-
دخول

عرض كامل الموضوع : سوريا رمز الصمود و الشوكة في حلق العدو " الى الآن "

sezar
03/12/2007, 15:03
على مر العقود و سوريا حامل راية الصمود و النضال في وجه العدو التاريخي ..
و المفترض أنه أزلي .. هذا بحسب ما درسنا في كتب " التربية القومية " ..
و أما العرب و الغرب فينظر الى سوريا الشوكة الصامدة في حلق العدو ..
بينما يُنظَرُ الى دول جوار اسرائيل الباقية و بالتحديد الأردن و مصر الى أنها دول متعاونة ..
و على أنها أخجلت شعبها بفتح سفارات لاسرائيل في أراضيها ..
و كون سوريا ما يزال جزء من أرضايها تحت الحتلال فنحن دولة الصمود ..
لكن ماذا يحدث لدولة الصمود و الشوكة الأزلية .. في حال عادت الأراضي بالسلم .. و تم " الـسلام " ..
كيف ستصبح صورتنا .. ما مدى تأثير ذلك على كرامتنا .. و أين نحن كشعب من ذلك ...

*تنويه :
في موضوعي هذا لست مؤيدا و لا معارضا .. بل طرحت نقاط خطرت ببالي و أسئلة بحاجة الى اجابة
بنفسجة
03/12/2007, 15:11
انا اذا اجيت على رايي
لايمكن ان تعود الارض بالسلم اطلاقا
واذا عادة فليش لا وين رح تاثر على وجه سوريا ومين قثال انو الصمود الو وجه اخر
الا تعتبر تخلي اسرائيل عن قطعة ارض غنية مثل الجولان اتى من جراء صمود عنيد ادى الى استسلام سلمي للعدو
على كل برجع وبقلك ابدا الارض لاتعود بالسلم لانو التجارب علمتنا ما اخذ بالقوة لا يسترد الا بالقوة
انما عملية السلام هذه مجرد خطوات لاثبات المقولة الثابتة وانها كلها دائما حبر على ورق
sezar
03/12/2007, 15:13
صمود مين .. ؟ و اسرائيل في حال رجعت الجولن بكون كسبت سوريا كلا ;)
dajon1976
03/12/2007, 15:15
مرحبا
أعتقد أن السلام -إن تم- فسيكون أبرد و أجمد من السلام المصري لأن السوريين مثقفون عموماً و على درجة أعلى من المصريين.
و لكن السؤال الحقيقي هو: ما مدى تأثير زوال الخطر الخارجي أمام تهديد الخطر الداخلي و المتمثل بالطغيان الأصولي؟؟فالأنظار كانت موجهة جنوباً نحو العدو بحيث أننا نسينا جنين التطرف الذي أخذ في النمو و ازداد التوجه المجتمعي أكثر نحو اليمين.
و لي عودة للتوضيح
تحياتي
COSTA
03/12/2007, 18:55
على مر العقود و سوريا حامل راية الصمود و النضال في وجه العدو التاريخي ..
و المفترض أنه أزلي .. هذا بحسب ما درسنا في كتب " التربية القومية " ..
و أما العرب و الغرب فينظر الى سوريا الشوكة الصامدة في حلق العدو ..
بينما يُنظَرُ الى دول جوار اسرائيل الباقية و بالتحديد الأردن و مصر الى أنها دول متعاونة ..
و على أنها أخجلت شعبها بفتح سفارات لاسرائيل في أراضيها ..
و كون سوريا ما يزال جزء من أرضايها تحت الحتلال فنحن دولة الصمود ..
لكن ماذا يحدث لدولة الصمود و الشوكة الأزلية .. في حال عادت الأراضي بالسلم .. و تم " الـسلام " ..
كيف ستصبح صورتنا .. ما مدى تأثير ذلك على كرامتنا .. و أين نحن كشعب من ذلك ...

