ما بعرف اذا سمعتو عن اثلة خطيب. اللي متل ما وصفها نضال معلوف انها "تصارع الغيلان"
عالم متمرسة التهريب والسرقة والنصب والنهب ومين بيعرف, يمكن القتل.

اثلة هالحالة الناااادرة بمجتمعنا السوري, عم تحارب فساد امانة عدرا, لحالا!!
اعتقد انها رح توقع حالا بمشاكل كبيرة. (ما بدها شرح ليش)

بس يمكن اذا بينت قوية ومدعومة اللي بحاول يأذيها بعد للعشرة قبل ما يعمل اي شي.

لهيك ما حبيت اني ضل واقف متفرج. وحبيت نزل موضوع, لو بيطلع بالايد اكتر ما كنت قصرت.

رغم اني متشائم جدا انو بكرا بطلعوها غلطانة وبيعملولا شي مشكلة بمساندة القيادة العليا والحمدلله, لكن انا شخصيا معها وباصملا بالعشرة كمان, وشو ما عملت ما بتقصر.

تحية احترام لاثلة ولكل مفتش شريف, ولو انهون قلال


اللي ما بيعرف عن شو عم احكي, يقرا هالموضوع على سيريا نيوز
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الله يقويها و تكون سابقة ناجحة و يبلشو يحسو حيتان الفساد و حرمية هالبلد انو هالبلد مو مزرعة أبوهون

بكرا بطلعوها غلطانة وبيعملولا شي مشكلة بمساندة القيادة العليا والحمدلله


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ولك تفه
تفه

ما بعرف شو قول

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ولك تفه
تفه

ما بعرف شو قول

كالعادة .. لسى الآتي أفظع بحق هالمخلوقة الغيرانة ع بلدها ..

:D

محمد ناجي عطري

ليش وقف عمل المفتشة؟؟ هل لانو الو علاقة باللي عم يصير تبع امانة عدرا؟؟
او هل لانو شي حدا اشترالو كيلو جبنة, وقلو يوقف التحقيق؟؟

او مثلا يعني خايف على مصلحة البلد؟؟
لا فعلا خايف على مصلحة البلد, يبدو انو النكش على ملفات امانة عدرا, رح تفضح كتير مسؤولين بالدولة, اولهون محمد ناجي عطري, رئيس مجلس الوزراء.
مشان هيك امر بتوقيف التحقيق.

هلق السؤال لجماعة الموالاة وتلحيس بواط وزراء الحكومة. شو رح يكون رأيهون بهالموضوع؟؟
يعني انا فعلا هيك عندي فضول اعرف شو وجهة نظرهون من هالموضوع ومن هالطريقة الفذة بمحاربة الفساد؟؟

الله يساعدها على هيك نظام وهيك عيشة :cry:

هلأ تطلع المفتشة بنت ابن عم خدام و و في قربة نسوان بينها و بين ابن سلفة البيانوني و يبان المشروع الامبريالي الصهيوني الانقسامي الانبطاحي للسيطرة على الاقتصاد الوطني...


يعني ميرو منوينلو مليار ليرة لحتى يشغلها عند تجار حلب؟؟؟ و غير هالمليار الله عليم شو عندو!! و هلأ العطري عم يعبّي



لو عنّا حكومة بتحترم حالها كما يستحق الشعب السوري كان من بكرا الصبح رئيس الوزراء يقدّم استقالتو و ينفتح تحقيق بالموضوع



الله يرحم أيام انحجبت الثقة عن وزير لأنو انشافت سيارتو الرسمية بالزبداني بعد الدوام


الله يرحمك يا شكري القوتلي, الله يرحمك يا ناظم القدسي, الله يرحمك يا فارس الخوري.... الله يرحم شرفاء الوطن كلهم, الأحياء منهم و الأموات

عوجا عوجا الأتاية عوجة عوجة عوجة
الله يصلحها ويهديها حتى تكون قد المافيا تبع التجار ................. عوجة عوجة
الأتاية عوجة ترى أنا ماحكيت شي سامحونا

كان من بكرا الصبح رئيس الوزراء يقدّم استقالتو

ليش بدو يقدم استقالتو؟؟
عم يسرق على كيفو وما حدا عم يحكيه, لا بالعكس عم يزقفولو.

بالاصح لو الحكومة بتحترم حالا كانت اقالتو, ما كانت نطرتو لاستقال!!

بالزمانات كنا عم نحكي عن الاعدام واجت سيرة الخازوق.
اي هاد اللي بيستاهل الخوزقة.

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

في الوقت الذي كانت تستعد فيه الهيئة المركزية للرقابة والتفتيش، للتوسع فيما وصلت إليه المفتشة أثلة الخطيب من تحقيقات بقضايا التخليص الجمركي في أمانة الجمارك بعدرا، والتي أدت للكشف عن عملياتتخليص وهمية (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)، أفاد مصدر مطلع بصدور قرار عن مكتب رئاسة الوزراء بوقف عملها في تدقيق بيانات أمانة الجمارك إلى اجل غير مسمى.

جدير ذكره أن عملية التفتيش بدأت يوم الأحد من هذا الأسبوع، وكانت الصحف الرسمية قد هاجمت يوم أمس المفتشة ، التي قامت بعد وصول إلى أمانة الجمارك واكتشافها نقص (شاحنتين) من الشاحنات المسجلة في بيانات القوافل الداخلة إليها والمسجلة على قيودها، باتخاذ إجراءات صارمة، وأمرت بإغلاق أبواب الحرم الجمركي ومنعت دخول وخروج أي سيارة، إلا بعد الوقوف على تدقيق بياناتها، مما أدى إلى اكتشاف عمليات تخليص جمركي وهمية لسبع شاحنات، دخلت إلى سوريا دون تفتيش ودون أن يتحقق موظفو الجمارك من نوعية البضائع التي تحملها.

جديع دواره – سيريانيوز
الموضوع المتعلق :
مفتشة شابة تكشف عن صفقة "مشبوهة" في الجمارك (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

قبلون لازم مجلس الشعب يجتمع ويناقش الوزارة كلها و يحجب الثقة عنها كلها او عن الوزير المسؤول

تم تثبيت الموضوع دعماً لأثلة الخطيب

:cry: لك لسى ما لحقت امبارح .. حس بالفخر فيها ...
شيء مخجل ..



ع الهامش :
برافو سيريا نيوز ( الله يستر ما يوصلن بكرة أمر .. يمحو الاخبار .. )

قبلون لازم مجلس الشعب يجتمع ويناقش الوزارة كلها و يحجب الثقة عنها كلها او عن الوزير المسؤول


لاء مو ناقص الا تقلي انو مجلس الشعب رح يجتمع ويطالب بشار الاسد يستقيل :lol:

اي شو مفكر نحني ببريطانيا ولا المانيا ليحجبوا الثقة عن الحكومة اصلا الحكومة من رئيسها لوزرائها هني اركوزات بتحركن مراكز القوى اللي متخباية وراء الستار واكيد اجتو الاوامر للعطري يوقف قصة المفتشة مشان يحمي المتورطين الحقيقيين

لا مكان للشرفاء في سورياهذا القرار أزالا اي شك كان لدا البعض بكيفية نظرة هذاالنظام للمواطن السوري المسكين.يعني بكل وقاحة صار اللعب على المكشوف. :sick::sick:

لا تعليق....



بالأسود كفناه...

ولساتوهون وموقفينا
والعطري ما حدا التكش فيه.

والناس مو فارقة معها

ولساتوهون وموقفينا
والعطري ما حدا التكش فيه.

والناس مو فارقة معها

بجوز لاقولها شي تهمه وعم يظبطولها الاضباره ... أو بجوز تنتحر ؟

هي مو أول مرة..

في كتير ناس دفعت هاد الثمن قبل.. شوف عصام الزعيم مثلاً اللي طلعوه حرامي آخر شي

مافي مجال بدهم يخلوها تنتحر عالطريقة السورية:frown: