أنت مين؟ [الأرشيـــــف]

الموسيقار

21/09/2007, 04:27

عطفا ً على موضوع .. قهوة دايمي .. اللي بعتبرو بيشبه سوريا لدرجة البكي ..

خطر ع بالي
اسألكـ .. أنت .. اي انت .. مين أنت ؟

لما بتعمل صندويشة زيت وزعتر وبتاكلها مع كاسة شاي الصبح .. علما ً أنو انت بتصنف حالكـ من الناس اللي مو لاقيين ياكلوا ..

ولما بتقعد جنب صبية بسرفيس .. وبتحاول تورجيها انو أنت هاي كلاس وبتصير تمارس أساليبكـ المبتكرة دايما ً لتجذب انتباهها ..
(علما ً أنو حواليكـ بالدول المستعربة أنكـ تقعد جنب بنت بسرفيس حلم عم تتكالب عليه العالم)

لما بتشوف شب وصبية .. عم يعمروا دنيا ع قياسهم بس هنن التنين .. بنظرة أنو (بحبكـ) ممنوعة بكتير محلات غير هون .

لما بتعيش تعتيركـ اليومي .. وأنت عم تنحت ورا اللقمة .. وبترجع آخر الليل بتضم مرتكـ وبتنام .. وبتفرشلكـ شعرها تحت تعبكـ .. وتبرد عرقكـ ..

لما بتمشي بحارة .. و بجيبتكـ خمسين الف ليرة وما حدا بيطلعلكـ وبيقللكـ تلت التلاتة اديه ؟ وأنو هاد السبب اللي خلا أنو مو فارقة مع اللي خلقنا ازا صار عنا نظام الكريديت ولا لأ ..

لما بتنطعج من شرطي .. بيوقفكـ .. وبيقللكـ مخالفتكـ خمسمية هات ميتين ليرة ووفرها ع حالكـ ..

لما بتوقف ع طوابير المؤسسات الحكومية .. و بتستنا ألله يفرجها ويبعت ملايكتو تسعلكـ المعاملة اللي بتكون فتيت عليها مصاري .. بتعمر بيت .

سوريا عفكرة هي كل هدول ..

مين أنت ؟؟ إزا ما قاسمت سوريا الحلوة والمرة ..؟؟

إزا ما تعبت وشقيت برغيف الخبز ؟

ازا ما استحملت سوريا شوي .. إزا نرفزت وطلع خلاقها ؟ مننلكـ الشرف يكون اسمكـ سوري ؟

أصلا ً أنت بتعتبرو أنو شرف ؟ ما بظن

مين أنت .؟ إزا أصلا ً بتصير تتمسخر وتقول( أنا سوري آه يا شحاري) ؟ أنو خفة دم يعني ؟

مين أنت لكان ؟؟ وين محلكـ بين هالناس اللي بتحب وطنها أكتر من ألله .. ؟؟

مين أنت بين الناس اللي كل ما يناموا ويقوموا .. بيسبحوا بحمد سوريا .. وشكر سوريا .. ع أنو عطتهن أمومتها .

بدكـ ديمقراطية .. مو ؟

منشان شو ؟

منشان تاكل بسطرمة بدل الزيت وزعتر ؟

ولا منشان توصل للسلطة وتصير أنت ديكتاتور بدوركـ ؟

صدقني أنت لو طلعت عالكرسي لتجوهر وأكتر بكتير من غيركـ

لأنو في كتير أمثالكـ بتحب تخلع رقبتهم .

مين أنت ؟

إزا قمة إنجازاتكـ ... أنو طبلت وزمرت وسبيت وشتمت ولعنت ..

شو أنجزت ؟

كم وردة زرعت ؟

كم وردة قطفت ؟

كم دمعة نزلت منك وأنت عم تشوف غادة شعاع وهي عم ترفع علم سوريا بنص أميركا .؟

كون سوري .. واعبد البحص والشجر والبشر والشام عند شقشقة الضو

حاسب ساعتها من ما بدكـ

هون بقللكـ يخليلي ياكـ ما انزهكـ،

ASH

21/09/2007, 06:22

مين انت ؟؟؟

يا صاحبي نحنى على حكيك ولا شي

شكرا

jouliana

21/09/2007, 07:43

برئي كل واحد ببلاده
في الاشياء الحلوة و المرة
بس ما بعرف ليش الايام الي بتقهر
اكتر من الحلوة

الموسيقار

21/09/2007, 21:06

مين انت ؟؟؟

يا صاحبي نحنى على حكيك ولا شي

شكرا

لأ .. أنت سوري

وهاد بيكفي لتقول ..

//أنا ومن بعدي الطوفان// ..

الموسيقار

21/09/2007, 21:07

برئي كل واحد ببلاده

في الاشياء الحلوة و المرة
بس ما بعرف ليش الايام الي بتقهر

اكتر من الحلوة

بالزبط كدة .. :lol:

:D

KEEEMO

21/09/2007, 21:16

سوري منك يا موسيقار بس انا سوري

الموسيقار

21/09/2007, 21:36

سوري منك يا موسيقار بس انا سوري

ليش عم تعتزر كيمو ؟

عادي شريكـ ما هددتكـ انا ..

يي .. :lol:

Sllaam

21/09/2007, 22:00

:lover: بلادي و إن جارت عليَّ عزيزةٌ :hart: واهلي و إن ضَنو عليه كِرامُ :heart:

عليكَ بالطرقِ و إن دارت و ببلادِك و إن جارت .... ! :shisha:

عكيدحلب

21/09/2007, 22:03

والله قلبي بيحترق على حالي لمى بشوف سوريا وهي البلد اللي بتسوى كل البلاد بزرعها وبجمالها وباثارها ولك كل شي فيها حلو حلو حلو حلو حلو
بس المشكلة هالجمال وهالشي الحو اللي فيها وبصراخة مو النا
النا البهدلة والتشرد وحرقة القلب
بس بفتخر بحالي اني سوري
وانا سوري اه يا نيااااااااااااااااااااااا ااااااااااااااالي
وكل ترابة من سوريا بفديها بروحي ودمي
والله يا اخي انك فتحت علي كومة جروح من جوا قلبي
مشكور كتير على هالكلمات اللي عن جد بتبكي

ASH

21/09/2007, 23:46

لأ .. أنت سوري

وهاد بيكفي لتقول ..

//أنا ومن بعدي الطوفان// ..
اي ولله يا صاحبي و هيك سكتتني انت

يكفيني فخرا اني سوري ولله

يسلمو على هل رد:D

KEEEMO

22/09/2007, 02:42

ليش عم تعتزر كيمو ؟

عادي شريكـ ما هددتكـ انا ..

شريك مو قصة تهديد بس بصدق انا بأسف جداً لانو انا مواطن سوري

الموسيقار

22/09/2007, 02:53

شريك مو قصة تهديد بس بصدق انا بأسف جداً لانو انا مواطن سوري

معناتا ما بتستاهل (مع احترامي) أرجع رد عليكـ .. :)

:D

ولا قللكـ ما بتستاهل وردة كمان !!

ASH

22/09/2007, 02:58

اي ما بتلزمني ..
ولله يا صاحبي ولله كبرت بعيني اكتر من قبل ، و ذا احترامي لك اكتر و اكتر

فعلا وأسفي على واحد بيحكي انا بتأسف اني سوري

انا هاد فخري و هاد عزائي بالعالم انو انا سوري

لكل انسان وطنان ، وطنه الأصلي و سوريا

KEEEMO

22/09/2007, 03:01

الموسيقار ، ASH

مرحبا شباب شو رأيكن تعطوني درس بالقومية الوطنية *سيكارة*

بس اللي بيعرف بيعرف واللي مابيعرف بيقول كف عدس

انا اكتر انسان خدم الوطن وهلئ اذا بدك دور علي بتلاقيني على هامش الوطن

shooOsh

22/09/2007, 03:06

بس بصدق انا بأسف جداً لانو انا مواطن سوري

فعلا للاسف انك مواطن سوري ,, لانك ما بتستاهل ..

ومتل ما حكا الموسيقار بيكفي اني كون سوري [ انا ومن بعدي الطوفان ]

:D الك موسيقار

نسر الشام

22/09/2007, 03:11

ازا ما استحملت سوريا شوي .. إزا نرفزت وطلع خلاقها ؟
لأيمتىىىى
بس رح ضل ســـوري لو ( سوريا ) ضلت عطول منرفزة _ مارح يجي اليوم الي تهدى :cry:
:D

نسر الشام

22/09/2007, 03:16

انا اكتر انسان خدم الوطن وهلئ اذا بدك دور علي بتلاقيني على هامش الوطن

لا تعتب عالوطن ||| عظماء ||| تهمشو

بحلم ابنيك يا وطني

ASH

22/09/2007, 03:20

الموسيقار ، ASH

مرحبا شباب شو رأيكن تعطوني درس بالقومية الوطنية *سيكارة*

بس اللي بيعرف بيعرف واللي مابيعرف بيقول كف عدس

انا اكتر انسان خدم الوطن وهلئ اذا بدك دور علي بتلاقيني على هامش الوطن

اول شي حب الوطن مابدو درس لا قوميه ولا تاريخ وال تشريع

حافظ الاسد الله يرحمو حكا

الوطن غالي
و الوطن عزيز
والوطن شامخ
والوطن صامد
لان الوطن هو ذاتنا فلندرك هذه الحقيقة ، ولنحب وطننا بأقصى ما نستطيع من الحب
وليكن وطننا هوه المعشوق الأول ، اللذي لا يساويه ولا يدنيه معشوق اخر ...
فلا حياة انسانية بدون وطن ، ولا وجود انساني بدون وطن ...

ممكن تنزل المقطع من هون و تسمعو بصوتو
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

يعني الواحد بيخدم وطنو لحبو لوطنو مو لانو منتظر شي منو ، يا رتني بحسن اخدم وطني سب لاني حامل اسمو مو اكتر ...

