-
عرض كامل الموضوع : سؤال عميق للنفس ---للصادقين مع انفسهم
only sasoky
20/09/2007, 15:17
هل أنتم من الذين يحبون معاتبة الناس في أبسط الأمور ؟؟
هل تتقبلون العتاب من أي شخص أم تفضلونها من قريب لكم ؟؟
ما رأيكم بالشخص الذي يشوف الغلط منك و يسكت و لا يعاتبك .. ؟؟
هل تعرضتم لموقف عاتبتم فيه أخا لكم أو كنت أنت الشخص المخطئ و عاتبك أحدا ما ؟؟
ماذا لو هجرك صديق عزيز لك دون أن يعاتبك .. و بصراحه هل تعرضتم لهذا الموقف؟؟!
ما رأيكم بالعتاب و مفعولها على النفس البشرية؟؟
هل لكم رأي أو كلمة تودون أن تذكرونها لنا حول موضوع العتاب ؟؟
farbella
20/09/2007, 15:27
بيقولو العتاب صابون النفوس
بس كمان بيقولو حبيبيك بيسرحلك وعدوك بيدقق عليك
يعني احيانا الواحد بيغلط بالعتاب بتتصافى النفوس وتروق وتنحل سوء التفاهم
اما التزويد بالعتاب بزعج كتير
يعني لما يحس الواحد انو كل حركة عم يتعاتب عليها بيصير العتاب مصدر لكراهية والحقد
مشكور على الموضوع
only sasoky
20/09/2007, 15:36
راي مفيد اعتز به شكرا لمرورك
هل أنتم من الذين يحبون معاتبة الناس في أبسط الأمور ؟؟
لا انا ما بعاتب الا كان في شي كبير و جرحنى
يمكن هاد تهرب
هل تتقبلون العتاب من أي شخص أم تفضلونها من قريب لكم ؟؟
حقيقة انا بفضل العتاب من واحد بعيد عنى لانو عتاب القريب بيكون قاسي و يحسسك بالذنب اكتر من اللازم
ما رأيكم بالشخص الذي يشوف الغلط منك و يسكت و لا يعاتبك .. ؟؟
ما بحب شخص بيشوفنى بغلط و بيسكت يعنى بلاه احسن
هل تعرضتم لموقف عاتبتم فيه أخا لكم أو كنت أنت الشخص المخطئ و عاتبك أحدا ما ؟؟
اي اكيد تعرضت لها الموقف
ماذا لو هجرك صديق عزيز لك دون أن يعاتبك .. و بصراحه هل تعرضتم لهذا الموقف؟؟!
بصراحة لا و بظن انو الرحيل من دون عتاب اقسى من العتاب نفسو
ما رأيكم بالعتاب و مفعولها على النفس البشرية؟؟
العتاب بيساعد على ابقاء الضمير حي
هل لكم رأي أو كلمة تودون أن تذكرونها لنا حول موضوع العتاب ؟؟
العتاب هو احسن طريقة لتحسين العلاقةمن جديد و لاعادة المياه الى مجاريها
و يبين للمخطئ وين غلط و حجم الاضرار الي سببها
:D يسلمو عهالموضوع الحلو
nanoosh rose
20/09/2007, 16:50
لي عود للاجابة انتظر
أنا ماعد عاتبت .. صرت طنش واترك بدون ما أسأل .. لأنو إلي تجربة مع العتاب وقت عاتبت أحد الأشخاص وتركني وتهجم عليي بسبب عتابي له!
nanoosh rose
20/09/2007, 23:48
بصراحة بحب العتاب بس ما بحب القسوة بالكلام مشكورة
only sasoky
21/09/2007, 21:19
بصراحه انت بتجنني
هل أنتم من الذين يحبون معاتبة الناس في أبسط الأمور ؟؟
نعم ولكن الاصدقاء العزيزين على قلبي ويعنوا لي الكثير
هل تتقبلون العتاب من أي شخص أم تفضلونها من قريب لكم ؟؟
مابتقبلها من اي شخص الا اذا كان عزيز على قلبي او يعاتبني من اجل مصلحتي
ما رأيكم بالشخص الذي يشوف الغلط منك و يسكت و لا يعاتبك .. ؟؟
مجامل وكذاب درجة اولى
هل تعرضتم لموقف عاتبتم فيه أخا لكم أو كنت أنت الشخص المخطئ و عاتبك أحدا ما ؟؟
كثيرين
ماذا لو هجرك صديق عزيز لك دون أن يعاتبك .. و بصراحه هل تعرضتم لهذا الموقف؟؟!
اولا علي ان اعرف السبب اما اذا هجرني من دون اي سبب الله معوويلعن الساعة اللي تعرفت عليه
ما رأيكم بالعتاب و مفعولها على النفس البشرية؟؟
تقوي الثقة بالنفس وتساعد على تعديل اسلوبنا على الطريق الصحيح
هل لكم رأي أو كلمة تودون أن تذكرونها لنا حول موضوع العتاب ؟؟
اهم شي بين الاصدقاء لكي لا يبقى في قلبه نقطة سوداء من طرفي
مشكور كتير اخي على هالمضوع
Damask Rose
21/09/2007, 21:47
ياااااااااااااااااااااااا ا الله
ولا احب عقلبي من اني اعاتب;)
يا للي ظلمت الحب وقولتو عليه مش عارف ايه ....!
بقصد .. اعرف نفسك أولاً ...
انصح غيري خير النصح وانسى نفسي من اقل حذر
بعد هل المقدمة .. : أكبر مشكلة في العتاب .. انو اللي بدو يعاتب .. لا زم يعاتب حالو بالأول
بعدين يعاتب اللي ادامه....
كل شى اوهام
23/09/2007, 00:27
هل أنتم من الذين يحبون معاتبة الناس في أبسط الأمور ؟؟
انا بعاتب الناس يالى بحطونى يعنى يالى بعرفن الانو العتاب بصفى النفوس
هل تتقبلون العتاب من أي شخص أم تفضلونها من قريب لكم ؟؟
ليه لا طبعا..الواحد بيعرف شو غلط وشو هو الصح
ما رأيكم بالشخص الذي يشوف الغلط منك و يسكت و لا يعاتبك .. ؟؟
لا هيدى شخص يعنى بئلوا حل عنى الانو لو بخاف على وبحبنى بئلى هيدى غلط....مشان ما اعيد الغلط
هل تعرضتم لموقف عاتبتم فيه أخا لكم أو كنت أنت الشخص المخطئ و عاتبك أحدا ما ؟؟
كتتتير..يعنى اما انا بعاتب او حدا بعاتبنى ...وخاصه مناحيه الاصحاب لما ئصر بحئن
ماذا لو هجرك صديق عزيز لك دون أن يعاتبك .. و بصراحه هل تعرضتم لهذا الموقف؟؟!
لا ..الحمد الله ..بحاول ارجعلوا واعرف سبب هجروا وئلوا انت غلطان وبعاتبوا وهو كمان يعاتبنى عادى..
ما رأيكم بالعتاب و مفعولها على النفس البشرية؟؟
شى كتير حلو الانو متل لو كان حبيبك عاتبوا كل يوم..يعنى العتاب ايام بصفى النفوس وبهديها ..وببين كل واحد غلطوا مشان يتعلم منوا..
هل لكم رأي أو كلمة تودون أن تذكرونها لنا حول موضوع العتاب ؟؟
العتاب هو جوهر الحياه..الانو منها بنعرف اذا كنا غلطانين او كان حدا تانى غلطان من علموا وبنعاتبوا..
وتانى شى متل ما ئلت لو كان شخص عزيز عليك وشفتوا عم شى غلط لازم نعاتبوا هيك مشان ما يعيدها...
وحتى لو عاتدها بنعاتبوا كمان مره هييك مشان يتعلم :oops:
يسلمو على الموضوع الحلو:D
هل أنتم من الذين يحبون معاتبة الناس في أبسط الأمور ؟؟
/هئه/
هل تتقبلون العتاب من أي شخص أم تفضلونها من قريب لكم ؟؟
/يس/
ما رأيكم بالشخص الذي يشوف الغلط منك و يسكت و لا يعاتبك .. ؟؟
/طويل بال/
هل تعرضتم لموقف عاتبتم فيه أخا لكم أو كنت أنت الشخص المخطئ و عاتبك أحدا ما ؟؟
/كثيرا جدا/
ماذا لو هجرك صديق عزيز لك دون أن يعاتبك .. و بصراحه هل تعرضتم لهذا الموقف؟؟!
/الله معو/
ما رأيكم بالعتاب و مفعولها على النفس البشرية؟؟
/ما بعاتب غير افراد اسرتي//حصرا لاغير//
هل لكم رأي أو كلمة تودون أن تذكرونها لنا حول موضوع العتاب ؟؟
//عاتبتو ..وجبتو...(((ولو استحى))) ما فعل...//
only sasoky
26/09/2007, 14:12
ميرسي عمرورك وعقبال ما اشوفك عروسه
jouliana
27/09/2007, 20:00
في مثل بحكيلك العتاب على قد لمحبه
يعني اذا زعلت من انسان بهمني و غلط بحقي بعاتبه لاني بحبه
و اذا بموقف تاني واحد غلط فيني و ما بعنيلي
ما بفكر اروح اعاتبه لانه وجوده و عدمه واحد بحياتي
و نفس الشي بتقبل العتاب من اشخاص بمونو علي
يعني كلنا بنغلط و يوم الي بحبك بعاتبك معناها بدو يصفي القلوب
لترد العلاقة بين بعض متل ما كانت و احسن
only sasoky
27/09/2007, 21:50
[quote=jouliana;766373]في مثل بحكيلك العتاب على قد لمحبه
يعني اذا زعلت من انسان بهمني و غلط بحقي بعاتبه لاني بحبه
و اذا بموقف تاني واحد غلط فيني و ما بعنيلي
ما بفكر اروح اعاتبه لانه وجوده و عدمه واحد بحياتي
و نفس الشي بتقبل العتاب من اشخاص بمونو علي
يعني كلنا بنغلط و يوم الي بحبك بعاتبك معناها بدو يصفي القلوب
لترد العلاقة بين بعض متل ما كانت و احسن
منطق حلو كتير ومفيد جدا
كلام حلو كتير بس ياريت يكون هاد رأي الاكتريه
ميرسي علمرور ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
وشم الجمال
02/10/2007, 11:55
قطعا انا ما بحب عاتب اي انسان على شي بسيط بمعنى ازا الشي مو حرزان بطنش وما بعاتب وبتقبل العتب من اي انسان بشرط يكون اسلوبو راقي ورقيق يعني مو دج واحس انو بعاتبني لاني بهمو ولانو بدو مصلحتي واللي بيشوفني غلطانة وما بيعاتبني او ينبهني هاد ما بعتبرو الا كزاب وعابر سبيل بحياتي يعني زي الهوا بيمر وبروح بلا ما احس فيه او اعبرو وما بيخلو اني كون عاتبت شخص معين على شي حسيتو غلط او مانو حلو لاني اذا بدي اكسب الناس بدي كون صادقة ومحبة وصريحة معادلة واضحة كتير وسهلة كتير اما انو حدا يهجرني فحدث معي هالشي وما عاتبني وفترتها تعبت كتير لانو ضميري ضلو معزبني انا شو غلطت معو وشوية عتب رجعت المي لمجاريها . وبشكل عام اذا كان الهدف من العتب التصحيح ونشوف اللي بنعاتبو احسن شي بالدنيا فهاد عتب ولا احسن منو اما اذا كان الهدف شي مو نبيل او اهانة او تجريح مرفوض طبعا
وعلى رأي المقولة العتب على قدر المحبة
واسفة للاطالة:D
هل لكم رأي أو كلمة تودون أن تذكرونها لنا حول موضوع العتاب ؟؟
[/quote]
muthanna 007
04/10/2007, 00:26
هل أنتم من الذين يحبون معاتبة الناس في أبسط الأمور ؟؟
لا انا ما بعاتب الا في المواضيع الكبيرة........
هل تتقبلون العتاب من أي شخص أم تفضلونها من قريب لكم ؟؟
اكيد انا بحب ازا في عندي اي غلط انه اي حدا ينبهني اله
ما رأيكم بالشخص الذي يشوف الغلط منك و يسكت و لا يعاتبك .. ؟؟
بعتبرة منافق لانه هيك بيكون عم يعمل شي من المجامله ,,, والمجامله فيها شي من النفاق وانا بصراحة ما بحب المجاملة من مرة......
هل تعرضتم لموقف عاتبتم فيه أخا لكم أو كنت أنت الشخص المخطئ و عاتبك أحدا ما ؟؟
انا كتييييييييييييييييير عاتبت ناس بس نادرا ما حدا يعاتبني ما بعرف ليش!!!!!!!!!
ماذا لو هجرك صديق عزيز لك دون أن يعاتبك .. و بصراحه هل تعرضتم لهذا الموقف؟؟!
بحاول افهم السبب منه وازا رفض هو حر ومش رح يفرق معي لاني ىما بيهمني حدا ازا مش انا الغلطان بس ما عمره صار معي هيك موقف....
ما رأيكم بالعتاب و مفعولها على النفس البشرية؟؟
كتييييييييييييييير منيح لانه بيعرف الواحد اخطائه وبيخليه يعدل منها
هل لكم رأي أو كلمة تودون أن تذكرونها لنا حول موضوع العتاب ؟
لا
وميرسي عالموضوع الحلو يا ماااااااااان
هل أنتم من الذين يحبون معاتبة الناس في أبسط الأمور ؟؟
نعم لكن مو دايما بتزبط معي يعني باجلها كتييييير وبدجن مرة وحدة ..طبعا هاد بعمل مشاكل
هل تتقبلون العتاب من أي شخص أم تفضلونها من قريب لكم ؟؟
بتقبل من مين ماااااااااكان
ما رأيكم بالشخص الذي يشوف الغلط منك و يسكت و لا يعاتبك .. ؟؟
ادا كان شخص قريب كتير علي وماعاتبني بزعل منه اكيد لكن الغريب ماعليه عتب
هل تعرضتم لموقف عاتبتم فيه أخا لكم أو كنت أنت الشخص المخطئ و عاتبك أحدا ما ؟؟
كتيييييييييييييير مواقف
ماذا لو هجرك صديق عزيز لك دون أن يعاتبك .. و بصراحه هل تعرضتم لهذا الموقف؟؟!
بصراحة ماتعرضت لهيك موقف......لكن لو تركني دون عتاب ومعرفة السبب مع السلامة ...لانه مو صاحب
ما رأيكم بالعتاب و مفعولها على النفس البشرية؟؟
انا بشوفها حلوة كتير بين المقربين من بعض ...وبشوفها ايجابية كتير وبصالح التنين او اي شخصين لانه العلاقة بين الصحاب ماحتكون حلوة لو ما كانت مبنية على الصراحة
هل لكم رأي أو كلمة تودون أن تذكرونها لنا حول موضوع العتاب ؟؟
يسلمو على الموضوع الحلو والاسئلة الاحلى
only sasoky
07/10/2007, 00:47
شكرا كتير لمروركم وراي جميل اعتز بيه كتير يسلمو
اخوية نت
بدعم من : في بولتـين الحقوق محفوظة ©2000 - 2015, جيلسوفت إنتربـرايس المحدودة