اذا بتذكروا كان بهديك الزمنات في برنامج اسم عالمكشوف فيه تركات علي نمط مافي امل يعني شي تحشيش بتحشيش ..بس من الحشيش ماقتل
هون راح احاول نزل الحلقات الي كانت اكتر شي مؤثرة والي كانت بدور بين بسام كوسا واندرية سكاف
ياريت الرفاق بيساعدونا لان في كتير حلقات ملعوبين

اممي

عالمكشوف
سمعاااانه فيه :larg:
عم ننتظر بس كيييف رح نزلوو بمشاكل هالمرفقات الموجوده هي هلكتنا :cry::pos:

قديش بدنا ؟؟؟

-بدي اسالك هلق نحنا قديش بدنا لحتى نلحقن ؟
-شو ؟
-قديش بدنا لحتي انلحقن؟
-لمين
-للعالم
-يعني شغلة ربع ساعة
-شو ربع ساعة اكتر بكتييير
-يعني في اقصى الاوقات نص ساعة
-نص ساعة وين انت وين الحقيقة قول قول وقوي قلبك
-شو يعني ..ياسيدي الي مابيجي معك تعا مع ساعة منيح ساعة
-ساعة هاد الي طلع معك انا امبارح طول الليل قاعد وعم احسب فيها عالقلم والورقة طلع اكتر بكتير
-قديش يعني ساعتين ثلاثةة
-اخي لسا عم تحكي بالساعات ...هي الحساب محسوب باليبرا ليكو دققوا وشوف النتيجة
-هلق انت اللي حسبت
-اي
-اوووف شو هالرقم بحيات مامر معي هيك رقم...تسعمية وستين سنة
-كمل كمل السطر للاخر
ظو ضو ضو ئية
ضوئية
تسعمية وستين سنة ضوئية لحتي الحقن !!!
هاد اذا استنونا
واذا مااستنونا؟
بيكون احسن, يعني لان فيها حلة
شو الحل لحقتي فيه دخيل عينك
-هلق هنن مو كارجين كرح بلا وعي خزاة العين ؟
-ي والله خزاة العين من عيني
-هاها,نحن مستحيل انلحقن ,هلق انت قاعد ولا عند شي؟
-لالا قاعد قاعد
-وانا قاعد هون
-هلق هنن مو رايحين بهالاتجاه هيك؟ ونحن قاعدين هدون
-نعم
-والارض كروية
-مافي شك
-فلابد مايجي يوم ويمروا من هون
-ياعيني عليك يعني مافي داعي لنتعب حالنا وانلحقهم بنظل عم نستناهن هون ,
-ليجو بنكمل معن
-ممتاز لشو هالتعبة هي
-بنظل قاعدين نحن ...واسمن قاعديناحسن ما انظيع وقتنا شو رايك تشربلك كاسة متة؟
-اي ليش لا
-اخي الا مابيمرقوا من هون
-لبين مايجوا
-حطلها سكر ليش مابتحطلها سكر
-انا مافي معي السكري
-الا ما بيمرقوا من هون
-بيجوا

اشي من الاخر :lol::lol:سكيتش حلووووو
بس ما نزلو المرفقات معي:jakoush:

قمم

-لك يارجل في شغلة هيك محيرتني وماعم تخليني نام
-اسالني خير في شي حكيلي بلكي فيني ساعدك
-قلي بالاول يعني هلق انت بتفهم بالقمم؟؟
-بالقمم,انا بفهمم منيح منيح بالقمم
-يعني بتفهم بتفهم ولا هيك رؤؤس اقلام
-لا شو رووس اقلام انا بفهم يعني بفهم
-بشك
-بتشك اني بفهم!!!
-بشك انك بتفهم بالقمم
-طيب اختبرني
-ماشي الحال ,قلي لشوف ...شو هيه اعلي قمة بالعالم؟
-اعلي قمة بالعالم؟ هلق هاذ سوال عم تختبرني فيه
-سهل؟
-كتير
-جاوبني عليه لشوف؟
-يعني اذا سالت ولد صغير بالشارع بيجاوبك عليه ,قمة افرست
-حلو حلو ,انتبه لكن .... شو هيه اوطى قمة بالعالم؟
-هههه
-ليش عم تضحك؟
-لان مافي شي اسم اوطى قمة!!
-ومين قلك ياذكي؟
-مامعروفة طالما اسمها قمة مابتصير تكون واطيا
-شفت شلون انك مابتفهم بالقمم ,اهديك القمة شو هديك!!!

قمم


-لك يارجل في شغلة هيك محيرتني وماعم تخليني نام
-اسالني خير في شي حكيلي بلكي فيني ساعدك
-قلي بالاول يعني هلق انت بتفهم بالقمم؟؟
-بالقمم,انا بفهمم منيح منيح بالقمم
-يعني بتفهم بتفهم ولا هيك رؤؤس اقلام
-لا شو رووس اقلام انا بفهم يعني بفهم
-بشك
-بتشك اني بفهم!!!
-بشك انك بتفهم بالقمم
-طيب اختبرني
-ماشي الحال ,قلي لشوف ...شو هيه اعلي قمة بالعالم؟
-اعلي قمة بالعالم؟ هلق هاذ سوال عم تختبرني فيه
-سهل؟
-كتير
-جاوبني عليه لشوف؟
-يعني اذا سالت ولد صغير بالشارع بيجاوبك عليه ,قمة افرست
-حلو حلو ,انتبه لكن .... شو هيه اوطى قمة بالعالم؟
-هههه
-ليش عم تضحك؟
-لان مافي شي اسم اوطى قمة!!
-ومين قلك ياذكي؟
-مامعروفة طالما اسمها قمة مابتصير تكون واطيا
-شفت شلون انك مابتفهم بالقمم ,اهديك القمة شو هديك!!!

حلوة..حلوة كتييييير :lol:

يسلمو اممي منستنى عالباقي :D

حلوة..حلوة كتييييير :lol:

يسلمو اممي منستنى عالباقي :D


الله يسلمك ويجبر بخاطرك :D

متابعة.....:D
كمل...والله وايدك...

مجهود رائع منك حبيب:D
كمّل كمّل و ياريت تثبتو سرسورة ;)

حلوين كتير:lol:

يسلمو :D

مجهود رائع منك حبيب:D
كمّل كمّل و ياريت تثبتو سرسورة ;)
اي انشالله بس ينزل كمان حلقات اكيد منثبتو.....:D

اي انشالله بس ينزل كمان حلقات اكيد منثبتو.....:D

يسلمن حبيبي وانا اسف علي البطا بالتنزيل لان فترة اعياد ودوام جامعة بس انشالله في كم حلقة لسا عالطريق :D

مجهود رائع منك حبيب:D
كمّل كمّل و ياريت تثبتو سرسورة ;)


تكرم حبيبي ويسلموا عمرورك

حلوين كتير:lol:

يسلمو :D

اهلا وسهلا فيكي رفيقة :D

يسلمن حبيبي وانا اسف علي البطا بالتنزيل لان فترة اعياد ودوام جامعة بس انشالله في كم حلقة لسا عالطريق :D

عاوز مساعدة حج ؟

حلوين. تسجيل متابعة

عاوز مساعدة حج ؟

ياريت رفيقي ,بتكون فضلت :D

قديش بدنا ؟؟؟

-بدي اسالك هلق نحنا قديش بدنا لحتى نلحقن ؟
-شو ؟
-قديش بدنا لحتي انلحقن؟
-لمين
-للعالم
-يعني شغلة ربع ساعة
-شو ربع ساعة اكتر بكتييير
-يعني في اقصى الاوقات نص ساعة
-نص ساعة وين انت وين الحقيقة قول قول وقوي قلبك
-شو يعني ..ياسيدي الي مابيجي معك تعا مع ساعة منيح ساعة
-ساعة هاد الي طلع معك انا امبارح طول الليل قاعد وعم احسب فيها عالقلم والورقة طلع اكتر بكتير
-قديش يعني ساعتين ثلاثةة
-اخي لسا عم تحكي بالساعات ...هي الحساب محسوب باليبرا ليكو دققوا وشوف النتيجة
-هلق انت اللي حسبت
-اي
-اوووف شو هالرقم بحيات مامر معي هيك رقم...تسعمية وستين سنة
-كمل كمل السطر للاخر
ظو ضو ضو ئية
ضوئية
تسعمية وستين سنة ضوئية لحتي الحقن !!!
هاد اذا استنونا
واذا مااستنونا؟
بيكون احسن, يعني لان فيها حلة
شو الحل لحقتي فيه دخيل عينك
-هلق هنن مو كارجين كرح بلا وعي خزاة العين ؟
-ي والله خزاة العين من عيني
-هاها,نحن مستحيل انلحقن ,هلق انت قاعد ولا عند شي؟
-لالا قاعد قاعد
-وانا قاعد هون
-هلق هنن مو رايحين بهالاتجاه هيك؟ ونحن قاعدين هدون
-نعم
-والارض كروية
-مافي شك
-فلابد مايجي يوم ويمروا من هون
-ياعيني عليك يعني مافي داعي لنتعب حالنا وانلحقهم بنظل عم نستناهن هون ,
-ليجو بنكمل معن
-ممتاز لشو هالتعبة هي
-بنظل قاعدين نحن ...واسمن قاعديناحسن ما انظيع وقتنا شو رايك تشربلك كاسة متة؟
-اي ليش لا
-اخي الا مابيمرقوا من هون
-لبين مايجوا
-حطلها سكر ليش مابتحطلها سكر
-انا مافي معي السكري
-الا ما بيمرقوا من هون
-بيجوا
يا سيدي بسام كوسا انا برأيي اعظم دراميي سوريا على الإطلاق وحتى انه بإصداره مجموعة قصص قصيرة بعنوان نص لص أيضا إقتحم عالم الأدب بقوة فكانت كلماته وقصصه القصيرة كما كانت الدراما لديه سكينا تمزق الواقع لتنقلنا إلى واقع اجمل
وبصراحة في بالجزء التاني اجتمع مبدع الدراما مع مبدع المسرح فايز قزق وكانت أفضل ايام العرض يا ريت تنزل شي من هيديك الإيام
وتحياتي الحارة
ظل جيفارا

يا سيدي بسام كوسا انا برأيي اعظم دراميي سوريا على الإطلاق وحتى انه بإصداره مجموعة قصص قصيرة بعنوان نص لص أيضا إقتحم عالم الأدب بقوة فكانت كلماته وقصصه القصيرة كما كانت الدراما لديه سكينا تمزق الواقع لتنقلنا إلى واقع اجمل
وبصراحة في بالجزء التاني اجتمع مبدع الدراما مع مبدع المسرح فايز قزق وكانت أفضل ايام العرض يا ريت تنزل شي من هيديك الإيام
وتحياتي الحارة
ظل جيفارا


رفيقي العزيز
بالنسبة للحلقات الي هيه بين بسام وفايز فسبق رفيقنا الاعلي هاني داغر ان نزلهن تحت عنوان (امل...مافي)
يسلموا لمرورك :D

رفيقي العزيز
بالنسبة للحلقات الي هيه بين بسام وفايز فسبق رفيقنا الاعلي هاني داغر ان نزلهن تحت عنوان (امل...مافي)
يسلموا لمرورك :D
يا ريت تعطيني الرابط او مثلا تقلي بأي قسم
وتحياتي الحارة
ظل جيفارا

هاد الرابط

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وتحياتنا لهاني الي تعب كتير بيين كتابة وبين تحميل لهابرنامج الرائع :D

إحراج



- هيي ... انتي قوم

- همم ... شو في ؟

- هلأ..... شو رايك بالمرحلة ؟

- مرحلة؟ ... اينو وحدة منن السابقة او اللاحقة

- لا السابقة ولا اللاحقة... هي اللي عم نمر فيها هلأ....

- هاي المرحلة حرجة

- ليه ؟

- هيك ...

- طيب يعني ... شو المحرج فيها ؟

- المحرج فيها.... هممم ....كتير شغلات

- متل شو ؟

- متل كل شي

- لا لا لاء يعني اجوبتك هيك يعني فيها شي عام ممكن تجاوبني بشكل خاص يعني هيك محدد

- لاء

- ليش بقى ؟

- هيك

- بس ما بيصير

- بيصير

- ما بيصير

- بيصير

- لك يا اخي .... انا هلا سالتك عن المرحلة وقلتلي انها حرجة ... صح ؟

- صح

- حلو .... شو المحرج فيها ؟

- اكتر اكتر شي محرج فيها

- لك اي

- سؤالك والله

:D يسلمن هاني
الحلقة اكثر من رائعة

الله يعطيكو العافية حلوين كتير :D
كملوا .....

