ولد الشاعر الشعبي محمود بيرم التونسي في الإسكندرية في 3 مارس 1893م ، وسمي التونسي لأن جده لأبيه كان تونسياً ، وقد عاش طفولته في حي شعبي يدعى " السيالة " ، إلتحق بكُتّاب الشيخ جاد الله ، ثم كره الدراسة فيه لما عاناه من قسوة الشيخ ، فأرسله والده إلى المعهد الديني وكان مقره مسجد أبي العباس ، مات والده وهو في الرابعة عشرة من عمره ، فانقطع عن المعهد وارتد إلى دكان أبيه ولكنه خرج من هذه التجارة صفر اليدين .
كان محمود بيرم التونسي ذكياً يحب المطالعة تساعده على ذلك حافظة قوية ، فهو يقرأ ويهضم ما يقرؤه في قدرة عجيبة ، بدأت شهرته عندما كتب قصيدته " بائع الفجل " التي ينتقد فيها المجلس البلدي في الإسكندرية الذي فرض الضرائب الباهظة وأثقل كاهل السكان بحجة النهوض بالعمران ، وبعد هذه القصيدة انفتحت أمامه أبواب الفن فانطلق في طريقها ودخلها من أوسع الأبواب .
أصدر مجلة المسلة في عام 1919 م وبعد إغلاقها أصدر مجلة الخازوق ولم يكن حظها بأحسن من حظ المسلة .
نفي إلى تونس بسبب مقالة هاجم فيها زوج الأميرة ( فوقية ) ابنة الملك فؤاد ، ولكنه لم يطق العيش في تونس فسافر إلى فرنسا ليعمل حمّالاً في ميناء ( مرسيليا ) لمدة سنتين ، وبعدها استطاع أن يزوّر جواز سفر له ليعود به إلى مصر ، فيعود إلى أزجاله النارية التي ينتقد فيها السلطة والاستعمار آنذاك ، ولكن يلقى عليه القبض مرة أخرى لتنفيه السلطات إلى فرنسا ويعمل هناك في شركة للصناعات الكيماوية ولكنه يُفصل من عمله بسبب مرض أصابه فيعيش حياة ضنكاً ويواجه أياماً قاسية ملؤها الجوع والتشرد ، ورغم قسوة ظروف الحياة على بيرم إلا أنه استمر في كتابة أزجاله وهو بعيد عن أرض وطنه ، فقد كان يشعر بحال شعبه ومعاناته وفقره المدقع . وفي عام 1932 يتم ترحيل الشاعر من فرنسا إلى تونس لأن السلطات الفرنسية قامت بطرد الأجانب فأخذ بيرم يتنقل بين لبنان وسوريا ولكن السلطات الفرنسية قررت إبعاده عن سوريا لتستريح من أزجاله الساخرة واللاذعة إلى إحدى الدول الأفريقية ولكن القدر يعيد بيرم إلى مصر عندما كان في طريق الإبعاد لتقف الباخرة التي تُقلّه بميناء " بور سعيد " فيقف بيرم باكياً حزيناً وهو يرى مدينة بور سعيد من بعيد ، فيصادف أحد الركّاب ليحكي له قصته فيعرض هذا الشخص على بيرم النزول في مدينة بور سعيد ، وبالفعل استطاع هذا الشخص أن يحرر بيرم من أمواج البحر ليجد نفسه في أحضان مصر .
بعدها أسرع بيرم لملاقاة أهله وأسرته ، ثم يقدم التماساً إلى القصر بواسطة أحدهم فيعفى عنه وذلك بعد أن تربع الملك فاروق على عرش مصر فعمل كاتباً في أخبار اليوم وبعدها عمل في جريدة المصري ثم نجح بيرم في الحصول على الجنسية المصرية فيذهب للعمل في جريدة الجمهورية ، وقد قدّم بيرم أعمالاً أدبية مشهورة ، وقد كان أغلبها أعمالاً إذاعية منها ( سيرة الظاهر بيبرس ) و ( عزيزة ويونس ) وفي سنة 1960م يمنحه الرئيس جمال عبد الناصر جائزة الدولة التقديرية لمجهوداته في عالم الأدب . ولكن مرض الربو وثقل السنين يتمكنا من شاعرنا ليتوفى في 5 يناير 1961م .
غنّت له أم كلثوم عدة قصائد مما ساعد على انتشاره في جميع الأقطار العربية ، وظل إلى آخر لحظة في حياته من حملة الأقلام الحرة الجريئة ، وأصحاب الكلمات الحرة المضيئة حتى تمكن منه مرض الربو وثقل السنين فيتوفى في 5 يناير 1961م بعد أن عاش 69 عاماً



عن ويكبيديا .....:D

تنويه : عملت بحث عن شيء للشاعر بيرم التونسي وماطلع معي شي
إذا كان في موضوع ما شفتو له بتمنى تعملو الاجراء المناسب

الجماهير


م المستحيل إنت تخدع أي طفل صغير

و تلف عقله و تعطيه القليل بكتير

لكن بأهون طريقه تخدع الجماهير

لو كنت أغبى غبي تجري وراك و تسير

خليل يصقَّف, يصقف شعب ويا خليل

من غير ما يسأل عن الأسباب والتفاصيل



و حمار يغني, وجايب من يقول له: آه

حالاً تقول الخلايق كلها ويّاه



الحق يخفى وفي وسط الزحام ينداس

وناس في فهم الحقيقه, تتكل على ناس

ويساعدك الحظ ياللي تحسن التجعير

خطاب إلى الموميه


في مصر كنت الملك لك جيش ولك حاميه

ودوله غير دولتك ما تعمل الموميه

و امه غير امتك ما تزرع الباميه

ولما خشوا عليك المقبره يلاقوك

نايم مفتح .. ولكن في بلد عـميه

الصنم

هبط الجنيه من قمّته و المليونير : ضج و لطم

و لما تهبط ذمته الحزن ينساه و الألم

و لما تسقط حرمته يظن روحه محترم

عنده الجنيهات كل شيء و كل شيء غيرها عدم



أما الفقير قام و استجار و من الهلع قلبه انخلع

بايت يفكر .. ليل نهار ليرتفع سعر السلع

و اللحمه اهيه و الخضار أسعرها حتسوق الدلع

ياما الجنيه رخّص رجال و غَلىَّ أسعار الغنم



دي جيفه منتنه صار ابن آدم عبدها

فليسقط الصنم الجنيه اللي بتسجد له الأمم

المجلس البلدي


قد أوقع القلبَ في الأشجانِ والكمدِ

هوى حبيبٍ يُسمّى المجلس البلدي

ما شرّد النومَ عن جفني سوى

طيف الخيال، خيال المجلس البلدي



.. حتى يقول

كأنّ أمي أبلّ الله تربتها

أوصت فقالت: أخوك المجلس البلدي

أخشى الزواج، فإنْ يومُ الزواج أتى

يبقى عروس صديقي المجلس البلدي

وربما وهب الرحمن لي ولدًا

في بطنها يدّعيه المجلس البلدي

يا بائع الفجل بالمليم واحدةً

كم للعيال؟ وكم للمجلس البلدي؟

عتاب

ليه امشى حافى ،وانا منبت مراكيبكم
ليه فرشى عريان،وانا منجّد مراتبكم
ليه بيتى خربان ،وانا نجّار دواليبكم
هى كده قسمتى؟
الله يحاسبكم!

ساكنين علالى العتب،وانا اللى بانيها
فارشين مفارش قصب،ناسج حواشيها
قانيين سواقى دهب،ونا اللى ادور فيها
يارب ماهوش حسد
لكن بعاتبكم

من الصباح للمسا،والمطرقه فيدى
صابر على دى الاسا ! حتى نهار عيدى
ابن السبيل انكسى ، واسحب هرابيدى
تتعروا من مشيتى
واخجل اخاطبكم

ليه تهدمونى وناللى عزكم بانى
انا اللى فوق جسمكم قطنى وكتانى
عيلتى فى يوم دفنتى مالقيتش اكفانى
حتى الاسيّه وانا راحل وسايبكم؟

بدنجان

يا شرق فيك جو منور

والفكر ضلام

وفيك حراره يا خساره

وبرود اجسام

فيك تسعميت مليون زلمه

لكن اغنام

لا بالمسيح عرفوا مقامهم

ولا بالاسلام

هي الشموس بتخلي الروس

كدا هو بدنجان



يتبع .....:D

سيد درويش

من بعد موته بعام طلعت لنا أقوام
حطوا عليه مكدام وقالوا فنه قديم

قديم وسوقه بار وشغل طبله وطار
وشبعانين أدوار وشبعانين تقسيم

هو القديم يا قوم يقدم في ليلة ويوم
هو بصل أم توم ولا بلح أبريم

ده فنه لو ينزاع وفـ تسجيلات يتباع
لتصبحوا صياع ما تكسبوش مليم

انا عشقت بكام ؟ وهويت يا سلام
ومنيتي دي غرام أروح معاها غريم

هو العظيم يا ناس [أرضكم ينداس
والتافه الهلاس نشبعه تكريم ؟

قولوا تخمنا السوق حتى صبح مخنوق
بفننا المسروق من إرث كل يتيم

جهل ... فقر .. مرض

الجهل قال للصنايعي : إخلف المواعيد
و قول لهم بعد بكره و بعد بكره.. عيد
واحلف لهم بالطلاق إن القديم دا جديد
تفوت عليه السنه يقعد يِنِشّ و حيد
و يبتدي الفقر و الأمراض و التشريد
في مره يسرح بقُفَّه : يا حمش و يا لذيذ
و يوم يبيع يانصيب إن كان صنعه تفيد
و يوم في عركه العساكر يسحبوه في حديد
و لما ينصاب براجعه أو بتيفوئيد
تقول أُمه : دي عين حطت عليك يا بعيد

رأس المال

جبان يفزع و يتخبىَّ إذا هَبَّ النسيم حبَّه
و لما تعصف الأرياح يخلي حبته قُبَّه

و لما يقولوا دي مظاهره بريئة من بنات طاهرة
بنوك القطر و القاهره تحط القفل و الضبه

و لو عيل بزماره نفخ في أيها حاره
يقول الليلة فيه غاره و أنا اللي حاكل الضربه


يا رأس المال يا متدلِّلْ عايز لك للسكن منزل
فراشه ورد و قرنفل و روضة فيها تتربَّى

بخمسين قرش

بخمسين قرش ترفع ميكرفونك لوش الفجر وزيادة شوية
وخمسين قرش توضع نص درهم بجيب خصمك وترميه في بليه
وخمسين قرش تنهب اجزخانه من المستشفيات القاهرية
وخمسين قرش يعفيك المفتش من الغرامات ويشط لك قضية
وخمسن قرش تتبدل محاضر بتهمة عليك وتتحول عليه
وخمسين قرش شيخ حارتك يخلي ولادك يهربوا من العسكرية
وخمسين قرش محفظتك تعود لك من النشال بالوسطه القوية
وخمسين قرش اكتبلك مقالة بأنك من رجال العبقرية

الأوله آه

الأوله آه
و التانيه آه
و التالته آه
الأوله مصر . و ف مصر قالوا تونسي و نفوني
جزات الخير و إحساني
و التانيه تونس . و فيها الأهل جحدوني
و حق الغير ما وافاني
و التالته باريس . و ف باريس جهلوني
و أنا موليير في زماني
الأولى أشتكيها للي أجرى النيل
و التانيه لطَّشْتْ فيها ممتثل و ذليل
و التالته دمعي عليها غرَّق الباستيل

باريس

يامدمزيل ياللي ف قصرك يازينه عصرك
المبسط يحبك على خصرك يتهز قوام
في الحرب بتواسي المجاريح فوق الطراريح
وتـقـلبي الغـم بـتـفـريح والنار بغرام
ومشيتـك في السكه غزال وقيافتـك عال
كدا سلت ملت مفيش خلخال وسخام لطام
ولا الايدين فيها غوايش ولا شيء حايش
كدا لهط مهط فطير بايش اشمط وانام
اللحم ابيض ومزقـلط وبيـتـزفلط
والوش ده مش متخطط زي ام لتام
دول في المدارس ودوكي بيربوكي
الله يخليكي لابوكي وامك ياتـمام
طلعتي حافضه جغرافيا وصحه وعافيه
حتى اللي هوه بلا قافيه حافضاه ياسلام
البنت عضو في اكاديميا وتعرف كيميا
خلينا احنا في الباميا والفقر التام
تمسك ياعم ايد التلفون مش ايد الهون
اللي تسمّع في الكركون والناس ح تـنام
فين اللي تعـتر في الحلّه وتكسر قـلّه
من اللي تـنقـش دانتيلّه من البفته الخام
مفروده دايما لاتبوز ولا تـتأوز
عازبه ولما بتجّوز تعمل له مقام
يبوسها قدام جمعيه وتبوس هيه
لا كسكسه في الحريه مسيو ومدام
مادام يحبها وتحبه وداخله ف عبه
مايسبهاشي ولا بتسبه من عنده كلام
اما الا نيته ام جلاجل تاخد الراجل
تركبه الفقر العاجل وتجيب له لجام
متجوزاه وعاملاه سلم لويتـكلم
الضرب على صدغه يعلم اكفف واقلام
تدخل وتخرج ماتشاور عايزه اساور
ماتخلي شرطي ولامجاور ولا واد خدام
عليها حته دين عرقوب ولسان مسحوب
وصدغ اطول م المركوب وتياب قُدام
وجوزها يشرب بنوره وهيه طاطوره
تحبل وتولد بالطوره زي الأغنام
يـيجوا العيال اللي يهرهر واللي يـبربر
ودا اللي اقرع واللي اعور واللي له خزام
اطفال اوربا ف عربيات ومربيات
وبزازات وتبات ونبات ولهم حمام
لا ده ابوه مليارد كبير ولا دا ابن فقير
مادام دا يبقى طفل صغير تعذيبه حرام
قال الكرم خد اموالنا امال مالنا
يارب سايـبيـن اطفالنا زي الايتام
مكومين كدا في الشارع روس وكوارع
والسلسله وعضم الذارع والباقي عضام
تدوسهم الساده الشماليل يعني المساطيل
المجعوصين جوا الطومبيل زي الاصنام
آه لما اشوف رزق الجاهل كدا بالساهل
صاحب وجاهه دا بيستاهل حكم الاعدام

قوللي ولا تخبيش

قولى ولا تخبيش يازين ايش تقول العين للعين

لما العين تشوف حبيب تقوله ولا تخشاش رقيب

بعيد وصالك ولا قريب يوم الوعد تشوفك فيين

هاد والله كلام العين والله كلام العين للعين

واللى يوافى المحبوب بيوم الوعد ولا ينساه اذا كان فيه شفاه ودواه

وياما ذنوب يغفرها الله ربك والله رب قلوب

هاذا هو القول المطلوب والله هو القول المطلوب

قولى ولا تخشاش ملام حلال القبله ولا حرام

القبله ان كانت للملهوف اللى على ورد الخد يطوف

ياخدها بدال الوحده الوف ولايسمع للناس كلام

قولى ياعالم بالاشواق الحب حلو والاحراق

الحب حلاوته بالقنطار يدوقوا منها كبار وصغار

حلاوته تطول فى الاعمار اذا مايكونش وراها فراق

ظلموني الناس


ظلمونى الناس ظلمونى والجانى فاتوه واتهمونى

ظلمونى الناس ظلمونى والحق معايا وسقونى من اساهم

ولا حنوا على ضعف ضنايا والدنيا على مساعداهم

وانا قلبى كبير ولا لى نضير والا املك غير دمع عيونى

ظلمونى الناس الظالم يعينوه على ظلمه

ويزيدوا المسكين على همه الحق اهو باين فى ايدى

ويقولوا دا الحق على والناس قاسين على المساكين

حاربونى الكل وغلبونى

ظلمونى الناس سلمت اليك امرى ياربى

غيرك ما لقيت يرحم قلبى اليأس تعنيه من فضلك

واليأس تنظر له بعدك

انا صنع ايديك وتكالى عليك

انصرنى على اللى ما نصقونى

أنا في انتظارك



انا فى انتظارك خليت نارى فى ضلوى وحطيت

ايدى على خدى وعديت بالثانيه غيابك ولا جيت

ياريتنى عمرى ماحبيت

عايز اعرف لا تكون غضبان

او شاغل قلبك انسان

خليتنى من يأسى اقول الغيبه دى تغيب على طول

واتفكر ايه اللى جنيت من ذنبى يسيئك مالاقيت

ياريت ... ياريت

اتقلب على جمر النار ... واتشرد ويا الافكار

النسمه احسبها خطاك والهمسه احسبها لقاك

على كده اصبحت وامسيت

وشافونى وقالوا اتجنيت

ياريتنى عمرى ماجبيت

تواعدنى بسنين وايام وتجيبنى بحجج وكلام

وتسلم وتمر قوام او تخلف وتقول لى نسيت

ياريتنى عمرى ماجييت

الآهات

اه من لقاك فى اول يوم ونظرتك لحب بعينك

خاصم عيونى ليلتها النوم

وبت اسأل روحى عليك

يا هلترى راح يعطف على فؤادى متلهف

تقول لى روحى ... اه

العقل ياربى ضامع ومتبرد

والقلب فى جنبى يسكت ويتنهد

اه من لقاك فى اول يوم ومن رجايا ومن حبى اه

واه لما يلفت امالى وفرحت بك والجو صفا لى

ومليت كاساتك وسقيتها لى

اشرب بأيدى كاس يروينى

واشرب بأيدك كاس يكوينى

بات السرور كله بينى وبينك متقسم

والزهر ويانا ينظر لنا ويبتسم

والطير يغنى لى والموج يقول وياه ... اه

يادى النعيم اللى وجدناه واللى دخلناه...اه

واه لما منعت ودادك والانس ده اتبدل ببعادك

غالطت حسادى وحسادك

اصبرواتظاهر بالفرح والبهجه

والصبر فى الظاهر والمر فى البهجه

تعالى شوف الطير اهو نام

من قبل وقت النوم االظلام

واتبدل الزهر اللسام لا عطر ينعش ولا انغام

ده الانس كان انت والانسجام انت

والزهر كان انت والابتسام انت

ما احسبش ده كله فى يوم يضيع منى

واجرى وراء ظله اللى ابتعد عنى

ما تقول لى فين انت

اه ناسينى اسست وهديت

اه ياللى عمرت واخليت

اه ياللى اضحكت وابكيت اه من رضاك وصدك اه

شمس الأصيل

شمس الأصيل دهبّت
خوص النخيل يا نيل
تحفة ومتصورة
في صفحتك يا جميل
والناي على الشط غنى
والقدود بتميل
على هبوب الهوا
لما يمر عليل
***
يا نيل أنا واللي احبه
نشبهك بصفاك
لانت ورقت قلوبنا
لما رق هواك
وصفونا في المحبة
هو هو صفاك
ما لناش لا احنا ولا انت
في الحلاوة مثيل

انا وحبيبي يا نيل
نلنا أمانينا
مطرح ما يرسى الهوى
ترسى مراسينا
والليل إذا طال وزاد
تقصر ليالينا
واللي ضناه الهوى
باكي وليله طويل

انا وحبيبي يا نيل
غيبين عن الوجدان
يطلع علينا القمر
ويغيب كأنه ما كان
بايتين حوالينا نسمع
ضحكة الكروان
على سواقي بتنعي
ع اللي حظه قليل
يا نيل....

رائع بيرم وملك زمانه وازمنة بعده بس احيانا محبش انتقاداته اللاذعة لمصر
صحيح لكل بلد سلبيات ,,, لكن طريقته تقترب للشتم:cry:

توت عنخ آمون


من عهد ما كتفوك في القبر يا فرعون
داست بلادك مِلل من كل شكل ولون
وخلصوا منا تار موسى وتار هارون
وبعد جور الزمن واللي جرى فينا
ظهرت لما بقى لك في المنامة قرون
.
مش عيب عليك تستخبى نص مليون حول
وكل من جاك بلادك يسأل أبو الهول
لا يبوح بسرك لا بمشاورة ولا بالقول
وجا الزمان اللي بيلاقوا المناجم فيه
عتر عليك لورد بيفتش على بترول
.
في مصر كنت الملك لك جيش ولك حاميه
في دولة غير دولتك ما تتعمل موميا
وأمة غير أمتك ما تزرع الباميا
ولما خشوا عليك المقبرة يلاقوك
نايم مفتح ولكن.. في بلد عامية!

بعد الفطار
عينى غفلـت حبتيـن ، بعـد الفطــار

كل عام وانتـم بخيـر رمضـان كـريم

عينـى غفلت ، م التعب طـول النهـار ،

والمجـاهده ، والمناهده ، وسين وجيـم ،

لحظــه والتانيــه ، وبعد اللحظتيـن ،

جـانى احسـاس إن حـد دخـل قعـد ،

وابتـدا يسبـح ، وابص بنـص عيـن ،

نص قلبـى انسـر ، والنص ارتعــد .

شفت بيـرم .. أيوه بيـرم .. أيوه هوه ..

لبـده مصـــرى ، جلابيـه مغربـى ،

شمله شامى ، سبحـه من أرض النبـوه .

حـد مايعـرفش بيــرم والنبـــى ؟..

شفت بيـرم ، بالصديـرى اسكندرانـى ،

شفته ، متلفـع بشـال من العـــراق ،

والحزام يمنى ، وعطر الايد سـودانى ..

حـد ما يعـرفش بيــرم يا رفـاق؟ ..

- ضحـكته المـره اللى بتنقط عســل .

قلت : خيـر إنشـالله . قال : فين الديوان.

فين " ديوان بيرم " . مابطلتوش كسل ؟ ..

قلت لـه : معلهش . قـال معلهش إيـه !

وناتـايـه عن بلــدنا يـا ولــد ؟ ..

البعيد عن عينهـا ، يا حسـرة عليـه ..

يا بلـدنا ، يا حلـوه ، آه منـك بلــد !

قلت له: راح نحتفـل بــك. قاللى : لا ،

احتفـالكــوا وفــروه علـى نفسكـو .

قلـت له: ح نشيـد بفضـلك. قاللى هـا ،

فضـلى فين ، إذا كنتو ناسيين درسكـو ؟

قلت له: علمنـا: بيـرم قاللى : شـوف ،

الميـاتـــم فى الأزقـــه ملطعـه ،

أنا مش عايز كراسى صفـوف صفـوف

أنـا .. صفُّـوفى حـروف المطبعـة

الواسطـه لسـه شغالـه يـا رجـاُُُُلُُُـه
والحاله هياها الحالـه فـي كـل مكـان


لفندي قـال والاسطـي هيـه الواسطـه
في كل مركـز ومحطـه خاتـم سليمـان


تشغلك وانـت فـراش كاتـب بمعـاش
وتدخلك السيما ببـلاش ويـا الاخـوان


ايه اللي خلـي الملعونـه تصبـح فينـا
شريعه فوق شرع نبينـا شـرع القـرآن


طماع و عايز فوق حقه واسطـه تزقـه
لرئيس عمـل فاتـح بقـه زى التعبـان


والحق بين الاتنين ضايع وهو داالشايـع
مدير بيبلطج علي صايع عاطـل كسـلان


ومدير شريف حيرته حيره وحوسته كبيره
في مطلب الست منيره وخليـل شعبـان


يعفي ابنهـم مـن الجهاديـه والبلديـه
يجيب مخالفتها عليـه وعلـي الجيـران


داء فـي الكنانـه متمكـن او متوطـن
وجرح ضـارب ومعفـن زى السرطـان

الغش و الغــــــــــــلا

الأكل و الشرب فى إيد اللومنجية
و الطماعين اللى غلوا الملح و الميه
و الغشاشين اللى فاقوا على الحرامية
الشاى بالمفتشر مخلوط ملوخية
والبن فيه الشعير تسعين فى الميه
و الميه و العيش برمله و طينه يا ملوخليه
و اللحم معروض بدون أختام رسمية
و الميه هيه اللبن و لا اللبن هيه
أفاعى متسيبه من غير رفاعيه
و دنيا مترتبه ترتيب فلاتيه

فى الطريــــــــــــــق

أربع عساكر جبابرة يفتحوا برلين
ساحبين بتاعة حلاوة جاية من شربين
شايله على كتفها عيل عنيه وارمين
و الصاج على مخها يرقص شمال و يمين
إيه الحكاية يا بيه ؟ جال خالفت الجوانين ؟
إشمعنى مليون حرامى فى البلد سارحين
يمزعوا فى الجيوب و يفتحوا الدكاكين ؟
أسأل وزير الشئون و لا أكلم مين ؟

مرمر زماني يازماني مرمر
البنت ماشية من زمن تتمخطر
والغفلة زارعة في الديوان قرع اخضر

يا راكب الفيتون وقلبك حامي
أسبق على القبة وسوق قدامي
تلقى العروسة زي محمل شامي
وأبوها يشبه في الشوارب عنتر

وغطى زهر الفل فوقها وفوقك
وجيبلها شبشب يكون على ذوقك
ونزل النونو القديم من طوقك
يطلع كويس لا الولد يكبر

ويوم ما ينزل في الجاكتة الكاكي
وستة خيل والقمشجي الملاكي
تسمع قولتها ........
العافية هابلة والولد متشطر

الوزة من قبل الفرح مدبوحة
والعطفة من قبل النظام مفتوحة
ولما جت تتجوز المفضوحة
قلت اسكتوا خلوا البنات تستر

يا راكب الفيتون وقلبك حامي
اركب على القبة وسوق قدامي
تلقى العروسة شبه محمل شامي
وابوها يشبه في الشوارب عنتر


العطفة من قبل النظام مفتوحة
والوزة من قبل الفرح مدبوحة
والديك بيدن والهانم مسطوحة
والعافية هابلة والجدع متشطر

قصيدة العيون

من العيون يا سـلام سلـم شـوف و اتعلـم
تحـت البراقـع تتكلـم و الدنـيـا نـهـار

عيون تقوللـك قصـدك إيـه بتبحلـق ليـه
ما لكش شغل تعس عليه يا راجل يـا حمـار

و عيون تقوللك أنا عارفاك و النبي ما انساك
من يوم ما شفتك م الشباك يا جدع يا صغـار

و عيون تقوللك روح يا رزيل يا بو دم تقيـل
ياباي كبه في المخاليل يـا مـا همـا كتـار

و عيون تقوللك أنا حبيت يالـلا بنـا البيـت
و عيون تقول انشالله ما جيت أنا رايحة الزار

و عيون تقوللك بالمحسوس أنا عايزة فلوس
و انشالله حتى تحوس و تدوس أنا عاملاه كار

و عيون تقوللك إمشـي يـا واد أنـا أم ولاد
و عيون تقوللك عندي معاد و يـا السمسـار

و عيون بسر الحب تبـوح كـدا بالمفتـوح
و تعرف القلب المجروح ما عليهـش ستـار

و عيون تسبل فوق الخـد دي جـد ف جـد
و عمرهـا مـا تكلـم حـد عيـون أحـرار

و عيون تحقق فيها بشوق تهرب على فـوق
بتقوللك ابعـد عنـي بـذوق نظراتـك نـار

و عيـون مـا تعـرف زعلانـة أو فرحانـة
صباح مسا أهـي سهتانـة صاحبـة أفكـار

و عيون لها ضحكة ف وشـك بـس تغشـك
و تبص من تحـت اليشمـك تلقـى المنقـار

و عيون كدا يبقم ساهتين صفـر و باهتيـن
بالشكل دا عيون الخاينيـن تضـرب بصفـار

و عيون تبـص و تتسفلـق واقفـه شلقلـق
و عيون تبربق و تبحلـق عايزيـن مسمـار

قصيدة الورد

فـي كـل عـام لـلـورد اوان الا النـسـوان

بقدرتـك نابتيـن الـوان ابـيـض و احـمـر

وانت اللي تعلـم وان اجهـل فيـه ايـه اجمـل

مـن دي الخـدود اللـي لا تدبـل ولا تتغيـر

ودي العيون اللي اشهد لك بهـا و اسجـد لـك

دي خلـت الطاغـي انقـاد لــك والمتكـبـر

والشفتيـن اللـي فالقـهـم كـنـت خالقـهـم

للابتـسـام و لا لازقـهـم دانــت تحـيـر

بذمتـي انـت اللـي جاذبنـي يـا معذبـنـي

و ياللـي ذوقـك يعجبـنـي لـمـا تـصـور

لك صنعه في العين و الحاجب بيهـا تتعاجـب

وتقـول وجـود الله واجـب ميـن بيـه يكفـر

ولـك قوالـب للاجـسـام غـلـب الـرسـام

يقلـدك بحجـر و رخــام يلـقـاك اشـطـر

يا ست يام زنـاق محبـوك وقميـص مفكـوك

حطـي علـى القلـب المشبـوك ايـدك يعمـر

ويـام نـص ملايـه حريـر و النـص يطيـر

على الكتاف انا عقلي صغير غطى المرمر .....

وياللي ساقـك يسـوى رقـاب حـارت البـاب

في لون حقيقته ان كـان بشـراب و لا مقشـر

و ياللي خصرك لـه حركـات تقفـل شركـات

ويضـج منهـا داوود بركـات لمـا يـحـرر

وياللـي لابسـه لـي جوانتـي اربعـه سنتـى

على ايه خفيتي و بينتي في اللـي مـا يظهـر

و ياللـي بالدراعـات تمشـي و لا تحتشـمـي

متشمـره لـي ومـا اقـدرشـي عالمتشـمـر

و يـام شمسيـه عايقـه علـى فيـن سايـقـه

يـا مركبـه الـورده اللايـقـه ع المتشـجـر

هواكـي الياسميـن هافـف و حلـق رافــف

يصافـح العقـد اللافـف علـى دى المنـحـر

يا مسلمين الله يـا حريـم انـا مالـي غريـم

غيركم اروح وياه فـي جحيـم يـوم المحشـر

الدنيـا و النسـوان خـلاص و الراجـل لاص

لا طبلـه تنفـع و لا بـلاص لــو يتكـسـر

التغريبة
غلبت اقطع تذاكر
وشبعت يارب غربة
بين الشطوط والبواخر
ومن بلادنا لأوروبا
وقلت على الشام أسافر
إياك ألاقيلي تربةفيها أجاور
معاوية
وأصبح حماية أمية
جاورت "قاسيون" وجيرته
توحش
ولا فيهش حاجة
وعزرائين انتظرته مجاش
وجاني الخواجة
نافخ وسايق
امارته
وقاللي / شوف السماجة
البر تحت انتبدبنا اخرج دي ماهيش وسية
رجعت للبحر تاني مقهوروراجع فرنسا
في بقي طعم البوداني
فاكره وأناعمري ماأنسي
وإن رحت تونس كفاني عذاب أنا والتوانسة
"جملان" محضر مدافن للأمة.. والأمة حية
في بورسعيدالسفينةرست تفرغ وتملا
والبياعين حوطونا بكارت بوستال وعملة
لكن بوليس المدينة متفوتش من جانبه نملة
يا بورسعيد والله حسرة ولسه يا اسكندرية
هتف لي هاتف وقال لي
انزل ومن غير عزومة

انزل دي ساعة تجلى

فيها الشياطين في نومه

انزل دا ربك تمللي

فوقك وفوق الحكومة

نطيت في ستر المهيمن للشط ياحكمدارية
وأقول لكم بالصراحة اللي في زماننا قليلة
عشرين سنة في السياحة بشوف مناظرجميلة

ما شوفت يا قلبي راحة

في دي السنين الطويل

إلا لما شفت البراقع

واللبدة والجلابية

فؤاد حداد
ينشد على ضي
بيرم التونسي
يا عم بيرم أقول وأنشد على ضيك
مين اللي زيك صاحب الكنز الأصيل
مغني شمس الأصيل
القافية بتطاوع معاه والنيل
والفكر بيطاوع
ولا عمر كلمة في بقه بتلاوع
مين اللي زيك يجيب الخوص في أغنية
جابو الصينية وعليها ورد مزوق
قلت الكريم يتشوق
جبت الصينية
وعليها الارغف والبصل والطماطم
مين اللي زيك عم ومعلم
الشمس بانت وانت بتسلم
والعقل نور لما تتكلم
خانق وعانق في مصر بشرها وخيرها
وبأرضها وطيرها
مالناش غيرها ، أم الكل
رضاك عشان ترضى عني ، قلبي صحبة فل
سلام مربع
( والشيخ زكريا بيغني ياصلاة الزين)
على عم بيرم يا صلاة الزين
عامل في عنبر
شيخ على منبر
في الفن عنتر
وكلامه حد السيف وقلبه بصير
ما يقولش ايدي قصيرة صوتي قصير
كان فارش الدنيا شجر وحصير
لما الفنون بتحاول التمصير
كان هو مصري وهو شيخ العرب
وما ينتهيش العجب
( والشيخ زكريا بيغني ياصلاة الزين)
على عم بيرم يا صلاة الزين

دا كان حديد العين وقلبه عفي
واضح كمثل الشمس ما يختفي
جار الزمن وحكم عليه يتنفي
يا دافيانين الليل وقلبه حفي
على مصر
أيامها كان الزمن باشا
واسمته الغشاشة لابسة البشاشه
لابس في رجل الانجليز متلمع
بيكره الكلمة اللي بتسمع
وزي نور الشمس بتجمع
ليه يا فانوس الحارة بتدمع
قال لي دا بيرم في الليالي اغترب
صحيح يا عيني كل رؤيا بسبب
لكن صحيح ما ينتهيش العجب
( والشيخ زكريا بيغني ياصلاة الزين)
على عم بيرم يا صلاة الزين
يوم القيامة ، أغاني سلامه
خمسين مقامه
ما فيهش أنزه من كدا ولا أجمل
عندك مثل آخر عن الحلو يكمل
دا عم بيرم يا أخي فتأمل
هو اللي سابق في مجال الميدان
هو اللي قايل قبل هذا الأوان
الفلاحين والشعب عين أعيان
مجمع فنون القول ومغني الأدب
وما ينتهيش العجب
( والشيخ زكريا بيغني ياصلاة الزين)
على عم بيرم يا صلاة الزين


-*-
شعر
فؤاد حداد
من ديوان
مصر المصرية بتغني

القلب يعشق كل جميل
وياما شفتى جمال يا عين
اللى صدق فى الحب قليل
وان دام يدوم يوم وللا يومين
واللى هويته اليوم
دايم وصاله دوم
واحد مفيش غيره
مالى الوجود نوره
دعانى لبيته
لحد باب بيته
واما تجلى لى
بالدمع ناديته

رائع بيرم وملك زمانه وازمنة بعده بس احيانا محبش انتقاداته اللاذعة لمصر
صحيح لكل بلد سلبيات ,,, لكن طريقته تقترب للشتم:cry:

شكرا للإضافة كتير ... :D
بيرم كان رائع واسلوبو كان يعتمد الهجاء او الشتم وهو كان يشتم شخصيات معينة

رائع ....رائع....
متابعة....
ومشكووووووورين:D

تقريبا كان فى قصيدة ليه بيقول فيها : هتجنن يا خونا نفسى اروح لندن ولا باريز
انا مش متاكدة هى ليه ولا لا فى حدا بيعرفها

تقريبا كان فى قصيدة ليه بيقول فيها : هتجنن يا خونا نفسى اروح لندن ولا باريز
انا مش متاكدة هى ليه ولا لا فى حدا بيعرفها

كفّارة يا بنت عم .. ولا بلاش
اخيرا حنيتى ورجعتى تانى
اخ منك اخ
نورتى يا مرمورة:kissyou:

كفّارة يا بنت عم .. ولا بلاش
اخيرا حنيتى ورجعتى تانى
اخ منك اخ
نورتى يا مرمورة:kissyou:
:x
حسابى معاكى لما اشوفك
بس اشتقتلك:oops:

المهم انا بقى دورت على القصيدة ولقيتها
ياريت تعجبكم

حاتجن...!
حاتجن ياريت ياخوانا مارحتش لندن ولا باريز
دى بلاد تمدين ونضافة وذوق ولطافه وحاجة تغيظ
***
مالاقيتش جدع متعافى، وحافى، وماشى يقشر خص
ولا شحط مشمرخ افندى معاه عود خلفه ونازل مص
ولا لب اسمر وسودانى وحمص وانزل ياتقزقيز
حاتجن ياريت ياخوانا مارحتش لندن ولا باريز
***
ولا عركة فى نص الليل دايره بالحيل وساحبها بوليس
قدامها جدع متجرجر وشه معور قال دا عريس
الخلق ماهى بتتجوز واشمعنى احنا مفيش تمييز
حاتجن ياريت ياخوانا مارحتش لندن ولا باريز
***
ولا واحده فى وش الفجر تبرطع ماليه الدنيا صوات
قال إيه جوز خالتى ام احمد سلفة اخوها السيد مات
سبحانك ما أعظم شانك والله الموت دا مفيد ولذيذ
حاتجن ياريت ياخوانا مارحتش لندن ولا باريز
***
ولا واحد طالع يجرى وواحد تانى بيجرى وراه
ويقول هاهع حصلتك يابن اللى ابصر إيه عاملاه
لا الشارع غيط ياخوانا ولا احنا بداره ولا احنا معيز
حاتجن ياريت ياخوانا مارحتش لندن ولا باريز
***
ولا واحد بيبيع حاجة يقول بريال وتاخدها بصاغ
ياخوانا دى حتى الإبره تاخدها بدوشه وقلب دماغ
حلفان وعراك ومناهده ويمكن ضرب كفوف ياحفيظ
حاتجن ياريت ياخوانا مارحتش لندن ولا باريز
***
ولا فيش ميت ألف صعيدى بتوع يانصيب هاجمين ولا فيش
ميت ألف معوض داعس جاى معاه صندوق ورنيش
والله كرهت القهوه وحرمت اقعد عالأفاريز
حاتجن ياريت ياخوانا مارحتش لندن ولا باريز

:yahoo::yahoo:

ما يجبها الا حاريمها صحيح

القصيدة دى سمعتها فى الاوبرا فى الاحتفال بذكرى عمنا الكبير بيرم
وكان بيمثل دوره ممثل ياربى نسيت اسمه
اللى مثل دة فى مسرحية لفؤاد المهندس وسناء يونس كان عالم حشرات ,,
كان مفاجئة بصراحة
والله الاوبرا وحشانى ,, نبقى نسرق لحظات ونروح يوم سوى :deal: