مرحبا

الطوابع السورية بلشت بشكل رسمي عام 1919 و يمكن 1918. و كان في طوابع عثمانية مستخدمة في سوريا منذ عام 1913

بشكل عام أنا بحب كتير الطوابع السورية بس مع العلم انو في دول عندها مجموعات أغلى بكتير من المجموعة السورية و هاد غالبا نتيجة العمر الحديث نسبيا للطوابع السورية. يعني الطوابع الامريكية مثلا بتعود لل 1800 و خشبة.. (و يمكن أقدم بس غالبا لاء)

بشكل عام سعر الطابع السوري بيتراوح بين 0.20 و 0.40 دولار أميركي. بس في طابع بيوصل سعرو للألف و ميتين دولار و في طابعين تلاتة حقون بالخمسمية او ستمية . و في كتير طوابع أسعارها ما بين.. يعني تلاتين دولار.. مية.. مية و خمسين..الخ

أحيانا اذا كانت الطوابع موجودة بجموعة بيرفع من سعرها كتير.. و بظن انو اغلى مجموعة من ايام الفرنسيين سعرا 1800 دولار و بتضمن هداك الطابع الغالي... و في مجموعات بالسبعمية و الالف و الثلاتمية.. و في بدولار و نص :wink:

طبعا هدول اسعار رخيصة نسبيا

في اشياء كتير بتحدد قيمة الطابع:
العمر
الندرة
الاستعمال used or never used
التوشيح او تعديل السعر overprint or no overprint
الصمغ او اللزيقة من ورا hinged or never hinged
اذا في سنن لما ما في سنن (هاي ضمن الندرة)
و طبعا اذا ضمن مجموعة

و ع فكرة ما تستغربوا اذا كان احيانا سعر الطابع المستعمل أغلى من سعر نفس الطابع الغير مستعمل.. حسب الندرة

في ناس بتحب تجمع طوابع يلي ع ظروف مثلا. انا شخصيا بفضل الطوابع السورية الغير مستعملة , موشحة او غير موشحة... و أكتر شي مهتم حاليا بالفترة من التلاتينات للخمسينات

في كتير كتالوجات بتصدر سنويا لتسعير الطوابع. منها
Scott's Catalogue
و انا عندي الصفحات تبعوت سوريا اصدار 2004
و النسخة الاصلية (مأخودة مباشرة من الكتالوج), للبيع اذا حدى حابب و السعر 15 دولار أميركي أو 1000 ليرة سورية (هوي حوالي 47 صفحة بيحوي كل الطوابع السورية و معلومات و اسعار)

هاد الكتالوج اميركي و في كمان كتالوجات فرنسية و يمكن في بريطانية كمان
بس انا بحب هاد

شباب الطوابع... بيحكولكم تاريخ البلد... يعني نظرة و تأمل بالطوابع السورية من أيام العثمانيين للفرنسيين لأيام الأربعينات للوحدة مع مصر لليوم... يعني فعلا قصة كاملة مدهشة

و هاي كم صورة من طوابعي المفضلة كختام

سلاماااااااااااااات

بشكل عام سعر الطابع السوري بيتراوح بين 0.20 و 0.40 دولار أميركي. بس في طابع بيوصل سعرو للألف و ميتين دولار و في طابعين تلاتة حقون بالخمسمية او ستمية . و في كتير طوابع أسعارها ما بين.. يعني تلاتين دولار.. مية.. مية و خمسين..الخ
طيب هول الطوابع الغالية لسا في شي عم يستخدمو وأذا في لشو؟ :?:

لاء أكيد لاء... كلها طوابع قديمة جدا من 1920 - 1945

الطوابع الحالية هلق كلها سعرها بال 0.20 , 0.60 ... تقريبا حسب قيمة الطابع بالسوري

أحيانا بيكون في اصدارات خصوصية ... بتكون ع شكل مربع كبير شوي و بدون سنن.. هاي بتكون أغلى شوي.. يمكن 3 دولارات

و أكبر سوق للطوابع بعرف فيه هوي على ////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

بس كتبوا syria و بيطلع كتير بضايع معظمها طوابع و عملات. و ع فكرة هل موقع هاد هوي موقع مزادات اذا كان حدا ما بيعرف و اسعاره رخيصة بشكل عام

والله شغلة الطوابع تسالي العادي بس ما بعرف ليش ما استهوتني
بس عموما في عنا احد الخبراء بالطوابع والمجمعين القدام والي هوي ليان حايك بركي اذا حدي يوصلو خبر يمر على هال الموضوع يدلي بدلوو :D

اي انا بعرف كذا واحد من شغيلة الطوابع عنا بالحارة و بركي منستفيد من بعض

كان ليان عم بيفكر لو بيعرض طوابعو للبيع بشي مزاد او هيك ..
هلق انا رأيي لو اجتمعتولكون شي خمسي ستة وعندكون بضاعة انضيفة فينا نعمل ويب سايت للطوابع السورية مثلا او العربية
او للطوابع والعملات العربية عامة
منو بيصير فيه مزادات وبتتنفعولكون بقرشين ومنو خبرات جماعية

و الله يا شريك فكرة حلوة كتير و بشكل عام ما في غير موقع او موقعين حاكين شوي عن كم طابع سوري.. و عنا كتير شباب بتفهم بهل شغلات و حتى بعرف ناس كبااااااااار حماصنة يمكن يساعدو...

القصة انو انا بستخصر كتير بيع طوابعي... يعني بقدر شارك بالموقع أكيد بالصور و المعلومات... بس ماني مفكر بيع... الا اذا شي خفيف كتير. بس يعني يمكن اذا كان الموقع مرتب نقدر نستقطب مين يبيع و يشتري من عندنا

بقى هي اذا شغلت نبيع طوابعنا بس.. يعني المشروع بينتهي بس ينباعو كل الطوابع.. بس اذا حدى عندو مشروع بيستمر و بيتضخم.. و قتها ما في مانع شارك ابدا

صحي إلو لليان ما يبييييييييييييييييع
:(

لا انا قصدي موقع طوابع وعملات عربي
معلومات .. تقييم عملات (مثلا واحد بدو يشتري طابع من اخر بيطلب تقييمو مقابل مبلغ وانتو بتقيمو)
بيع وشراء ..
مزادات مفتوحة وهيك

تسالي يعتي

اي معقول و الله اذا هيك

من الطوابع الثمينة:

طوابع الالعاب الاولومبية الفرنسية. مجموعة من أربعة طوابع. إصدار 1924

طوابع فرنسية و مطبوع عليها SYRIE مع تعديل في القيمة بالارقام الفرنسية
سعر كل طابع مستعملا كان او غير مستعمل 25 دولار و المجموعة 100 دولار

نفس الطوابع تماما و لكن الارقام بالعربي و الفرنسي
الغير مستعمل سعره 17.50
المستعمل سعره 20
و المجموعة الكاملة هي 70 او 80 دولار

===

احيانا نجد الاحرف T.E.O او O.M.F على الاصدارات الفرنسية القديمة
هذه تعني Territories Ennemis Occupés
و
Occupation Militaire Francaise
بالترتيب
و الاولى اسعارها أغلى نسبيا من الثانية

طوابع مالية زرقاء تعود لعام 1945. مطبوع عليها: طابع الجيش السوري. و أحيانا وزارة المالية أيضا فوقها.
يتراوح سعر المستعمل منها بين 27 و 30 دولار
و الغير مستعمل منها سعر ما بين 75 و 90 دولار
يوجد 12 طابع منها و تمسى RA1 الى RA12

====

في كمان طابع فرنسي (سوري) من سنة 1920
مختوم عليه
O.M.F
Syrie
2
PIASTRES
حقو دولار واحد...

بس اذا كان ناقص الS
يعني كتوب
PIASTRE
بصير حقو 600 دولار!.. :o

O.M.F
Syrie
2
PIASTRES
حقو دولار واحد...

بس اذا كان ناقص الS
يعني كتوب
PIASTRE
بصير حقو 600 دولار!..



اش معنى بقى !!

لانو خطأ مطبعي

الطوابع المنزوعة... متل يلي مطبوع عليها مرتين.. او بالمقلوب... او مثلا ما جاي مظبوطة عل سنن.. او بلا سنن.. هاي كلها من عوامل الندرة و بتصير غالية كتير

اي عاد ما يتخنوها كتير متل سيارة مرسيديس نظاميية
وسيارة مرسيدس بيدون موتور او بدون بواب (خطا مطبعي) اي شو بتصير اغلى يعني :?

اي عاد ما يتخنوها كتير متل سيارة مرسيديس نظاميية
وسيارة مرسيدس بيدون موتور او بدون بواب (خطا مطبعي) اي شو بتصير اغلى يعني :?

عيش كتير بتشوف كتير حكيم :lol:

هههه اي و الله شي بيجنن بعقل :lol:

بس أكيد اسعار الطوابع يعني مانها شغلة منزلة... بتخيل انو سعر الطابع بيجي من أديش انباع اخر شي بمزاد رسمي... او اديش أعلى سعر انطلب فيه... يعني حسب العرض و الطلب 8)

يا زلمي الله اللوكيل هال الشعب شي مو معقول كل يوم بيتفتقو على شغلة
خيو طوابع فهمناها
اثار وتحف فهمناها
بس يا اخي اليوم صارو عم بيجمعو كروت تلفون .. لا وبيبعوها لبعض وكلشي ..
صار عم بيجمعو بطاقات اتصال منزلي وهيك ومن كل انحاء العالم مو من محل معين
وناس عندى هواية تجميع كنزات تبع الهارد روك Hard Rock من كل بلد
وناس بروشات
وناس غطاوات كاظوظ
لا وفي احد الاخوة هون كمان كان عارض للبيع كلاسين حكام ....
خود بقا على هال الهواية .....