وشغلة انك مهمش متل ماعم تحكي الواحد هوه يلي بيهمش حالو ، مو الوطن يلي بيهمشك ، و بشو خدمة الوطن كتير حاسس عمرك شي 60 سنه و متقاعد و خدمة الوطن من لما كان عمرك 4 سنين مثلا لليوم ؟؟؟

فهمنا بشو خدمتو اكتر من غيرك رحت على حرب و نقطعة رجلك لا سمح الله ولا شلون بس مشان نعرف كيف نواسيك و نرد عليك ..

شوف لاحكيلك ، يلي بيتاسف انو سوريا "او مهما كانت جنسيتو" كانو يعتبروها بالزمنة من الخيانات العظمه للوطن

وفهمك كفايه

Barleb

22/09/2007, 03:32

انا اكتر انسان خدم الوطن وهلئ اذا بدك دور علي بتلاقيني على هامش الوطن

بظن من حكيك أنو عم تقصد يعني الوطن مديون ألك ؟

ممكن تنورني و تقلي كيف أنت اكتر واحد خدمت الوطن ؟

معقول انت يا زلمة .. معقول في انسان سوري بيقول أنا اكتر واحد خدمت الوطن ..

في حدا بيقول الوطن مديون ألي ؟

عالم استشهدو فدا الوطن .. عالم انخربت بيوتن و أحلامن .. بس لساتون بيحسو حالون مديونين لهل وطن ..

معقول في حدا بيقول .. قلعة حلب مديونة الي .. ولا بحر اللادقية .. و لا شجر حمص .. و لا أثار تدمر ..

في حدا بيقول هل حارة الشامية الأقدم من الله .. مديونة ألي ؟

Barleb

22/09/2007, 03:47

اس .. كيموو

لقلك شغلة .. خليني أحكي عن حالي ..

انا شخصيا .. لو بعرف أنو اذا أنا قتلت حالي .. رح ترجع كمشة صغيرة من تراب الجولان ...

ما رح فكر بحالي .. ولا بمستقبلي .. ولا بـ أهلي بـ أحلامي ولا بشي ..

انا كلي فدا سوريا ..

عما تجي تقلي أنو انت أسف لانك سوري ..

بس هاد هوي شرف بـ النسبة الي ..

بيكفيني شرف أني عايش بـ اقدم دول العالم .. و احلا دول العالم .. و اشرف دول العالم .. و أطهرها ..

بيكفي أني عم عيش بين شعب .. شعب سوري .. شعب .. المحبة مكتوبة ألو من قبل ما يولد ..

ما حدا بيشرف سوريا .. لا انت ولا يوسف العظمة ولا فراس الخوري ولا المسيح ولا محمد و لا موسى ولا الله بذاتو ..

تراب سوريا .. اطهر من احجار كنيسة المهد و كعبة الرسول و خشبة الصليب و عصا موسى ..

كل شى اوهام

23/09/2007, 00:35

انا سوريه وبفتخر ...من كل ئلبى..
ونفسى اعيش هونيك ببلدى مشان اشوف الحلوه والمره متل شعبى يالى بيرفع راسى لفووء
كل البلاد العالم...:sosweet:
تسلم اخى على الموضوع...

الموسيقار

23/09/2007, 02:03

هلأ في حدا من شي نص ساعة أعد يتهمني أني عم بيض .. بهالموضوع بالزات ..

:)

ليش الكل هجم ع كيمو هيكـ ؟
هو حر ..

أحلا الشي يكون الواحد حر .. ما بدنا نبيع وطنيات للعالم .. بس اللي بيزعج أنو العالم تبيعنا وطنيات .. وهيي قاعدة بغير ضيعة .. وهيي مواطنة في دولة الخبز العظمى . !

قهوة دايمي

23/09/2007, 02:30

مين بيتذكر قصة " شقائق النعمان " تبع دريد لحام ..

تبع كل وردة .. طلعت منشان شهيد ... وو عِد أكم وردة في ...

ما تقطفوهن هالوردات ..

شوفو ما اكترن !!!

Sllaam

23/09/2007, 02:32

لسا .. التراب في سورية
رح يزرع ورود اكتر .. وأكتر..... وما بتخلص .. ها الوردت

وائل 76

23/09/2007, 02:45

الموسيقار ، ASH

مرحبا شباب شو رأيكن تعطوني درس بالقومية الوطنية *سيكارة*

بس اللي بيعرف بيعرف واللي مابيعرف بيقول كف عدس

انا اكتر انسان خدم الوطن وهلئ اذا بدك دور علي بتلاقيني على هامش الوطن

بالعذر منك أحمد و ما بعرف لو رديت على أخونا ولا لاء .. بس لفتني كتير الكلام باللون الأحمر !!

أخي أنا ماني سوري ولا بتدخل بموضوع عم تحكوا فيه عن وطنكم .. بيرجع إلكم و أنتو أعلم بوضع وطنكم .. بس إجا على بالي أسئلك سؤال طالما أصبحت الوطنية و التضحية مجرد سلعة بننتظر أن تحقق إلنا منفعة معينة أو تشبع حاجة معينة بنفسنا ..

أخي طالما أنتا قدمت للوطن لو إفترضنا إنك لا سمح الله و أنت عم تقدم للوطن إستشهدت .. كيف ممكن الوطن يردلك ( جميلك ) ؟!
يعملك أغنية وطنية ولا ميدان بإسمك ولا يحط صورتك بمؤسسة رسمية ؟ بهيك بتحس أنو الوطن ( السلعة ) أعطاك مقابل تضحيتك ؟

الأهم من كل هالحكي أنو المفروض أي علاقة تبادلية بينشأ عنها إلتزمات متقابلة على الطرفين يجب أنو يكون الطرفين إرتضوا أو توافقوا على هاي العلاقة ..
طالما عم تنتظر من الوطن يقوم يتنفيذ إلتزاماته تجاهك هل فينا نسألك أنو الوطن إتفق معك على عقد بموجبه تقدم أنتا تضحية مقابل أن يعطيك تمن لتضحيتك ؟؟ على حد علمي الوطن ما بيطلب من حدا شي ولا بيوعد حدا أن يعطيه شي !!

:D

nanoosh rose

24/09/2007, 17:10

انا نور شعبان
بتعرفني وساكنة بالشام
ههههههههههه مشكور

pioneer

24/09/2007, 20:42

انا سوري و دمشقي حتى النخاع
كل اطفال العالم تقطع حبال مشيمتهم الا انا حبل مشيمتي لم يزل موصولا برحم دمشق:نزار قباني
لو تدركين نيازكي التي تاتي الى مدارك
لوتدركين احتياج ظلمتي الى وهج نهارك
لو تدركين كم احبك يا شام : pioneer

KEEEMO

27/09/2007, 04:26

الســلام عليكم اعضاء منتدى أخوية

بعتذر على طول ردي بالموضوع لانو كنت مسافر

بعد ما ئريت ردودكن انا بدوري بحترم ردودكن لانو كل واحد عند وجهة نظر وتفكير مختلف عن تفكير الاخرين

وبدوري رح رد على كل واحد على حدا مشان ياخد حئو بالرد وبالاخير رح اشرح وجهة نظري وليش أنا بأسف اني أكون سوري رغم اني تمنيت حدا يسألني هل السؤال بدل ما تهجمو علي مزمجرين ومعتبريني خاين الوطن

اول رد بعدي كان للأنسه shooOsh

فعلا للاسف انك مواطن سوري ,, لانك ما بتستاهل ..

ومتل ما حكا الموسيقار بيكفي اني كون سوري [ انا ومن بعدي الطوفان ]

انسه شوشو انا احترمت كل اللي ردو علي إلا انتي وانت بالذات مالازم تحكي عن شي يدعى وطن قاعد برومانيا وعما تحكي !! عن أي وطن عما تحكي وشو عملتي للوطن واي طوفان بدو يصير من بعدك وانت قاعدة بعيدة كل البعد عن الوطن مابتعرفي شو عما يصير فيو غير بالاخبار المصورة والغير مصورة

بدك تقليلي انا عايشة هنيك مع اهلي او عما تدرسي او ابوكي لاجئ سياسي ....... إلخ

هادا الحكي كلو منعرفو مجرد انك خارجة عن حدود الوطن مابحئلك تردي علي بهل الطريقة الرعنة

KEEEMO

27/09/2007, 04:36

سيد نسر الشام المحترم

لا تعتب عالوطن ||| عظماء ||| تهمشو

بحلم ابنيك يا وطني

بفهم قصدك بكلمة تهمشو = تهشمو

اخي نسر : بتعتقد اني بكره الوطن لانو بأسف اكون سوري

طيب الكاتب الماغوط رحموه الله لما قال :

((
وطني
.......
على هذه الأرصفة الحنونة كأمي
أضع يدي وأقسم بليالي الشتاء الطويلة
سأنتزع علم بلادي عن ساريته
وأخيط له أكماماً وأزراراً
وأرتديه كالقميص
إذا لم أعرف
في أي خريف تسقط أسمالي
وإنني مع أول عاصفة تهب على الوطن
سأصعد أحد التلال
القريبة من التاريخ
وأقذف سيفي إلى قبضة طارق
ورأسي إلى صدر الخنساء
وقلمي إلى أصابع المتنبي
وأجلس عارياً كالشجرة في الشتاء
حتى أعرف متى تنبت لنا
أهداب جديدة، ودموع جديدة
في الربيع؟
وطني أيها الذئب الملوي كالشجرة إلى الوراء
إليك هذه "الصور الفوتوغرافية" ))

بتعتقد بيكره الوطن اكيد لآ بس لما كتب هيك مشان يحرك النخوة و الكبرياء برجال العرب بعد ما يبست فينا عروق الكبرياء

وانا اخر رد إلي رح قلك ليش بأسف اكون سوري

KEEEMO

27/09/2007, 04:45

اخي ASH

يعني الواحد بيخدم وطنو لحبو لوطنو مو لانو منتظر شي منو ، يا رتني بحسن اخدم وطني سب لاني حامل اسمو مو اكتر ...

وشغلة انك مهمش متل ماعم تحكي الواحد هوه يلي بيهمش حالو ، مو الوطن يلي بيهمشك ، و بشو خدمة الوطن كتير حاسس عمرك شي 60 سنه و متقاعد و خدمة الوطن من لما كان عمرك 4 سنين مثلا لليوم ؟؟؟

فهمنا بشو خدمتو اكتر من غيرك رحت على حرب و نقطعة رجلك لا سمح الله ولا شلون بس مشان نعرف كيف نواسيك و نرد عليك ..

شوف لاحكيلك ، يلي بيتاسف انو سوريا "او مهما كانت جنسيتو" كانو يعتبروها بالزمنة من الخيانات العظمه للوطن

وفهمك كفايه

صدقني انت لما بتخدم الوطن بكل كبرياء وعزة وافتخار بتكون مسرور من كل قلبك وراضي على خدمتك

بس لما بتفقد كرامتك وبتشوف انك ماكنت إلا عما تخدم وتعزب حالك على حساب راحت اشخاص بعمرن ماعرفو شو معنى وقيمة الوطن رح تتأسف متل ماتأسفت انا

وانا لما صرت ع الهامش عما اعني كل كلمة قلتلا وانا ماحكيت هل الحكي مشان انتظر ردك وافتحلك قلبي وتواسيني انا مالي مضر احكي وانت مالك مضر تواسي حدا

KEEEMO

27/09/2007, 04:50

أخي Barleb
ردك علي كان بهجوم وانا معك لانو رديت بشكل عشوائي بدن ماحدد التفاصيل وكنت مستعجل

بظن من حكيك أنو عم تقصد يعني الوطن مديون ألك ؟

ممكن تنورني و تقلي كيف أنت اكتر واحد خدمت الوطن ؟

معقول انت يا زلمة .. معقول في انسان سوري بيقول أنا اكتر واحد خدمت الوطن ..

في حدا بيقول الوطن مديون ألي ؟

عالم استشهدو فدا الوطن .. عالم انخربت بيوتن و أحلامن .. بس لساتون بيحسو حالون مديونين لهل وطن ..

معقول في حدا بيقول .. قلعة حلب مديونة الي .. ولا بحر اللادقية .. و لا شجر حمص .. و لا أثار تدمر ..

في حدا بيقول هل حارة الشامية الأقدم من الله .. مديونة ألي ؟

انا ماقلت الوطن مديون إلي وبكفي اني الوطن اخدمو واتم قاعد فيو وأحس بالأمان والاستقرار

وانا لما قصدت اني اكتر شخص خدم الوطن بقصد ع الاشخاص اللي حولي أو الاشخاص اللي من جيلي

KEEEMO

27/09/2007, 04:53

اس .. كيموو

لقلك شغلة .. خليني أحكي عن حالي ..

انا شخصيا .. لو بعرف أنو اذا أنا قتلت حالي .. رح ترجع كمشة صغيرة من تراب الجولان ...

ما رح فكر بحالي .. ولا بمستقبلي .. ولا بـ أهلي بـ أحلامي ولا بشي ..

انا كلي فدا سوريا ..

عما تجي تقلي أنو انت أسف لانك سوري ..

بس هاد هوي شرف بـ النسبة الي ..

شيء بديهي وملزمين ومتطوعين وخادمين نحن انو ندافع عن الوطن لانو الوطن هو حريتنا و هو ارضنا وكرامتنا وهو شرفنا واغلى ما عنا

انتظر ردي الأخير ورح قلك ليش انا بأسف اني اكون سوري

KEEEMO

27/09/2007, 04:55

اخي الموسيقار مرة اخرى

ليش الكل هجم ع كيمو هيكـ ؟
هو حر ..

أحلا الشي يكون الواحد حر .. ما بدنا نبيع وطنيات للعالم .. بس اللي بيزعج أنو العالم تبيعنا وطنيات .. وهيي قاعدة بغير ضيعة .. وهيي مواطنة في دولة الخبز العظمى . !

حق كل انسان يرد على اللي بسيئ بسمعت الوطن رغم اني ماذكرت اي شي من هل الشي

الموسيقار

27/09/2007, 04:58

اخي الموسيقار مرة اخرى

حق كل انسان يرد على اللي بسيئ بسمعت الوطن رغم اني ماذكرت اي شي من هل الشي

حياتي شوف لقللكـ القصة واحد زائد واحد يساوي تنين ..

يا ترا .. لو شبعان الخبز بالبلد .. بتحكي عليه هيكـ؟

في حدا بيتعامل مع وطنو .. بمبدأ طعمي التم بتستحي العين ؟

ثم . تعا لهون برأيكـ هل من حق البني آدم يقعد عالشات أربعو عشرين ساعة .. وبعدين يجي يقول أنا بأسف لأني سوري ..

في كتير شغلات أنو هه .. مدري كيف مدري كيف .. ما خرج طخرط مشطي .

KEEEMO

27/09/2007, 05:00

اخي وائل 76

أخي طالما أنتا قدمت للوطن لو إفترضنا إنك لا سمح الله و أنت عم تقدم للوطن إستشهدت .. كيف ممكن الوطن يردلك ( جميلك ) ؟!
يعملك أغنية وطنية ولا ميدان بإسمك ولا يحط صورتك بمؤسسة رسمية ؟ بهيك بتحس أنو الوطن ( السلعة ) أعطاك مقابل تضحيتك ؟

انا قلت اكتر شخص خدمة الوطن بس بعتذر لردي السريع ماحدد المعنى بأدق انا قصدي عن الشباب اللي من جيلي وبوقتنا هادا وبنفس الوقت انا ماقلت ان الوطن مدين لي انا قلت اني حالياً على هامش الوطن ( هامش الوطن ) إلا ابعاد كتير ومارح ادخل بكل هل التفاصيل حرصاً مني على سلامة الموقع

KEEEMO

27/09/2007, 05:14

السلام عليكم من جديد

أخواني اللي شاركُ بالموضوع مين أنت ؟

طيب مين نحن لما قال اخوانا الموسيقار :
مين أنت ؟

إزا قمة إنجازاتكـ ... أنو طبلت وزمرت وسبيت وشتمت ولعنت ..

شو أنجزت ؟

كم وردة زرعت ؟

كم وردة قطفت ؟

كم دمعة نزلت منك وأنت عم تشوف غادة شعاع وهي عم ترفع علم سوريا بنص أميركا .؟

انا السوري ولذلك انا بأسف اكون سوري انت الشباب اللي شاركتُ بالموضوع الاغلبية سوريين وهجومو علي وكأنو انت حماة الوطن طيب انت عما تحكو هيك بشكل مناقض حكولي لما طلع قرار دفع بدل للخدمات الثابتة عن خدمة العلم كم شخص رشّ وكم شخص أرتشّ مشان يهرب من خدمة العلم
قلولي كم سنة عما تأجلو عن خدمة العلم لأسباب الدارسة او تنتظرو تنخفض الخدمة الألزامية او لاسباب تانية

حدا يقلي مين هو الشب السوري : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

الشب السوري الارسقراطي همو الأول يطبق اكبر عدد من البنات ويركب اضخم مجموعة صوت بسيارتو هم يشرب اركيلة ويلف رجل على رجل بافخم المقاهي للفت النظر انو هو شب غني ابن غبي قادر على انو يعمل اي شي بالمصاري واكبر مشكلة بحلا بالمصاري

الشب السوري المتوسط الحال همومو كتير ونزاعاتو مع اهلو كتير ونفسيتو مخنوقة من الشب اللي فوقو من همومو انو يدخل الجامعة مو لهدف الدراسة لهدف يكون شب عالي الجودة كامل المواصفات حسب المقاييس السورية ومن هموومو كتييييييييييييير مارح ادخل بالتفاصيل

والشب السوري فقير الحال : همو يأخد حبايتين كل ماهبت الريح وانتزعت نفسيتو بتلاقي بعد مازهزه صار رجال على فجأة وحمل السكين وبلش يضرب بحالو وبلي حوليه

هادا هو الشب السوري .......

وبأسف انا وكتير من الشباب اللي خارجين عن نطاق الحالات التلاتة اللي ذكرتا لانو ننشمل مع هل النماذج لذلك بأسف اني اكون سوري

وانا من الأول كانت هي وجهة نظري لأسفي فأنشاله تقبلو أسفي ودمتم بخير

عكيدحلب

27/09/2007, 11:55

أخي طالما أنتا قدمت للوطن لو إفترضنا إنك لا سمح الله و أنت عم تقدم للوطن إستشهدت .. كيف ممكن الوطن يردلك ( جميلك ) ؟!
يا اخي الكريم لمى الواحد بيقدم روحه فداء لوطنه وارضه ماعما ينتظر رد جميل من حدا
بس الشي اللي دفعو للشهادة هو الايمان بحب الوطن وانو الشخص ارض وطنو اغلى من روحه
ومن بعد الوطن ما في شي بيستاهل العيشة مشانو ويا روح ما بعدك روح

وبعدين الشهادة ما حدا بيردلنا ياها غير الله

طفوله

30/09/2007, 22:52

نفتتــــــــح المــــزاد الــــــــ ع ــــلني

فـــــ من يــــزيد

بســــــطر او بكلمه

للتذكــــيــر

البيــــــــ ع.... بــــ أرخص ثمن

شوط ياقمر

03/10/2007, 02:13

سيبو المجروح بحالو ... بكرا الأيام تداوي
لاتسألني ايمت بكرا . داخل ع ع ع ع ع الله
وردة معطرة من محارم ديمة فور يو

تالين

03/10/2007, 02:28

سيبو المجروح بحالو ... بكرا الأيام تداوي
لاتسألني ايمت بكرا . داخل ع ع ع ع ع الله
وردة معطرة من محارم ديمة فور يو

انت دائما هيك ردودك مميزة على فكرة :lol:

Abu Guzef

03/10/2007, 02:42

تراب سوريا .. اطهر من احجار كنيسة المهد و كعبة الرسول و خشبة الصليب و عصا موسى ..

الله هي احسن جملة بالموضوع كلو

سفينة البر

04/10/2007, 14:34

رغم كل هادا الكلام بس برضو الواحد ما وصل للي بدو ياه ما وصل للاستقرار وراحة البال.. شكرا على موضوعك

شوط ياقمر

05/10/2007, 11:53

انت دائما هيك ردودك مميزة على فكرة :lol:
أفشتك

بس مقريي فاتحتي :sosweet:

shasho

05/10/2007, 12:49

انا اكتر انسان خدم الوطن وهلئ اذا بدك دور علي بتلاقيني على هامش الوطن

لا تسأل شو عطاك وطنك, اسأل شو عطيت انت لوطنك
ويللي بيحب بلده ما بيمنن
صدقني أنا بفخر يكون حدا بيناتنا عطى فعلا لوطنه متل ما عم تقول, بس ما بدك تستنى وطنك يعطيك هلأ, يمكن يعطي أولادك, متل يللي بيعمل عمل خير ليتقرب لربه, إذا ربه ما ردّله الخير فوراً شو بيعمل؟ بيكفر فيه؟
بلدي متل ولدي, بسهر الليل عليه لما يمرض, وبتعب وبشقى لحتى أمّنله معيشته ودراسته, ولما بيكبر شوي بيلتهي ببنت وبيحبها وبده يتزوجها, وبصرف عليه وعلى هالبنت ليتزوجوا, وبعدين إذا حكيت أنا أو زوجتي كلمة مع العروس بيقوم ابني يللي كل ماسبق عملتله ياه بيقوم بيقاطعنا وما بيسأل سؤال عنا. شو لازم أعمله؟ اتبرأ منه؟ لأ أنا حبيته بدون مصلحة, وهيك بحب أمّي سوريا بدون مصلحة
وما تواخذونا

shasho

05/10/2007, 13:00

[quote=Barleb;759559]
انا شخصيا .. لو بعرف أنو اذا أنا قتلت حالي .. رح ترجع كمشة صغيرة من تراب الجولان ...

ما رح فكر بحالي .. ولا بمستقبلي .. ولا بـ أهلي بـ أحلامي ولا بشي ..

انا كلي فدا سوريا ..

أبي وحيد على 13 بنت, وترتيبه الـ 14, ولما صارت حرب تشرين كان متزوج وعنده 4 أولاد وفقير, راح قدّم نفسه لدائرة التجنيد وطلب يحارب بالجولان, ورجع بعد الحرب, ليش؟ قاللي لما كبرت شوي إنه كانوا يروحوا عالحمّة وعلى بحيرة طبرية مشاوير, وسبح بالبحيرة بصغره, وبده إذا صار لازم يموت, يموت شهيد كرمال أنا وإخواتي نرجع نزور الحمّة وطبريا ونتذكره.
(هلأ هاد الحكي خلاّني ابكي) والمرحوم حافظ الأسد بكّاني لما رفض معاهدة سلام مع اسرائيل بياخد فيها الجولان لقبل ضفة البحيرة بـ 10 أمتار, وقال لكلينتون "أنا كنت اسبح بهالبحيرة واقعد على ضفتها ومد رجليي بالمي وغير هيك ما بقبل"
الله يرحمه ما كان رب فممكن انه يغلط بس كان بطل قومي

ماس

05/10/2007, 14:43

أنا مسلم أنا عربي أنا سوري لهؤلاء أنتمي وأعتز بعيد عن فلسفة الأمور و والدخول في سجال قد نكون في وطن فيه الكثير من الأخطاء ولكن لنا يد فيها وهو ليس بهذا السوء فالأمان الذي فيه تفتقره كثير من البلاد العربية ومنها الجزائر ودمتم
مع تحياتي ماس

pioneer

08/10/2007, 14:17

أنا مسلم أنا عربي أنا سوري لهؤلاء أنتمي وأعتز بعيد عن فلسفة الأمور و والدخول في سجال قد نكون في وطن فيه الكثير من الأخطاء ولكن لنا يد فيها وهو ليس بهذا السوء فالأمان الذي فيه تفتقره كثير من البلاد العربية ومنها الجزائر ودمتم
مع تحياتي ماس
انا احييك من قلبي :D:D:D

سوريانا

08/10/2007, 17:45

عطفا ً على موضوع .. قهوة دايمي .. اللي بعتبرو بيشبه سوريا لدرجة البكي ..

خطر ع بالي
اسألكـ .. أنت .. اي انت .. مين أنت ؟

لما بتعمل صندويشة زيت وزعتر وبتاكلها مع كاسة شاي الصبح .. علما ً أنو انت بتصنف حالكـ من الناس اللي مو لاقيين ياكلوا ..

ولما بتقعد جنب صبية بسرفيس .. وبتحاول تورجيها انو أنت هاي كلاس وبتصير تمارس أساليبكـ المبتكرة دايما ً لتجذب انتباهها ..
(علما ً أنو حواليكـ بالدول المستعربة أنكـ تقعد جنب بنت بسرفيس حلم عم تتكالب عليه العالم)

لما بتشوف شب وصبية .. عم يعمروا دنيا ع قياسهم بس هنن التنين .. بنظرة أنو (بحبكـ) ممنوعة بكتير محلات غير هون .

لما بتعيش تعتيركـ اليومي .. وأنت عم تنحت ورا اللقمة .. وبترجع آخر الليل بتضم مرتكـ وبتنام .. وبتفرشلكـ شعرها تحت تعبكـ .. وتبرد عرقكـ ..

لما بتمشي بحارة .. و بجيبتكـ خمسين الف ليرة وما حدا بيطلعلكـ وبيقللكـ تلت التلاتة اديه ؟ وأنو هاد السبب اللي خلا أنو مو فارقة مع اللي خلقنا ازا صار عنا نظام الكريديت ولا لأ ..

لما بتنطعج من شرطي .. بيوقفكـ .. وبيقللكـ مخالفتكـ خمسمية هات ميتين ليرة ووفرها ع حالكـ ..

لما بتوقف ع طوابير المؤسسات الحكومية .. و بتستنا ألله يفرجها ويبعت ملايكتو تسعلكـ المعاملة اللي بتكون فتيت عليها مصاري .. بتعمر بيت .

سوريا عفكرة هي كل هدول ..

مين أنت ؟؟ إزا ما قاسمت سوريا الحلوة والمرة ..؟؟

إزا ما تعبت وشقيت برغيف الخبز ؟

ازا ما استحملت سوريا شوي .. إزا نرفزت وطلع خلاقها ؟ مننلكـ الشرف يكون اسمكـ سوري ؟

أصلا ً أنت بتعتبرو أنو شرف ؟ ما بظن

مين أنت .؟ إزا أصلا ً بتصير تتمسخر وتقول( أنا سوري آه يا شحاري) ؟ أنو خفة دم يعني ؟

مين أنت لكان ؟؟ وين محلكـ بين هالناس اللي بتحب وطنها أكتر من ألله .. ؟؟

مين أنت بين الناس اللي كل ما يناموا ويقوموا .. بيسبحوا بحمد سوريا .. وشكر سوريا .. ع أنو عطتهن أمومتها .

بدكـ ديمقراطية .. مو ؟

منشان شو ؟

منشان تاكل بسطرمة بدل الزيت وزعتر ؟

ولا منشان توصل للسلطة وتصير أنت ديكتاتور بدوركـ ؟

صدقني أنت لو طلعت عالكرسي لتجوهر وأكتر بكتير من غيركـ

لأنو في كتير أمثالكـ بتحب تخلع رقبتهم .

مين أنت ؟

إزا قمة إنجازاتكـ ... أنو طبلت وزمرت وسبيت وشتمت ولعنت ..

شو أنجزت ؟

كم وردة زرعت ؟

كم وردة قطفت ؟

كم دمعة نزلت منك وأنت عم تشوف غادة شعاع وهي عم ترفع علم سوريا بنص أميركا .؟

كون سوري .. واعبد البحص والشجر والبشر والشام عند شقشقة الضو

حاسب ساعتها من ما بدكـ

هون بقللكـ يخليلي ياكـ ما انزهكـ،

انا بشكرك كتير اخي موسيقار لانك فتحت هذا الموضوع يلي لازم تعرفوا العالم كلها الصغير قبل الكبير الاطرش قبل الضرير
انو نحنا السوريين شعب لا يرضى القبر مكانا له تحت اشعة الشمس
مهما تنوعت اسباب الشقاء ( على الاقل نحنا مناكل لقمتنا من خير بلدنا ومن تعب شعبنا وتاريخ اجدادنا )
وعم نحكي على الموظف الي عم يرتشي كانو نحنا عم نحكي انو هو عم يرتشي ليعمر قصور
لك خلي يرتشي:aah::aah::aah: خلي يرتشي ويكون بعازة ابن بلدو مو احسن ما يمد ايدو لبرة بالمشرمحي لليهود

لك انا بقلكن من كل قلبي زبالة بلدي الي حكا عنها الحيوان خدام بتسوى العالم باسره

منشان الله خلينا ساكتين احسن ويلي فهم فهم ويلم ما فهم يخلي جدو يفهمو:aah::aah::aah::aah:
لك خليني طول عمري شحاد وجوعان ولا مد ايدي لبره او لحدا من كلابون
لك منشان :cry::cry:الله خليني اكل خبزة حاف وما ضر بلدي البلد الي ربيت بطينو و********* وطلعت من ط*******
لك منشان:cry::cry: الله لك هي بلدي او بالاحرى امي الحنون
واكتر من هيك مافي مجال احكي خلي الشعور هو الي يعبر

الموسيقار

08/10/2007, 19:12

ميرسي ئلبي سوريانا .. :)

سوريانا

08/10/2007, 20:04

ميرسي ئلبي سوريانا .. :)

:oops::oops::oops::oops::oops: