مرحبا

بعد التخبيص يللي صار مبارح لقيت انو من الضروري بمكان :dr: انو حط شوية نقط ع شوية حروف

تعريفات:

العلمانية :
معناتا بالانكليزي Secularism و بالفرنسي Secularite و الترجمة المزبوطة هيي "اللا دينية " او " الدنيوية"
يعني ما لها علاقة بالعلم بنوب و معناتا الحئيئي يللي " لا علاقة للدين " او " ضد الدين"
و العلمانية هيي حركة اجتماعية هدفها الرئيسي عدم الاهتمام بالامور الدينية البحتة متل الآخرة و التركيز على الامور الدنيوية (يعني متل فصل الدين عن الدولة)
ما رح نفوت بتفاصيل العلمانية الجزئية و الشاملة و الفرء بينهم (باختصار ) انو الجزئية بتلغي تأثير الدين ع الاقتصاد و السياسة و القضاء ، اما الشاملة فبتلغي تأثير الدين عن كل شؤون الحياة طبعا في كتير اختلافات ع التعريف و المعنى بس هاد الاكتر واقعية و الاكتر انتشاراً)
المهم انو الشخص العلماني هوي يللي ما بيهتم بالماورائيات او الميتافيزيقيا و ما بيفسر اي ظاهرة إلا على اساس علمي
و بيرفض ارجاع القوانين للاديان
يعني مثلا لما شخص متدين (مسلم او مسيحي او يهودي ) بيزور مريض بيكون عم يدور ع اجر بالآخرة عند الله
اما العلماني بيزورو لحتى يرفع معنوياتو

الالحاد :
هو انكار وجود الخالق .... خالق الحياة و خالق الكون و خالق يللي بدك ياه
الو درجات كتير ... و فلسفات كتير .... و حتى في ديانات بتقوم على هالمبدأ
نقطة انتهى لا بيزيد الموضوع عن هيك و لا بينقص

الايمان (بوجود الله) :
هو عكس الالحاد تماماً كمان نقطة انتهى

الايمان و الالحاد :
هنين (من التعريف) شغلتين متناقضتين تماما و احدهما بيلغي الآخر
يعني الملحد مستحيل يكون مؤمن و العكس صحيح

الايمان و العلمانية :
من التعريف ما بيتناقضوا مع بعض بالضرورة
مثال 1 :
اميركا هيي اكبر دولة علمانية (من الدستور) و اكتر دولة بتحافظ ع العلمانية و بتحميها
رئيسها و سيناتوراتها بيقسموا ع الكتاب المقدس الى جانب الدستور عند استلام المنصب
على عملتها مكتوب In God We Trust (بالله نثق)

مثال 2 :
فرنسا اكتر دولة متأصلة فيها العلمانية (و منها انتشرت العلمانية كمان) هيي تاني دولة بعدد الكنائس

مثال 3 :
اينشتاين يعتبر من غلاة العلمانيين اعترف بوجود " اله " او قوة خالقة للكون (بس متل كل نظرياتو ما قدر يفسر)

مثال 4 :
الحزب السوري القومي الاجتماعي هوي من اكتر الاحزاب علمانية بسوريا و من مبادؤو " فصل الدين عن الدولة "
و مع ذلك اهم شعاراتو " كلنا مسلمون لوجه الله ، منا من اسلم لوجهه بالقرآن ، و منا من اسلم لوجهه بالانجيل و منا من اسلم لوجهه بالحكمة" (كلنا يقصد اعضاء الحزب)
و نفس الشي حزب البعث بيتهم حالو انو علماني بس متل متل كل مبادؤو و منطلقاتو ما بيعرف لا يللي اسسوا و لا اعضاؤو ليش

من الامثلة و التعاريف منلاحظ انو العلماني ممكن يكون مؤمن بدون اي تعارض

العلمانية و الالحاد :
من التعريف منلاقي انو الالحاد جزء من العلمانية لكن العكس غير صحيح

