ارتفاع نسبة ال ؟!؟ في الأخوية [الأرشيـــــف]

عرض كامل الموضوع : ارتفاع نسبة ال ؟!؟ في الأخوية

Abu ToNi

29/09/2007, 03:04

يا جماعة في شي كتير غلط عبصير عندنا بالأخوية واللي هو ارتفاع نسبة السخافة يعني المصخرجية عبيكتروا والعقول عبتقل انا ما عبصنف حالي باي قسم بس عنجد صار من الشبه مستحيل تشوف شي حوار متمدن عبدور بالأخيو الا ما يكون ابطاله نفس الأشخاص عالم بتعطيك مثاليات وهي ما الها علاقة بالعلاقة ما ىخد عقلها غير الدين وكان العالم ما الها شغلة غير تخانقها وتحقر بدينها وعالم عايشين على التحشيش واللي انا شخصيا انا صرت احترمهم اكتر شي لأنهم من اريح الشباب اللي ممكن تتعامل معهم

وعالم وهدول بصراحة ما بعرف منش و معجونين يعني المواضيع اللي بقسم المسابقات عبتحطم الأرقام القياسية من ناحية المشاركات يعني كتير طبيعي انك تشوف موضوع على نمط " بس تصير الرقم خمسة ابعت وردة لمين بدك "

او " ابتع لك شي عضو يغسل سيارتك "

او ارسل رسالة خاصة لشي حدا بالمنتدى " او عناوين غير الله ما بيعرف من وين عبيخترعوها والغريب انه في عالم مواظبة على هيك سخافات يعني همهما الأول والأخير بكل المنتدى هو انها تشارك وتحيي وتعيد احياء وترجع تحيي وترجع تعيد احياء هيك مواضيع وكانها فرض مدرسي عليها ولازم تعمله .

بس كل هاد الشي عبسبب ازدياد السخافة بالأخوية

انا ما بنكر ان المسابقات لا بد منها لتخفيف الضغط لأننا بالاخير هون نحن منتدى ماننا موقع معلومات بس يا جماعة الله ما شافوه بس بالعقل عرفوه :pos:

Syrian Gay

29/09/2007, 13:04

هللا ما عرفت شو المطلوب .. :?

سبق وانحكى كتير بهل الموضوع .. ومن نتائج الحكي بهل الموضوع انو مشاركات السقيفة والمسابقات و البريد ما عاد ينحسبوا

راديا

29/09/2007, 13:44

ايوااا هلق عرفت ليش مشاركاتي قللو ايوااااا
...
المهم غابي و حياتك معك حق بس شو بدنا نعمل؟؟؟مو طالع بايدنا شي
بس بتعرف تتزكر هديك الايام وقت كانت التسجيلات عبر الدعوة هيك كان احلى
بس ...
ما فينا

Abu ToNi

29/09/2007, 19:06

ما الفكرة فكرة عدم احتساب المشاركات القصة ما هيك بتنحل !

فسحة أمل

29/09/2007, 22:10

:? يعني شوي تانية ما ضل غير تنلغا السقيفة وتتشمع بالشمع الأحمر ....:shock:
يا سيدي هاد الشي منو كتير طنش تعش تنتعش :sick:

mey

29/09/2007, 22:12

طنش تعش تنتعش :sick:
:clap::clap::clap::clap::clap:

ابو عمير السوري

29/09/2007, 22:17

وانت وين مواضيعك الحلوة ياغابريل أفندي :D

Barleb

29/09/2007, 23:17

ما ضروري مواضيع حلوة ..

بس بلا سخافات ..

Roaa

29/09/2007, 23:22

ايمتا بدنا نشبع ... قاعدين وعم نندب حظنا ..;)

jouliana

30/09/2007, 01:28

Abu ToNi

30/09/2007, 01:33

هاد هو البني آدم الفهمان :D

هاد هو الحكي اللي انا عبحكيه ما بهم انه يكون الموضوع حلو

المهم انه يتم التحاور بطريقة عالم فهمانين على الأقل يعني عنجد بستغرب انه في عالم بتعرف تدخل على الأنترنت وبتعرف تعمل اشتراك بموقع ومع هاد الشي افكارها بدائية .

ما المهم الفكرة تكون راقية المهم يكون التخاور راقية

يا اخي ما عاد بدنا شي راقي صار بدنا ش مقبول بس مقبول يا جماعة

يعني تخيل انه اجا بني آدم لعندك على البيت بدك تحكي معه كام كلمة

مانه اجباري تحكي معه على اسرع مذنب بالكون او على آحر الاكتشافات العلمية بس كمان الوقت ما بدك تقعد تلعب معه لعبة مين بيصل للرقم 5 بيغسل سيارة التاني :cry:

KEEEMO

30/09/2007, 01:43

وعالم وهدول بصراحة ما بعرف منش و معجونين يعني المواضيع اللي بقسم المسابقات عبتحطم الأرقام القياسية من ناحية المشاركات يعني كتير طبيعي انك تشوف موضوع على نمط " بس تصير الرقم خمسة ابعت وردة لمين بدك "

ياسيدي الكريم بالنسبة لهل الفقرة بتشمل كل المواقع العربية يعني باختصار الشعب العربي هيك بدو

انا عندي منتدى وصار نفس القصة قمت وقفت قسم المسابقات والمسخرة

قام الاعضاء اعترضو لو تحزر شو كان تعليقن :shock:

قال هل المواضيع هي اللي عما ترفع عدد المشاركات والاعضاء

بالنتيجة حسيت حالي فتحت الموقع شحادة عما اشحد مشاركات واعضاء من وراء هيك مواضيع مالي اي

معنى

Abu Guzef

30/09/2007, 01:46

ايه فتحتلي جرح قديم ليك النقاش شلون بيكون قارنلي هالموضوع مع قسم المسابقات كلو
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

الله يرحم هديك الأيام كان في عالم تعرف تناقشها وتحكي معها

اما هلق مافيك تحكي غير مع عالم مابتعرف غير العد

احسن شي بيني وبينك هلق هوي موضيع الحشيش

Abu ToNi

30/09/2007, 01:53

ASH

30/09/2007, 01:54

طيب شو يعني هلأ شو ممكن الواحد يعمل بهل حاله

نبطل نحكي ولا نبطل التأفيل ولا شو ...

ما بعرف هوه في سخافه بس مو لهل درجه يلي حاكيها

Abu ToNi

30/09/2007, 01:57

ياسيدي الكريم بالنسبة لهل الفقرة بتشمل كل المواقع العربية يعني باختصار الشعب العربي هيك بدو

انا عندي منتدى وصار نفس القصة قمت وقفت قسم المسابقات والمسخرة

قام الاعضاء اعترضو لو تحزر شو كان تعليقن :shock:

قال هل المواضيع هي اللي عما ترفع عدد المشاركات والاعضاء

بالنتيجة حسيت حالي فتحت الموقع شحادة عما اشحد مشاركات واعضاء من وراء هيك مواضيع مالي اي

معنى
بعتقد اني بعرفك شخصيا باعتبار انك من حلب وبتملك منتدى واسمك بيتطابق مع اسم شخص بعرفه بنفس الصفات

المهم

العلاك هاد اللي بصير بالمنتديات العربية كافة ما لازم نسمح له يصير عندنا بالأخوية لأننا بالأخوية متميزين على الأخوية بكتير من المجالات وما لازن نسمح اننا نتصنف متلنا متل بقية المنتديات العربية

بتذكر مرّة كنت بدي ادور على غنية لذكي ناصيف واللي الكل بيعرفها " يا عاشقة الورد "

طلع لي منتدى خليجي وكان بالموضوع في شي 50 صفحة

بصراحة انا هون كتير انبسط قتل لحالي هلق حصلت على كل الأغاني وصار عندي كنز بالالتقاء بهيك موقع عن طريق الصدفة

بس بعد ما فتت كان شي 39 صفحة من النوع اللي عبتتحول اله الأخوية يعني بالاخير الشباب صاروا متل التلبيسة عندنا بحلب " الف سلام وسلام لشباب ابو ظبي وخمسيمية محروقة "

مشاتن هيك انا من جهتي ما بدي اشوف الأخوية عبتتجه نحو الجهة هاي وانا عبتفرج

بعتقد فكرة ان الأعضاء ما بيقدروا ينتسبوا الا اذا كان في الهم شخص بالمنتدى بتقدر تكون قعالة بعض الشيء بهيك حالة :frown:

KEEEMO

30/09/2007, 02:01

طلع لي منتدى خليجي وكان بالموضوع في شي 50 صفحة

ياسيدي في موقع خليجي بدون ما أذكر اسمو وصل لمراحل يحل مشاكل لمايكروسف وعدد الاعضائو بالملايين

الف تحية لشباب الخليج

Abu ToNi

30/09/2007, 03:22

لا بس بحب تذكر لي اسمه " حتى لو على الخاص "

كل شى اوهام

30/09/2007, 03:28

بصراحه انا بشوف كل واحد هو وميوله يعنى الموضوع يالى مو عاجيك م احدا يرد عليه
هو حره كل شخص حر برايوا ... يعنى فى ناس بتحب الموضوع معين وناس تانيه بتحسوا سخيف..
يعنى خلوا كل واحد على حريتوا.....

Sllaam

30/09/2007, 03:37

Sllaam

30/09/2007, 03:41

يعني بأختصار الواحد فيه يبعد عن اي موضوع بشوفه سخيف
لانه بالنهاية كل واحد ميوله بختلف عن التاني
يمكن انا هدفي من المنتدى اشارك بردود سخيفه
والعكس صحيح
كل واحد بحدد مساره باختلاف شخصية كل واحد فيناا

كمان .. هيدا رأي .. متميز .. وهيك تحقق حلمك أنو .. مو .. كل الردود سخيفة :pos:

المهم شكراً .. على هذه الملاحظة .... والمبادرة الجريئة و الجدية ..:ss:

Abu ToNi

30/09/2007, 03:55

بس يا جماعة هاد تبع كب التاني من الشباك او اغسل سيارة التاني في حدا ما بشوفه سخيف ؟!؟!

butterfly

30/09/2007, 04:47

كل ٌ يرى من اللوحة .. الجزء الذي يدقق النظر فيه

هالفزلكة طلعت معي أنا وعم طالع موضوعك :lol:
وبنفس الوقت كنت عم شوف وضع الشعر والقصة والخواطر
يا زلمي كنت عم لاحظ انا .. نسبة كبيرة من الابداع ومجموعة كبيرة من المخربشين الخطيرين جدا ً

شفت كيف كل واحد حسب وين مثبت نظرو .. يمكن صار لازم تغير زاوية النظر

وسلام كابي
:mimo:

ِAbu Alzooz

30/09/2007, 05:00

بس يا جماعة هاد تبع كب التاني من الشباك او اغسل سيارة التاني في حدا ما بشوفه سخيف ؟!؟!
على فكرة انا هون تعلمت العد للخمسة

Abu ToNi

30/09/2007, 13:44

ما عندي مشكلة يخربش كيف ما بده ان شاء الله يخربش على كيفية استلقاء القطة قبل النوم

بس بلاهم هدول تبع غسل السيارة ولعبة الأغاني بلش بآخر حرف

مرسيل ما تصدقي بس عنجد مرضت من هيك مواضيع

ابو جوزيف بشرفي ضحكتني :lol:

اذا بدك ادخل على شي موضوع من هدول وابدا عد عدد المشاركات بتتعلم اعداد كتير كبيرة بسرعة كتير قليلة :D:lol:

ASH

30/09/2007, 13:54

ياسيدي في موقع خليجي بدون ما أذكر اسمو وصل لمراحل يحل مشاكل لمايكروسف وعدد الاعضائو بالملايين

الف تحية لشباب الخليج

اكيد مخربط انت بين موقع خليجي و بين موقع هندي

اكبر موقع وصل بالخليج بعالم المعلومات كان اسمو سوالف ، بس كل يلي كانو فيه كانو طلاب بامريكا يعني ما ساعدو حدا ...

بس تحكيلي منتدى خليجي و مايكروسوفت فبهل حاله بحكيلك انا

طوبا لشباب حوران

ASH

30/09/2007, 13:58

على فكرة انا هون تعلمت العد للخمسة

أي لسى ولو تعلم عندك خود لقلك يا صاحبي

عد للسباعى مشان تاكلك الضبعا ...

عد للميه و رباح سندويشة فلافل

عد للعشره و رباح كلاش عاطفي

والعد يا رجل ما اكترو عنى ، و هدي زنوبه للعضو يلي بعدك ، و خود خمس ليرات من العضو يلي قبلك
و عطيني اول 3 حروف من اسمك بحزر شو لون عيونك

كملك ولا بيكفي

AlexDelPiero

30/09/2007, 14:12

شكرا ........................

MadMax

30/09/2007, 14:35

ياسيدي في موقع خليجي بدون ما أذكر اسمو وصل لمراحل يحل مشاكل لمايكروسف وعدد الاعضائو بالملايين

الف تحية لشباب الخليج
اهاا
حلوة هالنكتة
لو ما منعرف المنتديات الخليجية ....... يمكن كنا صدقناها

ِAbu Alzooz

30/09/2007, 14:39

شكرا ........................
:shock: :? :shock:
انت معنا بالسيرة شي

Abu Guzef

30/09/2007, 14:55

نسيتوموضيع اعرف شخصيتك من كلسونك ومن شحاطتك ومن نمرة رجلك

ماس

01/10/2007, 12:21

بتعرف سيدي الكريم انا بشوف إنو كل شي إشترك في منتدى نت اخوية أو غيرو عم ينفس علي إلي بداخلو بس كل واحد بطريقتو ومرة بتصيب ومرة بتخيب لا تدقق شي بطقق؟:D

x52

01/10/2007, 12:30

يعني بأختصار الواحد فيه يبعد عن اي موضوع بشوفه سخيف
لانه بالنهاية كل واحد ميوله بختلف عن التاني
يمكن انا هدفي من المنتدى اشارك بردود سخيفه
والعكس صحيح
كل واحد بحدد مساره باختلاف شخصية كل واحد فيناا
عين العقل يعني الشي اللي ما بيعجبك لا تدخل عليه

وطنش تعش تنتعش

سفينة البر

02/10/2007, 16:20

والله كلانك مزبوط لا زم المشرفين يلغو الردود من المشاركات وبس ينحسب إلي بينزل موضوع وتنزل كل الرتب الحالية وشكرا.

Abu Guzef

02/10/2007, 17:48

والله كلانك مزبوط لا زم المشرفين يلغو الردود من المشاركات وبس ينحسب إلي بينزل موضوع وتنزل كل الرتب الحالية وشكرا.
شو بدك :?

فسحة أمل

02/10/2007, 17:53

شو بدك :?
:deal: :?

ِAbu Alzooz

02/10/2007, 19:35

شو بدك :?
أنا معك بهالسؤال :shock:

Abu Guzef

02/10/2007, 19:39

وانا كمان مع حالي

*Marwa*

02/10/2007, 20:59

والله كلانك مزبوط لا زم المشرفين يلغو الردود من المشاركات وبس ينحسب إلي بينزل موضوع وتنزل كل الرتب الحالية وشكرا.

اقتراح جميل:?

:cry: :cry:

Abu ToNi

03/10/2007, 10:05

الله يرحمك يا ستي وقت كنتي تقولي " طلع من عبّي شي بيصوي "

Abu Guzef

03/10/2007, 10:11

وستي لما كانت تقول

"كل عنزة معلقة من كرعوبا"

وشم الجمال

03/10/2007, 10:59

انا مو فاهمة ليش كل هالحكي
ممكن يكون فيه وجهة نظر حكيو لجبرائيل من مبدأ عد وما عد بس برضو مو حلو يعرض هيك شي لانو كل انسان الو اهتماماتو وممكن واحد قرفان وحابب يفرفش ويخفف عن حالو وعجبتو الشغلة يعني الموضوع ازواق وما فينا نتدخل فيها
واذا الموضوع بيدايقك ما تروح ناح المسابقات
وطنش تعش تنتعش وخد كل شي ببساطة لانو الواحد اذا بدو يعيش بدو يطنش ويطلع عالوجه اللي بيريحو وانت المكان اللي بترتاحلو روحلو واللي بعصبك ما تقربو
هاي وجهة نظري
;):deal: