-
دخول

عرض كامل الموضوع : هل أنت مع الزواج بحب؟

flower of march
16/09/2007, 23:08
هل أنت مع الزواج بحب؟؟
معظمنا يعيش تجربة أن يحب شخصا ما ويبني وإياه خططا للمستقبل ويحلم
بالسعادة معه لباقي العمر ولكن...
أحيانا تجري الرياح بما لا تشتهي السفن ولست أتكلم هنا عن الخداع والتلاعب بالعواطف وإنما عن أمر يعاني منه الشباب في هذا الزمن
الأسعار نار والعقارات سياحية إلا إن حصلت على مسكن (ماشي الحال)
والرواتب للموظفين حدث ولا حرج حتى الأعمال الحرة فهذه تبعا -للشطارة-والفهلوية إن لم نرد الكلام عن البؤس مفصلا...
والحالة تعبانة يا ليلى..
وهنا يأتي دور الأهل (أهل الفتاة على الأخص)الأصدقاء والمقربون:
الحب لا يطعم خبزا
مين بلش بالدين عاش العمر مديون
بيصرلك واحد مريش أحسن منو على شو ناطرتيه
هو لوبيحبك عن جد ما كان نطرك كل هالسنين كان خلاكي بحالك
تركها وجهز حالك على مهل وبعدين بتلاقي أحسن منها
لشو رابط حالك فيها شو حب ماحب ’ المصلحة يا حبيبي
الغبي بيتعلم من كيسو والذكي بيتعلم من تجارب العالم
وغيرها كثير مما نسمعه ولم أذكره
والسؤال هنا هل هم على حق؟
هل الحياة علمتهم ويجب أن نفكر على طريقتهم أم نتحدى المصاعب وربما نندم لاحقا؟
وأتوجه للفتيات بشكل خاص فالموضوع يلمس وترا حساسا عندهم ..
ما رأيكم لو سمحتم..
Damask Rose
16/09/2007, 23:17
انا مع الزواج بحب
انا مو ناوية اتزوج بالطريقة التقليدية
no way
;)
عطر سوريا
16/09/2007, 23:27
مشكوووووووورة كتير على هالموضوع
اكيد هلئ الزمن اتغير بس كمان الظروف تغيرت
انا بدي ئلك عن حالي
انا حبيت بنت الحمد الله انا قادر اني عيش لحالي وفي بيت خاص فيني ( ملكي نعني ) وبقدر اسس للبيت هاد باللي بيكرمني فيه رب العالمين بس يا حزرك شو صار ( انخطبت غصب عنها ) طب شو اعمل ( شاي ولا ئهوة بلا بن ) كل هالحكي ما بيفيد
اللي بيفيد انو نحن لازم نطلب من اهلنا نهم يوعو شوي مو اكتر مو كلشي غصب
لك حتى الاسلام نوه على هالشي وزكر انو اي زواج بعدم رضى اي طرف من الطرفين ( انا عندي رفيقي انجبر يخطب بنت ما بدو ياها يعني قمة التخلف ) لاغي ويعتبر زنى يتحمل مسؤوليته الغاااااااااااااصب
ما بئول غير اللهم أصلح احولنا
والشكر على هالموضوع
jouliana
16/09/2007, 23:39
اي لازم يكون بحب
مو معقول اربط حياتي بواحد هيك خبط لزق
لازم اكون بحبه :sosweet:
عطر سوريا
16/09/2007, 23:54
اي لازم يكون بحب

مو معقول اربط حياتي بواحد هيك خبط لزق

لازم اكون بحبه :sosweet:

اي شو هالخجل ما شاء الله :ss:
كل شى اوهام
16/09/2007, 23:59
موضوع حلو..
انا مع الزواج مع الحب...بس الحب الصافي الحئيئى بهيدى الزمن مافى ماااااااااافى عنجد مااافى
حدا يحب حدا واذا حبك واحد الا ويطلع كذاب اخر شى ماهيك او يتحجج باهلوا....
بس بنسبى ئلى بئول خلي حبى يكون بالخيالى احسن..الانو الواقع بيصدم ايام...:cry:

بس فى كتير انا بعرفن اتزوجوا عن حب ومبسوطين الله يوفئهم يارب
جوجو الامورة
17/09/2007, 00:01
هلأ صحيح بيقولوا الحب :hart:بيجي بعد الزواج بس برايي انو لازم يكون كمان موجود قبل الزواج
لانو حلو نعيش الحب قبل الزواج:hart:
Remember Me
17/09/2007, 00:03
ليش في شي أحلى من الزواج بعد الحب ... بس الحمد لله لسا ما جربتو طبعا ... لسعتني بالنص الأول من الموضوع ... ولسا بكير على النص التاني
Almond
17/09/2007, 00:27
برأيي انو الحب قبل الزواج حلو كتييييير وممتع وفيه اوقات ولحظات ولا اروع .. :sosweet:
بس بحسه مؤقت .... يعني سنة .. سنتين ... 10 ... وبعدين بتروح هالمشاعر وبتصير اقل من عادية وروتينية ..
خاصة انو الحب اعمى .... ومع الايام بيكتشفوا الحبيبن بعضن منيح ... وبيطلع الخمير والفطير ...

بس الحب يلي بعد الزواج ... بيضل طول العمر ... وبيساعد على تخطي الازمات والمشاكل اللي بتواجه الشريكين ..
بحسه حب ناضج اكتر ...
.... :oops:
the big haert
17/09/2007, 00:35
انا مع الحب قبل الزواج وضد الزواج بلا حب
ماس
17/09/2007, 13:22
أنا في رأي إنو في رابطة اقوى من الحب إلي هي الإحترام
يعني مافي حب بدون إحترام
أناأحترم مشاعرك أنا بحبك
أنا أحترم خصوصيتك أنا بحبك
أنا أحترم إنسانيتك أنابحبك
ماس
17/09/2007, 13:25
موضوع حلو..
انا مع الزواج مع الحب...بس الحب الصافي الحئيئى بهيدى الزمن مافى ماااااااااافى عنجد مااافى
حدا يحب حدا واذا حبك واحد الا ويطلع كذاب اخر شى ماهيك او يتحجج باهلوا....
بس بنسبى ئلى بئول خلي حبى يكون بالخيالى احسن..الانو الواقع بيصدم ايام...:cry:

بس فى كتير انا بعرفن اتزوجوا عن حب ومبسوطين الله يوفئهم يارب
إنتي جننتيني كنت محسب حالي اكبر متشائم حطيتني بنص الطريق:shock:
nanoosh rose
17/09/2007, 16:48
انا بشوف مو مشكلة الطريقة بحب بغيروا لان النهاية كل القصة نصيب بس بتمنى انو ما اخد شخص ما بعرف شي عنوا فجاة
lovestory
17/09/2007, 16:55
أي أكيد مع الزواج بحب
هوي في أحلى من الحب بالدنيا بس كمان لازم نحكم عقلنا ونختار شخص نقدر نحبو ونعرف حالنا قادرين على الاستمرار والارتباط في
سارة$$$
17/09/2007, 17:35
برأيي انو الحب قبل الزواج حلو كتييييير وممتع وفيه اوقات ولحظات ولا اروع .. :sosweet:
بس بحسه مؤقت .... يعني سنة .. سنتين ... 10 ... وبعدين بتروح هالمشاعر وبتصير اقل من عادية وروتينية ..
خاصة انو الحب اعمى .... ومع الايام بيكتشفوا الحبيبن بعضن منيح ... وبيطلع الخمير والفطير ...

بس الحب يلي بعد الزواج ... بيضل طول العمر ... وبيساعد على تخطي الازمات والمشاكل اللي بتواجه الشريكين ..
بحسه حب ناضج اكتر ...
.... :oops:
انا مع هالرأي
anaan
17/09/2007, 18:17
يا ريت حد يأكد لي الجمله دي أو ينفيها
كنت قريت من فتره ان الحب ينشأ من العقل
يعني لو العقل حب انسان بالتبعيه القلب هيحب الانسان دا

و أنا مع الحب قبل الزواج بس الأهم انك تختار الانسان اللي يستاهل انه يفوز بحبك
THE_unforgiven
17/09/2007, 19:36
انا ماني مع الزواج إلإ بحب .. :pos:
جمانة شهاب
17/09/2007, 20:08
هو لما الواحد بيتزوج بعد قصة حب بيحس يمكن بطعم السعادة اكتر

لانو ضرلو فترة مع هالانسان وكل يوم بتمنى يكون معو تحت سقف واحد

و الحب بعتقد اساسي ليبني احترام بين هالشخصين

و بعلاقة الحب فيه كل واحد يتعرف ع شخصية الطرف التاني

يعني يتأكدو جد ازا هالانسان هو يلي بدن يرتبطو معو او لا

اكيد انا مع الزواج بعد قصة حب

ما في احلى من الحب بحياة الانسان

او فينا نقول انو الشي الوحيد الحلو هلأ :D
ASH
17/09/2007, 20:29
هلا شوفو اد المني نحرق بشغلة الحب مافي هيك برأي يعني

بس مع هيك انا مسحيل اخود وحده من علبسطه متل ما اهلي بدهم ، يحكولي خود هي احكيلهم اي ماشي يلا يا رب

انا يلي بدي اخدها بدي كون حاببها و مقتنع فيها و مقتنعه فيني ، لو هل شي لح يكون غلط او ممكن يأثر بمستقبلي بس صراحة ماني مستعد اخود وحده اعود اول سنتين اتعرف عليها و تتعرف علي و يكون صار في كر صغير بالنص "يعني اول ولد" و تصير الحياة مجرد روتين ماشي

لهيك انا مع الزواج بعد حب

بس اكيد مو بعد مرمره
وشم الجمال
17/09/2007, 22:13
مو كل اللي بنحترمهم بنحبهم مو؟
miss_roaa
17/09/2007, 23:32
اكيد بكون مع الزواج بحب لان الزواج مش عن حب هيكون صعب كتير
flower of march
19/09/2007, 23:49
شكرا على المرور الكريم
أنا بصدق مع الزواج بحب ولكني (خويفة شوي)بسبب القصص المحزنة حولي فهذه احدى قريباتي الآن قد وصلت لحالة مزرية فهي تتناول الأدوية النفسية ومرت بأيام صعبة بعد تجربة حب وزواج طويلة انتهت بالفشل
طبعا هذه ليست القاعدة لكن هذه أيام صعبة وأنا مرتبطة بشخص منذ ثلاث سنوات والحالة تعبانة بصراحة وهات يا ضغوطات من كل حدب وصوب حتى صديقاتي تلمحن أني غبية لأني انتظره ولكني لا استطيع تركه هكذا فقط لأنه لا يمتلك سيارة فارهة(يملك موتور):p وشقة فخمة(لديه بيت متواضع):p
فأنا احبه....
والحقيقة أنا مصرة أن اكمل معه المشوار لكن أحيانا تنشأبيننا خلافات من ضيق الحال وبسرعة منتراضى
وبدنا دعوات ولاد الحلال:oops:
الأمير العربي
20/09/2007, 00:22
موضوع صراحة حلو .....
هل يعقل أن تعيش نهاراًَ وليلاً أمام انسانة لا تعرفها ؟؟
هل يعقل أن تأكل وتنام وتشرب وتسكن في بيت واحد مع أنسان لم تعرفه من قبل . سوى ان أهلك أتوا لك به ؟

هل من الممكن ان يكون هناك تفاهم بين شخصين يرون بعضهم ويتزوجون من دون ان يتعرف احدهم على الآخر ؟
هذه الأسئلة تجيب على السؤال
هل يمكن أن تتزوج بدون حب
وهل لي أن احب الحياة بدون أن اعيشها ؟؟؟!!!!

الحب قبل الزواج به آثار وأهمها
الحب فيما بعد الزواج
اكيد راح يختلف الحب قبل الزواج عن الحب ما بعد الزواج
فبعد الزواج راح يكون الحب هو حب الزوجية , حب الأسرة , حب العائلة
وينتهي حب المراهقة ......

لكل زمن احواله , فالزمن القديم الذي كان فيه الأهل هم الذين يخطبون كانت الأحوال ميسرة وليس هناك انفتاح على العالم
اما اليوم اذا تزوجت انسانة ولم أستطع ان اكون لها كيان أسروي ترتاح فيه , فأكيد راح .....( )
لليوم وللمستقبل اوضاعه , والوضع الصحيح هو التفاهم التوادد ثم من بعدها يأتي الزواج ....
وآسف على الإطالة