بناء كنيسة أورثوذكسية في الشارقة .. [الأرشيـــــف]

Hussam dr

10/09/2007, 00:18

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
موسكو، 7 سبتمبر (أيلول). نوفوستي

سيقوم المطران كيريل ممثلا لبطريكية موسكو في التاسع من سبتمبر الحالي بوضع الحجر الأساس للكنيسة الأرثوذكسية في مدينة الشارقة (دولة الإمارات العربية المتحدة)، وهي أول كنيسة أرثوذكسية روسية في شبه الجزيرة العربية.
وقد أعلن الأب الكسندر، رئيس كاتدرائية القديس نيقولاي في طهران، في تصريح أدلى به لنوفوستي أنه "سيحضر مراسم إرساء الحجر الأساس للكنيسة ولي عهد إمارة الشارقة الشيخ عصام بن صقر القاسمي ونائب وزير الخارجية الروسي الكسندر سلطانوف".
وحظيت فكرة إقامة الكنيسة الأرثوذكسية الروسية في الإمارات العربية المتحدة بتأييد رجال الدين الإسلامي في روسيا.
وقال دامير عزت الدين نائب رئيس مجلس المفتين في روسيا في تصريح أدلى به لنوفوستي إن بناء الكنيسة الأرثوذكسية في الإمارات العربية المتحدة هو "ثمرة تعاون روسيا النشط مع الدول الإسلامية على مدى السنوات الأخيرة" وكذلك "مظاهر تطبيق الديمقراطية في البلدان الإسلامية".

Hussam dr

10/09/2007, 00:20

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

وضع حجر أساس لأول كنيسة أرثوذكسية روسية بالشارقة

[09/سبتمبر/2007] ابوظبي- سبانت: علي الزكري
أعلن هنا اليوم الأحد انه تم وضع حجر الأساس لبناء أول كنسية ارثوذكسية روسية بمدينة الشارقه في منطقة اليرموك .
وذكرت وكالة أنباء الإمارات " وام " ان الكنسية ستقام على قطعة الأرض الممنوحة من حكومة الشارقة والتي تصل مساحتها الى أكثر من الفي متر مربع وتتكلف نحو 30 مليون درهم.
وقد اقيم احتفال بالمناسبة حضره عدد من القساوسة والمطارنة الأرثودكس وجمع من أبناء الجالية الروسية لدى الدولة ومحطات التلفزة الروسية .
وأعرب يوجن جاسيتشي المسؤول الإداري بالكنيسة الأرثوذكسية الروسية عن خالص الشكر والتقدير الى صاحب السمو الشيخ الدكتور سلطان بن محمد القاسمي عضو المجلس الأعلى حاكم الشارقة على تكرمه بإهداء قطعة الأرض لإقامة الكنيسة عليها خدمة للروم الأرثوذكس الذي يصل عددهم الى 100 الف نسمة بالإمارات ويمثلون عددا من أبناء الجاليات الروسية والأوكرانية وروسيا البيضاء وكازاخستان وأزبكستان ومولدوفيا ورومانيا وبلغاريا وصربيا على اعتبار أنهم من الروم الأرثودكس .
وذكر ان تصميم مباني الكنيسة سيكون على غرار تصميم كنيسة الروس الأرثودكس في جنوب أفريقا حيث تبلغ التكلفة الإجمالية لمنشآتها نحو 30 مليون درهم وفرتها الكنيسة الأرثوذكسية وتم جمعها من أبناء الجالية
الروسية ومن المنظمات والجمعيات المسيحية الروسية والعالمية .

Government

10/09/2007, 01:14

Hussam dr

10/09/2007, 08:52

:shock::shock::shock::shock:
يازلمة خدنا بحنانك
لك انا بعرف انو بالشارقة الاركيلة ممنوعة (على اساس انو حرام)
فبدن يبنوا كنيسة هنيك :shock:

شو هالتناقض هادا ..

ع الاغلب هي اشاعات بتصوري
شكراً علمرور .. بس هي مو إشاعات لأنو حطو حجر الأساس للكنيسة ... وطلعت على قنوات روسية ... !
فمشان هيك الخبر تأكد ..
تحياتي :D

samsoum

10/09/2007, 09:45

Hussam dr

10/09/2007, 12:00

بغض النظر سواء كانت هالقصة اشاعة او حقيقة، انا بشوف انو طالما معظم دول الخليج بتعتمد بشكل رئيسي على الخبرات الاجنبية، ومنها أعداد لايستهان بها من الاوروبيين والامريكيين،عليها ان تؤمن لهم دور العبادة، سواء كنائس او غيرها.
او يعتمدو فقط على الخبرات المسلمة،ما يعني زيادة تجلي العنصرية في تلك البلاد
شكراً لمرورك ..:D
بس بحب قلك إنو مو إشاعة وهية عم تنعرض علتلفزيون بلأخبار ... والرئيس الروسي فلاديمير بوتين هوة هلأ بلإمارات ... والكنيسة إنبنت بشكل أساسي للأجانب وخاصة للروس اللي بيزيد عددون عن 100000 نسمة وهنة من الخبراء والمهندسين وغيرون فاعلين بلمجتمع ومفيدين للإمارات .. وبوتين هلأ عم يناقش ليزيد من التعاون مع الإمرات.. وأكيد هلنكنيسة بتعبر عن علاقات إمراتية روسية مميزة ,,,
:Dتحياتي

Syrian__Angel

10/09/2007, 13:02

شو مشان ما سمعنا بهيك شي لانو ما انطبلت الدنيا بهالقصة ؟!

او يعتمدو فقط على الخبرات المسلمة،ما يعني زيادة تجلي العنصرية في تلك البلاد

عفواً .. انا بعتت الرد ونسيت رد ع هالنقطة مع انو كانت ببالي ...

اول شي بحب وضّح انو بالنسبة للموضوع هو خطوة منيحة وبادرة حلوة من الامارات ..
بس بالنسبة لجملة " زيادة تجلي العنصرية " .. ما فهمت عن انو عنصرية عم تحكي ؟

المهم ، بانتظار ردّك لتوضح الفكرة :D

Government

10/09/2007, 14:28

شكراً لمرورك ..:D
بس بحب قلك إنو مو إشاعة وهية عم تنعرض علتلفزيون بلأخبار ... والرئيس الروسي فلاديمير بوتين هوة هلأ بلإمارات ... والكنيسة إنبنت بشكل أساسي للأجانب وخاصة للروس اللي بيزيد عددون عن 100000 نسمة وهنة من الخبراء والمهندسين وغيرون فاعلين بلمجتمع ومفيدين للإمارات .. وبوتين هلأ عم يناقش ليزيد من التعاون مع الإمرات.. وأكيد هلنكنيسة بتعبر عن علاقات إمراتية روسية مميزة ,,,
:Dتحياتي

هاااااااااااااااااااااااا ااااااااااااااااااااااااا اااااا
لك يازلمة قول من الاول انو الكنيسة مشان الروس والروسيات :lol:
كنت صدقتك من الاول لو قايلي مشان الروسيات ..

معلومك الروسيات يعني رزقن اكتر الشي صاير بدبي والامارات بشكل عام
فمابصير هيك لازم شوي يحولون مكان يتعدوا الله في ..

بعد فترة الشغل طبعا

Hussam dr

10/09/2007, 14:35

هاااااااااااااااااااااااا ااااااااااااااااااااااااا اااااا
لك يازلمة قول من الاول انو الكنيسة مشان الروس والروسيات :lol:
كنت صدقتك من الاول لو قايلي مشان الروسيات ..

معلومك الروسيات يعني رزقن اكتر الشي صاير بدبي والامارات بشكل عام
فمابصير هيك لازم شوي يحولون مكان يتعدوا الله في ..

بعد فترة الشغل طبعا
يعني عأساس بنات الإمارات كتييييير شرفاء :frown:

*Marwa*

10/09/2007, 14:41

يعني عأساس بنات الإمارات كتييييير شرفاء :frown:
مع اني ما بحب احكي على مسالة الشرف لانو مخزي انو الانسان يحكي على شرف بنت بس احكيلك من تجربة منشوفها كل يوم باسرائيل..باسرائيل في ملااااااااااااااااااااااا اااااان روسيات وصدقني الاغلب مستعدات يقدموا اي شي ومع مين ما كان مقابل شوية مصاري والدولة والحكومة بعرفوا هالشي وما بهمهن!!
بس شو بدك من حكومة اسرائيلية الرئيس فيها انفضح بقضية تحرش جنسي؟ :lol:

Prince of persia

10/09/2007, 14:44

فمابصير هيك لازم شوي يحولون مكان يتعدوا الله في ..

بعد فترة الشغل طبعا

جملة ملغومة حكومة بيك....للأسف...

Hussam dr

10/09/2007, 14:55

مع اني ما بحب احكي على مسالة الشرف لانو مخزي انو الانسان يحكي على شرف بنت بس احكيلك من تجربة منشوفها كل يوم باسرائيل..باسرائيل في ملااااااااااااااااااااااااااااان روسيات وصدقني الاغلب مستعدات يقدموا اي شي ومع مين ما كان مقابل شوية مصاري والدولة والحكومة بعرفوا هالشي وما بهمهن!!
بس شو بدك من حكومة اسرائيلية الرئيس فيها انفضح بقضية تحرش جنسي؟ :lol:
هلأ مشان هلموضوع الروسيات "" هي إذا بيتسمو روسيات "" اللي بيكونو من هلنوع هنة بلأساس من مناطق نائية ... يعني مو من مدن متل موسكو ... بعدين ممكن تجي وحدة من شي قرية بأوكرانيا فبيقولو عنا روسية ... ما فينا نعمم إنو كلون هيك ... بلعكس في منون كتير مناح وما عندون هلشغلات
وياريت نوقف حديث بموضوع الدعارة لأنو عم نحرف مسار الموضوع ,, !
تحياتي :D

Hussam dr

10/09/2007, 14:57

وبحب وضح إنو الكنيسة أكيد ما نعملت للروس وحدون بل لكل المسيحية بلإمارات ,,:D

*Marwa*

10/09/2007, 15:07

هلأ مشان هلموضوع الروسيات "" هي إذا بيتسمو روسيات "" اللي بيكونو من هلنوع هنة بلأساس من مناطق نائية ... يعني مو من مدن متل موسكو ... بعدين ممكن تجي وحدة من شي قرية بأوكرانيا فبيقولو عنا روسية ... ما فينا نعمم إنو كلون هيك ... بلعكس في منون كتير مناح وما عندون هلشغلات
وياريت نوقف حديث بموضوع الدعارة لأنو عم نحرف مسار الموضوع ,, !
تحياتي :D
انو اكيد مش كلهن هيك وحياتك في منهن ما في اطيب من قلبهن بس انا عم بحكي على الشريحة الكبرى!
ومعك حق مش لازم يتحرف مسار الموضوع مبروك على الكنيسة :D

*ملاحظة عالهامش :صحيح حسام متل ما قلت في روسيات كتير مناح..ابن خالي عندو جيرلفريند روسية امورة كتير ومنيحة الله يوفقهن :sosweet:

Government

10/09/2007, 15:10

يعني عأساس بنات الإمارات كتييييير شرفاء :frown:

لك هلأ انو يعني مافي انو تقول الاماراتيات من شرفاء ومافيك تعمم كمان ..
بس انو كلشي لحال ..
الامراتيات شي ..
والروسيات شي مختلف تمام :lol:
يعني مافيك تعمم ابو شريك ع الطرفين بس كل واحد مشهور بشي :lol:

جملة ملغومة حكومة بيك....للأسف...

مافهمت ابو شريك :shock::shock::shock:
شو اللي لغما

brave heart2

10/09/2007, 15:18

هلق انتو ما بعرف على شو عم تتخانقو

انا يلي ما عجبني انو ليش مثلا مو كاثوليك الكنيسة او سريان :cry:

Government

10/09/2007, 15:23

هلق انتو ما بعرف على شو عم تتخانقو

انا يلي ما عجبني انو ليش مثلا مو كاثوليك الكنيسة او سريان :cry:

ولو يازلمة مين عبتخانق ؟

الوضع روااااااااق واخر تكيف والشبيبة ع بتتناقش :larg:

وع فكرة سؤالك بمحلو

Maher 4x4

10/09/2007, 16:34

شي حلو ...

الله يوفّق تنسفّق

يعني هيي خطوة تقارب بين الحضارات ... نفس الخطوة انبحثت بالاردن ع اساس أنّو يصير في كنيسة اورثوذكسية بالاردن و الملك عبدالله ملك الاردن خصّص مساحة من الأرض مطلّة ع نهر الاردن مشان هالكنيسة ... رح تكون مزار لكل المسيحيين و حتّى لكل الاديان بالعالم باعتبارها ع نهر الاردن ...

خطوات ايجابيّة بين هالشعوب ...

الله يكتّر من هالأخبار ...

الآلهة

10/09/2007, 16:49

بدون مبالغة اذا لاحظتو انو الاسلام يلي بروسيا هن يلي
ساعدو بالموضوع لأنو المافيا الروسية ضغطت عليهم
اي سيدي المافيا ليش مستغربين
لأنو مستحيل اهل الخليج يفكرو من حالهم ويساعدو

maged-syrian

10/09/2007, 18:31

فعلاً غريب يكون هالأمر بمدينة الشارقة الأكثر التزاماً بين مدن الإمارات :shock:

يعني لو دبي منقول فيها وجهة نظر ... بس الشارقة !!!:shock:

maged-syrian

10/09/2007, 18:40

هلق انتو ما بعرف على شو عم تتخانقو

انا يلي ما عجبني انو ليش مثلا مو كاثوليك الكنيسة او سريان :cry:

يارفيق على حسب معلوماتي انت من الاخوة الملحدين !!! يعني مو فارقة معك كنيسة او كنيست او جامع !!!:shock:

شو عدا مابدا !!!

*Marwa*

10/09/2007, 19:23

يارفيق على حسب معلوماتي انت من الاخوة الملحدين !!! يعني مو فارقة معك كنيسة او كنيست او جامع !!!:shock:

شو عدا مابدا !!!

قصدك كنيس مش كنيست :D
لانو الكنيست هي برلمان النواب الاسرائيلي واللي فيه نخبة من النواب العرب ايضا يعني ممثلين الشعب!

maged-syrian

10/09/2007, 19:27

قصدك كنيس مش كنيست :D
لانو الكنيست هي برلمان النواب الاسرائيلي واللي فيه نخبة من النواب العرب ايضا يعني ممثلين الشعب!
اشكرك عالتنويه
هو هاد خطأ مطبعي وانا اكتشفته بعد الكتابة بشي 5 دقايق بس للاسف ماقدرت اعدله ... حصل خير :deal:

*Marwa*

10/09/2007, 19:32

اشكرك عالتنويه
هو هاد خطأ مطبعي وانا اكتشفته بعد الكتابة بشي 5 دقايق بس للاسف ماقدرت اعدله ... حصل خير :deal:

لا هو انا الصراحة بعد ما كتبت التصحيح خفت تكون قصدك تقول كلمة كنيس باللغة العبرية واللي هي "بيت كنيست" בית כנסת وازا لاحظت فالكنيست (مجلس النواب) هي بالاساس كلمة يهودية تخص العبادة!
وهاد الشي ان دل فيدل على انو هالدولة وحتى لو ادعت انها ديموقراطية الا انها بتطبق دينها بشكل او بآخر من ناحية رموز دولة او حتى تمييز ضد الاقليات!
على كل هاي معلومة عالهامش ومن الافضل انو الواحد يرجع للموضوع الاساسي :deal:
تحياتي :D

Hussam dr

10/09/2007, 19:48

انو اكيد مش كلهن هيك وحياتك في منهن ما في اطيب من قلبهن بس انا عم بحكي على الشريحة الكبرى!
ومعك حق مش لازم يتحرف مسار الموضوع مبروك على الكنيسة :D

*ملاحظة عالهامش :صحيح حسام متل ما قلت في روسيات كتير مناح..ابن خالي عندو جيرلفريند روسية امورة كتير ومنيحة الله يوفقهن :sosweet:
الله يوفقون ... :D

Hussam dr

10/09/2007, 19:52

هلق انتو ما بعرف على شو عم تتخانقو

انا يلي ما عجبني انو ليش مثلا مو كاثوليك الكنيسة او سريان :cry:

لأ هي ما حبيتا منك ..:frown:.

يعني شبهون الأورثوذكس ؟ ؟؟؟ بعدين مافي فرق أبو شريك كلو نفس الشي ,, :lol:

sadooka

10/09/2007, 19:56

الامراتيات شي ..
والروسيات شي مختلف تمام

أما الحلبيات فشي مختلف تماما تماما .... :o

Hussam dr

10/09/2007, 19:59

أما الحلبيات فشي مختلف تماما تماما .... :o
شكرا علمرور .. .بس بتمنى منك وبدون زعل """ الحكي للكل "" إنو ما تضلو تخرجو عن الموضوع ... يعني الموضوع مالو علاقة بلشي اللي عم تتناقشو في ..
وشكرا :D

Government

10/09/2007, 23:05

فعلاً غريب يكون هالأمر بمدينة الشارقة الأكثر التزاماً بين مدن الإمارات :shock:

يعني لو دبي منقول فيها وجهة نظر ... بس الشارقة !!!:shock:

لك يازلمة بالشارقة الاركيلة ممنوعة
شوف هالتناقض :shock:

أما الحلبيات فشي مختلف تماما تماما .... :eek:

بش شو بدك بالحكي ..
مو متل طعم الحمصيات

samsoum

11/09/2007, 02:04

بس بالنسبة لجملة " زيادة تجلي العنصرية " .. ما فهمت عن انو عنصرية عم تحكي ؟

المهم ، بانتظار ردّك لتوضح الفكرة :D
مرحبا:D
انا حكيت عن دول الخليج بشكل عام، وأكيد بقصد العنصرية الموجودة بمعظم هالدول، واللي كل مالها عم تزيد،عنصرية المواطن ضد الاجنبي، والعربي ضد الهندي والباكستاني ،والخليجي ضد العربي اللي اصوله غير خليجية:lol:
وعلى سيرة العنصرية
انا عايش بدولة اوربية من مدة طويلة، لحد هللأ ماشفت اعلان بالتلفزيون او بالجريدة بيوجه الكلام للمواطنين و المقيمين

اسف لخروجي عن الموضوع بس كان لازم رد السؤال
سلامات:D

brave heart2

11/09/2007, 04:30

يارفيق على حسب معلوماتي انت من الاخوة الملحدين !!! يعني مو فارقة معك كنيسة او كنيست او جامع !!!:shock:

شو عدا مابدا !!!

هي الفكرة ......... انت قلت الاخوة الملحدين بما انو اخوة ....من واجبي انو نبه لفكرة خطرتلي

طيب ليش مثلا ما بيبنو معبد لبوذا ...... او سعدو ,,,,؟؟؟ المهم ,,, ليش ارذودكس حصرا ...والاخ الحكومة قلك

انو فعلا هاد السؤال .... والالهة حكى شي ما بعرف يعني مدى مصداقيتو ....

قصدك كنيس مش كنيست :D
لانو الكنيست هي برلمان النواب الاسرائيلي واللي فيه نخبة من النواب العرب ايضا يعني ممثلين الشعب!

سعدو ينور عليكي .... شكرا للتوضيح :D

لأ هي ما حبيتا منك ..:frown:.

يعني شبهون الأورثوذكس ؟ ؟؟؟ بعدين مافي فرق أبو شريك كلو نفس الشي ,, :lol:

الفرق مو بين الارذودكس والكاثوليك ... ولا السنة والشيعة .....

الفرق بين الدول يلي ورا هالطوائف ... يلي عم تطوف حولنا وحولينا

حولينا ولا علينا بجاه سعدو :?

Syrian__Angel

11/09/2007, 09:51

مرحبا:D
انا حكيت عن دول الخليج بشكل عام، وأكيد بقصد العنصرية الموجودة بمعظم هالدول، واللي كل مالها عم تزيد،عنصرية المواطن ضد الاجنبي، والعربي ضد الهندي والباكستاني ،والخليجي ضد العربي اللي اصوله غير خليجية:lol:
وعلى سيرة العنصرية
انا عايش بدولة اوربية من مدة طويلة، لحد هللأ ماشفت اعلان بالتلفزيون او بالجريدة بيوجه الكلام للمواطنين و المقيمين

اسف لخروجي عن الموضوع بس كان لازم رد السؤال
سلامات:D

آآآه ، اوكي! هلأ فهمت عليك :oops:

اي بهي معك حق ... :D

بس كمان شغلة ( لو تجي لحق الحق :p ) ... هالشغلة صايرة بكل الدول " بالعاااااالم " ..
شرقي وغربي .. ما هيك؟

بظن .. انو هالشي يمكن واضح هون " وعم يتجلّى " كتير ، لتنوّع الشعوب اللي فيها ..

lolit

11/09/2007, 11:24

عفوا دخلت متأخرة على الموضوع بس تفاجأت كتير كتير عشان سمعت أنه في كنيسة بالشارقة ... طبعا ما بيهم إذا كانت كاثوليك ولا سريان ولا أرثوذكس أو حتى مارونية بس المهم صار في كنيسة وهيدا شي كتير حلو
وياريت ما تديروها روسية ودعارة عشان الخبر أهم بكتير من هيك وأله أبعاد مهمة بالعالم العربي :larg:

lolit

11/09/2007, 11:32

على راسي والله أبو حلب :lol:

Hussam dr

11/09/2007, 16:14

:Dعفوا دخلت متأخرة على الموضوع بس تفاجأت كتير كتير عشان سمعت أنه في كنيسة بالشارقة ... طبعا ما بيهم إذا كانت كاثوليك ولا سريان ولا أرثوذكس أو حتى مارونية بس المهم صار في كنيسة وهيدا شي كتير حلو
وياريت ما تديروها روسية ودعارة عشان الخبر أهم بكتير من هيك وأله أبعاد مهمة بالعالم العربي :larg:
شكراً إلك علتوضيح لأنو هاد اللي لازم يصير إنو ما نقلب الموضوع دعارة وإنو نشوف الجانب الإيجابي ..

تحياتي :D

Hussam dr

11/09/2007, 16:19

هي الفكرة ......... انت قلت الاخوة الملحدين بما انو اخوة ....من واجبي انو نبه لفكرة خطرتلي

طيب ليش مثلا ما بيبنو معبد لبوذا ...... او سعدو ,,,,؟؟؟ المهم ,,, ليش ارذودكس حصرا ...والاخ الحكومة قلك

انو فعلا هاد السؤال .... والالهة حكى شي ما بعرف يعني مدى مصداقيتو ....

بس حبيت قلك إنو حكيك منطقي ... بس يعني خطوة إيجابية منون إنو بنو كنيسة بلإمارات .. ومشان معبد بوذا ... يعني أغلب دول العالم ما فيا معابد من هلنوع .. فكيف بدك بلإمارات يكون في؟:shock: