وين أيامك يا منبر .. ايه منيح لسا بينفات .. صحيح حيطانو مهرهرة .. والغبرة نص متر لفوق ..
بس شي ومنو .. مو مهم ..
حبيت زكركم بكم شغلة هيك .. خطرو عبالي هداك اليوم .. قلت بلكي بتتزكرو معي ..
يعني بعمل حملة تنظيرية كالعادة وبيجي مين يتهمنا بالكلام بدون فعل .. والوطنية بدون وطن والمدري شو بدون شو .. وهيك قصص .. بسيطة ..
بحب الحكي مو بإيدي ..

نرجع للي تزكرتو ..
انو بعد ما كل انسان صار فيو يعبر عن رأيو وأفكارو بصراحة وعيني عينك ودغري وبدون لف ودوران وعلى عينك يا تاجر وبدون خوف ولا جوبنة وبكل احترام وبكل رقي وحضارة .. ما عاد في حرية أبداً وما رح يكون ..
وبعد ما كل انسان قدر يرفع صوتو وسلاحو وراسو بوجه أعداؤو .. ما عاد في شي اسمو فلسطين ..صار اسمها الضفة والقطاع واسرائيل وحماس وفتح و.. ومدري شو .. واختفى العراق عن الخارطة .. وتقسمت لبنان كل مترين دولة .. والحبل عالجرار ..
وبعد ما كل انسان أخد حقوقو كاملة مكملة لا ناقصة ولا زايدة من الوطن وعمل واجباتو كلها وفوقها حبة مسك للوطن .. ما عاد في وطن .. صار في عنا بديل هوي الغربة .. حلم الشباب ..
وبعد ما كل انسان فينا تعلم كيف يرفض الظلم ويطالب بحقو .. ما عاد في حقوق أبداً وكترت السجون وقلو الشباب وتم رفضنا كمواطنين ..
وبعد ما كل انسان فينا شبع ونضف وتعلم وأخد دورو .. ما عاد في شي خرج يتدور ;) .. صار في مجاعة مو بس جوع .. وصار في تجويع .. أشباه متعلمين ونصف بل ربع دور لكل واحد فينا ..
وبعد ما كل انسان صار يقرا ويكتب ويشوف ويتمتع ويفهم ويتثقف ويوعى عكل شي حواليه .. ما عاد في شي ينفهم ولا ينقرا ولا ينكتب ولا ولا .. زادت البطالة والجهل والتجهيل .. الكفر والتكفير ..
وبعد ما كل انسان صار عندو أمل وحلم وهدف وطموح .. ما عاد في شي صالح للامل أو الحلم أو الطموح .. أو حتى للاستعمال ..

وبعد الحياة في الموت ..
وبعد الموت ما عاد في شي محرز ..

وبعد .. وبعد .. وبعد هيك ..
ضل شوية كرامة ..
ايه بس بدي خبركم انو شوية الكرامة .. كمان ما عادو موجودين ..
انباعو مشان رغيف خبز ..

وعجبي ...

وحتى رغيف الخبز انباع يا نيرفانا

هروب مواطن لم تعرف جنسيته من وطنه ..
مروراً بكوارث القضية الفلسطينية سابقاً والقضية الإسرائيلية حالياً ..
وجوباً من مستنقعات لبنان السياسية ..
وخصوصاً من الجولان المحتل دائماً مع عقبات سياسية شديدة الخطورة على الواقع السوري ..
واحتمالاً من ذاك البلد المدعو بالعراق أو عراقستان أو أعريقا .. شي متل هيك ...
وصولاً إلى منتجعات أمريكا الكبرى أردنئيل ومصرائيل ..
وبعد أن قبض عليه متلبساً بجرم الهروب من الواقع ..
وبعد التحقيق معه على فنجان قهوة مر زيادة .. وما يرافقه من تدليل وتفعيل ..;)
وجد أنه مواطن فاقد للذاكرة .. أضاع وطنه ومازال البحث جارٍ عن هذا الوطن ..

عجبتني أردنئيل :lol:
بس نسيتي سعوديئيل
ممكن يزعلو

ملف نووي .. ذري .. كيماوي .. أسلحة دمار شامل ... بس متل ما عم قلك أحسن طريقة هيي الملف النووي ..
مبارح كنت عم إمزح مع رفيقي .. قمت رميتو بملف نووي .. احمرّ خجلاً واخضرّ امتعاضاّ واصفرّ بولاً .. كلو من الخوف ..
قلتلكم ما في متلو هالملف النووي .. ولما بدك تعمل مصيبة بالعالم .. ارمي ..

طيب بلاها ..
امسك خريطة العالم الموقرة والمتغيرة بحسب الظروف الامريكية والاحوال الجوية المتعثرة في أغلب دول العالم واختار شي دولة من هالخريطة وارمي الملف النووي عليه وشو بصير .. بستنفر العالم كلو .. الامم المتحدة .. والاتحاد الأوروبي .. ومعمر القذافي!!! .. وأكيد واخيراً وليس آخراً امريكا بعصاتها السحرية اللي عم تنكش بـ ..... العالم .. قصدي بروس العالم .. عسيرة الروس وينن ؟

بس من مبارح لليوم وأنا عم حاول محاولات جادة وخرافية وعظيمة لارمي هالملف على اسرائيل الغائبة شكلاً والحاضرة مضموناً .. وما كان ينرمي !!!!؟ !
لك انشلت ايدي .. لك شو هاد .. هلا بدي اعرف من رماه عليّ ..
ايه انت ;) .. معلش .. مو مشكلة ولا يهمك .. بعيش وباكل غيرها .. !

مرحبا نيرفانا:D

مو شي جديد بمواضيعك دائما في شي مميز منقدر نوقف عنده

أنا ألي 4 شهور ماكتبت ولا مشاركة بالمنتدى لأني مالقيت ولا موضوع بيستحق أني شارك فيه
مو تعالي أكيد

موضوعك رائع وشامل وبيحكي عن الوضع تماما


وبعد ما كل انسان صار يقرا ويكتب ويشوف ويتمتع ويفهم ويتثقف ويوعى عكل شي حواليه .. ما عاد في شي ينفهم ولا ينقرا ولا ينكتب ولا ولا


وهي اكتر جملة بدي حييكي عليها وقلك أنك قدرتي تخلي Rose تخرج عن صمتها بأخوية وتقلك

آه من قلب موجوع :hart:

عجبتني أردنئيل :lol:
بس نسيتي سعوديئيل
ممكن يزعلو

هدول قصتهم كبيرة ..

لانو أردنئيل ومصرائيل .. ما عندهم بترول وما عندهم مصاري .. يعني مهمتهم تقتصر على الاستلام والتسليم .. شفتي كيف ..
بس سعودئيل .. مهمتها التمويل لكافة المسائل التي تم حلها على خريطة الشرق الأوسط .. سعودئيل مهمتها كبيرة في حل جميع المسائل الشرق أوسطية (ما بدنا نسميها عربية أو وطنية أو ما شابه مشان ما حدا يزعل، خلينا بالجغرافيا أحسن ) .. يعني مسائل متل حل الشعر وحل الوسط وحل الحلول بانو ما يخلو اساسا شي ينحل ..
وبما انو المسائل معهم محلولة .. وغير ثابتة .. ولانو التحليل قصدي الحل لساتو ممول عأكتافهم لاجل غير مسمى بعد لكن منتهي لا محالة (لانو المصاري آخرتها تخلص) ..
رح يضطرو انو يحلو الحزام لا يشدو الحزام ويحلو الوِسط الأوسط .. ربما للرقص في كباريهات العالم اللي ياما صرفو أموالهم فيها ليسترجعو فتات هالأموال .. (نقطة .. بقشيش يعني) .. وهيك ..
شفتي قصة كبيرة .. تطول وتطول ..
ومع التطويل والتمويل والتحليل ... رح تنحل رقابنا ونحنا عم نستنى نتائج هالتحليل ..!

مرحبا نيرفانا:D

مو شي جديد بمواضيعك دائما في شي مميز منقدر نوقف عنده

أنا ألي 4 شهور ماكتبت ولا مشاركة بالمنتدى لأني مالقيت ولا موضوع بيستحق أني شارك فيه
مو تعالي أكيد

موضوعك رائع وشامل وبيحكي عن الوضع تماما



وهي اكتر جملة بدي حييكي عليها وقلك أنك قدرتي تخلي Rose تخرج عن صمتها بأخوية وتقلك

آه من قلب موجوع :hart:

زعلت كتير على غيابك بس انبسطت كتير بكلامك .. بشكرك كتير على مشاركتك خصوصاً بعد صمت :D
خليكي معنا بلكي بيوم ينولد هالأمل اللي رافض يطلع من بطن امو ..

وحتى رغيف الخبز انباع يا نيرفانا

وبالسيرة وبما انو قاعدين ..
ما بقدر اخفيك انو يمكن انتو عم تتعبو لتلحقو رغيف الخبز لانو متل ما بتعرف الخبز من الطحين والطحين من القمح والقمح من الارض والأرض بدها حراثة وعناية وزراعة وهاد كلو تعب ومجهود .. وبعدين بدك تحصد وتطحن وتعجن وتخبز ليطلع معك هالرغيف ..
بس لا نحنا وين وانتو وين .. نحنا رغيف الخبز مصدرو أسهل يمكن أغلى بس شو عليه .. عالأقل عم يجي جاهز .. ويا أخي كل شي بحسابو .. ما بنختلف .. نحنا عنا رغيف الخبز من أمريكا الشقيقة ..
هيك مباشرة وبدون واسطات لا زراعة ولا حراثة ولا حصاد .. مين تعب مين مجهود .. عم ناكل ومتخومين .. بس شو رغيف يا أخي .. رح يطلع من ......... روسنا .. ;) ايه روسنا لك شو فكرتو .

خليكي معنا بلكي بيوم ينولد هالأمل اللي رافض يطلع من بطن امو ..

أنا معكم

بس صرلي ناطرة ها الأمل 26 سنة وماكان يجي قولك بقدر اصبر بعد :cry:

طيب يعني ممكن إحتمال بصير بجوز قد يكون (بعيد الشر)
إنهم يتعدل حالهم قبل ما يخلصو نتفت هالنفطات
لما يدركو إنها آخرتهم متل اردنئيل ومصرئيل
ممكن ما

وبالسيرة وبما انو قاعدين ..
ما بقدر اخفيك انو يمكن انتو عم تتعبو لتلحقو رغيف الخبز لانو متل ما بتعرف الخبز من الطحين والطحين من القمح والقمح من الارض والأرض بدها حراثة وعناية وزراعة وهاد كلو تعب ومجهود .. وبعدين بدك تحصد وتطحن وتعجن وتخبز ليطلع معك هالرغيف ..
بس لا نحنا وين وانتو وين .. نحنا رغيف الخبز مصدرو أسهل يمكن أغلى بس شو عليه .. عالأقل عم يجي جاهز .. ويا أخي كل شي بحسابو .. ما بنختلف .. نحنا عنا رغيف الخبز من أمريكا الشقيقة ..
هيك مباشرة وبدون واسطات لا زراعة ولا حراثة ولا حصاد .. مين تعب مين مجهود .. عم ناكل ومتخومين .. بس شو رغيف يا أخي .. رح يطلع من ......... روسنا .. ;) ايه روسنا لك شو فكرتو .

الناس عندها ارخص شي الخبز بتشتري ب 15 ليرة سوري 12 رغيف خبز

ومو عارفة انو في ناس التعن سلسفيل اسلافا لوصل الرغيف لأيدهم

بس شاطرين نضرب مثل برغيف الخبز :frown:

أنا معكم

بس صرلي ناطرة ها الأمل 26 سنة وماكان يجي قولك بقدر اصبر بعد :cry:

وما بعد الصبر إلا الفرج ..
الفرج نوعين ..
نوع سلمي ينحصر في انفراج الحال والاحوال والظروف والمظاريف والذي منو ..
ونوع عنيف ينحصر بل ينفرج بانفراج ...... روسنا كمان ;)..

انا شخصيا بتمنى يصير النوع الأول قبل ما يصير فينا النوع التاني ...


عالهامش: بدي تعذروني اذا صادفتكم أو تعثرتم بألفاظ خارجة عن النص قصدي الأدب ..

طيب يعني ممكن إحتمال بصير بجوز قد يكون (بعيد الشر)
إنهم يتعدل حالهم قبل ما يخلصو نتفت هالنفطات
لما يدركو إنها آخرتهم متل اردنئيل ومصرئيل
ممكن ما

شوفي شخصياً أنا بتمنى الخير للجميع وبتمنى الكل يصحو من غفوتهم أو غفلتهم ..

