الأعياد الـــكـــئـــيـــبــــة أم الشعوب الـــكـــئـــيـــبــــة [الأرشيـــــف]

Nabilove

21/12/2007, 03:26

لا أدري لما فقد العيد بريقه؟؟ لم يعد العيد رمز البسمة و الفرحة , حالة الكآبة صارت لا تفارقنا في الاعياد أيضا, حتى أعضاء المنتدى أغلبهم قضى صباح العيد في النوم ولا يملك خاطرا لزيارة الاقرباء و تبادل التهاني و الفرح, صار العيد حزينا كئيبا,
حتى قنواتنا الفضائية على كثرتها لا ترى مظاهر العيد فيها, القنوات المصرية نقلت مباراة كرة القدم في صبحية العيد و باقي القنوات إما افلام قديمة قدم الزمان او برامج مملة ومن تكرم و عرض مسرحية فانها تكون اما مدرسة المشاغبين او العيال كبرت او شاهد مشفش حاجة, مسرحيات حفظناها من كثرة عرضها. حتى كلمة عيد مبارك غابت عن الشاشات, فهل حتى قنواتنا تشارك في طمس معالم العيد و قهر الشعب اكثر مما هو مقهور؟؟ هل فقدت الاعياد الدينية مكانتها؟؟؟
عندما اشاهد قنوات فرنسية او اسبانية أرى معالم الفرح بمناسبة اعياد الميلاد في البرامج اشهارات ... ترى شجرة الصنوبر و بابا نويل في كل برامجهم, حتى الاخبار صارت اكثر مرحا عندهم بربورتاجات عن محلات الالعاب و محلات الحلويات و الشوكلاطة, حفلات, محطات تزلج..... الناس في شوارعهم لا تغادرهم البسمة رغم برودة الجو و ضغط العمل بينما نحن فوجوهنا مكفهرة لا ضياء فيها كاننا الاموات الاحياء.
والله مجرد مشاهدة اجواء اعياد الميلاد في الغرب ادخلت الفرحة لقلبي و اثارت الحسرة على حالنا في نفس الوقت ,فلما نحن كئيبين و وسائل اعلامنا تزيدنا كآبة؟؟ هل يريدون دفعنا لانتحار جماعي؟؟ العام الفائت قدموا لنا اعدام صدام حسين 'كهدية- قنبلة 'العيد و هذا العام مسحوا العيد تماما.
ننتظر كيف ستكون اجواء احتفالات اخواننا المسيحيين في المشرق شخصيا اتمنى ان يكون حظهم على الاقل مع القنوات العربية احسن منا.

Syrian Gay

21/12/2007, 03:31

...............
عندما اشاهد قنوات فرنسية او اسبانية أرى معالم الفرح بمناسبة اعياد الميلاد في البرامج اشهارات ... ترى شجرة الصنوبر و بابا نويل في كل برامجهم, حتى الاخبار صارت اكثر مرحا عندهم بربورتاجات عن محلات الالعاب و محلات الحلويات و الشوكلاطة, حفلات, محطات تزلج.....

الأعياد المسيحية لها معالم ولها رموز .. الأعياد الإسلامية ما الها أي رمز يُذكر ..

:D

المحارب العتيق

21/12/2007, 03:36

عنجد ليش هيك
بحياتو مامرء عيد هيك
شي غريب هالملل :?

Nabilove

21/12/2007, 03:38

الأعياد المسيحية لها معالم ولها رموز .. الأعياد الإسلامية ما الها أي رمز يذكر ..

:D

القضية ليست قضية رموز فالرمز لا يعبر عن الفرحة, فمثلا الهلال رمز لرمضان و عيد الفطر, الخروف لعيد الاضحى لكن ليس هنا المشكل المشكل في عدم بث الفرحة فحتى اغاني الاعياد المعروفة لم يتم عرضها , لم تقدم برامج خاصة بالعيد فهل يعقل ان تنقل مباراة كورة في صبحية العيد؟؟؟ هذا فيما يخص التلفزة اما فيما يخص الشعب فالطامة أكبر صار العيد بالنسبة لفئة كبيرة يوما كباقي الايام بل اعتبره البعض اسوء من باقي الايام اما بسبب التكاليف المادية او لسبب اخر لا اعرفه

Nabilove

21/12/2007, 03:42

عنجد ليش هيك
بحياتو مامرء عيد هيك
شي غريب هالملل :?

