-
دخول

عرض كامل الموضوع : ســـــــوريا أولاً

جاسم66
05/09/2007, 14:03
أصدقائي أسسمحوا لي في هذه المشاركة أن أكون متطرف بعض الشيئ
وأن أنادي سوريا أولاً وأسأل هل يحق للعراق أن يقول العراق أولاًويوجد عندنا في سوريا
أكثر من مليونين عراقي مع مايسببونه من أذى لنا كسوريين
أريد رأيكم سلباً أو ايجاباً ولكم الشكر من سوري غيور
*Marwa*
05/09/2007, 14:25
سوريا اولا فلسطين اولا العراق اولا الاردن اولا مصر اولا..اه ولوين رح نوصل يا ترى؟؟؟
معناها انا بقول خلص كل واحد يتبرأ من لغته العربية الفصحى ويبطل يحكي فيها هيك منكون بالزبط طبقنا وضعنا الحالي عنجد! لانو مشاعر اخوية وانسانية تجاه بعض ما في! كل دولة وكل شعب شاطر يحكي عن عيوب الشعب التاني وكل واحد فينا شاطر يشوف القشة اللي بعين اخوه ومش قادر يشوف الخشبة اللي بعينو!
انا مش عم بقول انو نضيع وطننا ودولتنا وانتماءنا عشان دول تانية بس انا بشعر انو في ناس بوصل الحد معهم انو يكونوا متطرفين وعنصريين لبلدهم! وهاد الشي ازا عم نرفضه بالاديان طب ليه منرفضوش بالاوطان؟؟!!
قد ما تفرقنا الحدود والمسافات (مش رح اقول انو نحنا بالنهاية عرب) بس رح اقوا نو نحنا بالنهاية بشر! والانسان بالفطرة بحب اخوه الانسان بغض النظر عن دينه عرقه وطنه وانا بشوف اللي بسخروا من ناس وطنهم متلا السعودية او موريتانيا او يمكن فلسطين ذنبهن فظيع بالزبط متل ذنب انسان بتمسخر على التاني عشان شكله!!
بالزبط متل انسان ابيض يسخر من انسان اسود!! انا مش عم بقول انو ما يكون في نقد لبعض التصرفات للشعوب الاخرى بس انو كمان ما يكون نقدنا هدام ونتحول لوحوش نكره الشعوب الاخرى!!
واتمنى انو ما حدا زعل من حكيي انا ان حكيت فعم بحكي لمصلحتكو قبل مصلحتي
تحياتي :D
جاسم66
05/09/2007, 14:42
صديقتي مروى حتى ما يكون في شي شخصي رح أحكي بشكل عام
الكل بيعرف أنو نحن بسوريا بندفع ثمن العروبي والقوميي من زمان طويل
نحن مانة حاكيين شي بس شوية عرفان بالجميل من الفلسطينين والعراقيين واللبنانيين
نحن مابدنا شي من حدا بس أنت أكيد بتابعي محطات التلفزيون (الشقيقة )
وشايفي الأشقاء شو عم يحكوا وأكيد مانك راضية عن الأخ أبو مازن مثلاً
COSTA
05/09/2007, 14:49
أصدقائي أسسمحوا لي في هذه المشاركة أن أكون متطرف بعض الشيئ

وأن أنادي سوريا أولاً وأسأل هل يحق للعراق أن يقول العراق أولاًويوجد عندنا في سوريا
أكثر من مليونين عراقي مع مايسببونه من أذى لنا كسوريين

أريد رأيكم سلباً أو ايجاباً ولكم الشكر من سوري غيور

قبل كل شي التطرف موجود وين ما رحت .... ومو شرط يكون التطرف بالانتماء او بالقومية او باي شي ...
بس ممكن تشرح ليش سوريا اولا ... حتى نعرف على انو اساس متطرف انت بقولك هذا ..
الحب الازرق
05/09/2007, 15:16
واخيرا نطق حمصي بالحق

شو ليش ..لك العراقيين حرقوا سما البلد ..
كيلو الحليب 30 ليرة
كيف ممكن نستوعب 2000000 لاجائ ...
بدي افهم العراق نصفها بدو وبعدين بستوردوا حليب من عنا ..
والله حاسس الموضوع كلو لحتى يخنقونا اقتصاديا
brave heart2
05/09/2007, 16:14
واخيرا نطق حمصي بالحق

شو ليش ..لك العراقيين حرقوا سما البلد ..
كيلو الحليب 30 ليرة
كيف ممكن نستوعب 2000000 لاجائ ...
بدي افهم العراق نصفها بدو وبعدين بستوردوا حليب من عنا ..
والله حاسس الموضوع كلو لحتى يخنقونا اقتصاديا


هدول 20000000000 مين فوتهم بدون ضوابط

مين عم يقبض منهم بلاوي عالطالع والفايت

والمساعدات يلي تقدمتلهم من المنظمات وين صارت

وووووووو الخ ....
*Marwa*
05/09/2007, 18:05
اخ جاسم شكرا عالرد
بس دخلك انا شو دخلني ب ابو مازن؟؟؟ ابو مازن ما بمتلني وما بشرفني ولا حركة حماس كمان!!
انا مع فلسطين الحرة فلسطين للفلسطينيين مش للفتحاويين ولا للحمساويين!!
واصلا بحكم كوني عايشة تحت حكم عبري فانا ما بعرف منيح بالحركات السياسية بفلسطين بس اللي بعرفو منيح انو مع الفلسطينيين الاحرار!
سوريا بدها عرفان للجميل بس سوريا الشعب مش سوريا الحكومة ..تماما كما انو الشعب اللبناني والشعب الفلسطيني وكتير شعوب مناضلة بدها عرفان للجميل!
بس من ناحية حكومة وسياسيين بسورية او عرب ككل فاسمح لي اقولك ما حدا بدو مني عرفان للجميل!!!
وبتمنى انو ما حدا يزعل من حكيي
تحياتي:D
brave heart2
05/09/2007, 19:16
اخ جاسم شكرا عالرد
بس دخلك انا شو دخلني ب ابو مازن؟؟؟ ابو مازن ما بمتلني وما بشرفني ولا حركة حماس كمان!!
انا مع فلسطين الحرة فلسطين للفلسطينيين مش للفتحاويين ولا للحمساويين!!
واصلا بحكم كوني عايشة تحت حكم عبري فانا ما بعرف منيح بالحركات السياسية بفلسطين بس اللي بعرفو منيح انو مع الفلسطينيين الاحرار!
سوريا بدها عرفان للجميل بس سوريا الشعب مش سوريا الحكومة ..تماما كما انو الشعب اللبناني والشعب الفلسطيني وكتير شعوب مناضلة بدها عرفان للجميل!
بس من ناحية حكومة وسياسيين بسورية او عرب ككل فاسمح لي اقولك ما حدا بدو مني عرفان للجميل!!!
وبتمنى انو ما حدا يزعل من حكيي
تحياتي:D

اولا ما حدا رح يزعل منك ....

ثانيا : بغض النظر عن رأينا بالنظام السوري اي طعنة بتتوجه للنظام رح تصيب الشعب السوري

فهي قصة انو الشعب السوري مالو علاقة بنظامو مو زابطة
phoenixbird
05/09/2007, 20:13
طيب انا معك انو سوريا اولا
بس لما الاشقاء العرب بيقللوا من استقبال الاشقاء العراقيين ولما المجتمع الدولي بيوقف عم يتفرج
شو فيك تعمل بعالم عم يندبحوا ببيوتون ؟
تزتون عالحدود وتبنيلون مخيمات ولا تسكر بوابك بوشون
ومو صحيح انو المساعدات عم تنهال علينا
انا بشتغل ضمن الهلال الأحمر وبعرف انو المساعدات اللي عم تجي ولاشي
صح الاسعار ضربت بكل النواحي وكتير تضررنابس شو فيك تعمل
alwaleed
05/09/2007, 20:21
ماهذا الهراء العنصري عزيزي جاسم
الشعب السوري شعب انساني وهو وعاء يستوعب الجميع واذا كانت افكارك الهجينة لا تستوعب هذا الكلام فاذهب الى القمر وردد تحيا سوريا لوحدك
الشعب العراقي يمر بظروف صعبة ظروف حرب واحتلال ودمار وذبح على الهوية ومن واجبنا كسوريين ايوائهم في محنتهم المؤقتة
ومن يقول ان العراقيين سببوا ازمة اقتصادية للبلد فهذا هراء وكلام سطحي
غلاء الاسعار سببه السياسة الاقتصادية للحكومة الحالية سياسة الانفتلح واقتصادد السوق والخصخصة
العراقيين كانو عاملا مساعدا في رفع الاسعار وليس الاساسي
ولا تنسو بانهم ادخلو الى البلد عملة صعبة ساهمت في انعاش الاقتصاد وفتحوا مشاريع
على كل حال هذه محنة مؤقتة للاخوة العراقيين وستزول
والى ذلك الحين سنأويهم بكل انسانيتنا واخويتنا
ولا ننسى فضل العراق بمساعدتنا في لكثير من المراحل التاريخية
تحياتي للامة الانسانية جمعاء
تسقط النزعات العنصرية
Hussam dr
05/09/2007, 20:58
أول شي بحيي الأخ عهلموضوع ...
بس لنكون واقعيين .... أكيد مارح نقول إنو العراقية ما سببو مشاكل بلبلد ... يعني عملو مشاكل وكترو ....
بس المشكلة إنو هنة طالعين من عنا ولا لأ ... قصدي رح يرجعو لبلدون ولا ضالين عنا ... هلأ مو مشكلة إذا ضلو عنا هون كم سنة ... بس مو يضلو العمر كلو ... قصدي يرجعو لبلدون أريحلنا وأريحلون
هلأ بحسب تجربتي الشخصية واللي عم شوفو ... هنة عم يلعبو دور سلبي بلنسبة لأسعار البيوت
وكمان من ناحية إنو شبابون مو شايفين شي تقريبا ... يعني مو الكل طبعا ... بس أغلب الشباب اللي عم يجو بيكونو متخلفين و جايين ليسرقو ويتزعرنو ..
وكمان قصة المحلات اللي فتحت بمناطق متعددة بلشام مثلاً ... يعني إذا واحد فتح محل وعمل عيلة .. هلشي ما بطمن إنو رح يرجع لبلدو !!

تحياتي :D
صياد الطيور
05/09/2007, 21:01
اذا صار ولا سمح الله صارت ضربة عسكرية على بلدك
و أنت خفت على أهلك .. على ابوك على امك واخواتك .. أبوك خاف على ولادو ..
الدمار و الجوع بكل مكان .. كل يوم في عشرات القتلى ..
بيتك تهدم و تشردت ما ضل عندك مكان تنام فيه .. الولاد ما في مدرسة تحويهم و تدمر مستقبلهم الدراسي ..و أمور كتيرة .. شو ممكن تعمل ... أكيد بدك تطلع تدور على حياة أفضل ..
لما ما بتلاقي دولة و لا مكان يحويك .. شو بقول ...

سوريا أولاً هي منقولها بينا وبين حالنا ... مع أنفسنا .. بس بدون ما ننسى أنو عندنا عرب و أخوة و عائلات واحدة ما فرق بينها ألا الأستعمار و حدودو المصطنعة ..

سوريا لكل العرب ... سوريا مهد الحضارات ...
Hussam dr
05/09/2007, 21:08
اذا صار ولا سمح الله صارت ضربة عسكرية على بلدك
و أنت خفت على أهلك .. على ابوك على امك واخواتك .. أبوك خاف على ولادو ..
الدمار و الجوع بكل مكان .. كل يوم في عشرات القتلى ..
بيتك تهدم و تشردت ما ضل عندك مكان تنام فيه .. الولاد ما في مدرسة تحويهم و تدمر مستقبلهم الدراسي ..و أمور كتيرة .. شو ممكن تعمل ... أكيد بدك تطلع تدور على حياة أفضل ..
لما ما بتلاقي دولة و لا مكان يحويك .. شو بقول ...

سوريا أولاً هي منقولها بينا وبين حالنا ... مع أنفسنا .. بس بدون ما ننسى أنو عندنا عرب و أخوة و عائلات واحدة ما فرق بينها ألا الأستعمار و حدودو المصطنعة ..

سوريا لكل العرب ... سوريا مهد الحضارات ...
هلأ حكيك على عيني وراسي بس إذا رجعت العراق منيحة وما فيا مشاكل وما في قتل ولا دبح ... بيرجعو ولا لأ .. ؟
يعني من ناحيتي ما بعتقد هلشي ... أكيد كونون استقرو هون وعملو شغل !
تحياتي
alwaleed
05/09/2007, 21:14
أول شي بحيي الأخ عهلموضوع ...
بس لنكون واقعيين .... أكيد مارح نقول إنو العراقية ما سببو مشاكل بلبلد ... يعني عملو مشاكل وكترو ....
بس المشكلة إنو هنة طالعين من عنا ولا لأ ... قصدي رح يرجعو لبلدون ولا ضالين عنا ... هلأ مو مشكلة إذا ضلو عنا هون كم سنة ... بس مو يضلو العمر كلو ... قصدي يرجعو لبلدون أريحلنا وأريحلون
هلأ بحسب تجربتي الشخصية واللي عم شوفو ... هنة عم يلعبو دور سلبي بلنسبة لأسعار البيوت
وكمان من ناحية إنو شبابون مو شايفين شي تقريبا ... يعني مو الكل طبعا ... بس أغلب الشباب اللي عم يجو بيكونو متخلفين و جايين ليسرقو ويتزعرنو ..
وكمان قصة المحلات اللي فتحت بمناطق متعددة بلشام مثلاً ... يعني إذا واحد فتح محل وعمل عيلة .. هلشي ما بطمن إنو رح يرجع لبلدو !!

تحياتي :D
لعبو دور في رفع اسعار العقارات عبر زيادة الطلب على العقارات من قبلهم
لكن هناك من استغلهم ايضا من التجار السوريين
نحن سوريون يجب ان نقول الذي لنا والذي علينا
يا اخي كنت اتجول في الحميدية انا وصديقي منذ اسبوع تقرينا
يا اخي عجبني بنطلون كنت فايت اشتريه سالت على حقو طلب الزلمة 600 وبعد المفاصلة وعمك وليد شاطر بالمفاصلة وصلت معو لل450 ليرة
ولا فات واحد عراقي وسال على نفس البنطلون
بس لمجرد انو سمع لهجتو العراقية قلو حقو 1000 ليرة
الله وكيلك ما تحملت وانفجرتلك بالزلمة وفضختو قدام الزبون
يعني بشرفك هاد مو استغلال للعراقيين
وكمان نفس الشي اصحاب العقارات عم يطلبو اجارات عالية كتير لما يجيهن مستأجر عراقس وما عم ياجرو للسوريين عم ياجرو للعراقيين منشان يطلبو سعر كبير
العراقيين ما مخلدين عنا هاي حالة مؤقتة بتنتهي بمجرد ما ينتهي الاحتلال بالعراق وترجع الامور طبيعية
وسوريا لكل العرب نحنا شعب انساني لا ننسى اخوتنا ابدا
Hussam dr
05/09/2007, 21:21
لعبو دور في رفع اسعار العقارات عبر زيادة الطلب على العقارات من قبلهم
لكن هناك من استغلهم ايضا من التجار السوريين
نحن سوريون يجب ان نقول الذي لنا والذي علينا
يا اخي كنت اتجول في الحميدية انا وصديقي منذ اسبوع تقرينا
يا اخي عجبني بنطلون كنت فايت اشتريه سالت على حقو طلب الزلمة 600 وبعد المفاصلة وعمك وليد شاطر بالمفاصلة وصلت معو لل450 ليرة
ولا فات واحد عراقي وسال على نفس البنطلون
بس لمجرد انو سمع لهجتو العراقية قلو حقو 1000 ليرة
الله وكيلك ما تحملت وانفجرتلك بالزلمة وفضختو قدام الزبون
يعني بشرفك هاد مو استغلال للعراقيين
وكمان نفس الشي اصحاب العقارات عم يطلبو اجارات عالية كتير لما يجيهن مستأجر عراقس وما عم ياجرو للسوريين عم ياجرو للعراقيين منشان يطلبو سعر كبير
العراقيين ما مخلدين عنا هاي حالة مؤقتة بتنتهي بمجرد ما ينتهي الاحتلال بالعراق وترجع الامور طبيعية
وسوريا لكل العرب نحنا شعب انساني لا ننسى اخوتنا ابدا
حكيك فيو شي صحيح من ناحية إنو في إستغلال من التجار بشكل عام ... بس كمان ما فينا ننسا الوساخة والقرف اللي عم ينشرو بلبلد ... صحيح في منون مناح ... بس في الأكترية سيئين ...
هلأ أهلا وسهلا فيون ... بس بتمنى يكون حكيك صحيح وبس تخلص مشاكل بلدون إنو ما يخلدو عنا ..

تحياتي للكل .. :D
أسير التشرد
05/09/2007, 21:25
مشكلة العراقيين...حلها بسيط جداً...بداية القرار اللي الزم كل عراقي بتأشيرة دخول لسوريا بداية موفقة للحد من التكاثر الرهيب للعراقيين بسوريا...
خلونا نحط شوية نقاط ع القليل من الحروف...العراقي لما بيجي ع سوريا منشان شو..؟الاجابة...انو جاي هربان من سعير الحرب الطائفية هنيك..
طيب..هالشي بنفهمو ورح نحسبها ع الطريقة الانسانية انو لازم نقدر ظروفهم...لمدة زمينة محددة...لكن في مشكلة عنا انو العدد كبير...اكبر من قدرة الاقتصاد...(البعض عم يقول انو العراقيين عم يجيبوا عملات صعبة معهن ع البلد وهيك الاقتصاد بيزدهر اكتر...والبعض عم يقول انو العراقيين فتحوا محلات وحركوا السوق..) ما علينا من هالكلام...ورح نقول في شي من هالحكي انو عم يدخل عملة صعبة ع البلد ع طريقهم...
لكن وين بتروح هالعملة..!!؟ نحن لما بدنا نشوف الحالة بنشوفها ع الشعب.. الناس عم تأفف من غلاء الاسعار ومن اجارات البيوت..والفساد والدعارة انتشرت بشكل فظيع ببعض المناطق...حتى الروسيات ماضل الهن مطرح بسوريا...
برأيي المتواضع...الزم كل عراقي بتأشيرة دخول لسوريا عن الطريق السفارة هو حل مبدئي وبداية جيدة...وخليني قول انو لو عملتو استطلاع بين العراقيين المتواجدين بسوريا...عن رغبتهم بالبقاء بسوريا رح يقولوا نحن جايين ترانزيت بس..يعني عم نقدم هلأ اوراقنا للامم المتحدة شيت شؤون اللاجئين وهنن بدورهم عم يدوروا إلنا ع وطن ثالث..
في حل تاني انو الدولة تعمل مخميات الهم خارج المدينة قريبة من الحدود...خيم مو بيوت...ويسملوهن للامم المتحدة...وهنن يحفروا ابار مي ويوزعوا عليهم الاكل والاغطية...ويعملولوهن مدراس ضمن المخيمات...
واي عراقي بيرغب بدخول المدينة...عليه تقدم طلب لقسم الهجرة...ويحدد مدة بقاؤ بالمدينة...
ويا هلا...:D
maged-syrian
05/09/2007, 21:31
اذا صار ولا سمح الله صارت ضربة عسكرية على بلدك
و أنت خفت على أهلك .. على ابوك على امك واخواتك .. أبوك خاف على ولادو ..
الدمار و الجوع بكل مكان .. كل يوم في عشرات القتلى ..
بيتك تهدم و تشردت ما ضل عندك مكان تنام فيه .. الولاد ما في مدرسة تحويهم و تدمر مستقبلهم الدراسي ..و أمور كتيرة .. شو ممكن تعمل ... أكيد بدك تطلع تدور على حياة أفضل ..
لما ما بتلاقي دولة و لا مكان يحويك .. شو بقول ...

سوريا أولاً هي منقولها بينا وبين حالنا ... مع أنفسنا .. بس بدون ما ننسى أنو عندنا عرب و أخوة و عائلات واحدة ما فرق بينها ألا الأستعمار و حدودو المصطنعة ..

سوريا لكل العرب ... سوريا مهد الحضارات ...

انا بحترم رأيك ... بس يوجد حوالي 8 دول تحيط بالعراق ... ليش سوريا المغلوب على أمرها بالتحديد !!!
ليش السعودية مااستقبلت لاجيء عراقي واحد مع العلم ان لديها المساحة الشاسعة والقدرة الاقتصادية على استقبالهم ... ليش الكويت مااستقبلتهم !!! ليش ايران مااستقبلت الاعداد الكبيرة من النازحين !!! ليش تركيا مااستقبلت لاجيء عراقي واحد !!! ليش الحمل كله على سوريا !! يعني الأمم المتحدة ماساعدتنا وهذا الشيء زاد الطينة بلة !! على الاقل ماكان لازم على الحكومة انها تدخل هالاعداد الهائلة من النازحين العراقيين بدون اي ضوابط على المدن الرئيسية المكتظة اساساً
كان على الحكومة ان تبني لهم مخيمات وملاجيء على الحدود لبين ماتنحل مشكلتهم
يعني هلأ شو ذنب المواطن السوري البسيط بارتفاع الاسعار اللي بلغ 400% في بعض الاحيان
شو ذنب المواطن السوري مايلاقي مكان بالمدارس والجامعات الحكومية بعد استقبال الطلاب العراقيين بتلك الدارس والجامعات !!
شو ذنب المواطن ينام بالشارع هو وعيلته ..
يعني على الاقل حكومتنا لازم تشوف مواطنيها قبل ماتشوف الغير لأن المواطن هو اساس الوطن اما الاخرين فهم مرحلة عابرة لاترى منهم الا نكران الجميل لا والبعض من العراقيين يمننك انه حرك اقتصاد بلدك هادا من عدا الجرائم ... أخر جريمة مروعة حصلت القو القبض على عراقي على طريق حمص دمشق قتل زوجته وحاططها بكيس وهاد من عدا الدعارة وانشار الايدز والنصب والاحتيال و و و الخ...

صحيح الواحد يزعل على بعض العراقيين الابرياء بس ابناء البلد الأقربون أولى بالمعروف !!!
Hussam dr
05/09/2007, 21:34
مشكلة العراقيين...حلها بسيط جداً...بداية القرار اللي الزم كل عراقي بتأشيرة دخول لسوريا بداية موفقة للحد من التكاثر الرهيب للعراقيين بسوريا...
خلونا نحط شوية نقاط ع القليل من الحروف...العراقي لما بيجي ع سوريا منشان شو..؟الاجابة...انو جاي هربان من سعير الحرب الطائفية هنيك..
طيب..هالشي بنفهمو ورح نحسبها ع الطريقة الانسانية انو لازم نقدر ظروفهم...لمدة زمينة محددة...لكن في مشكلة عنا انو العدد كبير...اكبر من قدرة الاقتصاد...(البعض عم يقول انو العراقيين عم يجيبوا عملات صعبة معهن ع البلد وهيك الاقتصاد بيزدهر اكتر...والبعض عم يقول انو العراقيين فتحوا محلات وحركوا السوق..) ما علينا من هالكلام...ورح نقول في شي من هالحكي انو عم يدخل عملة صعبة ع البلد ع طريقهم...
لكن وين بتروح هالعملة..!!؟ نحن لما بدنا نشوف الحالة بنشوفها ع الشعب.. الناس عم تأفف من غلاء الاسعار ومن اجارات البيوت..والفساد والدعارة انتشرت بشكل فظيع ببعض المناطق...حتى الروسيات ماضل الهن مطرح بسوريا...
برأيي المتواضع...الزم كل عراقي بتأشيرة دخول لسوريا عن الطريق السفارة هو حل مبدئي وبداية جيدة...وخليني قول انو لو عملتو استطلاع بين العراقيين المتواجدين بسوريا...عن رغبتهم بالبقاء بسوريا رح يقولوا نحن جايين ترانزيت بس..يعني عم نقدم هلأ اوراقنا للامم المتحدة شيت شؤون اللاجئين وهنن بدورهم عم يدوروا إلنا ع وطن ثالث..
في حل تاني انو الدولة تعمل مخميات الهم خارج المدينة قريبة من الحدود...خيم مو بيوت...ويسملوهن للامم المتحدة...وهنن يحفروا ابار مي ويوزعوا عليهم الاكل والاغطية...ويعملولوهن مدراس ضمن المخيمات...
واي عراقي بيرغب بدخول المدينة...عليه تقدم طلب لقسم الهجرة...ويحدد مدة بقاؤ بالمدينة...
ويا هلا...:D
شكرا علشرح الحلو ... بس حكيك كتيييييييير صعب يتطبق ضمن هلفوضة اللي سببوا العراقيين اللي إجو لهون ..
يعني الحقيقة أنا صرت إكره إمشي بأي حارة فيا عراقيين ... يازلمة بتحس في حارات صارت متل الفلوجة وهية مدمرة ..
يعني ما بعرف شو بدي قول .... يعني إذا فكرنا في من ناحيتنا إنو مو حابينون يتشردو أو ينقتلو ... بس كمان مو حابين تصير بلدنا مو إلنا تقريبا !!
تحياتي :D
alwaleed
05/09/2007, 21:36
انا بحترم رأيك ... بس يوجد حوالي 8 دول تحيط بالعراق ... ليش سوريا المغلوب على أمرها بالتحديد !!!
ليش السعودية مااستقبلت لاجيء عراقي واحد مع العلم ان لديها المساحة الشاسعة والقدرة الاقتصادية على استقبالهم ... ليش الكويت مااستقبلتهم !!! ليش ايران مااستقبلت الاعداد الكبيرة من النازحين !!! ليش تركيا مااستقبلت لاجيء عراقي واحد !!! ليش الحمل كله على سوريا !! يعني الأمم المتحدة ماساعدتنا وهذا الشيء زاد الطينة بلة !! على الاقل ماكان لازم على الحكومة انها تدخل هالاعداد الهائلة من النازحين العراقيين بدون اي ضوابط على المدن الرئيسية المكتظة اساساً
كان على الحكومة ان تبني لهم مخيمات وملاجيء على الحدود لبين ماتنحل مشكلتهم
يعني هلأ شو ذنب المواطن السوري البسيط بارتفاع الاسعار اللي بلغ 400% في بعض الاحيان
شو ذنب المواطن السوري مايلاقي مكان بالمدارس والجامعات الحكومية بعد استقبال الطلاب العراقيين بتلك الدارس والجامعات !!
شو ذنب المواطن ينام بالشارع هو وعيلته ..
يعني على الاقل حكومتنا لازم تشوف مواطنيها قبل ماتشوف الغير لأن المواطن هو اساس الوطن اما الاخرين فهم مرحلة عابرة لاترى منهم الا نكران الجميل لا والبعض من العراقيين يمننك انه حرك اقتصاد بلدك هادا من عدا الجرائم ... أخر جريمة مروعة حصلت القو القبض على عراقي على طريق حمص دمشق قتل زوجته وحاططها بكيس وهاد من عدا الدعارة وانشار الايدز والنصب والاحتيال و و و الخ...

صحيح الواحد يزعل على بعض العراقيين الابرياء بس ابناء البلد الأقربون أولى بالمعروف !!!
عزيزي قلت قبل مرة انو ارتفاع الاسعار مالو علاقة بالعراقيين
ارتفاع الاسعار الو علاقة بالسياسة الاقتصادية الجديدة
لنفتاح واقتصاد سوق وخصخصة ورفع دعم
Hussam dr
05/09/2007, 21:45
انا بحترم رأيك ... بس يوجد حوالي 8 دول تحيط بالعراق ... ليش سوريا المغلوب على أمرها بالتحديد !!!
ليش السعودية مااستقبلت لاجيء عراقي واحد مع العلم ان لديها المساحة الشاسعة والقدرة الاقتصادية على استقبالهم ... ليش الكويت مااستقبلتهم !!! ليش ايران مااستقبلت الاعداد الكبيرة من النازحين !!! ليش تركيا مااستقبلت لاجيء عراقي واحد !!! ليش الحمل كله على سوريا !! يعني الأمم المتحدة ماساعدتنا وهذا الشيء زاد الطينة بلة !! على الاقل ماكان لازم على الحكومة انها تدخل هالاعداد الهائلة من النازحين العراقيين بدون اي ضوابط على المدن الرئيسية المكتظة اساساً
كان على الحكومة ان تبني لهم مخيمات وملاجيء على الحدود لبين ماتنحل مشكلتهم
يعني هلأ شو ذنب المواطن السوري البسيط بارتفاع الاسعار اللي بلغ 400% في بعض الاحيان
شو ذنب المواطن السوري مايلاقي مكان بالمدارس والجامعات الحكومية بعد استقبال الطلاب العراقيين بتلك الدارس والجامعات !!
شو ذنب المواطن ينام بالشارع هو وعيلته ..
يعني على الاقل حكومتنا لازم تشوف مواطنيها قبل ماتشوف الغير لأن المواطن هو اساس الوطن اما الاخرين فهم مرحلة عابرة لاترى منهم الا نكران الجميل لا والبعض من العراقيين يمننك انه حرك اقتصاد بلدك هادا من عدا الجرائم ... أخر جريمة مروعة حصلت القو القبض على عراقي على طريق حمص دمشق قتل زوجته وحاططها بكيس وهاد من عدا الدعارة وانشار الايدز والنصب والاحتيال و و و الخ...

صحيح الواحد يزعل على بعض العراقيين الابرياء بس ابناء البلد الأقربون أولى بالمعروف !!!
شكرا عردك الأكتر من مقنع ... يعني رأي سليم مية بلمية ..
وبضيف إنو ما عم نشوف المشاكل النفسية اللي عاملينا بلبلد .... يعني الحقيقة مو كتير مستحب وجودون الكبير بمناطق متل باب توما .... يعني الحقيقة بتضل تشوفون ماشيين وقاعدين يتطلعو على الصبايا ... كأنون مو شايفين شي بحياتون .... غير إنو في منون بيتطلعو علشباب ... يعني بعيد عنكون مو شايفين شب لابس علموضة ... وبيقعدو يحكو ويتضحكو .... فإذا هنة جايين وهمون بس إنو يضلو فترة عنا بعدين يروحو ... فليش بقا قاعدين عم يتفلتنو ببلدنا ؟؟ ... هاد دليل إنو عجبون الوضع عنا والعيشة والأمان ناسبون كونون كانو عايشين بجو كلو تخلف .. " طبعا كل حكيي مو معمم ... يعني في ناس مناح ""


تحية :D
alwaleed
05/09/2007, 22:00
في السبعينيات كانت الناس تتمنى ان يكونو لاجئين عراقيين في سوريا والاردن واوروبا
بسبب مكانة الاجئين العراقيين الثقافية في ذلك الوقت
حيث كانمو عظمهم من نخبة الناس في الثقافة والشعر والادب والطب
يا اصدقائي يوجد السيء ويوجد الجيد
لا تتناولو الامور بشكل سطحي
العراق عاش 10 سنوات من الحصار والفقر المدقع اضافة الى القمع
والان الاحتلال والدمار والقتل الطائفي
هذه العوامل كلها ولدت فقرا وحالة نفسية سيئة
انتجت منحرفين وغيرهم
كونو موضوعيين
ودعونا نساعدهم لاننا بشر انسانيين
ابتعدوا عن النزعات العنصرية القذرة منذ متى والسوريين عنصريين
الشعب السوري شعب انساني
ومن يقول غير ذلك
ليذهب الى جانب قبر الزعيم ويردد تحيا سوريا لوحده
انا السوريون يرددون تحيا الانسانية
samsoum
05/09/2007, 22:18
هلأ حكيك على عيني وراسي بس إذا رجعت العراق منيحة وما فيا مشاكل وما في قتل ولا دبح ... بيرجعو ولا لأ .. ؟
يعني من ناحيتي ما بعتقد هلشي ... أكيد كونون استقرو هون وعملو شغل !
تحياتي
مافي انسان بيتمنى يبقى عايش خارج بلده، وخاصة اذا كانت هالبلد مستقرة امنيا بالدرجة الاولى،وشي طبيعي انو يعمل شغل ويحاول يستقر، لأنو مو معقول يبقى قاعد عم يستنى ومايحاول يعيش حياة طبيعية نوعا ما، وهو مالو عرفان إيمتى ممكن تنحل أزمته، وعندك مثال الفلسطينيين اللي صرلهن خمسين سنة طالعين من بلدهن، لحد هللأ متمسكن بحقهم بالعودة، مع انهم مستقرين اكتر من العراقيين بكتير، وخاصة بسوريا
الله بيعين:D
COSTA
05/09/2007, 22:27
مافي انسان بيتمنى يبقى عايش خارج بلده، وخاصة اذا كانت هالبلد مستقرة امنيا بالدرجة الاولى،وشي طبيعي انو يعمل شغل ويحاول يستقر، لأنو مو معقول يبقى قاعد عم يستنى ومايحاول يعيش حياة طبيعية نوعا ما، وهو مالو عرفان إيمتى ممكن تنحل أزمته، وعندك مثال الفلسطينيين اللي صرلهن خمسين سنة طالعين من بلدهن، لحد هللأ متمسكن بحقهم بالعودة، مع انهم مستقرين اكتر من العراقيين بكتير، وخاصة بسوريا
الله بيعين:D
بدي ركز على اخر كلمتين قلتون بردك ..... الله بعين
فسرولي شلون الله بدو ينزل ويعين ....؟؟؟؟؟
يعني مو شايف الناس .... ملتعن ابو سلافها ومو شايف البشر شلون صارت تاكل بعضها ...
ولسا بتقولو الله بعين ....
قومو انتو وحاجة ساكتين لسا كلشي على الله منزتو .... يعني بكرا تنكة البينزين اذا صارت ب 2500 ليرة وكيلو اللحمة 1500 ليرة ..... الله بدو ينزل ويعين ؟؟؟؟.... او بدو يبعت شي كمشة مصاري ؟؟؟
حاجة بقا الله وعبدالله .....
شوفو شلون في ناس عم تدفع دمها وايام وسنين من عمرها بالحبس كرمال تعيش بكرامة ببلدها ويكون في حق لكل مواطن .....
وبالاخر بتعملوهون خونة ....
:jakoush::jakoush:
قال الله الله قال سمعوا على هالحكي
samsoum
05/09/2007, 22:57
بدي ركز على اخر كلمتين قلتون بردك ..... الله بعين
فسرولي شلون الله بدو ينزل ويعين ....؟؟؟؟؟
يعني مو شايف الناس .... ملتعن ابو سلافها ومو شايف البشر شلون صارت تاكل بعضها ...
ولسا بتقولو الله بعين ....
قومو انتو وحاجة ساكتين لسا كلشي على الله منزتو .... يعني بكرا تنكة البينزين اذا صارت ب 2500 ليرة وكيلو اللحمة 1500 ليرة ..... الله بدو ينزل ويعين ؟؟؟؟.... او بدو يبعت شي كمشة مصاري ؟؟؟
حاجة بقا الله وعبدالله .....
شوفو شلون في ناس عم تدفع دمها وايام وسنين من عمرها بالحبس كرمال تعيش بكرامة ببلدها ويكون في حق لكل مواطن .....
وبالاخر بتعملوهون خونة ....
:jakoush::jakoush:
قال الله الله قال سمعوا على هالحكي
معليش معلمنا لايطلع خلقك علينا، هي كلمة وبتنقال، وصدقني انو من القهر، وانا بعرف منيح انو لو الله بدو ينزل يعين، ماكان اصلا ترك هالامور توصل لهالحد
طيب ... الله لايعين... منيح هيك:lol:
COSTA
05/09/2007, 23:01
معليش معلمنا لايطلع خلقك علينا، هي كلمة وبتنقال، وصدقني انو من القهر، وانا بعرف منيح انو لو الله بدو ينزل يعين، ماكان اصلا ترك هالامور توصل لهالحد
طيب ... الله لايعين... منيح هيك:lol:
لا يا حبيبي انا ماني قاصدك انت لشخصك او تفكر شي تاني
بالعكس مافي شي بيني وبينك ....
بس هي الكلمة بتنرفزني يعني ... بس مو اكتر
لانو ما بقولها غير عديم الجدوى والفائدة وقليل الغيرة والمحبة .....
وما تفكر انت المقصود .....
وهي وردة:D
samsoum
05/09/2007, 23:07
لا يا حبيبي انا ماني قاصدك انت لشخصك او تفكر شي تاني
بالعكس مافي شي بيني وبينك ....
بس هي الكلمة بتنرفزني يعني ... بس مو اكتر
لانو ما بقولها غير عديم الجدوى والفائدة وقليل الغيرة والمحبة .....
وما تفكر انت المقصود .....
وهي وردة:D
ولا يهمك .. وبالمناسبة انا مع كل الكلام اللي تفضلت فيه
وكمان هي وردة:D
ليندا
05/09/2007, 23:36
هل يحق للعراق أن يقول العراق أولاًويوجد عندنا في سوريا


مشان هيك الاجدر بكل واحد يقول انــا اولاً وبلاها شعارات و وطنيات كزابه
نسر الشام
05/09/2007, 23:49
بدي ركز على اخر كلمتين قلتون بردك ..... الله بعين
فسرولي شلون الله بدو ينزل ويعين ....؟؟؟؟؟
يعني مو شايف الناس .... ملتعن ابو سلافها ومو شايف البشر شلون صارت تاكل بعضها ...
ولسا بتقولو الله بعين ....
قومو انتو وحاجة ساكتين لسا كلشي على الله منزتو .... يعني بكرا تنكة البينزين اذا صارت ب 2500 ليرة وكيلو اللحمة 1500 ليرة ..... الله بدو ينزل ويعين ؟؟؟؟.... او بدو يبعت شي كمشة مصاري ؟؟؟
حاجة بقا الله وعبدالله .....
شوفو شلون في ناس عم تدفع دمها وايام وسنين من عمرها بالحبس كرمال تعيش بكرامة ببلدها ويكون في حق لكل مواطن .....
وبالاخر بتعملوهون خونة ....
:jakoush::jakoush:
قال الله الله قال سمعوا على هالحكي

نحنا شعب بيفطر جبـنــــــــــــــة وبيتغدى جبنــــــــــة وبيتعشى جبنـــــــــــــة ( شعب مربى على الجبن ) بالمشرمحي جباان ( طبعا مو الكل )
شـــــعارنا ( ألف كلمة جبان ولا كلمة الله يرحموا )
مافي باليد حيلة أيا كلمة تحكى تنعكس سلباً ( وكان الله في العون ) صار دستور المواطن ( والاتكال على الله ) دستور المواطن
:pos:
maged-syrian
05/09/2007, 23:58
اما السوريون يرددون تحيا الانسانية


حبيب على هالحالة خلينا نحذف كلمة سوريون ونحط بدالها نحن البشر ... لأن هون نحنا صرنا نفكر بالبشر ونبديهم على الأقربون يلي هم ابناء البلد:D
بوسيدون
06/09/2007, 00:31
قال الشاعر السوري القديم ميلاغر
(صور) كانت مربيتي
و(جدرة ) التي هي( أتيكا ) التي تقع في سوريا ولدتني
فإذا كنت سورياً فأين الغرابة
أيها الغريب إننا نقطن بلداً واحدا ًهو العالم
وشيء واحد أنبت كل البشر
Barleb
06/09/2007, 01:27
الحكومة عما تشتغل عـ هل موضوع .. و أول و أهم خطوة أنو منعت الأقامة السنوية ..

و لـ تجدد الأقامة 3 أو 6 شهور .. لازم العراق يرجع من بغداد و يجددها ..
__
تاني شي.. نحنا مجبورين بالعراقيين أكتر من السعودية و الكويت و أيران ..

أخواتي بحرب 73 .. مر من مدينتي ( القامشلي ).. أكتر من 200000 ألف جندي عراقي وكانو مبعوتين عـ الجبهة ..

وما رجع نصون عـ العراق ..

العراق ساندونا .. ونحنا مجبورين فيهون ..

__
سوريا أولاً و أخيراً .. سورية الأصل سوريا ادم .. و سوريا حواء ..
جاسم66
06/09/2007, 03:05
أنا كنت عم تابع وناطر الشباب الطيبة
شو بتحكو ا عن جرمانا
شو بتحكو ا عن اليعربيات في كل حي وكل شارع في حمص
يا شباب أنا والله ماني عنصري بس ببساطة بحب بلدي وهادا حقي مو هيك شباب
وبعدين أنا بعرف مليح شو يعني 2 مليون ببلد عددسكانه 20 مليون بعدين أخت مروى أنا بتشرفني حركة حماس
وكمان مسيو وليد أنا أفكاري لو سمحت ماهي هجينة ولاتزايد علي في الوطنية
من سنة ال 48 قلنا بكرا بيرجوا الفلسطينيين وبزكرك بعد 100 سنة اذا بقينا عايشين
LOSKOV
06/09/2007, 03:42
واخيرا نطق حمصي بالحق

شو ليش ..لك العراقيين حرقوا سما البلد ..
كيلو الحليب 30 ليرة
كيف ممكن نستوعب 2000000 لاجائ ...
بدي افهم العراق نصفها بدو وبعدين بستوردوا حليب من عنا ..
والله حاسس الموضوع كلو لحتى يخنقونا اقتصاديا

:pos: :frown:

انا بظن انو الشعب السوري .. هو يللي لعن ابو الحالة ..
لأنه شافو العراقي جايبلو شوية مصاري من العراق ..
بئا ئالو منيح ما شلحتو ياها امريكا .. نحن منشلحو ياها ..
هادا يؤدي .. غليت الأسعار .. لأنه اذا وائف واحد سوري و واحد عراقي عند البياع
وسأله العراقي أديه حئ كيلو الحليب .. وبنفس الوئت سأله السوري
شو بدو يكون موقف البياع .. (( البياع بدو يطلب من العراقي 30 ))
للأسف السوري فات بنفس الوئت واخدو كمان بـ30 مشان ما يطلع البياع بالخجلة امام العراقي ..


بئا العطل من الشعب والحكومة السورية .. مو من العراقيين يللي عم يجو لهون ...

وشكرا .. :larg:

و مشان موضوع انه يخنقونا اقتصاديا. .. هنن باسو ايد اميركا مشان تحتل العراق .. بهدف هو .. خنق سوريا اقتصاديا .. :shock: مو ؟
the wrath of god
06/09/2007, 05:24
باختصار العراقيين نزعوا البلد
لك صرت حس حالي عم بمشي بالعراق لك عنجد حاج
اي أهل البلد مو ملاقين مكان وبيجوا مليونين عراقي عنجد عيب
جاسم66
06/09/2007, 18:00
ياشباب الموضوع أكبر من سعر كيلو حليب أو غيرو
الموضوع بغلاء الأسعار هو أنو كل البضايع السورية
والخضار عم تتصدر للعراق
الموضوع ليش كل العالم بيفكر بحاله الا نحنا لازم نقطع الكهرباعنا ونصدرها
للاردن لازم نعطي لبنان الفيول لازم نعطي مصر القمح الاستراتيجي
لازم نعطي العراق كلشي بدو ياه
ونحن حدنا الشيطان
COSTA
06/09/2007, 18:56
أنا كنت عم تابع وناطر الشباب الطيبة
شو بتحكو ا عن جرمانا
شو بتحكو ا عن اليعربيات في كل حي وكل شارع في حمص
يا شباب أنا والله ماني عنصري بس ببساطة بحب بلدي وهادا حقي مو هيك شباب
وبعدين أنا بعرف مليح شو يعني 2 مليون ببلد عددسكانه 20 مليون بعدين أخت مروى أنا بتشرفني حركة حماس
وكمان مسيو وليد أنا أفكاري لو سمحت ماهي هجينة ولاتزايد علي في الوطنية
من سنة ال 48 قلنا بكرا بيرجوا الفلسطينيين وبزكرك بعد 100 سنة اذا بقينا عايشين
شوف معلم .....
لما واحد يهاجر من بلد لبلد تاني ... من الاكيد بدو يحمل معو غراضو ومتاعو .... وتراثو وعاداتو ....
وهون لما اجو العراقيين حبو يمارسو عاداتون ... وهي مافيها شي لانو كل شعب الو تراثو وعاداتو ....
بس المزعج انو شعبنا مانو متعود على هاد الشي وما عم يقدر يتقبلها .....
وهنن متعودين على الكبت والحرمان بالعراق ولما اجو عسوريا شافو الحرية وفهموها غلط .... طبعا الحرية يللي شافوها او فهموها هي الشغلات يللي كانت ممنوعة بالعراق .....
ياشباب الموضوع أكبر من سعر كيلو حليب أو غيرو
الموضوع بغلاء الأسعار هو أنو كل البضايع السورية
والخضار عم تتصدر للعراق
الموضوع ليش كل العالم بيفكر بحاله الا نحنا لازم نقطع الكهرباعنا ونصدرها
للاردن لازم نعطي لبنان الفيول لازم نعطي مصر القمح الاستراتيجي
لازم نعطي العراق كلشي بدو ياه
ونحن حدنا الشيطان
من الطبيعي انو التاجر لما بدو يصدر مواد بدو يصدرها لبلد بكون فيها السعر افضل من غير بلدان ....
اما بالنسبة للكهرباء والمياه والمواد التانية فهي بكون عليها اتفاقيات دولية او اقليمية ....
وما بتقدر دولة تخل بهالاتفاقيات لانها مشرعة دوليا وفي قوانين ودائما العقد شريعة المتعاقدين

بس حابب الفت نظر لشغلة انو شعبنا قديش درويش وقديش قلبو طيب وبينسا بسرعة ...
بالثمانينات وايام حركة الاخوان المسلمين وقت نشطت بسوريا وصارت تعمل اعمال تخربية وارهابية ... كان الدعم المباشر منها من العراق والحكومة العراقية .... وكان التلفزيون العراقي يعرض صور الاحداث وبالاخص احداث حماه على اساس انو سوريا والنظام يللي فيها مجرمين ......
والشعب العراقي كان يهلل لهاد الشي ظاهريا وضمنيا .....
وهلأ بتلاقيهون بقولو مافي احلى من سوريا ومافي منو الشعب السوري ومن هالعلاك المصدي ...
فشو بتتامل من هيك شعب ؟؟؟؟
اذا بتكون ماشي بالسيارة وبتزمرلو ما ببعد .... بيمشو متل الغنم ما بحسو بشي
Hussam dr
07/09/2007, 00:53
شوف معلم .....
لما واحد يهاجر من بلد لبلد تاني ... من الاكيد بدو يحمل معو غراضو ومتاعو .... وتراثو وعاداتو ....
وهون لما اجو العراقيين حبو يمارسو عاداتون ... وهي مافيها شي لانو كل شعب الو تراثو وعاداتو ....
بس المزعج انو شعبنا مانو متعود على هاد الشي وما عم يقدر يتقبلها .....
وهنن متعودين على الكبت والحرمان بالعراق ولما اجو عسوريا شافو الحرية وفهموها غلط .... طبعا الحرية يللي شافوها او فهموها هي الشغلات يللي كانت ممنوعة بالعراق .....

من الطبيعي انو التاجر لما بدو يصدر مواد بدو يصدرها لبلد بكون فيها السعر افضل من غير بلدان ....
اما بالنسبة للكهرباء والمياه والمواد التانية فهي بكون عليها اتفاقيات دولية او اقليمية ....
وما بتقدر دولة تخل بهالاتفاقيات لانها مشرعة دوليا وفي قوانين ودائما العقد شريعة المتعاقدين

بس حابب الفت نظر لشغلة انو شعبنا قديش درويش وقديش قلبو طيب وبينسا بسرعة ...
بالثمانينات وايام حركة الاخوان المسلمين وقت نشطت بسوريا وصارت تعمل اعمال تخربية وارهابية ... كان الدعم المباشر منها من العراق والحكومة العراقية .... وكان التلفزيون العراقي يعرض صور الاحداث وبالاخص احداث حماه على اساس انو سوريا والنظام يللي فيها مجرمين ......
والشعب العراقي كان يهلل لهاد الشي ظاهريا وضمنيا .....
وهلأ بتلاقيهون بقولو مافي احلى من سوريا ومافي منو الشعب السوري ومن هالعلاك المصدي ...
فشو بتتامل من هيك شعب ؟؟؟؟
اذا بتكون ماشي بالسيارة وبتزمرلو ما ببعد .... بيمشو متل الغنم ما بحسو بشي
شكرا إلك costa عهلتوضيح ...
يعني أكيد بس حدا يسافر من بلد لبلد بدو يحكي ويعمل بعاداتو ..... بس كأنو إذا حدا سوري سافر لبرا ما حدا بينزعج من عاداتو ...! شو السبب . ؟ .. الله العليم ..
تاني شي إذا بتشوف المناضر تبع العراقيين وهنة ماشيين بأكتر مناطق متحررة بلشام رح تحس بمدا التخلف اللي عم ينشرو ... يعني الحقيقة صارو العالم عنا يحسو حالون هنة الغلط ... والعراقية وتصرفاتون الهمجية والمتخلفة هية الصح ... مثلا لو تشوف كيف منظر واحد عراقي اليوم طالع بسيارة نمرتا دمشق .. يعني مشتريا من هون .. ونوعا BMW ... وقاعد هوة ورفيقو بلسيارة وماشيين بمنطقة "القصاع " وعم يتطلعو بهلبنات ... يعني مو بس تطليع ... مع حكي و تلطيش ...
سيدي وإجت تلطيشة لوحدة من الشلة اللي كانت معنا ... قام رفيقي كان حامل بإيدو كاسة كوكتيل ... لو ما لحقتو وهديتو كان طرشو فيا عوشو ...
هلأ أكيد رح يطلع حدا ويقول إنو هدول منلاقي منون سوريين ... يعني في سوريين بيلطشو ... بس واحد بيلطش طلطيشة مو مهينة بهلشكل ... يعني مثلا يا حلو أو من هلحكي ... مو بروح بيقول .. يا ش..... أو شوف هل ط..ز
يعني مو عرفان شو بدي إحكي ... فعلاً مهزلة اللي صاير ببلدنا من ورا هل كم نوري جايين لعنا ... وبعدين يلي عم يقول إنو بدون يرجعو عبلدون ... أو إنون بيتشبهو بلأخوة الفلسطينية اللي قاعدين بلبلد ... فهلشي مو دقيق ... لأنو إذا عم شوف عالم عم تيجي وتستقر بهلشكل ... أكيد ما رح يرجعو لجو ولبلد متل بلادون " مع إحترامي للعراق"
... والحكي اللي حكيتو مو معمم .. يعني في عراقية مناح ... بس برجع بعيد : الأكتر هيك ..!
وكمان بحب أكد على موضوع إنون ما بيهتمو بزممير السيارات ... يعني أكتر من مرة لاحظت إنون ما ببعدو بس نزمرلون ... ..

تحياتي :D
maged-syrian
07/09/2007, 08:17
باختصار العراقيين نزعوا البلد
لك صرت حس حالي عم بمشي بالعراق لك عنجد حاج
اي أهل البلد مو ملاقين مكان وبيجوا مليونين عراقي عنجد عيب

لا والمشكلة الاعظم حكومتنا الرشيدة خلت العراقيين يتملكو عقارات باعداد فظيعة !!:shock:

على هالحالة حبايبنا العراقيين مخلدين يابيييي :sick: !!!!

فلتسقط الحكومة لهذا السبب :jakoush:

اصبحت اكره حكومتي لأنها أصبحت عراقية تخدم ابنائها العراقيين في بلد كان السوريين يعتبرون انفسهم مواطنين:cry:


واحسرتاه على زمن اصبح المواطن السوري يتمنى فيه الحصول على الجنسية العراقية لينال اهتمام الحكومة :jakoush: