مليت بدي اجن [الأرشيـــــف]

نسر الشام

06/09/2007, 03:12

هلا بنسر الشام وبمشاركتك هون...

وبدي ضيف انو موضوعنا الاول بيكون ع هالرابط هون (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

هلا ومرحبا بالكل ...
ومشكورين ع التضامن.. ع سيرة التضامن..بتذكر بيوم من الايام اني كتبت جملة التضامن العربي ع الحيط... سألوني يا ولد ليش عم تشخبط ع الحيط...قلت انا عم نادي بالتضامن العربي ع الاقل ازا ما في وحدة عربية...تبسمر الزلمة بأرضو..وبعد برهة من الثواني اجى سلخني كف محترم وطيارة ع البيعة...
من بعد هالحادثة فهمت انو الوحدة العربية والتضامن العربي كلو كذب بكذب...واللي عم ينادي بهالشعارات بيكون واحد غشاش عم يبيع فول وشعارات للناس..

...وع سيرة التضامن..بذكرني هالاسم بباصات النقل الداخلي الاخضر مو الاحمر ..بدمشق...وبتذكر موقف هالباصات ورا قصر العدل.. بعد محلات بيع التريات...وازا ما خاني الذاكرة مقابل فندق الاخضر...المهم ..القصة قبل ما تنقرض هالباصات من شوراع دمشق..انو ولا مرة شفت هالباصات فاضية...والناس يا لطيف متل جماهير بشي ملعب ...وع دفش وركل..وعياط ومسبات من العيار التقيل...

لك أخ..تذكرت ثانوية دمشق الوطنية بنفس هالشارع..انو في حدا من هالثانوية هون..؟ اكيد ما في حدا..
لكل مين بدو يطلع ع الشام بنهاية هالشارع ورا مبنى الاتصالات في محل ببيع كنافة غير شكل وغير طعم...بتأكل الصحن واصابيعك ورا ما تخلص الكنافة...

بنرجع...الملل حالة نفسية ممكن تنحل وممكن ما تنحل...هيك انا بشوف..

:cry::cry: يازلمي أشعرتلي بدني بكلامك

اجت ببالي هي \\\\\\\\\\\\

مللتُ من الحربِ والسلام

من المطاردةِ والاختباء

من الفقرِ وشبحِ الفقر

من الجوعِ ودبِّ الجوع

من الجمرِ يوضَعُ على اللسان

والملح يوضَعُ في أساس الجدار،

من سيقان الجواري والمخنّثين

من شفاه المومسات،

وأثداء العوانس،

وأكفّ المتسوّلين

من زمنٍ يتفتتُ رملاً وقشّاً ورماداً

مللتُ منكَ أيّاً تكون

وأينما تكون

ومللتُ منّي: أنا الملولُ العظيم!

راديا

07/09/2007, 18:57

و بعدين مع هالملل ؟؟؟
نسر الشااام حكياتك حلوين حبيتون و بصراحة معك حق و الله كل اللي قلتلووو موجود منو حاليا
اي صحيح اسيرووووو شغل البيت ما بيملل بنوووووب
.....
شايفة انو هيدا موضوع جديد .......؟؟؟؟؟؟؟؟؟؟...........
اي بالصحة يا رب كفي مشوااارك المللي و الحالة النفسيةةةة هيك هيك رح تصح بغفلة عين
مرات نعيش بفرح و مرات نعيش بضيق هي هيي الحيااااااة ويا ريت هالملل لو بتعطيني منو شوي بركي بيخف عنك الحمل و التقل و بحكي عنجد عالقليل بنكسب ثواااب ...
مرسي كوكو...

راديا

07/09/2007, 18:59

وردتنا فيروزة عندي هون...يا حلت عليّ وع كل المتشردين البركات والخيرات والليرات...
ماني معصب وردتي...بس عم حاسس اني عم احكي حكي فوق طاقة البعض بالفهم..
لاء والمصيبة انو حتى ما عم يقدروا يتفهموا المصادر والمراجع القديمة...

هلأ خلينا من هالحكي...كنت بحالة ملل قبل شوي..هلأ صرت منيح بدخولك لديارنا...بقا شو اخبارك..؟وانشاله هيك خلصتي هالدراسة وصرتي شي شغلة بالمجتمع الحر عنا...بعدين عن التمديد واللعب بالدستور..؟

وياهلا...

اكتير مؤثررررررررررررررررررررررررررررررررررررررررر
و يا هلا ....000....

f_fattal

07/09/2007, 19:33

ليش الموضوع السابق تم اغلاقه؟ مع انو كل الشباب مالين انا حطق من الملل

أسير التشرد

08/09/2007, 05:28

ليش الموضوع السابق تم اغلاقه؟ مع انو كل الشباب مالين انا حطق من الملل

هلا بالعزيز.. ومرحبا..
الموضوع السابق تم اغلاقو ع حسب تصورات الاخت الفاضلة والمنسقة ريمي..باعتبارها حساسة جداً وبتحسس من بعض الكلمات السوّقية متل انقر هالرابط (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)... بقا تم اغلاق الموضوع السابق لانو صار فيو تجاوز ع حساسيتها المرهفة..وللأسف ما كلفت نفسها عناء انها تكتب سبب اغلاق الموضوع السابق.. متل ما بتعمل بالموضوع البقية..
لسبب يمكن تكون هالمخلوقة مزعوجة مني كتير وكتير وكتير...لاني من حارات وازقة من يتكلمون بالكلمات السوّقية...(بيني وبينك..وحسب استطلاع تم انو مافي عيلة خالية من استخدام هيك كلمات..وبل اضرب من كلمات وخصوصاً بالمناطق العليا..)..وللعلم انو نحنا بنحبها كتير وبنحترمها اكتر...

ماعلينا..نحن رح نكمل مسيرتنا هون..مع تضامن الشباب والصبايا...

ويا هلا فيك مرة تانية..:D

ناصرشكري

08/09/2007, 06:20

ليش الملل يا جماعه هو في احلى من الهوايات .العمل .الرياضه .المشي بضيع الملل. الصداقه وصدقوني البدو يضيع الملل يتجوز:sick:

أسير التشرد

08/09/2007, 06:38

ليش الملل يا جماعه هو في احلى من الهوايات .العمل .الرياضه .المشي بضيع الملل. الصداقه وصدقوني البدو يضيع الملل يتجوز:sick:

هلا بالغالي..
ومشكور ع تضامنك معي..
هلأ هو صحيح انو في هوايات بس مع ذلك الملل حالة نفسية اوقات بتنحل واوقات كثيرة ما بتنحل...
وحكيك بالاخير انو الزواج طريق للقضاء ع الملل كمان صحيح بس هالعلاج وقتي ولمدة معينة فقط حسب علمي وخبرة اصدقائي المتزوجين...

خلوني احكي هالقصة باعتباري وعدتكم بقصص الملل اللي عندي...بموضوعي السابق اللي اتسكر من قبل الاخت الفاضلة والمنسقة الحساسة ريمي...

هاد يا سيدي ويا سيداتي + الصبايا الحلوين...
بيوم من هالايام الكونية...شكيت امري لصديق عزيز عليّ لما كنت بالشام انو يا اخي الملل كيف بدنا نقضي عليه وشو اسهل واخف الطرق..!!؟
صاحبنا وصديقنا فكر لبرهة..وقال اوعى يا هادي تفكر وتقول خليني اتزوج يمكن الحياة الزوجية مافيها ملل...جاوبتو اني ما رح اتزوج هلأ..بس احيكلي قصتك..؟
قال..انو يا صاحبي صحيح انو بفترة انا مليت بحياتي العزوبية وبعدين ارتبطت وتزوجت..لكن كمان بهالحياة الجديدة عم حس بملل افظع بكتير من حياتي بالعزوبية..!!
انا تفاجأت..!!؟؟ وقال ...يا صديقي..لما بتدوق التفاح أول مرة بعمرك..(بتمنى الكل يفهم المعنى الصحيح بتذوق التفاح..) بصير بدك تدوق المنغا كمان...شنو بأول شهرين ما رح تحس بالملل لكن بعد هالشهرين رح تحس انو طعم التفاح صار متل كأنك عم تأكل تراب..لهيك بتشتهي انك تدوق المنغا من مطرح تاني ومحل تاني...
هيك حكى صاحبي..انهى حديثو..وانا فوق رأسي علامة تعجب مع علامة استفهام كبيرة...

وياهلا بك مجدداً...:D

طنش تعش

08/09/2007, 06:42

طيب يعني شو بدك...خلص بس تجن منباركلك..

أسير التشرد

08/09/2007, 06:46

طيب يعني شو بدك...خلص بس تجن منباركلك..
لك يا ريت انجن..لاني رح اكسب كتير...تحت بند" ولا ع المجنون حرج.." يعني ازا حكيت ماحدا رح يحاسبني شنو انا مجنون ولا حرج عليّ مو هيك...
لكن انك توصل لمرحلة الجنون بكل سهولة ومن دون تعب..فهالشي صعب كتير...

ذكرني قصة الجنون...بقصة قديم..لانسان كان قاضي مشهور وبعدين اعلن حالو مجنون..اسمو.."بهلول.." اعتقد انو عملوا مسلسل عليه..ومثل فيه الدور اندريه سكافي...

تحياتي لهل الممثل الرائع..:D

طنش تعش

08/09/2007, 06:53

اذا كل هالقد حالتك ميؤوس منا ...روح حشش وكرعلك كل يوم شي لتر وسكي عابطحة عرق ...هيك بتطنش وبترتاح ...وبتعمل الي بدك يا وماحدا بيعتب عليك ...ياما
اذا هالشي غالي وبدو مصروف ....خيو روح مسكلك شي خط توتر عالي بتطلع خالص
ولا قلك عمي روح انتحر

ناصرشكري

08/09/2007, 07:06

اسمحلي وخليني ادخل بالموضوع على طول ...نسيت صباح الخير... هيدا صاحبك مع اعتزاري غلطان لازم الانسان يكون قنوع واذا تزوج وبحب زوجته مستحيل ومن رابع المستحيلات انه يمل لانه الزوجه المثاليه مابتخلي زوجها يمل ابدا اعقل وتوكل:deal:

راديا

08/09/2007, 17:16

نورنا ب: Aug 2006
مشاركات: 55

--------------------------------------------------------------------------------

اسمحلي وخليني ادخل بالموضوع على طول ...نسيت صباح الخير... هيدا صاحبك مع اعتزاري غلطان لازم الانسان يكون قنوع واذا تزوج وبحب زوجته مستحيل ومن رابع المستحيلات انه يمل لانه الزوجه المثاليه مابتخلي زوجها يمل ابدا اعقل وتوكل

يا عيني عليك و الله عاقل يحكي و عاقل يسمع /////صنفت حالي من العقلاء و كل شي ممكن /////

راديا

08/09/2007, 17:19

شنو بأول شهرين ما رح تحس بالملل لكن بعد هالشهرين رح تحس انو طعم التفاح صار متل كأنك عم تأكل تراب..لهيك بتشتهي انك تدوق المنغا من مطرح تاني ومحل تاني...
نغرمت بهالمعنى يضرب الحب ازا كان هيك هاد صاحبك مجنون و ما فيه و لا ذرة عقل ليش تنروح عند الاغراب و نعرف منون ما نحنا اسياد العارفين او في حديث تاني؟
قال المانغا قال ...................................
/اسمايلي معصب اكتير كان لونو احمر وصارا زرق و هلق عم بيتلون و اللون من داكن الى ادكن/
و يا ويلو
و يا هلا ع قولة الاسير لك اسير انتحر احسنلك سماع مني
موووووووووووووووووو؟

راديا

08/09/2007, 17:20

روح حشش وكرعلك كل يوم شي لتر وسكي عابطحة عرق
هي رح جرباااااااااااااااااا و بعتئد رح استفييييييييييييييييييييييييييييد

أسير التشرد

09/09/2007, 06:49

مشاركاتكم حلوين..وكتير بأسعد باضافاتكم وتضامنكم...
المهم يا سادة يا كرام ويا صبايا الحلوات..
قصتي مع صديقي وحكايتو مع الملل بحياتو الزوجية وانو صار يشتهي المنغا بعد ما داق التفاح اللي عندو..بعبر عن رأيو طبعاً هاد تجربتو ودليلو...

وقصة الزواج والتزويج هاد..ذكرني بقصة تانية...انسان كاتب ومؤلف لعدة كتب فينا نقول مفيدة...
مشكلتو انو كان متزوج من 2 انثى ..بقا من وقت تعرفي عليه وحتى اخر يوم شفتو...ما لقيتو بحال راحة ابداً...بحسو مضيع شي عم يدور عليه...بيحوص كتير.. بلاقيه بيحكي لوحدو باحيان كتيرة..
مسكتو وقلتلو..لك شبك يا رجل..احكي شو مشكلتك..؟
قال يا هادي..بتعرفي اني ازا ما بطبع هالكتاب..(وقتها كان تحت ايدو مطبوعة موسوعة عم يشتغل عليها بالتصحيح والمراجعة...)..راح اصفى بالشارع..يا اخي ما عم اقدر لحق ...بيتين من هون والاولاد من هون ونق ونكد..(قوة 2)..كوني متزوج مرتين..!!
قلت طيب ما في حل انك تترك وحدة وتضل ع وحدة..هيك اوفر واحسنلك..ع الاقل بترجع لحالتك الطبيعية..؟ قالي مستحيل من ناحية انو المدامتين عندي منهن اولاد...وما بقدر اني استغني عن اي وحدة فيهم...
طلعت هيك ع وشو..وصفنت... وقلت يمكن هاد طلب انو يدوق المنغا بعد ما داق التفاح...قام طلع طعمة المنغا اضرب من التفاح...

فانـيـة...
ويا هلا..:D

•• LEO ••

09/09/2007, 16:58

طلعت هيك ع وشو..وصفنت... وقلت يمكن هاد طلب انو يدوق المنغا بعد ما داق التفاح...قام طلع طعمة المنغا اضرب من التفاح...

لا والله شايفلك مشكلة صاحبك انو بدو يدوق التنين مع بعض
يعني الزلمة ماترك التفاح مشان المنغا

أسير التشرد

19/09/2007, 07:52

لا والله شايفلك مشكلة صاحبك انو بدو يدوق التنين مع بعض
يعني الزلمة ماترك التفاح مشان المنغا
كلامك صح نسيم...بس مو بالضرورة انو يترك التفاح لحتى يدوق المنغا...بخلي التفاح عندو..وبحاول يدوق المنغا..
طبعاً للتذوق خبرة متل مابنعرف...ومو كل واحد شاطر انو يتدوق..لهيك نصيحتي للي بدو يدوق ...انو يسأل قبل كل عملية تذوق رح يجريها...

أسير التشرد

19/09/2007, 07:59

البشرى.. وع قولة الهنود..بهوت بهوت..وع حكي اهل فارس..سبتي ما بيدهيد..
الملل حالة قابلة للاضمحلال..بس مو للعدم التام...هيك شفنا واكتشفنا..
المهم..يا حلوين..قالوا ومن الملل ما قتل..ع وزن ومن الحب ما قتل..او فينا نقول ومن الفضول ما قتل..
عندي قصة لشخص كان مالل كتير وبالنهاية مات... بس للأسف هالقصة غير قابلة للنشر هون..(لكن اي واحد حب انو يعرف هالقصة يخبرني برسالة برايفت...)
ياهلا..:D

•• LEO ••

21/09/2007, 14:52

وين غاطط ؟؟؟ :frown:

راديا

21/09/2007, 22:54

شو من كل عقلك بدك تسمع القصة ؟
يعني ما سمعت انو عالبرايفت التكملة يا ليو ؟
شبااااااااااااااااااااااا ااااااااااااااااااااااااا ااك ؟
و ضارب بوز كمان يالله بهالكم يوم رح استلم الموضوع لبينما احصل على توكيل رسمي مشان اتصرف كيف ما بدي اي ؟
و اتحفكون بقصصي بس مو مملة مرعبة بتموت من الرعبة
و يا هلالالالالالالالالالالالا لالالالالالالالالالا
ع قولة الأسييييييييييييييييييييي يير

•• LEO ••

21/09/2007, 23:11

أنو قصة ؟ :shock:
أنا عم بسأل عن أسير وين غاطط .. الظاهر في حدا خطفو .. صرلو زمان ما طل ..

:D وميت هلا ..

أسير التشرد

23/09/2007, 06:38

اهلين بالحلوين..وبكل الحلوات...
كنا عم ندور ع شي حل للحساسات...او فينا نقول للتحسس..والبحث جاري لحل هالمشكلة اللي عم تعاني منها وحدة عزيزة ع منتدانا...
المهم..يا حلوين..إليكم هالقصة..
مرة من المرات..ولما كنت بالشام...مع بعض من رفقاتي..(الاشرار طبعاً..:p..)..ومن كترة حالات الملل اللي عصف فينا...قررنا المغامرة..بشكل انو نمتحن القدرة البشرية ع الصمود..(ما قصدنا ع الصمود العربي اللي انصرعنا من هيك شعارات من قبل نظامنا المبارك..والمؤيد من قبل جنود السما..باعتبار الله حاميها..او محميها..ع البابور)..إي..بقا تم اتخاذ القرار ع المغامرة...
والخطة يا حلوين..انو نمسك بواحد نص مجنون...ممكن اغراؤ بشوية بسكويت ع كم قطعة علكة منطاد..
وبالفعل تم ايجاد هالمخلوق..بسرعة فائقة..من قبل واحد شرير وهو صديق عزيز عليّ وحالياً عم يتستمع باشعة الشمس باستراليا..والمغامرة ياحلوين انو نجرب ع هالمخلوق النص مجنون شحنة كهربائية تحت السيطرة...انو نحن نكون مسيطرين ع كمية الشحنة..
جبنا ماطور مي فكينا المكثف شيت الماطور وبعملية بسيطة من خبير الكتروني صديقنا..(هلأ معلم بتركيب صحون الفضاء قصدي السيتيلايتات..وهو خبير بفتح كل قنوات التشفير المحرمة..).. تم شحن هالمكثف بشحنة كهربائية..ومن بعد تم وصلو لجسم هالمخلوق...
المفأجاة يا حلوين...انو هالمخلوق طالع جبار كتير...وما تأثر بأقسى واقوى مكثفاتنا وشحناتنا..واكتشفنا انو جلد هالمخلوق متل جلد الحمار...سميك كتير وما بيتأثر بشي...
بقا من العبث المحاولة انو نغير من شي ازا هو بالاساس مجوهر بالعمق وبسمك غير قابل للتغيير..
بنظركم يا فطاحلي الحلوين...بنقدر نغير من جوهر الانسان..!!؟ هالسؤال تبارد او تبادر..(كلو عند العرب صابون..) ع ذهني هلأ...
ويا هلا...:D

Abu Guzef

23/09/2007, 06:40

شلونك ولا يعدمني ياك وين غاطط :jakoush:

برجعلك بعدين

:D

•• LEO ••

24/09/2007, 15:16

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////>> ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بالفعل الحمار بضل حمار مهما تغير جلده ولونه ..

بنقدر نغير من جوهر الانسان..!!؟
لو ربينا حمار بين الخيول .. ببطل حمار ؟
لو لبّسنا هالحمار حرير .. ببطل حمار ؟

أنا بشوف انو الجواب : "لأ"
حالة "الحمرنة" بالذات حالة صعبة وميؤوس من تغييرها برأيي
عم نحكي عن حمار حمل صفة "الحمار" بمفهوم المجتمع .. ولربما تطرقنا لمفهوم الحمار الحقيقي فيما بعد

وحرصا على الموضوع انو يكون ذو فائدة لقارءو حبيت اضيف هالمعلومة للي ما بعرفها : أنثى الحمار تسمى"أتان"
وصغير الحمار هو "الجحش" (ابن الحمار)

___________
يعني جماعة موضوع "أجحش واحد بالمنتدى" ما قصرو بحالهم ولا بأهاليهم click here (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// %AD%D8%B4+%D9%88%D8%A7%D8%AD%D8%AF)

و300 هلا ..

راديا

24/09/2007, 22:57

ههههههههههه بايخة

أسير التشرد

07/10/2007, 20:27

شكراً كتير لكل اللي مروا من هون... مروركم غايتي وفرحي وسروري...
بشكرك عزيزي نسيم ع اضافتك المميزة عن الحمير... وطبعاً انت بتعرف انو للحمير مكانة خاصة عندي...وانا من موقعي بالحياة كتير بستشهد بالحمير بكلامي...باعتبار الحمار رمز الجلّد والصبر...

تأخرنا عليكم كم يوم لاسباب وظروف شخصية...المهم انو الكل كانوا جوا هالقلب التعبان من هموم هالدنيا...
بنرجع لحالتنا المليلية...قبل كم يوم وانا بالطريق صادفت صديقي جنب محطة الميرتو...بعد السؤال عن الاحوال والاخبار وانو وينك يا ولد ليش ما عم نشوطك بهالايام...قال انو مشغول بتطبيق شوية بنات...هون وهنيك باعتبار انو حالة الملل اللي عندو واصلة للشيطان الرجيم...ومع العلم انو هو طالب ما معو كتير... المهم شفتو عم يدخن وانا بعرف انو مانو من جماعة الحشيش...سالتو شو سياتل جديد؟... قال: اي والله لزوم عدة التطبيق...صحيح نسيت قول انو كان صايم باعتبارو مسلم...المهم وانا عم احكي معو عم اضحك..لطريقة سحبو للدخان...وبعتقد انو اي واحد بيمر من جنبو رح يعرف انو لسا مبتدئ وعم ينفخ بالدخان نفخ بس...(ملاحظة...طريقة مشي هالصديق وطريقة لبسو...بيدل من بعيد ..من بعد شي كيلو متر...ع انو غي Gay واكيد عندو Homosexuality ..)
تذكرت هالصديق وحكايتو مع الدخان والسياتل الجديد...انو كيف عم يحاول يغير من حالتو ومن جوهر ذاتو...وعم يحاول انو يدخل عالم النايت كلوب...وكل شي رح يترتب ع هالعالم من بعد الدخول فيه...باعتبارو ما دخل بعمرو لهيك مطارح...

بنرجع للحمير...
حالة "الحمرنة" بالذات حالة صعبة وميؤوس من تغييرها برأيي
صحيح كلامك... وياريت خلينا نعطي لأعزائنا الاعضاء توصيف اكتر وضوح لحالة الحمرنة ومن داخل هالاخوية...باعتبار اخوية مجتمع مصّغر وبنلاقي كل شرائح واطياف المجتمع الكبير موجودين هون...

___________________
ع الهامش..: بدنا نطلب من المشرفين الاعزاء انو يدمجو هالموضوع القديم المغلق (لاسباب شخصية بيتعلق بشخصية المشرفة السابقة ريمي ادام ربها بركتها وكبّر بعزها...) وفتح الموضوع القديم ...باعتبار انو حسام (الحكيم..) وعدنا خيراً بحل هالمشكلة وفتح الموضوع السابق...وع الوعد يا كمون...

ويا هلا..:D

•• LEO ••

13/10/2007, 01:39

بشكرك عزيزي نسيم ع اضافتك المميزة عن الحمير...

على العهد .. بمكافحة الحمرنة .. :D

ياخي هالقصة ممكن توضحلنا صورة بقدر معيّن ..

بس برضو انت قلت :
وبعتقد انو اي واحد بيمر من جنبو رح يعرف انو لسا مبتدئ وعم ينفخ بالدخان نفخ بس

يعني الأصل مكشوف .. بس في هون مصيبة .. ووين المصيبة يا حزرك !!

المصيبة لما يكون مو مكشوف لزمرة معيّنة من الناس .. ساعتها بدنا نعتبر هالناس ما انتبهو و ما لاحظو ؟!
ولاّ بدنا نحط اعتبارات أخرى ؟*

________

* هالاعتبارات بخصوص الناس طبعاً .. مو الحمار .. على اعتبار انو الحمار مفروغ منو كحمار ..

أسير التشرد

11/11/2007, 21:08

بالبداية..كانت شو.. كلمة المرحبا..
بقا مرحبا لكل.. وكيفكن..؟

حـالة مستمرة هون..بعتقد هالشي..
لكن مع شوية قصص اكيد رح نتجاوز هالحالة...

تحياتي لكم*...

______________________
وع الهامش.. متل ما بنعرف انو بفترة قديمة من الزمن..وصلني ايميل بتحريم وضع او كتابة كلمة تحياتي لك..او لكم..باعتبار انو هالكلمة مختصة لذوات الإلهية... لكن ومن منطلق انو رأسي يابس رح قول تحياتي لكم...وانا بحبكم كلكم بلا استثناء بين الذكر والانثى...:D

•• LEO ••

11/11/2007, 21:42

اهلين بهالطلة والله :D
من شهر غايب يا مجرم ؟ .. لو الشيخ لايص بعرف بدك تعمل هيك اكيد ما كان حطك خليفتو بالمنتدى

أسير التشرد

17/11/2007, 05:54

اهلين بهالطلة والله :D
من شهر غايب يا مجرم ؟ .. لو الشيخ لايص بعرف بدك تعمل هيك اكيد ما كان حطك خليفتو بالمنتدى
اي وحياتك انا مجرم... وعم غيب ..والغياب اجرام بحد ذاتو...
عكلن في شوية ظروف...
عكلن الشيخ مات..ووصى بالامة خيرا والغياب كان انو كنا عم نحضر للجنازة وامور زوجاتو...الخمسة..
خلونا نرجع لموضوعنا عن الملل...
القصة طويلة مع الملل..
قريباً رح نحكيلكم قصة جديدة مع حالة الملل..
ويا هلا..:D

•• LEO ••

21/11/2007, 03:13

قريباً رح نحكيلكم قصة جديدة مع حالة الملل..

بالانتظار على أمل ييجي القريبا .. بس الغايب عذرو معو

بس ما يكون متل الرسالة الادارية : -
لأسباب تقنية ولفترة محدودة قد لا يكون متاح في جميع الأوقات تنزيل المرفقات.

هالمشاكل التقنية من شهر أو اكتر ما كانت تنحل بشكل نهائي ..

و ع الوعد يا بطيخ ..

L.A.

21/11/2007, 04:11

شارك ببرنامج "زعلان ليه" على انفينيتي و ادعيلي :razz:

أسير التشرد

24/11/2007, 06:13

ع رأسي الكل وكل الشباب...
نحن هون ولا يهمك..عم نتسلى وعم نستفيد...
:D

rw3a

24/11/2007, 21:57

حالة الملل اللي صايبة هـ الجيل مش طبيعية , كل شيء لازم يتغير , كل شيء ممل , كل شيء مش زابط !

مرّ بي إسبوع كامل و صوت ماجدة لا يغادر جهازي و أغاني فيروز تساندني في أيامي الطويلة أشاهد نفس الفيلم Closer عشر مرات و لا أملّ , أقرأ أمين معلوف للمرة الخمسون و لا أملّه , و حدها الأخبار الحوادث الناس مملون

كيف هي علاقاتكم بـ أشيائكم الصغيرة / ملل أيضاً ?!

Sarita

04/12/2007, 20:42

اي انا بدي انتحر مو مالة ؟
شنو ما جبت علامات منيحة هالفصل
الله يكون بالعون اسير ابو التشرد

•• LEO ••

12/12/2007, 01:51

شو من كل عقلك بدك تسمع القصة ؟
يعني ما سمعت انو عالبرايفت التكملة يا ليو ؟
شبااااااااااااااااااااااا ااااااااااااااااااااااااا ااك ؟
و ضارب بوز كمان يالله بهالكم يوم رح استلم الموضوع لبينما احصل على توكيل رسمي مشان اتصرف كيف ما بدي اي ؟
و اتحفكون بقصصي بس مو مملة مرعبة بتموت من الرعبة

هلأ باعتباركم التنين غايبين بس انتي شطورة و غيابك اقل من غياب خليفة لايص .. عم نستنى .. والله يستر