لدى عودة ركانة حمور مع أطفالها(خمس سنوات و سبع سنوات وتسع سنوات)أوقفت سيارتها أمام البناية وأثناء انشغالها بإنزال أطفالها من السيارة، هاجمها ستة رجال شداد غلاظ، دفعوها أمام أطفالها


بقوة وغلاظة وقاموا بدفع أولادها عنها بوحشية ودفعوها بعنف في سيارة مدنية تحمل نمرة طرطوس و منعوا أحدا من الاقتراب منها وانطلقت السيارة بسرعة إلى جهة مجهولة دون التعريف عن أنفسهم والفرع المخابراتي الذي أرسلهم، ويذكر أنها قد تلقت منذ يومين تقريبا تهديدا من قبل الامن السياسي الفرع الداخلي بدمشق انهم يريدون التحقيق معها و لما رفضت الذهاب الى التحقيق دون ان تتسلم بطاقة استدعاء قانونية و نظامية قاموا اليوم باختطافها باسلوب العصابات
و معلوم ان ركانة حمور تتعرض للتهديد بسبب خلافات على وراثة سلبها أشقائها حصتها بالتعاون مع ضباط كبار و مسؤولين كبار، وتقول ركانة أن ثروة والدها المرحوم محمد مطيع حمور وكيل الخطوط الجوية السعودية تبلغ المليارات تبخرت كلها من المصارف السورية بواسطة التزوير.
وجدير بالذكر ان السيدة حمور تلقت تهديدا صريحا بتدبير حادثة اغتصاب وتصويرها من قبل المخابرات بغية ابتزازها بغية الحصول على توقيعها للتنازل عن حقوقها، يضاف إلى ذلك كشفها لسرقات واختلاسات في مؤسسة الخطوط الجوية السعودية بدمشق، عرف أنها تملك ملفات ووثائق بهذا الشأن خشي الفاعلون وصلها للسلطات المعنية بعد أن هددت بأنها سترسلها إلى العاهل السعودي شخصيا. وحينذاك قد لا يتأتى لهم الخلاص بالرشوة كما هي الحال في سورية حيث يشترون أي فرع أمني لممارسة الضغط على ركانة حمور.
من المعروف أن ركانة حمور من ابرز المدونين السوريين، وكانت قد ترشحت كمستقلة للبرلمان السوري في الانتخابات الماضية عن مدينة دمشق، وتشهر أصبعها بوجه الفساد والفاسدين بشجاعة وإصرار.
وجدير بالإشارة إلى أن معارضين سوريين وزعوا قبل أسبوع فيديو كليب يروج لحرية سجناء الرأي في سوريا بعنوان "صوت المعركة" عبر الانترنيت تضمن صورة التقطت عبر موبايل لاعتقال وحشي سابق للسيدة حمور، وقد تجد المخابرات في ذلك ذريعة لتحميلها جريرة وتبعات صدور وتوزيع الفيديو كليب الناقده.
ولا يزال مصيرها السيدة حمور حتى اللحظة مجهولا
27.10.2007





////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////




شفاف الشام

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لما رفضت الذهاب الى التحقيق دون ان تتسلم بطاقة استدعاء قانونية و نظامية قاموا اليوم باختطافها باسلوب العصابات

اسلوب العصابات ؟؟؟؟
ليش هنن شو ؟؟؟

اسلوب العصابات ؟؟؟؟
ليش هنن شو ؟؟؟

حدا ممكن يحكيلي ليش من اي فرع هنه ؟؟؟

وشو يلي بياكد انهم مخابرات او تابعين للدوله ؟؟؟

حدا عندو شي اثبات مثلا !!!

حدا ممكن يحكيلي ليش من اي فرع هنه ؟؟؟

وشو يلي بياكد انهم مخابرات او تابعين للدوله ؟؟؟

حدا عندو شي اثبات مثلا !!!
يعني مين بدو يخطفها مثلا ... انا وولاد عمي ؟؟؟؟؟
انت من كل عقلك عم تحكي .......:shock:

يعني مين بدو يخطفها مثلا ... انا وولاد عمي ؟؟؟؟؟
انت من كل عقلك عم تحكي .......:shock:

اي لكن انتو من كل عقلكم عم تحكو يا صاحبي

مخابرات بعتو 6 يسحبو مره شي منطقي برايك يا ربي

يعني بدكم تحكو شي فرع سحبها بس مو هيك كمان

اي لكن انتو من كل عقلكم عم تحكو يا صاحبي

مخابرات بعتو 6 يسحبو مره شي منطقي برايك يا ربي

يعني بدكم تحكو شي فرع سحبها بس مو هيك كمان
لا حبيبي مافي شي بيمنع ...... ومتلها كتير صار ومع ناس منعرفون كمان .....
ولا تفكر انو الشغلة تبلي او شي ..... اذا انت برات البلد وما بتعرف فهي مشكلتك ....;)

اي لكن انتو من كل عقلكم عم تحكو يا صاحبي

مخابرات بعتو 6 يسحبو مره شي منطقي برايك يا ربي

يعني بدكم تحكو شي فرع سحبها بس مو هيك كمان


لكن مين سحبها؟ طبعا لشباب الطيبة من الفرع,
على كل هدا مو جديد عليهم شو يعني بحياتون ما سحبو حدا؟؟
ركانة حمور صارت قصتها مشهورة و اذا بدك ادخل مدونتها على مكتوب الا اذا حجبوها عن جديد.
بمقابلتها مع حمدي قنديل حكت انو عميد الفرع ( ) قاللها اذا بترجعي بتكتبي ع الانترنت بقصلك لسانك, شو لسانك..................
مارح اذكر اسم الفرع من شان ما ايطجوني مخالفة

لكن مين سحبها؟ طبعا لشباب الطيبة من الفرع,
على كل هدا مو جديد عليهم شو يعني بحياتون ما سحبو حدا؟؟
ركانة حمور صارت قصتها مشهورة و اذا بدك ادخل مدونتها على مكتوب الا اذا حجبوها عن جديد.
بمقابلتها مع حمدي قنديل حكت انو عميد الفرع ( ) قاللها اذا بترجعي بتكتبي ع الانترنت بقصلك لسانك, شو لسانك..................
مارح اذكر اسم الفرع من شان ما ايطجوني مخالفة

ولله انتو ادرى يا اسيدنا اذا هيك:D

بربي كلام ما فيه جنس المنطق ولا العقل ولا بيمرق على طفل صغير

قال شو
تبخرت كلها من المصارف السورية بواسطة التزوير
عن جد مقتنعين بهيك كلام ؟

السيدة حمور تلقت تهديدا صريحا بتدبير حادثة اغتصاب وتصويرها من قبل المخابرات بغية ابتزازها بغية الحصول على توقيعها للتنازل عن حقوقها،

تفضل للمسخرة و الحملات السخيفة الي عم يقوم فيها خدام الكلب و بيانوني العميل و نيوف الخائن .. وآخر شي صقر بيك
يعني على اساس المخابرات بتحتاج لتهديد لو بدها تاخد توقيعها
فيديو كليب يروج لحرية سجناء الرأي في سوريا بعنوان "صوت المعركة" عبر الانترنيت
أتفه شي ممكن تعملو معارضة واعية وفهمانة ...

شفاف الشام

شي بيهوي من هيك موقع كلو كذب و نفاق و دعايات كاذبة ما بتمرق غير على كل ضيف بصيرة و قليل عقل

عميد الفرع ( )
و أنت أي فرع .. عفواً حزب باعتك و فارزك لعنا ؟ خدام ولا الغادري ولا مين ؟

حاج نقل مواضيع و قص و لصق ... حاج .. وكلها علاك مصدي

(يعني على اساس المخابرات بتحتاج لتهديد لو بدها تاخد توقيعها)
هي بوافقك فيا, المخابرات بتعمل شو ما بتريد غصب عن الجميع

و أنت أي فرع .. عفواً حزب باعتك و فارزك لعنا ؟ خدام ولا الغادري ولا مين ؟

حاج نقل مواضيع و قص و لصق ... حاج .. وكلها علاك مصدي

و انت مين عينك توزع وطنيات على اللي بدك و اتخون اللي بدك؟ مافي داعي حدا يبعتني لاقرأ واقع بلدي.
انا ماني كاتب بل متابع واذا لاحظت نقلت كل وجهات النظر فليش انت انطمزت من هل موضوع عدا غيرو؟
على كل انا بقص و بلصق بس بذكر المصدر و المواضيع ابدا مو تافهة او انها تافهة بنظرك بس.
بس انت مع الاسف عم اتردد معزوفة وحدة مانك حافظ غيرا.

خلونا نشوف كلام السيدة حمور يفوت بالمخ وإلا يفوّت بالحيط
هذا ما نشرته على أنه استجوابها بالفرع إياه.
يخيل للمتابع أنه حوار في مقر بوليسي في دولة اسكندنافية:


قال لي نحن أرسلنا لك الدفتر كله في المرة السابقة ( من أشهر ) و عليه التبليغة قلت له التبليغة كانت ملصقة على الدفتر و لم يسلمني إياه و لم يسمح لي بتصويرها و تاريخ التبليغ سابق لوقت التبليغ ما يعني أنكم إذا سجنتموني لديكم فلن يتمكن احد من معرفة مكاني و لن يكون للقضاء إمكانية اكتشاف مكاني فالتبليغ تم بعد أكثر من عشرة أيام عن التاريخ المكتوب في التبليغ انه يتوجب علي مراجعة فرعكم ( فرع الأمن الداخلي في أمن الدولة ) و قد أجبت العنصر وقتها أن يأتيني بتبليغة نظامية عليها توقيت صحيح جديد و يسلمني إياها
قال لي : التبليغة تستلزم وقتا كبيرا لتنظيمها يعني بدك يانا نعذب اللواء مرة ثانية و نطلب من اللواء أن يضع الختم و توقيعه للمرة الثانية
قلت له : لأ لازم أنا اللي أتعذب و تخطفوني ( لان إجراءات الخطف أسهل بكثير من إجراءات تنظيم استدعاء قانوني ) بهذه الطريقة الوحشية
قال لي هذا ليس خطف هذا إحضار موجودا و كنا معك بغاية اللطف و الاكابرية و نحن معروف عن فرعنا انه اهدأ فرع أنت لم تجربيه بعد و ما شفتي اللواء لواءنا أستاذ في الفلسفة مو أنت دارسة فلسفة كنت استمتعت جدا بالاستماع لمحاضراته

قلت له الذي جرى اسمه خطف و سأقوم برفع دعوى قضائية
فقال لي انسيها
فقلت له : لا سأرفع الدعوى
فقال لي : روحي ارفعيها و ورجيني إذا بيطلعلك شي بالقضاء كلنا بيعرف شو القضاء بالبلد
و قال لي لماذا لم تأتي معهم بالذوق بعدين شو هاد عاملة بيتك قلعة حاطة باب حديد وكاميرا و ما بتفتحي لحدا ( يعني أنهم كانوا يحاولون اختراق حرمة منزلي و اختطافي من داخله )
قلت له لان من يجرب المجرب يكون عقله مخرب و أسرتي اعتادت على تعدياتكم فقد تم خطف زوجي قبل يوم رمضان و أنا خطفت في نفس هذه الأيام من العام الماضي و كل هذا أمام أولادي فقال لي نحن حريصين على الأولاد و قد حاولنا أن نخطفك أكثر من مرة بدون أن يكون معك أولادك و لكن لم نتمكن من التقاطك ولا مرة وحدك لذلك اضطررنا أن نخطفك أمام أولادك الحق عليكي
قال : الأمن الجنائي هدول ما بيفهموا بس نحن غير شي
و قال لي : ليش خطفوكي
فقلت لأنهم يريدون أن ينتزعوا مني تنازلا عن حقوقي
فقال لي : أنا سمعت من بعيد قصتك مع أخواتك نحن ما رح نقلك توقعي على تنازل و لو
فقلت له : لكان شو بدكم مني
ففتح أوراق( حوالي ثلاثة أوراق ) و قال لي لقد صبرت عليك كتير و قلت للواء معلشي خلينا نصبر عليها شوي بس خلص
بعدين سألني هل تعرفي شخص اسمه علي حاج حسين قلت له نعم اعرفه عن طريق الانترنت كما اعرف غيره كثيرين يتركون تعليقاتهم على مواضيعي اعرف ستمائة واحد عن هذا الطريق
فسألني ستمائة بالضبط أم أكثر فقلت له لم أعدهم قد يكونون أكثر أو اقل ما اعنيه أنهم أشخاص كثر فلدي مدونة يزورها الكثيرين
فقال لي يا ريت تعطينا عنوان مدونتك حتى نراها على الانترنت
فقلت له عماذا تسألني إذا كنت لم ترى مدونتي و لا تعلم بها
فقال لي لقد جاءتني هذه الأوراق لأحقق بأمرها ( و هي ثلاثة أوراق )
فقلت له هذا عمل المخابرات و المخابرات لديها اطلاع كامل على مدونتي بشكل كامل
فقال لي نحن ما دخلنا بالمخابرات هذا شغلنا نحن
قلت له ما دمت لم تطلع على مدونتي و اختطفتني و تحقق معي بسبب شخص ترك تعليقا على مدونتي فمن أين جئت بهذه الأوراق
فقال لي شخص جاءني بها شخص
فسألني جنسيته سوري هذا علي ؟
فقلت له لا اعرف
فقال لي قد سبق لك التعليق على تعليقه فكيف لا تعرفي جنسيته
قلت له تكلمت معه كانسان يضع تعليقا ولا يهمني جنسيته أما إن كنت مجتمعة مع شخص بشكل شخصي وجها لوجه لسالت حينها عن جنسيته و من أين هو من سوريا
فقال لي : احكي لنا كل شي بتعرفيه عنه
فقلت له: قلت لك لا اعرف شيئا عنه أكثر مما قلت لك
فقال لي : لكنك كنت سعيدة بتعليقه و مدحه لك
فقلت له طبيعي أن أكون سعيدة بإنسان يمدحني و هذا شان كل إنسان طبيعي
فقال لي هاتي أذكرك بما قاله في الشهر الرابع يقول في تعليقه على ترشحك لانتخابات مجلس الشعب و كله تهكم و سخرية واضحة من تعليقه أن دخول للمجلس شتيمة و مسبة والله لا يقدرلك ياها لا سمح الله فأنت معروفة انك لست مثلهم هذه المجلس صنعته أربعون سنة من العهد الميمون

فقلت له هذا تعليقه فكيف كان تعليقي على تعليقه هذا هل فيه أية سبة للبلد
فقال لي : لأ تعليقك ما فيه شيء بس نحن نحاسبك لأنك جاوبت على تعليقه
فقلت له : و لو لم أجاوب على تعليقه لاستجوبتموني أيضا لماذا لم اعلق على تعليقه فالسكوت علامة الرضى
فقال لي: كان يجب أن تقاطعيه أو تعلقي تعليقا عليه انه يجب عليه أن يحب الدكتور بشار لأنك بهذا التعليق تسب شخص الدكتور بشار بذاته لأنه بمثل هذا التعليق يقول و كأنه لا يحب الدكتور بشار
فقلت له و ما شأني أنا و هذا الكلام
تعليقه هو مسؤول عنه و كل إنسان حر بمشاعره و الدكتور بشار بإمكانه أن يرفع دعوى قضائية ضده و هذا أمر لا علاقة لي به لا من قريب و لا من بعيد
قال لي : و الأفظع من ذلك أنه ( أي علي ) قد وضع تعليقا يفيد بأنه يرشحك للرئاسة بجانب الدكتور عسى إن تفلح امرأة
فقلت له و ما علاقتي أنا أيضا بهذا التعليق
قال لي : لا يجوز أن يتجرأ أي شخص على مجرد التفكير بالترشح فكيف له ( أي علي ) أن يعلق مثل هذا الكلام فقلت له الدستور يسمح لكل إنسان أن يترشح ثم هذا شأن بينكم و بينه لا دخل لي به
فأجابني : أنت ما شعورك نحو الدكتور بشار
فقلت له: ما دخلك مشاعري هي شأني الخاص و أنا حرة بها
فقال لي أنت ممكن أن يساء فهمك فيظن البعض انك مع المعارضة
فقلت له أنا لست معارضة و لست موالاة أنا مواطنة تسعى وراء حقوقها و تريد سيادة القانون و المنطق يقول أن أي إنسان لديه عقل و لديه ثلاثة أولاد يمكن أن يعرضهم لأذى لأنه يريد أن يعارض
فقلت له انتم تقولون أنكم تحبون الدكتور بشار طيب هو يعلن مكافحة الفساد فلماذا ولا مسؤول في البلد يساعده في مكافحة الفساد لقد سلمت ملفي إلى عدد كبير من المسؤولين و كلهم كانوا يرجعونها لي و يقولون الملف يفضح فساد كبير و هم يستحون أن يتصرفوا بمثل هذا القضايا و بعد ذلك أتلقى تهديدا من جهة ما
فسألني و لماذا ترشحتي لمجلس الشعب
فقلت له لأنني أريد أن أمارس حقي القانوني و الدستوري و لأنه ثمة الكثير من القضايا التي يجب أن تطرح مثل راتب المعلم الذي لا يكفيه لسد الرمق و كثير من المظالم التي من مهمة عضو مجلس الشعب طرحها
فقال لي : شفتي شلون ما نجحتي
فقلت له : لا أعاني من عقدة أو اكتئاب لأني لم أنجح
فقال لي و هذا الرقم من أين أتى ( رقم هاتف يعود إلى منطقة شارع بغداد )
فقلت له و ما دخلي أنا أيضا بأرقام هواتف الناس
فقال لي لن صاحب الرقم قد استخدمه للتعليق على الانترنت و قد جلبنا صاحب الرقم و اعترف انه لا يعرفك
قلت له و ما علاقتي أنا بمثل هذا الكلام
فقال لي يجب أن نحقق بأمره
قلت له طيب حققوا شو دخلني أنا
فقال لي هل تعرفين أشخاص يسكنون في شارع بغداد
فذكرت له بعض الأشخاص
فسألني كيف و لماذا تعرفينهم ( ربما لأن واحدة من أكبر التهم أن يتعارف البشر )

ثم قال لأحدهم خذها لتكتب

خلونا نشوف كلام السيدة حمور يفوت بالمخ وإلا يفوّت بالحيط
هذا ما نشرته على أنه استجوابها بالفرع إياه.
يخيل للمتابع أنه حوار في مقر بوليسي في دولة اسكندنافية:
احسنت اذ اردت تقصي الحقيقة و لكن يا صديقي اما كان ولى ان تبدا القصة و كما سردتها صاحبتها من البداية؟ على كل انا سافعل هذا بالنيابة عنك حتى تكتمل الصورة و اترك لك المقطع الاخير لتنشره اذا تكرمت

بينما كنت عائدة إلى المنزل يوم الخميس 25 /10 /2007 و معي زوجي و أولادي الثلاثة ( أعمارهم خمس سنوات و سبعة سنوات و تسع سنوات )
في حوالي الساعة الثانية و النصف ظهرا نزلت و أولادي من السيارة و أنزلت بعض الأغراض و زوجي يخرج حقائب أولادنا العائدين من مدارسهم و توجهت و أولادي إلى مدخل البناية و ما أن خطوت داخله حتى فوجئت بشخص يقترب نحوي حاولت تفاديه و لكنه اقترب مسرعا و قام بمعانقتي بوحشية دافعا إياي و تبعه أشخاص فصرخت ( استغاثة من هذا الذي يتحرش بي في وضح النهار ) و لكن الأشخاص الذين معه قاموا بضرب سور حوله و قاموا بدفع ولدي بعيدا عني و لدي الذي بكى لدرجة انه بلل نفسه خوفا علي و هو يرى من يعتدي على أمه و لا يزال بكاه يدوي في أذني و قام الشخص بدفعي باتجاه سيارة متوقفة أمام مدخل البناية و رمى بي داخل السيارة لأقع على أرضها فيرمي هو بنفسه فوقي فيحتجزني أنا بين ساقيه و يطوقني بذراعيه فأحاول الابتعاد عنه و أن اقلب وجهي بعيدا عنه فيحملني حملا و هنا دارت الدنيا بي و أحسست بدوار فلم اصدق أن يكون ثمة من يملك من القذارة أن يعتدي على أمام كل الناس و في وضح النهار و لم أجد نفسي بعد ذلك إلا و هم يرفعوني و يجلسوني على مقعد بين اثنين من الرجال فسألتهم إلى أين تأخذونني قال الذي كان يعتدي علي اخرسي و هلق بتشوفي قلت لهم لا يحق لكم خطفي من انتم قالوا لي اخرسي هي مزحة مو شي فأجبته بل اخرس أنت و كان الرجل الذي على يساري يحاول وضع قيود في يدي فقلت له أبعدهم هذه للمجرمين و ليست لي و قد جرحتموني بما فيه الكفاية فهل تريدون أيضا جرح يدي و توقف السيارة لحظات ليصعد رجل آخر بجانب السائق فقلت لهم القانون و الدستور السوري يمنعكم من خطفي فالتفت إلي الرجل الذي صعد و قال لي كلي خرى فقلت له أنت كل خرى القانون لا يسمح لك بشتمي فالتفت إلي صارخ أنا بورجيكي (يعني ينوي ........ ) فقال له احدهم خلينا هلق نمشي و نوصل
تابعوا مسيرتهم حتى وصلوا إلى منطقة القصور و فتح حاجز و حاجز آخر كبير و قال احدهم وصلنا إلى المدخل تماما و أنزلوني من طرف ضيق بحيث لا يتيحون لي أي مجال للحركة
و دخلنا إلى مدخل أجلسوني فيه قالوا لي انتظري هنا و بعد حوالي العشر دقائق أدخلوني إلى غرفة كان فيها شخص يجلس خلف طاولة و أجلسوني منتظرة أيضا ثم جاء الشخص الذي عانقني خاطفا و تحرش بي فجلس جواري ثم دخل شخص آخر وقف بوجهي تماما ( و هو واحد من الذين خطفوني ) و هو مفكوك حزام بنطاله و اخذ برفع سحاب بنطاله و إعادة تركيب حزامه ( الذي كان مفكوكا ) من جديد و هو ينظر إلي متحسرا
بعد دقائق أصعدوني إلى طابق علوي و تركوني انتظر مدة من الزمن ثم أدخلوني إلى غرفة واسعة فيها شخص جالس خلف طاولته أجلسوني و استدعى شخصا ليكتب الإفادة جاءته ثلاثة اتصالات هاتفية أثناء و جودي كان يجيب عليه بنعم فقط
و سألني لما أرسلنا لك المختار لماذا لم تأتي و قد أرسلنا في طلبك عدة مرات
فقلت له لأنكم لم تسلموني ورقة تبليغ رسمية و قانونية
قال : لي نحن لا نعطي و رقة تبليغ
قلت : القانون يجبرك على إعطاء و رقة تبليغ فقال لي لأ مو نحن ( يعني هم أعلى من القانون )
فقلت له ليش أنت أعلى من الدستور
قال لي وفق قانون الطوارئ نعم أنا أعلى من الدستور
قلت له قانون الطوارئ على النسوان أنا لست مجرمة و لست مجندة

بننهي الحديث بكلمتين مشان ما نوجع راس بعض ، لو الكلام صح
المخابرات كتير صعب عليها تجيب موظف القهوه والشاي تخلي يوقع على يلي بدهم ياه و يحكو هاد توقيعها و يلا نحفظ و هاد الكلام كلو منها هيه و خلصنا ...

ما بعرف ليش مثلا كل ما دق الكوز بالجره بنحكي الفرع الفلاني و فلان الفلاني و ما بعرف شو ..

شو يلي بيثبتلي انو حكيها صح طيب ، يعني كمثال وين الوثائق ؟؟؟ طيب اكيد تعذبت هيه و طلعة عيونها وين أثار التعذيب من هل فرع يلي نحكى عنو ؟؟؟
ال 6 يلي دفشوها ما عملولها شي طيب علطريق يعني مشان يكون في بينه بالموضوع كمان

يا اخي كل الموضوع ما رد فيه غير انا و كوستا و صائد الطيور ، وباقي الموضوع على نسخ و لصق ، طيب يعني هل هاد معناه انو انتو متاكدين ميه بالميه من هل حكي ، طيب بركي يلي كاتب هل تقرير بالاساس كمان ناسخو ولاسقو على هل ورقه من طرف تالت ؟؟

شوف التناقض بين الروايتين
بالرواية الأولى و صلت هي وولادها و بالرواية التانية هي وولادها و زوجها ... بالرواية التالتة رح يكون أخوها معها

بعدين تعليقا على كلام آش .. أنا ممكن ألف رواية عن حدا و نزلها بالنت و لوحدها رح تنتقل بين المنتديات و بدون أي منطق أو حدا يتأكد من صحة هالكلام

شوف التناقض بين الروايتين
بالرواية الأولى و صلت هي وولادها و بالرواية التانية هي وولادها و زوجها ... بالرواية التالتة رح يكون أخوها معها

بعدين تعليقا على كلام آش .. أنا ممكن ألف رواية عن حدا و نزلها بالنت و لوحدها رح تنتقل بين المنتديات و بدون أي منطق أو حدا يتأكد من صحة هالكلام
و الممتمع بالموضوع انو لا الكاتب الاول نتبه لهل نقطه ولا يلي كتب الروايه التانيه نتبه لهل شي ..
روايه نزكر فيها انو الماره حاولو يبعدوهم بس ما قدرو
بس التانيه اغفلة هل نقطه تمام

ولسى القادم مزهل اكثر يا صاحبي ، وفت علمسنجر خليني صبح عليك ، بركي بيطلع معنا روايه مغايره:o

حترم الفاظك ، و حاول تكون محترم بحكيك بعتبارك من الاخوان يعني المفروض تستغفر ربك هلا و طجلك ركعتين مشان هل طريقه المحرمه يلي حكية فيها ....

نحنى لح نحكيليك روح الله يسامحك بس ، انت و هاد يلي حاططلي صورتو ، دخلك لسعتو هربان ولا خلص ستقر بسوريا ؟؟

لا استغرب شيئا من مخابرات عربية!!
على كل الاحوال الله اعلم..وحرام الواحد يظلم البسطاء :lol:

هم بيضحك وهم بيبكي

يلي كتب الموضوع يمكن كتبوا بأسلوب مبهر اشوي ببهارات هندية

صحيح أنوا المدونين بهالفترة ماكلينها أكل من قبل حكومتهم

ويلي بيكتب كلمة ما بتعجب حكومتوا المصونه بياخذ علقة محترمة

وعلى فكرة كمان مو كل شخص بيجي بيحكي كلمة تصدقوه في ناس صارت

تعمل قصص وتدخل تكتب بس علشان تبين أنها مهمة وتنشهر حاكم صارت

شغلة التدوين بتشهر الواحد أسرع من الفن

والأخ سوري 2007 ويلي مثلوا عن أي حرية بتتكلم إذا كانت الحرية

يلي بدك أياها تكون بالاسلوب يلي بتتكلم فيه وبترد فيه على غيرك فخليها لحضرتك

واللعنة على هيك حرية من هالنوع وما بعرف أصلا شو هي الحرية يلي عم تحكي فيها

ليه أنت مكبل بسلاسل ولا نزلت من بطن أمك مخيط تمك وإذا مش عاجبك أخي الكريم

الحياة بسوريا ليه ما تحمل حالك وتروح على أمريكا هونيك الحياه غير شكل ولا بدك يعني

حياة أمريكا تيجي لعندك على سوريا مثل ما جت على العراق إذا هيك فكرك فليك رد ثاني بيكون


للجميعــ ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

لك البيانوني أشرف منك ..
اشرف منك البيانوني .. يمكن .. مع انو بشك انو يكون في شخص اشرف من هالوسخ بيانوني
بس البيانوني اسخف و أقذر شخصية بالتاريخ .. و بكل الأحوال هو ما بيفهم لا بالسياسة ولا بالدين
واحد خاين كلب حقو فرنك ...


أما بقية الكلام فما بدي أزعج حالي ورد عليه ...

بس بستغرب قديش ممكن ملعوب بعقلك و تفكيرك حتى تكون مخدوع بالبيانوني كل هالقد

وما زال الخطف مستمرا ايون :larg:

روق ابو حيدر روق

ركانة حمور
عضوة بأخوية :?
وحاكية قصتها بأخوية اكتر من مرة
وهي رابط عضويتا للي حابب يعرف تفاصيل

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

:D

ما بعرف ليش عندي احساس انو القصة فيها شي مو واقعي مع ذلك رح اتاكد ولو طلع تفنيص في الي كلام تاني

اي بس كانو لح يصرلها سنه ما فتت علموقع ، طيب معناها القصه قديمه على هيك !!!:?

وأنا متل كنان انو ولله في شي مو واقعي يعني في شي مو زابط ولله

تم في يوم السبت 14/10/2006 في القرابة الساعة الحادية عشرة صباحا ً اختطافي من منزلي ومن بين أولادي وأنا بقميص النوم من أشخاص كانوا يحملون الأسلحة ويدعون أنهم من الأمن ولم يبرزوا أية أوراق تثبت أنهم تابعين لأي فرع أمني ولم يبرزوا أي أمر قانوني رغم أنني كنت أصرخ مطالبة بإبراز ما يثبت شخصيتهم ولكنهم رفضوا إبراز هوياتهم أوإبراز أي أمر قضائي وقاموا بسحبي وخطفي عنوة من داخل

هاد من النص يلي على اساس مكتوب من خلالها باخويه على هل رابط ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هي صارت قصه 3 غير الأولى و التانيه طيب بحيات كل شي بهل دنيه شو نصدق هلأ اي وحده من هل رويات كلها ؟؟؟

طبعا لو بدي اعود انكش التنقاضات لح نطلع بقصه 4 بكل معنى الكلمه ، يعني لا الرومايه الأولى ألها علاقه بالتانيه ولا التانيه بيلي هيه كاتبتها ...

والكل بيقول انو منقول من شي هيه كاتبتو بنفسها ؟؟؟

في كاتب بهل عالم بيكتب 3 قصص و كل وحده باسلوب و وقائع مختلفه طيب ؟؟؟؟

هاد من النص يلي على اساس مكتوب من خلالها باخويه على هل رابط ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
هي صارت قصه 3 غير الأولى و التانيه طيب بحيات كل شي بهل دنيه شو نصدق هلأ اي وحده من هل رويات كلها ؟؟؟

طبعا لو بدي اعود انكش التنقاضات لح نطلع بقصه 4 بكل معنى الكلمه ، يعني لا الرومايه الأولى ألها علاقه بالتانيه ولا التانيه بيلي هيه كاتبتها ...

والكل بيقول انو منقول من شي هيه كاتبتو بنفسها ؟؟؟

في كاتب بهل عالم بيكتب 3 قصص و كل وحده باسلوب و وقائع مختلفه طيب ؟؟؟؟


لركانة حمور قصص كثيرة مع المحاكم و افرع الامن. يمكن قراءة كل ذلك في مدونتها و التي امل ان لا تكون قد حجبت, الاخوة الاعزاء لا احد يضمن لكم عدم المسائلة الامنية جراء زيارة المدونة. من لم يقتنع باي فكرة فليوجه سؤال للسيدة حمود و اعتقد انها ستجيب علي كل استفسار بالوثائق.
اما من يطلب اثبات فليحدد مانوعه, هل كان علي السيدة تصوير العناصر و عم يقومون باعتقالها؟؟؟؟ ام طلب محاضر التحقيق؟ فلنكن واقعيين. بالنهاية السيدة داخل سورية وليس من مصلحتها اثارة المشاكل مع الحكومة.
عنوان المدونة
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اخي رجعنا لنفس القصه عم ندور بحلقه مانا عرفانين فيها شي صح ولا لأ هاد راي يعني

خبر أعتقال ركانة حمور صحيح انا بعرف أحد أقاربها هي مو أول مرة بتعتقل في مرة سابقة أعتقلت فيها بطريقة الخطف بسبب رفضها أن تحضر إلى لفرع إلا بطلب أستدعاء رسمي وكتبت عن الموضوع ونشرت صورة لإلها أثناء الإعتقال
بالمناسبة هيي رشحت حالها للانتخابات وتم رفض برنامجها الأنتخابي وتم الضغط عليها عن طريق زوجها

هلق هيي مبالغة جدا وعندها أسلوب شخصنة يعني وين مابتروح بتحكي وبنكتب على أعتقالها
لكن هذا لايبرر الاعتقال بسبب التعبير عن الرأي

مدونة ركانة حمور
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

طيب بدل حرب العصابات يلي عملوها
اسهل الهم انهم يستدعوها بطريقة قانونية ما هني القانون بحاله
معناتو حكيكن غلط

هلأ انا ماني حابة فوت بالموضوع كتير بس بصراحة انا كل الموضوع مو فايت براسي
هلأ بدكن تسمو ركانة حمور معارضة ومكافحة للفساد!!!!
بالله هالحكي انتو مقتنعين فيه؟؟
هيي كل مشكلتها انو خسرت اموال..... طبعا ماعم قول موضوع سهل ومالازم ينحكى فيه بس كمان اللي بيحتج بس كرمال الاموال وكرمال مصحلة خاصة هاد مو معارض ولاهوي مكافح للفساد
وتاني شي الست ركانة حمور اذا بدها تحتج عالفساد تحتج اول شي على عيلتها واخواتها اللي هني افسد الناس واللي هني زورو وعملو فساد بلاوي وكلو لحتى يحرمو اختون من الورثة و هي قمة الفساد واللاخلاقية
بقى خليها تصلح بعيلتها واخوتها قبل ماتتجرأ وتحكي بفساد دولة ومدري شو

المهم للاسباب اللي حكيتها من قبل بالاضافة للتناقض المذكور برواياتها ماني قادرة صدق ولا حتى كلمة وحدة من اللي بتحكيه

تم اغلاق الموضوع ......