طبعا هون بهالموضوع هادا ايها الاخوة والاخوات السادة والسيدات عبادين الله وعبادين العزة واللات ان كنتو بتطبخو بسمنة بلدية اصيلة او بسمنة فرزات وان كان حشيشكن اصلي من ابو حشيشة او كنتو من جماعة تعليك القات
وان كنتو موجودين بالوطن العربي او موجودين بالولايات بجاه سعدو الحبيب وطبقة حبايبه الستات تشوفو السعادة كيف ما التفتو بالحياة والممات ولللللللللللللللللللليييي يييييييييييييييييشششششششش شششش

هون يا احبة بما انو ما في شي اشتغلو بهالفترة (هوي في شي اشتغلو بس انا ضاربها طناش وتنبلة وما الي نفس اشتغل شي ) فحبينا اتسلى هيك بكم شغلة عالسريع نرجع فيها ايام التحشيش لكن بطريقة تانية وهيي طريقة النقل وليس طريقة الابداع الشخصي سالوني كيف ؟
ايوا سالتوني كيف
هادا كان يا مكان بقديم الزمان كان في شي اسمو التلفزيون العربي السوري وكان متميز ببرامجو الممتعة والشيقة والقوية اللي بتدخل لقلوب المشاهدين بسرعة وصعب تطلع منو وكان المواطن السوري مستغني عن الدش والستالايت يقعد يحط هالتلفزيون السوري ويتفرج علي ما يغير المحطة ابدا لانو بالتلفزيون السوري كان كل شي موجود يعني احدث برامج اطفال في واحدث برامج المسابقات في وكان في برنامج كوميدي real tv (يعني تلفزيون الواقع ) كمان هادا كان موعدو للمو متزكر كل نهار الساعة تمانة ونص المسا (اكيد كلكن تزكرتو هلأ )
المهم بيوم من الايام وكان شهر رمضان فالتلفزيون السوري نزل مسلسل على طلب من ابو حشيشة لدعم الحشيش المسلسل (هوي مو مسلسل بقدر ما كان مقاطع ابو تلت اربع دقايق بالنهار ) من تمثيل بسام كوسا وفايز قزق (الله يزكرهن بالخير ) وكان المسلسل لدعم الحشيش جملة وتفصيلا

المسلسل اسمو ما في امل (طبعا في كتار منكن بيتزكرو )

المهم هلأ انو هون رح اكتب حلقات هالمسلسل بحوار بين زلميين
تجاوزا رح نسميهن فلان وعلتان (مع الاحترام للاساتزة بسام وفايز كان ممكن سمي الشخصيتين باساميهن بس ما كتير خرطت مشطي الفكرة )
المهم رح نسمي كل حلقة بحلقتا


قلنا الله والقلب مجروح واللي جارحني يا ويلي هو حبيب الروح
وشنغليلة شنغليلة الله يعينو على هالليلة

وروح يا داعور :D

سؤال لئيم


علتان : الله لا يوفقو ما الئمو الله لا يعطيه العافية شو لئيم الهي تفرجيني في يوم بجاه النبي

فلان: لك مين هاد؟

علتان: الله لا يوفقو شو نجس

فلان: هي شبك شبك عم تبربر هيك وعم تدعي على مين عم تدعي؟

علتان : عم تحكي معي؟

فلان : اي معك شبك شو صاير معك احكي

علتان : على واحد

فلان : بعرف على واحد بس يعني شو مساوي معك؟

علتان :هادا يا سيدي هلأ انتي فاضي احكيلك ؟

فلان: اي ولو احكيلي شو علي اذا كان انتي ما فضفضفت وريحت وحكيت اللي بنفسك
لصديق عمرك لمين بدك تحكي

علتان: هادا يا اخي رحنا اشتركنا بهاي المسابقات عالهوا قلنا لحالنا بما انو اكلين هوا بلكي منروح ومننتفعلنا بقرشين نضاف

فلان : اي شو علي ما في حدا احسن من حدا بعدين بعرفك انتي زكي وفلهوي وهيك بتلقطها عالطاير

علتان : عالطاير؟ الله لا يعطي العافية طير الجائزة الكبرى طيرها هادا ابن ال...........

فلان: لك خلصنا شو رجعنا عالدعاوي قلي شو صار معك على مين عم تدعي؟

علتان: عالمذيع يخربيتو على هالسؤال شو لئيم لئيم

فلان :بس انا بعرفك مثقف وفهيم زكي وواصل للاعدادية وبتقدر تنفد حالك بقى شو هادا السؤال اللئيم اللي ما عرفت تجاوب علي؟

علتان :لك يعني هوي بالاول كان هيك ماشي بشكل معقول وعم يعطيني اسئلة سهلة

فلان: متل شو هالاسئلة؟

علتان :يعني هوي بلش باسئلة خفيفة : ما هي المسافة بين المشتري والارض اين تقع جزر الماو الماو وكم عدد السكان الاصليين الن من هو مخترع التلسكوب ما هو الموطن الاصلي لذبابة تسي تسي .................. يعني يعني

فلان : هاي الاسئلة بسيطة ما فيها شي

علتان :بعدين بلش يصعب الاسئلة شوي

فلان :يعني عن شو كانت هالاسئلة؟

علتان :يعني بلش يسالني ما هو عدد الخلايا المسؤولة عن الافعال االلا ارادية في الدماغ وما هي نسبة نمو الشعر عند الاناث في جزر الكاريبي وما هو عدد الاهداف اللي تسجلت بكاس العالم 1962 وما هو عدد قتلى الحرب العالمية الاولى وبعض المعادلات الرياضية من الدرجة الخامسة ......................يعني امور من هالنوع

