هل تستطيع أن تتخيل كيف ستكون سوريا أو "بلدك " وهي محكومة من قبل جماعة دينية "متشددة أو غير متشددة "
و تذكّر التجارب التالية :
1 - التجربة التركية أخذاً بعين الإعتبار دور الجيش والسعي التركي للإنضمام إلى الإتحاد الأوربي و علمنة المجتمع الذي قاده أتاتورك .
2 - تجربية دول الخليج وبخاصة المملكة العربية السعودية .
3 - تجربة طالبان في أفغانستان .
4 - ما قامت به هذه الجماعات في مصر والجزائر وفي سوريا .

ثم هل أنت مع تدخل الدين في السياسة , ألا يكفي دوره المزعوم في حياة الإنسان الروحيّة, أم رجالاته مصرين على إفساد الثانية بعد أن أفسدوا الأولى .

وشكراً

ولله انا لا اتخيل سوريا ان تحكم من قبل جماعه اسلاميه شو ما كانت توجهتها
لانو هاد بيعني حرب طائفيه بكل تاكيد .. بيكفي يلي شفناه من الاخوان المسلمين بالزمنات

وانا برفض التدخل بين الدين الدين و السياسه ، ممكن تسير بعض الامور السياسيه من خلال الدين بس مو تدخل كامل للدين بالسياسه

مع انو الموضوع صار مكرر بس

اخر حكم ممكن يصير بسوريا هو الحكم الاسلامي لانو سوريا غير

في مليون طائفة وعرق ونحنا بلد علماني

يعني مو فايتة بالمخ

مع انو سؤال مهم ، بس انا بشوف انو مافي داعي اتخيل هيك شي، لأنو برأيي مستحيل يصير بسوريا تحديدا لأسباب كتيرة، اهمها تعايش(أغلبية) سكانها مع بعضهم بمختلف أديانهم ومعتقداتهم، وهالشي كافي لوقوف مختلف الاديان والطواف في وجه اي جماعة دينية متشددة(اسلامية او غيرها) ومنعها من حكم البلد.
شكرا الك:D

امر مستحيل و مرفوض اي تعصب ديني هو مرفوض و يعد همجي الحل الوحيد لسوريا هو حكم الشعب للشعب و فصل الدين عن الدولة نهائياً مع الغاء اي مانع امام حصول اي شخص كفئ لمنصب رئيس و كمان الغاء موضوع قائدنا الى الابد يعني تصير متل امريكا الرئيس بيئعود فترتين رئاسيتين و بعدين يورجينا عرض كتافو هيك بيضمن الشعب انو مافي رح يستبد في متل ما عم بيصير هلاء

ببساطة , بس نرجع بذاكرتنا حوالي 25 سنة منقول الف الحمد لله على اللي نحنا فيه
كلنا منعرف شو عملت حركة الأخوان المسلمين وليس الإخوان لانهم ليسو باخوة وليسو بمسلمين
الامر الذ أدى لنجاح العلويين في قيادة سورية هو عدم وجود أي فكر متطرف لديهم و بساطتهم و تسامحهم فهم كطائفة عانت عبر التاريخ أمر و اشد أنواع التصفية والقتل والاهانة يعرفون ما سيشعر به الاخرون فيما لو كان الحكم متطرف

ليش يا اخي ترجع بذاكرتك وتتعب نفسك جدد ذكريات
وخودلك هاد الرابط واضف لملف ذكرياتك ما تشاء

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

واعتذر لك لما ستراه

شلكي انا رح اعتذر اني فتت على الموقع اللي بعتته
يعني صح ما بدنا حكم ديني بس مو معنى هالشي أن نقوم بالتزوير لانو واضح ان الصور ملعوبة بالفوتوشوب
عيب نزور مين ماكانو الناس

بلدي يحكم من جماعة دينية متشددة
انا كمسلمة لا اقبل ذلك وارفضه جملة وتفصيلا لان شفنا الاخوان شوعملو فينا وهني مش بالحكم فكيف لو استلمو وسيطرو على الجيش
وبلدي بلد متنوع الثقافات والاديان لايصلح ان يحكم كما تحكم السعودية حيث لايوجد غير المسلمين واذا وجدو فلا حقوق
كما انا ضد تدخله في شؤون الدولة وخاصة السياسية لكن كما اعتقد ان هناك بعض الامور التي ييم العودة فيها الى الدين كقوانين الزواج مثلانظرا لان غالبية الشعب هو شعب مؤمن بكل اديانه ومتمسك بتعاليم الدين

alee am thkeh saheh ya Banafssajeh oa ana bsharkek nafss wajhet al nadar, bass men echren senh lazem tessaly lesh al sltah sho sawet maa al ekwan al mosslemen?????ok al esslamen omron ma kano moahalen la yhkmo dawleh wa la rah ykono moahalen bass hada mo yanee ano lazem beedabho

المشكلة انو كلنا منقعد نحكي ونجتهد ونقول ما بدنا جماعة ديبنية وما بدنا فلان وما بدنا فلان ومن اربعين سنة ما صار بسوريا انتخابات حرة وبرلمان منتخب يعني لو صار هيك شي بالمستقبل انا متاكد انو النتيجة رح تكون مفاجأة للجميع

فعلا لح تكون مفاجئه جدا لدريجة انو بيجوذ من هول المفاجئه لا يعود في رئيس ولا برلمان اصلن ....

ماشين على مبدأ كلن يغني على ليلاه

طبعاً فالمشكلة الرئيسة هي إما عدم وجود قانون ناظم "مثل عدم وجود قانون أحزاب فعلي" وعدم وجود ضوابط ناظمة في الدستور .
دعونا نضع الإفتراض التالي ولو كان بعيد الحدوث .
1 - تم إجراء انتخابات ديمقراطية بدون تدخل مخابراتي وحصد أحد الأحزاب الدينية أغلبية برلمانية فكيف سيكون الوضع عندها .
2 - تمت إنتخابات رئاسية وفاز مرشح أحد الأحزاب الدينية أو ممثل عن أحد الأحزاب الدينية .

وكلنا نتزكر التجربية الجزائرية في هذا المجال .

هل سينتقل المجتمع السوري من تحت المزراب إلى تحت ماذا لا أجد كلمة

إذا نحن بحاجة إلى ضوابط دستورية مححدة أكثر, كذلك نريد تفعيل عمل المؤسسات بحيث لا تصبح سياستها عائدة للشخص الذي يترأسها بل سياستها تمليها إستراتيجيتها المرسومة المنية على المصلحة العليا للدولة والمراقبة مراقبة فعلية من قبل مجلس شعب حر .

وشكراً

alee am thkeh saheh ya Banafssajeh oa ana bsharkek nafss wajhet al nadar, bass men echren senh lazem tessaly lesh al sltah sho sawet maa al ekwan al mosslemen?????ok al esslamen omron ma kano moahalen la yhkmo dawleh wa la rah ykono moahalen bass hada mo yanee ano lazem beedabho

والله هيدا موضوع اخوان سوريا حكينا فيه كتييييييير كتير فينك ترجع للمواضيع يلي بتتعرض لهيك قضية وتشوف

ومع هيك بقلك هدول يلي صار فيون قليل ولو انا كنت قادرة لسا لهلا برجع بعيشون وبدبحون من جديد
لانون مابيستاهلو غير هيك

المشكلة انو الجميع حاطين ايدين بادنين وعم يصيحو الاخوان مجرمين وبيستاهلو وبدنا نرجع ندبحن مرة تانية وماحدا كلف خاطرو يرجع يتاكد من التاريخ الحقيقي لسنوات الدم يعني ما بيكفي نقرا رواية النظام للاحداث لانو النظام كان طرف بالمواجهة وبالتالي كل شي صادر عنو مشكوك فيه

بس بدكن الصراحة الردود اللي بتتعلق بمواضيع الاخوان الها علاقة بالطائفية يعني الاقليات بسوريا معتبرين الاخوان,نظرا للبيئة اللي تربوا فيها, وحوش وبس وغير هيك ما عندن

والله هيدا موضوع اخوان سوريا حكينا فيه كتييييييير كتير فينك ترجع للمواضيع يلي بتتعرض لهيك قضية وتشوف

ومع هيك بقلك هدول يلي صار فيون قليل ولو انا كنت قادرة لسا لهلا برجع بعيشون وبدبحون من جديد
لانون مابيستاهلو غير هيك
mbeen men jawabek al hekd wa al onsorya!?bas takady eno mafi chee bedl ala halo kl chee rah betgaear

المشكلة انو الجميع حاطين ايدين بادنين وعم يصيحو الاخوان مجرمين وبيستاهلو وبدنا نرجع ندبحن مرة تانية وماحدا كلف خاطرو يرجع يتاكد من التاريخ الحقيقي لسنوات الدم يعني ما بيكفي نقرا رواية النظام للاحداث لانو النظام كان طرف بالمواجهة وبالتالي كل شي صادر عنو مشكوك فيه

بس بدكن الصراحة الردود اللي بتتعلق بمواضيع الاخوان الها علاقة بالطائفية يعني الاقليات بسوريا معتبرين الاخوان,نظرا للبيئة اللي تربوا فيها, وحوش وبس وغير هيك ما عندن

اي ولله انا كمسلم سني ، كتير طائفي و بحسهم لهدول الاخوان كتير دموين ما بعرف ليش ، قولتك التربيه هيه السبب يعني انو شايفهم هيك :shock:

ياربي شو حاسس حالي طائفي انا

فهم كطائفة عانت عبر التاريخ أمر و اشد أنواع التصفية والقتل والاهانة يعرفون ما سيشعر به الاخرون فيما لو كان الحكم متطرف

عفوا ً بس مصدر هالمعلومة شو دين ربّوه , هي أولا ً

تانيا ً شو بضمنلك أنو لو كانت المعلومة صحيحة ما يكون تأثير هالتجارب سلبي و يتجهو لأبشع أنواع التصفية و القتل ؟ّ!

انا مسلمة لكن ارفض ان يتم حكم بلادي عبر جماعات متشددة

لانو حنشوف شي ما شفنا حيصير في عنا المطوع يلي بدو يحاسبك ابل ربك

الحياة مو بس دين متشدد الحياة ارتباط مع ناس وتعايش معون بكل افكارهن

وبسوريا عنا المتشدد وعنا المنفتح والمعتدل والحل انو نضل متل ما نحنا
وشفنا الافكار يلي ارتبطت بالدين ان كانت صح او غلط شو عملت بمجتمعاتنا
انا هيك راي