يسلم ايديكن شباب عنجد شغل حلو كتير بتمنى ما حدا يسألني أسئلة محرجة .
تحياتي الحارة
ظل جيفارا

رح ثبتلكون الموضوع....بس كملوه هه....
:D

رح ثبتلكون الموضوع....بس كملوه هه....
:D


لك شو هالدعم ياااا
موضوعين بيتثبت باول اسبوع بالسنة الجديدة :clap:

يسلمن سرسورة :D
وراح حاول كمل قد مافيي بس اندعولي ان يحلوا هالبروفيسورية عنا شوي :sick:

لك شو هالدعم ياااا
موضوعين بيتثبت باول اسبوع بالسنة الجديدة :clap:

يسلمن سرسورة :D
وراح حاول كمل قد مافيي بس اندعولي ان يحلوا هالبروفيسورية عنا شوي :sick:
قول الله ....و بالانتظار:D

لك شو هالدعم ياااا
موضوعين بيتثبت باول اسبوع بالسنة الجديدة :clap:

يسلمن سرسورة :D
وراح حاول كمل قد مافيي بس اندعولي ان يحلوا هالبروفيسورية عنا شوي :sick:
لإنو عنجد مواضيع بتستاهل رفيق و زميل
عم تحسن صنعا شريك معك إلى الأمام
وتحياتي الحارة
ظل جيفارا

نفط



بسام كوسا يحاول انو يشعل سيكارة والقداحة ما بتشتغل معو فبيرميها عالطاولة وبيسال اندريه سكاف :

-هلأ شو سعر النفط اليوم ؟

-أا؟

-النفط النفط شو سعرو اليوم ؟

-النفط ؟ برينت ولا عربي خفيف ؟

-ثقيل .........

-ليش عم تسال ؟

-هيك والله مجرد سؤال يعني لا اكثر ولا اقل ..........

-اها .... وكتير مضطر يعني

-شوف بقى من ناحية مضطر ..... يعني انا مو مضطر على شي بنوب ... بس هيك مجرد اخد وعطا يعني

- ايه اذا كان اخد وعطى بس هات لشوف سالني

-هلأ شو اسعار النفط اليوم ؟

-برينت ولا عربي خفيف ؟

-ثقيل

-ثقيل؟ انتي سمعان عنو شي ....

-والله سمعت انو اسعارو بدو ترتفع

-والله شوف حسب .....

-حسب شو ؟

-حسب العملة .....

-شو دخل العملة؟ ... الاسعار هيي اسعار

-لاء بتفرق كتير

-ما فهمت عليك ........

-انا رح فهمك شوف اذا الدفع باليورو بدو يغلى كتير كتير

-اي؟

-واذا الدفع بالدولار بدو يرخص اكتر

-ما فهمت عليك .........

-اذا باليورو بيتاخد بالبرميل .......

-وبالدولار؟

- بيتاخد بارضو ...........

قوية ..............اخر وحدة نار ..
شكرا كتير اخ هاني .......
تحياتي الحارة .
ظل جيفارا

روعة روعة....

وهاي تسجيل متابعة :clap::clap:

ساعة الصفر




-بدي اسالك

-سآل

-ساعة الصفر ايمت بتجي ؟

-ساعة الصفر؟.... شو جابا على بالك هلأ؟

-ولا شي ........... بس كتران الحديث عنها بهالايام

-شو هالحكي ؟

-عم حاكيك........... وين ما بتروح بتلاقيهن عم يوتوتو على ساعة الصفر ساعة الصفر وساعة الصفر وساعة الصفر قربت تجي وساعة الصفر لساتا بعيدة ..... فانا قلت لحالي لازم اعرف ايمت بتجي ساعة الصفر

-شوف والله حسب ها .....

-حسب شو ؟

-يعني اذا كان على توقيت لندن جرينيتش بيحسبوها شكل...... واذا كان على توقيت نيويورك بيحسبوها شكل تاني

-ما اختلفنا انا بس بدي افهم هيي بتجي قبل ال 12 ولا بعد ال 12؟

-شوف ... بصراحة .... يعني ساعة الصفر ما هيك بيحسبوها ...

-شلون بيحسبوها لكن ؟

-على الاغلب الها حساب خاص ....

-شو هالحساب ؟

-ليك ... لهلأ ما حدا حسبو .... بس اذا بدك رايي .... اي رح يجي يوم ويندمو ويقولو يا ريت من زمان حسبنا حساب لساعة الصفر

-اي والله يا ريت .....

-لكن ......

-(بصوت خفيف )
بس ما فهمنا بتجي قبل ال 12 ولا بعد ال 12

حلوة كتير :o


شكراااااااااااااااااااااا ااااااااااااااااااااااا كتييييييييييييييييييييييي ييييير :D
ودي

مسؤول


-بدي اسالك...

-سآل!

-شو يعني مسؤول ؟

-يعني مسؤول ...

-لاء ما فهمت عليي .... يعني اللي بقصدو شو معناها للكلمة ؟

-والله على حد علمي ما الها معنى .... تاني المسؤول مسؤول .... شغلة ما بدها شرح كتير

-ما بدي تشرحلي ياها يا اخي ...... انتي عطيني عليها مثال بلكي بفهما ........

-اااااااااااااااخ يا صاحبي ............ المسؤول شغلة كبيرة ....... كيف بدي قلك ؟

-قول لشوف ........

-يعني لو كنت انت متجوز وعندك عيلة وولاد

-اي؟

-وبتصرف عليهن وبتساعدهن

-ايوا

-وبتقدملهن من عطفك وحنانك وبتساندهن بالازمات

-اييييي ؟

-اي هيك المسؤول......ز بس في فرق بسيط انو المسكين اسرتو اكبر

-اسرتو اكبر!؟ ... اي شو هالحكي؟ مو صحيح هالحكي هاد....... بحياتي ما شفت مسؤول عندو اكتر من ولد ولدين بالكتير .......

-لك انا ما بقصد اسرتو الصغيرة للمسؤول

-لكن؟

-عم اقصد اسرتو الكبيرة يعني المجتمع

-شو هال....... المجتمع ؟ اينو مجتمع دخيلك؟

-نحنا

-ش ......... عم تنكت يعني مين نحنا ؟ انا وانتي ؟

-انا وانتي وغيرنا

-اي بحياتو ما في مسؤول حن عليي وساعدني ووقف جنبي بالازمات .......

-لانو ما بيعرفك ومانو سمعان فيك......

-يعني اذا قابلتو وعرفتو بحالي بيساعدني ؟

-طبعا ........ إذا ........... قابلتو.... ابقى قابلني

اسف ما قدرت حمل الفيديو بسبب خلل فني من اخوية
كنت مقرر ما نزل الحلقة بدون الفيديو بس بعدين قلت حرام يروح تعب كتابتها عالفاضي

بنزل الفيديو قريبا انشالله :D

مسؤول



-بدي اسالك...

-سآل!

-شو يعني مسؤول ؟

-يعني مسؤول ...

-لاء ما فهمت عليي .... يعني اللي بقصدو شو معناها للكلمة ؟

-والله على حد علمي ما الها معنى .... تاني المسؤول مسؤول .... شغلة ما بدها شرح كتير

-ما بدي تشرحلي ياها يا اخي ...... انتي عطيني عليها مثال بلكي بفهما ........

-اااااااااااااااخ يا صاحبي ............ المسؤول شغلة كبيرة ....... كيف بدي قلك ؟

-قول لشوف ........

-يعني لو كنت انت متجوز وعندك عيلة وولاد

-اي؟

-وبتصرف عليهن وبتساعدهن

-ايوا

-وبتقدملهن من عطفك وحنانك وبتساندهن بالازمات

-اييييي ؟

-اي هيك المسؤول......ز بس في فرق بسيط انو المسكين اسرتو اكبر

-اسرتو اكبر!؟ ... اي شو هالحكي؟ مو صحيح هالحكي هاد....... بحياتي ما شفت مسؤول عندو اكتر من ولد ولدين بالكتير .......

-لك انا ما بقصد اسرتو الصغيرة للمسؤول

-لكن؟

-عم اقصد اسرتو الكبيرة يعني المجتمع

-شو هال....... المجتمع ؟ اينو مجتمع دخيلك؟

-نحنا

-ش ......... عم تنكت يعني مين نحنا ؟ انا وانتي ؟

-انا وانتي وغيرنا

-اي بحياتو ما في مسؤول حن عليي وساعدني ووقف جنبي بالازمات .......

-لانو ما بيعرفك ومانو سمعان فيك......

-يعني اذا قابلتو وعرفتو بحالي بيساعدني ؟

-طبعا ........ إذا ........... قابلتو.... ابقى قابلني

حلو حلو كتير :D

مسؤول



-بدي اسالك...

-سآل!

-شو يعني مسؤول ؟

-يعني مسؤول ...

-لاء ما فهمت عليي .... يعني اللي بقصدو شو معناها للكلمة ؟

-والله على حد علمي ما الها معنى .... تاني المسؤول مسؤول .... شغلة ما بدها شرح كتير

-ما بدي تشرحلي ياها يا اخي ...... انتي عطيني عليها مثال بلكي بفهما ........

-اااااااااااااااخ يا صاحبي ............ المسؤول شغلة كبيرة ....... كيف بدي قلك ؟

-قول لشوف ........

-يعني لو كنت انت متجوز وعندك عيلة وولاد

-اي؟

-وبتصرف عليهن وبتساعدهن

-ايوا

-وبتقدملهن من عطفك وحنانك وبتساندهن بالازمات

-اييييي ؟

-اي هيك المسؤول......ز بس في فرق بسيط انو المسكين اسرتو اكبر

-اسرتو اكبر!؟ ... اي شو هالحكي؟ مو صحيح هالحكي هاد....... بحياتي ما شفت مسؤول عندو اكتر من ولد ولدين بالكتير .......

-لك انا ما بقصد اسرتو الصغيرة للمسؤول

-لكن؟

-عم اقصد اسرتو الكبيرة يعني المجتمع

-شو هال....... المجتمع ؟ اينو مجتمع دخيلك؟

-نحنا

-ش ......... عم تنكت يعني مين نحنا ؟ انا وانتي ؟

-انا وانتي وغيرنا

-اي بحياتو ما في مسؤول حن عليي وساعدني ووقف جنبي بالازمات .......

-لانو ما بيعرفك ومانو سمعان فيك......

-يعني اذا قابلتو وعرفتو بحالي بيساعدني ؟

-طبعا ........ إذا ........... قابلتو.... ابقى قابلني
....................................... هلأ مبدئيا طول ما هو مسؤول ما فيك تشوفه بس لناخد خدام مثلا ....
ما رح نحكي فهمتوا لحالكن
تحياتي الحارة
ظل جيفارا

سوء فهم


_دخلك شو رايك بالأمة ؟
_والله لازم يتعلم
_مينو هاد !
_الامي
_ما فهمت علي قصدي الامة
_فهمت عليك هو عبئ على نفسو وعلى المجتمع كمان
_كمان ما فهمت علي لك انا قصدي الامة
_ايه يعني هلئ هو مو ذنبو لحالو يعني كمان المجتمع بيتحمل جزء من المسؤولية
_هوهوا:frown: علينا شو صايرلك اليوم لك انا قصدي الامة بالتاء المربوطة
_اي شو يعني فكرك في امي بيعرف جزء من الاحرف ومابيعرف الباقي الامي امي بكل الاحرف
_هلئ انت غشيم ولا عم تغشم حالك ؟
_التنين سوا
_شلون هيك!!؟
_يعني من ناحية غشيم وناحية عم غشم حالي
_وليش بقى ؟:?
_لاني واحد من هالامة
_يعني فهمان عليي
_ومن اول سؤال
_جاوبني لكن
_شو كان السؤال..؟
_شو رايك بالأمة ..؟
_تبع التاء المربوطة
_اي
_متل التاء تبعها
_مربوطة مربووووطة :sick:

أخر سؤال

_عجبك هيك ضروري تسأل هالسؤال يعني
_ مو على اساس ديمقراطية وحرية رأي والرأي الآخر ومابعرف شو
_لك ايه بس مو لهدرجة الف مرة قلتلك مافي داعي اطول لسانك وتحكي شروي غروي
شفت سؤالك لوين وصلنا
_صحي لوين وصلنا
_والله مابعرف .. مابعرف وين وصلنا ..منيح عم اعرفك من صوتك
_بس لازم نعرف وين وصلنا
_الله لايعرفك شو عم يوجعك ... طول عمري بقلك انت واحد غرار وكتير غلبة وبتدخل باشياء ما بتخصك
وبتسال اسئلة ما بتنزل بأبان
_اي كل شي سألتو سؤال صغير هو ياترى ايمتى رح..:willi:_ _ لك هس ..
.هس الله لايوفقك ما بيكفي وصلنا لهون
_ ليش هنيك احسن من هون كلو متل هون
_قولتك ..متل بعضو
_طالما متل بعضو خليني اسألك سؤال
_اسآل ..
_دخلك اديش الساعه هلئ
_لك هسس ليش عم تسأل
_ مجرد سؤال ... حسب يعني
_حسب شو ..
_حسب الحالة ..
_أي ماشي الحال ..
_ وينك
_ ايه
_هلئ إذا واحد مشي تلت خطوات احسن مايمشي خطوتين ولا إذا كان ماشي اربع خطوات احسن
_ليك إذا قسمن بالنص وكب نصن بالبحر وبتجمع فوئين تنتين وبتقص تمانة بصفي معك انك بجوز تصفي واقف بأرضك هاد احسن شي
_يعني وحدة لقدام و وحدة لورا
_ وحدة لورا والتانية لورا..
_ ماشي

حلوين كتير ................شكرا كتير صديقي ابو سليمان ...." عالهامش ليش ما عم نشوفك عالماسنجر "
من وين عم تجيبوهن شباب يا ريت ابو سليمان تنزلهن فيديو اذا ممكن .
تحياتي الحارة
ظل جيفارا

صديقي محمد بالنسبة للفيديو مابعرف الشباب من وين عم يجيبون بالنسبة إلي انا بشوفهن على youtube
ومابقدر نزلن وزبطهن من هالموقع لعدة اسباب لهيك بتمنى من اممي يتكرم وينزلن
وبالنسبة للهامش هي عالهامش كمان : يمكن الوقت اللي عم ادخل فيه ماعم تكون موجود انت وانا بالعموم
ماعم ادخل كتير متل اول

تحياتي إلك وللشباب :D

صديقي محمد بالنسبة للفيديو مابعرف الشباب من وين عم يجيبون بالنسبة إلي انا بشوفهن على youtube
ومابقدر نزلن وزبطهن من هالموقع لعدة اسباب لهيك بتمنى من اممي يتكرم وينزلن
وبالنسبة للهامش هي عالهامش كمان : يمكن الوقت اللي عم ادخل فيه ماعم تكون موجود انت وانا بالعموم
ماعم ادخل كتير متل اول

تحياتي إلك وللشباب :D

بالنسبة للمقاطع انا ناطر مشكلة هالمرفقات لتخلص لان عم يصير كتير اني عم انطر شي 10 دقايق لنزل المقطع وبالاخر بيقلي فيه خطا
بس باقرب فرضة بتكرم عيونكن :D

نزولا عند رغبة حسان كنت جاي نزل حلقة جديدة

بس جربت ارفع الفيديو تبع الحلقات الماضية ما مشي الحال كمان
اجيت انفقست ومصيبة انا بس انفقس (يعني مو من مصلحة الواحد يوقف بوجهي بس انفقس غير اذا كان بيضحي بكم عضمة من جسمو بشي عين ادن اذا بيضحي تنشال شقفة من خدو يعني )

لهيك ما رح نزل شي جديد لحتى يمشي حال المرفقات :pos:

لك لك لك

هاني شو هالقرار هادد

خيو خلينا كتابة احسن من ولا شي


يلا ولو بربك :D

يعطيكون العافية

تسجيل متابعة

كتير كتير حلوين




مايسترو

الفكرة كتير حلوة بس ... ما في صلاحية للتنزيل ... ما في صلاحية للتنزيل ... ما في صلاحية للتنزيل ... ما في صلاحية للتنزيل ... ما في صلاحية للتنزيل ... ما في صلاحية للتنزيل ... ما في صلاحية للتنزيل ... ما في صلاحية للتنزيل:cry::cry::cry::cry::cry::cry: