يــــــــــوميات مغتــــــــرب [الأرشيـــــف]

ASH

11/10/2007, 01:42

مرحبا للجميع

طبعا حطية هل موضوع لانو خربشات ، اي نعم خربشات من حياتنا كمغتربين ، كناس بعاد عن وطنهم

ناس بدنا نخلي يلي جوات سوريا يحسو شو يعني غربه ....

شو يعني تبعد عن اهلك ...

شو يعني تترك حارتك يلي تربية فيها ....

شو معنات انك ما تشوف وراق الخريف ...

ولا ورود الربيع ....

ولا غيوم الشتويه الرماديه ....

ولا حتى صيفية كلها سيرين ....

بدنا الكل يحس شو معناة الواحد ترك فنجان قهوتو و سيجارتو و فيروز الصبحيات ...

شو يعني الواحد لما يهجر باب توما و القصاع و الشام القديمه ...

حسو فينا ...

نحنى يلي عم نكتب يوميات مغترب

دعوه مني لكل مغترب لدون يومياتك هون بهل موضوع ، بركي بنواسي بعض و بتجمعنا هل صفحا ، و بتخلي الكل يلي بالوطن الغالي يعرفو شو قيمة
ســــــــــــــــــــــــ ــــوريا
و شو يعني تتغرب عن وطنك ...

was616im

11/10/2007, 01:45

شو هالافتتاحية ابو عبيد......:cry::cry:رح تخليني ابكي من اول دقيقة يا رجل:cry:

ASH

11/10/2007, 01:46

شو هالافتتاحية ابو عبيد......:cry::cry:رح تخليني ابكي من اول دقيقة يا رجل:cry:

هيك لازم تكون مو هيك عم نحس كل يوم

مو هاد يلي عم يحرق قلبك بالغربه

مو مشاتق تمشي بشورع الشام ، تاكول منقوشه ولو مغشوشه

لك وين ايام علبال و فيروز بالشتويه

او ايام غزل ,, بعدين تتمشى تحت المطر

مو هاد واقعنا يا اخي

was616im

11/10/2007, 01:53

هيك لازم تكون مو هيك عم نحس كل يوم

مو هاد يلي عم يحرق قلبك بالغربه

مو مشاتق تمشي بشورع الشام ، تاكول منقوشه ولو مغشوشه

لك وين ايام علبال و فيروز بالشتويه

او ايام غزل ,, بعدين تتمشى تحت المطر

مو هاد واقعنا يا اخي
انا من حومص :jakoush:
اااااخ يا رجل مع انو ما صرلي شهر و نص طالع برى سورية بس يا اخي وما الحب الا للحبيب الاول:cry::cry:
مو بس عم نحس فيه كل يوم....كل يوم و كل ساعة و كل دقيقة من اليوم
مشتاق روح اتمشى بالزهرا عنا بحمص انا و اصدقائي و مر لعند سيدرا و اشتري كم منقوشة (بس مو مغشوشات) و نروح عالحديقة اللي حد مدرسة صفية....و ناكل و بعدين نرجع نتمشي بالزهراء و نروح ع مطعم القمة و ناكل شاورما....:o
و اقعد الصبح مع امي و اختي الكبيرة و اشرب فنجان قهوة من ايدين امي:cry::cry:بالجنينة عنا بالبيت....

ASH

11/10/2007, 01:57

شريك انا صرلي ما نزلت سنه بالزبط ولوقت نزلتي لسى شهرين يعني بيصيرو سنه و شهرين

بتعرف شو مشتاق بس الصبحيات افتح شباك الغرفه بهل شتويه ، و حط مي على بلاطة الشباك و شم ريحة المي كيف بتصير ، ودخن هل سيجاره مع فنجان القهوه مع فيروز يا ررررررربي بدفع نص عمري و هلا ينزلوني ولله

لك صاحبي سوريا كلها حلوه ولله انها جنه

was616im

11/10/2007, 01:59

قلتلي يوميات مغترب مو هيك......سماع هاللي عم يصير بصاحبك يا ابو عبيد سماع
قال مبارح محسوبك قضى كل الوقت و هو عم يدرس بهالكتاب ( histologi( بالعربي علم الانسجة بيجوز...المهم و بلا طول سيرة انو النظام هون انك وقت اللي بتفوت عالدرس بيقوم المعيد الحباب بيعملك هيك امتحان صغير قبل ما تبلش بشي باللي كان معك الدرس الماضي و الدرس اللي بدك تاخدو جديد......:cry::cry:
و صاحبك ما كذب المتل اللي قال :
خذ الصفر ولا تبالي ان الصفر من شيم الرجال
راحت كل الدراسة و التعب عالفاضي الله و كيلك.......:cry::cry:بربك هادا حكي خيو.....

was616im

11/10/2007, 02:11

يا رجل سنة و شهرين؟؟؟؟؟؟؟؟؟؟حرام عليك....الله يعينك خيو....انا المرة الماضية ضليت سنة الا اسبوعين اي شفت الله بالالوان لحتى نزلت ......

was616im

11/10/2007, 02:21

ما شاء الله و كانو ما ضل مغتربين و الشباب كلها عايشة بالغربة عل 24 قيراط و ما حدا مشتاق لسورية و ما حدا عندو مشاكل او هموم بغربتو.........:?

ASH

11/10/2007, 02:31

صاحبي مصيرهم يفوتو سماع علي..

انا اليوم رحت علشغل الساعه 9 كنت ، و بلش كان عندي 3 عندهم امتحان المهم يا معلم بلشنا هل امتحان و بلشت طلعه و نزله على هل درج الساعه 12 تقريبا خلصو اعدة بهل مكتب و عم احسب بمخي انو و اخرتها بهل شغل المعت هاد

رجعنا على على البيت 1 و ظلية على اخويه هيك لنمت شي 3 غلا شوي

فقت علفطور فطرت و اعدت حكية معك شوي و شفتلي كم موضوع

رجعنا علشغل شي ساعه 8 ونص كمان في امتحنات لشي 13 واحد كان معمل و بلش من هاد لهاد و عي و اكل هوا

ما خلصت للساعه 12 و شوي رجعت اكلت ادوشت و اعدت على هل نت ، لك حتى اخويه اليوم حاسسها نايمه ما بعرف ليش ...

صاحبي صحيح سنه و شهرين كتيره بس شو اعمل هيك الحياة يا معلم ولله شي بيبكي

jouliana

11/10/2007, 02:37

الله يكون بعونكم انت و ياه و كل واحد مغترب عن بلاده ...لانه الغربه طعمتها مرة ...مهما كنت مبسوط و فرحان و مو ناقصك شي...الا يظل حنينك لبلادك يناديلك..و شوئك الها يزيد يوم بعد يوم...متل واحد تارك حبيبة البه...و ناطر كل لحظة ليرجع و يشوفها و يجتمع فيهاااا...بس صدقوني في كتير نااس عايشة ببلادهااا...بس بكونو كأنهم بغربه ...:D

was616im

11/10/2007, 02:41

والله يا صاحبي مبارح صار معي فصل شوية حلو
طلعت انا و رفيقي بالليل عالمطعم بدنا نتعشى و نرجع و متل العادة لازم نترك مفاتيح الغرفة بالريسبشن تبع السكن الجامعي
المهم رحنا و رجعنا و هالحكي شي الساعة 11 بالليل ببولندا يعني شي 12 بسورية...و اذ كان في صبية بولندية قاعدة بالريسبشن و عم تحكي هيي و الموظفة
و من حسن حظي انو انا و الموظفة خوش بوش عالاخر و بتعرفني ماني مصاحب و مقلحم على شي بنت قامت والله قعدتني انا وياها و عرفتنا على بعض و صار الحديث ياخدنا و يجيبنا شي ساعة و نص زمان بالاخير اتفقنا بالمزح انو نتزوج قام محسوبك راح جاب حديدة تبعيت المفاتيح على اساس انو خاتم و لبستها ياه و اتفقنا على اللقاء باليوم التاني يعني اليوم مشان مراسيم العرس و هالامور (و نحنا كلو عم نحكي بالمزح ) المهم راحت الصبية و انا رحت على غرفتي قمت انا اليوم من ورا الصفر اللي اخدتو كنت كرهان حالي و قلتلها للصبية ما تجي لعندي اليوم على قد ماني غبي و خود بقى ايمتى لحتى نرجع نزبط موعد معاها و ندخل ليلة الدخلة......شيت بيني و بينك هيي كمان موافقة و بدها من الله.....ابوس رب البولونيات شو بحبهن يا رجل

was616im

11/10/2007, 02:44

الله يكون بعونكم انت و ياه و كل واحد مغترب عن بلاده ...لانه الغربه طعمتها مرة ...مهما كنت مبسوط و فرحان و مو ناقصك شي...الا يظل حنينك لبلادك يناديلك..و شوئك الها يزيد يوم بعد يوم...متل واحد تارك حبيبة البه...و ناطر كل لحظة ليرجع و يشوفها و يجتمع فيهاااا...بس صدقوني في كتير نااس عايشة ببلادهااا...بس بكونو كأنهم بغربه ...:D

اول شي شكرا عالمرور و المشاركة بالشعور عالاقل
تاني شي بدي قلك انو معك حق عن جد قد ما كان الواحد مبسوط و مكيف بالغربة بيضل بيحن لبلدو اللي عاش فيها و تربى فيها و للغتو اللي كانت اول لغة بيقول فيها امي و ابي.....:cry::cry:

ASH

11/10/2007, 02:45

هلا هاد يلي هامك بالغربه انت يا رجل

حكيلي علم حكيلي دراسه حكيلي شغل ، عم تحكيلي هل حكي لا لا انا ما بقبل يا اخي خليك متلي شغلي ماعم يخليني لا فكر بشي غير امتى نام :frown:

و تسلمي على هل كلام الحلو يا جولي ولله كلك ذوق

was616im

11/10/2007, 02:50

قلتلي انت بقطر مو هيك......هممممم..........اي حكي هيك من الال يا رجل قول انك غيران و كرهان حالك هنيك:o
لك الله وكيلك واحدنا ما بيعمل هيك و بيشرب و بيحشش الا لينبسط شوية و يخفف عن حالو هالهموم اللي فوق راسو و لو بشي بسيط و مؤقت:cry::cry:

was616im

11/10/2007, 02:57

انا رايح نام هلق شيت صارت الساعة عندي 2 و عندي بكرا درس كيمياء بيطول 4 ساعات ما بيخاف الله:cry:دعولي يا شباب:cry::cry:

كل شى اوهام

11/10/2007, 04:39

والله معك حق عنجد يالى عايش ببلدوا يحمد ربوا بس شو متمنيه انزل اعيش هونيك بس واهلى..
يالى متغربين ..اتركن واعيش لحالى ما بصير.. ااااااااااه شو بدنا نعمل ..
شو مشتائه بعمرى كلوا اشوف التلج بسوريا ما شفتوا ..بحياتى كلها :cry: عنجد شى بيئهر
لك حتى الشوارع بضيع هونيك ما بعرف فيها شى :cry: بس شو نئول غير الحمد الله
تسلم ايدينك يا اش على هيدى الكلام الحلو..

was616im

11/10/2007, 10:08

طولي بالك عيوني طولي بالك بتهون و الله بيفرجها عالكل........
و بعدين مشان التلج اي نزلي ع سورية بالشتوية مو ضروري بالصيف:D

was616im

11/10/2007, 10:12

اااااااااخ و هي بلش يوم جديد متل اللي قبلو عالضبط بس مع فرق صغير انو اليوم استثنائي شيت انا بالعادة الخميس ما عندي دوام ....يعني ندي بس رياضة:yahoo:بس اليوم استثنائي و لازم اداوم عالكيمياء اللي بتضل اربع ساعات:cry::cry:هالمادة ما بتخاف الله:cry:لاء و يا ريت اني عم ادرس كيمياء هلق الا تشريح شيت الاسماء اللاتينية طلعتلي روحي بالطول و بالعرض و ما كانو ينحفظو معي.........:cry::cry:
و صباح الخير للجميع:D

ASH

11/10/2007, 10:18

شكرا لمشاركتك كل شي أوهام و فعلا ما حدا حاسس بالنار غير يلي عم ينكوي فيها ...

هلأ انا حاليا يا شباب عندي امتحان MCSE يلي هوه 070-293 الأنفرا ، فدعولنا نمشي فيه و ما فوت اخبص الدنيه ، بدي اعمل هل اسبوع اسبوع خيالي لانو ...

was616im

11/10/2007, 11:06

موفق عبودي موفق:D:Dبانتظار النتائج الجيدة باذن الله:D
انا هلق رايح ع درس الرياضة و بعدها متل الكلب 4 ساعات كيمياء:cry::cry:
و دقللي بودعك........:cry:

x52

11/10/2007, 11:09

على كل حال كل واحد من المغتربين اللي كتبو هون شافو بلدهم يمكن مرة او مرتين ويمكن عاشو فيها فترة , بس انا الحرقة بقلبي كبيرة وبس نفسي اشوف بلدي دقيقة وحدة قبل ما موت , والله يا شباب الكل مسموحلو يزور بلدي وانا ما بصرلي بس ليش
(أحرام على بلابل الدوح حلال للطير من كل جنس)

ف ل س ط ي ن متى سأراكي فلسطين

سوري بجوز ازعجتكم بس انا مخنوق وكلكن هون رفقاتي وبرتاح بس اكتب شي هون

x52

11/10/2007, 11:11

والله معك حق احييك يا رفيق:D

ASH

11/10/2007, 14:19

على كل حال كل واحد من المغتربين اللي كتبو هون شافو بلدهم يمكن مرة او مرتين ويمكن عاشو فيها فترة , بس انا الحرقة بقلبي كبيرة وبس نفسي اشوف بلدي دقيقة وحدة قبل ما موت , والله يا شباب الكل مسموحلو يزور بلدي وانا ما بصرلي بس ليش
(أحرام على بلابل الدوح حلال للطير من كل جنس)

ف ل س ط ي ن متى سأراكي فلسطين

سوري بجوز ازعجتكم بس انا مخنوق وكلكن هون رفقاتي وبرتاح بس اكتب شي هون

له يا صاحبي شو هل حكي

كتوب شو مابدك و شو ما بيخطر على بالك ، في ناس مغربين وهنه بوطنهم ...

بالعكس شكرا لتنويرك الموضوع ، و كتوب اي شي بيجي فبالك حتتى لو عن فلسطين مو هيه بلدك

اهلا فيك :D

ASH

11/10/2007, 14:26

وهاقد فعتلها من جديد و نجحت بالامتحان بنتيجة 950 من 1000

الحمد لله يا رب الحمد لله ، هل اسبوع امتحانين شبكات و جامعتي ناجح الحمد لله على كل شي

اي شريك انا المسا لح احكيلك شو لح اعمل اليوم

لانو اليوم فئت متاخر و رحت علشغل ركد الله وكيلك منيح يلي وصلت ، المهم وصلت لهنيك كان في امتحان بس خلصت منو ، و انا كنت عم ادرس حكية يلا اليوم اخر يوم بشغلك يا عبد ليش ما تعمل امتحان و تشوف ممكن تنجح ب 3 شغلات باسبوع و فعلا يا معلم نفس المخاطره تبع اول الاسبوع

حكية المصاري لو راحو بحكي اني ضيعتهم و عادي شو يعني كلهم 430 ريال ، و لله يا صاحبي سحبنا هل فيزا و سجلنا فتت يا معلم طلعة روحي الامتحان طويل و فيه 3 سميلوشن ، لو ما عرفت شو يعني سميلوشن حكيل مشان فسرلك ، المهم يا صاحبي انا راحت هل 50 درجه بواحد من هل سميلوشن هدول ..

المهم يا صاحبي الامتحان مدتو 4 ساعات و نص ، انا خلصتو بساعه ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// الله وكيلك يا صاحبي و حتى ساعه انا مكتر هنه كانو 48 سؤال ، الله وكيلك يمكن ما وصلت لتلت رباع الساعه ...

المهم صاحبي بعد ما خلصت و اعدت يا معلم و صفنتلك شوي ، حكية الحمد لله هي نجحت و هانو الباقين ...

هلأ اخر 10 دقايق امت طفية كل شي تقول مسافر لانو عندي اجازه ليوم الاربعاء هلأ يا معلم و جهزت حالي و على ال 24 و هي رجعنا عليت بدي روح نملي شي ساعتين قبل الفطور هلأ بس كون واثق بليل لو صار جديد لح خبرك

يلا تشاووووو

انو صحيح شو بس 2 المغتربين بكل الموقع ؟؟؟؟!

was616im

11/10/2007, 19:07

على كل حال كل واحد من المغتربين اللي كتبو هون شافو بلدهم يمكن مرة او مرتين ويمكن عاشو فيها فترة , بس انا الحرقة بقلبي كبيرة وبس نفسي اشوف بلدي دقيقة وحدة قبل ما موت , والله يا شباب الكل مسموحلو يزور بلدي وانا ما بصرلي بس ليش
(أحرام على بلابل الدوح حلال للطير من كل جنس)

ف ل س ط ي ن متى سأراكي فلسطين

سوري بجوز ازعجتكم بس انا مخنوق وكلكن هون رفقاتي وبرتاح بس اكتب شي هون
له له له يا رجل شو هالحكي اصلا هالموضوع مشان الواحد يفش خلقو و يكتب اللي بدو ياه عن اللي عم يعانيه بغربتو و بعدو عن و طنو و اهلو...........
بيعين الله ابو شريك بيعين الله و اهلين فيك كتوب اللي بدك ياه شيت احيانا الكتابة بتخفف و بتريح:D

was616im

11/10/2007, 19:10

الله حيو ابو عبيييييد:clap::yahoo:
خيو انا كمان رايح نام شي ساعتين و المسا بحكيلك شو صار معي:D

sydra

11/10/2007, 20:29

يعني ما بعرف كيف انتو المغتربين كل هالقد زعلانين رجعو ع البلد ما في شي بالعالم بيستاهل الواحد يعيش وهو مو عايش يعني هون في كل شي بس انا بستغرب كيف الواحد بيعقد يحكي قديه بيعاني بالغربة ايه رجعو شو بيمنع

كوماندانت

11/10/2007, 22:31

ياغربة الروح .............الا تتصور انها اقسى من غربة الوطن

كم من الكثير هنا يتمنى السفر لانه يعش ما هو اقسى من الغربه الجفرافيه

بلادي وان جارت علي عزيزة واهلي وان ضنوا علي كرام

was616im

12/10/2007, 10:00

يعني ما بعرف كيف انتو المغتربين كل هالقد زعلانين رجعو ع البلد ما في شي بالعالم بيستاهل الواحد يعيش وهو مو عايش يعني هون في كل شي بس انا بستغرب كيف الواحد بيعقد يحكي قديه بيعاني بالغربة ايه رجعو شو بيمنع
هلق كونك انت ما تغربتي و ما اضطريتي عالغربة فما رح تقدري الوضع بشكل مزبوط......يعني هالمغتربين هدول اللي شايفتيهن بتوقع انو اغلبهن ما بيرضى انو برجع ع سورية و يقضي بقية عمرو فيها و خاصة اللي عم يشتغل منيح باوبوربا و امريكا (طبعا ما بدنا نحكي عن فرق الحياة بين هالدول و بين سورية) بس المقصود انو قد ما كان الواحد مبسوط بالغربة و متوفرلو كل شي اي بيضل بيحن لكل شي بسيط و صغير بسورية(قصدي ببلدو الام بشكل عام)لانو هالشغلات الصغيرة و البسيطة احيانا مجرد تذكرها بخلي الواحد يبكي...:cry:لانو هيك اشياء مستحيل انو يلاقيها باي مكان تاني بالعالم الا بوطنو:D
ياغربة الروح .............الا تتصور انها اقسى من غربة الوطن

كم من الكثير هنا يتمنى السفر لانه يعش ما هو اقسى من الغربه الجفرافيه

بلادي وان جارت علي عزيزة واهلي وان ضنوا علي كرام
:deal::deal:

was616im

12/10/2007, 10:16

اول شي كل عام وانتو بالف خير يا احلى اعضاء باخوية و خاصة لابو عبيد:D
والله يا ابو عبيد مبارح كان شي حلو كتير كتير.....بلشت الشغلة معي باني بعد جهد جهيد و عذاب مديد نجحت باول اختبار بالكيماء:ss:و هو اللي كان مطلوب انو بيعطوك انبوب اختبار فيه سائل معين و انت لازم تجري عليه تجارب متنوعة مشان تعرف شو نوع هالسائل و تشرح طبيعة المعادلة الناتجة معك و محسوبك مشي حالو باول درس و الحمد لله تعالى
رجعت بعدها يا صاحبي الساعة 5 العصر عالبيت و كنت متل الصايم يعني ما اكلت شي من الصبح للمسا:cry:

بعدها حضرت الحلقة الاخيرة من باب الحارة و نمت شوية و لما فقت كان راسي رح ينفجر ....المهم اخدت حبة سيتامول و مشي الحال و اتفقت انا و الصبية اللي حكيتلك عنها مسبقا و رحنا عالديسكو:yahoo:و هنيك يا سلام علي جرى:dabeek::dabeek:اااااخخخخ علي جري يا ابو عبيد:dl:و بعدين:bm::bm:
بس يلعن حظي ما احقرو لما رجعت عالغرفة لقيت رفيقي نايم فما حسنت فيقوو قلعوا لبرى شي ساعة زمان :cry::cry:
بس مو مشكلة هو بكرا مسافر و بضل لحالي بالغرفة:clap::clap:
و بتزبط غنية فيروز ( و دارت فينا الدار و قالو ولاد صغار):lol::lol:
و هلق لما فقت اي راسي رح ينفجر الله و كيلك شيت متقل بالشرب مبارح احتفلا بالمناسبة;);)
و الله يا صاحبي فرجت فرجت بعد فترة من الماسي و العذاب
و هلق يالله عن اذنك بدي روح ادرس شوية من مادة التشريح شيت عندي خازوق عم يستناني بهالمادة اليوم:cry::cry:
و مرة تانية كل سنة و انتو سالمين جميعا يا رب:D

sydra

12/10/2007, 16:21

هلق كونك انت ما تغربتي و ما اضطريتي عالغربة فما رح تقدري الوضع بشكل مزبوط......يعني هالمغتربين هدول اللي شايفتيهن بتوقع انو اغلبهن ما بيرضى انو برجع ع سورية و يقضي بقية عمرو فيها و خاصة اللي عم يشتغل منيح باوبوربا و امريكا (طبعا ما بدنا نحكي عن فرق الحياة بين هالدول و بين سورية) بس المقصود انو قد ما كان الواحد مبسوط بالغربة و متوفرلو كل شي اي بيضل بيحن لكل شي بسيط و صغير بسورية(قصدي ببلدو الام بشكل عام)لانو هالشغلات الصغيرة و البسيطة احيانا مجرد تذكرها بخلي الواحد يبكي...:cry:لانو هيك اشياء مستحيل انو يلاقيها باي مكان تاني بالعالم الا بوطنو:D

:deal::deal:

يعني انا بعرف انو الصراحة ما بتخلي صاحب بس جد انا بكره الكذب انوشو بدنا نقلكن الغربة هي اختيار الشخص بالاغلب انتو مش مجبورين تعيشو بعيد وتضلو تقلونا مشتاقين للوطن يعني بكل بساطة اغلب المغتربين مغتربين لان هنن هيك بدن كرمال نمط حياة معين او مصاري او شي تاني وانا مو ضدد كل انسان في اولويات بحياتو بس بيدايقني كتير وقت الناس يلي مغتربة وانا بعرفا مثلا بتيجي باخر عمرها وبتضل تنق انو هون احلا ونحنا ما عشنا ومو هي الحياة يلي بتمناها ايه شو ضاربكن ع ايدكن يلي بدو يعيش هون بدو يتحمل ويلي بدو يعيش هونيك بدو يتحمل فلو جد صعبة كتير الغربة ارجعو شو بيمنع و بعتذر مقدما بس هيدا رايي يعني شو بينفع بعد ما الواحد يقضي كل حياتو بالغربة ويرجع ع غير بلد يلي بيعرفها يتندم ما هاد خيارك من الاول

ASH

12/10/2007, 20:12

هلا كل عام و انت بخير حبي و الكل بخير

انا لاني مستعجل و بدي اطلع

بس خليني احكيلك مبارح شو صار بليل يا معلم بعتبار كانت الوقفه ، طلعنا على الستي سنتر انا وعمك ابو سليمان و غفرمنت يا معلم و ظلينا هنيك للساعه 1 تقريبا

لما بدنا نرجع علبيت ما كنا نلاقي تكسي اطرينا اسفين نركب باص متل باصات النقل الداخلي ، ويا معلم خود على افله و انغله طول الطريق يا معلم حسينا حالنا بباص النقل الداخلي و كنا علوقف كل ما يادح فرام نشك لقدام ، وعلى ذكريات و ضحك و سبسبه شي كان لدينو يعني ولله يا روح و شفلي ابو سليمان و غفرمنت يا معلم و على حكي ..

خلصنا نزل بنص الطريق اجنا نكمل انا و ابو سليمان على بيتي اكتر من نص ساعه مشي مافي تكسي كفرنا بالعبري ، تصلت بابي حكتلو تعال خدنا ، المهم اجا اخدنا يا معلم ...

بعد هيك حكتلو لا بو سليمان شكلها ناشفه اليوم مالح ندبر مشروب و اذ بيرن تلفوني بيحكيلي صاحبي وينك حكتلو بالشارع حكالي تعال لعندي حكتلو معي شب معدل حكالي جيبو معك ، رحنا لهنيك يا معلم و شفنالك لترين هل فودكا ، و بلشنا طرء فيهم لشي الساعه 6 الصبح و صلنا ابو سليمان ، ورجعة انا كملة الباقي رجعت علبيت 8 الصبح سلامتك شايف الفيل نمله حطية راسي و نمت

هلا اليوم في ديسكو فبس ارجع معلم بخبرك شو صار بيوميتي ...

وبرد علاخت كمان

was616im

12/10/2007, 21:40

الله حيوووو يا هيك البسط يا بلا يا خيو
و محسوبك هلق بعد شوية معزوم ع حفلتين الاولى من طلاب الكروب تبعي عاملين هيك حفلة صغيرة و بعدها رايحين عالديسكو و التانية هي صاحبتي الجديدة عازمتني كمان ع حفلة صغيرة عند صبايا صاحباتها و بعدين كمان عالديسكو فمحسوبك محتار وين بدو يروح
المهم قررت بالاخير انو اخد صاحبتي و نروح ع حفلة رفقاتي شي ساعة زمان و بعدها ع حفلة رفقاتها كمان شي ساعة زمان و بعدها عالديسكو انا و ياها و اللي بدو يروح يروح و بالاخير منرجع باخر الليل عالغرفة و منحط راسنا و منام و نيال مين جمع راسين ع مخدة وحدة:o

ببقى بكرا كمان بحكيلك اشو رح يصير معي بهالسهرة يا خيو:yahoo::clap:

tamouz76

12/10/2007, 21:54

بدك كل مغترب يكتب مذكرات طيب بالنسبة الي من 3 سنين الايام كلها عندي زات الشي ورق وحدة و جوانا كربون يعني ورقة روزنامة متل اللي كانت ستي معلقتا بغرفتا لهلئ بتزكر اسمها( الهاشمي على كل بفيق 8 الصبح اخد دوش و روح عالمكتب بدي نص ساعة بالسيارة لوصل المكتب , قول و صلت بشرب قهوة و بلش ع بريد وارد و مقابلات و شغل لل2 بطلع من المكتب اتكاسل ارجع عالبيت شوفلي شي قهوة ارجع اشرب قهوة لل4 بعدين ارجع عالمكتب نفس القصة لل8 بخلص شغل الشركة , بس لسا الشغل ما خلص لانو عندي شغلي الخاص بروح شوف الشباب شو عم يعملوا هيك لل10 برجع عالبيت باكل الوجبة اليتيمة و دوش و بصرخ و ينك يا فرشة بربك هي اسما حياة هي :larg:

was616im

13/10/2007, 11:39

بدك كل مغترب يكتب مذكرات طيب بالنسبة الي من 3 سنين الايام كلها عندي زات الشي ورق وحدة و جوانا كربون يعني ورقة روزنامة متل اللي كانت ستي معلقتا بغرفتا لهلئ بتزكر اسمها( الهاشمي على كل بفيق 8 الصبح اخد دوش و روح عالمكتب بدي نص ساعة بالسيارة لوصل المكتب , قول و صلت بشرب قهوة و بلش ع بريد وارد و مقابلات و شغل لل2 بطلع من المكتب اتكاسل ارجع عالبيت شوفلي شي قهوة ارجع اشرب قهوة لل4 بعدين ارجع عالمكتب نفس القصة لل8 بخلص شغل الشركة , بس لسا الشغل ما خلص لانو عندي شغلي الخاص بروح شوف الشباب شو عم يعملوا هيك لل10 برجع عالبيت باكل الوجبة اليتيمة و دوش و بصرخ و ينك يا فرشة بربك هي اسما حياة هي :larg:
:shock::shock::?...........
و ليش هيك يا رجل؟؟؟؟؟؟؟؟؟طيب ما عندك عطلة شغلة حركة؟؟؟؟؟؟اي شي اسمو غير الشغل؟؟؟
و بعدين وانت بالشغل ما بيصير معك شغلات حلوة او بشعة ؟؟اذا شي يوم كنت مزعزج من الشغل او من اي شي او مبسوط لاي سبب كان اي فوت لهون كتبلك كلمتين عالماشي و فضفض قلبك ما بتخسر شي بس بيجوز يريحوك هالكلمتين اللي رح تكتبهن:D

was616im

13/10/2007, 11:45

قبل كل شي صباح الخير:D
اي خيو هاد مبارح اللي صار كما يلي:
بعد ما رحت انا و الشباب شوية عالسهرة و انبسطنا قليلا اضطريت روح لعند صاحبتي بس هنيك اكلت خازوق انو السهرة عندهن ما كانت حلوة ...:cry:المهم يا سيدي اخدت صاحبتي و رحنا عالديسكو بعد شي ساعة من هالحكي....
و بلشنا الشرب يا معلم و محسوبك ما عاد يعرف الخمسة من الطمسة:lol::lol:لاااااء مو لهالدرجة ولوووو بس انو شربت كتير يعني ورجعنا انا و الصبية لعندي عالغرفة و نمنا بتخت واحد بس والله العظيم اوادم كنا وما صار شي (شيت الشب اللي ساكن معو كان بالغرفة)يعني مجبر اخاك لا بطل:cry::cry:
و هلق يا سيدي لا حدا يسالني شي عن اليوم لاني رايح قضيه كلو بدراسة التشريح شيت والله مبارح كنت مقصر شوية و لوما مساعدة الشباب رفقاتي كنت اتبهدلت عالمزبوط:cry:

tamouz76

13/10/2007, 16:08

:shock::shock::?...........
و ليش هيك يا رجل؟؟؟؟؟؟؟؟؟طيب ما عندك عطلة شغلة حركة؟؟؟؟؟؟اي شي اسمو غير الشغل؟؟؟
و بعدين وانت بالشغل ما بيصير معك شغلات حلوة او بشعة ؟؟اذا شي يوم كنت مزعزج من الشغل او من اي شي او مبسوط لاي سبب كان اي فوت لهون كتبلك كلمتين عالماشي و فضفض قلبك ما بتخسر شي بس بيجوز يريحوك هالكلمتين اللي رح تكتبهن:D
رفقة و ناس تقعد تحكي معن ما في ناس تفهم تتسلى معن و هون انا جديد الصدفة زتتني لعرفت الموقع هون

was616im

13/10/2007, 17:33

رفقة و ناس تقعد تحكي معن ما في ناس تفهم تتسلى معن و هون انا جديد الصدفة زتتني لعرفت الموقع هون
هلق اذا قصدك انو ما بتعرف حدا هون بالموقع مشان هيك ما بتحب تفضفض ف بحب قلك انك غلطان
انت بما انك هون باخوية معناها انك هون صديق الكل و هادا الموضوع معمول خصيصا لهيك شغلات يعني مزعوج و طالعة خلاقك او حالتك النفسية مو منيحة لاي سبب كان فوت و كتوب هون كم كلمة بتلاقينا ردينا عليك و نتاعلنا معك تلقائيا و معك معك بتصير بتعرف غير اعضاء من خلال مشاركاتك بمواضيع تانية هون باخوية:D

tamouz76

13/10/2007, 17:39

هلق اذا قصدك انو ما بتعرف حدا هون بالموقع مشان هيك ما بتحب تفضفض ف بحب قلك انك غلطان
انت بما انك هون باخوية معناها انك هون صديق الكل و هادا الموضوع معمول خصيصا لهيك شغلات يعني مزعوج و طالعة خلاقك او حالتك النفسية مو منيحة لاي سبب كان فوت و كتوب هون كم كلمة بتلاقينا ردينا عليك و نتاعلنا معك تلقائيا و معك معك بتصير بتعرف غير اعضاء من خلال مشاركاتك بمواضيع تانية هون باخوية:D
اولا ممنون تجاوبك مع كتاباتي بس اللي بقصدو انو انا بالكويت ما عم لاقي حدا اتواصل معو و بالنسبة للموقع من وقت اللي عرفتوا مدمن عليه و كلكن طيبين وعراسي وزوقكن بيكفي بلد ولهيك عم دردش معكن

was616im

13/10/2007, 17:44

اي اهلين و سهلين حبيب
سيدي هلق معقولة عندك بالكويت ما في سوريين تحكي معن او تروح و تجي معن....يعني اي نوع من انواع الاتصال البشري يا رجل......اي والله الوحدة يتقتل:cry:

الله يعينك و يكون معك.....المهم خيو انت هون فيك تكتب اللي بدك ياه شو بتشعر هلق و شو صار معك خلال النهار و هيك شغلات يعني شيت اسمو يوميات مغترب يعني كتوب مذكراتك هون:lol::lol:
و مين بيعرف بيجوز بالاخير نطلع بقصة ظريفة من قصص هالشباب و نعمل مسلسل او فيلم عليه:o

tamouz76

13/10/2007, 17:52

اي اهلين و سهلين حبيب
سيدي هلق معقولة عندك بالكويت ما في سوريين تحكي معن او تروح و تجي معن....يعني اي نوع من انواع الاتصال البشري يا رجل......اي والله الوحدة يتقتل:cry:

الله يعينك و يكون معك.....المهم خيو انت هون فيك تكتب اللي بدك ياه شو بتشعر هلق و شو صار معك خلال النهار و هيك شغلات يعني شيت اسمو يوميات مغترب يعني كتوب مذكراتك هون:lol::lol:
و مين بيعرف بيجوز بالاخير نطلع بقصة ظريفة من قصص هالشباب و نعمل مسلسل او فيلم عليه:o
ههه لك في و الله في بس انك تلاقي واحد يفهم عليك و تفهم عليه لتضحك بحكيلك شغلة من 3 سنين لهلئ ماحدا بيعرف ديني شو هو من اول كلمة بيقولولك اي عرفت انت مسيحي و التاني بطلع معو درزي و التالت سني و الي بعدو شيعي و الاغلبية بطلع معن كافر و النتيجة انو بيعاملك عدينك ما بيعاملك على لانسانيتك و ما بحس حالي مضطر اقعد اشرحلون انا شو و بالشغل وضعي ما بيسمحلي انو يكون عندي رفقة مانو استبكار عالناس بس انا مدير تسويق و علاقات عامة بس عطيت لموظف وش بيصير بدو بطانة و بقية المدرا اصغر واحد فيون اكبر مني بعشر سنين ههههههه

ASH

13/10/2007, 17:53

مذكرات اول يوم العيد ....

يا صاحبي مبارح على قد ما كان حلو على قد ما كان معت

طلعنا انا و اخواتي اول شي لفينا و من هل حكي و تعشينا و رجعتهم على البيت بعدين ...

بس رجعتهم حكينا مع ابو سليمان انو نطلع علديسكو و فعلا رحنا لهنيك يا معلم ، و على ظرب كاس و طاس و كوكتيلات شي على كيف كيفك كان ، المهم الطعجه وين كانت لما طلعنا يا معلم ركبنا بهل سياره عم ارجع فيها شوي شوي لورا ، ام وقع الاكس القدامني و نكسر الدالوب الله لا يورجيك يا صاحبي فصلتنا الفصله اللعينه ، اعدنا ساعه بالطريق بين ندفش و مية شب اجو ، وتصلنا بالشرطه لبين ما شرفت و شرحنالهم شو صار و لح يعملو معنا سين و جيم ...

المهم بالاخير رجعنا لمكانها و كل واحد رجع على بيتو و طبعا السياره مو تبعي لحضرة النافض ، حكينالو يا ملعم حسنني انو عندي سيارة ماي باخ و صرلها شي حكتلو اي هي طرطيره ، و خود خناق يعني بختصار طارة السكره كلها من ورا رب السياره يا رجل

هلأ اليوم بدي روح بتكسي مشان ما افقس حالي و برجع بحكيلك شو بيصير

انت دعي اليوم ما يتفجر الديسكو مشان ينبعص كيفي انا

tamouz76

13/10/2007, 17:57

مذكرات اول يوم العيد ....

يا صاحبي مبارح على قد ما كان حلو على قد ما كان معت

طلعنا انا و اخواتي اول شي لفينا و من هل حكي و تعشينا و رجعتهم على البيت بعدين ...

بس رجعتهم حكينا مع ابو سليمان انو نطلع علديسكو و فعلا رحنا لهنيك يا معلم ، و على ظرب كاس و طاس و كوكتيلات شي على كيف كيفك كان ، المهم الطعجه وين كانت لما طلعنا يا معلم ركبنا بهل سياره عم ارجع فيها شوي شوي لورا ، ام وقع الاكس القدامني و نكسر الدالوب الله لا يورجيك يا صاحبي فصلتنا الفصله اللعينه ، اعدنا ساعه بالطريق بين ندفش و مية شب اجو ، وتصلنا بالشرطه لبين ما شرفت و شرحنالهم شو صار و لح يعملو معنا سين و جيم ...

المهم بالاخير رجعنا لمكانها و كل واحد رجع على بيتو و طبعا السياره مو تبعي لحضرة النافض ، حكينالو يا ملعم حسنني انو عندي سيارة ماي باخ و صرلها شي حكتلو اي هي طرطيره ، و خود خناق يعني بختصار طارة السكره كلها من ورا رب السياره يا رجل

هلأ اليوم بدي روح بتكسي مشان ما افقس حالي و برجع بحكيلك شو بيصير

انت دعي اليوم ما يتفجر الديسكو مشان ينبعص كيفي انا
دخيل عينك انت بس قلي وينك و يكون في كاس لجيب ليموزين تاخدك و ترجعك و براسي رح سوق

was616im

13/10/2007, 17:57

يا رجل والله ما في اكره من هالحالة وقت الناس بيعاملوك على اساس دينك......لك ان شاء الله كون مجوسي شو دخلكون فيي.....اي بالاسلام منقول لا اكراه في الدين فليش هالمن..كة بقى ماني عرفان......
سيدي الله يكون بعونك عن جد لانو انك تكون ببلد عربي و تحس حالك غريب بكل معنى الكلمة اي والله شي بيقهر و بيطقق.....
نصيحة من اخ صغير اعتبرها حاول تدور على اعضاء من اخوية موجودين بالكويت...اكيد في و هيك بتلاقي لحالك شوية شوية اصدقاء و لو عالنت على الاقل :D

tamouz76

13/10/2007, 18:02

يا رجل والله ما في اكره من هالحالة وقت الناس بيعاملوك على اساس دينك......لك ان شاء الله كون مجوسي شو دخلكون فيي.....اي بالاسلام منقول لا اكراه في الدين فليش هالمن..كة بقى ماني عرفان......
سيدي الله يكون بعونك عن جد لانو انك تكون ببلد عربي و تحس حالك غريب بكل معنى الكلمة اي والله شي بيقهر و بيطقق.....
نصيحة من اخ صغير اعتبرها حاول تدور على اعضاء من اخوية موجودين بالكويت...اكيد في و هيك بتلاقي لحالك شوية شوية اصدقاء و لو عالنت على الاقل :D
ما بدك يفهوا انو الدين لله و الوطن للجميع تعرف هون ممنوع المشروب تعرفت عواحد بيجيب ويسكس تهريب طبعا بحق الليتير تعيش بسوريا شهر بس موهون المشكلة المشكلة انو وئت اللي رحت جبتو حسيت حالي متل اللي حامل كيلو حشيش نشف دمي لوصلت عالبيت طبعا بعدا توبي اشتري لأنو ازا نمسكت بطلع انا سبب اعصار كاترينا (غضب رب العالمين ) هههه

was616im

13/10/2007, 18:14

مذكرات اول يوم العيد ....

يا صاحبي مبارح على قد ما كان حلو على قد ما كان معت

طلعنا انا و اخواتي اول شي لفينا و من هل حكي و تعشينا و رجعتهم على البيت بعدين ...

بس رجعتهم حكينا مع ابو سليمان انو نطلع علديسكو و فعلا رحنا لهنيك يا معلم ، و على ظرب كاس و طاس و كوكتيلات شي على كيف كيفك كان ، المهم الطعجه وين كانت لما طلعنا يا معلم ركبنا بهل سياره عم ارجع فيها شوي شوي لورا ، ام وقع الاكس القدامني و نكسر الدالوب الله لا يورجيك يا صاحبي فصلتنا الفصله اللعينه ، اعدنا ساعه بالطريق بين ندفش و مية شب اجو ، وتصلنا بالشرطه لبين ما شرفت و شرحنالهم شو صار و لح يعملو معنا سين و جيم ...

المهم بالاخير رجعنا لمكانها و كل واحد رجع على بيتو و طبعا السياره مو تبعي لحضرة النافض ، حكينالو يا ملعم حسنني انو عندي سيارة ماي باخ و صرلها شي حكتلو اي هي طرطيره ، و خود خناق يعني بختصار طارة السكره كلها من ورا رب السياره يا رجل

هلأ اليوم بدي روح بتكسي مشان ما افقس حالي و برجع بحكيلك شو بيصير

انت دعي اليوم ما يتفجر الديسكو مشان ينبعص كيفي انا
والله يا صاحبي ماني عرفان اضحك على جملتك الاخيرة ولا ازعل ع وضعك.........بشرفي شي محزن بس يحرق حريشك على هالجملة الاخيرة بشرفي ضحكتني:o:o:o:da7ook::da7ook:
دخيل عينك انت بس قلي وينك و يكون في كاس لجيب ليموزين تاخدك و ترجعك و براسي رح سوق
حبيب هادا صاحبنا اش بقطر يعني مو بعيد عنك ف نصيحة حمول حالك و نط لعندو بالسيارة و قضي العيد هنيك و اكيد رح تنبسط
بلا مؤاخذة حبيبي اش عم اعزم باعتبار موافقتك موجودة:Dعلى راسي احلى اش عم امزح ولوووووو

was616im

13/10/2007, 18:16

ما بدك يفهوا انو الدين لله و الوطن للجميع تعرف هون ممنوع المشروب تعرفت عواحد بيجيب ويسكس تهريب طبعا بحق الليتير تعيش بسوريا شهر بس موهون المشكلة المشكلة انو وئت اللي رحت جبتو حسيت حالي متل اللي حامل كيلو حشيش نشف دمي لوصلت عالبيت طبعا بعدا توبي اشتري لأنو ازا نمسكت بطلع انا سبب اعصار كاترينا (غضب رب العالمين ) هههه
العمى الله يكون بعونكن على هالوضع الماساوي اللي عايشين فيه عن جد:cry:
شباب انا رايح اطلع شيت ناطر صبية شلخة بتاخد ضبنات العقل هلق شوية بس تروح بحكيلكن شو صار معي قصدي بيني انا وياها
سلااااام و ادعولنا

tamouz76

13/10/2007, 18:20

العمى الله يكون بعونكن على هالوضع الماساوي اللي عايشين فيه عن جد:cry:
شباب انا رايح اطلع شيت ناطر صبية شلخة بتاخد ضبنات العقل هلق شوية بس تروح بحكيلكن شو صار معي قصدي بيني انا وياها
سلااااام و ادعولنا
موفق حبيب :clap:

abosleman

13/10/2007, 19:02

مذكرات اول يوم العيد ....

يا صاحبي مبارح على قد ما كان حلو على قد ما كان معت

بس انبسطنا معلم لا تقلي لاء صحيس قلبت فريز بس مو مشكلة

انت دعي اليوم ما يتفجر الديسكو مشان ينبعص كيفي انا

هلئ معلم المهم ما تفصل الحكاية بعد ما نطلع بعدين إذا بدو ينفجر ينفجر

اليوم عند الساعه 12 بخلص شغلي وبلتقي بالمعلم آش وبنخبركن بكرة شو بيصير معنا
إذا ما صار شي ...:o

ASH

13/10/2007, 23:12

لك حوووووووووووووووووووووووو ووووبي ابو السيم انت بتعزم بدون اذن ولو شو هل حكي

اهلا و سهلا بتموز امتى ما شرف ، يجي بيحضر واجبو ولله ،

على راسي الشبيبه

ابو سليمان يلا انا طالع علديسكو معلم اليوم يا رب تمر بدون فقسان مشان ما دمرهم كلهم