فلان :انت ما بينخاف عليك بتدبر راسك ثم انو هاي الاسئلة عادية

علتان :اي وانا هيك توقعت بالاول يعني كنت متل ما بيقولو متل الزبدية الصيني من وين ما نقرتي عم رن

فلان : حلال عليك وبعدين ؟

علتان :وشو بعدين وشو بعدين الله لا يوفقو الله لا يوفقو بجاه النبي على هالسؤال اللئيم

فلان :هي هي علينا شو رجعنا على الدعاوي مرة تانية خلص قلي شو صار والله نطفتلي
قلبي

علتان: هادا يا سيدي بعد ما نفدت حالي ومشيت لاخر المسابقة اجا وسالني هداك السؤال اللئيم

فلان :وشو هادا السؤال بقى؟

علتان :سالني وقلي انتي كمواطن عربي أبا عن جد بتعرف وين الله حاطك ؟

فلان: يلعما شو هالسؤال اللئيم هاد

علتان :اي والله شايف على هالسؤال

فلان : وانتي شو قلتلو

علتان :شو بدي قلو صفنت صفنت بلشت ابكي

فلان: عالجائزة اللي راحت

علتان :لا والله على هالسؤال اللئيم

فلان :اي والله يخربيتو شو لئيم يلعما ما بتخطر على بال الجن الازرق قال وين الله حاطك قال

يلعن ابوك يال5 ميغا
كان بدي نزل الحلقة تحت الي الكتابة ...يعطيك العافية شريك
بس انا بدي اعمل موضوع نزل فيه كل الحلقات
يعني اذا عندك وقت فينا نسق انت تكتب النص وانا نزل الفلم :deal:

يا ويلاه عالفخامة
وسعدو انو ما كنت سمعان بهالبرنامج من قبل .
بس تسالي عالاخر
روح خيو شايفلك
سعدو يقويك ويدملك حشيشتك وحشيشة فلان وعلتان

وقرقع متي لقلك

انا ناطره حلقة الشارع العربي :yahoo:

بما انو كل المسلسلات السورية بتزورنا.. فليش هيدا ما زارنا شي نهار.روح الهي يوفقك هنو حشيشة ما خطرت قبل هيك على بال محشش.اي بجاه النبي حطولناالشفوي شنو ما بفهم كتير بالكتابي.بدي اسمع اللهجة:gem:

بما انو كل المسلسلات السورية بتزورنا.. فليش هيدا ما زارنا شي نهار.روح الهي يوفقك هنو حشيشة ما خطرت قبل هيك على بال محشش.اي بجاه النبي حطولناالشفوي شنو ما بفهم كتير بالكتابي.بدي اسمع اللهجة:gem:


لعيون سعدك ...من بكرا بهالمطرح راح ينزل كل يوم شي حلقة ....ولاتحاولو
مافي امل ,او امل مافي

تعا ولا تجي

دخلك بدي اسالك يعني شو معناها لما بتحكي فيروز بالغنية تعا ولاتجي شلون زابطة معها يااخي؟
-بتزبط بتزبط مافيها شي
-طيب فسرلي كيف زابطة معها
-راح فسرك بمثال كيف بدي قلك يعني اي هادا ياسيدي لما الدولة الميمونة بترفع الرواتب للمواطن الكريم شو بتكون عم تقلو؟
-شو؟
-بتكون عم تقلو تعا اشتري وهي يعني التعا
-هاها طيب واللاتجي؟
والاتجي ياسيدي ان المواطن الكريم لمابيروح ليشتري بيلاقيان اكل كم هالقد وبتكوت الاسعار مرتفعة شي 3 مرات قد رفع الرواتب بيكون لاتجي
-يعني والله خجلان منك والله مافهمت فيك تفسرليها بمثال تاني
-طيب هاد ياسيدي لما بيقولو صار عنا حرية راي وبيطلبو من هالناس يقولو راين و يفشو خلقها شوبيكونو عم -شو؟
-يقولو تعو كتبو يعني تعا
طيب ولما بيجو بتقوم الرقابة الموقرة شو بتعمل بيقصو لساناتهم وبتكسرلهم ايدهم هي بقا معناتها اللاتجي
فهمت علي؟
اي والله هلق فهمت عليك صح تاري فيروز عم تحكي مزبوط والجماعة مطبقين الغنية بالتمام وخصوصا المقطع الي بعدو اسماع اسماع
تعاولا تجي وكد...
-لا وحياتك اهنن مزبطين الغنية التانية
-اي وحدة
مافي حدا لاتندهي مافي حدا
-

والله شغلة الله يقويك ابو الهن .. صحيح انا مابحب الحشيش واللي بيتعاطو معو
لك بس طلع حتى التحشيش مستويات .. واذا كان التحشيش بهالرقي فيا سلام عليك شو خليتني حبو
حشش حشش
بصراحة الكتابة احلى من الشوف كازيتا
بس اكيد بتدعمها ويعطيك العافية اممي
راح تابعكن :D

اسسسسسسسسسسسع صار فيني نزل ايو 20 ميغا :clap:
وهي احلى سؤال لئيم لتعرف الله وين حاططكن

وهي تعا ولاتجي

لك يسلملي بسام كوسا وفايز قزق والبيت العتيق وابريق الشاي .. وفوق الكل معلم الحشيش الأول هاني .. يسلمو دياتو .. :mimo:

والحشيش .. ورجعتلنا ايام الحشيش معلم ..

عفكرا .. من البرامج المفضلة عندي على الاطلاق ..

:hashish:

كتيييييييييييييييييييير مبسوطة:clap: انكم حتنزلو الحوار والحلقات .. :D

:pلك يسلملي بسام كوسا وفايز قزق والبيت العتيق وابريق الشاي .. وفوق الكل معلم الحشيش الأول هاني .. يسلمو دياتو .. :mimo:

والحشيش .. ورجعتلنا ايام الحشيش معلم ..

عفكرا .. من البرامج المفضلة عندي على الاطلاق ..

:hashish:


شو مشان تظربو بشكلكن كلكن يعني انا بنزل المشاهد والرفيق هاني بينشكر
ياسيدي هاد الوضع الزعما بياخذ كل تبع هالشعوب الكادحة ..بس تظربو مرة تانية
باي:jakoush:

لك يقبرني ربك يا ابو الهن لو في متلك شي تنين تلاتة بس :D

:p


شو مشان تظربو بشكلكن كلكن يعني انا بنزل المشاهد والرفيق هاني بينشكر
ياسيدي هاد الوضع الزعما بياخذ كل تبع هالشعوب الكادحة ..بس تظربو مرة تانية
باي:jakoush:

طول بالك عمو .. انتا مو معتزل التحشيش .. هاني كان معتزلو فشي طبيعي تكون رجعتو بدها طنة ورنة ..
شو قليلة رجعة معلم الحشاشين ..
بعدين شو زاعجك .. غيراااااااااااااااااااان :lol:

يا عمي شكرا وحياة سعدو اللي جمعنا بهالقعدة الحلوة .. شكرا :D

طول بالك عمو .. انتا مو معتزل التحشيش .. هاني كان معتزلو فشي طبيعي تكون رجعتو بدها طنة ورنة ..
شو قليلة رجعة معلم الحشاشين ..
بعدين شو زاعجك .. غيراااااااااااااااااااان :lol:

يا عمي شكرا وحياة سعدو اللي جمعنا بهالقعدة الحلوة .. شكرا :D


لك ياسيتي انا عملت كالهشي +نطرة ابو نص ساعة مشان كل trak مشان رجعة هالغالي
بس شو بدنا بهالحكي مافي اكل طلعت بالغلط مافي امل

:pos: :pos::pos::pos::pos::pos::pos::pos::pos::pos::pos:

خلينا مروقين انتي وياها والا والله العظيم بعمل عمايل ها :pos:
وخيو اممي روق شو انا شو انت
يللا شدلي الهمة انا كتابة وانت صوتا
كل نهار منزلن حلقتين جداد

:pos: :pos::pos::pos::pos::pos::pos::pos::pos::pos::pos:

خلينا مروقين انتي وياها والا والله العظيم بعمل عمايل ها :pos:
وخيو اممي روق شو انا شو انت
يللا شدلي الهمة انا كتابة وانت صوتا
كل نهار منزلن حلقتين جداد

لك كل لعيونك بلش من بابا بطل وبلك بكرا بنزلها سوا
انا بدي شي اكتر هوه ان الحلقة بتتناقش لان في كتير نهايات يمكن الواحد بيفهمها بطريفة بتخلف عن الثاني
تحياتي للزعماء كلن وهي قنينة فوتكا علة شرفكن

:pos: :pos::pos::pos::pos::pos::pos::pos::pos::pos::pos:

خلينا مروقين انتي وياها والا والله العظيم بعمل عمايل ها :pos:
وخيو اممي روق شو انا شو انت
يللا شدلي الهمة انا كتابة وانت صوتا
كل نهار منزلن حلقتين جداد

لك كل لعيونك خيي هاني ...
بلش من بابا بطل وبلك بكرا بنزلها سوا
انا بدي شي اكتر هوه ان الحلقة بتتناقش لان في كتير نهايات يمكن الواحد بيفهمها بطريفة بتخلف عن الثاني
تحياتي للزعماء كلن وهي قنينة فوتكا علة شرفكن

مشكورين تنيناتكم .. :D

مشكورين تنيناتكم .. :D


لا مشكور بس هاني :deal:

:clap::larg::clap:

بابا بطل

علتان :خير...؟ شو القصة ؟

فلان :معقدني هالولد يا رجل... مجنني... مكرهني حياتي .... رغم اني بحبو ها ... بس احيانا بقول يا ريت مقطوع نسلي وماني جايب ولاد

علتان: اي شو ازعر لهالدرجة؟

فلان : لك منّلو الزعرنة مسكين القط بياكل عشا بتقلو قعود بيقعد قوم بيقوم ما في ولد بيسمع الكلمة متل حكايتو

علتان: طيب شو المشكلة مادية يعني؟

فلان : لك لا مادية ولا شي مسكين بيقنع بالقليل بتعطي رغيف خبز حاف بيكفي كل النهار

علتان : اي طيب شو القصة ؟

فلان : كنت مارق انا ويا قدام الدكان واذ بيعيطلي صاحب الدكانة وانتي بتعرف صحاب الدكاكين ليش بيعيطولو للواحد

علتان (بحرقة) : انا اللي بعرف

فلان: ابني مو بينقبر وبيسكت لاء اول ما بيشوف صاحب المحل بينط وبيقلو قال شو بابا بطل

علتان : اي وين المشكلة؟

فلان: لك شو وين المشكلة واحد جاي وبدو يبهدلك قال وين المشكلة قال

علتان : أا أا اي طبعا فيها احراج والله

فلان: المهم لسا ما طلعنا من الدكانة عشرين متر واذ بيطلع بخلقتي صاحب البيت وش بوش وهيك عينو محمرة وبقلي شو يا اسا ما كمل كلامو بينط هادا الفلعوص ابني بيقلو بابا بطل

علتان: مشان يستفزو

فلان: مو هادا اللي صار تبهدلنا
الحاصلو المسا يا مرحوم البي قلت باخدو هيك كزدورة خلي يشم شوية هوا اسم انو الميكرو بايت عندي بالبيت

علتان: اي احسن هيك بتسكر علي وما بيقدر يحكي

فلان : لاء مو احسن ولا شي
واحد ماشي اربعين على الاوتوستراد قمت دوبلتو طلع من يللي ما بيتدوبلو
نزلو هالشباب المرافقة ودعوسوني دعوسة وابني مادد راسو من شباك الميكرو عم يصرخ على شو على بابا بطل وبابا بطل وانا عم اتدعوس

علتان: سمحلي بهالكلمة يقطع عمرو

فلان : لك وشايفني عم اتدعوس مو انو بينقبر وبيسكت لاء على بابا بطل وبابا بطل وماسك محرمة

علتان : لك اي مو محرزة تبكي اسعتو ولد ما بيفهم

فلان: مو انا مشان هيك عم ابكي لانو اسعتو ولد وما بيفهم

علتان:طيب وهاي شو فيها ببكي ؟

فلان: لك لايمتا بدو يضل حمار لك بكرا بيكبر وبيفهم شو بدو يصير يقول بدال بابا بطل

لعيون سعدك ...من بكرا بهالمطرح راح ينزل كل يوم شي حلقة ....ولاتحاولو
مافي امل ,او امل مافي
احلى اممي يبعتلك الهنا انشا الله ليك ولسعدك:gem:

بصراحة الكتابة احلى من الشوف كازيتا

من زمان هنو حط لينا الموضوع مشان نشوف لاوديسا:hart:.لك اشتقتلك انا عاش من شافك:yahoo:.بس مشان اعرف كيف بتنطقوها .لك انا لما بكتب سوري كأني بعرف احكي بيها.بس باالواقع ما بعرف انطق لهجتكم:lol:

كتيييييييييييييييييييير مبسوطة:clap: انكم حتنزلو الحوار والحلقات .. :D
وانا كمان:yahoo:يبعتلكم الهنا هنو واممي:gem::gem:

وهي بابا بطل
ارجونا تحيليكن الموضوعي لهالحلقة الي انا بعتقدها كانت من اجرا الحلقات بالمسلسل

انا هاي ما حضرتا على سوريا.
بس انو مو طبيعي شلون نشرولون ياهون هدول!!!!!!!!


مشكورين شباب.

عالهامش مين مؤلف هدول؟


عجبتني غنيتا.

"ما رح تزبط معك, مافي حدا يسمع"
ولك .....

بابا بطل

علتان :خير...؟ شو القصة ؟

فلان :معقدني هالولد يا رجل... مجنني... مكرهني حياتي .... رغم اني بحبو ها ... بس احيانا بقول يا ريت مقطوع نسلي وماني جايب ولاد

علتان: اي شو ازعر لهالدرجة؟

فلان : لك منّلو الزعرنة مسكين القط بياكل عشا بتقلو قعود بيقعد قوم بيقوم ما في ولد بيسمع الكلمة متل حكايتو

علتان: طيب شو المشكلة مادية يعني؟

فلان : لك لا مادية ولا شي مسكين بيقنع بالقليل بتعطي رغيف خبز حاف بيكفي كل النهار

علتان : اي طيب شو القصة ؟

فلان : كنت مارق انا ويا قدام الدكان واذ بيعيطلي صاحب الدكانة وانتي بتعرف صحاب الدكاكين ليش بيعيطولو للواحد

علتان (بحرقة) : انا اللي بعرف

فلان: ابني مو بينقبر وبيسكت لاء اول ما بيشوف صاحب المحل بينط وبيقلو قال شو بابا بطل

علتان : اي وين المشكلة؟

فلان: لك شو وين المشكلة واحد جاي وبدو يبهدلك قال وين المشكلة قال

علتان : أا أا اي طبعا فيها احراج والله

فلان: المهم لسا ما طلعنا من الدكانة عشرين متر واذ بيطلع بخلقتي صاحب البيت وش بوش وهيك عينو محمرة وبقلي شو يا اسا ما كمل كلامو بينط هادا الفلعوص ابني بيقلو بابا بطل

علتان: مشان يستفزو

فلان: مو هادا اللي صار تبهدلنا
الحاصلو المسا يا مرحوم البي قلت باخدو هيك كزدورة خلي يشم شوية هوا اسم انو الميكرو بايت عندي بالبيت

علتان: اي احسن هيك بتسكر علي وما بيقدر يحكي

فلان : لاء مو احسن ولا شي
واحد ماشي اربعين على الاوتوستراد قمت دوبلتو طلع من يللي ما بيتدوبلو
نزلو هالشباب المرافقة ودعوسوني دعوسة وابني مادد راسو من شباك الميكرو عم يصرخ على شو على بابا بطل وبابا بطل وانا عم اتدعوس

علتان: سمحلي بهالكلمة يقطع عمرو

فلان : لك وشايفني عم اتدعوس مو انو بينقبر وبيسكت لاء على بابا بطل وبابا بطل وماسك محرمة

علتان : لك اي مو محرزة تبكي اسعتو ولد ما بيفهم

فلان: مو انا مشان هيك عم ابكي لانو اسعتو ولد وما بيفهم

علتان:طيب وهاي شو فيها ببكي ؟

فلان: لك لايمتا بدو يضل حمار لك بكرا بيكبر وبيفهم شو بدو يصير يقول بدال بابا بطل

رهيبة... على حلاوتها بتبكي :cry:


بانتظار الباقي :D

نصف الجائعين : تأليف ممدوح حمادة


صديقي هاني بتسمحلي شارك بهي الحلقة معكم ...؟؟




علتان : بيعملو مؤتمرات وما بخلو مصروع الا بيبعتو هليها

فلان : مؤتمرات شو ...؟؟

علتان : مؤتمر الغذاء العالمي : قال متخذين قرار بتخفيض عدد الجوعانين بالعالم من هون لل 2010

فلان : اي ممتاز شو يلي زاعجك بهاد الخبر ..؟

علتان : مستحيل ..مستحيل يتم تخفيضهم للنص يعني اذا قدرو يحافظو على عددهم هلق ممتاز بس مستحيل ما بتزبط

فلان : لا لا بتزبط .....

علتان : مستحيل لا تقلي استصلاح الاراضي الزراعية واستثمارها

فلان : لا مو شرط استصلاح الاراضي ..

علتان : اي ولاتقلي الدول الغنية بدها تعطي مساعدات للدول الفقيرة لانو اصلا هي الدول الغنية صارت غنية على حساب الدول الفقيرة ..

فلان : لا مو بالمساعدات لانو بحياتو الفقير ما اغتنى بالحسنات

علتان : ولا تقلي عن طريق حل المساعدات المسلحة وتحويل ميزانيات السلاح لميزانيات الاغذية ..لا ما حتزبط لانو تجار الاسحلة مخططين ل 600 حرب اهلية لقدام لحتى ما يقعدو بلا شغل

فلان : لا مو حل النزاعات المسلحة لا ....

علتان : طيب رح يوزعو ادوية ويوزعوها على الجوعانين وتسد نفسهم ويبطلو جوعانين

فلان : لا مو شغلة ادوية مو شغلة ادوية ..

علتان : شو بيطلع ساحر بقول (( هرو مرو هرو مرو ما فتوها )) بقومو ببطلو جوعانين بسحر ساحر ؟؟

فلان : لا ما شغلة ساحر لا ..

علتان : طيب شلون ؟؟ كل شغلة لا لا شلووووووون ؟؟؟

فلان : يا سيدي مؤتمر الغذاء العالمي ما اتخذ قرار بتخفيض نسبة الجوعانين الى النصف مؤتمر الغذاء العالمي اعلن خبر ..

علتان : شو هالخبر ..؟؟:shock:

فلان : مؤتمر الغذاء العالمي حسبها من هون لل 2010 بكون النصف الاول من الجائعين بالعالم اكل النصف الثاني
وهيك بتنزل النسبة للنص

علتان : العمى :shock:

فلان : ابدا

علتان : والله ما بتخطر على بال الجن الازرق ..

فلان : اي لكن شلون .. اخي ما في مشكلة الا بلاقولها حل فورا



مااااااااااااااااااا رح تزبط معك ......... ماااااااااااااا في حدا يسمعك ...

وهي لعيونك رفيقي ابو قلب شجاع ...
مؤتمرات

واخي مافي مشكلة الاوبيلاقولها حل :larg:

حدا ينزل كتابة قائد الثورة ...لان الله لسا ماخلقو ,اي ماخلق لقائد الثورة

حدا ينزل كتابة قائد الثورة ...لان الله لسا ماخلقو ,اي ماخلق لقائد الثورة


رح شوفها اذا عندي ...

حوار طرشان (حسيت قاعد بالسقيفة وعم احكي مع شي رفيق بالاخوية)



-هلق ماقلتلي صحتك كيفها؟
-والله اجيت لحالي مااجا حدا معي
-سيدي مابتعرف شو القصة قدم عالفيزا 3 مرات وماوافقولو عليها
-ماهنن لما عمرو هالمدرسة مااخذو بعين الاعتبار الجبل الي وراها
-مصبوط اذا عطست عطسة وحدة ها عطسة وحدة بتنقطع الكهرباء
-وبعلمك كانو ماشين احتارت الناس ان تقطع ولا ماتقطع ال3 كانو فاتحين سوى
-يالطيف تقعد المسمار الله وكيلك هالقد هيك البسمار مابتتحرك الابيلتتش شي بنطرونك او جاكيتك
-الاحمر والاخضر والبردقاني
-لكن ان اتسترادات 2 جاين و2 رايحين وهيك عرضو الواحد ...مو حي الله
-طلعوا يصيفو لما شافو هالشوفة ركضو هرولة تقول العفاريت الزرق راكضة وراهن
-والله انا عامل ريجيم والله كل يوم شقفة خبز هالقد قدا فيك تقول هالقد عم اكلها
-شو بدي قول معك 1000 ورقة ديني لاخر الاسبوع
-الف ورقة من وين بدي جيبلك 1000 ورقة اي شو شايفني قاعد علي بنك انا مرقنا هداك اليوم اكلنا صفيحة من واحد كتير صريف
-والله انا لما شفت الطيارة قلبي انقطع
-سيدي سفلو 4 حبات الاهم عافينا طالعلو كتلة هون هون عند نقرة ماعرفو شو قصتها
-هوة التربية تبع للولاد كلياتها مها هاي هيك كلياتها غير غير مالوفة
-ان شو دق افتاح مين (الاخر اي اي)فواتير دق افتاح (مومعقول) مين كهرباء (مومعقول بصوت منخفظ) اشو بدي ظل راكض انا بسرعة 300 (موهداك الي منشرلي*كلام غيرواضح)
حط هيك والله ونقر بفرد ظرب ...3 ستيتية وقع مع
مافي امل

وهاد الفيتتييوو تبعها

الى الامام:gem:

:Dيسلمن عالتثبت :D

تلت شغلات صغار
1 ليش ما عما يفتحو الفيديوات معي؟
2 ليش هادا الموضوع بالسقيفة؟ تحشيشة ما ختلفنا . بس تحشيشة على مستوى المنبر!!؟ اما المنبر صار مستوى متدني اكتر من هيك تحشيشات؟!؟!؟
3 شكرا كتير عكل الحلقات وعالتعب تبعكون:D

عم تسألو عن أمل .. اي امل سافرت و تجوزت وصار عندا ولاد .. و عطتكون عمرا من خمس شهور .. يعني بأختصار البقية بحياتكون ..

اللقطات كتير حلوين ..

بس كأنو انا متذكر شي كمان متل هل ( مسلسل ) بس كان ابيخ شوي ..

قائد الثورة


علتان : اااااااااخ وين شارد يا ؟

فلان : وين يعني؟.... بافكاري .....

علتان :ها كانو الواحد منا عندو شي يشرد معو غير افكارو اي انا قصدي شو هيي الافكار اللي شارد معا ؟

فلان: لك كنت عم قول لحالي هالثورة هاي بقيادة مين

علتان:اني ثورة منن؟

فلان: الثورة اللي كنت شارد فيها

علتان : قصدك الثورة العربية الكبري؟؟

فلان :لا هاي ما حدا جاب سيرتا بنوب

علتان:قصدك ثورة يوليو؟

فلان :لا مو ثورة يوليو لا

علتان: لا يكون ثورة القسام ؟

فلان: الله يرحم التراب اللي لمو لا مو القسام

علتان: لا يكون الثورة البلشفية ؟

فلان: اعوز بالله شو البلشفية

علتان :ولا الثورة الفرنسية؟

فلان: لا ولا الفرنسية

علتان:لكن انو ثورة كنت عم تفكر فيها ؟

فلان:الثورة اللي لسا ما صارت

علتان :ايوا اللي لسا ما صارت

فلان:اي نعم

علتان: شبا؟

فلان: كنت عم قول لحالي الثورة اللي ما صارت اذا صارت بقيادة مين رح تكون ؟

علتان: وشو طلع معك ؟

فلان: ما طلع معي شي بالمرة احيانا بقول انو بجوز هادا اللي بدو يقود الثورة هيك موجود بيناتنا هون

علتان: هون ؟

فلان: واوقات بفكر انو ممكن يكون بقرنة ما بيعلم فيها حدا بالمرة

علتان: ايوا......

فلان: واحيانا بفكر انو اسعتو ولد صغير وبالمدرسة واوقات بقول انو قائد الثورة بجوز لسا لهلأ ما خلق

علتان: هاي هاي ازبط وحدة خليك عليها

فلان : اينو وحدة منهن؟

علتان: تبع اللي لسعتو ما خلق اللي بدو يقود الثورة

تلت شغلات صغار
1 ليش ما عما يفتحو الفيديوات معي؟
2 ليش هادا الموضوع بالسقيفة؟ تحشيشة ما ختلفنا . بس تحشيشة على مستوى المنبر!!؟ اما المنبر صار مستوى متدني اكتر من هيك تحشيشات؟!؟!؟
3 شكرا كتير عكل الحلقات وعالتعب تبعكون:D


يعني خيي شو مشكلة السقيفة ...يمكن وجود هالموضوع هون بيبين ان السقيفة مثلها مثل كل الاقسام
وحشيشة عن حشيشة بتختلف
وبالنسبة الي حابب يظل الموضوع هون.
اما ليش ماعم يفتحو معك فشريك نزل الwin rar لانن مضغوطين وبعدين اكيد بيشتغلو
تحياتي الك ولكل الشباب :D

وهي قائد الثورة ...عفكرة يعطيك العافية هاني بس ياريت تنزل شوية مؤثرات صوتية مع الي عم تكتب لان الي بيقرا قائد الثورة بيحس انو في شي ناقص
ال10000 وردة الك :D

وهي قائد الثورة ...عفكرة يعطيك العافية هاني بس ياريت تنزل شوية مؤثرات صوتية مع الي عم تكتب لان الي بيقرا قائد الثورة بيحس انو في شي ناقص
ال10000 وردة الك :D

اولا: وين المرفق ليش ما حملتو :?

ثانيا: بالنسبة للمؤثرات الصوتية
المشكلة اللي صارت انو حلقة قائد الثورة كتبتها وكنت طالع من البيت مشوار فيا دوب زبطت المؤثرات الكتابية وطلعت دغري
منجرب بحلقات تانية

ثالثا: في حلقات ما رح تطلع حلوة كتابة لازم الواحد يشوف الفيديو مثال (حلقة الكلمات المتقاطعة )

رابعا : بالنسبة ليش نزل الموضوع هون بالضبط متل ما قلت خيي اممي بس كانت الفكرة انو السقيفة قسم متلها متل بقية الاقسام ولو انو مشاركاتا ما انحسبت

خامسا: انا رايح نزل حلقة تانية :D

أكل هوا


فلان: هلأ انتي بحياتك اكلت هوا

علتان (بعصبية) : شو هالسؤال هادا؟ بزعل منك ها

فلان: لا لا لا تزعل ولا تاخد على خاطرك دخيلك انتي بس جاوبني

علتان: طبعا لاء

فلان: مو مزبوط هالحكي لانو اللي متل حكاياتك اكيد بحياتو اكل هوا

علتان (بعصبية): لاء هالمرة رح ازعل منك ها

فلان (ببرود): لك اي لا رح تزعل ولا شي فهمني اول وجاوبني بعدين

علتان: شرف

فلان: ما بتحلم انو يكون في عندك هيكي اموال كتيرة وما تحتاج حدا ؟

علتان: اي طبعا

فلان: ها ها وما بتحلم انو يكون في عندك فيلا كبيرة وخدم وحشم وتقعد فيها؟

علتان: اي طبعا بحلم

فلان: يا عيني عليك وما بتحلم كمان انو يكون عندك افخر نوع للسيارات هيك تطلع فيها وتتبروظ ؟

علتان: اكيد

فلان: ممتاز طيب وما بتحلم انو تكون هيك رجل محترم ومقدر بين العالم ؟

علتان: اكيد

فلان: طيب وما فكرت انو هادا الحلم ممكن يتحقق او لاء ؟

علتان (بحزن) : هو بتصور انو صعب صعب

فلان: وطالما بتتصور انو صعب ليش لحتى تحلم

علتان (بتلبك ) : لانو ...................................

فلان : انا رح قلك ليش لانك عم تاكل هوا............ (يتابع بعصبية ) شراب شاي شراب بلا جنان وقلة عقل

يعني خيي شو مشكلة السقيفة ...يمكن وجود هالموضوع هون بيبين ان السقيفة مثلها مثل كل الاقسام
وحشيشة عن حشيشة بتختلف
وبالنسبة الي حابب يظل الموضوع هون.
اما ليش ماعم يفتحو معك فشريك نزل الwin rar لانن مضغوطين وبعدين اكيد بيشتغلو
تحياتي الك ولكل الشباب :D

هلق هو من ناحية انو السقيفة قسم متلو متل باقي كل الاقسام ما اختلفنا علية
بس انو انا قصدي المضمون
يعني ما حلو الواحد يحط خبر رياضي بالصالون , او شي قصيدي بقسم الرياضة, او سؤال عن الطقس ببريد المنتى الخ...
انو انا ما كان قصدي ليش بالسقيفة لانو ما رح يحتسبو المشاركات. لانو ما بعتقد انو في حدي لهلق كتب رد هون هامو عدد المشاركات, ولا انا غلطان؟
ووالله خيو مشان الوين رار عندي ايا , بس ما عما يقدر يفك الضغط تبعون وعما تطلعلي رسالة خطء
هلق بجوز يكون الحق عالفيستا, ففبقا جرب بعدين بال اكس بي

واخيرا شكرا الكون كتير اخواتي على هالتحشيشات
سلامات

هلق هو من ناحية انو السقيفة قسم متلو متل باقي كل الاقسام ما اختلفنا علية
بس انو انا قصدي المضمون
يعني ما حلو الواحد يحط خبر رياضي بالصالون , او شي قصيدي بقسم الرياضة, او سؤال عن الطقس ببريد المنتى الخ...
انو انا ما كان قصدي ليش بالسقيفة لانو ما رح يحتسبو المشاركات. لانو ما بعتقد انو في حدي لهلق كتب رد هون هامو عدد المشاركات, ولا انا غلطان؟
ووالله خيو مشان الوين رار عندي ايا , بس ما عما يقدر يفك الضغط تبعون وعما تطلعلي رسالة خطء
هلق بجوز يكون الحق عالفيستا, ففبقا جرب بعدين بال اكس بي

واخيرا شكرا الكون كتير اخواتي على هالتحشيشات
سلامات

خيو السقيفة للحقيقة والواقع هيي مركز التحشيش يعني معظم التحشيشات عم تنزل هون فلهيك فيك تقول انو الواحد اللي بدو يفوت على اخوية يدور على حشيش بيطلع دغري عالسقيفة لانو السقيفة ما بيخطر على بال شباب مكافحة الحشيش يدورو في واذا دورو ما رح يلاقو شي

بالنسبة للوين رار انتي صبتها بعينها يا صاحبي في مشاكل كتيرة بين برامج الضغط العادية win (rar ,zip) والفيستا مدري ليش سبحان الله يا اما ما عم يرضى ينزل يا اما اذا نزل ما عم يرضى يشتغل
جرب عالاكس بي وخبرنا شو بيصير معك :D

صاحب رأي : تأليف ممدوح حمادة

علتان : هلق انت الك رأي بالشغلات يلي عم تصير ..

فلان : اوووف طبعا ولا قالولك عني اني بهيم وما لي رأي

علتان : يعني الك رأي بكل الشغلات ولا بأشياء محددة ؟؟

فلان : بكل الشغلات طبعا يلي بعرفها او بسمعها بنكلي فيها رأي اما بالشغلات يلي ما بعرفها ولا بسمع فيها

طبعا ما بكنلي فيها رأي

علتان : معناها في شغلات كتير ما عم تسمع فيها

فلان : بالعكس أنا رجل مجتهد ومتابع لكل المحطات والصحف المحلية والعربية والدولية لا يا سيدي وفيك تقول انا

متابع لكل الاقاويل والاشاعات كمان وكل شي بيصير انا بسمع فيه تقريبا لا ياسيدي مو تقريبا كل شي بيصير انا

بسمع فيه

علتان : وكلو الك رأي فيه ؟؟

فلان : أكيد كلو الي رأي فيه انا يلي بيعرفني من مميزاتي اني ما بقدر كون حيادي نهائيا يعني الشغلة يا امة

بتعجبني يا اما ما بتعجبني أنو شغلة ما تفرق معي مستحيل ..

علتان : معناها موافق على كل شي عم يصير

فلان : بالعكس تسعين لا بل تسع وتسعين بالمية من الشغلات يلي عم تصير الي رأي مخالف فيها ويا سيدي

مو تسع وتسعين بل مية بالمية

علتان : اي مستحيل مستحيل يكون الك هيك رأي

فلان : اووووف .. وليش بقى ؟؟ يعني مو مبين من شكلي اني صاحب رأي

علتان : لا العفو ما خص الشكل بالنص

فلان : وشو يلي خص بالنص لكان ؟؟

علتان : كلامك هادا مو مقنع حسبها لحالك بتكتشف

فلان : وشو يلي بدي احسبو لحتى اكتشف ؟؟

علتان : لو كنت صاحب رأي اي ما كنت قاعد هون وعم تثرر وتحكي

فلان : شو الحكي ؟؟ يا لطيف يا لطيف ما اغشمك يعني ماني متوقع انك تكون ساذج للهدرجة

علتان : ليش بقا ؟؟

فلان : لك انا صاحب رأي بس ماني بهيم لحتى عبر عنو ...... اي شو بدك تروحني هيك بشربة مي


مارح تزبط معك ......... ما في حدا يسمعك .....

________________________________________________

بابا بطل
ارجونا تحيليكن الموضوعي لهالحلقة الي انا بعتقدها كانت من اجرا الحلقات بالمسلسل


اسف عالتاخير وعالتطنيش
انا من جهتي ما رح نزل حلقات تانية قبل ما هيك ناخد فكرة عن كيف العالم فهمت هالحلقة
انا من جهتي فهمتها بطريقتين اول طريقة سهلة بسيطة وبتنحكى مع اني بعتقد انها مانها المقصودة من ورا هالحلقة واللي هيي انو بكرا الولد بس يكبر ويفهم انو ابو مانو هالشخصية الفذة اللي كانت بعينو وانو ابو مديون لفوق راسو وعم يضطر يمسح جوخ ويبوس صرا** مشان يضل عايش هوي وعيلتو كيف رح تصير نظرتو لبيو
هلأ لهون بعتقد انو معظم العالم فهمتها متل هيك

الطريقة التانية انو فكرت فيها وخطرت على بالي بس ما لقيت دليل على صحة الفكرة اللي طلعت براسي فلهيك بفضل ما احكي فيها لانو خطرة اول الشي وتاني الشي لانو ما رح اقدر اقنع حدا فيها

بانتظار تحليلاتكن :D

انا ما قدرت افهمة غير هيك!
يعني شو هوي المعنى التاني الي مخبى؟

انا فهمت بس انو بس يكبر رح يصير يقول بابا خروق بدال بابا بطل!
بس ما بعرف اذا في الا معنى تاني بقلب الشاعر؟

اذا في شي فكرة تاني خيو هاني جرب بس هيك تلمحلنا شوي بركي منصير نفكر بنفس الخط الي عما تفكر في انت كمان؟
سلامات

اسف عالتاخير وعالتطنيش
انا من جهتي ما رح نزل حلقات تانية قبل ما هيك ناخد فكرة عن كيف العالم فهمت هالحلقة
انا من جهتي فهمتها بطريقتين اول طريقة سهلة بسيطة وبتنحكى مع اني بعتقد انها مانها المقصودة من ورا هالحلقة واللي هيي انو بكرا الولد بس يكبر ويفهم انو ابو مانو هالشخصية الفذة اللي كانت بعينو وانو ابو مديون لفوق راسو وعم يضطر يمسح جوخ ويبوس صرا** مشان يضل عايش هوي وعيلتو كيف رح تصير نظرتو لبيو
هلأ لهون بعتقد انو معظم العالم فهمتها متل هيك

الطريقة التانية انو فكرت فيها وخطرت على بالي بس ما لقيت دليل على صحة الفكرة اللي طلعت براسي فلهيك بفضل ما احكي فيها لانو خطرة اول الشي وتاني الشي لانو ما رح اقدر اقنع حدا فيها

بانتظار تحليلاتكن :D


والله يا شريك هوة المفروض تنفهم متل ماقلت بالتفسير الاول ... بس اذا بدك خربان بيوت ممكن

نعمللها اسقاطات بتخوف وعلى روس كبيرة كمان .... بس خليها على معناها البسيط احسن

حزير ليش ..... لانو مارح تزبط معك ما في حدا يسمعك