حركة مسيحية سورية لا ترى في زيارة الرئيس السوري إلى دير سرياني غير التوظيف السياسي.. وتنتقد ما نسب للبطريرك عيواص من مديح للأسد خلال الزيارة

موقع أخبار الشرق - الأربعاء 26 كانون الأول/ ديسمبر 2007
دمشق – أخبار الشرق
انتقدت حركة مسيحية سورية تطلق على نفسها اسم "حركة المسيحيين الأحرار في سورية" الزيارة التي قام بها الرئيس السوري بشار الأسد إلى دير ما أفرام السرياني بمناسبة عيد الميلاد المجيد، كما وجهت انتقادات شديدة إلى البطرياك عيواص الأول، بطريرك أنطاكية وسائر المشرق للكنيسة السريانية الأرثوذكسية، لما نسب إليه من مديح وإطراء للأسد رأت الحركة أنه ما كان ينبغي أن يصدر عن شخص بمنصب البطريرك.
وكانت وسائل الإعلام السورية الرسمية قد نسبت للبطريرك عيواص قوله خلال زيارة الأسد للدير في صيدنايا قرب دمشق: "إن الزيارة تدل على وقوف هذا الشعب العريق وراء قيادة حكيمة شجاعة تشمخ كجبل وطيد لا يقهر في وجه الأعداء البعيدين والقريبين والمتآمرين من وراء البحار أو أمامها، هذه القيادة التي تمثل صمود الوطن الصغير والوطن الكبير في وجه أعداء الشعوب لفرض إرادتهم على الآخرين واحتلال ثرواتهم، مؤكداً أن المسيحيين جميعاً مع سيادة الرئيس وإلى جانب إخوانهم المسلمين في المعركة التي يخوضونها لحماية سورية وحريتها وسيادتها ومصالحها الوطنية ولرّد هجمة أعداء الشعوب على منطقتنا ووطننا الكبير".
ورأت حركة المسيحيين الأحرار في سورية في بيان تلقت أخبار الشرق نسخة منه أن "زيارة الرئيس الأسد إلى دير مار أفرام السرياني بمناسبة عيد الميلاد المجيد ليس لها أي دلالة إلا توظيف زيارة بشار إلى الدير توظيفاً سياسياًً".
وأضافت: "إن الحديث عن كون بشار الأسد يمثل صمود الوطن كلامٌ زائف ومزور، ويجب ألا يصدر عن شخص يحمل شرف أن يكون بطريركاً". واعتبرت أن "جزم البطريرك بأن المسيحيين جميعاً مع بشار الأسد هو الأخطر (..) ولا يليق بشخص البطريرك" حسب تعبير البيان الذي طالب البطريرك بالاستقالة من منصبه كبطريرك لأنطاكية وسائر المشرق للسريان الأرثوذكس والذي يمثل الرئيس الأعلى للكنيسة السريانية في العالم.
وأكدت الحركة أنه "نحن في سورية كمسحيين صفاً واحداً مع إخوتنا المسلمين وغيرهم من طوائف هذا الوطن الحبيب، لكننا صفاً واحداً معهم ضد الاستبداد المتمثل في هذا النظام الاستبدادي". وأكدت في الوقت ذاته أن المسيحيين في سورية يرفضون "أي تدخل عسكري خارجي، لكن من المفيد التوضيح بأن هذا النظام يعمل على دعم الحركات الأصولية العنفية لإظهار أن البديل عنه هو التطرف والإرهاب، مما سيؤدي بخراب البلاد ودفعها نحو الهاوية في حال عدم وضع حد لهذه السياسات".
وكان عيواص الذي قدم هدية تذكارية للأسد، قد اعتبر أن "مشاركة الرئيس السوري في هذه الأعياد تأتي تأكيداً للوحدة بين الشعب وقيادته ووقوف هذا الشعب وراء قيادة سيادته الحكيمة والشجاعة".
وقال إن "سورية ستظل قدوة في النضال والتضحية من أجل الأهداف الوطنية والقومية ومن أجل تحقيق آمال وأماني الشعب العربي"، مضيفاً: إن "تاريخ سورية مجيد ورائع ويدعو إلى الفخر والاعتزاز في الماضي وفي الحاضر وخصوصاً لما ينعم به الشعب في سورية من حرية ومساواة ومثل إنسانية مع رئيس يمثل قوة وآمال وصمود الوطن".
وقال عيواص إن "المسيحيين كانوا ولا يزالون إلى جانب إخوانهم المسلمين مستعدين للتضحية بكل غال ونفيس من أجل الوطن".
ويشار إلى زيارة الأسد شهدها أيضاً البطريرك اغناطيوس الرابع هزيم بطريرك أنطاكية وسائر المشرق للروم الأرثوذكس، إلى جانب وزير الأوقاف السوري محمد عبد الستار السيد ومفتي الجمهورية في سورية أحمد بدر الدين حسون.
وقال الاسد إن "ما تعيشه سورية من تناغم بين أفرادها هو تناغم نابع من حالة السلام الداخلي في كل فرد منا التي تجعل المجتمع في حالة انسجام وتجانس". واعتبر أن "حالة السلام هذه تنعكس على المجتمع وتجعل تماسكه أكثر متانة وقوة". وأضاف إن "سورية ترسل دائماً الرسائل للآخرين عبر المحبة والأخوة والرحمة والسلام الموجودة بين أفراد شعبها" حسب تعبير الأسد.
من جانبه، قال حسون خلال الاحتفال في الدير بحضور الأسد، حسب بيان وزعه مكتبه وتلقت أخبار الشرق نسخة منه، إن "العلاقة التي تجمع الشرائع السماوية في سورية هي علاقة تكامل عميقة عمق التاريخ مشيراً إلى اختيار الله سبحانه وتعالى لمنطقتنا لتكون مهداً للأديان السماوية وما يحمله ذلك من معان عظيمة".
و في تصريح لجريدة الوطن السورية، رأى حسون أن "الأسد رئيس وطن وليس جماعة ولا طائفة، وأن منعة سورية تكمن في مفهوم المواطنة وأنه لا يوجد فيها فرق طائفي أو عرقي أو مذهبي وأن سورية كانت قبلنا جميعاً إسلاماً ومسيحيين وهي أنتجتنا وأعطتنا ولسنا نحن الذين أوجدناها لذلك علينا كقيادات روحية أن نحافظ على طهرها ونقائها ووحدة أبنائها وسمو رسالتها وهذا ما نقوله للآخرين دائماً، فنحن في سورية أسرة واحدة، قلنا لهم إن الدين في جوهره يعطينا مناعة وقوة إذا عرفنا أهدافه السامية وجعلنا منه نوراً وضياء لمسيرتنا وليس تقوقعاً أو تطرفاً، وهذه رسالتكم كعلماء مسلمين ورجال دين مسيحيين الوقوف في وجه كل تطرف لأن التطرف يقتل غيره ثم يقتل نفسه" حسب وصف حسون
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يا ميت ويلكم بالمعلم في ديارنا السريانية
و أنا كمسيحي سرياني مع البطريرك بكل كلمة بيمدح فيها بشار الأسد
و مشان حركة "مدري شو الأحرار" ... نحنا منحترم رأي الأقليات و حقن يحكو رأين
بس دخلك هاي أخبار الشرق لمين تابعة ؟ ;)

يا ميت ويلكم بالمعلم في ديارنا السريانية
و أنا كمسيحي سرياني مع البطريرك بكل كلمة بيمدح فيها بشار الأسد
و مشان حركة "مدري شو الأحرار" ... نحنا منحترم رأي الأقليات و حقن يحكو رأين
بس دخلك هاي أخبار الشرق لمين تابعة ؟ ;)

هاي تابعة جزئيا للاخوان المسلمين لكن مو هاي القضية.... القضية انو لا البطريرك و لا الشلة هدول بيطلعلهون بيحكو باسم طائفة كاملة عالأغلب فيها مختلف الآراء و الاتجاهات السياسية.... هاد رأيي

شريك انا وصلني البيان من إيميل الحركة طبعا
الهيئة في تيار مسيحي كبير أنزعج من زيارة بشار للدير وتملقه البطريارك له أثناء الزيارة
بكونك مسيحي مع ما قاله البطرياك هادا حقك كمان هنن إلن حق يأبدو وجهة نظرن

أنا شفت الأخبار على موقع وكالة الانباء الأشورية بالأنكليزي وهي الرابط
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


سلام

أخبار الشرق بتنقل غالبية الأراء على الرغم انو من يديرها هم من الأسلاميين السوريين لكن الخبر ليس على أخبار الشرق فقط فهو منشور بعدد كبير من المواقع وبعدة لغات

معهون بكل كلمة.
مو حلوة من بطرك يقعد يمسح للرئيس. ويحكي باسم المسيحيين
يعني مو حلوة بحقو.

بس يبدو كل صار ممسحة

يبدو ان المنظمة او الجهة غير معروفة كثير


على العموم ...... ما صحلنا نشوف النص الكامل بس بشكل عام الكلام مو تملق لكنه شكر و تقدير


و ما في داعي الاساءة لشخص قداسة البطريرك

اول شي ... انا اول مرة بسمع بهيك حركة ... ولو كانت فعلا كبيرة متل ما عم تقولو ... اكيد كنت رح اسمع فيها .. كوني مهتم بهالمجال بشكل جيد ...

تاني شي .. لأيمتا بدها تضل راكبة براس المعارضين انو كل واحد بيمدح الرئيس هوي ممسحة ومتملق ... اما اللي بينط وبيعارضو فهو بطل ؟؟

انا ما شفت ابدا بكلام البطريرك اي تملق ... ولا حتى بزيارة السيد الرئيس اي توظيف سياسي ...
من الزاوية اللي بشوف منها .. شفت انو زيارة الرئيس دليل على الانفتاح و تقديرو لباقي الطوائف ...
وخطوة رائعة كانت زيارتو للدير ...
وبالسنة الماضية بذكر انو السيدة اسماء الاسد زارت دير بحلب وفيه سكن للطلاب ...و كمان كانت لفتة كتير حلوة ..
وزارو اكتر من كنيسة ودير بوادي النصارى بالسنة الماضية ... واللي عملوه هوي زيادة الدعم للأديرة هاي .. وما شفنا اي توظيف سياسي ..

ياريت شوي تشوفو الامور بمنظور اوسع ... مع احترامي .

تحيتي ... :D

"إن الزيارة تدل على وقوف هذا الشعب العريق وراء قيادة حكيمة شجاعة تشمخ كجبل وطيد لا يقهر في وجه الأعداء البعيدين والقريبين والمتآمرين من وراء البحار أو أمامها، هذه القيادة التي تمثل صمود الوطن الصغير والوطن الكبير في وجه أعداء الشعوب لفرض إرادتهم على الآخرين واحتلال ثرواتهم، مؤكداً أن المسيحيين جميعاً مع سيادة الرئيس وإلى جانب إخوانهم المسلمين في المعركة التي يخوضونها لحماية سورية وحريتها وسيادتها ومصالحها الوطنية ولرّد هجمة أعداء الشعوب على منطقتنا ووطننا الكبير".

قال مو ممسحة قال :lol:

قال مو ممسحة قال :lol:
:xماني شايف ممسحة ، ،،،،وين الممسحة :shock:..ايه لأ أخي مو ممسحة؟؟:pos:

اقتباس:
"إن الزيارة تدل على وقوف هذا الشعب العريق وراء قيادة حكيمة شجاعة تشمخ كجبل وطيد لا يقهر في وجه الأعداء البعيدين والقريبين والمتآمرين من وراء البحار أو أمامها، هذه القيادة التي تمثل صمود الوطن الصغير والوطن الكبير في وجه أعداء الشعوب لفرض إرادتهم على الآخرين واحتلال ثرواتهم، مؤكداً أن المسيحيين جميعاً مع سيادة الرئيس وإلى جانب إخوانهم المسلمين في المعركة التي يخوضونها لحماية سورية وحريتها وسيادتها ومصالحها الوطنية ولرّد هجمة أعداء الشعوب على منطقتنا ووطننا الكبير".

شايف وطن مستهدف وشايف شعب عم بلتف حول قيادته الفتية بس عم بكبروا ببعض.
شايف وطن كبير(امة عربية) عم تتمزق وعم تصغر بمؤامراتها .
شايف سوريا معها أشراف العالم (مسيحي ومسلم)
شايف أعدائها بيرفعوا راسهم وبتطلعوا لفوق (وبتفوا).:jakoush:

طيب متل ما بدك

هذه حركة قومية مثل الاكراد و ليس لها علاقة بالمسيحية - لو كانوا مسيحيين لكان همهم خلاص الإنسان
و لكن كل همهم الأسد الآشوري ليعتبر رمز وطني و السريان يريد النسر السرياني و الاكراد يريدون و الشركس
يريدون .. أرجو عدم الخلط بين الامور القومية و الدينية لان الدين براء منها ...

مرحباً بك بشار في كل كنائس سوريا .. الرب يباركك و يحميك من كل شر ..

وخلاص الانسان بالتمسيح لبشار متل ما بفهم من كلامك.

أول الشي من آداب الكلام احترام مكانة البطرك
و مو شطارة أبداً إنك تسب و تهين هيك شخص ... لأ هاد عيب

تاني شي ... يمكن انت يا جاد و هاني و ليلى و بقية الشباب المغتربين هاجرتو طلباً لوضع معيشي أفضل من الوضع المزري اللي هون ... بس كان ممكن تكون هجرتكن بدافع تاني لولا وجود الحكم العلوي بهالبلاد ! أكيد فهمتني

انت بتعرف انو فرصنا كمسيحيين بالهجرة أكبر من غيرنا
و ما بيمر يوم و الا و منسمع عبارة "فلان فيز" و "فلان قدم على هجرة" ... وين ؟ على أميريكا , استراليا , كندا , انكلترا , السويد ....
يا زلمة في عنا ضيعة سريانية بحمص اسما "فيروزة" رح تصير كلا بأميركا بعد شي 100 سنة !!!!؟؟؟

هاي الهجرة ولا شي .. و ما بتأثر كتير على التوازن الديمغرافي للبلد , بس لما تصير الهجرة بدافع البحث عن الأمان و هرباً من المضايقات الطائفية رح يصيرو المسيحية الأقلية الأصغر بسوريا ... بأكدلك هالشي

يا زلمة بلدك طائفي بامتياز و في ناس هون قاعدة على بركان حقد للأقليات لأنن مستلمين الحكم ياللي هني ك "سنة" الأحق فيه
شوف كاتب الموضوع مثلاً , بيستخدم كتير تعبير الفرس لإيران , و نص مواضيعو ضرب بالحلف الإيراني السوري .. ما بتوقع انو السبب هوي مصادرو .. السبب إنو هدول شيعة و علوية وفهمك كفاية

المعارضة الأكبر هون بسوريا لا مثقفين و لا هم يحزنون ... معارضة طائفية بامتياز

بس ما تكون مفكر يا جاد إنو إذا راح بشار الأسد رح يستلم رياض سيف ولا ميشيل كيلو ولا عارف دليلة ولا اللبواني ؟؟؟ لاء أبداً ما بيستلم غير القوى الدينية ورح تكون القوى الوطنية عالرف .

بقى بتعتب على موالاة طائفية للحكم؟
بتعتب عالبطرك يحكيلو كلمتين حلوين للرئيس بشار الأسد ؟!

بس كل اللي حكيتو فوق ما بيعني إنو لازم نغمض عيونا عن الفساد و السوس اللي عم ينخر البلد
لازم نطلب مستوى معيشي أفضل من هيك بكتير
و هاد برأيي مرتبط بالسلام مع اسرائيل و رضا الولايات المتحدة علينا و بس.

أول الشي من آداب الكلام احترام مكانة البطرك
و مو شطارة أبداً إنك تسب و تهين هيك شخص ... لأ هاد عيب

تاني شي ... يمكن انت يا جاد و هاني و ليلى و بقية الشباب المغتربين هاجرتو طلباً لوضع معيشي أفضل من الوضع المزري اللي هون ... بس كان ممكن تكون هجرتكن بدافع تاني لولا وجود الحكم العلوي بهالبلاد ! أكيد فهمتني

انت بتعرف انو فرصنا كمسيحيين بالهجرة أكبر من غيرنا
و ما بيمر يوم و الا و منسمع عبارة "فلان فيز" و "فلان قدم على هجرة" ... وين ؟ على أميريكا , استراليا , كندا , انكلترا , السويد ....
يا زلمة في عنا ضيعة سريانية بحمص اسما "فيروزة" رح تصير كلا بأميركا بعد شي 100 سنة !!!!؟؟؟

هاي الهجرة ولا شي .. و ما بتأثر كتير على التوازن الديمغرافي للبلد , بس لما تصير الهجرة بدافع البحث عن الأمان و هرباً من المضايقات الطائفية رح يصيرو المسيحية الأقلية الأصغر بسوريا ... بأكدلك هالشي

يا زلمة بلدك طائفي بامتياز و في ناس هون قاعدة على بركان حقد للأقليات لأنن مستلمين الحكم ياللي هني ك "سنة" الأحق فيه
شوف كاتب الموضوع مثلاً , بيستخدم كتير تعبير الفرس لإيران , و نص مواضيعو ضرب بالحلف الإيراني السوري .. ما بتوقع انو السبب هوي مصادرو .. السبب إنو هدول شيعة و علوية وفهمك كفاية

المعارضة الأكبر هون بسوريا لا مثقفين و لا هم يحزنون ... معارضة طائفية بامتياز

بس ما تكون مفكر يا جاد إنو إذا راح بشار الأسد رح يستلم رياض سيف ولا ميشيل كيلو ولا عارف دليلة ولا اللبواني ؟؟؟ لاء أبداً ما بيستلم غير القوى الدينية ورح تكون القوى الوطنية عالرف .

بقى بتعتب على موالاة طائفية للحكم؟
بتعتب عالبطرك يحكيلو كلمتين حلوين للرئيس بشار الأسد ؟!

بس كل اللي حكيتو فوق ما بيعني إنو لازم نغمض عيونا عن الفساد و السوس اللي عم ينخر البلد
لازم نطلب مستوى معيشي أفضل من هيك بكتير
و هاد برأيي مرتبط بالسلام مع اسرائيل و رضا الولايات المتحدة علينا و بس.


حبيبي المسحيين عم يهاجروا مو بسبب الحقد الطائفي ولا شي ماالن عايشين بهالبلد من 1500 سنة
عم يهاجروا متلن متل بقية الشعب بسبب الظروف الاقتصادية الفظيعة والفقر والقمع

بعدين مو بس المسيحيين اللي زعماؤن بيمسحوا جوخ المسلمين كمان واي واحد فيكن يفتح مثلا موقع البوطي ويقرا خطبتو العصماء باربعين حافظ اسد وشلون قال الوحي كان ينزل على حافظ اسد

يعني كلو بالهوا سوا والمؤسسة الدينية بسوريا هي احد ضحايا النظام

ما بعرف تحديداً شو حكي البطرك ..... بس من وجهة نظري أنو رجل الدين ( و خاصة بهيك مناسبة ) لازم يكون كلامو ايجابي و يعكس شيء من المحبة يللي بترمزلها المناسبة ...
أما عن زيارة الرئيس .... فهي تعتبر واجبو ( كرئيس لجميع السوريين ) ... متل ما بيحضر المناسبات الاسلامية
لازم يحضر المناسبات المسيحية
بس يمكن البعض مستغربين هالشي ... لأنو ما تعودنا على هيك أمور عند الرؤساء بهالمنطقة

أول الشي من آداب الكلام احترام مكانة البطرك
و مو شطارة أبداً إنك تسب و تهين هيك شخص ... لأ هاد عيب

تاني شي ... يمكن انت يا جاد و هاني و ليلى و بقية الشباب المغتربين هاجرتو طلباً لوضع معيشي أفضل من الوضع المزري اللي هون ... بس كان ممكن تكون هجرتكن بدافع تاني لولا وجود الحكم العلوي بهالبلاد ! أكيد فهمتني

انت بتعرف انو فرصنا كمسيحيين بالهجرة أكبر من غيرنا
و ما بيمر يوم و الا و منسمع عبارة "فلان فيز" و "فلان قدم على هجرة" ... وين ؟ على أميريكا , استراليا , كندا , انكلترا , السويد ....
يا زلمة في عنا ضيعة سريانية بحمص اسما "فيروزة" رح تصير كلا بأميركا بعد شي 100 سنة !!!!؟؟؟

هاي الهجرة ولا شي .. و ما بتأثر كتير على التوازن الديمغرافي للبلد , بس لما تصير الهجرة بدافع البحث عن الأمان و هرباً من المضايقات الطائفية رح يصيرو المسيحية الأقلية الأصغر بسوريا ... بأكدلك هالشي

يا زلمة بلدك طائفي بامتياز و في ناس هون قاعدة على بركان حقد للأقليات لأنن مستلمين الحكم ياللي هني ك "سنة" الأحق فيه
شوف كاتب الموضوع مثلاً , بيستخدم كتير تعبير الفرس لإيران , و نص مواضيعو ضرب بالحلف الإيراني السوري .. ما بتوقع انو السبب هوي مصادرو .. السبب إنو هدول شيعة و علوية وفهمك كفاية

المعارضة الأكبر هون بسوريا لا مثقفين و لا هم يحزنون ... معارضة طائفية بامتياز

بس ما تكون مفكر يا جاد إنو إذا راح بشار الأسد رح يستلم رياض سيف ولا ميشيل كيلو ولا عارف دليلة ولا اللبواني ؟؟؟ لاء أبداً ما بيستلم غير القوى الدينية ورح تكون القوى الوطنية عالرف .

بقى بتعتب على موالاة طائفية للحكم؟
بتعتب عالبطرك يحكيلو كلمتين حلوين للرئيس بشار الأسد ؟!

بس كل اللي حكيتو فوق ما بيعني إنو لازم نغمض عيونا عن الفساد و السوس اللي عم ينخر البلد
لازم نطلب مستوى معيشي أفضل من هيك بكتير
و هاد برأيي مرتبط بالسلام مع اسرائيل و رضا الولايات المتحدة علينا و بس

أول شي مافي شي أسمو حكم علوي بالبلد في شي أسم حكم العائلة
تاني شي عباس وياسر عرفات كانو يحضروا القداديس تبع المسيحية بوقت الاعياد حتى مبارك عملها مرة فهادا الشي مو حصري ببشار الأسد
تالت شي فيك تسأل نفس ليش بشار ماتشرف بزيارة الكنائس غير السنة الماضية وهي السنة
أكيد الشي واضح انو في توظيف سياسي ليظهر نفسو أنو حامي للأقليات بسوريا بعد هل الحصار يلي صار عليه
تنيتن حديصك عني ويلي عم تقول فيه أنو انا كافة مواضيعي بتجيب سيرة الفرس والشيعة وم إلى هنالك دلالة على أنك مانك متابع بأخوية
فيك تسأل أي واحد هون باخوية وبيقولولك شو هي خلفيتي الدينية والمذهبية بقصد عيلتي شو دينها وشو مذهبها بكوني ملحد وبكل فخر

صديقي المسيحيين بسوريا كانوا عايشيين من الأف السنينن وماصار عليهن أي مذبحة أو أي تصفية
يعني مثال وقت الحروب الصلبيبة يوم أيجو الأوربيين حاملين راية الصليب وقتلوا عالم تحت هل الراية كان ممكن تكون ردة فعل المسلمين هي تصفية المسيحيين بالشرق
لكن ما صار هيك شي مع أنو كان هيك شي كتير سهل أنويصير خصوصي أنو ماكان في إعلام او مجلس أمن ولا منظمات حقوق إنسان

صديقي بسوريا كان رئيس مجلس النواب مسيحي سابقاً وهو فارس الخوري ورشحوا شيوخ جوامع لان يكون رئيس
كان في يهود بمجلس الشعب بسوريا
لكن بس إيجا البعث وبس أيجا الاسد يلي حاول دائماً أن يزرع الفتنة بين الطوائف بسوريا الأمور أختلفت شوي

فلا تقلي أنو بشار حامي للمسيحيين أو للعلويين أو للدروز بشار حامي لنفسو ولعائلتو ولمصالحو وغير هيك بتكون انت عم تردد الخطاب الأصولي الإسلامي وبشكل ببغائي من دون ماتعرف شو عم تحكي

البترك والشيخ وكلن بسوريا هنن دعاة للسلطان ومسيحة جوخ وما بيمثلوا حدا أبداً والكلام يلي صدر بيحقون أقل من قليل لازم يصير شي أكبر من هيك

السريان الأرثوذكس في سورية يطالبون البطريرك بالاستقالة


الخميس 27 كانون الأول 2007 طالبت "حركة المسيحيين الأحرار في سورية" بطريرك إنطاكية وسائر المشرق للكنيسة السريانية الأرثوذكسية البطريرك عيواص الأول بالاستقالة من موقعه على خلفية الكلمة التي ألقاها لدى استقباله الرئيس السوري بشار الأسد في دير مار أفرام السرياني بمناسبة عيد الميلاد أول من أمس.
وأفاد بيان أصدره المكتب الإعلامي للحركة تسلمت "السياسة" نسخة منه أمس "أن كلام البطريرك عن كون بشار الأسد يمثل صمود الوطن كلام زائف ومزور ويجب ألا يصدر عن شخص يحمل شرف أن يكون بطريركاً, وأن جزمه بأن المسيحيين جميعاً مع بشار الأسد هو "الأخطر", مضيفاً "إن زيارة الرئيس السوري إلى الدير ليس لها أي دلالة إلا توظيفها توظيفاً سياسياً".
وأنهى المكتب الإعلامي بيانه بالقول: "نحن في سورية كمسيحيين نقف صفاً واحداً مع إخوتنا المسلمين وغيرهم من طوائف هذا الوطن الحبيب ضد الاستبداد المتمثل في النظام القائم.
نرفض أي تدخل عسكري خارجي, لكن من المفيد التوضيح بأن هذا النظام يعمل على دعم الحركات الأصولية العنفية لإظهار أن البديل عنه هو التطرف والإرهاب ما سيؤدي إلى خراب البلاد ودفعها نحو الهاوية".
وأضاف: إننا في حركة المسيحيين الأحرار في سورية إذ نوضح للرأي العام السوري والعالمي أن الكلام الصادر عن البطريرك عيواص يمثله وحده فقط, نطالبه بالاستقالة حالاً من موقعه كبطريرك لأنطاكية وسائر المشرق للسريان الأرثوذكس وذلك لسقوط أهم صفة عنه وهي الصدق, كوننا لا نقبل أن يتكلم منافق باسمنا".

Free Syrian Christians Blast Their Patriarch
Washington -- In a press release, the Free Christian Movement located in Damascus, opposed to Bashar al-Assad, blasts the Syrian Patriarch Ewas I of Antioch after he praised Assad during his visit on the traditional Christmas holiday to the Mar Efram Monastery.
According to the press release received by RPS, Patriarch Ewas I praised Assad by playing the same music the resistant minded regime plays during its propaganda war against the west. Specifically the Patriarch said: "Your visit [Assad's] is an indicator of where our noble people stand behind a wise and a courageous leadership rising as a high mountain indifferent against its enemies far and near, beyond oceans and in front of them".
In response to the Assad visit and the Patriarch's words of praise, the Free Christian Movement wanted to make the following issues clear:

The visit of Bashar al-Assad to the Mar Efram Monastery is but a political statement by Assad.
Talk of Assad's resistance is nothing but fictitious and a forgery. The Patriarch should not be the messenger of such talk.
For the Patriarch to say that he carries the message of all Christians in Syria is a lie and is very dangerous for the Christian community.
We, Christians, stand with our brothers the Muslims and all other denominations as Syrians and against tyranny represented by the Assad regime.
We Christians refuse any foreign military intervention but it is also fair to say that the Assad regime supports all violent movements to show the world that the alternative to its rule are the extremist terrorists groups.
The press release demanded the immediate resignation of the Patriarch from his position held since 1998

هلا شو هالحركة هي
ما حدا سمعان فيها
الظاهر انهون شلة رفقة اسسو حركة ونزلو موضوع عالانترنت وصدقوا حالون انهون حركة
وانا بصراحة بقول لهالحركة وغيرها احسن ما تنتقد وتحكي تروح وتعمل وتقدم بدل الحكي بس شعب مو شاطرغير بالحكي
وبعدين شو فيها إذا بشار زار كنيسة! عيب ولا حرام!
وإذا زار البطرك يعني كان لازم هداك يقعد وينتقد ويحيكي حكي طالع نازل! شو عم يحكو هالحركة حكي بلا عقل وبلا منطق
ولا نحن دايما هيك لازم ننتقد كل شي ما بيعجبنا حتى لو ما كان فيو شي!
أهلا وسهلا ببشار الأسد كنائسنا مفتوحة له ولاستقباله
بيكفي اننا كمسيحيين بسورية وضعنا احسن بكتير من غير دول عربية وإسلامية

السريان الأرثوذكس في سورية يطالبون البطريرك بالاستقالة


الخميس 27 كانون الأول 2007 طالبت "حركة المسيحيين الأحرار في سورية" بطريرك إنطاكية وسائر المشرق للكنيسة السريانية الأرثوذكسية البطريرك عيواص الأول بالاستقالة من موقعه على خلفية الكلمة التي ألقاها لدى استقباله الرئيس السوري بشار الأسد في دير مار أفرام السرياني بمناسبة عيد الميلاد أول من أمس.
وأفاد بيان أصدره المكتب الإعلامي للحركة تسلمت "السياسة" نسخة منه أمس "أن كلام البطريرك عن كون بشار الأسد يمثل صمود الوطن كلام زائف ومزور ويجب ألا يصدر عن شخص يحمل شرف أن يكون بطريركاً, وأن جزمه بأن المسيحيين جميعاً مع بشار الأسد هو "الأخطر", مضيفاً "إن زيارة الرئيس السوري إلى الدير ليس لها أي دلالة إلا توظيفها توظيفاً سياسياً".
وأنهى المكتب الإعلامي بيانه بالقول: "نحن في سورية كمسيحيين نقف صفاً واحداً مع إخوتنا المسلمين وغيرهم من طوائف هذا الوطن الحبيب ضد الاستبداد المتمثل في النظام القائم.
نرفض أي تدخل عسكري خارجي, لكن من المفيد التوضيح بأن هذا النظام يعمل على دعم الحركات الأصولية العنفية لإظهار أن البديل عنه هو التطرف والإرهاب ما سيؤدي إلى خراب البلاد ودفعها نحو الهاوية".
وأضاف: إننا في حركة المسيحيين الأحرار في سورية إذ نوضح للرأي العام السوري والعالمي أن الكلام الصادر عن البطريرك عيواص يمثله وحده فقط, نطالبه بالاستقالة حالاً من موقعه كبطريرك لأنطاكية وسائر المشرق للسريان الأرثوذكس وذلك لسقوط أهم صفة عنه وهي الصدق, كوننا لا نقبل أن يتكلم منافق باسمنا".



اولا الحركة تأسست اعلاميا !

خلي يعلنون عن نفسهم و اذا كانوا فعلا سريان و بالاحرى ان كانوا فعلا مسيحيين!


قداسة البطريرك زكا الاول مؤيَّد من كل السريان بالعالم


و هذول اتعدوا على شخصه و وصفه بكلمات نابية


فهذا اكبر دليل على افلاسهم فكريا و واقعيا



و لا نامت اعين الجبناء



The press release demanded the immediate resignation of the Patriarch from his position held since 1998


هذي ثاني كذبة !!!

إن كان سيتكلم بأسم المسحيين عموماً أو حتى السريان فما وصف به ليس ب ستائم إنما حقيقة فلا يليق ب البترك أن يتملق ويمسح جوخ أو ان ينطق بأسم المسحيين بشكل عام ويمدح بشار فهناك عدد كبير من المسيحيين المعارضين لبشار

أن كانت تأسست اعلاميا ولا بطيخيا. وان كانت معروفة ولا مو معروفة. مو هاد المهم
المهم انو كلامهون صحيح. ما كان في داعي لهلمهزلة من بطرك بمكانتو.

[QUOTE=فاوست;855984]حركة مسيحية سورية لا ترى في زيارة الرئيس السوري إلى دير سرياني غير التوظيف السياسي.. وتنتقد ما نسب للبطريرك عيواص من مديح للأسد خلال الزيارة

وكانت وسائل الإعلام السورية الرسمية قد نسبت للبطريرك عيواص قوله خلال زيارة الأسد للدير في صيدنايا قرب دمشق: "إن الزيارة تدل على وقوف هذا الشعب العريق وراء قيادة حكيمة شجاعة تشمخ كجبل وطيد لا يقهر في وجه الأعداء البعيدين والقريبين والمتآمرين من وراء البحار أو أمامها، هذه القيادة التي تمثل صمود الوطن الصغير والوطن الكبير في وجه أعداء الشعوب لفرض إرادتهم على الآخرين واحتلال ثرواتهم، مؤكداً أن المسيحيين جميعاً مع سيادة الرئيس وإلى جانب إخوانهم المسلمين في المعركة التي يخوضونها لحماية سورية وحريتها وسيادتها ومصالحها الوطنية ولرّد هجمة أعداء الشعوب على منطقتنا ووطننا الكبير".

عفواً بعد كل هادا الحكي بتقولوا مو ممسحة. ممسحة ونص شو السر انو كل تجار الدين بستخدموا نفس العبارات المنمقة تبع الإذاعة والتلفزيون بعدين شو هل الصدفة كل القيادات حكيمة وشجاعة وقل الخطابات تاريخية وكل الزيارات الخارجية كمان تاريخية ودائماً الشعب العظيم ملتف حول قيادته ويخوضون معاً معارك الصمود والتصدي لرفع رصيد رامي مخلوف بالبنوك الخارجية.

ظاهرة الكولكة والنفاق عند السوريين مسلميسن ومسيحيين وملحدين وصغار كسبة وعمال وفلاحين جديرة بالدراسة.

وكان عيواص الذي قدم هدية تذكارية للأسد، قد اعتبر أن "مشاركة الرئيس السوري في هذه الأعياد تأتي تأكيداً للوحدة بين الشعب وقيادته ووقوف هذا الشعب وراء قيادة سيادته الحكيمة والشجاعة".

كانوا صرت قريان هلعلاك مليون مرة يا زلمة يا زلمة كل المحافظين والمستثمرية ورجال الدين والطلاب بيحكوا بنفس الطريقة؟؟؟؟!!!!!!!!!!!!!!!!!!!!!!


وخصوصاً لما ينعم به الشعب في سورية من حرية ومساواة ومثل إنسانية مع رئيس يمثل قوة وآمال وصمود الوطن".

انا لا ديني بس بعرف انو بكل الأديان انو اللي بكذب بروح علنار مو هيك حجي؟؟؟؟
اذا كان الشعب السوري ينعك بالحرية والمساواة لكن الشعب السويسري بشو بينعم؟؟؟

وقال عيواص إن "المسيحيين كانوا ولا يزالون إلى جانب إخوانهم المسلمين مستعدين للتضحية بكل غال ونفيس من أجل الوطن".

انا بتمنى من الوطن الغالي انو يتحلك الفرصة انو تضحي بنفسك فداءاً له في القريب العاجل

و في تصريح لجريدة الوطن السورية، رأى حسون أن "الأسد رئيس وطن وليس جماعة ولا طائفة، وأن منعة سورية تكمن في مفهوم المواطنة وأنه لا يوجد فيها فرق طائفي أو عرقي أو مذهبي وأن سورية كانت قبلنا جميعاً إسلاماً ومسيحيين وهي أنتجتنا وأعطتنا ولسنا نحن الذين أوجدناها لذلك علينا كقيادات روحية أن نحافظ على طهرها ونقائها ووحدة أبنائها وسمو رسالتها وهذا ما نقوله للآخرين دائماً،

هي هيي الوحدة الوطنية جميع بياعين الدين ببيعوا الله بالرخيص بس المسيحيين بالكنيسة والمسلمين بالجامع.

انا احترم جميع الأديان وجميع الملحدين وجميع الأحزاب وجميع الطوائف وكل البشر. فئة واحدة من الناس لا استطيع احترامها الكذابيين. يا ريت نكون صادقين مع حالنا واذا ما بدك تقول لأ لأنو خايف على حالك عل الأقل ما تقول نعم وانت مو مقتنع فيها.

فعلا هالحكي صار ممل على قد ما نعاد.
الزبال بقول هالحكي الولد الصغير صار يقول هالحكي الوزير بقول هالحكي. رامي مخلوف صار يقول هالحكي. المحللين "السياسيين" اللي بحطوهون على قناة سوريا (واللي مدري منين بجيبوهون) كمان بقولو هالحكي

يبدو فعلا انو سعادة البطرك خايف من المخابرات اكتر من مانو خايف من الله.

هاي تابعة جزئيا للاخوان المسلمين لكن مو هاي القضية.... القضية انو لا البطريرك و لا الشلة هدول بيطلعلهون بيحكو باسم طائفة كاملة عالأغلب فيها مختلف الآراء و الاتجاهات السياسية.... هاد رأيي
إي وهاد السبب اللي بيخلي هي الحركة كمان مو حقها تحكي باسم المسيحيين أو أي طائفة تانية

إي وهاد السبب اللي بيخلي هي الحركة كمان مو حقها تحكي باسم المسيحيين أو أي طائفة تانية

ليش أنا وين حكيت انو هالحركة يحقلها تحكي باسم المسيحيين السريان؟ هاد ردي:

القضية انو لا البطريرك و لا الشلة هدول بيطلعلهون بيحكو باسم طائفة كاملة عالأغلب فيها مختلف الآراء و الاتجاهات السياسية....

ممكن معرفت سبب حزف ردي

الموضوع زاد عن حدو !


في ناس ترفض الزيارة و الخطاب و في ناس ما اعترضت على الموضوع و ايدت



المهم ما نتعدى على الاخرين و خصوصا القيادات الدينية اللي ضحت من الشعب كثير كثير



سلام من كل قلبي للجميع

روقونا شباب:D



مايسترو

يعني اذا الرئيس قام بزيارة وين الغلط انو يمتدحو رجل دين ......
شو ساوى هالرجل الدين ؟؟؟
ليكون حرف بشي نص من نصوص الدين او غير عقيدة


عالهامش
ممكن معرفت سبب حزف ردي
مافي رد محذوف الك بالموضوع هاد
:D

يعني اذا الرئيس قام بزيارة وين الغلط انو يمتدحو رجل دين ......
شو ساوى هالرجل الدين ؟؟؟
ليكون حرف بشي نص من نصوص الدين او غير عقيدة


عالهامش

مافي رد محذوف الك بالموضوع هاد
:D

وقت رجل الدين بصير استاذ قومية اسمحلي الك انو غلطان وعم يغلط بحق حالو وبحق الكنيسة او الجامع اللي هو فيه. انا بعرف انو الحياة مبدأ والمفروض من رجل الدين انو ما يكذب ويتاجر بمعانة أهلو وشعبو. اذا بعد كل هل المصايب ما بنلاقي ولا رجل دين بقول انو التعذيب حرام انو نهب المال العام حرام انو الاستبداد حرام انو سجن الناس بس لآنو رايون ما عجب المخابرات حرام

ممكن معرفت سبب حزف ردي



مافي رد محذوف الك بالموضوع هاد


مبين صار دور المشرفين ..... لتتجنى عليهون :p

وقت رجل الدين بصير استاذ قومية اسمحلي الك انو غلطان وعم يغلط بحق حالو وبحق الكنيسة او الجامع اللي هو فيه. انا بعرف انو الحياة مبدأ والمفروض من رجل الدين انو ما يكذب ويتاجر بمعانة أهلو وشعبو. اذا بعد كل هل المصايب ما بنلاقي ولا رجل دين بقول انو التعذيب حرام انو نهب المال العام حرام انو الاستبداد حرام انو سجن الناس بس لآنو رايون ما عجب المخابرات حرام
بتعرف شغلة
هي مشكلة شعبنا انو بدو يدور على حجة دايما وحتى لو كان بدو يخترعها
لك اذا الرئيس شارك باحتفال ديني او قام بزيارة لرئيس روحي شو بكون غلط الرئيس او حتى رجل الدين
يعني هل لما راح الرئيس لعندو شو طالبين من البطرك يقلعو وما يستقبلو ؟
فعلا طريقة تفكير سطحية بعدين مين هالمنظمة الخرى يللي بدها تنقد رجل دين محسوب عليه وبرقبتو ملايين السريان من طائفتو بالعالم ...
عقول صغيرة وحتى وهي صغيرة بتكون ورمانة

معلم كوستا. ما حدا قال زيارة الرئيس غلط.
وما حدا طلب من البطرك يقلع الرئيس وما يستقبلو.

لاكن هالحكي اللي قعد يحكي ما الو طعمة. يعني الحكي ما الو علاقة بالواقع.
وشخص بمكانتو الدينية. ما لازم يشتغل ممسحة للنظام.

يعني هالحكي كل اكيلة الهوا اللي النظام مشتريهون, بيحكوه. مو حلوة بحقو يحكيه.
كان فيه بكل بساطة يتشكرو على الزيارة, ومن هالحكي. بس ما الا داعي هالبهورة, والتمسيح, والمسخرة.

مين هالمنظمة الخرى يللي بدها تنقد رجل دين محسوب عليه وبرقبتو ملايين السريان من طائفتو بالعالم ...
ما فهمت, شو المانع انها تنتقدو؟؟

معلم كوستا. ما حدا قال زيارة الرئيس غلط.
وما حدا طلب من البطرك يقلع الرئيس وما يستقبلو.

لاكن هالحكي اللي قعد يحكي ما الو طعمة. يعني الحكي ما الو علاقة بالواقع.
وشخص بمكانتو الدينية. ما لازم يشتغل ممسحة للنظام.

يعني هالحكي كل اكيلة الهوا اللي النظام مشتريهون, بيحكوه. مو حلوة بحقو يحكيه.
كان فيه بكل بساطة يتشكرو على الزيارة, ومن هالحكي. بس ما الا داعي هالبهورة, والتمسيح, والمسخرة.


ما فهمت, شو المانع انها تنتقدو؟؟
هاد الحكي بيسمو بروتوكول اذا قصدك عن البهورة والتمسيح
يعني شو بدك من البطرك يقلو للرئيس .....
طيب سمعني شوية
دور العبادة كلها بسوريا دون استثناء ما بتدفع كهربا ولا بتدفع مي ومعفية من الضرائب
الموظف السوري المسيحي عندو يوم الاحد فقط ببلش دوامو الساعة 10 الصبح بينما بقية الموظفين بداومو الساعة 8 الصبح
بالاعياد والمناسبات الدينية بتلاقي الشرطة منتشرة وما بتخلي يصير مشاكل وخلافات
وكتير شغلات ماني متذكرها هلأ عايشين فيها المسيحيين بسوريا متل بقية الشعب
بعدين هي المنظمة دوافعها سياسية وهاد رجل دين ما بيتدخل لا بالسياسة ولا بشي تاني
فهي شو دخلها حتى تنتقدوا .. ولا بس بدها تعمل شي قصة مشان تظهر على الساحة الاعلامية

هاد الحكي بيسمو بروتوكول اذا قصدك عن البهورة والتمسيح
يعني شو بدك من البطرك يقلو للرئيس .....
طيب سمعني شوية
دور العبادة كلها بسوريا دون استثناء ما بتدفع كهربا ولا بتدفع مي ومعفية من الضرائب
الموظف السوري المسيحي عندو يوم الاحد فقط ببلش دوامو الساعة 10 الصبح بينما بقية الموظفين بداومو الساعة 8 الصبح
بالاعياد والمناسبات الدينية بتلاقي الشرطة منتشرة وما بتخلي يصير مشاكل وخلافات
وكتير شغلات ماني متذكرها هلأ عايشين فيها المسيحيين بسوريا متل بقية الشعب
بعدين هي المنظمة دوافعها سياسية وهاد رجل دين ما بيتدخل لا بالسياسة ولا بشي تاني
فهي شو دخلها حتى تنتقدوا .. ولا بس بدها تعمل شي قصة مشان تظهر على الساحة الاعلامية

في فرق كتير كبير بين البروتكول وبين النفاق والكذب كان ممكن يشكروا عالزيارة ويتمنالو الخير ما كنا قلنا شي بس الحكي اللي نقال صدم كتير من المسيحيين وكتير من السريان

موضوع انو دور العبادة ما بتدفع لا ضرائب ولا مي ولا كهربا هادا موضوع مو فخر ولا انجاز هي المصاري عم تندفع من الضرائب اللي عم ندفعا انا وانت وكل سوري. انا برأيي نعمر بهللامصاري مدارس ومعامل احسن بس مو هادا الموضوع هلق

المسيحيين عايشين بسوريا متل بقية الشعب انا معك، بس عايشين بذل وقهر وفقر وبطالة منشان هيك نص الشباب هاجرت والنص التاني بدو يهاجر وعفكرة سوريا كانت مسيحية قبل ما تكون مسلمة وكانت سريانية قبل ما تكون عربية.

المنظمة حرة من حقها تنتقد اللي بدا ياه وبغض النظر عن اي شي كان كلاما صح

بتعرف شغلة
هي مشكلة شعبنا انو بدو يدور على حجة دايما وحتى لو كان بدو يخترعها
لك اذا الرئيس شارك باحتفال ديني او قام بزيارة لرئيس روحي شو بكون غلط الرئيس او حتى رجل الدين
يعني هل لما راح الرئيس لعندو شو طالبين من البطرك يقلعو وما يستقبلو ؟
فعلا طريقة تفكير سطحية بعدين مين هالمنظمة الخرى يللي بدها تنقد رجل دين محسوب عليه وبرقبتو ملايين السريان من طائفتو بالعالم ...
عقول صغيرة وحتى وهي صغيرة بتكون ورمانة
هاد الرد الوحيد اللي عليه القيمة بكل هالموضوع بما فيهن الموضوع نفسه
تفكير سطحي و مسبات بيرددوها بشكل ببغائي بلا طعمة و بدون هدف ولا حساب
ما بتدل غير على إنو هيك عالم ما بتتناقش ولا بيهمن غير انن يردوا على كل حوار بشوية مسبات و يندارو على موضوع تاني .... للأسف هاد الواقع

في فرق كتير كبير بين البروتكول وبين النفاق والكذب كان ممكن يشكروا عالزيارة ويتمنالو الخير ما كنا قلنا شي بس الحكي اللي نقال صدم كتير من المسيحيين وكتير من السريان

موضوع انو دور العبادة ما بتدفع لا ضرائب ولا مي ولا كهربا هادا موضوع مو فخر ولا انجاز هي المصاري عم تندفع من الضرائب اللي عم ندفعا انا وانت وكل سوري. انا برأيي نعمر بهللامصاري مدارس ومعامل احسن بس مو هادا الموضوع هلق

قلتلي صدمون ؟
انا ما شفت حدا انصدم
المسيحيين عايشين بسوريا متل بقية الشعب انا معك، بس عايشين بذل وقهر وفقر وبطالة منشان هيك نص الشباب هاجرت والنص التاني بدو يهاجر
اي تعا لاحكيلك شوي عن الذل يللي عايشين فيه
بمارسو شعائرون الدينية وما حدا بقلون وين رايحين او وين جايين
جراس الكنايس بتدق وبصوت عالي وباي وقت بدون وما حدا بيحكي معون
بعمرو كنايس وين مابدون والدولة ما بتحكي شي معون وحتى بمناطق كتيرة من سوريا
جمعياتون الخيرية ان كانت لرعاية الايتام او المسنين او مدراس الاحد بتشتغل وعندها التراخيص واي جمعية باسسوها بياخدو ترخيص بدون ما حدا يحاسبون او يسالون شو عم تساوو
لك ب 23 الشهر الجاري صار احتفال بمناسبة الميلاد وطلعت الكشاف كلها بمنطقة باب توما ومشي الفوج التاني من باب توما حتى اخر القصاع والفوج السبطعش مشي لعند منطقة الشيخ رسلان ورجعوا وكانت سيارات الشرطة والاسعاف والدفاع المدني والمخابرات معون وكان في عدد كبير من الشعب بجميع فئاتو ( اسلام ومسيحية ) عم يتفرجوا
شايف الذل يللي عايشين فيه يا حرام
وعفكرة سوريا كانت مسيحية قبل ما تكون مسلمة وكانت سريانية قبل ما تكون عربية.

هاد من برات الموضوع اذا بدك تناقش فيه في قسم التاريخ روح عليه واعمل موضوع هونيك لناقشك فيه
المنظمة حرة من حقها تنتقد اللي بدا ياه وبغض النظر عن اي شي كان كلاما صح
وانا حر بانتقادها كمان

هاد الرد الوحيد اللي عليه القيمة بكل هالموضوع بما فيهن الموضوع نفسه
تفكير سطحي و مسبات بيرددوها بشكل ببغائي بلا طعمة و بدون هدف ولا حساب
ما بتدل غير على إنو هيك عالم ما بتتناقش ولا بيهمن غير انن يردوا على كل حوار بشوية مسبات و يندارو على موضوع تاني .... للأسف هاد الواقع
بتعرف
فكرت حالي على شوي اجدب هون :o
طلع في مين يفهم عليي:deal:

بتعرف
فكرت حالي على شوي اجدب هون :o
طلع في مين يفهم عليي:deal:
كوستا كلامك دائما منطقي ومقنع بصراحة انت الوحيد الذي يقنعني في هذا المنتدى:deal:

كوستا كلامك دائما منطقي ومقنع بصراحة انت الوحيد الذي يقنعني في هذا المنتدى:deal:
لك عشت شي خمس سنين بسوريا من أحلى أيام حياتي
وما شعرت إني غريب ولا بلحظة
مع إني هلأ ببلدي حاسس إني غريب
لك على راس كوستا
وعلى راسي كل سوريا
واللي مو عاجبو خلي برة أخي

بيذكروني بمثل عربي بيقول ( احترنا ياقرعة منين بدنا انبوسك ) :p

عندي شك انو كوستا اللي عم يكتب. :humm:

قلتلي صدمون ؟
انا ما شفت حدا انصدم

اي تعا لاحكيلك شوي عن الذل يللي عايشين فيه
بمارسو شعائرون الدينية وما حدا بقلون وين رايحين او وين جايين
جراس الكنايس بتدق وبصوت عالي وباي وقت بدون وما حدا بيحكي معون
بعمرو كنايس وين مابدون والدولة ما بتحكي شي معون وحتى بمناطق كتيرة من سوريا
جمعياتون الخيرية ان كانت لرعاية الايتام او المسنين او مدراس الاحد بتشتغل وعندها التراخيص واي جمعية باسسوها بياخدو ترخيص بدون ما حدا يحاسبون او يسالون شو عم تساوو
لك ب 23 الشهر الجاري صار احتفال بمناسبة الميلاد وطلعت الكشاف كلها بمنطقة باب توما ومشي الفوج التاني من باب توما حتى اخر القصاع والفوج السبطعش مشي لعند منطقة الشيخ رسلان ورجعوا وكانت سيارات الشرطة والاسعاف والدفاع المدني والمخابرات معون وكان في عدد كبير من الشعب بجميع فئاتو ( اسلام ومسيحية ) عم يتفرجوا
شايف الذل يللي عايشين فيه يا حرام


الذل اللي عم بحكي عنو ذل لكل السوريين مو بس المسيحيين. انت لحت الشكليات وتركت الجوهر. بس يقلك شرطي يا حمار وما تقدر ترد هادا ذل. بس يقول الضابط لمجند يا كر وما بيقدر يرد هادا ذل. بس تتطلع بمسيرة غصب عنك مشان تقول بالروح بالدم هادا ذل. بس تعود عالقهوة وتضطر توطي صوتك بس تحكي مع رفيقك مشان ما حدا يسمعك هادا ذل. بس ياخدوك عفرع الأمن الجنائي ويطرقوك دولاب وانت بس مشتبه فيك لتعترف حتى لو مالك عامل شي هادا ذل. بس تسحبك المخابرات وبيضربوك وبيعذبوك وبهينوك بس لانك معارض هادا ذل. بس يجي ابنك ويقلكك بابا بدي بوط رياضة بوطي انشق وما عاد يتصلح وانت بتقلوا بعدين بابا بعدين لانو ما معك 100 ليرة بجزدانك هادا ذل. بس تكون متخرج من الجامعة من 5 سنين وبلا شغل وعم تاخود خرجيتك من ابوك هادا ذل. واذا بدي عدلك كلشي بكتب 2000 صفحة وما بخلص.

الذل اللي عم بحكي عنو ذل لكل السوريين مو بس المسيحيين. انت لحت الشكليات وتركت الجوهر. بس يقلك شرطي يا حمار وما تقدر ترد هادا ذل. بس يقول الضابط لمجند يا كر وما بيقدر يرد هادا ذل. بس تتطلع بمسيرة غصب عنك مشان تقول بالروح بالدم هادا ذل. بس تعود عالقهوة وتضطر توطي صوتك بس تحكي مع رفيقك مشان ما حدا يسمعك هادا ذل. بس ياخدوك عفرع الأمن الجنائي ويطرقوك دولاب وانت بس مشتبه فيك لتعترف حتى لو مالك عامل شي هادا ذل. بس تسحبك المخابرات وبيضربوك وبيعذبوك وبهينوك بس لانك معارض هادا ذل. بس يجي ابنك ويقلكك بابا بدي بوط رياضة بوطي انشق وما عاد يتصلح وانت بتقلوا بعدين بابا بعدين لانو ما معك 100 ليرة بجزدانك هادا ذل. بس تكون متخرج من الجامعة من 5 سنين وبلا شغل وعم تاخود خرجيتك من ابوك هادا ذل. واذا بدي عدلك كلشي بكتب 2000 صفحة وما بخلص.
متل عنا بأمريكا فرد شكل
1-لك يا أخي هاتلي نظام عربي مو هيك ،
2-هاتلي نظام شرق أوسطي مو هيك
3-هاتلي نظام بشرق وجنوب العالم موهيك إذا مو أكتر
4-لك بعد 11سبتمبر أمريكا واسبانيا صاروا هيك إزا مو أطئع وحتى فرنسا وبريطانيا شوي وبصيروا هيك ، شو السبب بالك ( حجة الامن القومي للبلد ) ، إيه على الحرام كمان نص 11/ سبتمبر في أمريكا ليئلبها بوش ملكية ويقعد مدى الحياة ،
حاج بئى تعمل مقارنات ،
إحنا عنا 11سبتمبر من يوم ما خلئنا ،أضف عنا مرتع أطماع خارجية عم بتمص دمنا ، ناهيك عن وجود ما اسموه اسرائيل وضرورة عدم استقرار المنطقة وضرورة تشكيلها بما يتناسب مع استقرارها .
*-كل هالظروف مجتمعة جعلت المواطن العربي (مسيحي أو مسلم أو ....الخ )يتربى على ممارسة الاضطهاد والعيش مع الاستبداد حتى أصبح متحجر العقل يعيش كما يريده الآخرون .
ولما يطلع برة بلده وتليحله فرصة يحكي بدون رقيب بفلت على الغارب ولكنه برأيي لا يقيس الامور بمنظار حيادي كامل ، ،،تخدعه الحريات الفردية وببلش يفش غله ،
ولكن العقدة الاصلية ما نحلت .يعني لو الاخ الذي اشتكي سنحت له الظروف باستلام منصب ما في بلده ؟؟ بظن ما راح يقصر
بينما اللي قاعد جوه يقيس الامور بمنظار مختلف وبالضرورة مو حيادي أيضا ؟؟
مثلي تماما فأنا أيضا مو حيادي ،، أي نعم لقيت شي مختلف بسوريا عن بلدي لما كنت هناك وحتى الان بقول بسوريا أحسن من عنا ( بجوز لأني كنت متغرب وبقدر أمارس بعض الحريات الفردية عما أمارسه ببلدي )
لذاباعتقادي نحن بحاجة الى إعادة تربية من جديد أو إعادة صياغة للمواطنة العربية والمهم أن نبدأ بدل من أن نلعن وفقط .

عندي شك انو كوستا اللي عم يكتب. :humm:
ممكن لأنو إحنا بواد وإنت بواد أخي ويلي .

إلى أبو الفحم:

متل عنا بأمريكا فرد شكل
1-لك يا أخي هاتلي نظام عربي مو هيك ،

النظام المصري رغم مساوئه إلا أن الحرية الإعلامية الموجودة هناك مثيرة للإعجاب في خضم التعديلات الدستورية التي جرت استفتاء لها السنة الماضية قامت محطات تلفزة مصرية بمعارضتها وبشكل علني دون ان يتم سجن أي إعلامي وكذلك المدونين المصريين يشتمون مبارك الأب والأبن ليل نهار ولم يقم الأمن باعتقالهم رغم المضايقات والمدون وائل عباس قام بفضح ممارسات الشرطة المصرية وانتهاكاتها لحقوق الإنسان ولم يتم اعتقاله في حين الكل يعلم ان السجن كان مصير الصحفي الكردي السوري الذي صور احد مظاهرات الأكراد.

لبنان من طول عمرها تتمتع بصحافة حرة ومحترفة ولا عجب ان يكون افضل صحفيي الوطن العربي لبنانيين

موريتانيا أقامت انتخابات رئاسية حرة وتم فيها تسليم السلطة بشكل سلمي من رئيس لآخر في خطوة يحسدون عليها

بعدين اذا كان الواقع العربي ببكي هادا مو معناتا انو ما نطالب بحقووقنا.


2-هاتلي نظام شرق أوسطي مو هيك

اسرائيل رغم انها دولة غير شرعية وعنصرية ومحتلة وهي الشر الأكبر في المنطقة إلا أن الحرية والديمقراطية هناك هي سبب قوتهم واقولها هنا من باب الأسى وليس من باب الإعجاب بهم

3-هاتلي نظام بشرق وجنوب العالم موهيك إذا مو أكتر

تركيا روسيا الهند موريتانيا تايلاند ومية بلد وبلد

الأنظمة العالمية التي تشترك معنا بالإستبداد المطلق هي كوريا الشمالية وكوبا والسعودية وليبيا وتونس والسودان وتركمستان وباقي الدول رغم أنها مستبدة إلا أن مستوى الإستبداد يقل بكثير عن هذه الدول.

4-لك بعد 11سبتمبر أمريكا واسبانيا صاروا هيك إزا مو أطئع وحتى فرنسا وبريطانيا شوي وبصيروا هيك ، شو السبب بالك ( حجة الامن القومي للبلد )

مين وين جايب هالحكي بأي دولة إذا بيتعرض مواطن واحد للتعذيب في مخفر شرطة أو فرع مخابرات لتقوم الدنية وما بتعقد انت شايف امريكا واسبانيا وفرنسا وبريطانيا قبل ما تحكي هالحكي انا من جهتي بال 2007 زرتون كلون الشي الوحيد هو اجراءات أمنية مبالغ فيها في أمريكا وبريطانيا لجميع المسافرين مو بس العرب وبكامل التهذيب والإحترام بدون أي إساءة.

وبتمنى من ياس يحكيلنا عن الحرية بأسبانيا لآنو أنا كنت هنيك وبقلك هيي من احلى دول العالم وشعبا من ألطف الشعوب وبدون مبالغة.

، إيه على الحرام كمان نص 11/ سبتمبر في أمريكا ليئلبها بوش ملكية ويقعد مدى الحياة ،

هادا حكي مجانين كل الانتخابات صارت بوقتا وهنن كم شهر ورح يروح بوش وجايكم اللي العن منو

حاج بئى تعمل مقارنات ،
المقارنات ضرورية منشان تعرف العالم انو الوضع العايشين فيه مو طبيعي مو طبيعي انو كل ما احتك برجل أمن يركبني ويحاكيني من فوق ويذلني ومو طبيعي انو رجل الأمن يضربني ويعذبني ويشتمني مهما كان الذنب اللي عاملوا في سلطة قضائية هي اللي بتحاسب وفق قانون واضح للعقوبات

إحنا عنا 11سبتمبر من يوم ما خلئنا ،أضف عنا مرتع أطماع خارجية عم بتمص دمنا ، ناهيك عن وجود ما اسموه اسرائيل وضرورة عدم استقرار المنطقة وضرورة تشكيلها بما يتناسب مع استقرارها .

وعنا اطماع داخلية عم تمص دمنا متل الرفيق رامي مخلوف الفتى المعجزة واسرائيل ووجودا مو مبرر لتسلط اجهزة الأمن على رقاب الشعب.

*-كل هالظروف مجتمعة جعلت المواطن العربي (مسيحي أو مسلم أو ....الخ )يتربى على ممارسة الاضطهاد
والعيش مع الاستبداد حتى أصبح متحجر العقل يعيش كما يريده الآخرون .

السبب وجود حالة الطوارئ من اكتر من 40 سنة اللي خلت المواطن بلا حقوق لا سياسية ولا اجتماعية ولا قضائية وهي سبب الاستبداد المطلق والفساد الرهيب اللي عايشيين فيه

ولما يطلع برة بلده وتليحله فرصة يحكي بدون رقيب بفلت على الغارب ولكنه برأيي لا يقيس الامور بمنظار حيادي كامل ، ،،تخدعه الحريات الفردية وببلش يفش غله ،
ولكن العقدة الاصلية ما نحلت .يعني لو الاخ الذي اشتكي سنحت له الظروف باستلام منصب ما في بلده ؟؟ بظن ما راح يقصر

انا ما رح استلم منصب بسوريا لانو عايش برات البلد من اكتر من 20 سنة ومستقر بالعالم الحر ولا استطيع بعد هالعمر اتأقلم للعيش في سوريا رغم حبي الشديد لوطني اما الحريات الفردية الموجودة بالغرب هي الشيء الطبيعي وما يوجد في سوريا هو الإستثناء.
سؤال عل هامش ليش الدول اللي بتعطي حريات فردية لمواطنيها متقدمة بمرات على الدول الأخرى؟؟؟

بينما اللي قاعد جوه يقيس الامور بمنظار مختلف وبالضرورة مو حيادي أيضا ؟؟
مثلي تماما فأنا أيضا مو حيادي ،، أي نعم لقيت شي مختلف بسوريا عن بلدي لما كنت هناك وحتى الان بقول بسوريا أحسن من عنا ( بجوز لأني كنت متغرب وبقدر أمارس بعض الحريات الفردية عما أمارسه ببلدي )
لذاباعتقادي نحن بحاجة الى إعادة تربية من جديد أو إعادة صياغة للمواطنة العربية والمهم أن نبدأ بدل من أن نلعن وفقط.

أنا ما لعنت ولا شتمت وهادا مو اسلوبي بالحكي واذا كانت سوريا احسن من بلدك هادا الموضوع ما بيهمني انا بدي شوف سوريا متل سويسرا وطول ما في اخطاء بدي ضل عم بحكي

لك بعد 11سبتمبر أمريكا واسبانيا صاروا هيك إزا مو أطئ
ما بعرف اميركا بس اسبانيا قطعااااااااااااااااااا (و شي خمسين خط تحتا) مو صحيح هالكلام. اسبانيا اعطت دروس بالحضارة و الرقي بعد أحداث مدريد و أنا لليوم أقف خاشعا لما أشوف مشاهدها....... يكفي أنو سقطت حكومة أزنار بسبب حرب العراق رغم حسن أدائها الاقتصادي.. و شغلات كتيرة اخرى راح اتطرقلها بموضوع عن أحداث مدلايد لاحقا



تحية

لا حلوه حلوه انو يحكي هيك لو ما كان كل شي تحتو موافقينو بهل كلمه ما بيحكيها ، معناها كلمتو بتعبر عن الأكثريه مو عن الأقليه ..

بعدين ليش يعني بس جورج بوش بيزور كنيسة بيهللولو و بيحكولو نحنى معك بكل شي ومعك بحربك على الارهاب ، هاد ما بيكون تمسحي و تلحيس لجورج بوش

بس لما صارت عنى صار هل شي كتير غلط و ما بيصير ...

لا انا بايد يلي عملو البطريك ولله:D

لا انا بايد يلي عملو البطريك ولله:D
فيه تناديه بطرك أو بطريرك
أما بطريك فصرت بغير محل