-
دخول

عرض كامل الموضوع : هيك ربينا

Abu Guzef
06/01/2008, 17:18
هيك ربينا




‏نحناهيك ربينا
ربينا نفيئ الصبح نسمع فيروز
ربينا نفطر لبنة وزيتون
علمونا إزا نسألنا شو دينك نحكي انا سوري
كانو يعطونا الليرة
نشتري فيا بالمدرسة
ربينا بس نرجع
نبوس ايد الماما
ندرس وظايفنا ربينا بس نشوف الكبير
نساعدوبالطريئ
كنا ولاد صغار نلعب سوا بالحي
مسيحية وإسلام
سورية وأردنية ولبنانية
مانئول لبعض غير ياخيي
كنا نرجع عالبيت نفكر بس بالساعة
لنخلص دروسنا ونرجع عالحي
كان ازا وئع واحد نئول آي
الجمعة نروح عالجامع والأحد عالكنيسة‏
كنا نزرع سوا بالفي ونسئي الكرم وللكبير مانئول غير ياعم‏
كنا بس نرجع نلتم نزور الخال والعم
كنابس نتعب نام‏بس
هيك اللي كان‏
ولما مر الزمان وكبرت الإخوان
لعب الشيطان صرنا نعرف
صرنا نعرف
شويعني هاد مسيحي وهاد مسلم
‏كنا نئعد سوا عالسفرة
‏كناسوا بالحلوة والمرة‏
كنا نلعب سوا بالحي
إي شو مفكر حالك ازا ورجيتنا شو دينا رح تعمل عي‏
صرنا نعرف شو اللبناني
شو السوري
وشو التركماني
‏بس ماتزكرنا غير
نحنا سوا ربينا شو ماكان هوي أخينا‏
ومن أكلاتو يطعميناومن مياتنا نسئيه‏
إنجيلو قرأنا فيه والمحبة تعلمنا فيه‏
قرآنا سوا قرأناه وماعلمنا غير المساواة‏
كنا نحنا كلنا عيسى ولا محمد علاء وميشيل وأنطون‏
كنا بعيدون نركب شجرةوبعيدنا نصلي سوا‏
كبرنا وعالعهد حافظناوكبر العهد فينا
عهدنا نتم متل ماربينا بس
الأيام غدرت فينا
كيف غدرت فينا‏لما حاول بعض الناس بعض
بعض الناس البلا إحساس
يعلمونا ع كره الناس‏ بس لا لاإحنا هيك ربينا
وبالوعد وفينا‏ اي شو جاي تغير فينا
عالكره تنادينا والفتنة تزرع فينا‏
لا لا تعزب حالك ومن وئتك تهدر فينا لأنا
هيك ربيناوإن ماعجبك كيف ربينا
لا تأرب علي ناومن كاسك لاتشربينا‏‏...
أنت يلي عالحقد تربيت والرغيف ماكان يطلع برا البيت
والجار يقول ياريت إخلص من هالبيت كيف تربيت؟
إي لابحجارك ترمينا والفتنة تزرع فينا لأنها بس بعيدة عن سنانك
لا سوري منك
بعيدة عن نيابك إي نيابك
ما ئلتلي كيف تربيت
‏ليك أزا ماعجبك شوشافت عينيك
فيك تتحفنا وتفرجيا كيف تربيت
ولا زكرك كيف انت تربيت
انت يلي كنت ترجع عالبيت تشرب من الزيت بس
أيازيت
هها يا محلا الزيت
زيت التعصب تشرب
تطلع لبرا تنادي وتلهت انا يلي رح بوعدكون إلعب
ومن زيتي ع بوابكون إزرع‏

مائلتلي بيكفي هيك ولا عيد وإجرح !!



صحيح ستنا شوي بس لئلك انو أنا سوري لا مو sorry انا syrian

شو كتفيت
L.A.
06/01/2008, 17:56
اي والله يا أبو جوزيف هيك ربينا
مشكووور :D
souriana
06/01/2008, 18:39
لك أبو جوزيف شو خطر عبالك تذكرنا بالماضي:cry::cry::cry:
كل حرف كتبته صحيح 100 % والله فتحت جروحاتي وذكرتني بالصغر و بأمي :cry::cry: باللبنة اللي مشتهيها والزيتون من أرضنا
رفقاتي بالمدرسة
الله يلعن أبو الغربة
مشتاق أرجع عسورية على القليلة كم يوم:cry::cry:
يسلم ايديك على الموضوع الحلو
عطر سوريا
06/01/2008, 18:53
هيك ربينا


علمونا إزا نسألنا شو دينك نحكي انا سوري




انا سوري أه يا نيالي :sosweet::sosweet::sosweet:
joys
06/01/2008, 20:15
لانه الكلام طالع من البك طلع روعه
حتى احنا تربينا ما نفرق بين هادا جورج و هاداك محمد
كلنا اخوان و محبة ساكنه قلوبنا و بنخاف على بعض
بس ما بعرف ليش في ناس رضعانه حليب حقد ^_^يعني مو بيدها التفرقه



ومشكور كمان مرة:D
طفوله
06/01/2008, 20:32
هيك ربينا


وإن ماعجبك كيف ربينا


لا تأرب عليناومن كاسك لاتشربينا‏‏...
ASH
06/01/2008, 21:28
اي ولله هيك ربينا

يسلملي تمك انا يا ابو الجوج ولله يا صاحبي شي اكثر من روعه بمراحل ...

وهيك ربينا:D
souriana
06/01/2008, 22:00
بس ما بعرف ليش في ناس رضعانه حليب حقد ^_^يعني مو بيدها التفرقه




والله و حطيتي ايدك على الجرح انا عانيت من هالشي
الف تحية الك:D:D
joys
06/01/2008, 22:06
والله و حطيتي ايدك على الجرح انا عانيت من هالشي
الف تحية الك:D:D

بدك اتطنش لتعيش :D
LiOnHeArT.3LA2
06/01/2008, 22:18
هيك ربينا



وإن ماعجبك كيف ربينا



لا تأرب عليناومن كاسك لاتشربينا‏‏...


احلى كلام

موضوووووووووع رائع ابو جويف
Reemi
07/01/2008, 00:19
:D :cry:
ربينا نفيئ الصبح نسمع فيروز
ربينا نفطر لبنة وزيتون
sweetbaby
07/01/2008, 00:47
نحناهيك ربينا
ربينا نفيئ الصبح نسمع فيروز
ربينا نفطر لبنة وزيتون
علمونا إزا نسألنا شو دينك نحكي انا سوري

ماهادا هوي الوجع
:cry::cry::cry::cry:
Abu Guzef
07/01/2008, 02:43
‏
ياجماعة لما كتبت الموضوع مدري شوكان صايرلي تزكرت ايام زمان
والرفئة وفيروز
حتا ماعرفت وين بدي نزلو فكرت سقيفة . خربشات . . . .
مابعرف

‏
يعني بيني وبينكون لما رجعت قرأتو ماعرفت شو بدي رد
ووين بدي علق
بس مافيي ئول غير
‏
لالي لالي لالي
ياعلمنا لالي بالعالي
أنا سوري أه يانيالي
شام1989
07/01/2008, 09:21
شو هالقوميات:o

ماعرفتك:p


لا جد بلا مبالغة


كلام حلو ومعبر:D
يسلمن علاء:D
عاشق سلاف
07/01/2008, 13:37
اي والله معك حق

نحنا فعلا هيك ربينا

وهيك راح نربي اولادنا كمان ..
blue eyes
08/01/2008, 01:05
انا سوري أه يا نيالي هي احلى كلمة بتنقال ونحنا بنضل اخوة ولو اختلفت اديانا او جنسيتنا مشكور..
Government
08/01/2008, 01:32
كلام حلو كتير كتير :D
ِAbu Alzooz
14/01/2008, 22:01
موطنـــــي .. موطنـــــي

الجلال والجمال
والسناء والبهاء
في ربــــــاك ..


والحياة والنجاة
والهناء والرجاء
في هــــواك ..



هل اراك ؟ هل اراك ؟
سالما منعما ؟
وغانما مكرما ؟
Abu Guzef
14/01/2008, 22:06
هل اراك هل اراك