مرحبا بك في عالم الكآبة العربي:cry:
لا أدري هل هو الوضع المادي او ربما كثرة الاحباطات انستنا كيفية الفرح.

لو ظل الامر هكذا فمن الافضل الغاء الأعياد:pos::frown:

المحارب العتيق

21/12/2007, 03:47

مرحبا بك في عالم الكآبة العربي:cry:
لا أدري هل هو الوضع المادي او ربما كثرة الاحباطات انستنا كيفية الفرح.

لو ظل الامر هكذا فمن الافضل الغاء الأعياد:pos::frown:

الله وكيلك ساعتين وأنا عم أبرم بمطاعم ومولات الشام
مئت موطبيعي
يمكن البرد بيلعب دور :cry:

ابو عمير السوري

21/12/2007, 03:49

الأعياد المسيحية لها معالم ولها رموز .. الأعياد الإسلامية ما الها أي رمز يُذكر ..

:D
انت كتير مخطأ ياحباب أو مالك جذور أو صغير السن او ماعندك خلفية اجتماعية
أعياد الشام ومنها أعياد المسلمين كل فرحة وبهجة ومعالم ورموز بس ايقاع الحياة السريعة وكلفة الحياة اليوم عن الأمس تجعل هذه المعالم تختفي شيأ فشيأ
فلا تبخسنا حقنا يامسيو
بعطيك مثل عيد الأضحى فيه الأضاحي كان يكتفى باليوم الأول بتوزيع اللحم والأضاحي اليوم وهو الثاني بالعيد ولسع الناس عم بتوزع

ابو عمير السوري

21/12/2007, 03:51

مرحبا بك في عالم الكآبة العربي:cry:
لا أدري هل هو الوضع المادي او ربما كثرة الاحباطات انستنا كيفية الفرح.

لو ظل الامر هكذا فمن الافضل الغاء الأعياد:pos::frown:
تفائل بالخير تجده من قيم العيد زيارة الأقارب وود الأرحام زور أقاربك تنسى احباطاتك

Syrian Gay

21/12/2007, 04:00

بعطيك مثل عيد الأضحى فيه الأضاحي كان يكتفى باليوم الأول بتوزيع اللحم والأضاحي اليوم وهو الثاني بالعيد ولسع الناس عم بتوزع
الزلمة عم يحكي عن ما يبث ع التلفزيون وعن احتفالات العيد ..

انت جاية عمبتقولي ع توزيع لحمة :? ..

الزلمة عم يحكي عن الأفراح ..

ليش أنت كل ما توزع شقفة لحمة تعمل حفلة ؟

مثلاً مثلاً .. المسيحية عندكون بعيد الميلاد .. شجر وتزيين وبابا نويل وهدايا وحفلات وأغاني .. وبتنطبل بهل الشغلات الدنيا كلها .. كل الشوارع مزينة وبكل بيت شجرة بتضوي من بعيد وبابات نويل بالشوارع وبالبيوت والهدايا ع قفا مين يشيل و الحفلات الأكابرية والمفتوحة والأغاني الفرحة يللي بتخلي البدن يقشعر من حلاوتها ..

فيك تقوللي بعيدنا شو في ؟

المحارب العتيق

21/12/2007, 04:05

الزلمة عم يحكي عن ما يبث ع التلفزيون وعن احتفالات العيد ..

انت جاية عمبتقولي ع توزيع لحمة :? ..

الزلمة عم يحكي عن الأفراح ..

ليش أنت كل ما توزع شقفة لحمة تعمل حفلة ؟

مثلاً مثلاً .. المسيحية عندكون بعيد الميلاد .. شجر وتزيين وبابا نويل وهدايا وحفلات وأغاني .. وبتنطبل بهل الشغلات الدنيا كلها .. كل الشوارع مزينة وبكل بيت شجرة بتضوي من بعيد وبابات نويل بالشوارع وبالبيوت والهدايا ع قفا مين يشيل و الحفلات الأكابرية والمفتوحة والأغاني الفرحة يللي بتخلي البدن يقشعر من حلاوتها ..

فيك تقوللي بعيدنا شو في ؟
في الفتيش والألعاب النارية المصادرة
وفي المراجيح وين ماكان يلي البلدية مانعتون
وفي الجزماتية يلي ممنوعين يحطو بسطة بالعيد :p

ابو عمير السوري

21/12/2007, 04:23

الزلمة عم يحكي عن ما يبث ع التلفزيون وعن احتفالات العيد ..

