-
دخول

عرض كامل الموضوع : مسيتكن بالخير ياجيران

طوروس
16/11/2007, 00:47
الله يسعدلي مساكن يااوادم كيف حالكن انشاء الله كلكن تمام

مين انا... طوروس ومتل مابتعرفو سلسلة طوروس هيي الحدود الشمالية لسوريا الطبيعية وها الاسم عزيز عليي

عمري... بعمر قرمة سنديانة مزروعة ع باب بيتنا بالضيعة والسنديان مابيعرف صيف وشتي ولاربيع وخريف

اخضر على طول بتوقع ورقة صفرا بيطلع محلها ورقة خضرا

من وين انا ... من ضيعة سهرانة ع كتف جبل بالنهار بتتنفس هوا السنديان وبالليل بتلف حالها بضو القمر

شو بحب ...بحب الناس والسهر والكتب المجلات الالكترونية بتعنيلي كتير بس بحب ريحة الورق وبشوف انو الكتاب

المطبوع بيخليك تحس فيه اكتر لانو الو لون بيتغير مع الزمن والو ريحة والو ملمس وبيكون بارد او دافي حسب

الطقس يعني متل كائن حي

شو بسمع... ذوقي بالاغاني ختياري بسمع كتير طرب قديم فريد عبد الوهاب ام كلثوم وطبعا ست الكل فيروز

والاستاذ الكبير نصري شمس الدين وبالموسيقا وهلق انا وعم اكتب عم اسمع نصير شما ع العود بسمع نداء ابو

مراد ع الكمنجة وهيك شي

وبعد هالاطروحة اذا في شي بتحبو تعرفوه فيكن تسألو وماتستحو

تحياتي للكل
Syrian Gay
16/11/2007, 02:04
اهلين فيك يا جبل ..

اسمك حلو كتير .. وصورتك الرمزية كمان كتير حلوة ..

:mimo:
XMoon LightX
16/11/2007, 11:42
يا اهلاوسهلا فيك هوني

نورت المنتدي :D

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
راديا
16/11/2007, 23:26
؟؟؟؟؟؟؟؟؟؟؟؟؟؟؟؟؟؟؟
يا اهلين و سهلين فيك منور
بس كانو عم تحكي الغاز عفوا ما افهمت يا ريت توضح اكتر حبيت وصفك للاشيا ع فكرة
طوروس
16/11/2007, 23:57
الله يسعدلي مساكن ومشكورين على الترحيب وباقات الورد يلي عطركن غطى على عطرها وعلى قولة المتل

لاقيني ولاتطعميني استقبالكن كتير حلو واللي بيستقبلك بوردة اكيد بيكون عم يدخلك على قلبو


Syrian Gayانا مبسوط انو عجبك الاسم وبالنسبة للصورة الرمزية هاي صورة من 3 صور بالعالم حسب تصنيف

الصحافة وكرمالك رح اعرض التلاتة خلال الاسبوعين الجايين ميشان اضمن انو شفتهن

راديا انا وعم اكتب ماحسيت ابدا انو عم اكتب لغز والا ماضفت للموضوع انو اي شي بتحبو تستفسرو عنو اكتر انا

جاهز وعلى كل اذا في اي شي موواضح انا جاهز للتوضيح

:ss:

تحياتي للكل
betty_palestine
17/11/2007, 00:05
ميييييييية هلااااااااااا طوروس نورتناااااااااا بوجودك واسمك متل ما حكى سيريان حلو بس غريب;)
Reemi
17/11/2007, 00:26
الف اهلا وسهلا ..مشاركة اولى متميزه...ذكرتني بالسنديان والقمر وريحة الضيعه :cry:

سعيدة بوجود روحك بأخويتنا ...:D