لك من فترة سمعنا شنقو 5 بـ باب الفرج .. و أول مبارح تلاتة ..

شو وضعون هدول ؟

و سمعت أنو شباب صغار أكبر واحد فين مواليد 1986 و بيناتون واحد مواليد 1991

شو يا جماعة .. صرنا بشيكاغو ليكون ؟

في مشاكل بالبلد منها أزمة العراقيين و منها الغلاء و منها الفساد ...الخ

اعدام هالناس صاير الو سببين: الأول اعطاء الدولة هيبة لا تمتلكها. و الثاني امتاع الرعاع الساديين المتعطشين لمنظر الدم و الموت... يللي ما شالله كتار بالبلد



أنا هيك رأيي

لك الشباب صارلون قترة ضابعين حلب .. بتقلي متعطشين للدم و هيبة دولة

شوف هون

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

انت مو عم تسأل آراء؟ عطيتك رأي... اذا ما بدك ياه يبقى مرة تانية لا تخليني أ علق على المواضيع منشان ما نتعب بعض....

عالهامش سؤال هيك عالسريع: نمير الأسد مسجون شي؟؟؟

شكون يابا .. تاريك تزعل بسرعة .. اي انا ما طلب رأي .. انا حبيت بس افهم القصة ..

و بخصوص نمير الأسد .. لا اخي مانو مسجون ..

أي لا تواخذنا, و آسف للازعاج

ولا يهمك حبيب .. بعدين أنت محسوب عـ الغوالي

للحذف موهون محله

خمس شباب مشكلين فرار من خدمة جيب الضابط عفوا ً خدمة العلم ..

قامو بأكثر من جريمة ..

تحكامو بمحكمة عسكرية و قررت المحكمة إعدامون بساحة عامة ..

أما أنو عدمو تلاتة تانين و مدري شو ف هي إشاعات ..

يا شباب الحكي يمين و شمال ما ألو أي فائدة ولا أي معنى
و الي ما نو متأكد من المعلومة لا يحكيها


اللكل متهمين جرائم قتل و سلب و في برقبتهم عدد من القتلى الحلبية و كل حلب عم تحكي بقصتهم و بالرعب الي ساووه بحلب
شو منتظرين يعطوهم وسام الجمهورية ؟.

عالهامش سؤال هيك عالسريع: نمير الأسد مسجون شي؟؟؟
بعرفك منطقي بلامك ... شو دخل نمير الأسد بهالحديث ؟
هداك سرق و نهب بنك ... الشلة الي فوق قتلت و دبحت ..

و ضيف عليها ألك وللي قلك أنو نمير مو بالسجن .. نمير انسجن و تصادرت أموالو كمان

نمير الأسد قتل عنصر من سرية حفظ النظام لما عملوا كمين مشان يحرروا واحد من رجالو اللي انكمشو... طبعا كالعادة ما قدرو يثبتو شي عليه... كمان واحد من وسخاتو بالرقة من عائلة ف***** انقتل و انقال انو قتلوه لأنو مد ايدو عالغلّة

سؤالي كان على قولة بارليب انو هدول ضبعو حلب, نمير الأسد كمان ما قصّر يعني, ما عم طالب باعدامو بس الخيار و الفقوس هيك عينك عينك مو حلو.... مشان سمعة البلد

صديقي ياس
لو كان حدا من أقربائك(لا قدر الله) ضحية لهل القتلة ما كنت حكيت(ما عم نظر بعرف قريب لتاجر الدهب اللي ذبحوه).
نمير بالسجن خود كلامي ثقة
سلام

شو موضوع اللي اعدمون بـ حلب


:sick:....:sick:

و بيناتون واحد مواليد 1991
هاد يعتبر حدَث ........ كيف عدموه ..؟؟ :shock:

هاد يعتبر حدَث ........ كيف عدموه ..؟؟ :shock:
اي اي حدث ... بعمرو ... بس لما بيقتل 12 واحد شو؟

اي اي حدث ... بعمرو ... بس لما بيقتل 12 واحد شو؟
بس القانون ........ بيمنع اعدام الحدَث

شوف هون

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
ما عدموه
وأدانت المحكمة ومقرها دمشق كلاً من "رضوان حسن محمد" و "خيرو خليف الفارس" الأول بجناية القتل المشدد الواقع أكثر من شخص (ثمانية أشخاص ) تمهيداً لجناية السلب بالعنف والثاني بجرم التدخل بالقتل قصداً الواقع على أكثر من شخص ( أربعة أشخاص ) (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) في النصف الأول من شهر حزيران الفائت وحكمت عليهما بالعقوبة القصوى وهي الإعدام ، في حين لم تحكم على شريكهم الثالث "نايف محمد النايف" تولد 1991حسب بطاقته الشخصية،وسيحاكم أمام محكمة الأحداث المختصة.

بس القانون ........ بيمنع اعدام الحدَث

معلم ما عدموا الحدَث ليك شو كاتبين بالسيريا نيوز


في حين لم تحكم على شريكهم الثالث "نايف محمد النايف" تولد 1991حسب بطاقته الشخصية،وسيحاكم أمام محكمة الأحداث المختصة.

صديقي ياس
لو كان حدا من أقربائك(لا قدر الله) ضحية لهل القتلة ما كنت حكيت(ما عم نظر بعرف قريب لتاجر الدهب اللي ذبحوه).
نمير بالسجن خود كلامي ثقة
سلام


يا أخي هذا جواب صار سمعانو شي 500 مرة. كل ما انحكى بالموضوع نفس الجواب. أنا شخصيا مابؤمن بالاعدام, يا أخي انت عم تعملو معروف لما عم تقتلو!! يعني 50 سنة حبس وللا اعدام؟ و الله الاعدام أريح! و معليش أنا رقاوي و العشائرية شغالة و يا ميتيلي قرايب على ثارات غبية..يعني بعرف شو معنى يموتلك حدا بدون ذنب.

مو موضوعنا الاعدام..أنا لافت انتباهي تنفيذ أحكام الاعدام و تسويقها اعلاميا خلال هالسنتين الأخيرات, و يعني بهالحالة بالذات خمسة مع بعض..أنا عطيت رأيي بسبب هالتحول في رد سابق.

من التسعين لهلأ كانت الاعدامات قليلة جدا و تتنفذ بالسجن...هلأ في تسويق و اعلام و اعلان..يا شيخ شفت صور الاعدام قديش كان في عالم ناطرة من ط** الصبح؟؟ أي لو حفلة لصباح فخري ببلاش ما كانو التمو هيك.

بعدين يعني أنا ملاحظ الدموية الموجودة بالفترة الأخيرة ببلدنا. شي مو طبيعي... يعني لما اقرا الأخبار عالانترنت (عندي ادمان على قراءة التعليقات على الخبر..من باب معرفة رأي العالم) أي و الله بنصدم! يعني اذا الخبر عن واحد فعس جاجة و هو راجع أناريه بالسيارة بتشوف التعليقات و تلاقي نطو الكل و طالبو باعدامو...بعدين يعني معليش هذا موضوع هام تحملني شوي...انتشار ثقافة العنف يا أخي, زرت سوريا الشهر الماضي و لاحظت انو مافي حدا ما عندو بالموبايل مقاطع اعدام و رجم و ذبح..الخ. و فرحان بيفرجيك اياهون. يعني و عم احكيلك على ناس جامعيين و متعلمين, لا عتبك عالجاهل


سلامي :D

ما عدموه

معلم ما عدموا الحدَث ليك شو كاتبين بالسيريا نيوز

اهاا
اي هيك صار كلام منطقي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

؟.


بعرفك منطقي بلامك ... شو دخل نمير الأسد بهالحديث ؟
هداك سرق و نهب بنك ... الشلة الي فوق قتلت و دبحت ..

و ضيف عليها ألك وللي قلك أنو نمير مو بالسجن .. نمير انسجن و تصادرت أموالو كمان

اول شي انو موضوع نمير فات عـ السجن هي أول مرا بسمع فيها .. ممكن ولو أنو مصدر ؟

تاني باشتان..

قلتلي نمير شو دخلو بالحديث .. ياس قال " نمير بالسجن شي " ؟

كان قصدو أنو و ينو قضائنا .. و لا شاطر بس عـ الدرويش ( طبعا ما عم قول أنو الكلاب يلي انعدمو دراويش .. بس برأيك لو كان فيهن واحد ابن مسؤول كبير .. كان أنعدم قدام الخلق ؟ )

بعدين قلتلي هاد سرق و نهب .. و التانين قتلو ؟

يعني السرقة و النهب شغلة طبيعية ؟

كان قصدو أنو و ينو قضائنا .. و لا شاطر بس عـ الدرويش ( طبعا ما عم قول أنو الكلاب يلي انعدمو دراويش .. بس برأيك لو كان فيهن واحد ابن مسؤول كبير .. كان أنعدم قدام الخلق ؟ )

بالضبط هذا قصدي.. ما حبيت استمر منشان ما يتحول الموضوع عن أساسو. على كل يهمني أكتر ندقق على الأمر اللي طرحتو بردي السابق. حابب أعرف رأيكون و خصوصا الشق الثاني من الرد

اهاا
اي هيك صار كلام منطقي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
بيعين الله !!!!

اهاا
اي هيك صار كلام منطقي ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

عالسيرة امبارح كنت قاعد مع محامية من المحامين اللي عندون اطلاع على القضية

في ست قاتل زوجها و ابنها هاد الحدث باعت بيتا مشان تحصل أتعاب لواحد من المحامين

على أمل يطلع استثناء من وزارة العدل أو الرئيس لإعدام هالحدَث ..

عالسيرة امبارح كنت قاعد مع محامية من المحامين اللي عندون اطلاع على القضية

في ست قاتل زوجها و ابنها هاد الحدث باعت بيتا مشان تحصل أتعاب لواحد من المحامين

على أمل يطلع استثناء من وزارة العدل أو الرئيس لإعدام هالحدَث ..
بدها استثناء من المختار ........ بعدلّو شهادة ميلادو ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

ضد الأعدام ومن فترة .. كان في مجموعة حقوقين سوريين عاملين حملة لتعديل الدستور وإلغاء حكم الأعدام ..

انو إعدامن .. بساحة عامة ليعتبر مدري مين ..

هلق الساحة العامة بيصادف انو هي اطلالة فندق " الشيراتون " بحلب ..
:?

أنا شخصيا مابؤمن بالاعدام

أنا لافت انتباهي تنفيذ أحكام الاعدام و تسويقها اعلاميا خلال هالسنتين الأخيرات
من التسعين لهلأ كانت الاعدامات قليلة جدا و تتنفذ بالسجن...هلأ في تسويق و اعلام و اعلان

يعني اذا الخبر عن واحد فعس جاجة و هو راجع أناريه بالسيارة بتشوف التعليقات و تلاقي نطو الكل و طالبو باعدامو...
لاحظت انو مافي حدا ما عندو بالموبايل مقاطع اعدام و رجم و ذبح..الخ. و فرحان بيفرجيك اياهون. يعني و عم احكيلك على ناس جامعيين و متعلمين, لا عتبك عالجاهل



الزميل العزيز
تحياتي الحارة

أولاً أنا مع إعدام كل من تثبت إدانته:فبأي حق منحه لنفسه أن يحرمك من حياتك و بأي سلطان و أي اختلاف عنصري وأي.....طالما أنه إنسان مثلك مثله لا يختلف عنك (فيزيولوجياً على الأقل!!).

ثانياً أنا سمعت عن اعدامات حدثت قبل هذا الوقت و أذكر مثلاً المرأة التي قتلت بنت زوجها بالنمل و العسل :أعدمت في ساحة عامة!! و توجد حالات في القانون السوري تبيح الإعدام العلني كالجريمة الإجتماعية
المنكرة(مثل هذه القاتلة).

ثالثاً أنا استغرب موقفك حول قضية التعليقات الإلكترونية فهي لا تمثل رأياً مجتمعياً أو سياساً أو حتى دينياًو بحث (سيكولوجية المبحرين-مستخدمي الأنترنت) هو موضوع كبير جداً لا يتسع المجال هنا للخوض فيه.

رابعاً كلامك صحيح عن الجوالات و لكني لا أعتقد أيضاً أنه يعكس المنحى العنفي للمجتمع بل هو سلوك-طفرة رافق طفرة الجوال و توفر الميديا الإلكترونية بالإضافة إلى عامل التميز و الإختلاف الذي (يجب) أن يحمله العربي حتى في جواله!!:p
خامساً أشكرك جزيل الشكر و تقبل تحياتي القلبية...

بعدين يعني أنا ملاحظ الدموية الموجودة بالفترة الأخيرة ببلدنا. شي مو طبيعي

معك حق ..
بس للحقيقة .. وللأسف مو مقتصرة على بلدنا فقط ..
تقريباً كل البلدان العربيـّة فيها هالآفة بين جيل الشباب ..
ما بعرف شو المتعة من شوفة واحد عم يقطعولو راسو فرضاً !
بس يمكن متل ما قال داجون ... يمكن هيي " البصمة " اللي بتبرهن انــّو العربي عربي .. حتى بسوء استخدامو للتكنولوجيا ...

اي اي حدث ... بعمرو ... بس لما بيقتل 12 واحد شو؟

اش هالشب الوردي اللي عمرو 16 وقتل 12 :shock:

كل هالشي اللي عاملينو وكل هالناس اللي قاتلينا وحرام فيا الاعدام :shock:
بصراحة هدول حرام مابينعدموا
يعني لازم ينعدموا لو قاتلين شخص واحد مو مدري كم واحد ..


يعني متل ماسلبو الروح من هالناس المزكورين
لازم تنسلب الحياة منن
لانو بالنهاية الحياة مابحق لاي بني ادم ع وش الكرة الارضية يسلبا من بني ادم تاني
ومتل ماسلبو الحياة من هالبشر لازم تنسلب حياتن


والحقوقيين اللي حكت عنن مرسيل باحد الردود لازم يفهموا هالشي

في متل بقول

Fighting for peace is like Fucking for virginity

مرحبا
تحقيق مهم لسيريا نيوز أذكر منه شعور ضحايا هؤلاء القتلة
مع تحياتي للزميل ياس

وهو على كرسيه المتحرك بعد أكثر من أربعة شهور من الجريمة استعاد "محمود " لحظة إطلاق النار عليه وعلى شقيقيه الذين توفيا على الفور (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) ، عندما رأى من بعيد قاتلهما " رضوان " ذرف دمعاً غزيراً لذكراهما ،وللتعبير عن فرحه أيضاً ، " لقد بكيت من الفرح شعرت بان حق شقيقي الذين قتلا ظلماً قد عاد ، صرخت الله أكبر وبالروح بالدم نفديك يا بشار أنا أشكر الرئيس على تحقيق العدالة ".
أما والدته فقالت " لقد حرموني ابني ّ ويتموا الأطفال و رملوا النساء زوجة ابني حامل ستلد له طفلاً لن يرى والده أحسست أن جبلا انزاح عن صدري، ورغبت أن أزغرد، لكني خشيت من انزعاج المسوؤلين "
وذكر والده بوعود المسوؤلين بمحاسبة قضاة التحقيق الذين كانوا يفرجون عن " رضوان حسن المحمد " في كل مرة يلقى القبض فيها عليه بعد ارتكاب لجناية .
زوجة " آرام طاوتيان " العراقي الذي قتل في الراموسة رفضت حضور الإعدام والحديث عن ما أسمتها كارثتها ، السيدة فرت مع زوجها وأطفالهما من جحيم العراق وهو ما أثار القاتل "رضوان" حيث قال له بعد معرفة أنه عراقي " أنت ما متت بالعراق و جاي تعيش هون " ثم أطلق النار عليه وأرداه .

شقيق أحد القتلى (نتحفظ على ذكر اسمه) اعتبر أن مشاهدته لقاتلي شقيقه معلقين بحبل المشنقة قد شفى 5 % من غليله فقط ،وتنتابه من فترة لأخرى أفكار حول الثأر من أقارب الفاعلين وقال " لقد حرقوا قلوبنا بخستهم وجريمتهم البشعة ، لقد قتلوا عامل بريء كادح ، لا شيء يشفي غليلنا .. كان يجب خوزقتهم "
وأبدى الشقيق غضبه على التأخر بالإعدام ، وقال" المسوؤلون وعدونا بإعدامهم بعد أسبوع لكن الأسبوع تأخر أربعة أشهر " وعاد للبكاء الناجي ".
كيفورك قره كارو قال" لقد تجاوزت نفسياً بعد إعدامهم ما جرى لي ولرفاقي، كانت مجزرة ، سبحت في الدم الذي سفكوه ،وقدت سيارتي نحو المشفى لأسعف نفسي، ورفيقي الذي توفي لاحقاً بالتأكيد أنا سعيد لإعدامهم لقد رأيت الموت بعيني ،وقتل ثلاثة من رفاقي، كان يجب أن يعدم هؤلاء المجرمون ، بعدما أطلق رضوان النار علينا خرج وقتل محمد أمين ناشد وحاول قتل ابنه، ثم عاد ورشنا بالبارودة ثانية ليتأكد من موتنا هل هذا يجب أن يعيش ؟ "


طبعاً ردات الفعل عاطفية بعض الشيء و لكن فكروا بالأمر إنسانياً
تحية و ود

شكرا جزيلا صديقي لنقل هذا المقتطف, قرأته في سيريا نيوز منذ يومين...

بالنسبة لهذه القضية, أود توزيع أو شق الموضوع الى نقطتين ذات معاني مختلفة بالنسبة لي:

الأولى: الرأي بحكم الاعدام: سبق و أن قلت أنني ضد حكم الاعدام. و سبق ان شرحت الأسباب:

- بسوريا بالذات للأسف لا أثق مطلقا بالنظام القضائي.

- الاعدام فيه تنمية للنزعة الانتقامية في المجتمع و ليس له أي جدوى على ما أعتقد عند أهل القتيل (بفرض أن القضية عي قضية قتل, لأن القتل هي القضية الوحيدة التي أعتقد أننا نختلف فيها على عدالة حكم الاعدام). لأن اعدام القاتل لا يعني حل القضية... من فقد معيله لن تحل مشكلته باعدام المسبب. و اختصارا للنقاشات العقيمة علي التنبيه على أن عدم الاعدام لا يعني أبدا عدم العقاب, شخصيا أعتبر السجن المؤبد أو لفترات طويلة جدا أشد وطأة من الاعدام بحد ذاته.

- ان قضية الحالة النفسية لأهل القتيل هي مسألة ثقافة و طريقة تفكير اجتماعي انتقامي بالتعريف.

- حكم الاعدام لا يشكّل أي رادع لمنع القتل, و الدليل على ذلك أن نسبة جرائم القتل في أوروبا أقل بكثير من نسبة جرائم القتل في أي دولة تنفّذ حكم الاعدام.

- أفضل رئيس في تاريخنا: شكري القوتلي, رفض توقيع أي حكم بالاعدام طيلة فترة حكمه.

الثانية: لماذا حكم الاعدام الآن في سوريا بعد طول غياب, و بالساحات العامّة أيضا؟؟


لقد تحوّل شعبنا الى شعب دموي و عنيف و عاشق للدم, و الدم مخدّر رهيب كما أنه سلاح ذو حدين. السلطة تعمل على اشباع هذه النزعة العنيفة لدى الشعب عن طريق الاعدامات بالساحات العامة و أمام العلن. انها كذلك طريقة لفرض هيبة دولة أعتقد أنها مفقودة الى غير رجعة.


هذا عبارة عن رأي شخصي طبعا


تحية

مرحبا ياس

- بسوريا بالذات للأسف لا أثق مطلقا بالنظام القضائي.

أوافق معك نسبياً.
الاعدام فيه تنمية للنزعة الانتقامية في المجتمع
ليش لحتى نخليها تنمو أصلاً؟؟ بأي حق بيسلب الإنسان حياة إنسان آخر؟؟ بشو بيتميز عنو؟؟ كلنا دمنا أحمر و النا عيون و أنوف و عقل!! مين بيسمحلو يفكر أنو أعلى أو أفضل أو أحسن من أخوه الإنسان؟؟؟ أكيد عقلو المنحرف و لازم بتر الإنحراف لضمان الإستمرار.
اعدام القاتل لا يعني حل القضية... من فقد معيله لن تحل مشكلته باعدام المسبب. و اختصارا للنقاشات العقيمة علي التنبيه على أن عدم الاعدام لا يعني أبدا عدم العقاب, شخصيا أعتبر السجن المؤبد أو لفترات طويلة جدا أشد وطأة من الاعدام بحد ذاته.

أوافقك بأنه ليس الحل بل هو جزء من الحل.هل تعتقد يا صديقي أن كلمة(فقد معيله) سهلة؟؟ بجاوب عنك أنو أكيد لأ و اللي بقصده أنو ما لازم نفكر بالنتيجة و إنما بالسبب.أما المؤبد فهو أنك تحتفظ بحياتك داخل جدران بس لساتها حياتك:sly:.
حكم الاعدام لا يشكّل أي رادع لمنع القتل, و الدليل على ذلك أن نسبة جرائم القتل في أوروبا أقل بكثير من نسبة جرائم القتل في أي دولة تنفّذ حكم الاعدام.

ممكن بس ما السبب هوما ذكرته و إلا لكانت أمريكا كمان هيك. السبب هو أن أوروبا أكثر احتراماً لحقوق الإنسان.
لقد تحوّل شعبنا الى شعب دموي و عنيف و عاشق للدم, و الدم مخدّر رهيب كما أنه سلاح ذو حدين. السلطة تعمل على اشباع هذه النزعة العنيفة لدى الشعب عن طريق الاعدامات بالساحات العامة و أمام العلن. انها كذلك طريقة لفرض هيبة دولة أعتقد أنها مفقودة الى غير رجعة.

السبب يا عزيزي هو فورة الميديا و ليس التوجه الإعلامي السلطوي. أذكر بعد حادثة ذبح صحفي أمريكي انتشار فيديو كاذب عن عملية مماثلة في أمريكا و (انطرشت) عالأنترنت و صار العربي الفتح هو اللي عندو هالمشهد و إلا (فأنت ليش حامل هالموبايل)!!!!!!
أحر و أصدق تحياتي لك و لكل الزملاء.
أرجو لك السلام:D:D:D

لم أفهم جيدا رأيك عن أمريكا... في الولايات المتحدة هناك العديد من الولايات التي تنفّذ حكم الاعدام و هذه الولايات فيها نسبة جرائم قتل كباقي الولايات بالضبط..... المجرم لا يعتبر العقاب رادع لأن من يقترف جريمة كجريمة قتل راح يقتل بحالتين:

- بفورة غضب و بهالحالة مو ببالو شي (و هاي نزعة عنف ذات أصل عصبي و داخل بنيان الدماغ).
- ببرود و مع سابق تخطيط و هذا يعني أن القاتل متأكد من عدم كشف أمره و لا يفكّر في العقاب.

لهذا لا أعتبره رادعا للقتل.... حوادث السير قاتلة بكثير من الأحيان و مع ذلك هذا لا يشكل رادع لكثير من الناس و يستمرون في التهور


بالنسبة للنزعة الدموية عند شعبنا فلا أعتقد أن انتشار الميديا سبب كافي لتبرير حب العنف المفرط... الميديا انتشرت في كل أصقاع الأرض ولا تجد هذه الأمور...و أعتقد أن المر أكثر خطورة و أهمية مما تتصوره


تحية

لم أفهم جيدا رأيك عن أمريكا... في الولايات المتحدة هناك العديد من الولايات التي تنفّذ حكم الاعدام و هذه الولايات فيها نسبة جرائم قتل كباقي الولايات بالضبط.....

مرحبا
ما كان ممكن فنياً أنو رد فاعتذاراتي.
عدد الولايات التي تسمح بالإعدام هو 3 بالإضافة لولايتين تسمحان به في حال ثبوت ما يسموه القتل بدم بارد, باقي الولايات لا تسمح بالقتل و إنما بالسجن المؤبد:frown::frown:
لهذا لا أعتبره رادعا للقتل
الحقيقة أني أنظر لإعدام القاتل على أنه اعادة الميزان الإنساني لحالته المستقرة بالدرجة الأولى, لأن القاتل اخترع لنفسه حقاً عنصرياً ضد إنسان آخر لا يختلف عنه فيزيولوجياً على الأقل. و يأتي الردع في المرتبة التالية مع أني أظن أن الردع كوسيلة تقويمية يخضع للمفهوم الزمني, فهو و على الرغم من فعاليته إلا أنها مؤقتة و تحتاج للتذكير و إلا لأقلع الكثير عن التدخين(مثلاً).
فلا أعتقد أن انتشار الميديا سبب كافي لتبرير حب العنف المفرط... الميديا انتشرت في كل أصقاع الأرض ولا تجد هذه الأمور...
أنا قلت فورة الميديا و ليس انتشارها و هناك فرق.
عندما قرأت كلمة (العنف المفرط) لا أدري لم انتقلت أفكاري فورا للغرب.على مواقع غربية مثل youtube & metacafe تجد أن أكثر المواضيع زيارة هي مواضيع العنف المفرط و الإباحية.
تحياتي و أرجو لك السلام

الموضوع جذبني خصوصي انو نزلت عن هل شي من فتره ، لك بارليب يا رجل شوف الموضوع يلي منزلو بتفهم كل شي بالتفصيل ...
وهي الرابط كمان مره

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////




هاد يعتبر حدَث ........ كيف عدموه ..؟؟ :shock:
هاد مانعدم صديق متل ما حكة ريمي من قبل

يا أخي هذا جواب صار سمعانو شي 500 مرة. كل ما انحكى بالموضوع نفس الجواب. أنا شخصيا مابؤمن بالاعدام, يا أخي انت عم تعملو معروف لما عم تقتلو!! يعني 50 سنة حبس وللا اعدام؟ و الله الاعدام أريح! و معليش أنا رقاوي و العشائرية شغالة و يا ميتيلي قرايب على ثارات غبية..يعني بعرف شو معنى يموتلك حدا بدون ذنب.

مو موضوعنا الاعدام..أنا لافت انتباهي تنفيذ أحكام الاعدام و تسويقها اعلاميا خلال هالسنتين الأخيرات, و يعني بهالحالة بالذات خمسة مع بعض..أنا عطيت رأيي بسبب هالتحول في رد سابق.

من التسعين لهلأ كانت الاعدامات قليلة جدا و تتنفذ بالسجن...هلأ في تسويق و اعلام و اعلان..يا شيخ شفت صور الاعدام قديش كان في عالم ناطرة من ط** الصبح؟؟ أي لو حفلة لصباح فخري ببلاش ما كانو التمو هيك.

بعدين يعني أنا ملاحظ الدموية الموجودة بالفترة الأخيرة ببلدنا. شي مو طبيعي... يعني لما اقرا الأخبار عالانترنت (عندي ادمان على قراءة التعليقات على الخبر..من باب معرفة رأي العالم) أي و الله بنصدم! يعني اذا الخبر عن واحد فعس جاجة و هو راجع أناريه بالسيارة بتشوف التعليقات و تلاقي نطو الكل و طالبو باعدامو...بعدين يعني معليش هذا موضوع هام تحملني شوي...انتشار ثقافة العنف يا أخي, زرت سوريا الشهر الماضي و لاحظت انو مافي حدا ما عندو بالموبايل مقاطع اعدام و رجم و ذبح..الخ. و فرحان بيفرجيك اياهون. يعني و عم احكيلك على ناس جامعيين و متعلمين, لا عتبك عالجاهل


سلامي :D

اول شي علىا لتسويق الاعلامي ، الكلام ممكن يكون صحيح انو من مبدأ اظهار القوه و الظرب بيد من حديد ، بس السؤال يلي بينطرح كمان كيف العالم لح تنردع لو ما تم هل شي بمكان عام و الكل شاف ، وطبعا يلي شاف الاعدام مباشرة لما بينقلو لحدا تاني بيبهرو شوي للموضوع ...

بالنسبه للشق التاني "المعلم بالاحمر"

هلأ ياس كلامو هون صحيح ميه بالميه ، انو بتلاقي الكل حاططيل اعدام الامريكي و اعدام البلغاري ، و قتل البنت اليزيده بالساحه العامه و و و و و و و ، و الكل مبسوط و فرحان بالمقطع ، انا ما بحب هل نوع هاد انو على شو مبسوط فرحان عم تشوف روح عم تطلع و ناس عم تتعذب بدون سبب و حاططلي ياه و عم توزعو ..

بس هاد ما بيمنع انو انا مع قانون الاعدام بحالة القتل و التشنيع ، لانو يا ياس متل ما قلت انت نتشار الفوضى و الدمويه مالح يردعها غير شي يكون بنفس المستوى ، يعني يلي تلذذ بتقل 12 واحد وهوه بعمر ال 18 لل 20 ، بس يصير بعمر ال 30 لح يكون قتلو عشر اضعاف ، لهيك طريقة ردع يلي متلو براي لازم تكون هيك ..


بالنهايه راي بيستاهلوا يلي صرلهم :D

بعدين يعني أنا ملاحظ الدموية الموجودة بالفترة الأخيرة ببلدنا. شي مو طبيعي... يعني لما اقرا الأخبار عالانترنت (عندي ادمان على قراءة التعليقات على الخبر..من باب معرفة رأي العالم) أي و الله بنصدم! يعني اذا الخبر عن واحد فعس جاجة و هو راجع أناريه بالسيارة بتشوف التعليقات و تلاقي نطو الكل و طالبو باعدامو..


هاي عم اقتبس من حالي (بالزمانات كنا نتمسخر عللي بيقتبس من حالو)
شوفولي أول رد على هالموضوع

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


هاد مثال من الأمثلة الكثيرة

تحية

هاي عم اقتبس من حالي

هههههههههه.

(اعتبروها سبام, بس بدي اضحك على ياس, هو بيعرف ليش :p)

هههههههههه.

(اعتبروها سبام, بس بدي اضحك على ياس, هو بيعرف ليش :p)
سبام
فيها مخالفة ....:jakoush:
:o:o:o:o
:D