ايها المسيحيون السوريون لا تظنوا انكم عرب بعد الآن
للأسف الغالبية العظمى منكم تظن ذلك
فمع مرور الزمن ومع سيطرة اللغة العربية على المنطقة اهملت اللغات الأصلية
وتلاشت تقريبا باستثناء بعض المناطق المحدودة
فالمسيحيين في سوريا على اختلاف طوائفهم ينحدرون من اصول آرامية-يونانية
مع بعض الأستثناءات القليلة جدا
فالآراميين هم سكان البلاد الأصليين وقد امتزجوا مع اليونانيين الذين قدموا الى المنطقة
منذ القرن الرابع قبل الميلاد
وأرجو الاّ يفهم من هذا الكلام اني اريد التهجم على العرب أو تغذية النعرات الطائفية
على العكس، ايضا نسبة كبيرة من المسلمين السوريين ينحدرون من نفس الأصل
انا اقول هذا فقط لأنها الحقيقة
ومن يستطيع اثبات العكس فليتفضل
وشكرا

يعني شو طلعنا بالاخير :confo: :confo: :confo:

عرب عرب عرب عرب :gem: :gem:

عرب عرب عرب عرب :gem: :gem:
:gem: :gem: :gem: :gem: :gem: الى الابد :gem:

يعني لشو بدنا نوصل من الموضوع !!
انا براي مادت عم تحكي عربي و تاكل اكل عربي و خلقت بارض عربية ف انت عربي -طبعا في شروط تانية :D -

هذا الموضوع مادخلوا بحوار الأديان

هذا الموضوع مادخلوا بحوار الأديان
يعني لشو بدنا نوصل من الموضوع !!
انا براي مادت عم تحكي عربي و تاكل اكل عربي و خلقت بارض عربية ف انت عربي -طبعا في شروط تانية -

مرحبا شباب و صبايا

هذا الموضوع مادخلوا بحوار الأديان

معك حأ اخ محبة الموضوع فعلا مكانو المنبر الحر و بتشكرك ع نقلو :D


انا براي مادت عم تحكي عربي و تاكل اكل عربي و خلقت بارض عربية ف انت عربي -طبعا في شروط تانية

عال كتير...
رح امشي معك و رح ضيف عليهم كمان غالبية الدين الواحد (الاسلامي)
و رح بلش بالاكل....
في شي اسمو المطبخ الشامي و المطبخ التلياني و المطبخ الصيني و ....بس ما في شي اسمو المطبخ العربي
إلا اذا اعتبرناه مكون من اكلتين تلاتة يللي هنين المنسف و الكبسة و البرياني (علما انها اكلة هندية)

المطبخ هوي نوع من انواع الثقافة البشرية يللي بتنتقل من شعب لشعب بغض النظر عن الحواجز و الحدود متل الموسيقا تمام
يعني لو بدي امشي ع رأيك معناتا انو اذا اكلنا معكرونا صرنا تليان؟؟؟؟ (علما انو المعكرونا اكلة صينية و نقلا ماركو بولو ع ايطاليا)
او اذا اكلنا السوشي صرنا يابانية؟؟؟ او المسقعة صرنا يونان؟؟؟؟ طبعا لأ و المطبخ لا يمكن اعتبارو عامل من عوامل تشكل الأمم لأنو ثقافة و ليس حضارة و يللي بيشكل الامم هيي الحضارة
و الاهم انو الاميركان رح يطلعوا ما بيشكلوا امة وحدة لأنو ما عندهم مطبخ مستقل بزاتو و مطابخهم عبارة عن مزيج من المطابخ التانية

تاني شي اللغة + الدين:
بناءا على هالكحي معناتا لازم تكون اميركا اللاتينية دولة وحدة و بامتياز كمان ... لأنو كل الشعوب اللاتينية بتحكي لغة وحدة (عدا البرازيل) و الاهم انو بتعتنق مو ديانة وحدة بل طائفة وحدة و هيي اللاتينية (و من هون اجت التسمية)
و الانكى انو لو بدنا نعتمد على هالحكي معناتا لازم سويسرا تصير 4 دول، و العراق 6 ، و ايران 9 و الهند 300 و الصين كذا الف
لأنو ما عندهم لغة وحدة و لا دين واحد

ضل شغلة وحدة و هيي الارض....
العرف بتسمية الارض ان يقوم الجيران بالتسمية و هاد عرف وجد منذ الازل طبعا يستثنى الاراضي المكتشفة حديثا يللي العرف فيها انو يسميها المكتشف متل اوستراليا او الاميركيتين او القطبين ...الخ، لكن بالنسبة للعالم القديم فيللي بيقوم بالتسمية هوي الجار
يعني ايران مثلا سماها السوريين و اليونانيين بلاد فارس و سماها العرب خراسان و اتخذت تسميتها الحالية من قبل المغول
و مصر ذات الشي ...سماها اليونان و السوريين ببلاد القبط (ايجبت egypt ) و اتخذت تسميتها الحالية من قبل العرب
لحتى نشوف الارض يلي عايشين عليها هل هيي عربية او لأ رح نرجع للخرايط القديمة يلي رسمها اليونانيين و الرومان و الفرس و رح نلاقي انو كل الشعوب سمت هي الارض بسوريا (نسبة الى آشور) و ميزوها تماما عن الارض العربية يلي هيي الجزيرة العربية
و الجيد بالموضوع انو غالب الشعوب يلي احاطوا بسوريا كانوا متحضرين يعني بيرسموا خرايط دقيقة
المصدر التاريخي الوحيد يلي ما اعتبر هي الارض سورية بامتياز هوي الكتاب المقدس نتيجة التخلف النسبي لليهود بهداك الوقت عن باقي الشعوب المحيطة به و مع ذلك الكتاب المقدس ما ذكر ابدا انو هي الارض عربية

بقي العوامل التانية
هلأ شو ما كانت هي العوامل سواءاً كانت حجم التجارة البينية او العادات او .... فهيي السبب يلي بيخلينا نخربط و نعتبر انو السوريين عرب

رح اكتفي بالرد على اطرميز زيتون لأنو الكهربا عم تلعب كتير و رح رد على وليد بمداخلة تانية بدءا بموضوع الاعراق و انتهاءا بالوضع المسيحي السوري مرورا بالمشكلة السورية :D

ايها المسيحيون السوريون لا تظنوا انكم عرب بعد الآن
للأسف الغالبية العظمى منكم تظن ذلك
فمع مرور الزمن ومع سيطرة اللغة العربية على المنطقة اهملت اللغات الأصلية
وتلاشت تقريبا باستثناء بعض المناطق المحدودة
فالمسيحيين في سوريا على اختلاف طوائفهم ينحدرون من اصول آرامية-يونانية
مع بعض الأستثناءات القليلة جدا
فالآراميين هم سكان البلاد الأصليين وقد امتزجوا مع اليونانيين الذين قدموا الى المنطقة
منذ القرن الرابع قبل الميلاد
وأرجو الاّ يفهم من هذا الكلام اني اريد التهجم على العرب أو تغذية النعرات الطائفية
على العكس، ايضا نسبة كبيرة من المسلمين السوريين ينحدرون من نفس الأصل
انا اقول هذا فقط لأنها الحقيقة
ومن يستطيع اثبات العكس فليتفضل
وشكرا


أنا بدي أتشكر الأخ أو الأخت OA على هل الموضوع المهم وحابب ضيف شوي من عندي لكل يلي حابب يناقش هل فكره
يعني قبل الفتوحات الأسلاميه أو قبل كل الدعولت الدينيه سوريا ما كان فيها ناس يعني كانت أرض قاحله ما حدى فيها وأجو العرب هنه وسكنوها لا طبعا سوريا أكتر بلد في العالم كان فيه حضارة حتى قبل الحضاره الأغريقيه أو الرومانيه
كانو الفينقين و الأشورين و الارمين و........الخ كانو سكانها الأصلين
يعني أقدم أبجديه في العالم هي عنى تم العثور عليها برأس شمرا وأقدم عاصمه بتاريخ هي دمشق يعني عمر الحضاره السوريه أذا فينا نقول كبير جدا وشواهد كتيره من مدن وأثار
ولاكن ولللأسف الشديد مع ظهور الديانات السماويه بدئت الحضارات في سوريا تنحسر بشكل كبير فمع بدايه ظهور ديانات جديده غير القديمه يلي كانت منتشره بمنطقتنا الناس صارو يتبعوها ويعتبروها مقاس لحضارتهم ولقوتهم
ولللأسف الشديد جدا جدا مع وصول العرب ووصول الدعوه الأسلاميه ألى سوريا حصلت الكارثه الأكبر فطريقه نشر الدعوه الأسلاميه كانت غلط يعني يا بتأسلم يا بتدفع جزيه يا بتقتل بقا هشي هو يلي همش تاريخ سوريا الحضاري وخلانا نساه

فالمسيحيين في سوريا على اختلاف طوائفهم ينحدرون من اصول آرامية-يونانية

مزبوط يلي أسلم تزاوج مع العرب وأصبح مثلهم ويلي دفع الجزيه تم عم بيمارس شعأره الدنيه وهم المسيحين الحالين أحفاد السكان الأصلين
أذافينا نقول ويلي مابدو مات

بقى موضوع العروبه أنا مابحبو كتير ليش للأنو يلي عم بينادي بلعروبه بحب زكرو بشغله
منوين أجو العرب على سوريا من شبه الجزيره العربيه يعني من الصحراء يعني بدو
أما السورين الأصلين فهم أبناء مدن متحضرين مو بدو رحل

ومتل ما قلت الشواهد على حضارة سوريا كتيره يعني سوريا أرض للحضارات

هذا الموضوع مادخلوا بحوار الأديان

:? :? :?
ولا دخلو بالمنبر ما دخلو بشي :?
يعني شو المطلوب :?

مرحبا شباب
مشكور ابو النسيم ع ردك :D
الموضوع بالنسبة لألي مسألة حياة او موت لأنو كل الناس عرفانة وين تحط رجلا إلا نحنا
الفرنسيين عرفانين انو امتهم فرنسية و ذات الشي الالمان و الروس و اليابانية .... لك حتى المصريين اتكلوا ع الله و فهموا انهم مصريين اولا و بعدين عرب مشان يستفيدوا من العروبة .... إلا نحنا ما اجانا من العروبة غير وجع راص و لهلأ ما فهمنا أرعة ابونا وين

مشان هيك حابب اتوسع شوي بالموضوع ....
هلأ في نقطة مهمة كتير ...و هيي العرب
العرب عربين:
عرب عاربة:
و منها بنو تغلب (تبع الزير) و بنو كندة (تبع امرؤ القيس) و بنو غسان يلي سكنوا بحوران
هي العرب هاجروا من الجزيرة العربية لسوريا و سكنوا ادام الاراميين و الكنعانيين و الكلدان و الاشوريين و .... الخ و صاروا جزء من القومية السورية بمرور الزمن و هنين يلي حكوا باللغة العربية الحالية (يعني لغة القرآن) و امتهنوا الزراعة مع الحرب و الرعي يلي هيي مهنة العرب الاساسية
و جزء منهم امتهن التجارة و زبطت معو و رجع ع موطنو الاصلي و سكنوا مكة (بنو قريش)

و عرب مستعربة:
و هيي قبائل بدوية عربية بقيت بالجزيرة و باليمن و ما في مصادر موثوقة عنهم غير باليمن و شوية اشعار قديمة ... المهم انو هي العرب ما كانت تحكي عربي و تعلموا العربي من العرب العاربة (مشان هيك هديك عاربة و هي مستعربة) بس هدول عرب اصليين يعني ضلوا بالجزيرة العربية و ما تركوها لوأت ما بلشت الفتوحات الاسلامية (للتفاصيل راجعوا تاريخ سوريا للمؤرخ فيليب حتي)

قصدي من اللعي يلي فوأ انو في فعلا جزء من السوريين عرب و من زمان كمان و مساهمين ببناء الحضارة السورية. لكنهم جزء فقط من السوريين
يعني حاليا في ارمن بسوريا بس كمان 100 سنة بيصيروا سوريين و ما الهم علاءة بالارمن غير انو اصلهم من هنيك ....و ذات الشي الاكراد ... و السريان و ....الخ
لذلك ما ممكن نعتبر انو سوريا عربية .... جزء منها عربي و جزء كبير كمان لكن سوريا سورية تماما و العرب يلي فيها صاروا سوريين

هي بالنسبة للسوريين عموما ... و انشالله تكونوا فهمتوا انو العلاك يلي علمونا ياه بكتب القومية هوي علاك مصدي ما لو اي صحة

هلأ منجي للسوريين المسيحيين ..
الامة السورية بالاساس امة مسيحيية خالصة و انتشرت فيها المسيحية بقوة قبل ما تنتشر بأي محل تاني ... و منها انطلقت لباقي الشعوب

لكن بعد ما يسمى بالفتح الاسلامي للشام انتشر الاسلام بجانب المسيحية و تعايشوا مع بعض بعلاقة عضوية متعدية لحد ما قرر السلطان عبد الحميد انو ينهي الوجود المسيحي بسوريا و عندها بلشت اعداد المسيحيين بالتناقص و بدأت تظهر النعرات الطائفية
علما انو ميثاق عمر واضح بهالخصوص و ما ممكن انو يتأول او يتعدل
المهم انو المسيحيين بدأوا يتعرضوا للابادة و بلشنا نقل لوأت ما صرنا فقط 10% من السوريين :( بعد ما كنا اكتر من 60%

هلأ النقطة الاهم: و هيي ليش نحنا فايتين بالحيط و ما عم نفهم نحنا شو؟؟؟
في كتير اسباب
1- متل ما حكيت فوأ لأنو جزء من العرب سوريين
2-نتيجة الاحتلال (او الفتح) العربي لسوريا
3-تمركز العاصمة الاسلامية لفترات طويلة بمدن سورية متل دمشق و حلب
4-و الاخطر:
انو سوريا ما ساهمت بالحضارة الانسانية ..... لأ
سوريا هيي الحضارة الانسانية هيي يلي اسست الحضارة و باقي الشعوب و الامم ساهمت بكمالة هي الحضارة
سوريا طلعت القوانين (حمورابي) و الابجدية (اوغاريت و بيبلوس) و الاديان السماوية كلها (حتى الاسلامية يلي طلعا عربي صح بس اصلو سوري ) و الصفر (اخترعو الراهب سيفروس السوري) و يلي نقل علم الرياضيات لمستويات تانية و معظم العلوم و معظم الفلسفات تأسيسها كان على يد السوريين
بالاضافة لأكتر من 22000 اختراع منستعملهم بحياتنا اليومية متل ما منستعمل المياه متل الصباغ و الجينز و البيرة و الخمر و الدولاب و ....الخ
نتيجة لذلك لو قلنا انو السوريين روس مثلا ممكن انو يكون فيها وجهة نظر
مشان هيك قيل "لكل انسان وطنان .... وطنه الاصلي و سوريا ام الانسان"

يعني بيكفي انك تكون انسان لحتى تكون سوري :gem:

مشكورين لأنكم تحملتوني :D

مشكور على ردك الجميل والرائع جدا

إلا نحنا ما اجانا من العروبة غير وجع راص و لهلأ ما فهمنا أرعة ابونا وين

ياترى السبب شو المشكلة فينا لان نحنا مفكرين حالنا افهم من العالم كلون ونحنا ...............؟؟؟؟؟؟؟؟؟؟


الامة السورية بالاساس امة مسيحيية خالصة و انتشرت فيها المسيحية بقوة قبل ما تنتشر بأي محل تاني ... و منها انطلقت لباقي الشعوب

هاد حكي مزبوط ولا عليه اي اعتراض

وبصراحة اكتر ماعاد فيني ضيف اي حكي بعد ماكتبوا الاخ فوق لان كل يلي كتبوا ماعليه اي نقاش

بس اكتر شي لفتلي نظري اخر جملة ويلي هو

يعني بيكفي انك تكون انسان لحتى تكون سوري

جملة رائعة جدا لا بل مؤثرة
وكل الشكر الك اخي الكريم
:D :D :D :D :D :D

يسلمو أخ كريمبو على هل الشرح الجميل
بس في نقطه الأخs1 daoud طرح سؤل حلو
ياترى السبب شو المشكلة فينا لان نحنا مفكرين حالنا افهم من العالم كلون ونحنا ...............؟؟؟؟؟؟؟؟؟؟


أنا برئي سبب المشكال كلها هو العروبه وأنتمانها لها كيف
يعني تاريخ الحضاره العربيه لو أجينا نقارنو مع تاريخ الحضارات يلي مرت على سوريا بنلاقي كتير صغير ومافي أي أنجازات بترفع الراس والعروبه ما قدمت كتير للحضاره الأنسانيه متل الحضارات يلي كانت على الأرضي السوريا( طبعا الأرض السوريه هي سوريا الطبيعه ما بقتصر على البلد يلي عليشين في وبس)
و 70%من العلماء والأطباء العرب يلي على أساس بنرفع راسنا فيهون أذا بترجع للأصلون بتلاقي يا فارسي أو من آسيا الوسطى أوأو...
بس وللأسف الشديد أنو بحجه أنضمامون لللأسلام ساويناهون عرب وأصلان العرب ما تمدنو وما صارو ألى من بعد فتحهون لبلاد الشام
وشافو هل المدن وهل القلاع وهل الحضاره يلي كانت موجوده لحتى تأثرو فيها شوي أو تمدنو شوي

بقى العرب هن سبب المشكلة العرب متل ما قلت جماعه بدو والبدوي بيفرق كتي عن أبن المدينه أو المدني بتفكيرو وبيعاداتو وحتى بيثقافتو
بقى هدا هوة السبب يلي مخلينا متخلفين عن كل الأمم الآخرا
العادات السيئه يلي حملوها العرب معهون ويلي جبرونا أنو نتبعها ونتغنا فيها

هذا الموضوع مادخلوا بحوار الأديان

:? :? :?
ولا دخلو بالمنبر ما دخلو بشي :?
يعني شو المطلوب :?
الموضوع ما دخلو بحوار الأديان مظبوط
بس انت ما دخلك بالموضوع

شكرا يا كريمبو ع هالرد المرتب

يعني لشو بدنا نوصل من الموضوع !!
انا براي مادت عم تحكي عربي و تاكل اكل عربي و خلقت بارض عربية ف انت عربي -طبعا في شروط تانية :D -
اذا انت مفكر انو سوريا ارض عربية بتكون غلطان
وانا عمأحكي عربي للأسف لأنو مابعرف غيرا

انا أخ مو أخت وشكرا يا ابو النسيم

الموضوع ما دخلو بحوار الأديان مظبوط
بس انت ما دخلك بالموضوع

:D شكرا :D :D



اذا انت مفكر انو سوريا ارض عربية بتكون غلطان
وانا عمأحكي عربي للأسف لأنو مابعرف غيرا


المهم انو سوريا عربية أو أميركية أو هندية بالنهاية :hart: :hart: سورية :hart: :hart:

:D عندي تعقيب على هل الموضوع بشكل مفصل اكتر وتصحيح للبعض الاخطاء التي وردت بس بدي وقت للاستقبل المهنيين وارد على الرسائل والبرقيات والفاكسات اللي بتهني عودتي للاخوية. انتظروني :D

عندي تعقيب على هل الموضوع بشكل مفصل اكتر وتصحيح للبعض الاخطاء التي وردت بس بدي وقت للاستقبل المهنيين وارد على الرسائل والبرقيات والفاكسات اللي بتهني عودتي للاخوية. انتظروني


:jakoush: :jakoush: :jakoush: :jakoush: :jakoush: :jakoush:
:mrgreen: :mrgreen: :mrgreen: :mrgreen: :mrgreen: :mrgreen:
:x :x :x :x :x :x :x :x :x :x :x :x
:evil: :evil: :evil: :evil: :evil: :evil: :evil: :evil:
:aah: :aah: :aah: :aah: :aah: :aah: :aah: :aah: :aah: :aah:
:

عندي تعقيب على هل الموضوع بشكل مفصل اكتر وتصحيح للبعض الاخطاء التي وردت

اهلين احمد وبرجوعك
ونحنا ناطرين تعقيبك على الموضوع
بس ياريت بمنظور علمي بعيد عن اي تحيز

مع الشكر

:D عندي تعقيب على هل الموضوع بشكل مفصل اكتر وتصحيح للبعض الاخطاء التي وردت بس بدي وقت للاستقبل المهنيين وارد على الرسائل والبرقيات والفاكسات اللي بتهني عودتي للاخوية. انتظروني :D
نحنا ناطرين تعقيبك واهلين بعودتك

ما أوردته صحيح ولكن للتذكير فقط حتى في أمريكا نفسها أنت شرقي مع أحترامي لكل الأديان يابني نحن نعرف أنكم السكان الأصليين .مانحتاجه الأن هو التراص والوقوف جنبا الى جنب هناك ما هو أهم هنا ك قضية وطن العدو يتربص بنا وليكن شعارك المسيحية هي دين التسامح والمحبة .........عمك أدم

الى شباب الأخوية سوريا بلادنا .....العم أدم

:D :D :D :D :D :D :D :D :D

[quote="O A"]ايها المسيحيون السوريون لا تظنوا انكم عرب بعد الآن
للأسف الغالبية العظمى منكم تظن ذلك
فمع مرور الزمن ومع سيطرة اللغة العربية على المنطقة اهملت اللغات الأصلية
وتلاشت تقريبا باستثناء بعض المناطق المحدودة
فالمسيحيين في سوريا على اختلاف طوائفهم ينحدرون من اصول آرامية-يونانية
مع بعض الأستثناءات القليلة جدا
فالآراميين هم سكان البلاد الأصليين وقد امتزجوا مع اليونانيين الذين قدموا الى المنطقة
منذ القرن الرابع قبل الميلاد
وأرجو الاّ يفهم من هذا الكلام اني اريد التهجم على العرب أو تغذية النعرات الطائفية
على العكس، ايضا نسبة كبيرة من المسلمين السوريين ينحدرون من نفس الأصل
انا اقول هذا فقط لأنها الحقيقة
ومن يستطيع اثبات العكس فليتفضل
وشكرا[/quo

مرحبا

عزيزي O A
ما ذكرته ياحبيب فيه من الخطاء الكثير فانته تنكر عروبة مسيحيي سوريا وارجعت اصولهم انها ارمنيه ويونانيه ونسيت بلاد الشام والعراق كانت عربية قبل مجئ الاسلام بكثير وان الغساسنة هم ملوك الشام وأصل الغساسنة من الأزد استقروا في تهامة قرب عين ماء اسمها "غسان" فحملوا هذا الاسم، ثم نزلوا مشارف الشام وتغلبوا على قبائل "الضجاغمة" التي كانت تنزل هناك، وأنشأوا دولة عاصمتها بصرى واعتنقوا المسيحية، وكانوا حلفاء الروم فاشتركوا معهم في حروبهم مع الفرس وحلفائهم المناذرة العرب. وحكم الغساسنة ستمائة سنة أي من أوائل القرن الأول الميلادي إلى ظهور الإسلام وكانت لغتهم العربية والآرامية وكان أول ملوكهم "جفنة بن عمرو"، وامتد سلطانهم على جميع بلاد الشام حتى تدمر والرصافة وإلى البحر. ومن آثارهم صهاريج الرصافة والقصر الأبيض والأزرق وكثير من الأديرة، ولقد التحق بالغساسنة شعراء مشهورون مثل لبيد والنابغة الذبياني وحسان ابن ثابت. شاعر الرسول عليه افضل الصلاة والسلام.
وكانووالمناذرة ملوك الحيرة(( العراق)) وهم "تنوخيون" مزيج من "قضاعة" و"الأزد"، نزحوا بعد خراب السد في "مأرب" وأسسوا في الحيرة مملكة استمرت من 268-631م. إن أشهر تراثهم قصر الخورنق وحصن السدير، وكانوا من حلفاء الساسانيين. ويروي ابن قتيبة الحرب الشهيرة بين المناذرة والغساسنة في "يوم حليمة".
وكان نصارى العراق على مذهب النساطرة الذين انفصلوا عن كنيسة بيزنطة وكان نصارى الشام على مذهب اليعاقبة وهو مذهب الكنيسة البيزنطية. فالمسيحيه كانت الديانة السائده في بلاد الشام والعراق واليمن بحكم قرب اليمن من الحبشة ولانها على المسيحيه اما اليهودية فكانت منتشرة في يثرب وخيبر واجزاء من اليمن ايضا.نرجع للاصول المسيحيه الحالية للسكان سوريا 75% من مسيحيي سوريا عرب اقحاح يرجع نسبهم الى الغساسنة او الى جذام او تنوخ وهنام عائلات مسيحيه واسر لديها مشجرات بنسبها واعمار هذه المشجرات مئات السنين والحال ينبطق على مسيحي الاردن ولبنان وفلسطين اما اخواننا الارمن وبقايا الصلبيين فهم مواطنون سوريين من الدرجة الاولى والحال ينبطق كذلك عليهم في لبنان وبقيه الدول المجاورة واصولهم معروفه وهم لاينكرون اصولهم الارمنينه او اليونانية ... الخ.
العرب من هم؟؟؟
يظهر أن المعنى الحقيقي للفظ " عرب " هو صحراء كما يظهر أن كلمة " عربية " - كما جاءت في نقوش الملك داريوس هيستاسبيس - تعنى صحراء الجزيرة وسورية وشبه جزيرة سيناء . وكثيراً ما نصادف في المؤلفات اليونانية لفظي Arab أو Arabia وإن كانت أفكار الشعراء عن موقع ذلك القطر خيالية كلها . وكان هيرودوت عارفاً بالجزيرة العربية ، كما درس معاصروه من المؤرخين من أمثال اكزينوفون xenphon لفظ " عرب " وقالوا إنه يطلق على الجزيرة العربية بوجه خاص كما يطلق على العرب البدو كلمة أعراب ، وكان أهل التاريخ القديم من الفراعنة والآشوريين والفينيقيين يريدون بالأعراب أهل البادية في القسم الشمالي من جزيرة العرب وشرقي وادي النيل في البقعة الممتدة بين الفرات في الشرق والنيل في الغرب .
: وينقسم العرب إلى قسمين عظيمين أو طبقتين كبيرتين
الطبقة الأولى ، فهي العرب البائدة ، ويريدون بها القبائل التي هلكت ودرست آثارها وانقطعت أخبارها ، وهى عندهم تسع :
. عاد ، وثمود ، وطسم ، وجديس ، وأميم ، وعبيل ، وجرهم ، وحاسم ، وعمليق ، وأشهرها الأربعة الأول ، ويسمونها العاربة
. أما الطبقة الثانية ، فهي العرب المتعربة أو المستعربة ، وهم أبناء إسماعيل بن إبراهيم : ويذهب بعضهم إلى تقسيم العرب إلى عاربة وبائدة وهم عاد وطسم وثمود وجديس ، وتسمى قحطان عرباً متعربة ، وعدنان عرباً مستعربة
كان موطن شعب قحطان بلاد اليمن ، وهو ينسب إلى قحطان بن عابر ابن شالح الذي يقال إنه أول من ملك أرض اليمن ولبس التاج وأطلق على نسل قحطان اليمنيين أو القحطانيين ، بينما أطلق على نسل إسماعيل بن إبراهيم العدنانيين أو النزاريين ، وصار هذان اللفظان يرادفان عرب الجنوب وعرب الشمال .
: وخلف قحطان - جد أعراب الجنوب - ابنه يعرب الذي يقال إنه أول من أتخذ العربية لساناً ولقبه الشعراء " رب الفصاحة " ، قال بعضهم
فما مثل قحطان السماحة والندى ولا كابنــه رب الفصــاحة يعـــــرب
. ومن هنا أطلق على القحطانيين العرب المتعربة ، أما العدنانيون فيقال لهم العرب المستعربة ، لأن إسماعيل كان يتكلم العبرانية ( أي لغة ما بين النهرين )، ولكنه تعلم هو وأبناؤه العربية ( كلهجة محادثة ، بينما اعتمد هو وبقية العرب الحروف الآرامية للكتابة وهذا ما كشفته الحفريات ) فسموا المستعربة ، وهم جمهور العرب البدو والحضر الذين يسكنون أواسط جزيرة العرب وبلاد الحجاز إلى بادية الشام
. وكان أهل الجنوب يعيشون عيشة قرار ، أما أهل الشمال فغلبت عليهم البداوة والارتحال .ولقد سبق عرب الجنوب عرب الشمال في إنشاء حضارة خاصة ، بينما لم يكن معظم الشماليين يعيشون في بيوتهم التقليدية المصنوعة من الشعر ، وينتقلون من مكان إلى آخر طلباً للعيش والحياة ، ولم يظهر عرب الشمال على المسرح العالمي إلا بظهور الإسلام الذي تعتبر أرضهم مهده الأول
وهناك فرق بين عرب الشمال - بما فيهم عرب نجد - وبين عرب الجنوب ، من الناحية الجنسية : فعرب الشمال ينتسبون لجنس البحر الأبيض المتوسط ، أما عرب الجنوب فينتسبون للجنس الألبى المسمى أيضاً بالجنس الحيثى أو العبري ، ومن مميزاته الفك العريض والأنف الأقنى والخد المنبسط والشعر الكثيف .( تاريخ العرب / فيليب حتى ص 28)
وكان العداء مستحكماً بين العدنانيين القحطانيين منذ القدم حتى أن كلاً منهم أتخذ لنفسه شعاراً في الحرب يخالف الآخر ، فأتخذ المضريون العمائم الحمر والرايات الحمر ، واتخذ أهل اليمن العمائم الصفر والرايات الصفر .

هذه نبذه عن العرب والاصول المسيحيه للبلاد الشام انا معك عزيزي بان هناك اقلية مسيحيه ليست عربية وتعتبر من سكان سوريا الاصليين قبل مجي العرب القدامى ولكنها عزيزي انصهرت واندمجت بين العرب بحكم التقارب والتزواج والعيش اتمنى ان اكون قد اوضحت بعض الاشياء المنسية .
سلامي للكل

يا أخي أحمد العجي مع أحترمي ألك بس والله وجعتلي راسي بلحكي عن العرب وأمجادون باينتك كتير معجب بتاريخ و الحضارة العربيه و الأسلاميه حابب أطرح عليك سؤال يمكن بعيد عن الموضوع شوي بس ياريت ترد عليه ما دام عندع كل هزخم بلكتابه

ليش العرب والمسلمين متخلفين بلنسبه للحضارات والأمم الأخرى


ومشان ماحدى يفهمني غلط أنا ماني مع حدى يعني لاني مسيحي ولاني مسلم أنا علماني ماني متدين


بتمنا ترد باسرع وقت

ما ذكرته ياحبيب فيه من الخطاء الكثير فانته تنكر عروبة مسيحيي سوريا وارجعت اصولهم انها ارمنيه ويونانيه
....
اهلا
انا قلت ينحدرون من اصول آرامية وما قلت ارمنية والفرق واضح
وانا معك انو ممكن يكون لبعض المسيحيين اصل عربي خصوصا في حوران بس نسبة 75% منين جبتلي ياها
الاّ اذا معتبر انو سوريا كانمت صحرا قبل ما يجو العرب وين رحت بالآشوريين والآراميين والكلدان والعموريين والفينيقيين ...
وكلن شعوب سامية ووين رحت بالحثيين واليونانيين والرومان ....
ومنشان الغساسنة حسب علمي هني عبارة عن قبيلة عربية هاجرت لجنوب بلاد الشام واستوطنت بالأردن وحوران اقصى جنوب
سوريا .والأردن حاليا خارج سوريا دولة مستقلة
وكيف بدو يمتد سلطانن على جميع بلاد الشام(بلاد سام) وكانت بلاد الشام والبحر المتوسط كلو تحت السبطرة الرومانية بدي افهم

منجي للعرب: تكون اصولن شو ماكانت وين المشكلة

انت ولا مرة سألت حالك هالسؤال ليش نحنا بسوريا منسمي البدو /عرب/ اذا عرفت الجواب يوما ما تبقى خبرني

بعدين مع احترامي الك انت مسلم وبدك تقرر نيابة عنا شو هوي اصلنا
بتقبل قلك انا:انتو اصلكن اتراك اوصينيين مثلا :?:

واخيرا برجع بقول انا ماني ضد العرب ابدا فنحنا حاليا عايشين بما يسمى المنطقة العربية
ومحسوبين على العرب شئنا او ابينا

وين المشكلة بالاصل المهم انو الشخص يكون علماني باسلوب حياتو ومايفرق بين الديانات وبين الاوطان
هاي شغلة بعدين انت لما عم بتقول لشخص مسيحي انك منك سور ي انت بهالشي عم تنسى التطور يلي صار بالعالم لانك عم تحرموا من حقوقوا بالمواطنة كونو مواطن بها الدولة قلو حقوق وعليه واجبات ومن هاي الواجبات انو يخضع لسيادتها ونظام حكما ويدافع عنا وقت الخطر حتى لو كانت غالبية السكن منون من نفس ديانتو بس بالنهاية هاي دولتو وهو حامل جنسيتها
من جهة اخيرة انا شخصيا بشوف انو موضوع الاصول موضوع منو دقيق لان هاي المنطقة من العالم بالذات اجا عليها كتير حروب وخضعت لفترات سيطرة استعمارية طويلة واختلطت الانساب والدينات ومافي ملة دما صافي عندك مثل ايام الاستعمار العثماني عندك كتير مسلمين غيروا ديانتن وحولوها ع المسيحية خوفا من سحب ولادن ع حرب الترعة عشان هيك هلا بلبنان وسوريا بتلاقي كتير عائلات مسيحية لكن كنيتا فينا نقول اسم اسلامي متل عيلة هاشم وعيلة فضل الله فلو سلمنا بنظريتك ونحن ما فينا نصدقه الا بحالة وحدة انو نعتبر مسيحية سوريا عايشين بمنطة معزولة ما اختلطوا بحدا ولا تزجوا اشخاص من الديانات الاخرى ولاسافروا وبقيوا حابسين حالون بقفص بهالي الحالةبس بصدق انو المسيحيين اصلون يونانيين واراميين بعدين لاتنسى ان الديانة المسيحية نزلت بهاي الارض وان سيدنا عيسى من اريحا يعني المنطق بقول ان الدين المسيحي لما انتشر بسوريا اعتنقوا اهل المنطقة يعني السكان الاصليين مش اجو من اليونان واعتنقوا والسكان الاصليين اقعدوا يتفرجوا عليون :confo:

يا أخي أحمد العجي مع أحترمي ألك بس والله وجعتلي راسي بلحكي عن العرب وأمجادون باينتك كتير معجب بتاريخ و الحضارة العربيه و الأسلاميه حابب أطرح عليك سؤال يمكن بعيد عن الموضوع شوي بس ياريت ترد عليه ما دام عندع كل هزخم بلكتابه

ليش العرب والمسلمين متخلفين بلنسبه للحضارات والأمم الأخرى


ومشان ماحدى يفهمني غلط أنا ماني مع حدى يعني لاني مسيحي ولاني مسلم أنا علماني ماني متدين


بتمنا ترد باسرع وقت

ابو النسيم الحضارة العربية والاسلامية ما بتخفى عن احد وما ينكرها الا جاحد او حلقد مع احترامي الك شيخي وفيك تقراء او تتصفح عن اسهامات العلماء العرب والمسلمين لتعرف ان الحضارة العربية والاسلامية كانت من اقوى الحضارات وان علمائها كانوا اصحاب فضل للعالم والى الان اما عن قصة التخلف الذي هو موجود الان فلا ننكره لاننا اصبحنا تابعين واصبنا الوهن والضعف والا تكال على الغير.
انا ماراح افهمك غلط ديانتك مسيحي الاب والام او مسلم ولكن انته عزيزي اصبحت ملحد بظن بعد اجتهاد منك بانه مافي حدى بيستاهل انك تبعده على حسب فكرك او معتقدك والشغلة مو قصة متدين لانه كمان الملحد الهه ضوابط وحدود ما يتعدى او يتجازها ولا لاصبحت الشغلة اباحيه من دون حواجز واصبح كل شي مباح بتمنى انه الفكره وصلت تحياتي الك :D

[quote]
واخيرا برجع بقول انا ماني ضد العرب ابدا فنحنا حاليا عايشين بما يسمى المنطقة العربية
ومحسوبين على العرب شئنا او ابينا
[/qu
انا برايي انك انت عم بتقررعن غيرك شو اصلون مش احمد يلي عم بقرر عن غيرو
انت عايش بمايسمى المنطقة العربية ليش مين غاصبك تعيش فيا الظاهر حضرتك من يلي بتعجبون تسمية الشرق الاوسط الكبير يمكن لما يصير بترجع لاصلك وبترتاح
وانا رح ريحك وقلك خلص لا تزعل وروووووق انت منك عربي :lol: :lol: بس انت لحالك لا تحكي عن غيرك اوكي

ما ذكرته ياحبيب فيه من الخطاء الكثير فانته تنكر عروبة مسيحيي سوريا وارجعت اصولهم انها ارمنيه ويونانيه
....
اهلا
انا قلت ينحدرون من اصول آرامية وما قلت ارمنية والفرق واضح
وانا معك انو ممكن يكون لبعض المسيحيين اصل عربي خصوصا في حوران بس نسبة 75% منين جبتلي ياها
الاّ اذا معتبر انو سوريا كانمت صحرا قبل ما يجو العرب وين رحت بالآشوريين والآراميين والكلدان والعموريين والفينيقيين ...
وكلن شعوب سامية ووين رحت بالحثيين واليونانيين والرومان ....
ومنشان الغساسنة حسب علمي هني عبارة عن قبيلة عربية هاجرت لجنوب بلاد الشام واستوطنت بالأردن وحوران اقصى جنوب
سوريا .والأردن حاليا خارج سوريا دولة مستقلة
وكيف بدو يمتد سلطانن على جميع بلاد الشام(بلاد سام) وكانت بلاد الشام والبحر المتوسط كلو تحت السبطرة الرومانية بدي افهم

منجي للعرب: تكون اصولن شو ماكانت وين المشكلة

انت ولا مرة سألت حالك هالسؤال ليش نحنا بسوريا منسمي البدو /عرب/ اذا عرفت الجواب يوما ما تبقى خبرني

بعدين مع احترامي الك انت مسلم وبدك تقرر نيابة عنا شو هوي اصلنا
بتقبل قلك انا:انتو اصلكن اتراك اوصينيين مثلا :?:

واخيرا برجع بقول انا ماني ضد العرب ابدا فنحنا حاليا عايشين بما يسمى المنطقة العربية
ومحسوبين على العرب شئنا او ابينا

عزيزي تعميمك انه مسيحيي سوريا اغلبها مش عرب هو الخطاء بيجوز حضرتك مش من اصل عربي بس في غيرك عرب والديانه المسيحيه ليست اصل او نسب هي دين ومعتقد يحق لمن يشاء ان أمن بها ان يعتنقه والاسلام كذلك واليهودية كذلك الديانه غير الاصل عزيزي انته تتكلم عن الحثيين قبل 1300 سنة قبل الميلاد والعموريين وغيرهم ممن سكان سوريا او بلاد الشام هناك امم اندثرت وهلكت وهناك امم هاجرت وهناك امم اصحبت اقليه وانصهرت بالامم التي احتلت مكانه وانته عزيزي جاي تقلي انه للهلا فيها منن انا بسالك قلي مين هلا من الحثيين او العموريين موجود؟
بالنسبة للكلدان والاشوريين اصبحو اقليه في العراق وسوريا واقليه في مجتمع عربي بغض النظر اذا كان مسلم او مسيحيي
انته سالت اني مسلم وانه برضى اقول انا اصلي تركي او صيني الاسلام مش اصل او نسب كما وضحت :D

يسلم تمك أخ أحمد ...

حكيك حلو وجميل .... :D

انا بس حابة اسأل سؤال
لوين بيعود اصل كلمة عرب في التاريخ
انا عم احكي عن الكلمة كلفظ :D :D :D

انا بس حابة اسأل سؤال
لوين بيعود اصل كلمة عرب في التاريخ
انا عم احكي عن الكلمة كلفظ :D :D :D

ليلى أصل كلمة عرب تعود وتنسب الى يعرب بن قحطان بن هود عليه السلام وهود هو احدى الانبياء في العهد القديم وارسله الله الى قوم عاد في الاحقاف بجنوب شبة الجزيرة العربية ومن هو من سلالة قحطان يعرفون بالعرب العاربة

بعتقد طرح الأخO A هوي الصح..بتذكّر بكتاب التاريخ تبع الصف السادس على الأغلب يقنعونا
قال على أساس الآشوريين أو الكلدان هم من جذور عربية و هادا أكبر غلط ..

ايها المسيحيون السوريون لا تظنوا انكم عرب بعد الآن
للأسف الغالبية العظمى منكم تظن ذلك
فمع مرور الزمن ومع سيطرة اللغة العربية على المنطقة اهملت اللغات الأصلية
وتلاشت تقريبا باستثناء بعض المناطق المحدودة
فالمسيحيين في سوريا على اختلاف طوائفهم ينحدرون من اصول آرامية-يونانية
مع بعض الأستثناءات القليلة جدا
فالآراميين هم سكان البلاد الأصليين وقد امتزجوا مع اليونانيين الذين قدموا الى المنطقة
منذ القرن الرابع قبل الميلاد
وأرجو الاّ يفهم من هذا الكلام اني اريد التهجم على العرب أو تغذية النعرات الطائفية
على العكس، ايضا نسبة كبيرة من المسلمين السوريين ينحدرون من نفس الأصل
انا اقول هذا فقط لأنها الحقيقة
ومن يستطيع اثبات العكس فليتفضل
وشكرا
الموضوع صحيح جداً و لا غبار عليه.. :D
أما تجو تفصّلو أنو قبيلة كذا و قبيلة كذا و العرب و كأنو ماكان في حدى غير العرب
و ما كان في سكان أصليين و حضارة عمرها أكتر من 7000 سنة .. كتير صار هيك.. :jakoush: :aah:

لحتى نشوف الارض يلي عايشين عليها هل هيي عربية او لأ رح نرجع للخرايط القديمة يلي رسمها اليونانيين و الرومان و الفرس و رح نلاقي انو كل الشعوب سمت هي الارض بسوريا (نسبة الى آشور) و ميزوها تماما عن الارض العربية يلي هيي الجزيرة العربية

بحب أكد على هالنقطة لأنو البعض ما بيحب يسمع هالجملة ..و على رد الأخ krimbow الحلو كتير و اللي بمحلّو :D

انا عطيت رأيي بس وما فرضتو ع حدي

الاسلام مش اصل او نسب كما وضحت

ليش انا اذا حكيت عن المسيحيين بكون عمأحكي عن الدين المسيحي؟ انت فهمان غلط

انا بس حابة اسأل سؤال
لوين بيعود اصل كلمة عرب في التاريخ
انا عم احكي عن الكلمة كلفظ

انا سمعت رأي تاني انو تسمية العرب مشتقة من "العربة" وهي الصحراء .هي معلوماتي

الموضوع صحيح جداً و لا غبار عليه..

شكرا

بعدين انت لما عم بتقول لشخص مسيحي انك منك سور ي انت بهالشي عم تنسى التطور يلي صار بالعالم لانك عم تحرموا من حقوقوا بالمواطنة

يا لطيف شو انك ذكي!!!
ايمت انا قلت هالحكي
يا حبيبي وقت اللي بدك تنقل حكي عن لساني لا تخترعو من عندك :jakoush: :jakoush:

مرحبا ليلى

لوين بيعود اصل كلمة عرب في التاريخ
انا عم احكي عن الكلمة كلفظ

ما فهمت شو بدك بالظبط
اختلفوا كتير بخصوص العرب
البعض نسب اصل العرب للعراق بناءا على انو النبي ابراهيم (جد العرب) كان بالاصل من اور
و لأنو في اعتقاد انو اصلا سفينة نوح رسيت على جبل بالموصل (نسيان شو اسمو يمكن جبل المودة) مو بجبل ارارات متل ما هوي معروف
و حتى ارارات موجود بجنوب ارمينيا يعني مو كتير بعيد عن العراق

و البعض بيرجع الكلمة ل" عربة " و يلل معناتا الصحراء و العرب هنين ابناء الصحراء يعني القبائل البدوية يللي عايشة بصحرا الجزيرة و يللي بتعيش ع الرعي و الغزوات

بكل الاحوال سوريا ليست صحرا يعني ما ممكن انو ندعي السوريين بانو هنين ابناء الصحرا و بالتالي ما ممكن انو نقول انهم عرب (لفظياً) و الاهم من هيك انو التاريخ بيذكر غابة كبيرة كتير بين الرصافة و دمشق (يعني يللي هيي هلأ بادية الشام)و يقال انو كانت مليئة بالغزلان
و هاد دليل انو سوريا ما كانت صحرا ابدا لحتى نقول عن شعبها انو "عربي"
انا بعرف انو انتي عم تسألي عن العرب لكن الموضوع عن السوريين مشان هيك حابب استفيض شوي
اول ذكر لسكان سوريا اجا من الحضارات تبع العراق و كانوا يسموا السوريين بالاموريين او العموريين و معناتا سكان الغرب بلهجة البابليين
و بعدين تم ذكر الاقوام التالية و كلها سكنت سوريا
الكنعانيين - الاراميين - الفينيقيين (و هدول كلهم ساميين) - المتنيين - الحثيين (اتراك احتلوا سوريا) - الهكسوس (يلي احتلوا مصر) - الفلسطينيين (اجوا من كريت) - و السلوقيين (يونان اجوا مع حملة الاسكندر الاكبر) - و الرومان
بالاضافة الى العرب
هلأ انو نقول انو هي الاقوام اندثرت او انبادت هاد كلام غير منطقي و خصوصي انو كتير من هي الاقوام كانت اقوام مساللمة يعني ما بتحارب
و تكلم بعض السوريين باللغة الارامية اكبر دليل انو الاراميين مثلا ما اندثروا
و لما منشوف انو معظم القرى و البلدات و كل المدن السورية اسماءها غير عربية بيتوضح تماما انو العرب كانوا حزء صغير من سكان سوريا و ما بيشكلوا اغلبية (قبل الفتح او الاحتلال الاسلامي للشام) و حتى بعد الفتح كان العرب اقلية في سوريا لوأت ما نسي السلطان عبد الحميد عهد او ميثاق عمر بن الخطاب و وأتها بلشت اعداد المسيحيين السوريين بالتناقص

هلأ طرح الاخ احمد كتير حلو
بس الفكرة انو احمد قال انو السوريين عرب ..... بعدين حكا عن العرب كلهم و ما حكا عن السوريين غير انو المناذرة و الغساسنة قبائل عربية سكنت جنوب سوريا و العراق يعني ما ربط السوريين بالعرب
انا بأكدلكم اكتر من هيك.... يعني بنو تغلب (يلي السريان الحاليين منهم) هنين قبائل عربية سكنت شمال سوريا

الفكرة انو العرب جزء كبير من الشعب السوري بس ما بيشكلوا كل الشعب السوري و لا حتى نصو

هلأ بخصوص نسبة 75% من المسيحيين السوريين اصلهم عربي هاي بتنطبأ على مسيحيي حوران .... بس ممكن اني قول انو مسيحيي القلمون اصلهم عربي (و خصوصي انو قسم كبير منهم كان لوأت قريب بيحكي آرامي يللي هيي لغة المسيح)؟؟؟؟؟
او مسيحيي وادي النصارى اصلهم عربي؟؟؟؟

ببداية عمل القديس بولس (كان اسمو شاول وأتها) بيخبرنا كاتب اعمال الرسل (يللي هوي القديس يوحنا الانجيلي) انو شاول توجه ع دمشق ليقتل المسيحيين يللي فيها و خصوصي انو انتشروا فيها بكثرة و صاروا يحتموا فيها (متل ما احتمى الرسول و المسلمين ببداية نشر الدعوة بيثرب او المدينة المنورة)
و باعمال الرسل رح نشوف انو المسيحية انتشرت على طول الساحل السوري و بكل المدن السورية
هلأ بهديك الفترة يللي انتشرت فيها المسيحيية بسوريا كان اغلب سكان سوريا هنين الاراميين و الفينيقيين و اغلب سكان فلسطين هنين الفلسطينيين (يللي اجوا من جزيرة كريت) و الكنعانيين و اليهود
هاد الحكي قبل اعتناق المسيحيية من قبل الامبراطورية الرومانية ب 400 سنة
هلأ الغساسنة اعتنقوا الديانة المسيحية لسببين (طبعا الغساسنة عرب لا يمكن الشك بذلك) :
الاول انو كل يللي حواليهم كانوا مسيحيين
و التاني انو المسيحية وأت ما ظهروا الغساسنة كانت صارت الدين الرسمي للامبراطورية البيزنطية (طبعا هنين ظهروا بعد انقسام الامبراطورية الرومانية لبيزنطية عاصمتها القسطنطينية يللي هيي هلأ اسطنبول و رومانية عاصمتا روما و دمرت فيما بعد من قبل القبائل الجرمانية)
والغساسنة اعتنقوا الديانة المسيحية بعد ما استوطنوا بسوريا (حوران)

واضح تماما انو ما فيننا نقول انو المسيحيين السوريين عرب على الاقل المسيحيين السوريين
مع انو انا ما بشوف كل السوريين عرب
ممكن انو يكونوا جزء من عالم عربي ينطق اللغة العربية
بس ما ممكن نقول انو في شي اسمو وطن عربي اساسا إلا اذا كنا عم نحكي عن الجزيرة العربية
:D

بظن بعد هالكلام الدقيق اللي قالو كريمبو لازم يقتنع ولو جزء منكم بالموضوع اذا كان بيهمكن الأمر

بيجوز حضرتك مش من اصل عربي بس في غيرك عرب والديانه المسيحيه ليست اصل او نسب هي دين

للعلم.. انا لاني سرياني ولا اشوري ولا ارمني
نحنا اساسا من طائفة الروم الأرتودكس وما منحكي بلغة غير العربية.
بس مو معناتا لازم صدق كل شي بسمعو وضل عيدو ورددو للأبد
حلو الواحد يحلل ويستنتج وبعدين يبحث ويتأكد بنفسو
وأنا متأكد انو اي واحد بيبحث بالموضوع رح يكتشف بالأخير انو مزبوط

على كل حال لاحظت انو اكترية اللي ماعجبن الموضوع هني اسلام مع الأحترام
بس انا مابلومن لأنو العروبة مرتبطة بالأسلام والأسلام مرتبط بالعروبة
اي مبروكة عليكن العروبة
بس انا ماني مجبور ارتبط بأي شي
انا حر...
:D :D :D

بالنسبة للحضارات و الأعراق التي مرت على سوريا فهي كثيرة و قديمة قدم التاريخ ، على اللينك التالي :////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////
يوجد لمحة عن الحضارات التي وجدت في سوريا عبر التاريخ و الملاحظ أنها متنوعة و كثيرة و فيها الكثير من الغزاة مثل الرومان و الفرس و البيزنطيين.. و بجميع الأحوال الحضارة الإسلامية بدأت متأخرة في سوريا و العروبة جاءت مع الثورة العربية الكبرى ، و النقطة التي يتجنب ذكرها السياسيين و التي يجهلها الكثيرين هي أن فكرة العروبة بحد ذاتها و بشكلها المعاصر ظهرت في بدايات القرن و هي تمت بهندسة إنكليزية بحتة إبان محادثات المكماهون حسين.. و شو فيني احكيلك عن الإنكليز؟ مثل مو معروف الإنكليز و البرد أساس كل علة..

المهم، الشكل الذي تأخذه القومية العربية في أيامنا المعاصرة هو شعور قومي و رابط لغوي على أساس وجداني فردي ، يعني شعور عاطفي داخل الأشخاص لا يمت للواقع بصلة، و لا يترجم إلى إي شي واقعي على مستوى الحكومات أو كفهم متكامل مثل القومية الأوروبية مثلاً

المهم، الشكل الذي تأخذه القومية العربية في أيامنا المعاصرة هو شعور قومي و رابط لغوي على أساس وجداني فردي ، يعني شعور عاطفي داخل الأشخاص لا يمت للواقع بصلة، و لا يترجم إلى إي شي واقعي على مستوى الحكومات أو كفهم متكامل مثل القومية الأوروبية مثلاً

احســــــــــــنت!