انت جاية عمبتقولي ع توزيع لحمة :? ..

الزلمة عم يحكي عن الأفراح ..

ليش أنت كل ما توزع شقفة لحمة تعمل حفلة ؟

مثلاً مثلاً .. المسيحية عندكون بعيد الميلاد .. شجر وتزيين وبابا نويل وهدايا وحفلات وأغاني .. وبتنطبل بهل الشغلات الدنيا كلها .. كل الشوارع مزينة وبكل بيت شجرة بتضوي من بعيد وبابات نويل بالشوارع وبالبيوت والهدايا ع قفا مين يشيل و الحفلات الأكابرية والمفتوحة والأغاني الفرحة يللي بتخلي البدن يقشعر من حلاوتها ..

فيك تقوللي بعيدنا شو في ؟
حبيب انت انكرت على اعياد المسلمين معالم رموز كل يلي همك بابا نويل وتزين الشوارع وهاد يلي عم بيصير بأعياد المسلمين حاليا
بس انت نسيت أهم أمور بالأعياد الاسلامية وهي
تذكر الفقراء ياعزيزي والتراحم بين الناس والأقرباء بعتقد هدول أهم من زينة ومظاهر أخرى
لاتضوج عم ناخد ونعطي وشو هي أكابرية يعني لحنا نوور هي ماحبيتا منك ولعلمك انا جيراني مسيحية بيشتهوا الأكابرية من عنا رغم أنا من النوع يلي بيزت هيك أمور بالزبالة الأكابرية بطلت من زمان حباب وقت كانت البلد مخنوقة هلئ كل الناس أكابر وولاد عالم وناس :o

ابو عمير السوري

21/12/2007, 04:27

في الفتيش والألعاب النارية المصادرة
وفي المراجيح وين ماكان يلي البلدية مانعتون
وفي الجزماتية يلي ممنوعين يحطو بسطة بالعيد :p
هي المحافظة المصونة جمعتن كلهن بالمعرض القديم كرمال السلامة العامة
الألعاب النارية اليوم كتير صايرة مزعجة أنا بتمنى على الدولة تميز وتسمح بالألعاب النارية المنتقاة الأقل ضررا :p

المحارب العتيق

21/12/2007, 04:33

[quote=ابو عمير السوري;848576]هي المحافظة المصونة جمعتن كلهن بالمعرض القديم كرمال السلامة العامة
الألعاب النارية اليوم كتير صايرة مزعجة أنا بتمنى على الدولة تميز وتسمح بالألعاب النارية المنتقاة الأقل ضررا :p[/quote
كل دول العالم بستعمل الالعاب النارية بالأعياد الا عنا
طيب والله في شغلات حلوة ليش مامنساويها تجارة نظامية ومنمنع المفرقعات

ابو عمير السوري

21/12/2007, 04:37

[quote=ابو عمير السوري;848576]هي المحافظة المصونة جمعتن كلهن بالمعرض القديم كرمال السلامة العامة
الألعاب النارية اليوم كتير صايرة مزعجة أنا بتمنى على الدولة تميز وتسمح بالألعاب النارية المنتقاة الأقل ضررا :p[/quote
كل دول العالم بستعمل الالعاب النارية بالأعياد الا عنا
طيب والله في شغلات حلوة ليش مامنساويها تجارة نظامية ومنمنع المفرقعات
هذا مانرجوه والمشكلة هادا الموظف العصملي يلي عم يصدر قانون هو عرفان انو ماعم يطبق بل يستفيدوا منه المهربون وبعض المسؤولين

*Marwa*

21/12/2007, 12:19

المشكلة فينا مش بالعيد..وبالنسبة للرموز ف ازا بتيجوا بتشوفوا هون شو عاملين بتعرفوا انو في رموز وفي معالم كتير حلوة..يعني ما في بيت بتمرق الا ما تلاقي عليه زينة وهلال وخرفان مضوية وما بعرف شو..غير اصوات المفرقعات ولكشافات اللي كل ليلة بتنزل وبتنشد اناشيد والناس بمشوا حدها مع شموع..في كتير اشيا حلوة..وبالناصرة والمدن العربية بعملوا بالليل حفلة ألعاب نارية (بالهواء الطلق)..بس مع هيك ما بعرف مش حاسة بالعيد أبدا :cry:

Government

21/12/2007, 13:01

فيك تقوللي بعيدنا شو في ؟

شغلات كتير كتير ..
لو بدي احكيلك ياها لبكرة مارح تحس بطعمتا
لانك مو مقتنع فيا ..
بعدين حتى لو لو مافي رموز مع انو في
الفرحة بتكون هيك بلا رموز وبلا شي بمجرد العيد عندي انا
ماضروري اعملك شجرة مشان احس بالعيد ;)

suryoyo

21/12/2007, 13:58

عيد بأحل حال عدت يا عيد ..........

قالها المتنبي و ما زالت ترن بآذاننا الى هذا اليوم

الناس كئيبة بشكل عام !! و عمرها الزينة و الالعاب النارية ما تعني السعادة الحقيقية

الوضع العام صعب و الحروب مستمرة بالمنطقة !

الناس تعبت و لازم ترتاح

الله يعين الجميع

LiOnHeArT.3LA2

21/12/2007, 14:11

لك يا سيدناااااااااا

كلو من البرد

احححححححححححححححححح

ماس

21/12/2007, 15:41

كل عام وانتم بخير في احلى من هل الكلمة رمز كل عام وانتم بالف خير

cuty

21/12/2007, 15:54

القصة مو رمز اكيييييد مو رمز....

القصة من جواتنا...يلي بدو ينبسط بينبسط

يعني يلي بدو ينكد بينكد لو انضوا كل الشجر حوليه و تزين...

الشغلة فينا ..من جواتنا ما بدنا نفرح
اكيد مو قصة رمز...بيكفي انو عيد

Nabilove

21/12/2007, 19:27

الله وكيلك ساعتين وأنا عم أبرم بمطاعم ومولات الشام
مئت موطبيعي
يمكن البرد بيلعب دور :cry:

متفق معك البرد هو السبب بس مو البرد الطبيعي لكن برد العواطف هي السبب, بظن اننا تطبعنا بالكآبة و الملل فتجمدت عواطفنا فصار من الصعب ان نفرح و الله الانسان بيكون فرحان اول ما بيخرج و يشوف الوجوه الكشرة بطير فرحتو, فكما قال المثل عاشر العطار تعطر بعطره و من عاشر الفحام تلطخ بفحمه.

Nabilove

21/12/2007, 19:46

تفائل بالخير تجده من قيم العيد زيارة الأقارب وود الأرحام زور أقاربك تنسى احباطاتك

يا اخي الانسان كائن يتأثر بمحيطه فكما تعلم هناك هيستيريا جماعية و نوبة ضحك جماعي وايضا كآبة جماعية اي ان شعوبنا مصابة بالكآبة فاصبح الفرح بلا طعم و الله اتذكر منذ اعوام قليلة فقط كانت فرحة العيد تبدأ بشهر قبل قدومه وتدوم لاسابيع بعده.

Nabilove

21/12/2007, 20:09

الزلمة عم يحكي عن ما يبث ع التلفزيون وعن احتفالات العيد ..

انت جاية عمبتقولي ع توزيع لحمة :? ..

الزلمة عم يحكي عن الأفراح ..

ليش أنت كل ما توزع شقفة لحمة تعمل حفلة ؟

مثلاً مثلاً .. المسيحية عندكون بعيد الميلاد .. شجر وتزيين وبابا نويل وهدايا وحفلات وأغاني .. وبتنطبل بهل الشغلات الدنيا كلها .. كل الشوارع مزينة وبكل بيت شجرة بتضوي من بعيد وبابات نويل بالشوارع وبالبيوت والهدايا ع قفا مين يشيل و الحفلات الأكابرية والمفتوحة والأغاني الفرحة يللي بتخلي البدن يقشعر من حلاوتها ..

فيك تقوللي بعيدنا شو في ؟

هم عندهم شجرة ونحن في عيدنا خروف بيقول بااااااع كان بيدخل الفرحة على قلوبنا اول ما بيدخل البيت بنلعب معه و بنتعجب من حركاتو... في صلاة العيد و الاجواء الي بتمر فيها و التهاني من الغريب قبل القريب في اكلات ما بتتعمل الا في العيد في نار و دخان و الكل متحلق حوالين المجمر و نكت نازلة من كل صوب في ملابس العيد الي بنفرح بيها الصغار ....
القضية ليست قضية رموز و انما غياب اجواء تضمن البسمة و الفرح

سارة$$$

21/12/2007, 20:16

كلها ظروووف بتأثر سواء وضع البلد او الوضع الشخصي
ويوم وبعدي :pos:

Nabilove

21/12/2007, 20:17

المشكلة فينا مش بالعيد..وبالنسبة للرموز ف ازا بتيجوا بتشوفوا هون شو عاملين بتعرفوا انو في رموز وفي معالم كتير حلوة..يعني ما في بيت بتمرق الا ما تلاقي عليه زينة وهلال وخرفان مضوية وما بعرف شو..غير اصوات المفرقعات ولكشافات اللي كل ليلة بتنزل وبتنشد اناشيد والناس بمشوا حدها مع شموع..في كتير اشيا حلوة..وبالناصرة والمدن العربية بعملوا بالليل حفلة ألعاب نارية (بالهواء الطلق)..بس مع هيك ما بعرف مش حاسة بالعيد أبدا :cry:

الله يصبرك مروى و يرزقك الفرحة
هذا هو الكلام الذي اردت ان اصل له فرغم كل الطقوس العيدية الا ان الفرح غائب و سبب لا يعرفه احد

Nabilove

21/12/2007, 20:18

كلها ظروووف بتأثر سواء وضع البلد او الوضع الشخصي
ويوم وبعدي :pos:

ما بدنا يعدي مثلو مثل باقي الايام :cry:

Nabilove

21/12/2007, 20:21

عيد بأحل حال عدت يا عيد ..........

قالها المتنبي و ما زالت ترن بآذاننا الى هذا اليوم

الناس كئيبة بشكل عام !! و عمرها الزينة و الالعاب النارية ما تعني السعادة الحقيقية

الوضع العام صعب و الحروب مستمرة بالمنطقة !

الناس تعبت و لازم ترتاح

الله يعين الجميع

والله معك حق, يجب ان تتغير ظروف و الا اصبحت الكآبة ملازمة لنا

وشم الجمال

21/12/2007, 20:42

انا بعرف ليش العيد ما عاد فيه فرحة
لانو سبب الفرحة غايب عنا مو لاي سبب تاني

فهمت شي نبيل؟؟؟؟؟؟
طيب حاول انبسط وصدقني رح يكون للعيد طعم تاني:D:D:D:D

وشم الجمال

21/12/2007, 20:44

انا هلأ مبسوطة بالعيد هههههههههههههه
شايف كبر الضحكة؟؟؟؟؟

بالنسبة الي انا بشوف انو فرحة العيد بتكون بالطشات وتشوف احبابك وتروح وتجي
بس للاسف ما صار شي من هالشي مشان هيك عيدي كئيب

farbella

21/12/2007, 20:56

المشكلة مننا احنا شعبنا ملان وتعبان او من المصاريف او شي تاني
بس الطامة الكبرى انو نحنا ما عدنا حبينا بعض يعني كانو من زمان بهجة العيد بالزيارات الاهلو هيك كانو ينبسطو لما يشوفو بعض .............
هلأ صار عنا الهم الاكبر انو نروح زور قريب او نشوف خلقة حدا
صلة الرحم ما عاد الها معنى ابدا عشان هي فقدنا رونق العيد
هلا الواحد فينا اللهم اني اسالك نفسي وصلة الرحم صارت عبئ اكتر ما هيي من القلب
انا هيك رايي
بس اللي ما عم افهمو انو حتى الاطفال ممئوتين بالعيد؟ طيب ليه؟ بكير لسا على الهم

Nabilove

21/12/2007, 20:56

انا هلأ مبسوطة بالعيد هههههههههههههه

شايف كبر الضحكة؟؟؟؟؟

بالنسبة الي انا بشوف انو فرحة العيد بتكون بالطشات وتشوف احبابك وتروح وتجي
بس للاسف ما صار شي من هالشي مشان هيك عيدي كئيب

كيف يكون عيدي سعيد و انت عيدك كان كئيب؟؟

وشم الجمال

21/12/2007, 20:59

كيف يكون عيدي سعيد و انت عيدك كان كئيب؟؟
طيب انا عيدي حلو
امانة انبسط وانسى
انا جد عيدي احلى من اي عيد
:sosweet:رومانسيتك بموت عليها

Nabilove

21/12/2007, 21:05

طيب انا عيدي حلو

امانة انبسط وانسى
انا جد عيدي احلى من اي عيد

:sosweet:رومانسيتك بموت عليها

خلي فرحك يزين عيدي و سعادتك تضوي السما

Nabilove

21/12/2007, 21:11

المشكلة مننا احنا شعبنا ملان وتعبان او من المصاريف او شي تاني
بس الطامة الكبرى انو نحنا ما عدنا حبينا بعض يعني كانو من زمان بهجة العيد بالزيارات الاهلو هيك كانو ينبسطو لما يشوفو بعض .............
هلأ صار عنا الهم الاكبر انو نروح زور قريب او نشوف خلقة حدا
صلة الرحم ما عاد الها معنى ابدا عشان هي فقدنا رونق العيد
هلا الواحد فينا اللهم اني اسالك نفسي وصلة الرحم صارت عبئ اكتر ما هيي من القلب
انا هيك رايي
بس اللي ما عم افهمو انو حتى الاطفال ممئوتين بالعيد؟ طيب ليه؟ بكير لسا على الهم

الشعب فقد الامل و حتى التلفزة التي كانت ملاذ الاسرة للترفيه صارت مصدرا للهم و الغم تقضي الوقت كله في تغير القنوات دون ان تجد ما يستحق المشاهدة
و الاطفال يتأثرون بالجو العام للاسرة,

farbella

21/12/2007, 21:11

مممممممممممم شو هالرومانس؟؟؟؟كل عام وانتو بخير

وشم الجمال

21/12/2007, 21:11

خلي فرحك يزين عيدي و سعادتك تضوي السما
والله ومعزتك عندي انا منيحة وعيدي حلو خلص كون مبسوط مشاني:sosweet:

وشم الجمال

21/12/2007, 21:12

مممممممممممم شو هالرومانس؟؟؟؟كل عام وانتو بخير
وانت بخير حبيبة قلبي:sosweet:

farbella

21/12/2007, 21:13

الشعب فقد الامل و حتى التلفزة التي كانت ملاذ الاسرة للترفيه صارت مصدرا للهم و الغم تقضي الوقت كله في تغير القنوات دون ان تجد ما يستحق المشاهدة
و الاطفال يتأثرون بالجو العام للاسرة,
مزبوط كلامك صح
يسلمون على الموضع اختيار موفق

Nabilove

21/12/2007, 21:15

والله ومعزتك عندي انا منيحة وعيدي حلو خلص كون مبسوط مشاني:sosweet:

خلاص انا كثيييير مبسوط هلا :lol: الان الفرح بيدق باب قلبي
تسلميلي سراب

farbella

21/12/2007, 21:15

وانت بخير حبيبة قلبي:sosweet:

تسلمي عيونيوانتي بالف خير

Nabilove

21/12/2007, 21:18

مزبوط كلامك صح
يسلمون على الموضع اختيار موفق

تسلمي على المرور االمميز :D

وشم الجمال

21/12/2007, 21:18

خلاص انا كثيييير مبسوط هلا :lol: الان الفرح بيدق باب قلبي
تسلميلي سراب

وانا الان املك فرحة العيد ابتسامة لا تفارق محياي....اعذر كابتي التي جعلتك ترتشف منها......

بتشكرك حبيبتي فيربيلا

Nabilove

21/12/2007, 21:26

وانا الان املك فرحة العيد ابتسامة لا تفارق محياي....اعذر كابتي التي جعلتك ترتشف منها......

بتشكرك حبيبتي فيربيلا

و اخيرا اختفت سحب الكآبة باشراقة بسمتك

وشم الجمال

21/12/2007, 21:28

و اخيرا اختفت سحب الكآبة باشراقة بسمتك

ألــــم أقل لكــ أن أكبر أسباب الكآبة في اعيادنا هو كآبة أحبابنا؟؟؟؟؟

دمت مشرقا ورائعا.....:D

Nabilove

21/12/2007, 21:34

ألــــم أقل لكــ أن أكبر أسباب الكآبة في اعيادنا هو كآبة أحبابنا؟؟؟؟؟

دمت مشرقا ورائعا.....:D

اللهم ادخل الفرح على قلوب احبابنا حتى ينيرون اعيادنا

:akh:

Nabilove

21/12/2007, 21:37

كل عام وانتم بخير في احلى من هل الكلمة رمز كل عام وانتم بالف خير

كل عام و انت بالف خير اخي

Nabilove

21/12/2007, 21:39

القصة مو رمز اكيييييد مو رمز....

القصة من جواتنا...يلي بدو ينبسط بينبسط

يعني يلي بدو ينكد بينكد لو انضوا كل الشجر حوليه و تزين...