بس رح نتف نتفة هالشعرات اذا حدا فيهم رح يصحى ..
يعني من تجربتي مع أردنئيل ومصرائيل .. ما حدا حابب يصحى .. كلهم حابين يجرو الـ ئيل بديالهم ..

الناس عندها ارخص شي الخبز بتشتري ب 15 ليرة سوري 12 رغيف خبز

ومو عارفة انو في ناس التعن سلسفيل اسلافا لوصل الرغيف لأيدهم

بس شاطرين نضرب مثل برغيف الخبز :frown:

انتي حطيتي ايدك عالوجع ..

وبدي قلك السبب انتي عم تقولي انو "بس شاطرين نضرب مثل برغيف الخبز" وانا بقلك ليش .. ما بنعرف نضرب غيرو ..

انتي حطيتي ايدك عالوجع ..

وبدي قلك السبب انتي عم تقولي انو "بس شاطرين نضرب مثل برغيف الخبز" وانا بقلك ليش .. ما بنعرف نضرب غيرو ..
نيرفانا كل يوم بدي موضوع متل هاد :lol: في عالم فكرناها صارت شمع
------
زياد اختصر كلشي و قال
العقل زينة

نيرفانا كل يوم بدي موضوع متل هاد :lol: في عالم فكرناها صارت شمع
------
زياد اختصر كلشي و قال
العقل زينة

يعني اذا كانت القريحة فعالة والشهية شغالة وأهم شي .. وأهم شي .. النت والكمبيوتر شغالين لانو هالايام عم يخزلني كمبيوتري الفاضل .. ختير ..

المهم ..
كنت عشوي حإتشمع .. بعدين .. حسيت حالي عم اصغر .. ايه عم اصغر واتضاءل واضمحل .. قمت قلت لحالي .. قومي يا .. اعملي شي .. لك احكي .. مو بتحبي الحكي انتي .. اللي بطعمة طبعاً .. بلشت احكي ... حسيت حالي عم اكبر ورجعت لحجمي الطبيعي ... بس خايفة يصير معي تضخم .. ;)

بتعرف المشمع اللي بحطو على فراش البيبي = الطفل الرضيع .. وحتى والطفل الكبير شوي .. أكيد عرفتو .. مشان لما يعملها عحالو ما يبلل ويوسخ السرير .. خطر عبالي نعمل مشمع عالمي ونلف الكرة الأرضية فيو .. أو المنطقة عنا عالأقل .. شو بدنا بغيرنا .. يعني حدا كان سأل فينا ! .. المهم ..
قلي ليش ..
أكيد قلتلي ..
صرلي فترة حاسة هيك في مي مو نضيفة نازلة علينا وريحة مو مزبوطة .. وانا شاكة .. شككان بس من نوع قوي .. شك بمحلو .. مو بغير محل;) .. أنو في حدا .. عم يعملها علينا .. !!؟!

يعني اذا كانت القريحة فعالة والشهية شغالة وأهم شي .. وأهم شي .. النت والكمبيوتر شغالين لانو هالايام عم يخزلني كمبيوتري الفاضل .. ختير ..

المهم ..
كنت عشوي حإتشمع .. بعدين .. حسيت حالي عم اصغر .. ايه عم اصغر واتضاءل واضمحل .. قمت قلت لحالي .. قومي يا .. اعملي شي .. لك احكي .. مو بتحبي الحكي انتي .. اللي بطعمة طبعاً .. بلشت احكي ... حسيت حالي عم اكبر ورجعت لحجمي الطبيعي ... بس خايفة يصير معي تضخم .. ;)

بتعرف المشمع اللي بحطو على فراش البيبي = الطفل الرضيع .. وحتى والطفل الكبير شوي .. أكيد عرفتو .. مشان لما يعملها عحالو ما يبلل ويوسخ السرير .. خطر عبالي نعمل مشمع عالمي ونلف الكرة الأرضية فيو .. أو المنطقة عنا عالأقل .. شو بدنا بغيرنا .. يعني حدا كان سأل فينا ! .. المهم ..
قلي ليش ..
أكيد قلتلي ..
صرلي فترة حاسة هيك في مي مو نضيفة نازلة علينا وريحة مو مزبوطة .. وانا شاكة .. شككان بس من نوع قوي .. شك بمحلو .. مو بغير محل;) .. أنو في حدا .. عم يعملها علينا .. !!؟!
هلق المشكلة أنو لاقي مشمع نضيف .. و صعب نلاقي بامبرز ..بهل حجم .. لأنو يلي عم يعملوها .. ما بصنعولنا بامبرز مشان نحطو تحتن .. مش زابطة :lol: .. فلذلك علينا بالطفل السعيد .. الله يسعد أيام الجميع

بس لحظه .....

هلق المشكلة أنو لاقي مشمع نضيف .. و صعب نلاقي بامبرز ..بهل حجم .. لأنو يلي عم يعملوها .. ما بصنعولنا بامبرز مشان نحطو تحتن .. مش زابطة :lol: .. فلذلك علينا بالطفل السعيد .. الله يسعد أيام الجميع
بالنسبة للطفل السعيد .. هاد بقلك انو الطفل في مجتمعاتنا المتأخرة مو ماخد حقوقو كاملة .. هاي ما عم افهما .. يعني انا برأي آخد تمنو قصدي حقو وزيادة كمان .. هلا شقفة طفل لا راح ولا إجا .. بيجي عالدنيا .. بعملها عالكل وما حدا بيزعل منو متلو متل أميركا يعني .. تخيل طفل سعرو بسعر أميركا .. هاد حق ولا شو .. بدي افهم لانو .. ؟
كمان .. بقلك مو ماخد حقو .. لك كل المسؤولين عم يشحدو على حساب هالطفل .. حاملين هالطفل ودايرين على المنظمات .. وبستلمو .. وبيستلمو منيح يعني . ايه شو طلع معك ماخد حقو ولا لأ .. وزيادة .. !!
وبقولو الطفل لازم يتعلم .. نحنا الطفل عنا مو بحاجة يتعلم .. دغري بيدخل سوق العمل .. وبطلع حقو بإيدو .. أخد حقو ولا لأ .. ؟ أخدو .. أكيد اخدو ..
نحنا الطفل عنا بينضرب بالبيت .. بالمدرسة .. بالحارة .. بالحياة .. وبالمـ .... ,, يعني ماخد حقو ومكتر كمان .. شو بدك أحسن من هيك .. أكتر من هيك أخد ما في .. فهني ياخدو هوا .. وما ينظرو علينا ويقولو أنو الطفل عنا مو ماخد كفو .. حقو ..


زياد اختصر كلشي و قال
العقل زينة

اذا بدنا نفوت بقضية الذات الزيادية .. ما منعود نخلص .. منضل للصبح هون .. يعني هالسيرة بتطول أو بالعرض .. كلو مع زياد بيمشي .. من حيث المبدأ انا متفقة معك ومعو بانو العقل زينة .. بس ايا عقل .. ما بخفيك في انواع كتيرة عنا من العقول ..بقا حددلي اكتر اي عقل منهم هوي الزينة .. بدي اشتري كم عقل زين فيهم غرفتي ..
عقل خشب .. عقل معدن .. عقل كرتون .. عقل اسمنت ..
لانو في كتير عقول وانا مو عارفة مع اي عقل اتعامل ..
هلا في عنا عقول فاضية .. هاي بتجي مفرغة هيك من النص .. بتمسكها متل البطيخة وبتدق عليها .. اعطتك صدى بتكون فاضية .. ما اعطتك صدى بتكون مليانة ..
وهون بنجي للمفيد .. بتاخد هالعقل للمليان .. بس دير بالك ممكن يكون من الانواع السابق زكرها .. مخ تخين يعني .. انتبه ...
بتروح عالبيت .. بتحط المريول .. وعالمطبخ أوام .. ما بدك ينشف عقلك .. العقل اللي معك يعني قبل ما تستفيد منو .. بتمسك هالسكينة .. وبتفضيو بالطنجرة .. يعني الحشوة للطنجرة .. بتعمل عليها ملوخية بالعقل .. رز بعقل .. نحنا عنا بنعمل منسف روس .. عقل .. يعني وبضل عندك العقل البراني .. القشرة يعني هاي بتستخدما للزينة ..
وهيك بتكون طبقت كلام حبيبنا زياد بانو العقل زينة ..
بس ما تنسى تلحقلك عقل ..لانو عليهم طلب بالسوق هلا هه !!
استناني جايي معك .. بلكي بلحقلي واحد انا كمان ..


شكراً سيزار .. :D

بس لحظه .....

لماذا ؟!
أأزعجت لحظتك بكلامي ..
مالي ومال لحظتك هذه ..
إني ولسعدو العظيم ..سأرميك بأحد الملفات النووية التي أملكها .. ولن تخرج بأي لحظة من حياتك ..
لاحظ معي أي لحظة من اللحظات تعني ..
وإني لا أعرف أي لحظة على الإطلاق ..
وعلي الطلاق .. الا تاخد هاللحظة .. انا ما بدي ولا لحظة .. ما بتلزمني ..
لحظاتي خلصو زمان ..
إنتا أكيد مضيع لحظتك ..
امشي معي ندور عليها ..
ويا جماعة الخير .. أي واحد بلاقي لحظة .. يفرجينا ياها بلكي بتكون لحظة أبو سليمان ..

زمان عنك أبو سليمان .. شو بطلت التحشيش؟ شو هلا اختصاص لحظات .!؟

إنو ما رح اعرف علق أو رد على كلامك .. لأنو كبيييير
وبعبي الراس .. أو العقل
يعني كأنو الواحد عم يسمع اغنيه لفيروز
وهي إلك:D

إنو ما رح اعرف علق أو رد على كلامك .. لأنو كبيييير
وبعبي الراس .. أو العقل
يعني كأنو الواحد عم يسمع اغنيه لفيروز
وهي إلك:D

تسلمي .. انتي اللي كلك زوق .. وفعلا خجلتيني بكلامك ..
شكرا كتير :D

هداك اليوم بالأخبار .. ما تستغربو .. بالصدفة شفت الخبر ..لانو ما بشوف اخبار ..
واحد موسيقي مشهور .. أكيد مو من عنا .. عم قلكم مشهور .. عازف كمان عزف وبيعزف في أشهر الأماكن وبمهرجانات وبعد ما خلص من جولتو العالمية .. قرر هيك ... أنو ينزل يعزف بالشارع .. هيك متل المتشردين اللي بيعزفو والناس بتحطلهم مصاري .. ايه هوي نزل .. تنزلو نزلة ..
وقال ليش .. قال اول شي لدعم الفقرا .. لك ايا فقرا .. ليش ضل في فقرا بهالعالم .. ما في .. حدا يقنعني انو في .. ما عم تاكلو يا جماعة وتدخنو وفي سقف فوق راسكن حتى لو كانت السما .. قال فقرا قال ... يا عمي الفقر هاد نعمة .. ترف .. متعة .. قضية شحدة ..الفقر هاد شغلة .. يا عزيزي .. يا أخي .. يا رفيق المستضعفين ونصير المعدمين .. في شي اسمو تحت مستوى الفقر .. الفقر تم الغاؤو من زمان .. اللي عنا نحنا .. تحت مستوى الفقر ..
وقال شو هدفو التاني .. تأكيد على أهمية الموسيقى بالنسبة للطفل خصوصا .. ايه ما تغلب حالك يا عمي .. أطفالنا بيفهمو موسيقى وبيعزفو .. لحن الجوع لما تزقزق عصافير بطنهم ... وبفهمو بالايقاع عالتنكة .. بفهمو برنة العملة من 5 ليرة وطالع .. بقا لا تعمل مواقف وتطلعلي عالتلفزيون لتدعم هيك قضايا .. لانو مو موجودة من الاساس .. ومو بعينا اساسا ..
نحنا تحت كتير ,, تحت مستوى خط الفقر .. ووتحت أحلى خط .. خط السلم الموسيقي .. نحنا دو يا أخي ..


وتحية للي معو مصاري وبيحكي من عرشو من فوق .. وسمعني أحلى سلام من أجل السلام في العالم .. بس علّي الصوت شوي مشان يوصل للي فوق .. !!

أنتي ما بدك تتزوجي و تقعدي عاقلة ؟! :x

لك بكفي نيرفانا خلص روح اتزوجي و انشغلي بالطبيخ و الغسيل و الأولاد .. أهم شي الأولاد !!

الأولاد يا نيرفانا راح نجيبهم مع تساهيل المولى عز و جل .. و بعد 20 سنة بيصيروا شباب و حاصلين على شهادات جامعية محترمة .. بيقعدوا شي 6 سنوات متل حضرتنا يبحثوا على شغل !! طبعاً كل المحاولات راح تفشل . !

طبعاً مع كوكتيل عقد نفسية راح تكون هي المكسب الحقيقي أثناء الـ 6 سنوات بحثاً عن العمل .. طبعاً مُضاف إلى كل ذلك أنو أثناء هالرحلة كتير أشيا ضاعت منا بالطريق .. ( إمبارح كنت بحكي مع رفيقة بالليل .. سألتني انو شو عم تعمل قلتلها عم بسمع لارا فابيان و بتطلع على القمر من الشباك المقابل للكمبيوتر و بحكي معك .. طلبت تسمع لارا فابيان .. بعد ما سمعتها بتقلي يااااااااااه يا وائل من سنة نسيت أنو أنا صبية .. بكرهك أنو ذكرتني !! )

عارفة نيرفانا من وجهة نظري المتواضعة بعتقد أنو الحل يكن في حرب عالمية تالتة تكون نووية و تشتعل بالمنطقة العربية و يتم فيها القضاء على كل الجنس العربي ما يبقى فينا حدا !!

و أففففففففففف

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

أنتي ما بدك تتزوجي و تقعدي عاقلة ؟! :x

لك بكفي نيرقانا خلص روح اتزوجي و انشغلي بالطبيخ و الغسيل و الأولاد .. أهم شي الأولاد !!

الأولاد يا نيرفانا راح نجيبهم مع تساهيل المولى عز و جل .. و بعد 20 سنة بيصيروا شباب و حاصلين على شهادات جامعية محترمة .. بيقعدوا شي 6 سنوات متل حضرتنا يبحثوا على شغل !! طبعاً كل المحاولات راح تفشل . !

طبعاً مع كوكتيل عقد نفسية راح تكون هي المكسب الحقيقي أثناء الـ 6 سنوات بحثاً عن العمل .. طبعاً مُضاف إلى كل ذلك أنو أثناء هالرجلة كتير أشيا ضاعت منا بالطريق .. ( إمبارح كنت بحكي مع رفيقة بالليل .. سألتني انو شو عم تعمل قلتلها عم بسمع لارا فابيان و بتطلع على القمر من الشباك المقابل للكمبيوتر و بحكي معك .. طلبت تسمع لارا فابيان .. بعد ما سمعتها بتقلي يااااااااااه يا وائل من سنة نسيت أنو أنا صبية .. بكرهك أنو ذكرتني !! )

عارفة نيرفانا من وجهة نظري المتواضعة بعتقد أنو الحل يكن في حرب عالمية تالتة تكون نووية و تشتعل بالمنطقة العربية و يتم فيها القضاء على كل الجنس العربي ما يبقى فينا حدا !!

و أففففففففففف

وهلا زكرتني بكتييييييييييييييييير اشيا ..
زكرتني بانو لازم اتزوج .. دخلك بلحق ولا ما بلحق .. ما في وقت يا دوب نخلف الولاد ونربيهم ونفرجيهم كيف بيقدرو ياكلو هوا على الأصلي وبعدين نمرضلنا شي مرضة محرزة ونموت ووقتها كلو بصير تمام ..
يمكن وقتها ووقتها بس نلاقي حدا يترحم علينا ..
بس بظن بعد أكل الهوا اللي رح نطعمي لولادنا .. ما ظنيت يترحمو علينا ...
______________________________________________

زكرتني وائل بانو صرلي كزا سنة (ما بدي اعمل فضيحة هون وقول كام سنة) متخرجة صحافة واعلام .. ما قربت حتى من أي شغل يمت للصحافة بصلة .. طبعا فيك تحزر انو مو بكيفي هالشي ..
عارف شو عم اعمل هلا .. أخدت قرار اني استقيل من شغلي واستقلت فعالا .. وهلا انا عاطلة .. مو عاطلة عاطلة ... عاطلة عن العمل بس .. يا بعمل وبشتغل باللي بدي ياه .. يا ما عاد اشتغل ابداً ..
_____________________________________________

كوكتيل العقد النفسية بعون سعدو الي وبعون الله الك .. رح نسلمو بالوراثة إلى الأولاد السابق ذكرهم .. ورح هني من عندهم يعملو كوكتيل حقد ويأس من أتخن مستوى مشانا على هالعالم اللي فرجيناهم ياه ..
_____________________________________________

ولسا وائل ما شفنا شي .. نحنا تحصيل حاصل تم الغاءنا سواء كعرب اذا حبيت تجمع أو كشعوب مختلفة من هالمنطقة اذا حب غيرك يشوف الموضوع هيك .. بكل الاحوال تم الغاءنا وبجدارة من خارطة العالم .. من العالم نفسو .. من البشرية .. ونحن هلا بصدد إلغاء ذاتي .. متل التفجير الذاتي ..
الحرب النووية ممكن تأثر على كل هالعالم .. بس الحرب النفسية ما مشيت غير علينا ..
____________________________________________

بكرا رح ننسى حالنا .. متل ما نسينا كل شي مرتبطين فيو ... الحب .. الوطن .. الناس .. أحلامنا .. طموحاتنا .. واي احساس انساني بمسنا ..

____________________________________________

سمعت انو بألمانيا في محاولة انتحار كل 4 دقايق ,,, هيك بألمانيا ..
وائل اذا هني هيك .. نحنا شو لازم نعمل!؟

كاسكون جميعا
وكاسك ياوطن
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


تماماً :shock:

هداك اليوم كنت عم احضرها .. وهالمشهد أكيد بتعرف شو ممكن يعمل فيي .. فما في داعي خبرك هالمسرحية شو بتعنيلي ..
نهايتو أنا لما كتبت هالموضوع كنت عم فكر بالمسرحية .. ومن هون حاولت اني اعمل شي مشابه بس بالكتابة ..

وائل يا وائل .. :D

يتبع ..

كاسكون جميعا
وكاسك ياوطن

كاسك .. وكاس الوطن ولو انو مر هالايام ..

سمعت انو بألمانيا في محاولة انتحار كل 4 دقايق ,,, هيك بألمانيا ..
وائل اذا هني هيك .. نحنا شو لازم نعمل!؟


هدول جماعة ألمانيا مجانين نيرفانا بس و الله بينحبوا .. قلبهم طيب :hart:

عارفة لما بيكون الواحد نفسوا يكتب عشرتعشر الف مليون كلمة ؟! انا هلاء هيك حالتي . بس ما راضي يطلع الكلام :cry:

كاسكون جميعا
وكاسك ياوطن


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)


:D

هدول جماعة ألمانيا مجانين نيرفانا بس و الله بينحبوا .. قلبهم طيب :hart:

عارفة لما بيكون الواحد نفسوا يكتب عشرتعشر الف مليون كلمة ؟! انا هلاء هيك حالتي . بس ما راضي يطلع الكلام :cry:





طبعاً لانو الكلام ما بيطلع بسهولة .. ولا بالدفش أو الرفش أو أي من هالوسائل السلمية هاي ..
ليكون بتفكر أنو الكلام هيك بيطلع .. وانو انت لما تفكر بشغلة دغري هيك بتطلع كلام ..
الكلام الو حساباتو ..
اولا في الرقابة .. وتنقسم الي نوعان .. الرقابة الزاتية مشان ما تورط حالك بشي قصة .. ورقابة خارجية واللي هي يفترض تكون النوع الاول ... وأكيد عندك علم بشو هيي الرقابة الخارجية .. هاي تبعت فنجان القهوة وسيجارة ورجل على رجل .. بس رجل بتكون بمكان والرجل التانية يا بتلاقيها يا ما بتلاقيها .. طبعاً بمكان تاني بعيد عنه بالارتفاع أو المساحة ..
بعدين في النوعية .. شو نوع الكلام .. كلام بطعمة .. كلام بلا طعمة .. كلام حلو .. مر .. مالح .. مبهر .. وقيس عليه .. يفضل مشان نكون على الحياد وما نجرح حدا (لانو اسم الله وسعدو عليهم كتير حساسين) .. يكون الكلام بلا طعمة ..
الكمية .. بدك توزن كلامك .. والكلام ما بينوزن غير بميزان خاص ضمن معايير عالمية (ستاندردز = فزلكة مني).. لذا يفضل قبل ما تطلع منك أي كلمة توزنها بميزان العدل الدولي ..
وعليه .. وبناء على ما ذكر أعلاه .. تعيد حساباتك وتعيد صياغة كلامك وتدرس الكلام اللي ممكن يطلع منك وتوزنو وتمررو على الرقابة .. وبعدين تحكيه ..

شفت ليش ما عم يطلع معك أو معي أو مع غيرنا .. الكلام ؟!!

وما تنسى .. دير بالك أوعى تغص بشي كلمة هيك ولا هيك .. ابلعها ! ياما بلعنا كلمات .. انتخمنا من الجُمل .. واستفرغنا شعارات ..
ما بقلك المتل .. المعنى في بطن الشاعر!!

طبعاً لانو الكلام ما بيطلع بسهولة .. ولا بالدفش أو الرفش أو أي من هالوسائل السلمية هاي ..
ليكون بتفكر أنو الكلام هيك بيطلع .. وانو انت لما تفكر بشغلة دغري هيك بتطلع كلام ..
الكلام الو حساباتو ..
اولا في الرقابة .. وتنقسم الي نوعان .. الرقابة الزاتية مشان ما تورط حالك بشي قصة .. ورقابة خارجية واللي هي يفترض تكون النوع الاول ... وأكيد عندك علم بشو هيي الرقابة الخارجية .. هاي تبعت فنجان القهوة وسيجارة ورجل على رجل .. بس رجل بتكون بمكان والرجل التانية يا بتلاقيها يا ما بتلاقيها .. طبعاً بمكان تاني بعيد عنه بالارتفاع أو المساحة ..
بعدين في النوعية .. شو نوع الكلام .. كلام بطعمة .. كلام بلا طعمة .. كلام حلو .. مر .. مالح .. مبهر .. وقيس عليه .. يفضل مشان نكون على الحياد وما نجرح حدا (لانو اسم الله وسعدو عليهم كتير حساسين) .. يكون الكلام بلا طعمة ..
الكمية .. بدك توزن كلامك .. والكلام ما بينوزن غير بميزان خاص ضمن معايير عالمية (ستاندردز = فزلكة مني).. لذا يفضل قبل ما تطلع منك أي كلمة توزنها بميزان العدل الدولي ..
وعليه .. وبناء على ما ذكر أعلاه .. تعيد حساباتك وتعيد صياغة كلامك وتدرس الكلام اللي ممكن يطلع منك وتوزنو وتمررو على الرقابة .. وبعدين تحكيه ..

شفت ليش ما عم يطلع معك أو معي أو مع غيرنا .. الكلام ؟!!

وما تنسى .. دير بالك أوعى تغص بشي كلمة هيك ولا هيك .. ابلعها ! ياما بلعنا كلمات .. انتخمنا من الجمل ..
ما بقلك المتل .. المعنى في بطن الشاعر!!


كنت بدي قلك هلاء عبارة مناسبة كتير عنهم بس مو حلوة يعني :oops:

****** فيهم !!!

نيرفانا كنا بنحكي و بنكتب بالوقت يلي كانوا بيفوتوا على المسجد يقتلوا الناس فيه !
شايفة هدا الشب ..
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

هدا كاتب صحفي بجريد فلسطين .. واحد من النشامي إعتقد أنو صار إله و طلب من الصحفي محمد إنو يسجد إله .. كانوا وقتها موجودين بمنطقة راقية جداً و فيها سوق ملابس راقي و كانت وقتها كلها عالم و ناس عم تتسوق !!

ما قبل محمد !

كانت النتيجة 7 طلقات رصاص براسه !!



و قال شو قال نيرفانا خايفة يحطوا رجليهم بـ **** .. لك يحطوا رجليهم بـــ ****** بس ما يحطوا رجليهم براسنا !!

بس ما يحطوا رجليهم براسنا !!

راسنا ما فيو محل حطة رجل ..

نفسي شيل راسي وحط محلو بصلة .. أو راس زهرة .. أو قرع .. بس المهم ما افكر ..

بئساً بالتفكير ومن يفكر بان يفكر ..
.
.
.
.
_____________________________________
بتمنى عطول راسك مرفوع وائل وخالي من الرصاص .. ;)

راسنا ما فيو محل حطة رجل ..

نفسي شيل راسي وحط محلو بصلة .. أو راس زهرة .. أو قرع .. بس المهم ما افكر ..

بئساً بالتفكير ومن يفكر بان يفكر ..
.
.
.
.
_____________________________________
بتمنى عطول راسك مرفوع وائل وخالي من الرصاص .. ;)


ويح التفكير لو كان رجلاً لقتلته حتى ترتاح نيرفانا :p

نيرفانا . تصبحي على وطن و شقفة خبز :D
الباقي متنازلين عنو .!

وين احلامك ؟؟؟؟

احلامي رسمتها عالورق ..... والورق نزلت عليه المطر ........
والمطر انصبغ بكلماتي وصوري ...... وراحت كلها مع السيل عالمجاري ......
وصارت احلامي كلها ........... تحكيها حشرات المجاري

الي رجعة عالموضوع

اجت .. اجت اللحظة التي كنا نحلم بها .... مدري اي لحظة ما كل اللحظات تاريخية
هلئ هي اللحظة مابعرف شو بتعني بتاريخ البشرية
انو كل شي بتم بلحظة بلحظة بتكون مروء وبلحظة بتكون زعلان
بلحظة ادمرت مدينة بقنبلة نووية وبلحظة انهارت قرارات وضعفت إرادة
بس الشعب كيف بلحظة كان.. صار .. مدري كيف بلحظة
اللحظة شي صغير كتير يعني متل فقشة الاصبع
بس احيانا اللحظات بتكون لسنوات ...عربيا .. بتاخد وقت يعني
في نفس عميييييق جدا عند العرب
بس عند الغرب اللحظة بتعبر عن اللحظة وما بتعبر عن حدا تاني
وانا من هذه اللحظة .... لحظة بس ...

بدنا نعمل هدنة يا شباب ويا صبايا .. من منبرنا العظيم .. لنعيش بآمان واستقرار ..
طبعا لنقدر نعمل هدنة بدنا نجمع ممثلين عن كل أطياف المجتمع .. :
مؤمن
ملحد
لاديني
مسلم
مسيحي
سني
شيعي
كاثوليكي
أرثودكسي
بروتستانتي
معارض
موالي
حزبي
مستقل
قومي
وطني
عربي
أرمني
كردي
شركسي
بدوي
لاجئ
مقيم
مواطن
.
.
.
.
.
.
:shock:
بس اذا بتعرفولنا حدا من الشعب مشان يشهد على هالهدنة ..

مؤخراً .. أو بالحقيقة قبل كم ساعة تم تثبيت موضوع بالمنبر بعنوان " الاعلان العالمي لحقوق الانسان"
فجأة تزكرت أنو نحنا ننتمي لفصيلة الانسان وهالانسان حسب النظريات الشهيرة ينحدر إما من القرد أو من الكتب السماوية "فرضاً" ..
واكتشفت من خلال هالعنوان أنو هالانسان الو حقوق .. الحقيقة انا هون استغربت ... كنت مفكرة أنو نحنا يعني الانسان عايشين بالفطرة هيك .. يعني غريزياً .. لا هم دنيا ولا هم آخرة ..
من وين اخترعولنا قصة الحقوق .. لا وبعدين اخترعولنا ياها .. وأخدوها منا وهلا عملو اعلان مشان يرجعو يطالبو فيها .. مو قادرة افهم هالشي ..
ومن مين بدنا نطالب بحقوقنا .. من الموظف اللي عم يطالب بحقو من المدير أو من المدير اللي عم يطالب بحقو من الوكيل أو من الوكيل اللي عم يطالب بحقو من الأمين أو من الأمين اللي عم يطالب بحقو من الوزير أو من الوزير اللي عم يطالب بحقو من رئيس الوزراء ولا من رئيس الوزراء اللي عم يطالب بحقو من الحاكم أو من الحاكم اللي عم يطالب بحقو من الشعب والشعب هوي الانسان .. والقمحة عند الخباز والخباز بدو مدري شو .. وقصة ..
لا وعاملين اعلان دولي ..
اعلان مشان تكون فضيحة .. أكيد فضيحة .. فضيحة لانو لهلا مو ماخدين حقوقنا .. بعد ملايين السنين من الوجود ثم الحضارة ثم المدنية .. مو قادرين ناخد حقوقنا ..
وعالمي .. مشان اللي ما بيعرف يعرف ... هلا عالمي هاي فهمناها .. مشان يكون لكل انسان في هالعالم نفس الحقوق ... وطبعا ومندون شك كلنا متساويين بالحقوق .. يعني اكتر من هيك عدالة ومساواة .. جريمة يعني .. طمع .. لك اهترينا حقوق .. بكفي قد ما انسحقنا .. نسينا حقنا ..
ودولي أو عالمي .. مشان كل دولة تراقب أختها .. يييي لك هدول ما عندهم حقوق .. لك يييي هاي الدولة حقوقها أكتر مني ..
ويا عيني ويا روحي عاللي براقب تطبيق هالاعلان .. شو انو انسان .. انسان بما تحمله الكلمة من معنى .. من رقة مشاعرو واحساسو ما حابب يفرض هالاعلان على حدا فرض .. يعني كل واحد بخاطرو بطبق هالاعلان ..
ومع الاعلان العالمي لحقوق الانسان .. حابة اطالب بحقي في حقوق الانسان !!
بقدر .. يعني بتسمحولي ... ممكن ..
اللي مو قادرة افهمو كيف حق وعم طالب فيو .. ما هوي حق .. يعني تحصيل حاصل بمجرد كينونتي كإنسان .. يعني من لما طلعت من بطن أمي كان لازم هالحق ينولد معي .. بس يمكن بطن العالم ما بيسع كل هالحقوق !!

بدنا نعمل هدنة يا شباب ويا صبايا .. من منبرنا العظيم .. لنعيش بآمان واستقرار ..
طبعا لنقدر نعمل هدنة بدنا نجمع ممثلين عن كل أطياف المجتمع .. :
مؤمن
ملحد
لاديني
مسلم
مسيحي
سني
شيعي
كاثوليكي
أرثودكسي
بروتستانتي
معارض
موالي
حزبي
مستقل
قومي
وطني
عربي
أرمني
كردي
شركسي
بدوي
لاجئ
مقيم
مواطن
.
.
.
.
.
.
:shock:
بس اذا بتعرفولنا حدا من الشعب مشان يشهد على هالهدنة ..

الشعب ...وين سمعان هي الكلمة :?
اه يمكن بشي كلمة لتشي غيفارا او تشي حدا تاني
انو قبل ما يصيرواااااااااااا - بعض العالم - يسمو الاشياء - على اعتبار الانسان مصنوع من مادة فهو شيء ما حتما -
بمسميتها .... اي مممكن نعمل هدنة بس هدنة على شو :shock:

الشعب ...وين سمعان هي الكلمة :?
اه يمكن بشي كلمة لتشي غيفارا او تشي حدا تاني
انو قبل ما يصيرواااااااااااا - بعض العالم - يسمو الاشياء - على اعتبار الانسان مصنوع من مادة فهو شيء ما حتما -
بمسميتها .... اي مممكن نعمل هدنة بس هدنة على شو :shock:

تشي أبو حشيشة:hashish: أو تشي نيرفانا :shock: أكيد ..

هالهدنة بدنا ندهنها مشان كلو يسحس عكلو ويصير في تمازج وتعايش بين المربى والزبدة والبينت بتر والعسل واذا بدك اللبنة والجبنة كمان .. ما حلوة بكرا المربى والزبدة يتخانقو مثلا .. فنحنا مشان نخلق جو من السلام بين المربى والزبدة بندهنهم ومنعمل هدنة .. :shock:
وهالشي بسمو في القاموس الحربي هدنة ..

تعا ننسا تعا ننسا .. تعا ننسا تعا ننسا ..

بدي حدا يزكرني شو بدي انسا لانو حابة انسى .. ومن كتر ما نسيانة اشيا حابة اتزكر شي لانساه ...
يعني حرام ملحم يغني وما رد عليه ..

المشكلة وين يا جماعة أنو عكتر النسيان ما عم نقدر نرجع نتزكر شي ...
والنسيان نعمة ايه نعمية .. يعني لوما نعمة النسيان ما كنا قدرنا ننسى اساءات العالم تبع الدرجة الأولى هاد .. كان ضلت الاساءة الاستعمارية غصة بحلقنا ..
لكن ولحسن الحظ .. نسينا .. وما حقدنا على حدا ..
وهاي الحمد لسعدو واعوانو .. رح ترجع تتكرر القصة .. بس شو بقلب صافي ونية خير اتجاهم .. بدون اي مشاكل أو احقاد قيمة !!!!

تعا ننسا تعا ننسا .. تعا ننسا تعا ننسا ..

بدي حدا يزكرني شو بدي انسا لانو حابة انسى .. ومن كتر ما نسيانة اشيا حابة اتزكر شي لانساه ...
يعني حرام ملحم يغني وما رد عليه ..

المشكلة وين يا جماعة أنو عكتر النسيان ما عم نقدر نرجع نتزكر شي ...
والنسيان نعمة ايه نعمية .. يعني لوما نعمة النسيان ما كنا قدرنا ننسى اساءات العالم تبع الدرجة الأولى هاد .. كان ضلت الاساءة الاستعمارية غصة بحلقنا ..
لكن ولحسن الحظ .. نسينا .. وما حقدنا على حدا ..
وهاي الحمد لسعدو واعوانو .. رح ترجع تتكرر القصة .. بس شو بقلب صافي ونية خير اتجاهم .. بدون اي مشاكل أو احقاد قيمة !!!!



طول عمرنا بننسى ومافي غير عم ننسى يمكنهالشي بأيدنا و يمكن من كتر الضرب ع الراس عم ننسى
المهم انو احنا عم ننسى بس انو هنن ليش ماعم ينسو ماعم اعرف :?

احلام مافي ......
وايام مافي ......
وشغل مافي ....
وحكي مافي ....
وحشيش مافي .....
والبلد .................................................. .................. :shock:

طول عمرنا بننسى ومافي غير عم ننسى يمكنهالشي بأيدنا و يمكن من كتر الضرب ع الراس عم ننسى
المهم انو احنا عم ننسى بس انو هنن ليش ماعم ينسو ماعم اعرف :?

أنا بقلك ليش ما عم ينسو .. لانو عطول بدهم حدا يشتغلو فيو .. !! ;)

احلام مافي ......
وايام مافي ......
وشغل مافي ....
وحكي مافي ....
وحشيش مافي .....
والبلد .................................................. .................. :shock:

في بلد .. بس ما في أي شي تاني .. !!!

اي اتذكرت شغلة وقت قرات الرد تبع حقوق الانسان برجع بخبركن عليها

اي اتذكرت شغلة وقت قرات الرد تبع حقوق الانسان برجع بخبركن عليها

يلا قول .. لانو كمان نحنا ما عنا صبر على شي ..
كل شي بدنا ياه لازم يصير لحظة .. ايه نفسها اللحظة تبعتك ..
ما بدنا نشتغل وما بدنا نجاوز العقبات والعثرات وما بدنا نتعب ونجتهد وننتظر النتائج ..
لا يا اما كل شي بكون ماشي ومنيح من حالو .. يا اما تخرب وعلي وعلى أعدائي ..
بس هي بالنتيجة علي وبس .. لانو اعدائي رح ينبسطو بخرابها .. !!!

يلا قول .. لانو كمان نحنا ما عنا صبر على شي ..
كل شي بدنا ياه لازم يصير لحظة .. ايه نفسها اللحظة تبعتك ..
ما بدنا نشتغل وما بدنا نجاوز العقبات والعثرات وما بدنا نتعب ونجتهد وننتظر النتائج ..
لا يا اما كل شي بكون ماشي ومنيح من حالو .. يا اما تخرب وعلي وعلى أعدائي ..
بس هي بالنتيجة علي وبس .. لانو اعدائي رح ينبسطو بخرابها .. !!!


هامش::::
اسف ع التأخير بسبب التهكير اللي صار ما فضيت لليوم
.
.
.

بخرابهامارح يسعد غير الاخوة الأعداء والفضل لسعدو بجميع الاحوال

وقت قرأ الرد تبع حقوق الانسان ضحكت كتير وكتبت رد بس الجهاز فات بالحيط وفصل النت
حسيت وقت حكيتي عن حقوق الانسان متل كأني عم اسمع طرفةجحا وحميرو العشرة - حشى ايمت الانسان وحقوقه- بس بتذكر بالطرفة انو لماكان يركب ع الحمار كانو ينقصو حمار ولما ينزل يزيدو حمار اي .. اي هوهيك كان يفكر هلئ شو دخل هي بهي ..احنا كــ أنسان لما بننركب بيصير إلنا حقوق وبيصيرو العالم الراكبين اطالب بهي
الحقوق لهيك ندعو من سعدو انهن يحلو عنا ويفكرو ولو لحظة متل عمنا جحا ادام عزو ذكراه وحفظه :sick: