-
دخول

عرض كامل الموضوع : كتاب و قرّاء

BL@CK
08/09/2007, 14:04
مرحبا أخواتي .. :D

بعد صفنة مطوّلة قررنا الآتي أنو على غرار موضوع اسبوع و كاتب بنفتح موضوع جديد بنحكي فيه عن كتاب بدل الكاتب بطريقة مختلفة كلياّ بس أنو هي الفكرة العامة ..

و مشان ما نطول السيرة رح يطرح واحد مننا كتاب - موجود كملفات pdf -

و يقسّم هالكتاب لفصول و نحدد فترة زمنية لقراءة كل جزء و بعد ما نقراه رح نتناغش فيّوه

مثلاً أنا رح أطرح أول كتاب و اللي هوي الأخوة الأعداء و رح قدم الكتاب و الكاتب و الذي منه ..

و رح نقسم الكتاب لعدة فصول - أول قسم رح يكون أربع فصول -

بعد ذلك منترك فترة كم يوم مثلاً أربع أيام لبين ما تقرو هالأربع فصول

و من ثمّ بيجي كل واحد بيعطينا تصورو عن هالكم فصل اللي قراهون و رأيو فيّون

و هكذا لبين ما نخلص الكتاب و بيجي واحد بعدي يطرح كتاب آخر و يستلم دفة الأمور

هي الفكرة ببساطة ..

اللي عندو أي اقتراح أو عندو رغبة يشاركنا بهالقصة فليتفضل مشكوراً :D
fofo besset syria
08/09/2007, 20:59
لك شو هالافكار الروعة هاي :lol:


يا سلام عليك :deal:

انا اول وحدة مستعدة للقراءة...بتعرف حاكم انا متفرغة حاليا :p
verocchio
08/09/2007, 21:13
فكرة رائعة يا بلاك :D

سيكون تحفيزا قويا لقراءة اكثر الكتب في المكتبة


لكن على أي أساس سيتم اختيار الكتب
BL@CK
08/09/2007, 21:20
لك شو هالافكار الروعة هاي :lol:


يا سلام عليك :deal:

انا اول وحدة مستعدة للقراءة...بتعرف حاكم انا متفرغة حاليا :p

جيد أنو كنت عم دوّر عليكي .. فاجيتي لحالك .. :lol:

يلا انتظري الحلقة الأولى .. :D

فكرة رائعة يا بلاك :D

سيكون تحفيزا قويا لقراءة اكثر الكتب في المكتبة


لكن على أي أساس سيتم اختيار الكتب

مشاركتك معنا رح تكون أروع ..

أما اختيار الكتب ف أنا حالياً اقترحت الأخوة الأعداء رح نتناقش عليّا ..

مشان ما نطول السيرة رح يطرح واحد مننا كتاب - موجود كملفات pdf -

و يقسّم هالكتاب لفصول و نحدد فترة زمنية لقراءة كل جزء و بعد ما نقراه رح نتناغش فيّوه

مثلاً أنا رح أطرح أول كتاب و اللي هوي الأخوة الأعداء و رح قدم الكتاب و الكاتب و الذي منه ..

و بس أنا خلصت فينك انت تطرح كتاب و نتناقش فيّوه و هكذا ..

شكراً لتعاونك :D
fofo besset syria
08/09/2007, 21:23
ههههه ايه انا بجي لحالي بلا تدفيش :lol:

انا ما تتوقعو اني نزل كتب (انتا بتعرف الوضع مافي داعي ننفضح علنا :p)بس الكن مني مشاركة فعالة بالقراءة...

عنجد بدون مزح فكرة عظيمة كتير :D

ناطرة الحلقة الاولى ما تتأخر علينا فيها...:D
verocchio
09/09/2007, 00:17
يمكن اقتراح ثلاثة كتب في اسبيان في أول كل أبوع والكتاب الذي يتم اختياره هو الذي يناقش
maro18
09/09/2007, 00:39
يمكن اقتراح ثلاثة كتب في استبيان في أول كل أسبوع والكتاب الذي يتم اختياره هو الذي يناقش
;)

فكرة حلوة ياريت تعملوها
butterfly
09/09/2007, 00:54
أنا معكن .. واللي بتشوفوه ..


بتحبو ... على التوالي .. يعني لنفرض ..
بلاك بيطرح كتاب
وفيريشو .. بيطرح كتاب تاني
ومارو مثلا ً .. بتطرح كتاب
" كتير مهم يتوافر عالكتاب الكترونيا ً " ما بدنا نطرح كتب توفيرها صعب

منطرح الكتب للتصويت " :? ما كانو هيك رح نطولا كتير "
والكتاب اللي بيجيب اكتر نسبة تصويت .. بيتناقش
وبيضلو الكتابين التانيين .. ليشاركو مع كتاب تالت بالأسبوع االلي بعدو وهيك
؟؟؟
لاوديسا
09/09/2007, 08:26
فكرة عن جد كانت بتنقصا للمكتبة ,, وانا معكن
بس ما تخلونا نعمل متل اسبوع وكاتب يعني نستعجل بالشغلة لاء خلونا ناخد وقتنا لنقراه يعني الوقت بيكون حسب حجم الكتاب واهميتو .. لو حتى كنا عم نقرا الملخص منو ... مجرد اقتراح لختى نستفيد
شكرا بلاك
و موفقين جميعا ..
The morning
09/09/2007, 08:32
و انا و انا بدي شارك :larg:..
بس مشغوله شويـ (( ـات )) بهالفتره و الفترات الجايه بس بشوف شو بـصير ..
:D
BL@CK
09/09/2007, 18:16
يمكن اقتراح ثلاثة كتب في اسبيان في أول كل أبوع والكتاب الذي يتم اختياره هو الذي يناقش

معلم باعتبار في واحد رح يقدم الكتاب و رح يدير النقاش فهوي حر في اختيار الكتاب ..

هيك كانت فكرة الموضوع حابين نغيرا ما في مشكلة ..

;)

فكرة حلوة ياريت تعملوها

أيا فكرة الحلوة .. هني كلون حلوات بس حددي أيا منون .. :lol:


أنا معكن .. واللي بتشوفوه ..


بتحبو ... على التوالي .. يعني لنفرض ..
بلاك بيطرح كتاب
وفيريشو .. بيطرح كتاب تاني
ومارو مثلا ً .. بتطرح كتاب
" كتير مهم يتوافر عالكتاب الكترونيا ً " ما بدنا نطرح كتب توفيرها صعب

منطرح الكتب للتصويت " :? ما كانو هيك رح نطولا كتير "
والكتاب اللي بيجيب اكتر نسبة تصويت .. بيتناقش
وبيضلو الكتابين التانيين .. ليشاركو مع كتاب تالت بالأسبوع االلي بعدو وهيك
؟؟؟

لأا ما حبيتا أنو مثلاً بجوز يفوت بالتصويت كتاب لنيتشه و أنا مثلاً بالفلسفة ما بفهم شي .. :cry:

ف رح قدم كتاب ما بفهم شي عنوه لذا برأيي ما بتنفع

:D
BL@CK
09/09/2007, 18:20
فكرة عن جد كانت بتنقصا للمكتبة ,, وانا معكن
بس ما تخلونا نعمل متل اسبوع وكاتب يعني نستعجل بالشغلة لاء خلونا ناخد وقتنا لنقراه يعني الوقت بيكون حسب حجم الكتاب واهميتو .. لو حتى كنا عم نقرا الملخص منو ... مجرد اقتراح لختى نستفيد
شكرا بلاك
و موفقين جميعا ..

توقعت مشاركتك معنا .. و أكيد رح نعطي لكل كتاب الوقت المناسب الوه ..

:D


و انا و انا بدي شارك :larg:..

بس مشغوله شويـ (( ـات )) بهالفتره و الفترات الجايه بس بشوف شو بـصير ..
:D


ممنوعة انتي من المشاركة لبين ما تخلصي الانطباعية .. :lol:
butterfly
09/09/2007, 18:32
لأا ما حبيتا أنو مثلاً بجوز يفوت بالتصويت كتاب لنيتشه و أنا مثلاً بالفلسفة ما بفهم شي .. :cry:

ف رح قدم كتاب ما بفهم شي عنوه لذا برأيي ما بتنفع

:D
لأ معلم
اللي اقترح الكتاب الفائز .. هوي اللي رح يقدم الكتاب
:fthink:
وهكذا :lol:
fofo besset syria
09/09/2007, 22:07
بس انه عهالحالة راح يروح 3 او 4 ايام بالتصويت للكتاب وبعدين لبين ما تنزلوه ونقرأ كل جزء مزبوط بروح كمان 4 ايام ولبين ما نتناقش فيه كمان 4 ايام!!

عهالحالة كل شهر دوبنا نخلص كتاب!!!

هيك كتير طويلة!!

انا برأيي انه بلاك ينزل الكتاب الي كان مقرر يبلش فيه وخلال هالوقت ينزلو اعضاء عندن كتب اقتراحاتن..وبلاك بس يخلص كتابو يختار واحد من الكتب المقترحة وهيييييييييييييك....

هيك بظن اسرع...

وطبعا الرأي الكن للاغلبية :D
The morning
09/09/2007, 22:22
بس انه عهالحالة راح يروح 3 او 4 ايام بالتصويت للكتاب وبعدين لبين ما تنزلوه ونقرأ كل جزء مزبوط بروح كمان 4 ايام ولبين ما نتناقش فيه كمان 4 ايام!!

عهالحالة كل شهر دوبنا نخلص كتاب!!!

هلا فوفو كيفك (( هدول هامش ))
انا برأي انو كتير منيح هيك لانو في ناس (( متلي :cry: )) ما عندون كتير وقت و ليقدرو يتابعو و يتمو عـ الخط
بدهم عـ الهدى ..
يعني انا برأي :larg: .. انو كتاب بالشهر منيح :? ..
:D
fofo besset syria
09/09/2007, 22:33
خلص متل ما بدكن ما عندي مشكلة بس انه كان ئصدي مشان ما يصير الموضوع فيه استبيان وقراءة وتعليق...

عكل حال الي بدكن اياه انا ماشية معه المهم تنزلولنا الكتب..لأنه الفكرة كتير بتشجع عالقراءة...

انه انا بقرأ بس ازا ما عجبني العنوان بطنش الكتاب..اما هيك بصير اقرأه شو ما كان العنوان لشارم برأيي بالمناقشة...

عالهامش*
انا تمام كتير كتير كتير :D ومروئة كتير :D
verocchio
09/09/2007, 22:47
يمكن أن نربح الكثير من الوقت
خلال الزمن الذي يتم في مناقشة كتاب يتم التصويت للكتاب الذي يليه
فكل كتاب يتطلب أسبوع للقراء وأسبوع للنقاش
ومن لم يتمكن من اتمام الكتاب في أسبوع له أن يتمه في الأيام الأولى من الأسبوع الثاني ويبدأ في التدخل من اليوم الذي يتم فيه الكتاب

هكذا يمكن مناقشة كتابين كل شهر
ومعرفة الكتب المبرمجة للأسابيع القادمة
verocchio
09/09/2007, 22:49
اقتراح

لما لا يتم في الأربعة أو ثلاثة أيام المقبلة وضع الكتب للتصويت
وبذلك يبدا كل شيء مع أول ايام رمضان
butterfly
09/09/2007, 22:53
برأيي انو نبدأ حاليا ً بالكتاب اللي رح نقراه مع بلاك
ويحدد الشخص اللي رح يستلم الكتاب التاني ...
:) حلو انو نقرا خيارات بعض ..
تجربة جديدة ومنوعة .. .
fofo besset syria
10/09/2007, 00:08
هلأ اهم شي انو نبلش بلا ما نضوع وقت بالكتاب الي اقترحو عابد...وخلال القراءة بنتفق على الكتاب الي بعدو...

يعني شغلة شغلة :D

يلا يلا انا متشجعة كتير وما عم بلش بكتاب من الي عندي مشان بلش معكن بالقراءة :D
verocchio
10/09/2007, 11:20
نظرا لأن بلاك اقترح الفكرة
ليكن الكتاب الذي يريده أول الكتب
حتى لا نخسر مزيدا من الوقت الآن في التصويت

ومن خلال التجربة الأولى سنجد سوية الشكل المناسب للمرات القادمة

;)
BL@CK
10/09/2007, 17:17
اي اي عندي اقتراح باعتبار قربنا نبدا

أنو العضو اللي معنا و بتعرفوه بيقرا .. بعتولوه كرت مدهب مشان يتفضل يشاركنا بهالتظاهرة .. :lol:
verocchio
10/09/2007, 17:59
لكي نعرف عدد الذين سيشاركون

يعتبر موافقا كل من يضم أي مشاركة في هذا الموضوع
MadMax
10/09/2007, 18:21
لكي نعرف عدد الذين سيشاركون

يعتبر موافقا كل من يضم أي مشاركة في هذا الموضوع
ليش لحتى تحددو المشاركين بالموضوع
ليش ما بتكون الدعوة دائمة و مفتوحة
BL@CK
10/09/2007, 18:26
الدعوة مفتوحة معلم .. و ميت أهلا و سهلا ..

بس القصد أنو بدنا أكثر عدد من المشاركين .. ما أكتر من هيك ..:D
butterfly
10/09/2007, 18:26
ليش لحتى تحددو المشاركين بالموضوع
ليش ما بتكون الدعوة دائمة و مفتوحة
انا بأيد هالفكرة
:D
verocchio
10/09/2007, 18:27
هو بالأساس الدعوة دائمة ومفتوحة

ولكن من أجل نبدأ من الأفضل ان يتوفر عدد كاف

لأن كل رأي يحسن أكثر في الفكرة
معروف بن جمر
10/09/2007, 21:12
فكرة رائعة وحلوة كتيير

انشالله مانقطع عنها بشهر رمضان لانه بكون مضغوط شوي
fofo besset syria
10/09/2007, 23:47
هلأ انتو نزلو الكتاب واكيد كل مين بفوت وبشوف الموضوع وبحب يشارك فيه بتابع معنا بالكتاب الموجود..
:D

عابد ايمت بدك تبلش بكتابك؟

ولازم نحدد لكل كتاب فترة بتكفي الكل مشان يقرأوه حسب حجم الكتاب ونحددها من اول ما ينزل الكتاب مشان كل واحد يزبط وقته عالتمام لنتناقش بالكتاب سوا كلنا..

:yahoo::yahoo:
ليندا
10/09/2007, 23:59
حلوة هالفكرة :gem:


انا برأي انو كتير منيح هيك لانو في ناس (( متلي :cry: )) ما عندون كتير وقت و ليقدرو يتابعو و يتمو عـ الخط
بدهم عـ الهدى ..
يعني انا برأي :larg: .. انو كتاب بالشهر منيح :? ..
:D


مزبوط مافي وقت وخصوصي هلاء يعني دراسه + رمضان= ضغط شديد :sick: بقى خلوا كتاب واحد بالشهر
يرضى عليكن :D
Geeny
11/09/2007, 00:02
يا ريت بس لما تبلشوا الموضوع ينحذفوا هي الردود او ينفتحلون موضوع لحالون ليضل للموضوع خصوصيتو بركي ميمو بتعملنا هالشغلي ولو عم نتغالظ عليا ;)
maro18
11/09/2007, 00:08
الفترة الجاية دى رمضان والكل هيكون مشغول جدا ياريت يعنى يكون الوقت اطول

الموضوع فكرته حلوة جدا ياريت يعنى نساعد على نشر الموضوع دة فى اعضاء كتير عارفين اهمية القراءة بس لا فى وقات ولا فى خلق انهم يقروا
فياريت يعنى عند البدء فى اى كتاب يتنوه عنه فى الصالون او السقيفة انه هيتناقش الكتاب وهيكون على فترة بحيث انه الناس تتشجع انها تقرا بالتقسيط شوية وتشارك فى مناقشة الكتاب
verocchio
11/09/2007, 00:41
يا ريت بس لما تبلشوا الموضوع ينحذفوا هي الردود او ينفتحلون موضوع لحالون ليضل للموضوع خصوصيتو بركي ميمو بتعملنا هالشغلي ولو عم نتغالظ عليا ;)

من الأفضل ان يكون لكل كتاب موضوع على حدة حتى لا تتلخبط الأمور خاصة للملتحقين من بعد

ويبقى مكان منفصل للاقتراحات
verocchio
11/09/2007, 00:44
الفترة الجاية دى رمضان والكل هيكون مشغول جدا ياريت يعنى يكون الوقت اطول

الموضوع فكرته حلوة جدا ياريت يعنى نساعد على نشر الموضوع دة فى اعضاء كتير عارفين اهمية القراءة بس لا فى وقات ولا فى خلق انهم يقروا
فياريت يعنى عند البدء فى اى كتاب يتنوه عنه فى الصالون او السقيفة انه هيتناقش الكتاب وهيكون على فترة بحيث انه الناس تتشجع انها تقرا بالتقسيط شوية وتشارك فى مناقشة الكتاب

أنا معك على طول
The morning
11/09/2007, 01:17
يا ريت بس لما تبلشوا الموضوع ينحذفوا هي الردود او ينفتحلون موضوع لحالون ليضل للموضوع خصوصيتو بركي ميمو بتعملنا هالشغلي ولو عم نتغالظ عليا ;)
:Dمسا الخير ..

بتعرفي عنجد حلو اقتراحك ..
بس لفتني انو عزبتي حالك و فتي عالموضوع و قريتي كل الاقتراحات
و ما طلع معك غير هالسمايلي الفهماني :p
بقصد يعني الاقتراح ما بيخدم الفكره :?
انو اي عاساس ارتب بس ما طلع معك غيرو بفيد اكتر :cry:?!
و الله يعطيكي القوه و العافيه :adal:لانو انتي كمان عم تتعبي معنا :shock:

:D:D
BL@CK
11/09/2007, 01:20
هلأ انتو نزلو الكتاب واكيد كل مين بفوت وبشوف الموضوع وبحب يشارك فيه بتابع معنا بالكتاب الموجود..
:D

عابد ايمت بدك تبلش بكتابك؟

ولازم نحدد لكل كتاب فترة بتكفي الكل مشان يقرأوه حسب حجم الكتاب ونحددها من اول ما ينزل الكتاب مشان كل واحد يزبط وقته عالتمام لنتناقش بالكتاب سوا كلنا..

:yahoo::yahoo:

سوف نبدأ غداً .. :lol:

انتظرينا على أحر من الجمر .. :oops:

حلوة هالفكرة :gem:



مزبوط مافي وقت وخصوصي هلاء يعني دراسه + رمضان= ضغط شديد :sick: بقى خلوا كتاب واحد بالشهر
يرضى عليكن :D

اي بصغري كانو يندهولي فكار أبو هالأفكار .. :lol:

هزا يا ستي ما عرفتك يا دريسة .. بس يلا شو بدنا نسوّي عم نشحد قراء .. :p

أهلين بلندوووش .. و هوي عالأغلب رح يصير كل شهر كتاب .. :D

يا ريت بس لما تبلشوا الموضوع ينحذفوا هي الردود او ينفتحلون موضوع لحالون ليضل للموضوع خصوصيتو بركي ميمو بتعملنا هالشغلي ولو عم نتغالظ عليا ;)

أوامر جيني خانوم .. هوي الفكرة رح ينزل موضوع مثلاً

الأخوة الأعداء - كتاب و قرّاء 1 .. خلصنا من هاد بنزل واحد تاني : BL@CK (BL@CK) - كتاب و قراء 2 و هكزا ..

ف هاد الموضوع بتقدري تقولي عنه ما يطلبه الجمهور ..

حللتم أهلاً و نزلتم سهلاً .. :D
الفترة الجاية دى رمضان والكل هيكون مشغول جدا ياريت يعنى يكون الوقت اطول

الموضوع فكرته حلوة جدا ياريت يعنى نساعد على نشر الموضوع دة فى اعضاء كتير عارفين اهمية القراءة بس لا فى وقات ولا فى خلق انهم يقروا
فياريت يعنى عند البدء فى اى كتاب يتنوه عنه فى الصالون او السقيفة انه هيتناقش الكتاب وهيكون على فترة بحيث انه الناس تتشجع انها تقرا بالتقسيط شوية وتشارك فى مناقشة الكتاب

عين الموالي تحرسكون كل واحد بيعرف نص الأخوية بكم رسالة خاصة بصير عنّا ألف قارء و قارئة ..

مالنا غير شغلة الكروت المدهبة ..

أنو أهلاً بالجميع و شكراً لتفاعلكم مع الموضوع ..

منقول بإذن سعدو واحداً أحد غداً سوف نبدأ .. :D
butterfly
11/09/2007, 07:37
يا ريت بس لما تبلشوا الموضوع ينحذفوا هي الردود او ينفتحلون موضوع لحالون ليضل للموضوع خصوصيتو بركي ميمو بتعملنا هالشغلي ولو عم نتغالظ عليا ;)
جنجون :lol: عم تبيعي مي بحارة السقايين ...

الكتب رح تنزل .. بمواضيع .. منفصلة .. ورح تتفهرس بالرد الأول من هالموضوع ...
:D
لاوديسا
12/09/2007, 08:43
شو منشان انو طلعت نايمة بالخسة ع قولة الموسيقار :pos:
كانو فهمانة الموضوع غلط انا

مو على اساس راح نقرا ملخص الكتاب من ايد اللي راح يختارو ونعرف رايو فيه وبعدين نتناقش ولا شو

يعني مو الكتاب
butterfly
12/09/2007, 09:35
شو منشان انو طلعت نايمة بالخسة ع قولة الموسيقار :pos:
كانو فهمانة الموضوع غلط انا

مو على اساس راح نقرا ملخص الكتاب من ايد اللي راح يختارو ونعرف رايو فيه وبعدين نتناقش ولا شو

يعني مو الكتاب
لأ حبيبي الكتاب ...
كلو بس على أجزاء

:D
محمد عزت رياض محمود
14/11/2007, 10:53
مرحبا أخواتي .. :D

بعد صفنة مطوّلة قررنا الآتي أنو على غرار موضوع اسبوع و كاتب بنفتح موضوع جديد بنحكي فيه عن كتاب بدل الكاتب بطريقة مختلفة كلياّ بس أنو هي الفكرة العامة ..

و مشان ما نطول السيرة رح يطرح واحد مننا كتاب - موجود كملفات pdf -

و يقسّم هالكتاب لفصول و نحدد فترة زمنية لقراءة كل جزء و بعد ما نقراه رح نتناغش فيّوه

مثلاً أنا رح أطرح أول كتاب و اللي هوي الأخوة الأعداء و رح قدم الكتاب و الكاتب و الذي منه ..

و رح نقسم الكتاب لعدة فصول - أول قسم رح يكون أربع فصول -

بعد ذلك منترك فترة كم يوم مثلاً أربع أيام لبين ما تقرو هالأربع فصول

و من ثمّ بيجي كل واحد بيعطينا تصورو عن هالكم فصل اللي قراهون و رأيو فيّون

و هكذا لبين ما نخلص الكتاب و بيجي واحد بعدي يطرح كتاب آخر و يستلم دفة الأمور

هي الفكرة ببساطة ..

اللي عندو أي اقتراح أو عندو رغبة يشاركنا بهالقصة فليتفضل مشكوراً :D

يمكن اقتراح ثلاثة كتب في اسبيان في أول كل أبوع والكتاب الذي يتم اختياره هو الذي يناقش

أنا معكن .. واللي بتشوفوه ..


بتحبو ... على التوالي .. يعني لنفرض ..
بلاك بيطرح كتاب
وفيريشو .. بيطرح كتاب تاني
ومارو مثلا ً .. بتطرح كتاب
" كتير مهم يتوافر عالكتاب الكترونيا ً " ما بدنا نطرح كتب توفيرها صعب

منطرح الكتب للتصويت " :? ما كانو هيك رح نطولا كتير "
والكتاب اللي بيجيب اكتر نسبة تصويت .. بيتناقش
وبيضلو الكتابين التانيين .. ليشاركو مع كتاب تالت بالأسبوع االلي بعدو وهيك
؟؟؟

رائع جداً.
ولكن وين صرتوا .
خلينا نشّط هلفكرة ونقوّيها
أشكر الأخ Black على الفكرة ولكن المتابعة مهمه ليس فقط من قبل الذي يطرح الكتاب بل من أي شخص آخر وأنا أقترح مشرفة المكتبة للإشراف العام والتدخل عند الحاجة أو في كل مرة يتطوع شخص للإشراف على الكتاب وتنظيم النقاش والأفكار ناطر رد مشرفة المكتبة .
كمان طرح هذا الموضوع في الصالون وإيجاد قسم الصالون الأدبي والفكري أمر جيد لتنشيط جميع الأعضاء وخلق جو جميل للتفاعل والتواصل من خلال الكتاب ومفاعيله .
ودمتم
verocchio
17/11/2007, 15:55
يبدو ان الفكرة لم تنجع
حتى الجزء الاول لم يقرأه اكثر من اربعة أشخاص