الشغلة فينا ..من جواتنا ما بدنا نفرح
اكيد مو قصة رمز...بيكفي انو عيد

لا اتفق معك فالانسان يتأثر بالمحيط الخارجي فلو كانت السعادة و الحزن بأيدينا لكنا دائما سعداء

Gazita

21/12/2007, 21:55

اول شي عيد مبارك سعيد عالامة الاسلامية والعربية:hart:
تاني شي ان الله لا يغير مافي قوم حتى يغيرو مافي انفسهم .اذا الواحد مو مستعد نفسيا لاستقبال العيد بمزيد من الفرحة والتفاؤل راح يلاقي يوم العيد متلو متل الايام اللي سبقتو.مو ناطرين الفضائيات تورينا شو نعمل بالعيد وكيف نحتفل بيه اصلا شو فارقة معها بنشوف نفس الستايل على مدار السنة مع شوية تعديلات براس السنة او بعيد الاضحى *اكيد التعديلات واضحة كصورة *اضافة طاقية بابا نويل وراس كبش على رمز الفضائية*وكمضمون*كيف نزين شجرة العيد او كيف نصنع من صوف الخروف مدري شو:?*
دخلك ليش ننطر كل سنة نفس الروتين ونفس الافكار بتنعاد ليش ما نحاول نجدد اعيادنا بافكار مستوحاة من عاداتنا وتقاليدنا ...متل مابتتزين شوارعنا باشجار الميلاد فاكيد بتزين بالروائح الشهية تبع الشوي.وبالوان ملابس العيد.
انشا الله يعيد علينا الاعياد بالافراح والمسرات ويدخل السلام على اخوانا الفلسطينين والعراقيين باقرب وقت:hart:
ميغسي نبيل موضوع كتير مميز:D:D:D

Nabilove

22/12/2007, 01:38

اول شي عيد مبارك سعيد عالامة الاسلامية والعربية:hart:
تاني شي ان الله لا يغير مافي قوم حتى يغيرو مافي انفسهم .اذا الواحد مو مستعد نفسيا لاستقبال العيد بمزيد من الفرحة والتفاؤل راح يلاقي يوم العيد متلو متل الايام اللي سبقتو.مو ناطرين الفضائيات تورينا شو نعمل بالعيد وكيف نحتفل بيه اصلا شو فارقة معها بنشوف نفس الستايل على مدار السنة مع شوية تعديلات براس السنة او بعيد الاضحى *اكيد التعديلات واضحة كصورة *اضافة طاقية بابا نويل وراس كبش على رمز الفضائية*وكمضمون*كيف نزين شجرة العيد او كيف نصنع من صوف الخروف مدري شو:?*
دخلك ليش ننطر كل سنة نفس الروتين ونفس الافكار بتنعاد ليش ما نحاول نجدد اعيادنا بافكار مستوحاة من عاداتنا وتقاليدنا ...متل مابتتزين شوارعنا باشجار الميلاد فاكيد بتزين بالروائح الشهية تبع الشوي.وبالوان ملابس العيد.
انشا الله يعيد علينا الاعياد بالافراح والمسرات ويدخل السلام على اخوانا الفلسطينين والعراقيين باقرب وقت:hart:
ميغسي نبيل موضوع كتير مميز:D:D:D

عيد مبارك سعيد اختي شكرا على مشاركتك لكن لا اتفق معك فكما قلت الانسان يتأثر بمحيطه فمثلا عندما نكون في مجلس و يبدأ احدهم في الضحك تجدين ان الكل بدأ يضحك دون ان نعرف السبب و اذا كنا في مجلس فيه نكد بعيد عنك تجدين ان النكد يتسرب اليك حتى و ان كان الموضوع لا يخصك.
اما التلفاز فاعتبره الوسيلة الترفيهية الوحيدة للاسر العربية في غياب المسارح و السينمات وارتفاع اثمنة التذاكر ان وجدت, :D

ابو عمير السوري

22/12/2007, 01:49

المحطات العربية منذ هجمات 11 ايلول وماتلاها أصبحت ممنهجة وتحاول ابعادنا كل البعد عن نمط حياتنا التي اعتدناها فما عاد في هاالمصداقية بالأصل مافي والأن انعدمت بالأضافة لانتقال المشاحنات السياسية بين الدول العربية للبرامج الاجتماعية :D