اي شو هال الفراغ العاطفي :?

:P :P

اي شو هال الفراغ العاطفي :?



سبب وجيه جدا حكيم :shock: :shock: :shock:

شكرا الموضوع كتير حلو
.انا بحب الطوابع

وانا بشكرك كتير على اراءك الحلوة والمفيدة للمجتمع

مساءُ الخير...
هذا الموضوع قيّم جداً وقد أعجبني كثيراً فألف شكر لصاحبه وللمشاركين كافّة وأودّ أن تسمحوا لي بمشاركتكم ما سطّرتموه...


الطوابع السورية بلشت بشكل رسمي عام 1919 و يمكن 1918. و كان في طوابع عثمانية مستخدمة في سوريا منذ عام 1913

الطوابع السوريّة تبدأ بحسب الفهارس العالميّة سنة 1919، وانطلاقاً من هذه السّنة تبدأ المجموعة السوريّة، وعليها يؤكّد هواة الطوابع المحترفون...
فأمّا عن الطوابع العثمانيّة فقد استعملت في سوريّة قبل سنة 1913 وخاصّة الطوابع الضريبيّة وقد اُصطلح على تسميتها في سوريّة "طوابع ماليّة"، وللأسف لا يوجد أيّ فهرس للمجموعة السوريّة الماليّة، على عكس بقيّة دول العالم.


بشكل عام سعر الطابع السوري بيتراوح بين 0.20 و 0.40 دولار أميركي. بس في طابع بيوصل سعرو للألف و ميتين دولار

أغلى طابع سوريّ تصل قيمته إلى ألف إيورو أي ما يُعادل 1500 دولار تقريباً... وسعره في سوريّة حوالي 70 ألفاً!
وهناك مجموعات متعدّدة تفوق هذا المبلغ وخاصّة لأنّها نادرة ونسخها الموجودة ليست بأكملها عالية الجودة.


هاد الكتالوج اميركي و في كمان كتالوجات فرنسية و يمكن في بريطانية كمان

الفهارس الأميركيّة تحتوي على بضعة أخطاء وعلى نقص كبير وخاصّة في المجموعات الرئيسيّة الأولى، وأشهر الفهارس للطوابع السوريّة هي الفرنسيّة وهي أدقّ بكثير وأكمل من البقيّة وبرغم ذلك فهي نفسها ناقصة!!!
بصراحة أنا أقوم بإنشاء فهرس خاصّ يتحدّث عن الطابع والمجموعة بشكل مفصّل أكثر، ويشرح التوجّه التاريخي والسياسي والفني للطابع، ويتحدّث أيضاً عن الأعياد والمناسبات التي اُعتمدت لإصدار الطوابع ونشأتها. ولهذا الغرض توجّهتُ إلى متحف الطوابع التابع لمؤسّسة البريد في العاصمة السوريّة وطلبتُ منهم أهمّ ما في الأرشيف عن طوابعنا، وللأسف لم نعثر إلا على دفتر ممزق فيه بعض المعلومات يبدأ بسنة الخمسين. وأعتقد أنّ مثل هذا العمل سيأخذ مني سنوات طويلة...


كما وبالإضافة إلى مجموعتي السوريّة أقوم بإكمال تلك المتعلقة بدولة الفاتيكان لكنّها غالية نوعاً ما والدفع هو بالإيورو، وبصراحة يبدو أنّ هذه الهواية رح تخربلي بيتي وتبخشلي الجيبة عالواسع :frown:!!!

في سوريّة مؤسّسة البريد فاشلة إلى أبعد الحدود وخاصّة لا مبالاتها بالطابع وإصداره، فهي على سبيل المثال ما عادت تهتمّ بنوعيّة الورق ولا حتى بالتصميم ولا بالطباعة وهذا من دواعي الأسف الشديد :jakoush:.

هناك أيضاً ما يُسمى "نادي هواة الطوابع السوريّة" ولكنّ مؤسّسة البريد والقائمين عليها يخلقون الحجج والعراقيل للتهرب من المساعدة أو تسهيلها... يا عمي إذا أنتو ما بدكن تشتغلوا طيب خلوا العالم التانية تعمل شي. ماشيين بحسب المبدأ "عليّ وعلى من حولي"...

أرجو أن يأخذ هذا الموضوع اهتماماً أكبر...
وكلّ التحيّة والشكر لجميع المشاركين.