-
دخول

عرض كامل الموضوع : أمثال شعبية........

NEDAL-S
18/06/2004, 17:57
ابن ابنك الك ابن بنتك لا

ابن البط سباح وابن الكلب نبّاح

ابن الخمسين زهر البساتين

ابن الداية ما عليه مخبايه

ابنك إلك بنتك لا
ابنك هو صغير ربيه ولما بيكبر خاويه

ابنها بيبكي وراحت تسكَّت ابن الجيران

احترنا يا قرعة منين نبوسك

اخطب لبنتك قبل ما تخطب لأبنك

ادعي لصاحبك بالسعادة بتخسرو

الأب جلاّب والأم دولاب :wink: 8) :wink: 8)
يتبع.......................................... ...............
الكبير
19/06/2004, 01:38
مرحبا
حلوة هادي الامتال
وبالمناسبة اذا الشباب والصبايا بيبعتو امتال حافظينها يعني متل مسابقة الاغاني والشعر
هيك منتعرف كلنا على امتال من مناطق سورية او عربية مش سامعين فيها
مثلاً : اذا كان لك مع الكلب حاجة قوللو يا سيدي
حرف الدال
الدم ما بيصير مية
يعني بدها تساهل بالحروف لأنها عامية
شو رأي الاخوة ؟؟؟؟؟؟؟؟؟؟؟
الكبير
19/06/2004, 01:39
انا موافق
الكبير
19/06/2004, 01:40
وانا كمان موافق
Hus
19/06/2004, 01:51
اي وانا عجبتني الفكرة
الكبير
19/06/2004, 02:06
اي وانا عجبتني الفكرة

يعني راء
راح المتعوس لعند خايب الرجا
جيم
Hus
19/06/2004, 02:10
وانا عجبنتي يالله شباب شي حدا يبدى فيها
Anmar
19/06/2004, 02:17
اي ياالله اذا صاحبك عسل أحسن من عشرة عالشجرة هههههههههه

لاء عم امزح ...

اذا صاحبك عسل لا تلحسو كلو ...


بس شي حدا يحط قوانين ...يعني ايمت بتخلص وكيف النقاط
NEDAL-S
19/06/2004, 06:38
شكر عل المشاركة .
عجبتني كتير فكرت المسابقة وهي كام مشاركة.
~~~~~~~~~~~~~~~~~~~~~~~
الأبواب مغلّقة والهموم مفرقة

الأقارب عقارب

الأم بتلّم

الإنسان بالتفكير والله بالتدبير

البحصة بتسند خابية

البعد جفا والقرب وفا

البنات همن للمات

البنت لامها والصبي لأبوه

البيت اللي رباني ما بينساني

البيت بيت أبونا والناس بيخانقونا

الجار قبل الدار

الجنة من دون ناس ... ما بتنداس

الجوع كافر

الحق الكذاب لباب الدار
شو كويسين ما هيك..
:wink: لسا في كمان يتبع... :D
ّّّّّّّّّّّّّّّّّّّّّّّّّ ّّّّّّّّّّّّّّّّّّّّّّّّّ ّّّّّّّ~~~~~~~~~~~~~~~~~~~~~~~ :D
HashtNasht
19/06/2004, 06:45
السبعة أحسن من الستة والستة أحسن شي
هادا مثلي الأعلى بالحياة
:lol:
HashtNasht
19/06/2004, 06:46
طيب مين بيعرف شو قصة هاد المتل:
عند العزايم واللمايم أنطون نايم وعند جلي الصحون قوم يا انطون
؟؟؟؟؟؟؟؟؟؟؟؟؟؟؟؟؟؟؟
علماً انو مثل حمصي بحت
NEDAL-S
19/06/2004, 06:48
شو تاركينو للحاجة :wink:
NEDAL-S
19/06/2004, 12:07
وهي شوي كمان
الحكي ما مثل الشوف

الحما بابور وبنات الأحما إبره

الدفا عفا ولو كان بعزّ الصيف

الدم ما بيصير ماي

الذهب بيعتاز النخالة

الرجَّال رحمة ولو كان فحمة

الرزق إلي ما ببلدك لا إلك ولا لولدك

الروحة بالايد أما الرجعة مش بالايد

السكافي حافي ، والحايك عريان

السلام على المعرفة

السياسة ما إلها دين

الشرط بالحقلة ولا قتال عالبيدر

الشرط سيد الأحكام

الشمس شارقة والناس قاشعة
الكبير
19/06/2004, 14:31
جات الحزينة تفرح - - - ما لقت لها مطرح
بالمصري يعني
NEDAL-S
19/06/2004, 17:40
الصبي ولو مال تلتينو للخال

الطفران غلب السلطان

الطمع ضرّ ما نفع 8)

العافية بتجي من خروم الابر ولا مرض بيدفق دفق

العين بصيرة واليد قصيرة 8)

العين ما بتعلا عن الحاجب :wink:

الغايب عزور معو

الغربة كربة

القلوب شواهد
:wink:
القلوب عند بعضها
NEDAL-S
19/06/2004, 17:41
الصبي ولو مال تلتينو للخال

الطفران غلب السلطان

الطمع ضرّ ما نفع 8)

العافية بتجي من خروم الابر ولا مرض بيدفق دفق

العين بصيرة واليد قصيرة 8)

العين ما بتعلا عن الحاجب :wink:

الغايب عزور معو

الغربة كربة

القلوب شواهد
:wink:
القلوب عند بعضها
الكبير
19/06/2004, 23:49
اجري جري الوحوش - - - - غير رزقك لم تحوش
ليش معلق معي المصري مش عارف ؟؟؟؟؟
الكبير
19/06/2004, 23:53
الجرة اللي ليها ودنين - - - - يشيلوها اتنين
ودنين يعني ودن وودن
يشيلوها يعني مش عارف ايه
اتنين يعني مش تلاتة
الكبير
19/06/2004, 23:58
منرجع للشام
اللي بياخد من غير ملتو - - - - بيموت بعلتو
ملتو يعني دينو
علتو يعني بتجيه او بتجيها علة تعل قلبن
NEDAL-S
21/06/2004, 19:03
وين الشباب وين المشاركات مبين مافي غيرنا يا كبير...
وهي شي ست سبع أمثال نشال يعجبوك :D
NEDAL-S
21/06/2004, 19:05
الله يلعن هالزمان اللي خلط القمح بالزوان

الكلب ع باب صاحبو نبّاح

الله يوفق وينفق ... وعنا ما يتخلى :wink:

اللي ما الو حظ لا يتعب ولا يشقى
اللي ما بدو يزوج بنته بيعلي مهرها

المنحوس منحوس ... ولو علّقوله فانوس :(

أجت الحزينة تفرح ما لقت لها مطرح

أعلى ما بخيلك ... إركبه
:wink:
من حفر حفرة لاخيه فهو فلاح نشيط
NEDAL-S
23/06/2004, 12:49
أنا أمير وإنت أمير ومين بيسوق الحمير :P

أنا وخيّ ع ابن عمي وأنا وإبن عمي على الغريب :wink:

إبن الحلال عند ذكره يبان :)

إذا كنت جاري لا تخرب دياري :wink:

:D :D :D
just4asm
24/06/2004, 02:34
الخط الاعوج عطول من التور الكبير ...... :P
هالمثل أبوي دائما بيطرش أدني فيه ...... يا ريت أعرف مين متفلسف فيه ؟؟؟؟؟
Joe
24/06/2004, 03:00
يلي استحوا ماتوا
---
قال بيقولوا أصل المثل انو كان في حمام نسوان بالسوق شبت فيه الحريقة... و يلي هربوا من الحريقة و ما استحوا و طلعوا لبرا.. عاشوا.. و يلي استحوا.... ماتوا!
dimozi
24/06/2004, 20:31
أحلى متل بالعالم


نام بكير و فيق بكير و شوف الصحة كيف بتصير



انا هاد شعاري بالحياة :D
NEDAL-S
26/06/2004, 13:24
بطن تمام كيف تمام :wink:

بيسرق الكحل من العين

بيصب الزيت على النار

تيتي تيتي مثل ما رحت مثل ما جيتي

خبي قرشك الأبيض ليومك الأسود

:D

:D :D :D
NEDAL-S
26/06/2004, 13:26
شو إلك بالقصر قاللو امبارح العصر

صام صام وفطر على بصلة

ضرب الحبيب زبيب

عما حكيكي يا جارة ... تا تسمعي يا كنه

عمر الشقي بقي

فرخ البط عوّام

عطس التيس رخص اللبن
Mr.yosef
26/06/2004, 16:32
الحياة يومين.. يوم الك.. :) ويوم عليك :(
architecturer
27/06/2004, 04:10
عطس التيس رخص اللبن

:? :shock:
الكبير
04/07/2004, 18:47
الحياة يومين.. يوم الك.. ويوم عليك

بعد إذنكم هادا مش متل
هاي أغنية للمرحومة ذكرى
الكبير
04/07/2004, 18:49
عطس التيس رخص اللبن

كتير حلو وبذكرني بمتل:
جدي لعب بعقل تيس
وقام الدب ليرقص
:D :D :D
NEDAL-S
07/07/2004, 12:25
طب الجرة على تمها بتطلع البنت لامها :wink:
:D