*تنويه :
في موضوعي هذا لست مؤيدا و لا معارضا .. بل طرحت نقاط خطرت ببالي و أسئلة بحاجة الى اجابة

اي عادي الموضوع ... شو يعني ..
لو صار السلام في شغلات كتير منقدر نكون فيها رمز الصمود
:larg::larg::larg:
اصلا كل عمرنا رمز الصمود
من ايام حمورابي ونحنا رمز الصمود
وكان جدي مختار الحارة
و كانت ستي تعلم نسوان الحارة الطبخ


قلك شغلة سيزر
عالهوارة احسن شي :larg::larg::larg:
butterfly
04/12/2007, 08:30
:lol: وقتا بيتغير الخطاب بتوقع
وبعدين نحنا من طول عمرنا كانو يدرسونا كمان
السلام العادل والشامل .. ورغبة سوريا الحقيقية للسلام اللي كان المحتل عم يعرقل الأمور
بيبقى وقتا بيضخمو هادا الجانب وبيصغرو جانب الصمود والممانعة
وبتمرق :fthink:
ASH
04/12/2007, 10:02
صمود مين .. ؟ و اسرائيل في حال رجعت الجولن بكون كسبت سوريا كلا ;)

لا صديقي ما بتكون كسبت سوريا كلها ، بهل حاله نحنى رجعنا الجولان ، و بحالة التطبيع ما بتوقع التطبيع لح يكون متل مصر و الاردن انو بهل طريقه الجائره هي ...

بس برايك هيك مو افضل ما تفوت بسوريا عنيفه ، و من نتائجها لح يكون استرداد الجولان انا متاكد بس كمان معناها دمار كبير من الطرفين ، و أسرئيل بهل مرحله الحاليه مالها مصلحه بانها تفوت بحرب على مستوى الدوله كامله ...

انا براي انو لو ما نجحت الطرق السلميه بشكل او باخر لح تكون الحرب الحل الاخير يلي مافي ملاص منو و كل مالها الامور عن تتعقد اكتر و اكتر ..

بس يكفي انو سوريا لحد الأن الدوله الوحيده يلي صامده بوجه أسرئيل ، بعتبارها من دول الجوار الهم

مشكور علطرح حبي:D
yass
04/12/2007, 10:49
يا سيدي بس ترجع الأراضي بالسلم أنا قبلان أنو نبطّل نصير دولة صمود... بالناقص
ASH
04/12/2007, 12:44
يا سيدي بس ترجع الأراضي بالسلم أنا قبلان أنو نبطّل نصير دولة صمود... بالناقص


بس في شي بيقلك كمان ما اخذ بالقوه لا يسترد غلا بالقوه !!!

بس انا بتمنى يصير هل شي بدون تدخل القوه
yass
04/12/2007, 12:48
بس في شي بيقلك كمان ما اخذ بالقوه لا يسترد غلا بالقوه !!!

بس انا بتمنى يصير هل شي بدون تدخل القوه

هاد حكي جرايد يا شيخ.... يا سيدي يسترد بالسلم لما تكون قوي قبل القوة
phoenixbird
04/12/2007, 17:44
طيب سؤال انو رجعنا الجولان وخلصنا وعملنا سلام طب شو بعدين ؟
ASH
04/12/2007, 19:10
هلأ حكي جرايد حكي جرايد بس كمان فيه وجهة نظر

وكنانو شو بدو يصير يعني تطبيع و شو بدنا نعمل بنعمل بريق شاي
abosleman
04/12/2007, 19:33
ليش مين قال انو رح يصير سلام ......:shock: يعني معقول يعملو سلام ويغيروا كتاب القومية :pos:
ASH
04/12/2007, 20:31
ليش مين قال انو رح يصير سلام ......:shock: يعني معقول يعملو سلام ويغيروا كتاب القومية :pos:

هلأ تغير كتاب قوميه ولا تغير خريطه و شوارع لووول :shock:
abosleman
04/12/2007, 21:06
هلأ تغير كتاب قوميه ولا تغير خريطه و شوارع لووول :shock:



اي ... ما بيصير تغيير خريطة وشوارع إذا ما غيرت كتاب قومية .... :? لانو لا سلام بدون تغيير كتاب القومية
وهاد الشي اللي من الصعب جدا انو يصير إلا إذا - وما ادراك ما هذه الـ إذا - خلصت المسرحية
COSTA
04/12/2007, 23:44
ليش ما مناخد العملية عكسية ونحسبها من طرف تاني
لو بحرب 67 ربحنا على اسرائيل واخدنا اراضي ووصلنا لصفد مثلا ( هي مثلا )
كانت طالبت فيها اسرائيل او طالبو فيها الفلسطينيين ؟؟؟
يا ترى رح تكون اسرائيل رمز الصمود والتصدي وتفاوض على الاراضي ....
او الفلسطينيين رح يقبلو ترجع الاراضي بدون مفاوضات مع سوريا ...
جاوبوني وبقلكون الصمود والتصدي ...
sezar
04/12/2007, 23:45
يا سيدي بس ترجع الأراضي بالسلم أنا قبلان أنو نبطّل نصير دولة صمود... بالناقص
:lol:
هوي صحيح
بس وجب الاستفسار ..
مالقيت رقم فاكس ابعت علي فحطيت موضوع :p
ري مي
04/12/2007, 23:58
مدري ليش أصبت بشي ما بعرف اذا كان هالشي اجاني عدوى او انو هيك اجتاحني فجأة
مممممم... أنو فقدت الرغبة بالتفكير بموضوع فلسطين والعراق ولبنان والازمة بين اثيوبيا والصومال وال... وال...
وسوريا وفيما اذا كنا رح نبقى صامدين وللا رح يصير حرب وتخرب الدني والبنى التحتية وللا كلوا بالوقت بيظبط وللا مابعرف شو



أصبت بنوع من الملل من متابعة الاخبار والبرامج السياسية والقرف من كل شي
يعني بعرف انو اضافتي او عدم اضافتي لهالموضوع مو شغلة عظيمة يعني مو قصة اي بعرف بس باعتباري مواطنة سورية بالدرجة الاولى وعربية(..)
ف حدا منكم صار فيه متلي؟؟؟؟؟
BL@CK
05/12/2007, 00:07
لا سلام إلا بعودة جميع الأراضي العربية المحتلة , وفق قوانين الشرعيّة الدولية .. :lol:
ayhamm26
05/12/2007, 02:05
على مر العقود و سوريا حامل راية الصمود و النضال في وجه العدو التاريخي ..
و المفترض أنه أزلي .. هذا بحسب ما درسنا في كتب " التربية القومية " ..
و أما العرب و الغرب فينظر الى سوريا الشوكة الصامدة في حلق العدو ..
بينما يُنظَرُ الى دول جوار اسرائيل الباقية و بالتحديد الأردن و مصر الى أنها دول متعاونة ..
و على أنها أخجلت شعبها بفتح سفارات لاسرائيل في أراضيها ..
و كون سوريا ما يزال جزء من أرضايها تحت الحتلال فنحن دولة الصمود ..
لكن ماذا يحدث لدولة الصمود و الشوكة الأزلية .. في حال عادت الأراضي بالسلم .. و تم " الـسلام " ..
كيف ستصبح صورتنا .. ما مدى تأثير ذلك على كرامتنا .. و أين نحن كشعب من ذلك ...

*تنويه :
في موضوعي هذا لست مؤيدا و لا معارضا .. بل طرحت نقاط خطرت ببالي و أسئلة بحاجة الى اجابة


ما رح يصير لاسلام ولا شي ولا رح يرجع الجولان لانو لو صار سلام يعني ما في ممانعة وصمود وتصدي يعني ما رح تبقى اي حجة للفساد ونهب البلد و القمع وتكميم الافواه

بعدين النظام همو الوحيد هلق يرجع لبنان مو الجولان
ASH
05/12/2007, 09:54
لا سلام إلا بعودة جميع الأراضي العربية المحتلة , وفق قوانين الشرعيّة الدولية .. :lol:

وين سمعان هل حكي هاد كتير بس ماحدا بيرد عليه :o:lol:


كوستا عجبتني معادلتك فعلا كلام جميل ، بس مالقتلها حل لانو يمكن مالها حل اصلن
COSTA
05/12/2007, 17:02
كوستا عجبتني معادلتك فعلا كلام جميل ، بس مالقتلها حل لانو يمكن مالها حل اصلن

لاء كتير بسيطة الشغلة
ما هي معروفة انو دائما الخاسر بيطلق شعاراتو الرنانة
;)
BL@CK
05/12/2007, 17:08
وين سمعان هل حكي هاد كتير بس ماحدا بيرد عليه :o:lol:

بأخبار التمانة و نص , أكيد .. :lol:
ASH
05/12/2007, 17:24
لاء كتير بسيطة الشغلة
ما هي معروفة انو دائما الخاسر بيطلق شعاراتو الرنانة
;)

كمان هيك فيها وجهة نظر ولله يا حبي ، بس انو شو المغزا

بأخبار التمانة و نص , أكيد .. :lol:

اي ولله يا رجل كل يوم كل يوم كل يوم ، و ما كان يرجع شي
brave heart2
07/12/2007, 10:47
حاج صمود وممانعة كلها لعب وراق للبقاق على كراسي السلطة

حتى لة كانت على حساب الارض او الشعب او اارض وشعوب دول الجوار كلو

يعني ما بعرف انو كل مازاد الصمود بتزيد البطولة اذا ضل الجولان لسى 500 سنة محتل

منكون اكثر صمود وبطولة