عنا الطفالى زلم


بدهن حديد وارضنا قلب الحديد
جمعوهن حملوهن عالغرب
منهن اخترعوا رصاص البواريد
وقالوا سلام وهيؤوهن للحرب


معليش هودي انكلفوا ملايين
عالوقت وصلوا والغلط ممنوع
وكم ام عنا لعيلة مساكين
حتى تطعمي ابنها بتجوع

بتجبل دموع العز باللقمة
وتنطر البكرا تـ يصير كبير
رجال حتى يثور عالنقمة
وترجع تقول لحالها بكير...
بكير بعدو زغير

ما نطر بكرا الهني
عنا الطفالى زلم
عمشق عظهر الازمنة
شقلب بقانون الدني
تمرد عـ عمر الولدني
ومش هم يقفز كم سنة
المهم ما رح ينحني
مهما يزيدوا الظلم

مشيو طفالى دمهن عالكف
وبالكف في حجرة
ما بيعرفوا يتعسكروا بالصف
لطيوا ورا شجرا

ورصاص يللي اندك بالباغة
رصاص فوق رصاص
عميدور وين هالغاغة
ويوجهوا القناص

الاطفال برصاصاتهن غدروا
وهاك الطفل ما خاف
رد الرصاصة بعز بصدرو
وحملو ياكتاف

بقلم زهير ملاعب
ابو سلينا
مع تحياتي