن " محمد " او " المسيح "

بس برجع بكرر في مليون منتدى اسلامي بحت بيقدر اي شخص بحس انه ما بيقدر بدون ما يحكي بالدين ينتسب اله كمان في عدة مواقع مسيحية بحتة ما بينحكى فيها عن شي غير المسيح بيقدر اللي بحب هيك شي وما بيقدر غير يحكي بهاي الشغلات ينتسب الها .

خيو بدك ما تواخذني انا هلق ضعت و بطلت افهم شو عم تحكي
حاسس انو كل جملة بجهة و ما عم يزبط معي المعنى يا رجل :lol:
وضحلي يستر عرضك :lol:


الهيئة متقل العيار اليوم انا :hashish:

موقع مسيحي .. طب من الاول قول ..

وبعدين وين هالمواقع الاسلاميه يلي معبيه بالاهانات للمسيحين !!

انا عن نفسي شوفت مواقع مسيحيه بتشتم بالمسلمين ..

من وين جايب هالحكي !!

وبعدين في كثير اعضاء هون مسلمين .. يعني ما بنحسب هالموقع احد صفاته موقع مسيحي ..

احترام الغير واجب ..

يعني الي بحترمني بحترموا ..

وبعدين في كثير اعضاء هون مسلمين .. يعني ما بنحسب هالموقع احد صفاته موقع مسيحي ..

احترام الغير واجب ..

يعني الي بحترمني بحترموا ..

لا يتعرض لديانات الآخرين إلا المجانين و الطفيلين ..
و معكي كل الحق ..
لا يوجد في أخوية مجانين ..

أدام الله علينا نعمة العقل ..