اهداء خاص للسادة الستاتيكيين و خصوصي لما بيتفاعلوا مع عاشر اوكسيد القشطة

تحياتي الدمشقية الضاربة ع بني :P

توضيح ضروري جدا في بعض الأحيان :D

اول شي شكرا كتير على الموضوع
واذا بدي احكي عن حالي انا علماني لحد معين يعني مو علماني كامل 100%(مو صافي مغشوش)
يعني مثلا لما شخص متدين (مسلم او مسيحي او يهودي ) بيزور مريض بيكون عم يدور ع اجر بالآخرة عند الله
اما العلماني بيزورو لحتى يرفع معنوياتو

هلق قصة الاجر مفرووغ منها بس نحنا وراح احكي عن دين الاسلام انو نحنا بدين الاسلام ما بقلنا انو زور مريض حتى تاخد اجر بيعلمنا انو نحنا من النسيج الاجتماعي وبيئمرنا بصلة الرحم مو مشان الاجرة مشان سلامة النسيج الاجتماعي ومشان نرفع معنويات المريض

الايمان و الالحاد :
هنين (من التعريف) شغلتين متناقضتين تماما و احدهما بيلغي الآخر
يعني الملحد مستحيل يكون مؤمن و العكس صحيح

بظن انو هون في غلط لانو الملحد مؤمن كيف يعني الملحد مؤمن بفكرة الالحاد وهيك بيكون مؤمن بفكرة
والايمان موجود عند كل انسان عندوا فكرة بيحبها يعني هو مؤمن فيها
وانت بتقصد هون بالايمان بالايمان بالله

و نفس الشي حزب البعث بيتهم حالو انو علماني بس متل متل كل مبادؤو و منطلقاتو ما بيعرف لا يللي اسسوا و لا اعضاؤو ليش


هلق اذا بدنا نحكي عن حزب البعث كااهداف هو حزب راقي واهدافوا حلوة
بس الضرب هون على يلي عم يحكموا باسم البعث

من التعريف منلاقي انو الالحاد جزء من العلمانية لكن العكس غير صحيح

ما بظن انو الحاد بيتفق مع العلمانية بشي
لانو العلمانية مفهوم سياسي اجتماعي من ضمن اهدافوا فصل الدين عن المجتمع مو الغاء الدين وبعدين العلمانية ممكن تضم كل اطياف الناس
انا مسلم وبحب ديني ومؤمن فيه بس انا علماني بعلاقاتي
يعني انا ما بيهمني الدين بعلاقاتي
المهم يكون الانسان الي عم ابني علاقة معو انسان كويس ومحترم



وشكرا كتير على الموضوع
كركوبة :P
:D :D :D :D :D :D :D :D :D :D :D

هلق قصة الاجر مفرووغ منها بس نحنا وراح احكي عن دين الاسلام انو نحنا بدين الاسلام ما بقلنا انو زور مريض حتى تاخد اجر بيعلمنا انو نحنا من النسيج الاجتماعي وبيئمرنا بصلة الرحم مو مشان الاجرة مشان سلامة النسيج الاجتماعي ومشان نرفع معنويات المريض

هلق انت بجوز متل ما عم تحكي بس سماع هل قصة:

مرة كنت ماشي بالسيارة مع رفيقي باليل و شفنا ختيار واقف على جنب آم رفيقي وقفلو مشان يطلعو يعني انو نوصلو ( انا هون كنت رح اعمل متلو ) و المهم تعزبنا شوي لبين ما عرفنا لوين بدو يروح لأنو الزلمة هندي ما بيحكي لا عربي و لا انكليزي و نحنا جداد بالدوحة

بعد ما وصلنا للزلمة مشينا آم شو بفهم من حكي صاحبي انو كل هل شغلة و العزاب هوي عملو مشان الأجر و الثواب :frown:

و هي مو حالة خاصة
الحالة الخاصة متل يلي انت قلتو يا زين يعني انو تساوي الخير لأجل الخير هي الحالة الخاصة للأسف طبعا :cry:


هلق اذا بدنا نحكي عن حزب البعث كااهداف هو حزب راقي واهدافوا حلوة
بس الضرب هون على يلي عم يحكموا باسم البعث


اي مظبوط حزب البعث حزب أفلاطوني و مثالي جدا بأفكارو و بدو نخبة من البشر لحتى يقودو :D

هلق انت بجوز متل ما عم تحكي بس سماع هل قصة:

مرة كنت ماشي بالسيارة مع رفيقي باليل و شفنا ختيار واقف على جنب آم رفيقي وقفلو مشان يطلعو يعني انو نوصلو ( انا هون كنت رح اعمل متلو ) و المهم تعزبنا شوي لبين ما عرفنا لوين بدو يروح لأنو الزلمة هندي ما بيحكي لا عربي و لا انكليزي و نحنا جداد بالدوحة

بعد ما وصلنا للزلمة مشينا آم شو بفهم من حكي صاحبي انو كل هل شغلة و العزاب هوي عملو مشان الأجر و الثواب

بيجوز كتير بتتعامل بهالطريقة
بسي الاسلام ما قال عميل خير بس مشان تاخد الاجر فهمتني
بعدين ما فينا نعمم وبيجوز في حالات كتير من الي عم تحكي عنها بس كمان في حالات كتيرة بالعكس
:D :D :D :D :D :D :D :D

مشكور
باالفعل توضيح مهم
:D :D

اول الشي الايمان يللي عم احكي عنو هوي الايمان بوجود الله تحديداً مو غيرو
و اكيد الملحد ما بيآمن بوجود الله
يعني كيف بيآمن بوجود الله و بينكر وجودو بنفس الوأت ؟؟؟

تاني شي بيجوز المثال مو كتير زابط بس قصدي انو بعض المؤمنين بيرجعوا اسباب قيامهم بالخير لفكرة الثواب الرباني بينما العلماني بيفكر فيها من منطلق تاني

و موضوع سلامة النسيج الاجتماعي هيي يللي بتخليني قول انو ممكن الواحد يكون مؤمن (بالله) و علماني بنفس الوأت

هلأ العلمانية هيي حركة اجتماعية ... و العلماني بينتمي لهي الحركة (مشان هيك حطيت احزاب بالامثلة)
هدف العلمانية هوي وضع القوانين تبع البلد (اي بلد) و خصوصي القوانين السياسية و الاقتصادية ع اسس بعيدة عن الشرائع الدينية

العلمانية هيي جملة مواقف سياسية و اقتصادية بيتخذها الانسان بوأتها

على سبيل المثال :
بالتأكيد الاصوليين و كل انسان بيطالب بتطبق الشريعة الاسلامية (او اليهودية لأنو المسيحية ما فيها شريعة دينية ) ما ممكن يكون

أحلى krimbow :D :D
توضيحك ممتاز بهالشغلة:
الزعيم أنطوان سعادة "الله" يرحمه لما قال هي المقولة :


" كلنا مسلمون لوجه الله ، منا من اسلم لوجهه بالقرآن ، و منا من اسلم لوجهه بالانجيل و منا من اسلم لوجهه بالحكمة" (كلنا يقصد اعضاء الحزب)
:P

كانت بدايتها : أيها السوريون .. مو يا أيها القوميون السوريون.. و كمالة القول كانت احذروا التآويل الدينية العمياء.. و الكمالة سامحونا فيها من شان أبو السيم... :wink:

و بالنسبة للحوار بين الشباب على فعل الخير من بدافع الناموس الإنساني ولا بدافع الثواب بيعبجبني قول للإمام علي لما بيوصف هدول جماعة الأجر و الثواب "عبادة التجار" و المعروف أنو سوريا تشتهر بالتجارة من قدم التاريخ .. يعني معباية تجار :P

الايمان (بوجود الله) :
هو عكس الالحاد تماماً كمان نقطة انتهى


أنا هون مو معك
تعريف الأيمان المزبوط

هو أجبار الأنسان على تصديق أمور و حوادث وأفكار لايمكن أن يصدقها عقل

أمى التعريف المزبوط للألحاد هو

الالحاد هو عدم الاعتقاد بوجود إله (أو آلهة)

عدم الاعتقاد لا يعني بالضرورة "إنكار" وجود الآلهة.
ولكنه غالبا ما يعني أن الملحد لا يجد دليلا مقنعا على وجود الآلهة،
أي أنه يعتبر الآلهة "فرضية غير ضرورية"، بل ان احتمال صحتها غير كبير.
وآخرون يعتبرون أنه من غير الممكن (على الأقل حاليا) البرهان على وجود الآلهة أو عدمه،
فيعتبرون نفسهم "لا أدريين".
وهناك تفريعات فكرية أخرى كثيرة في هذا المجال.

عدم الاعتقاد
هذا التعريف يعني أن هذه الفكرة هي "نفي" للاعتقاد، وليست اعتقادا قائما بذاته.
والسبب هو أن "الشيء الآخر"،
وهو "الاعتقاد بوجود اله" هو توجه فكري منتشر وطاغي في عالمنا العربي.
وهذا يقتضي كل من لا يشارك في هذا التيار أن يعرّف موقعه منه.

تعريف الأيمان المزبوط

هو دفع الأنسان إلى تصديق أمور و حوادث وأفكار لايمكن أن يصدقها عقل

صح
بس انا وضحت أنو المقصود هو الايمان بوجود الله

غايتي من الموضوع التأكيد انو الايمان بوجود الله ما بيتعارض مع العلمانية كحركة اجتماعية
__________________________

طالما عجبتكم شغلة المصطلحات رح افتح موضوع عن المصطلحات و ياريت الكل يشارك فيه
مشان يصير عنا مكتبة كاملة للمصطلحات و هيك الكل بيستفيد

:D

لفوق يا شيخ...موضوع مهم


تحياتي لكريمبو وين ماكان

لفوق يا شيخ...موضوع مهم


تحياتي لكريمبو وين ماكان
بالفعل موضوع مهم ......... لأنو في ناس كتير هالايام صاروا عم يخلطوا بين التنين








كمان تحية لكريم :D

up ......

و أنا كمان up و تحية لل(ما بعرف شو سميه)الحشاش

مى التعريف المزبوط للألحاد هو

الالحاد هو عدم الاعتقاد بوجود إله (أو آلهة)

عدم الاعتقاد لا يعني بالضرورة "إنكار" وجود الآلهة.
ولكنه غالبا ما يعني أن الملحد لا يجد دليلا مقنعا على وجود الآلهة،
أي أنه يعتبر الآلهة "فرضية غير ضرورية"، بل ان احتمال صحتها غير كبير.
وآخرون يعتبرون أنه من غير الممكن (على الأقل حاليا) البرهان على وجود الآلهة أو عدمه،
فيعتبرون نفسهم "لا أدريين".
وهناك تفريعات فكرية أخرى كثيرة في هذا المجال.

عدم الاعتقاد
هذا التعريف يعني أن هذه الفكرة هي "نفي" للاعتقاد، وليست اعتقادا قائما بذاته.
والسبب هو أن "الشيء الآخر"،
وهو "الاعتقاد بوجود اله" هو توجه فكري منتشر وطاغي في عالمنا العربي.
وهذا يقتضي كل من لا يشارك في هذا التيار أن يعرّف موقعه منه.

تعريف الالحاد مو سهل لهالدرجة ... في عندك الحاد ايجابي ... وعندك الحاد سلبي ....
ياللي حضرتك تكلمت عنو هو الالحاد السلبي ... عدم الايمان بوجود آلهة
الالحاد الايجابي هو الإيمان بعدم وجود آلهة ... يعني بالمطلق ...
وفيك تحط كمان درجة اللا ادرية ...
موسهل الموضوع لهالدرجحة متل ما حكيتلك .... غير البان ثيزم ... وغيرها كمان

اي نسيت احكي ان ياللي بدو يستزيد بموضوع الالحاد ما عندي مشكلة اني افيدو
او انو يقرأ كتاب " وهم الاله " God Delusion

للعالم البريطاني .. ريتشارد داوكينز ... كتير حلو

بس حابب ضيف شغلة وقبل ما ضيفها حابب اشكر الاخ كريمبو على الموضوع,

انا بصراحة ضد جميع التصنيفات والتحزبات المذكورة,
الايمان بشكل عام هو عبارة عن تأطير للعقل ووضع حد لتطور الفكر, طبعا ما بقصد الايمان بالله فقط وانما الايمان باي شي لدرجة التطرف, وغالبا اي ايمان بيتحول لتطرف مع الوقت. لانو الايمان بحزب او ديانة بيعني انو الشخص يتحول لعبد لفكر الحزب وبالتالي من المفروض عليه العمل كجندي لخدمة الحزب وافكاره الشي يلي بيأدي بالنهاية لنبذ جميع الافكار الاخرى المخالفة.
مع انو التطرف الديني بيكون غالبا اشد واكثر فتكا من التطرف الالحادي او العلماني ولكن التطرف الالحادي والعلماني ما بيقلو شراسة عنو.

بالنهاية, الايمان بوجود الله برأيي هو شي غير منطقي والايمان بعدم وجود الله كمان شي غير منطقي,


تحية واسف ازا طلعت عن الموضوع

عنجد موضوع مهم ومختصر وخفيف ونضيف وبصراحة بيستاهل يتثبت وبشدة .. وينحط ع الراس

:D

لفوق يا شيخ...موضوع مهم


تحياتي لكريمبو وين ماكان


ياعمي لفوق يمكن يكون في نتيجة

الموضوع مهم جدا بهالوقت



هامش: كريمبو مع اني مابعرفو بس شفت مشاركاتو وعجبني حبو الغريب لسوريا تحياتي الو والله يرجو للأخوية بالسلامة

مُمكن اجيت متأخره شوي؛
لكن السُؤال الآن؛
أين ما ذكرت سيدي الكريمْ عن العِلمانية والالحاد والايمان.. مِنا؛
وأيُها هيَّ الأقوى مُصطلحاً ومعنىً؟

يقول سيدي الكريمْ ( zen )


وبيئمرنا بصلة الرحم مو مشان الاجرة مشان سلامة النسيج الاجتماعي ومشان نرفع معنويات المريض
لكنْ لماذا لا تكون الاثنتين معاً؛ أجر و يلامة النسيج الاجتماعي؛ وما العيّب في ذلكْ.

ويقولُ أيضاً

بظن انو هون في غلط لانو الملحد مؤمن كيف يعني الملحد مؤمن بفكرة الالحاد وهيك بيكون مؤمن بفكرة

دائِماً وفي كُل المراجِع الدينينة مِنها السماوية والوضعية إرتبطت فِكرة الايمان بشيئين؛ الأول شخً آخر أو شيء آخر؛ والثاني الإيمان بالنفس.
وهُما تختلفان.. قد يتشابهان بالتسمية لكن لذات الكلمة أكثر مِن مرجِعية في المعنى.

والكثير مِن الأمور الحياتية الضرورية للإستمرار تُعنى بأن تُؤمِنْ بشيء يمُدُك للإستمرارية والثبات؛ كالإله؛ والحُب.. وحتى الموّتْ؛
سيدي الكريم بعد إطلاعي الخفيف على كِتاب " لِماذا رُفضت الشيوعية " لا أذكُر اسم الكاتب قال فيه:
( عِندما بدأ القِتال لِفرض النِظام الشيوعي في الأرض.. لم يجد القائمين عليه " طبقة الكادحين " أن فِكرة الموت والتضحية مِن أجلِ نِظامٍ لا يُقدم للشخص جزاءً يُضاهي فكرة الموّت بحدِ ذاتِها!! وهذا ما فرضَ على المُسلمين أن تكوُن لديهمْ فِكرة الجِهاد كما هي عليهِ الآن )

سيدي الكريمْ؛ وكُل الأعضاء الكِرامْ..
تقبلوا مروري كأولى المُشاركاتْ..

ومني لكمْ ودي.

يعطيك العافية ع الجهد الرائع
توضيح لابد منو
تقبل مروري ،،،،،

مشكوووووووووور امينو
انا ابي اعرف العلمانيه من زمان ودي الوقت عرفتها
تسسسسلم
:clap::o:clap::o:clap:

تم تقسيم الموضوع بطريقة فارغة تماماً

والتعريف بالعلمانية فارغ أيضاً ، العلمانية لا تحارب ولا تنكر الدين ولا تدعو للدنيوية والعلمانية ليست فلسفة تشكل نظرية ابيستملوجية العلمانية حركة انتصر اليوم وسادت العالم لكنها تفصل الدين والغيب عن العقل ، أي لا تدمج الأثنين معاً
وللتوضيح : ابن رشد أراد أن يدمج الحكمة " الفلسفة / العقل " مع الدين واللاهوت ، توما الأكويني في أوربا فصل بين الأثنين تماماً وقال لا يمكن أن يستدل بهذه على هذه والعكس ، كل منطقة تقود لشيء مختلف الإيمان له طرقه والعقل له طرقه إلخ .

ونتيجة مخاضات عدة صار الدين في الكنيسة والايمان في القلب ، والحياة يتفاعل معها الشخص من التجربة الانسانية بعيداً الدين .

وهذا اتاح للمجتمع الاوربي حصر رجال الكهنوت في دور العبادة بعد ان سيطروا على كل مفاصل الحياة في لحظة ما .

لفظة شخص أو رجل علماني لفظة خاطئة تماما ًأيضاً ، لأنها تنطلق من مفهوم ديني " اسلامي " في حين أن العالم اليوم كله علماني ، فكرة الوطن ذاتها فكرة علمانية وليست فكرة دينية .

تحياتي

تم تقسيم الموضوع بطريقة فارغة تماماً

والتعريف بالعلمانية فارغ أيضاً ، العلمانية لا تحارب ولا تنكر الدين ولا تدعو للدنيوية والعلمانية ليست فلسفة تشكل نظرية ابيستملوجية العلمانية حركة انتصر اليوم وسادت العالم لكنها تفصل الدين والغيب عن العقل ، أي لا تدمج الأثنين معاً
وللتوضيح : ابن رشد أراد أن يدمج الحكمة " الفلسفة / العقل " مع الدين واللاهوت ، توما الأكويني في أوربا فصل بين الأثنين تماماً وقال لا يمكن أن يستدل بهذه على هذه والعكس ، كل منطقة تقود لشيء مختلف الإيمان له طرقه والعقل له طرقه إلخ .

ونتيجة مخاضات عدة صار الدين في الكنيسة والايمان في القلب ، والحياة يتفاعل معها الشخص من التجربة الانسانية بعيداً الدين .

وهذا اتاح للمجتمع الاوربي حصر رجال الكهنوت في دور العبادة بعد ان سيطروا على كل مفاصل الحياة في لحظة ما .

لفظة شخص أو رجل علماني لفظة خاطئة تماما ًأيضاً ، لأنها تنطلق من مفهوم ديني " اسلامي " في حين أن العالم اليوم كله علماني ، فكرة الوطن ذاتها فكرة علمانية وليست فكرة دينية .

تحياتي

لك يسلملي ربك اللي خلقك :clap:
نقطة انتهى و بس و من بعد هاد الكلام ما في شي ينقال ....:deal:

على فكرة من زمان هاد الموضوع موجود و شفتو من زمان و ما عجبني كتيير الكلام يللي فيه ، و حبيت إني عقب عليه بس قلت لأ ما في داعي إرجع إفتح هالنقاش من جديد ....بس حبيت إني إجمع معلومات بنفسي .

و هلق بعد ما دورت و عملت بحث عن مفهوم العلمانية لقيت إنو الوصف يللي ذكرو أخونا هاملت هو أفضل وصف لهذه الفلسفة و أكثرها موضوعية وبس ....... :pos:

تم تقسيم الموضوع بطريقة فارغة تماماً

والتعريف بالعلمانية فارغ أيضاً ، العلمانية لا تحارب ولا تنكر الدين ولا تدعو للدنيوية والعلمانية ليست فلسفة تشكل نظرية ابيستملوجية العلمانية حركة انتصر اليوم وسادت العالم لكنها تفصل الدين والغيب عن العقل ، أي لا تدمج الأثنين معاً
وللتوضيح : ابن رشد أراد أن يدمج الحكمة " الفلسفة / العقل " مع الدين واللاهوت ، توما الأكويني في أوربا فصل بين الأثنين تماماً وقال لا يمكن أن يستدل بهذه على هذه والعكس ، كل منطقة تقود لشيء مختلف الإيمان له طرقه والعقل له طرقه إلخ .

ونتيجة مخاضات عدة صار الدين في الكنيسة والايمان في القلب ، والحياة يتفاعل معها الشخص من التجربة الانسانية بعيداً الدين .

وهذا اتاح للمجتمع الاوربي حصر رجال الكهنوت في دور العبادة بعد ان سيطروا على كل مفاصل الحياة في لحظة ما .

لفظة شخص أو رجل علماني لفظة خاطئة تماما ًأيضاً ، لأنها تنطلق من مفهوم ديني " اسلامي " في حين أن العالم اليوم كله علماني ، فكرة الوطن ذاتها فكرة علمانية وليست فكرة دينية .

تحياتي
أتقصد الدين لله والوطن للجميع:deal:

ليش الخوف من العلمانية ما بعرف ... واتهامها بانها لادينية ...

العلمانية بكل بساطة ... دينك بينك وبين ربك ... داخل بيتك ... ومكان صلاتك ... لا تعامل الاخرين بحسب الدين ...

أنت خارج ما ذكر فوق إنسان لا تختلف عن الآخر بشيء ... تعامله كأنه إنسان لا كمسلم أو مسيحي أو يهودي أو ...

العلمانية ... هي .. نظام حكم ... يتساوى تحت لواءه الجميع من مختلف الأطياف الفكرية والدينية والعقائدية ... ويضمن حقوق الجميع ... فقط ..


تحياتي :D

تم تقسيم الموضوع بطريقة فارغة تماماً

والتعريف بالعلمانية فارغ أيضاً ، العلمانية لا تحارب ولا تنكر الدين ولا تدعو للدنيوية والعلمانية ليست فلسفة تشكل نظرية ابيستملوجية العلمانية حركة انتصر اليوم وسادت العالم لكنها تفصل الدين والغيب عن العقل ، أي لا تدمج الأثنين معاً
وللتوضيح : ابن رشد أراد أن يدمج الحكمة " الفلسفة / العقل " مع الدين واللاهوت ، توما الأكويني في أوربا فصل بين الأثنين تماماً وقال لا يمكن أن يستدل بهذه على هذه والعكس ، كل منطقة تقود لشيء مختلف الإيمان له طرقه والعقل له طرقه إلخ .

ونتيجة مخاضات عدة صار الدين في الكنيسة والايمان في القلب ، والحياة يتفاعل معها الشخص من التجربة الانسانية بعيداً الدين .

وهذا اتاح للمجتمع الاوربي حصر رجال الكهنوت في دور العبادة بعد ان سيطروا على كل مفاصل الحياة في لحظة ما .

لفظة شخص أو رجل علماني لفظة خاطئة تماما ًأيضاً ، لأنها تنطلق من مفهوم ديني " اسلامي " في حين أن العالم اليوم كله علماني ، فكرة الوطن ذاتها فكرة علمانية وليست فكرة دينية .

تحياتي

ليش الخوف من العلمانية ما بعرف ... واتهامها بانها لادينية ...

العلمانية بكل بساطة ... دينك بينك وبين ربك ... داخل بيتك ... ومكان صلاتك ... لا تعامل الاخرين بحسب الدين ...

أنت خارج ما ذكر فوق إنسان لا تختلف عن الآخر بشيء ... تعامله كأنه إنسان لا كمسلم أو مسيحي أو يهودي أو ...

العلمانية ... هي .. نظام حكم ... يتساوى تحت لواءه الجميع من مختلف الأطياف الفكرية والدينية والعقائدية ... ويضمن حقوق الجميع ... فقط ..


تحياتي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// لو العلمانية اتطبقت متل ماعمتقولو كان ريحت عالم كتير وفعلا انا بشوف الحل بالعلمانية
بس المشكلة انو لليوم ولا دولة من دول العالم طبقت العلمانية مية بالمية وحتى العلمانية لفو ودارو عليها لحتى فصلوها على قياسن

ليش الخوف من العلمانية ما بعرف ... واتهامها بانها لادينية ...

العلمانية بكل بساطة ... دينك بينك وبين ربك ... داخل بيتك ... ومكان صلاتك ... لا تعامل الاخرين بحسب الدين ...

أنت خارج ما ذكر فوق إنسان لا تختلف عن الآخر بشيء ... تعامله كأنه إنسان لا كمسلم أو مسيحي أو يهودي أو ...

العلمانية ... هي .. نظام حكم ... يتساوى تحت لواءه الجميع من مختلف الأطياف الفكرية والدينية والعقائدية ... ويضمن حقوق الجميع ... فقط ..


تحياتي :D

صح .. :deal:
أنا هيك بشوف العلمانية و ما بالضرورة العلماني يكون ملحد .. فيو يكون مؤمن و كل شخص حرّ بإيمانه و معتقده بينه و بين حاله ... بينما بالمجتمع و أمكنة الدراسة و العمل .. بمؤسسات الدولة و بالوطن ما في مسلم و مسيحي و يهودي و بوذي و لاديني .. كلو مواطن اله نفس الحقوق و عليه نفس الواجبات:D

تحياتي عزيزي أبو العبد .. وعزيزتي ام الجود :D


الوصول إلى نقطة اتفاق على أن العلمانية هي مطلب الجميع ... لهو أمر ضروري جداً من أجل حل جميع الخلافات الموجودة بيننا كأعضاء فاعلين في مجتمعاتنا ...
أتمنى أن نستطيع الوصول بمجتمعاتنا ... إلى مرحلة العلمانية ... كي نتمتع جميعاً بالحرية :D

تم تقسيم الموضوع بطريقة فارغة تماماً

والتعريف بالعلمانية فارغ أيضاً ، العلمانية لا تحارب ولا تنكر الدين ولا تدعو للدنيوية والعلمانية ليست فلسفة تشكل نظرية ابيستملوجية العلمانية حركة انتصر اليوم وسادت العالم لكنها تفصل الدين والغيب عن العقل ، أي لا تدمج الأثنين معاً
وللتوضيح : ابن رشد أراد أن يدمج الحكمة " الفلسفة / العقل " مع الدين واللاهوت ، توما الأكويني في أوربا فصل بين الأثنين تماماً وقال لا يمكن أن يستدل بهذه على هذه والعكس ، كل منطقة تقود لشيء مختلف الإيمان له طرقه والعقل له طرقه إلخ .

ونتيجة مخاضات عدة صار الدين في الكنيسة والايمان في القلب ، والحياة يتفاعل معها الشخص من التجربة الانسانية بعيداً الدين .

وهذا اتاح للمجتمع الاوربي حصر رجال الكهنوت في دور العبادة بعد ان سيطروا على كل مفاصل الحياة في لحظة ما .

لفظة شخص أو رجل علماني لفظة خاطئة تماما ًأيضاً ، لأنها تنطلق من مفهوم ديني " اسلامي " في حين أن العالم اليوم كله علماني ، فكرة الوطن ذاتها فكرة علمانية وليست فكرة دينية .

تحياتي

أعجبني الرد وبالفعل هذا هو تعريف العلمانية يلي ساد فيها لغط كبير بين المتناقشين بموضات عدة ............يبدو أن هاملت غير حاضر معنا اليوم :D