شو رأيكون بسياسة المنتدى [الأرشيـــــف]

طنش تعش

11/09/2007, 02:06

يعني مو عااساس ديمقراطية ومابعرف شو ...طيب انا هون مشان هالكم واحد الي ناويين يعملو انقلاب عالمنتدى طبعا ..(مو شي تاني الله يستركون)...
هلق منشوف راي الاعضاء بالمنتدى وهنن بيحكمو بنفسون ..
واذا كانت الاكترية ضد سياسة المنتدى والادارة الي في من قبل المشرفين ....يعني لازم تغيرو هالاسلوب ...
لانو مافي غير كل يوم حصيلة كم واحد عم يترك من ورا هالسياسة ....
يعني هو لازم يكون في تنظيم وادارة فعالة بس كمان لازم يكون في حرية بالنشر والتعبير....
ولازم يكون في سلاسة بالتعامل ....اكتر الاعضاء الي تركو وناويين يتركو عم يعانو من طريقة تعامل بعض المشرفين الاستهزائية.....يعني ماحدا مجبور يتحمل....
مع احترامي للمشرفين والادارة:D ....وتحياتي للجميع:mimo:

نسر الشام

11/09/2007, 02:19

انا عضو جديد .... صرلي ( شهريين أو اكتر ) عطول نازل قراءة مواضيع وردود ..... كل يوم ما يعادل ( 2-3 ساعة )
كنسبة مئويــة (70% ) حرية ... وباقي الــ % تشدد ....
لئلك شغلي لازم يكون في تشدد بمقياس معين ..لأنو كشعب سوري (شباب - صبايا - مراهقين )عنا شغلي اسمها الزعامــــــــــة كل واحد فينا بيحب يكون ( Big boss ) عالأخر والتاني بيكون عالأول ...

||| 21 مليون مواطن كلهم زعماء فمن يحكمهم |||||

شكراً الك :D

اب حمرا

11/09/2007, 02:27

انا ما بحكي بالسياسة

طنش تعش

11/09/2007, 02:31

مشكور يانسر عارأيك.... وانا معك بقصة التشدد ...بس متل ماقلت بمقياس معين وبتمنى يكون هالشي عن فهم ومو ظلم لانو الادارة افهم مني وبتعرف رايها بالاعضاء وردودها اكتر مني ....
بس مشان الحق والباطل منشوف قصص المظلومين وعمين الحق...

طنش تعش

11/09/2007, 02:33

انا ما بحكي بالسياسة
هلا اب حمرا...

•• LEO ••

11/09/2007, 04:16

اكتر الاعضاء الي تركو وناويين يتركو عم يعانو من طريقة تعامل بعض المشرفين الاستهزائية.....يعني ماحدا مجبور يتحمل....

أنا برأيي أغلب الي تركو كانو يعانو من فقدان مشاركات

فقدانها من العدّاد طبعا

Abu Guzef

11/09/2007, 04:30

لاتعليق فخار يكسر بعضو

Willi

11/09/2007, 06:55

هو المشكلة انو اغلبية المثقفين السوريين بيعتبرو حالون احسن من غيرون وبيتعاملو من باب انو انا بفهم معناها كلشي متل ما بدي وكلشي الي.

اما بالنسبة لانو مثلا نبدل الادارة. فما بظن رح يتغير شي.
لانو هية شغلة بطبيعة كتير من السوريين.
مع الاسف يعني

abu-wdea3

11/09/2007, 10:30

لاتعليق فخار يكسر بعضو

احلى شي ....
:larg:

ASH

11/09/2007, 10:46

انا جديد نسبيا ، بس يلي شايفو انو المنتدى بالنسبه للمنتديات التانيه ، فهوه متحرر جدا يعني زياده عن اللزوم في بعض اقسامو او ببعض الموضيع ، ما اتوقع تغير الادراة لح ينفع او يفيد بشي ، بس كمثال ممكن يعملو شوية تغيرات بالادراه ، يعني حرس جديد و ، و بعد فتره يصير في مقارنه بين الحرس القديم و الحرس الجديد ،،،

ومتل ما حكا الاخ ويلي ، انو مشكلة المثقف السوري مفكر حالو افهم من عليها ، انو الشخص يلي مالو حل ، يعني صعب تلاقي الناس عم تتعلم من بعضها و هاد حكي كمان منطقي ...

بنجي للنقطه الاخيره في لكل شي حد ، يعني للحريه في حد و للديمقرطيه في حد ، ماحدا ينط ويحكيلي حتى هون بدنا ننكبت و ننضغط و ننرص و ننضرب ، مو هيك القصد ، بس القصد انو المفروض يكون لكل شي حد ، وإلا هيك بنكون كمان عم نقلد الغرب بكل شي ، الحريه او الديمقرطيه مو احكي متل مابدي بس او عبر عن راي متل مابدي ، شرط للحريه الأحترام و شرط الديمقرطيه الألتزام ...

هاد راي و لنا عوده للموضوع

وشكرا لكاتب الموضوع

الآلهة

11/09/2007, 10:51

انا عطوني 500 ليرة وبحلف يمين انو صح على شو ما بدكن

Syrian__Angel

11/09/2007, 10:55

بنجي للنقطه الاخيره في لكل شي حد ، يعني للحريه في حد و للديمقرطيه في حد ..الحريه او الديمقرطيه مو احكي متل مابدي بس او عبر عن راي متل مابدي ، شرط للحريه الأحترام و شرط الديمقرطيه الألتزام ...

كتيييييييير حلوة هالنقطة ، وكتير اجت بمحلها ... وشكراً الك لانك ذكرتا ... :D

ASH

11/09/2007, 11:15

كتيييييييير حلوة هالنقطة ، وكتير اجت بمحلها ... وشكراً الك لانك ذكرتا ... :D
شكرا لردك سبحان الله من الاقتباس عرفت انو انا لوووول

بس معلش انت حكتي انو النقطه حلوه و اجة بمحلها ، طيب ممكن انك تعلقي عليها ، هلا الموضوع نفتح و نفتح ، فخلينا ناقشو ، وعن جد حاسس انو المفروض لكل شي يكون في حد او مثلا لنحكي خطوط حمرأ ولا شو رايك

cold vampire

11/09/2007, 12:32

ايه مزبوط حكيك يا طنش معاملة المشرفين مو كلهم بس في بعض الاشخاص استهزائيه وكتير بتدايق الواحد وكل يلي منحبهم عم بتركو المنتدى
لك لايمتن هيك :cry:

ASH

11/09/2007, 12:35

ايه مزبوط حكيك يا طنش معاملة المشرفين مو كلهم بس في بعض الاشخاص استهزائيه وكتير بتدايق الواحد وكل يلي منحبهم عم بتركو المنتدى
لك لايمتن هيك :cry:
على قولة باظ يطير : إلى الما لا نهائية و مابعدها

ولله يا اختي انا يلي ما صرلي كم يوم حاسس في شي 4 تركو اي وين عم يروحو طيب :shock:

انا حاسس في شي عم يصير من تحت لتحت:shock:

butterfly

11/09/2007, 12:36

ايه مزبوط حكيك يا طنش معاملة المشرفين مو كلهم بس في بعض الاشخاص استهزائيه وكتير بتدايق الواحد وكل يلي منحبهم عم بتركو المنتدى
لك لايمتن هيك :cry:

:shock::shock::shock::shock::shock::?:?:?

hanan_1988

11/09/2007, 12:40

انا براي في كتير تحرر
البارحة في واحد نشر موضوع بعمري ما توقعت حدا يحكي فيه
:hart:

ASH

11/09/2007, 13:13

انا براي في كتير تحرر
البارحة في واحد نشر موضوع بعمري ما توقعت حدا يحكي فيه
:hart:
اي موضوع فيهم ؟؟؟ ما شفتو انا عطيني اللنك مشان فوت و اعطي راي فيه :shock:

طنش تعش

13/09/2007, 04:37

:shock::shock::shock::shock::shock::?:?:?
هه بلشنا...شو خيتي فراشة انطمزتي...

طنش تعش

13/09/2007, 04:44

أنا برأيي أغلب الي تركو كانو يعانو من فقدان مشاركات

فقدانها من العدّاد طبعا
معك حق ...بس يمكن كمان مايعجبو وضع المنتدى ويحس انو مو من مستواه عاهالشوفات..
ماحدا يزعل مني بس والله في ولدنة كتير...بس كمان لازم يكون في استيعاب من قبل المشرفين والمنسقين وبطريقة ملائمة....

طنش تعش

13/09/2007, 04:48

انا جديد نسبيا ، بس يلي شايفو انو المنتدى بالنسبه للمنتديات التانيه ، فهوه متحرر جدا يعني زياده عن اللزوم في بعض اقسامو او ببعض الموضيع ، ما اتوقع تغير الادراة لح ينفع او يفيد بشي ، بس كمثال ممكن يعملو شوية تغيرات بالادراه ، يعني حرس جديد و ، و بعد فتره يصير في مقارنه بين الحرس القديم و الحرس الجديد ،،،

ومتل ما حكا الاخ ويلي ، انو مشكلة المثقف السوري مفكر حالو افهم من عليها ، انو الشخص يلي مالو حل ، يعني صعب تلاقي الناس عم تتعلم من بعضها و هاد حكي كمان منطقي ...

بنجي للنقطه الاخيره في لكل شي حد ، يعني للحريه في حد و للديمقرطيه في حد ، ماحدا ينط ويحكيلي حتى هون بدنا ننكبت و ننضغط و ننرص و ننضرب ، مو هيك القصد ، بس القصد انو المفروض يكون لكل شي حد ، وإلا هيك بنكون كمان عم نقلد الغرب بكل شي ، الحريه او الديمقرطيه مو احكي متل مابدي بس او عبر عن راي متل مابدي ، شرط للحريه الأحترام و شرط الديمقرطيه الألتزام ...

هاد راي و لنا عوده للموضوع

وشكرا لكاتب الموضوع
حكيك نظامي وانا معك بشغلة الحدود ...بس بطريقة دبلوماسية ...وطريقة عن طريقة بتفرق...
... ...مشكور:D

طنش تعش

13/09/2007, 04:51

ايه مزبوط حكيك يا طنش معاملة المشرفين مو كلهم بس في بعض الاشخاص استهزائيه وكتير بتدايق الواحد وكل يلي منحبهم عم بتركو المنتدى
لك لايمتن هيك :cry:
طيب هه...هي حالة

brave heart2

13/09/2007, 05:43

تحية لادارة المنتدى :D

وسعدو يعنكم على ما ابتلاكم مني وجر :p

يا جماعة ما بتعرف خيرو لتجرب غيروووووووووووووو :jakoush:

اخوية وبس :deal:

Syrian__Angel

14/09/2007, 09:18

بس معلش انت حكتي انو النقطه حلوه و اجة بمحلها ، طيب ممكن انك تعلقي عليها ، هلا الموضوع نفتح و نفتح ، فخلينا ناقشو ، وعن جد حاسس انو المفروض لكل شي يكون في حد او مثلا لنحكي خطوط حمرأ ولا شو رايك

مرحبا ..
اليوم لرجعت دخلت عالموضوع فـ سوري عالتأخير :D

هلأ ما عرفت بلّش من عندك ولا من الموضوع الاساسي .. عملنا طرّة نقش طلع من الموضوع الاساسي احسن مشان ما يتهمونا انو بنردّ عالفرع وبنترك الاصل وبنحوّل الشغلة لاحاديث جانبية ..

فـ لهيك ...

منبلّش ..
واذا كانت الاكترية ضد سياسة المنتدى والادارة الي في من قبل المشرفين ....يعني لازم تغيرو هالاسلوب ...

اول شي .. للتنويه ... انو رح اكتب رأيي الشخصي بالموضوع كـــ عضو ..

بالنسبة لجملتك ، اسمحلي قلك .. خلينا واقعيين ..
مافي شي اسمو " لازم " .. لانو لا انا ولا انت فينا نغيّر سياسة المنتدى ..
اوكي فيك تطلب من الادارة - او للتحديد الاداريين " المشكلجية " :p - انو فيك تطلب منهون هالشي برسالة خاصة بينك وبينو .. لانو اذا اجيت وحطيت موضوع وقلت " انت يا هالاداري ما عاجبني ، بتضلك عم تعمل هيك هيك وتصرفاتك عم تطفش العالم من المنتدى " .. هداك رح يفهما انو تهجم عليه .. وشو الشغلة تكسير راس يعني؟ اي ما بنردّ بالمرة وبنخلص من القصة . خليهون يعترضو لبكرا ماني رادد :sly:

وبيني وبينك .. ومن مبدأ " اللي بيروح بيجي غيرو ..مانها نهاية العالم "
ما حدا بيهمّو لو راح كم واحد ما عم يقدمو شي للموقع غير التسالي والالعاب.. او يمكن جماعة
" الدين والهداية " + تناحر الاديان ( اكيد صرت بتعرف انو they are not welcome ) ..

عالهامش ..
عجبتني كلمة حصيلة :p .. ضحكتني عليها كتير والله ، حسّيت انو قاعدين بحرب وعالم ماتت - لا سمح الله - ومنزلين "حصيلة " الضحايا بالاخبار وهيك شي ...

النقطة التانية ..
لازم يكون في حرية بالنشر والتعبير....

اي برأيك يعني مافي حرية نشر وتعبير ؟!
انا برأيي في حرية زيادة عن اللزوم .. في حرية لعالم مو فهمانة شو يعني الحرية ..
يعني مابعرف...
من ايمتى كانت تنفهم الحرية بانك تحكي كلام من الزنار ونازل وما حدا بيحقللو يقلك عيب ؟!
من ايمتى كانت تنفهم الحرية انو بيحقلك تسبّ هاد او تتهم هاد او تخوّن هاد واذا حدا قلك ما بيصير هالحكي تقللو شو الك علاقة انت ؟ هي حريّة رأي ما دخلك ! :pos:
ومن ايمتى كانت الحرية انك تستخدم الفاظ " سوقيّــة " ع سبيل المزح بين بعضكون ؟!
انو اوكي ما اختلفنا الزلمة رفيقك وهالحكي بيناتكن عادي .. بس يا ريت ، يااااااا ريت يضل بيناتكن.. في رسائل خاصة / في ماسنجر .. قعدو تناغشو لتشبعو ... بس مافي داعي تورجونا " اريحيّتكن " كليّاتا هون ..

صحي تذكرت شغلة .. ما بعرف اذا انذكرت هون او لاء - نسيت بصراحة شو قريت هديك المرة بس مالي خلق ارجع عيدو .. مانّي رح امتحن فيه انا :p -

اي المهم ، انو كأنو كان في اعتراض ع تعديل الردود ؟!
برأيي هالشغلة ما كان لجؤولها الاداريين ( بقصد باداريين امناء ومشرفين ومنسقين...) ، ما كانو لجؤولها لولا انو في عالم عم تتعدى الخطوط الحمرا بالكلام .. ما هيك ولا شلون ؟!
ما بتذكر انو بوقت من الاوقات كان في هالكميّة من تعديل الردود قد اللي عم يصير هلأ ! برأيكـ(ون) شو السبب ؟!
الادارة ماشية ع سياسة محددة .. ما عم تتغير بهالدرجة الكبيرة ... بس بالمقابل عم تجي اعداد مهولة من الاعضاء اللي بتشوف الجو كتير " كول " و"حرية" و"ديمقراطية" . بيقومو بيندمجو بالقصة دغري وبيصير عنا بدل 10 فرضاً عم نعاني من ردودهم اللي " مش ولا بد " ليصيرو 30 واكتر !

بالنهاية ، صدق اللي قال " تنتهي حرّيتك عندما تبدأ حرية الآخرين ".. يا ريت لو كل واحد بيتذكر هالشي قبل ما يكتب ردّو او يبعتو ... و رح نكون بألف خير وقتا :D

Syrian Gay

14/09/2007, 16:44

سياسة ممتازة

بس في بعض الاقسام المشرفين تبعونون مو موجودين او بيفوتو بالسنة مرة او بطلو

وهيك ولو بعتنا مليون مشاركة عاطلة ... لا رد
او لو قامت الدنيا بهداك القسم ... ما حدا حاسس

فبرأيي لازم تضيفوا بعض المشرفين والمنسقين الحركين لهدول الاقسام

ناصرشكري

14/09/2007, 17:21

منتدى رائع وجميل جدا وكل واحد بحكي يلي بدو يا ...........انا هيك رأيي

طنش تعش

15/09/2007, 04:24

مرحبا ..

اول شي .. للتنويه ... انو رح اكتب رأيي الشخصي بالموضوع كـــ عضو ..

بالنسبة لجملتك ، اسمحلي قلك .. خلينا واقعيين ..
مافي شي اسمو " لازم " .. لانو لا انا ولا انت فينا نغيّر سياسة المنتدى ..
اوكي فيك تطلب من الادارة - او للتحديد الاداريين " المشكلجية " :p - انو فيك تطلب منهون هالشي برسالة خاصة بينك وبينو .. لانو اذا اجيت وحطيت موضوع وقلت " انت يا هالاداري ما عاجبني ، بتضلك عم تعمل هيك هيك وتصرفاتك عم تطفش العالم من المنتدى " .. هداك رح يفهما انو تهجم عليه .. وشو الشغلة تكسير راس يعني؟ اي ما بنردّ بالمرة وبنخلص من القصة . خليهون يعترضو لبكرا ماني رادد :sly:

وبيني وبينك .. ومن مبدأ " اللي بيروح بيجي غيرو ..مانها نهاية العالم "
ما حدا بيهمّو لو راح كم واحد ما عم يقدمو شي للموقع غير التسالي والالعاب.. او يمكن جماعة
" الدين والهداية " + تناحر الاديان ( اكيد صرت بتعرف انو they are not welcome ) ..

عالهامش ..
عجبتني كلمة حصيلة :p .. ضحكتني عليها كتير والله ، حسّيت انو قاعدين بحرب وعالم ماتت - لا سمح الله - ومنزلين "حصيلة " الضحايا بالاخبار وهيك شي ...

النقطة التانية ..

اي برأيك يعني مافي حرية نشر وتعبير ؟!
انا برأيي في حرية زيادة عن اللزوم .. في حرية لعالم مو فهمانة شو يعني الحرية ..
يعني مابعرف...
من ايمتى كانت تنفهم الحرية بانك تحكي كلام من الزنار ونازل وما حدا بيحقللو يقلك عيب ؟!
من ايمتى كانت تنفهم الحرية انو بيحقلك تسبّ هاد او تتهم هاد او تخوّن هاد واذا حدا قلك ما بيصير هالحكي تقللو شو الك علاقة انت ؟ هي حريّة رأي ما دخلك ! :pos:
ومن ايمتى كانت الحرية انك تستخدم الفاظ " سوقيّــة " ع سبيل المزح بين بعضكون ؟!
انو اوكي ما اختلفنا الزلمة رفيقك وهالحكي بيناتكن عادي .. بس يا ريت ، يااااااا ريت يضل بيناتكن.. في رسائل خاصة / في ماسنجر .. قعدو تناغشو لتشبعو ... بس مافي داعي تورجونا " اريحيّتكن " كليّاتا هون ..

صحي تذكرت شغلة .. ما بعرف اذا انذكرت هون او لاء - نسيت بصراحة شو قريت هديك المرة بس مالي خلق ارجع عيدو .. مانّي رح امتحن فيه انا :p -

اي المهم ، انو كأنو كان في اعتراض ع تعديل الردود ؟!
برأيي هالشغلة ما كان لجؤولها الاداريين ( بقصد باداريين امناء ومشرفين ومنسقين...) ، ما كانو لجؤولها لولا انو في عالم عم تتعدى الخطوط الحمرا بالكلام .. ما هيك ولا شلون ؟!
ما بتذكر انو بوقت من الاوقات كان في هالكميّة من تعديل الردود قد اللي عم يصير هلأ ! برأيكـ(ون) شو السبب ؟!
الادارة ماشية ع سياسة محددة .. ما عم تتغير بهالدرجة الكبيرة ... بس بالمقابل عم تجي اعداد مهولة من الاعضاء اللي بتشوف الجو كتير " كول " و"حرية" و"ديمقراطية" . بيقومو بيندمجو بالقصة دغري وبيصير عنا بدل 10 فرضاً عم نعاني من ردودهم اللي " مش ولا بد " ليصيرو 30 واكتر !

بالنهاية ، صدق اللي قال " تنتهي حرّيتك عندما تبدأ حرية الآخرين ".. يا ريت لو كل واحد بيتذكر هالشي قبل ما يكتب ردّو او يبعتو ... و رح نكون بألف خير وقتا :D

هاد رايك ...بس كمان مافي داعي لحتى تضرب بالحكي...
يعني الشي الي بناسبك عملو بس النقطة الاساسية ...انو انا عم احكي عن لسان بعض الناس يلي مو عاجبون
الوضع هون بسبب بعض تصرفات من المنسقين والمشرفين.. وحذف لمواضيع وتعديل ردود وحذفها وبطريقة استهزائية.... ومعلش وبلا ذكر اسماء بجد في كم واحد هون مفكر حالو كانو مستلم شي منظمة عالمية او عم يدير وزارة.... فاحكينا عادارة المنتدى من قبل هالكم وزير...وممكن تتغير الطريقة
هون منتدى لكل الناس ومن جميع الانحاء ....والانسان الي بيحترم نفسو البقية بتحترمو....
وبنفس الوقت عم اعطي الفرصة للتبرير ..وانا من جهتي ماشتكيت من حدا ولا حدا اشتكى مني...
بس مجرد توضيح للقصص الي عم تصير كل يوم وليعرف الكل حدودو ...ان كان من الاعضاء او من المشرفين والمنسقين...

طنش تعش

15/09/2007, 04:28

سياسة ممتازة

بس في بعض الاقسام المشرفين تبعونون مو موجودين او بيفوتو بالسنة مرة او بطلو

وهيك ولو بعتنا مليون مشاركة عاطلة ... لا رد
او لو قامت الدنيا بهداك القسم ... ما حدا حاسس

فبرأيي لازم تضيفوا بعض المشرفين والمنسقين الحركين لهدول الاقسام
هه وهي حالة ....هاد حكينا ......مشكور عاملاحظتك:D

المحارب العتيق

19/05/2008, 05:15

اه لو بتشوف كيف الأشراف هلأ . في منسق مستلم جديد . ومومصدق حالو . نازل حذف مواضيع .
عدد السهرانين اليوم بالمنتدى . نص عدد يلي كانو سهرانين مبارح . فرحان بحالو مسكين مستلم منصب :p

Government

19/05/2008, 06:01

تحية لادارة المنتدى :D

وسعدو يعنكم على ما ابتلاكم مني وجر :p

يا جماعة ما بتعرف خيرو لتجرب غيروووووووووووووو :jakoush:

اخوية وبس :deal:

اللــه يرحمك يارب .. :D

هدوء البحر

19/05/2008, 08:42

المنتدى اكتر من رائع بس بعض جماعة بحبو يعملو معلمية على غيرون

Reemi

19/05/2008, 09:35

لشو النكش؟

ناصرشكري

19/05/2008, 09:37

صح الكلام هدوء البحر:frown:

ناصرشكري

19/05/2008, 09:39

وفي ناس بتكلمهم ما بردو عليك ليش الغرور دبحهم صح هدوء البحر

المحارب العتيق

19/05/2008, 15:48

اللــه يرحمك يارب .. :D
أميين يارب

بنفسجة

19/05/2008, 15:49

وليش نكشتو الموضوع متل ما قالت ريمي:o
المنتدى عال العال والمشرفين صعبين المنال والمنسقين الله يحميهون يارب ما في احلى من هيك
والامور ميسرة والشعب عايش وكلو تمام
فليش نكتو الموضوع اه:pos:

حلبي

19/05/2008, 16:06

وليش نكشتو الموضوع متل ما قالت ريمي:o
المنتدى عال العال والمشرفين صعبين المنال والمنسقين الله يحميهون يارب ما في احلى من هيك
والامور ميسرة والشعب عايش وكلو تمام
فليش نكتو الموضوع اه:pos:

بروح بدم نفديك أخوية

منتدانا الى الأبد أخوية

عاشت عاشت عاشت أخوية

طلب أذا ممكن : أغنية لمحمد عبد الوهاب (خايف أقول اللي بقلبي )

التوقيع : مواطن :sick:

Donald Duck

19/05/2008, 16:11

وليش نكشتو الموضوع متل ما قالت ريمي:o
المنتدى عال العال والمشرفين صعبين المنال والمنسقين الله يحميهون يارب ما في احلى من هيك
والامور ميسرة والشعب عايش وكلو تمام
فليش نكتو الموضوع اه:pos:

نفسي مرة اشوفك بالمعارضة .. :frown:

بنفسجة

19/05/2008, 16:16

بروح بدم نفديك أخوية

منتدانا الى الأبد أخوية

عاشت عاشت عاشت أخوية

طلب أذا ممكن : أغنية لمحمد عبد الوهاب (خايف أقول اللي بقلبي )

التوقيع : مواطن :sick:
ههههههههههههه
ولك على راسي والله بهديك اغنية عبد الحليم حافظ (جلست والخوف بعينيها)

نفسي مرة اشوفك بالمعارضة .. ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
انا معارضة اكتر من كتير معارضة هون بس بطريقتي الخاصة وبفكري الخاث:adal::adal::adal::adal:

حلبي

19/05/2008, 16:21

ههههههههههههه
ولك على راسي والله بهديك اغنية عبد الحليم حافظ (جلست والخوف بعينيها)

يعني في النهاية الطريق مسدود :cry:

بنفسجة

19/05/2008, 16:21

يعني في النهاية الطريق مسدود :cry:
يسلملي يلي بيفهم انا:p:p

مالك الحلبي

19/05/2008, 16:26

سياسة أنية إلى أن يعادفحص الأوزان

ماغنوم56

19/05/2008, 18:01

يسلملي يلي بيفهم انا:p:p

الك مستقبل كبير بالتنسيق والأشراف
وقريبا :D

MadMax

19/05/2008, 20:05

اه لو بتشوف كيف الأشراف هلأ . في منسق مستلم جديد . ومومصدق حالو . نازل حذف مواضيع .
عدد السهرانين اليوم بالمنتدى . نص عدد يلي كانو سهرانين مبارح . فرحان بحالو مسكين مستلم منصب :p
مو ناقص غير تقول الله يرحم أخوية أيام زمان :p

يعني بيجي كل واحد جديد ما بيعرف شي عن أخوية ...
لا بالمواضيع الجدية و لا حتى بيعرف يمزح
حامل أفكار المنتديات الخليجية و بدو يسقطها هون
و فوق هاد....... بدو يقيم أخوية

الموضوع مغلق لأنو ممنوع نكش المواضيع من خارج الصفحة الاولى