سلام
والله يا جماعة ما بعرف من وين بدي بلش
أنا شب عمري 22 سنة
أنا مشكلتي كتير كبيرة أو يمكن أنا هيك شايفها
من شي سبع تمن سنين... ما بعرف كيف.. دخلت في حالة اكتئاب كبيرة و لهلق ماني آدر اطلع منها
لا شفت طبيب نفساني و لا عملت شي لحتى اطلع من هالحالة
القصة بلشت لما كنت بالصف التالت من الثانوية العامة يعني قبل بسنتين من الباكالوريا
كنت ناجح من السنة التانية بعلامات منيحة و قدرت اتوجه لشعبة العلوم (بعتقد اني اتخدت هادا القرار تحت ضغوط عائلية و اتجماعية حيث الشعبة الأدبية بيعتبروها ما عندها مستقبل بنوب و لازم الواحد ياخد شعبة علمية لحتى يضمن مستقبلو...أنا الحقيقة ما كنت عارف شو بدي بس كل المؤشرات و الدلائل كانت بتقول اني لازم آخد شعبة أدبية...كنت متميز في المواد الأدبية و اللغات و كمان كنت بحب العلوم... المهم بعد حيرة و تردد كتير اخترت العلوم)
المهم ..بأول سنة بالعلوم ما بعرف شو صرلي.. صرت بخاف كتير من الامتحانات و بأول امتحان فيزياء هربت و ما قدرت ادخل لقاعة الامتحان..مع اني كنت عم بعمل دروس خصوصية بهاي المادة..بالسنة يلي قبلها كنت عم فهّم رفقاتي و عم درّسهن فيزيا.. ولك بعمري بحياتي ما عملتها.. في الماضي كنت لما بروح عالامتحان كنت بكون سعيد كتير ... ممكن أنا عم بالغ.. بس كنت مرتاح مو متل هلأ ..بكون رايح عالأمتحان متل ما بكون رايح على عزا..
من هاديك المرة يلي هربت فيها من الفيزياء..بلشت مأساتي.. صرت بخاف كتير من الامتحانات مهما كان نوعها.. صرت ما بعرف ذاكر أي مادة.. ما بقي عندي شجاعة و لا عزيمة
هاد الخوف هو يلي هلكني ..صرت بخاف من البحر.. ما بعرف من وين اجاني هاد الخوف من البحر.. آآآآآآآآخخخخخ.. شو كنت بحب الروحة عالبحر مع العائلة.. كنت متهور كتير و ما بخاف أبدا اني اغرق.. هلأ صرت متل الختيار.. ما بعرف عوم بمتر ميّة.. كمان صرت خاف سوق بسرعة
المهم اني رسبت بهاديك السنة بعلامة 49% ..يلي نفّس عني شوي كان اني ما كنت لوحدي.. كان في من الراسبين ناس متلي بعمرن ما تصورو انهن يرسبو.. بعدين صرنا صحاب كتير و لهلأ نحنا صحاب
ما بدي طوّل عليكون.. كل يوم كان عم بيمر كان أكتر ملل من يلي قبلو.. حتى الباكالوريا ما بعرف كيف نجحت فيها.. كانت كلها زهق و ملل.. و كنت كل يوم بصير حمار أكتر من يلي قبلو.. عنجد أنا ماني مصدق حالة الانغلاق و الكسل و البهامة و الانحطاط الفكري يلي وصلتا..
علاماتي بالباكالوريا خوّلتلي اني آخد اختصاص منيح ..
السنة الأولى بالجامعة كانت رائعة بس ما كتير دامت سعادتي
بحكم انو تغيرت الأجواء لانو الجامعة كانت بمدينة تانية و تغيرت الوجوه فتعرفت على ناس جدد.. تحسنت حالتي شوي و استرجعت بعض الجرأة و الرغبة في التواصل مع العالم
الناس يلي كنت بعرفهون ماعدت شوفهون.. الا بنت وحدة كانت معي بالباكالوريا و نجحنا سوا
طول عمري كنت خجول كتير و ما كنت بصاحب بنات.. ما كنت بدي اربط معها أي علاقة بس هي اقترحت انو نكون أصدقاء لانها لساتها جديدة و ما بتعرف حدا بالجامعة غيري..
المهم كنا أصدقاء.. و لا يوم فكرت اني ممكن حبها أو اخطبها ...الخ.. كانت تحكيلي عن اشياء كتيرة عن حياتها و عن خطيبها و أنا كمان صرت ناقش معها اشيا كانت بتصرلي
في يوم من الايام أنا عملت حركة بعتقد انها كانت السبب في كل المشاكل يلي وقعت بعدين..ممكن ما بحب قولها لاني ماني متأكد
صارت كل يوم تحكيلي عن واحد عم بيعاكسها بالتيليفون.. بعدين عن واحد عاكسها بالشارع أو في وسائل النقل و تطلب مني اني ساعدها و احميها ..و في يوم و احنا راكبين في الباص كنا عم نتناقش بموضوع من هالمواضيع تبع كل يوم.. و ما بعرف ليش قلتلها انها جميلة .. كانت عم تضحك و تسألني ليش و صرت الها انو عيونها حلوين .. سألتني و شو كمان.. التلها انو .... الخ بتعرفو بقية الكلام.. لهلأ ما بعرف من وين اجتني الجرأة منشان الها هيك كلام.. و لك بعمري ما عملتها.. كان في قدامنا قاعد ختيار ..كان عم يتطلع فينا باستغراب..
ما استمرت الحكاية أكتر من اسبوع أو أقل.. كنت عم حس بأحاسيس أول مرة بحسها..
بعدين مدري شو صرلي.. رجعتلي حالة القرف يلي كنت عايشها قبل ما روح عالجامعة.. و أنهيت علاقتي مع البنت .. علاقة دامت أقل من اسبوع
صارت كل علاقاتي متوترة مع كل الناس.. و نجحت هاديك السنة في دورة التدارك
و لحد هاللحظة أنا قرفان و متدايق كتير.. ما بعرف شلون بدي أوصف حالتي
احساس بالغربة..بالوحدة..بالاختناق (و الله ما عم بقدر اتنفس منيح)..
عم حس كمان اني غبي..تافه..أحمق..حمار..جحش...
قبل ما ادخل بهالحالة من الانحطاط و الغباء كنت ذكي كتير.. كنت بقرا كتير كتب
بس هلأ ما في عندي رغبة أعمل أيّ شي مهما كان تافه
أنا هلأ ماني قادر فكر بأيّ شي مهما كان بسيط.. بمخي ما في غير سحب سوداء و ضباب كتير ما عم بيخليني شوف و لا شي
الامتحانات بعد كام يوم (7 أيام بالضبط) و أنا لهلأ ما راجعت أي مادة من ال 14 مادة المقررة و يلي بعتقد انها سهلة كتير
طول الجمعة الفايتة و اللي كان المفروض اني حضر حالي خلالها..ما كنت عم بعمل و لا شي.. بصحى بعد الظهر تكمّل اليوم عم قلب في محطات التلفزيون..
و الله ما بعرف شلون بدي أعمل من شان الامتحانات ومن شان حالي كمان
أرجوكم ساعدوني

و عليكم السلام ،..

أولا حياك في أخوية !

ربما أطيل عليك ،..
و لكن وجدت في حروفكَ كثيرا من أزمات اخي الصغير !

و سأحكي لكَ كل ما أحكيه لأخي ،..
و أتمنى أن تتقبلني كأخت ،..
و لكن يجب أن تعدني أن تتقبل مني الشديد و الليّن ،..


و في كل الأحوال ،..
سنصل لنقطة ،..
سواء كانت أن تستمر على [ التشتت ] الداخلي الذي يسكنك ،..
أو أن تعود كما كنت و أفضل إن شاء الله ،..

و كلنا هنا لكل أعضاء أخوية ،..

أعدك ،..
لن تتطلب المسألة أكثر من ساعة أو ساعتين إن [ أردت ] أن تحل المسألة ،..

قبل البدء !

[ أنت ناجح قبل أن تخوض حتى حرب التغيير ] ،..
لأنك اعترفت بأنك تحتاج أن تعود كما كنت ،..

و ما دمت اعترفت إذن أنت الآن تجاوزت البلاطة الأولى في التغيير ،..

/../

بعد البدء !

مشكلتك الكبرى ليست التغيير الفجائي أو التدريجي الذي حصل ،..

مشكلتك أنك خلطت مشكلة بكل جوانب حياتك ،..

بحروف أدق!

أنت أخفقت في المدرسة فأعلنت الإخفاق في الحياة !
و خاصمت حتى البحر !
رغم براءته !

تحتاج قبل كل شيء ،..
قبل حتى أن يجيء الصباح ،..
أن تصير كـ الحاسوب !

قسّم دماغك لـ

My mind
My Religion
My college
My friends
My dreams
My future
My heart

و حتى !

My trash can

أول خطوة في حل المشكلة : تصنيف نوع المشكلة ،..

قسّم أمورك ،..
حتى نبدأ في تصنيف سطورك ،..

حتى !

لا نضيع وسط كومة التغيرات التي حدثت لك !

انا بس بحب قلك شي ، انو ما تفكر الرسوب بالامتحان هو اكبر مصيبة ممكن تصير للانسان ، بتسدئني انا كنت اذا تقل علامتي تحت 95 من 100 اتدايق واخي دايما يقلي انو شوفي مصايب الناس وشوفي انتي على شو لسة بدك تبكي ، انو شغلة العلامات ورسوب والخ...

ما لازم تسمح انو العلامات والامتحانات تخليك يائس لهالدرجة ، كل انسان بيمر بفترة اكتئاب مثلا انا السنة الماضية مريت بحالة اكتئاب فظيعة بقدرة قادر طلعت منها بسبب شي آخر ما له علاقة بالدراسة ( الحالة ضلت نص سنة او اكتر ) ، لازم ما تخلي الاكتئاب يتغلب عليك ، واذا يأست ما ترضخ لليأس اللي تسلل الك ، لما تدرس خدلك فرصة راحة شوي وارجع ادرس يعني مو ما تعطي نفسك فرصة راحة خلال الدراسة ، يعني كرمال ما تكتئب اكتر ،

وسدئني الحياة كلها على بعضها ما بتستاهل، وئلك شي قانون عم اتبعه
انو اي بدرس ودائما بنجح الحمدلله بس اذا نزلت شوي تحت الـ 90 من 100 شو فيها؟

لك لو رسبت اي شو فيها؟ حط ببالك انو الرسوب مالو نهاية الكون
والله يجعلها اكبر المصايب

بس بدل ما تبقى ع التلفزيون اغصب حالك شوي ع الدراسة
ولا تستعمل اسلوب الحفظ ، افهم فهم احلى

لاني جربت الحفظ امقت منو ما في :pos:

شكرا أختي XerostomiA
والله كلامك عم بينفس عن آلامي
دائما الحل بين يدي لكني دائما أرميه بعيدا .. ما بي .. لا أدري لكني أريد فقط أن أخرج من التعاسة الي أنا فيها

ما تفكر انو الرسوب بالامتحان هو اكبر مصيبة ممكن تصير للانسان ، :pos:

المشكلة !

ليست أبدا يا ماتيا في الرسوب !

المشكلة فيما يترتب على الرسوب ،..
و رغم أني أؤمن أن البشر قدرات ،..
و أن بعضنا يرسب لأنه لا يمتلك قدرات النجاح ،..

و مشكلة الأخ ،..
أنه يمتلك القدرات و لكنه لسبب ما افتقدتها أو عجز عن ممارستها ،..

/../

بيت القصيد !

أنت مشكلتك تتلخص في سطر ،..

أنّك لا زلت تبحث عن نفسك وسط أكوام الزمن الماضي ،..
و تظل حبيس الحلقة ،..
رغم أنها انتهت بكل سلاسل التعب فيها ،..

أنت أجبرت على فرع معين ،..
و انتهى الإجبار !

أنت أخفقت في الثانوية العامة ،..
و انتهت الثانوية العامة !

كان لي أستاذ في الجامعة يردد دائما

be here now

كن هنا الآن ،..

أنت أراد الله لكَ دخول العلوم ،..
و شاء لكَ الإخفاق فيه مرة ،..
ثم أخرجكَ منها بسلام ،..

و أنت هنا الآن ،..
فلماذا تحرم نفسك جمال اليوم بأقدار الماضي !

/../


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مثال ،..
أنت كرهت البحر لأنك كنت تعشقه خلال مرحلة التفوق ،..
و حين أخفقت ،..
و صرت تزروهـ بات يذكرك بما مضى ،..
و أنت محتاج لعودة ما مضى وقتها لكنك عاجز عن استعادته ،..
فشعرت أن البحر يقيدك لأنه يذكرك بأيام لا تستطيع أن تستعيدها ،..

ربما !
أكون أخفقت أنا أيضا بتحليل كراهيتك المفاجاءة مثلا للبحر !

و لكني سـأحاول كما أحاول مع أخي دائما ،..
أن أنجح بإقناعك ،..

1. عدم ربط الأمور ببعضها

2. عدم ربط الماضي بالحاضر

لأن الماضي مات ،..
و الغد آت ،..
و أنت تضيّع اليوم بما فات !

أنت محتاج فقط !

لـ فصل الأمور ،..
و طوي صفحة الماضي ،..

/../

أنت تقول ،..



الامتحانات بعد كام يوم (7 أيام بالضبط) و أنا لهلأ ما راجعت أي مادة



ما اختصاصك أخي ؟

لو كان حتى طب !

أنت كـ عقل بشري تستطيع أن تنجز مالا تتوقع حتى أنت أنك تقوى على إنجازهـ ،..

لي صديقة ... كانت تحفظ في اليوم خمسة و عشرون صفحة قرآن جديدة و تكررها عشرا كل واحدة !

أنت .. إذا أنت أردت ،..
تختم كتاب في يوم و نصف أو حتى يومين ،..

و حتى !

و إن - بعد المحاولة الكبيرة - أخفقت !
أنت تريد أن تستعيد حياة من ضمنها : استعادة مستواك العلمي ،..
أنت ستحاول الآن أن تتدراك الأمر قدر المستطاع ،..
و تتوكل على الله و لا تتواكل !

و تستطيع ببركة القرآن أن تضاعف أوقاتك للألف ،..
و لا تسأل أي حكيم !

أنت لست بحاجة حتى لأخوية إن جئت لحقيقة الأمر !
أنت فقط بحاجة لنفسك و لله ،..
و الناس مجرد جنود لله يضعهم في طريقك ،..

/../

كم هو الله إذن يحبك !
أن جاء بكَ إلينا ،..
و كم هو الله يثق بنا !
أن اصطفانا لنكون في طريقك لهذا المساء ،..

/../

لي عودة بعد أن أطئمن على طائفة لي ها هنا ،..
أتمنى أن يأتيك سيّد الصمت بحرفه إن عبر ،..
حكمته سـ تقدّم لكَ أكواما من المساعدة !

و حتى إن لم يفعل ،..
أنا تلميذته ،..

لي عودة ،..

دائما الحل بين يدي لكني دائما أرميه بعيدا

أنت لا ترمي حلولكَ يا أخي ،..
هي بجوارك دائما ،..
و لكنك متردد ،..

و سبب ترددك هو عجزك عن الإيمان أنك تستطيع أن تعود ،..
و أن تعود حتى أفضل من السابق ،..
بشرطين لا أكثر ،..

1 . تؤمن بأن الله سيعيدك ليس أنت
2 . تتوكل عليه و تتقيه حتى يجعل لكَ مخرجا و يرزقك من حيث لا يحتسب ،..

هذا أولا ،..



لا أدري


بعد التعديل بإذنك ،..
الآن أنت تنجح ،..
لو تقول :

أنا أدري أني أشعر أن الماضي كالسماء ،..
تنخفض شيئا فشيئا على صدري كلما أردت التنفس ،..
تخنقني و تكتم أنفاسي ،..
و أني رغم احتياجي لأن أعود ،..
خائف جدا لو أعود ،..
إن عدت .. قد أخفق في الاستمرار ،..


و أستطيع أن أقول لكَ بكل أمل :

أنت من عشّاق النجاح حدّ أنكَ خائف من اقتحامه خشية الإخفاق ،..

و لو أنك أخذت الأمر كمغامرة ،..
أو حتى كتحدي ،..
أو حتى كمتعة ،..

سواء من ناحية العلم أو الفرح ،..
لأن في العلم متعة لا يجدها إلا من نهل منها ،..

/../


قبل أن أطرح عليكَ الحل ،..
يجب أن أناقش معكَ المشكلة حتى نعرف لأي النقاط سنضع الحلول ،..

/../

اتفقنا أولا إذن :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أن الماضي باب ،..
و أنكَ لم تغلق الباب بعد !

و كلنا لنا ماضي !
أسود و أبيض ،..

يستر الله الأسود و يعيننا على الأبيض ،..

/../

مشكلتك الثانية :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أنك تضع كل الأمور في خلّاط واحد و تعجنها حتى تصير [ صعبة ] البلع !

مثال :



صارت كل علاقاتي متوترة مع كل الناس.. و نجحت هاديك السنة في دورة التدارك



لماذا تظلم الناس بإخفاقك !
أنت أخفقت ،..
و لكنهم أحبوك ،..
فلماذا تقتل اثنان بإخفاقك :

أنتَ و هم !

/../

المشكلة الثالثة :



عم حس كمان اني غبي..تافه..أحمق..حمار..جحش...



هذهـ مأساة و ليست مشكلة !

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لم أر في عمري رجلا !
يتقن زرع كرهه لنفسه بنفسه !

أكوام البشر و الدنيا يا سيدي تصبّ علينا في النهار ألفا من أرطال الألم !
و أنت كمن يقول : يا كون لم أكتفي فيا نفسي هل من مزيد ؟

أنت تغرسها في نفسك و تجبرها على الفشل ،.. !
لوبقيت أردد بين نفسي للصباح : سأنجح ،..
ستسجل ألسن الحق أقلامي و أصواتي و أنجح !

/../

المشكلة الرابعة :



السنة الأولى بالجامعة كانت رائعة بس ما كتير دامت سعادتي



و من !

قال أن السعادة أمر دائم ،..
من لم يبتلى أربعين يوما فهو شيطان ،..
أنت تتخيل أنك لو صحوت في صباح حزين إذن أنت أخفقت و أنت فشلت !
للحزن حتى جمالية !
فدونه لا يكون الفرح ،..

و للفشل أيضا جمالية ،..
فدونه لا ندرك أننا بجاحة للنجاح ،..

افشل يا سيدي و لكن بشرط !

أن لا تنسحب من محاولات النجاح

ما دمت آمنت أنكَ تريد أن تتغير ،..
فأنت معنيّ بكيف ،..
لا بمتى و لا أين ..


لي عودة ،..
بنقطة هامة ،..
ثم أناقشك بالحلول ،..
بعد أن تؤيدني أني لم أطوّف أي مشكلة ،..

ما بعرف من وين بدي بلش
ما عندها مستقبل
ما كنت عارف شو بدي
ما بعرف شو صرلي
ما قدرت ادخل لقاعة الامتحان
ما بعرف ذاكر أي مادة..
ما بقي عندي شجاعة و لا عزيمة
ما بخاف أبدا اني اغرق
ما بعرف عوم بمتر ميّة
ما بدي طوّل عليكون
ما بعرف كيف نجحت فيها
ما كتير دامت سعادتي
ما بحب قولها
ما بعرف ليش
ما بعرف من وين
ما استمرت الحكاية أكتر من اسبوع أو أقل..
ما بعرف شلون بدي أوصف حالتي
ما عم بقدر اتنفس منيح
ما عم بيخليني شوف و لا شي
ما راجعت أي مادة من ال 14 مادة المقررة
ما كنت عم بعمل و لا شي..
ما بعرف شلون بدي أعمل من شان الامتحانات ومن شان حالي كمان




أكوام [ النفي ] ،..
بغض النظر عن كل الذي جاء خلفها ،..

تحتاج الآن !

أن تضغط عليها في قاموس حروفك ،..

shift + delete

[ حياتنا صنيع مفرداتنا ] ،..

فيكَ أكوام أمل و أكوام ألم !

أنت متألم حد أنكَ اخترت كلمة لو أنقل لكَ من كتاب الله آية ستتمنى لو لم تعنونها ،..
و أنت متأمل حدّ أنكَ مصرّ على التغيير حدّ أنكَ لا زلت رغم كل الأعوام مصرّ على [ أنت السابق ] ،..

و لا زال بعد كل هذه الأعوام لديكَ أمل بالعودة ،..
و إلا ما الذي جاء بكَ إلى هنا يا سيدي غير الأمل ؟

أتمنى أن تتقبل حروفي بصدر رحب حتى ... نصل !

إذن نتفق من الآن ...

[ ما ] ،..

[ الإساءة لـ النفس ] ،..

و حتى اللون الأسود !

كلها ...

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

سـ آتيك إن لم تمانع بـ اقتراحات حلولي ...

أعشق أن أكون ممن قال فيهم طه عليه السلام :

و الله في عون العبد ما كان العبد في عون أخيه ،..

و لقد علمتني أختي أن أقول كلما ضاق على عيني رؤياها من اختناق النفس :

يا طه يا نور العين و شفاها ،..

فردّد و أكثر ،..

[ اللهم أصلح لي شأني كله و لا تكلني إلى نفسي طرفة عين ] ،..

فيها [ سحر ] خاص ،..

روووووووووووووووووعة
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// XerostomiA (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

بالنسبة الي المشكلة كلها موجودة بشي واحد وهو الثقة بالنفس من خلال كلامك انت مو واثق بحالك ولا رضيان عن حالك وهادا الشي يلي عميخليك تتكاسل وتيأس ....
ممكن كون اصغر منك بالعمر وما جربت يلي انت مجربو بس خدها نصيحة من اخت طالما انت مو شايف قيمتك المجتمع عمرو ما بيشوف هالقيمة ......
بتصدقني او لاء بس لازم قول انو الكلام يلي كاتبو بخليني حسك أجرأ إنسان شفتو بحياتي ....
يا عيني طالما عندك الجرأة تحك عن يلي فيك اكيد عندك الجرأة انك تصححو و فتح عيونك وطلع حوليك وانا متأكدة انو حتلاقي كتير من الناس عميستنووك لترجع متل اول واحسن كمان ...

لا تنسى : لا يأس مع الحياة ولا حياة مع اليأس
هلأ قوم اتحمم بمية سخنة وساوي كاسة شاي وفتاح هالكتاب ويا قاتل يا مقتول وفكر باليوم يلي رح تجي وتكتب بهالمنتدى نجاحك و رجوعك متل قبل ....

عمأستنى هاليوم لأفرحلك من قلبي....

سلام _ براءة سوريا _

Xerostomia

ما بعرف شو بدي قلك...

بوقت حسيت اني خلص ما عاد ممكن اني استفيد من اخوية..
او ما عاد يضفلي شي

بس هلأ و من طريقة عرضك و حكيك تمنيت ما يخلص
و انو ضل اقرا ...

اسلوب رائع...

U r an angel

ربنا يحميكي:D

لكل عابريكَ ،..

وردة [ نرجسية ] بسيقان خضراء تقطر ندى ،..

/../

نعود لبيت قصيدنا ،..
فكلنا ها هنا لنمدّ لكَ يدا أخوية نأمل أن تجد فيها مقصدك !

هم قالوا :

أن اليأس عكس الأمل ،..

و أنا كأبي عفش آمنت :

أن اليأس أمل مقلوب ،..

/../

لنباشر حلولنا ما دمت لم تجب ربما انشغلت و ربما الصمت علامة الرضا !

تتبع المشكلة و ستجد في الصورة لكل مشكلة حلّــاــ !

الحلّ الاول :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و قل يا ربّ ساعدني ،..
فدونه لن تقوى على إغلاقه ،..
و دونه لا تقوى على [ المحافظة ] على إغلاقه ،..

و للاحتياط ،..
احتفظ بالفتاح في جيبك ،..
و حين يأتي الوقت المناسب ،..
و تشعر أنكَ تخلصت من الماضي ،..
و لم تعد تجد في تأمله أي [ فائدة ] ،..

ارمه في البحر !

و [ أوعك ] تكرهـ البحر !
لو كرهت البحر ،.. شو ضل شي بالدنيا ينحب !

/../

الحل الثاني :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و تذكر دائما حين سـ تجدها في بادىء الأمر صعبة [الفصل ] ،..

قل لنفسك : سـ أحاول و إن أخفقت ،..
و لن أنسحب حتى و إن انسحبت مني كل الفرص ،..

ما دمت مع الله لا أبالي ،..

من وجد الله يا أخي ماذا فقد ؟
و من فقد الله فماذا وجد ؟

/../

الحل الثالث :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ازرعها وسط صحراء أملك المقلوب ،..

و قل :

بدلا من

عم حس كمان اني غبي..تافه..أحمق



عم حس كمان إني بدي شوية زكى
و أغيّر من نوعية اهتماماتي ،..
و أحتاج أن أوظــّف ذكائي و أحسن استخدامه ،..


/../

الحل الرابع :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اعتبرها هكذا ،...
تصعد و تهبط ،..
نصل القعر بأملنا المقلوب ،..
فننادي من نحب من القلوب و ننهض ،..

و نصعد ،..
حتى نصل الذروة ثم يعين موعد الهبوط ،..

و في كل الأحول تذكر :

[ اللهم لكَ الحمد كما ينبغي لجلال وجهك و عظيم سلطانك في السراء و الضراء ] ،..
فأمام [ كثرة ] أجرها تحتار الملائكة ،..

/../



بقي الحل الاستنتاجي ،..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و تدوّن عليها كل الأربعة عشر متعة !

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

توزنها بعقلك و تشوف كم ممكن تلحق و تبدأ بدراسة الأهم فالأهم ،..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

كلها بس سبع أيام !
تخلص و ربك يسهلها ،..

حاول !
أن تجعل لكَ أسلوبك الخاص في الدراسة ،..

بجانب كل مقطع صورة تذكرك بالمحتوى في الامتحان ،..
حروف متشابهة تستطيع ربطها ببعض ،..
حسب اختصاصك ،..
حاول !

أن تستشعر لذة الدراسة ،..
و حلاوة العلم ،..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

تنويع أسلوب و مكان و وقت الدراسة مفيد و قاتل للروتين ،..

و حين تغفو !

كاسة قهوة تنحل كل الأمور بأبسط ما يكون ،..
و دعوة من أمّك تتيسر ،..
و كلمة : يا الله ساعدني مالي غيرك تنحل ،..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و سورة الفاتحة خير ابتداء ،..
و حتى انتهاء ،..

و لو تعسرت ،..
الاستغفار يفتح الأقفال ،..

سكـّرت بالمرّة ،..
و لم يعد لكَ إلا الله باب ،..
قل : عسى خير ،
و الله يعوضنا بالسؤال التالي ،..
و خارج القاعة راجع نفسك : وين الخلل في الدراسة حتى يتعدل ؟
سواء ..
خلل وقت منحته للورق ،..
خلل تركيز على المهم و الاهم ،..
خلل توكل على الله قبل التوكل على النفس ،..

و [ لا تراجع مع رفقاتك ] ،..
الامتحان اللي يخلص .. خلص ،..
و أصبح في عداد الماضي ،..
و مصيرهـ للبحر ،..


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

في القاعة ،..
و في الدراسة ،..
و في كل الأمور ،..

تعيير الوقت مفتاح النجاح ،..
و الصلاة أحسن معيار لتقسييم الوقت ،..

و كلنا في أخوية نتمى لكَ الخير و ندعو لكَ به ،..


و تذكر !

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


الحيتان في قاع البحار تستغفر لطالب العلم !

فهل لا زلت بعد استغفارها [ لا تحب ] البحر ،..

هناك فرق بين أكره ،..
و لا أحب ،..

عندما تقول أكره .. أنت ترفض البحر بكل طقوسك ،..
عندما تقول لا أحب ... أنت تشعر أمامه بحالة من اللاشعور ،..

و أن لا تشعر أجمل من أن تكرهه ،..

أحبب البحر و لكن تذكر ،..

أن تحبه هونا ،..

بقي فقط !

وصية أخيرة ،..

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

حاول أن تعثر عليها إن لا زلت كما قلت [ خافقا ] لها ،..

علمتني الحياة ،..

أن الحبّ يأتي [ مرّة واحدة ] ،..
و لا يعود و إن نسّم علينا من أشباهه ألفا !

/../

لم يكن لكَ في مرور سيّد الصمت نصيب لهذا المساء ،..
ربما يعبر أرضك في الغد ،..
و يقطر لكَ حكمته ،..

/../

لو كنت أنت !
لصعدت ظهر كل حافلة ،..
حتى ألتقيها من جديد ،..
و أقول لها حرفكَ ،..
و دون أن تنطق هي ،..
أنا على يقين أن أكواما من الآلام ستبرأ ،..

أتمنى لكَ تماما كما أتمنى لأخي ،..

[ التوفيق في الدارين ] ،..

و تذكر !

مهما بلغت ذنوبك عنان السماء :

إن الله عفو كريم يحب العفو و سيعفو عنك و عنّا ،..

/../

كلنا لأعضاء أخوية سنظل دائما في الجوار !

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

عبور موفق !

ايه الله يصلحك حدا بيعمل عملتك على كل حال حاول اتمارس رياضة اليوغا بتريح اعصابك كتير واترك الامر للايام لانو ازمة وبتعدي ايه والله اللي مرق على راسي بيخلي الواحد يحكي بينومو ولما اتذكر بصير اضحك على حالي :x

لكل عابريكَ ،..

وردة [ نرجسية ] بسيقان خضراء تقطر ندى ،..

/../

نعود لبيت قصيدنا ،..
فكلنا ها هنا لنمدّ لكَ يدا أخوية نأمل أن تجد فيها مقصدك !

هم قالوا :

أن اليأس عكس الأمل ،..

و أنا كأبي عفش آمنت :

أن اليأس أمل مقلوب ،..

/../

لنباشر حلولنا ما دمت لم تجب ربما انشغلت و ربما الصمت علامة الرضا !

تتبع المشكلة و ستجد في الصورة لكل مشكلة حلّــاــ !

الحلّ الاول :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و قل يا ربّ ساعدني ،..
فدونه لن تقوى على إغلاقه ،..
و دونه لا تقوى على [ المحافظة ] على إغلاقه ،..

و للاحتياط ،..
احتفظ بالفتاح في جيبك ،..
و حين يأتي الوقت المناسب ،..
و تشعر أنكَ تخلصت من الماضي ،..
و لم تعد تجد في تأمله أي [ فائدة ] ،..

ارمه في البحر !

و [ أوعك ] تكرهـ البحر !
لو كرهت البحر ،.. شو ضل شي بالدنيا ينحب !

/../

الحل الثاني :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

و تذكر دائما حين سـ تجدها في بادىء الأمر صعبة [الفصل ] ،..

قل لنفسك : سـ أحاول و إن أخفقت ،..
و لن أنسحب حتى و إن انسحبت مني كل الفرص ،..

ما دمت مع الله لا أبالي ،..

من وجد الله يا أخي ماذا فقد ؟
و من فقد الله فماذا وجد ؟

/../

الحل الثالث :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ازرعها وسط صحراء أملك المقلوب ،..

و قل :

بدلا من

عم حس كمان اني غبي..تافه..أحمق



/../

الحل الرابع :

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اعتبرها هكذا ،...
تصعد و تهبط ،..
نصل القعر بأملنا المقلوب ،..
فننادي من نحب من القلوب و ننهض ،..

و نصعد ،..
حتى نصل الذروة ثم يعين موعد الهبوط ،..

و في كل الأحول تذكر :

[ اللهم لكَ الحمد كما ينبغي لجلال وجهك و عظيم سلطانك في السراء و الضراء ] ،..
فأمام [ كثرة ] أجرها تحتار الملائكة ،..

/../



بقي الحل الاستنتاجي ،..
بصراحة أنا كنت كتير متفاءل
بس بعد ما قريت هالحلول ............. يأست :frown:

طريقتك رووعة روعة....

عنجد بدي اقلك شكرا....

كنت مدايقة من كم شغلة

و كلامك ريحني





عنجد في أمل...ما لازم نياس
:D

هالحالة انت يلي وصلك حالك الها
لانو انت جواتك بتحس بهالشي
وبدي قلك هي مجرد اوهام
يعني انت عم تبني سور وحاجز امام مستقبلك بايديك
فكر انو انا انسان متلي متل كل هالعالم
يعني انت مش اقل من هالشخص يلي كون لحالو ثروة وشركات
ومش اقل من هالشخص يلي بيحكم بلد
بالعكس يمكن انت احسن منهم
بس بدك عزيمة
وبدك ثقة بالنفس
خليك واثق من حالك
وضلك قول فيي اعمل هيك
ضلك حسس حالك بالقوة
رح توصل لنتيجة
حط ببالك انك قوي و عندك عزيمة وانو و لا شي صعب بالحياة
و انو كلشي بدو محاولة لينجح
بس لا تيأس و تضيع حالك
وبعتقد بعد كلام Xerostomia
ما فيي ضيف شي
:D

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// XerostomiA (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

NO COMMENT

:ok:

:D اتذكر الي راح راح وانه لابد انك اتعلمت اشي قبل انك تلقي بهدا الماضي الغلبان بزبزانة النسيان

صدقني ربما انت محسود فعندك قدرات ولكنها طمست بحماقاة الاهل وانا متلك ضيعت نص سنة وانا مش عارفة شو ادرس بالجامعة لانه كنت هفوت تخصص ما بدي اياه بس الفرق اني رفضت وقاتلت ,, ولما انتصرت عليهم بالرغم انهم ضيعوا مصاري لله علي هههه اتحسنت نفسيتي بالرغم انه قطار فاتني بس هيني عالمحطة التانية
بستنى الفصل التاني فسو ما تزعل روحك طالما اطلعت من دوامة الغرق مسالم احمد ربك واعزم انك تبلش حياة جديدة
شغله تانية انت شوي فاقد الثقة بنفسك حتى ترجع تبينها
اتعامل مع نفسك انه مولود جديد
بدك ترجع اتنظم حياتك
حط صلاتك قدام عينيك
بعدين هندامك ومظهرهك كيف تهتم فيهم وحاول غير طريقة لبسك وتسريحة شعرك
اشوف الكركيب الي بحياتك ( ناس واصحاب ما عمرهم فادوك باشي اتخلص منهم )
حط وقت للقراءة قول هل المخ الطازج بشو بدي اخزن فيه من جديد
وركز بتخصصك لانه هو مطلعك للمستقبل

وطز على كل اشي راح واهلا بالي جاي :D

السلام عليكم
أولا أنا آسف كتير عالتأخير بالرد
بدي الكن اني بحبكن كتير يا أخوية
XerstomiA أنت ملاك بعثه الله الي
مع كل كلمة من كلماتك التي تفيض حكمة و حبا لله و للحياة
مع كل كلمة من كلماتك الرائعة كانت نظرتي للحياة تتغير 180 درجة
كتير عجبتني فكرة ال trash can .. عم شوف فيها حل وحيد لكل مشاكلي .. بدي ارميها كلها ب ال trash can
الحلول يلي اقترحتيها عملية كتير و ما عم بتخليلي مجال اني اتراخى منشان مستقبلي
شكرا كتير XerostomiA لمنحي الأمل تابدا من جديد

Matia
أنا متلك بمقت الحفظ الأعمى و بحاول دائما افهم
أنا الحمد لله بفهم... بس بنسى بسرعة ..
بعتقد لاني ما بكون مركز من كتر الأفكار السوداء يلي ما بتنفك تنط وحدة بعد التانية ببالي
على كل حال..شكرا كتير لاهتمامك ماتيا
و الحمد لله على كل حال

ْXerostomiA
أسلوبك بيشبه كتير أسلوب الدكتورة لينا الحمصي
بشوفها أحيانا على قناة الرسالة
أنا معجب كتير بأسلوبها في الاقناع

سلام
....
أنا شب عمري 22 سنة
أنا مشكلتي ....من شي سبع تمن سنين... ما بعرف كيف.. دخلت في حالة اكتئاب كبيرة و لهلق ماني آدر اطلع منها.....
القصة بلشت ... المهم بعد حيرة و تردد كتير اخترت العلوم ....بعتقد اني اتخدت هادا القرار تحت ضغوط عائلية و اجتماعية
.. .. صرت بخاف كتير من الامتحانات ..صرت بخاف من البحر.. صرت متل الختيار.. كمان صرت خاف سوق بسرعة....المهم اني رسبت بهاديك السنة بعلامة 49% ..يلي نفّس عني شوي كان اني ما كنت لوحدي.. كان في من الراسبين ناس متلي بعمرن ما تصورو انهن يرسبو.. بعدين صرنا صحاب كتير و لهلأ نحنا صحاب
.. حتى الباكالوريا ما بعرف كيف نجحت فيها.. كانت كلها زهق و ملل..
السنة الأولى بالجامعة كانت رائعة بس ما كتير دامت سعادتي....
الناس يلي كنت بعرفهون ماعدت شوفهون.. الا بنت وحدة .. ما كنت بدي اربط معها أي علاقة ... المهم كنا أصدقاء.. و لا يوم فكرت اني ممكن حبها أو اخطبها ...الخ.. كانت تحكيلي ...صرت ناقش معها اشيا ....
في يوم من الايام أنا عملت حركة بعتقد انها كانت السبب في كل المشاكل يلي وقعت بعدين..ممكن ما بحب قولها لاني ماني متأكد
ما استمرت الحكاية أكتر من اسبوع أو أقل.. كنت عم حس بأحاسيس أول مرة بحسها..
بعدين مدري شو صرلي.. رجعتلي حالة القرف يلي كنت عايشها قبل ما روح عالجامعة.. و أنهيت علاقتي مع البنت .. علاقة دامت أقل من اسبوع
صارت كل علاقاتي متوترة ... أنا قرفان و متدايق كتير.. احساس بالغربة..بالوحدة..بالاختناق (و الله ما عم بقدر اتنفس منيح)..
عم حس كمان اني غبي..تافه..أحمق..حمار..جحش...
أرجوكم ساعدوني








نصف الدواء أن تعرف الداء لا بل كل الدواء هنا أن تعرف حقيقة نفسك
أختلف مع الملاكXerostomiA حاولت إعطائك دواءا لست جاهزا لاستعماله
وأظن أن Madmaxتعجل قليلا
وأنا سأحاول أن أجهزك لاستعمال ذاك الدواء :
أولا : هناك نوع من الشبه بين حالتي الاكتئاب اللذان أصاباك :
الاولى : نتيجة القرار الذي اتخذته ( لا بل أجبرت عليه ) ودخلت الفرع العلمي ..
حسنا إستطعت مع الايام ومع زمرة من الزملاء ومع تغيير نمط الحياة أن تتجاوزه .
الثانية : نتيجة ارتكابك عملا ( حركة)أنا عملت حركة بعتقد انها كانت السبب.. ممكن ما بحب قولها لاني ماني متاكد

وهنا أيضا أجبرت عليه ( لانه خارج عن طبيعة التربية العائلية والاجتماعية التي تنتمي اليها)
وهو لب المشكلة عندك: فأنت تعيش نفس مرحلة القرف ،بدليل أنك تحس إنك غبي وتافه وأحمق وحمار وجحش..
صدقت لأنك صارحت نفسك بحقيقة وساخة العمل الذي ارتكبته ؟؟ولكن أخطأت عندما استسلمت الى مخاوفك الدفينة( التي مرت عليك سابقا ).
اسمع يا بني .. الجميع يرتكب الاخطاء والقليل الذي يتعلم منها ..قم وأصلح ما ارتكبته يداك فأنت وحدك الذي تتحمل مسؤليته .. ولا تخشى من العواقب الذي ستلاقيها من أهلك وعائلتك ومجتمعك بل اصدق مع نفسك ، فأنت تعلم كيف أنه في المرة الاولى الذي واجهت نفسك فيها مع مرور الزمن ، استمرت الحياة وتخلصت من اكتئابك الاول .
واكتئابك وقرفك هذه المرة أصعب لان الزمن ليس بصالحك، كما أنك في المرة الاولى تصارعت مع نفسك فقط ( فأنت الذي كنت ترفض رأي الاخرين بالرغم من أنك أجبرت عليه وتعايشت معه )
هذه المرة صراعك مع نفسك ومع الاخرين لأنك ارتكبت خطا الجميع يعارضه بما فيهم أنت ( فضميرك ما زال حيا لأنك ندمت وقرفت من نفسك ، ربما لأنها كانت مخطوبة ـ وخصوصا إذا كانت مخطوبة لأحد تعرفه أو يمت بصلة اليك ؛ فانتما من نفس المدينة الاصلية ـ ، لا بأس إن كان الحب يجمعكما وكنتما قانعين ومتفقين قلبا وروحا ، قم وتابع القتال من أجلكما معا ،وواجه الجميع حتى نفسك وأهلك ؟؟، أو فاتركها دون ندم إن كانت نزوة أو ما زالت تحب خطيبها ـ فالايام كفيلة بطي صفحات الماضي فما زلتما في بداية حياتكما ـ
إعترف لنفسك بخطئك ،واجلس معها جلسة صراحة واعترفا لبعضكما ومن ثم خططاماذا تفعلان معا ،مهما كان القرار.
و أرجو لك التوفيق

شوف عزيزي

على عيني و راسي كل الكلام اللي انحكى...


انت قديش عمرك؟

يفترض يكون 20

طيب انت شو شفت من الحياة لحتى تكتئب؟؟؟

ولك هي كلها مع احترامي الك مشاكل عادية كلنا منمرق فيها اي شب واي صبية

لح قول شغلتين

1-قول دائما اذا بدي بعمل اللي بدي بس اذا بدي

2-عيش حياتك عيش اللحظة مبارح راح وقبلو راح صاروا من الماضي ما حيرجعوا وبكرة لح تقعد تندم على كل شي حلو راح من حياتك


عيش حياتك صديقي عيـــــــــــــــــــــــ ـــــــــــــــــــــــــ ــــش



مايسترو

هونها بتهون
وصعبها بتصعب
اذا نظرنا للحياة بأكتاب راح نشوفها كأيبه حياة
ماالها لا طعم و لا لون و اذا نظرتك للحياه
كانت متفائله راح تتغير كل حياتك
بما فيها نفسيتك
و اهم شي لا تعطي الامور اكبر من حجمهاا
حتى لو فشلت عادي مو مهم انك تسقط
المهم تتعلم كيف تنهض بعد السقوط

وبعدك صغيرون خيو ما شفت شي من هل دنيا يعني مش لازم
نضعف فدام اول مشكله تواجهناا فيك تواجه مشاكلك بقوه
عالشان تقدر تكفي حياتك بقوه

وان شاء الله بتطلع من الحالة الي انت فيها و حط ببالك انه الحياة بنعيشها
مرة وحده فبلا منضيع حياتنا و احنا تايهين مش قادرين نلاقي حالنااا

اختك......جويس:D

السلام عليكم و رحمة الله و بركاتو
بحب اشكركن كتير على دعمكن المعنوي
بفضلكن أنا عم حس بتحسن.. الحمد لله
اليوم كان أول يوم بالامتحانات
صحيح أنا كنت معصب و متوتر شوي قبل ما فوت عالامتحان
بس كنت مرتاح كتير و أنا عم جاوب عالأسئلة
ما عملت شي جديد غير اني عملت متل ما قالتلي براءة سوريا...درست شوي المادة تبع اليوم و الحمد لله
XerostomiA ما بعرف شلون بدي اشكرك.. كلماتك كانت الضوء يلي خلاني شوف الحلول حواليي

بس هلق و متل ما عم بصير معي دائا حاسس انو في قوة رهيبة عم تسحبني لتحت و ما عم تخليني قوم راجع المادة تبع بكرة.. عم حاول و الله عم حاول بس هالحالة من الضجر و القلق عم تتعبني

في شي تاني بحب احكيه كمان
كل ما بتعرف عناس جداد أو كون مضطر اني احكي مع حدا ما بعرفو بادارة أو بحي الله مطرح..بتوتر كتير لاني ما بلاقي شي قولو.. و كمان الشخص يلي عم بتواصل معو بيتوتر كتير من غير أي داعي للتوتر
يا سيدي آخرتها اليوم كنت راكب بالباص و كان في بنت بعرفها يعني بشوفها دائما بالجامعة (زميلتي بالدراسة..نفس الشعبة نفس السنة) كانت واقفة جنبي بس ما كلمتها .. بعدين أنا توترت كتير و هي كمان توترت (أو أنا هيك حسيت) بعدين هي راحت لقدام...
بنفس الباص بنفس اليوم صارت معي مرتين اليوم بس
المهم اني بعدني شوي يائس و بائس
الله يفرج عني

بصراحة أنا كنت كتير متفاءل
بس بعد ما قريت هالحلول ............. يأست :frown:
وبصراحة بعد ما قريت الحكي لحد هون ......برضو يأست ...
وانا هلأ مو متفاءل :frown:
وشايف الموضوع في إن واخواتها يا brouhaha;)
مادمكس وينك .... شو رأيك :deal:

اذا انت يائس
انا أيئسسسسسسسسسسسسسسس:cry::sick:

اذا انت يائس
انا أيئسسسسسسسسسسسسسسس:cry::sick:
يعني أخت تالين حسيت بشي وراء السطور؟؟

وبصراحة بعد ما قريت الحكي لحد هون ......برضو يأست ...
وانا هلأ مو متفاءل :frown:
وشايف الموضوع في إن واخواتها يا brouhaha;)
مادمكس وينك .... شو رأيك :deal:


أهلين أبو الفحم
عندك حق تقول في إن واخواتها و عيلتها و ولاد حارتها
بس و الله ما بعرف شو عندي
يعني ماني راضي لا بحالي ولا بالعالم ولا ...
هيك ططول الوقت متأزم