-
دخول

عرض كامل الموضوع : ليش بتشاكسو بعض كتير.؟!

التقرير الجوال
20/12/2007, 07:34
لك ليش الناس هون مستنيه النكشه من الآخرين منشان تهب فيهن.!؟
ليش الناس هون بتشاكس بعض.!؟
المفروض القصه حوار و ما حدى أعلم من حدى


تعلّمو يا شباب و يا صبايا و خلّيكن بعاد عن التعصب للرأي الأوحد
جد فيها فايده.


بعدين " العلم لن يُدركه أحد"
Willi
20/12/2007, 08:29
تعلّمو يا شباب و يا صبايا و خلّيكن بعاد عن التعصب للرأي الأوحد


هــــــــــع
التقرير الجوال
20/12/2007, 08:35
هــــــــــع



من شي سنه حطيت قاموس لحالي_كلمات و مفردات استخدمها مع الطالع و النازل_ صدقني دورت كتير بس ما لقيت كلمه " هع" مع8 انها دارجه بمجتمعك, بس ما فضلت ادخلها بقاموسي.





ممكن شاركك الحكي بيوم من الايام.!
Willi
20/12/2007, 08:38
اي هــــــع لكن
التقرير الجوال
20/12/2007, 08:43
اي هــــــع لكن




لكان حكيها بعيد عني و لا غيري
Willi
20/12/2007, 09:08
اي انا ما حكيتا الك.
انا حكيتا تعقيبا على الكلام ومين قايلو. يعني الكومبنيشن تاعون

لانو فعلا هع. اذا بتعرف شو معناتها
ayhamm26
20/12/2007, 09:52
لك ليش الناس هون مستنيه النكشه من الآخرين منشان تهب فيهن.!؟
ليش الناس هون بتشاكس بعض.!؟
المفروض القصه حوار و ما حدى أعلم من حدى


تعلّمو يا شباب و يا صبايا و خلّيكن بعاد عن التعصب للرأي الأوحد
جد فيها فايده.


بعدين " العلم لن يُدركه أحد"

صح المفروض القصة حوار بس في ناس ما بتعرف شو يعني حوار يعني مجرد تعطي راي غير اللي هني متعودين يسمعو بالتلفزيون او بجريدة تشرين او البعث يعني تلقائيا انك انت عميل وخاين
dajon1976
20/12/2007, 10:28
لك ليش الناس هون مستنيه النكشه من الآخرين منشان تهب فيهن.!؟
ليش الناس هون بتشاكس بعض.!؟
المفروض القصه حوار و ما حدى أعلم من حدى

مرحبا
أنا ما بعتقد أنو الموضوع مشاكسة بس فيه ناس ما بتعرف أنو حد الحرية يقف على قدسية حرية الآخرين.
ينقلب اختلاف الرأي عند البعض إلى إهانة شخصية لا تحتملها عقولهم المبنية بأحجار الأعراف و الموروثات (الدينية و الإجتماعية)و على الرغم أن بعضهم علمانيون(أو يدعون العلمانية) و تحرريون و حتى شيوعيون إلا أنك تستطيع أن تشتم رائحة السلفية في نقاشهم.
و يواجه الإنسان نقاشات و آراء مغلقة و عقيمة لا غاية لها سوى كبس المزيد من الأحرف على الكيبورد.
لكني أعتقد بالمقابل بوجود زملاء كثر في الأخوية تستمع بالنقاش و الحوار معهم و أذكر مثلاً الزميل ياس الذي أختلف تماماً معه في آراءه و لكن الحوار معه كان حضارياً.:D
و هي وردتين إلك :D:D
Raw
20/12/2007, 16:29
هــــــــــع

هــــــــــ ونصّ ــــــــــــع

:melody:

®
Damask Rose
20/12/2007, 16:34
هــــــــــع


والله وانا مو فاهمة كمان:oops:
يعني ليش (((((((((((((هع))))))))))))))))))))))))) وهع ونص;)


مزبوط والله في امراتا مناقشات بتحس فيها تعصب من البعض وبدهم يخانقو
مع انو كلها مواضيع وبتنطرح;)
التقرير الجوال
20/12/2007, 17:00
هــــــــــ ونصّ ــــــــــــع

:melody:

®




Mobile Report GO GO
:lol::lol::lol::lol::lol::lol:
التقرير الجوال
20/12/2007, 17:03
اي انا ما حكيتا الك.
انا حكيتا تعقيبا على الكلام ومين قايلو. يعني الكومبنيشن تاعون

لانو فعلا هع. اذا بتعرف شو معناتها


لك انت شو عم تحكي
و الله بعرف عربي بس ما عم آخد منك شي و ما عم افهم شــــــــــــــــــــــــ تتتو عم تحاول توصّللي.؟!!

دجها دج منشان افهمك:lol:
Odell
20/12/2007, 17:10
اي انا بقلك

لانو مو بس حقوقك يلي ممنوع تحكي عنا رايحه عليك

لا ويلي عينك عينك الك كمان بتروح عليك


وبجو بالاخر بقلولك .. وهني بضحكو وعلكة بتمون ... وعيونون مغماية ...

ياي "مابعتقد من حقك تعترض "

وشو البعصة.. انه يلي بحكي بعز عليك وبتصير بدك تنفلج - وينو هاد سمايلي الزنخ الاحمر
التقرير الجوال
20/12/2007, 17:16
مرحبا
أنا ما بعتقد أنو الموضوع مشاكسة بس فيه ناس ما بتعرف أنو حد الحرية يقف على قدسية حرية الآخرين.
ينقلب اختلاف الرأي عند البعض إلى إهانة شخصية لا تحتملها عقولهم المبنية بأحجار الأعراف و الموروثات (الدينية و الإجتماعية)و على الرغم أن بعضهم علمانيون(أو يدعون العلمانية) و تحرريون و حتى شيوعيون إلا أنك تستطيع أن تشتم رائحة السلفية في نقاشهم.
و يواجه الإنسان نقاشات و آراء مغلقة و عقيمة لا غاية لها سوى كبس المزيد من الأحرف على الكيبورد.
لكني أعتقد بالمقابل بوجود زملاء كثر في الأخوية تستمع بالنقاش و الحوار معهم و أذكر مثلاً الزميل ياس الذي أختلف تماماً معه في آراءه و لكن الحوار معه كان حضارياً.:D
و هي وردتين إلك :D:D


شكراً اخي عالورد
الاخ ياس بيعرف كيف يحاور, أنا اشهدله بهيك....... أما عن السلفيه يا عزيزي فتاييد لكلامك بدي قول شي كلمتين:
طبعاً بالتعريف " السلفيه هي اتباع منهج الرسول الكريم و ما اخد عن الصحابه و التابعين و ترك كل ما هو بعيد عن ذلك من امور لم يقرها الرسول او لم يتطرق لها الصحابه في حياتهم".
أنا سلفي المنهج باتباع الكتاب و السنه و لكني لست سلفي سعودي متزمت بآراء وجب تغييرها بسبب تغير الزمان و المكان.....ما بدي طوّل
بس بدي احكي بانه صار في هون شيوعي سلفي و مدعي علماني سلفي.
نشالله تكون فهمت عا كلامي.

مره تانيه تحيه الك و اهلا فيك حبيبي:D
Willi
20/12/2007, 19:34
لك انت شو عم تحكي
و الله بعرف عربي بس ما عم آخد منك شي و ما عم افهم شــــــــــــــــــــــــ تتتو عم تحاول توصّللي.؟!!

دجها دج منشان افهمك////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بالله ما فهمت!!
مع اني قلتها وبصراحة يعني


انا حكيتا تعقيبا على الكلام ومين قايلو. يعني الكومبنيشن تاعون

يعني شوفو مين عم يحكي.


على فكرة مرو متلك كتير على اخوية.
بس كلهون فرقونا بريحة طيبة
عقبالك ;)
التقرير الجوال
20/12/2007, 21:02
بالله ما فهمت!!
مع اني قلتها وبصراحة يعني


يعني شوفو مين عم يحكي.


على فكرة مرو متلك كتير على اخوية.
بس كلهون فرقونا بريحة طيبة
عقبالك ;)

شكلك ما بدكياني هون.؟

بس يكون بعلمك باني ما بتذكر اني "تناولت معك حتي أطراف الحديث"
و بصراحه انت عم تفرض نفسك كتير.
اما فرقونا و حكي طاع نازل فبدك تنتبه عليه
لك يا عمي افهم
أنا ما بدي اتناقش معك:D
بظن هي من حقي
Willi
20/12/2007, 22:31
شكلك ما بدكياني هون.؟

هو صراحة مو زيادة فارقة معي.
يعني ان كنت موجود ولا مو موجود ما بتفرق.

بس هيك عجبني انك انت اللي كاتب هالموضوع. :lol: