:oاخوانى الاعزاء هدا تصميم خاص عملته على الكوريل درو
و لو اي واحد عايز يتعلم كوريل ممكن يراسلنى على المنتدى
و انا اكون سعيد برد على استفسارتكم جميعا:o

كتير حلو التصميم كلك زوق:D

بس بدي قول شغلة والله الفوتوشوب فيه حركات غنية واسهل والذ واحلى و ووووووو الواحد مابيتعذب علفوتوشوب

يعطيك العافية شي حلو جد..:D

شكرا جدا على الاهتمام و المرور والرد بس في شئ
الفوتوشوب برنامج رائع لكن اسمه فى التصميم ( ديسك توب سوفت وير)
يعنى يستخدم لتجهيز الصور و معالجة العيوب الموجوده فيها لانه بيتعمل مع الفايل الى
علية بصيغة البيكسل و ده بيخليه يخد مساحة كبيره جدا فى الفايل و محتاج جهاز قوى جدا قبل استخدامه على برامج اخرى تسمى ( الفنشينج سوفت وير) مثل الكوريل او الفرى هاند
و هرد دسك كبير لانه بيعمل (باك اب فايل ) كبير
أم الكوريل فانه فى اشياء كتير ممكن تنفدها علية ببساطة و حجم الفايل صغير لانه بيتاعمل
مع الملف بطريقة ( الفيكتور) و الاصدارات الجديده منه مثل كوريل 13 قويه جدا و خصوصا فى برنامج نازل
معاه أسمه ( كوريل تراس ) قوى فى اعادة رسم الاسماء أو اللوجوهات جربوه


:clap::clap::clap::clap::clap::clap::clap::clap::c lap::clap::clap::clap::clap::clap::clap::clap::cla p::clap::clap::clap::clap::p :p

هلق أنه الكوريل تريس شغلة جديدة بال13 هي مو خبرية بنوب

لأنه التريس أساساً موجود ... هلق هو أقوى بال13 ما اختلفنا ... بس مو شغلة جديدة يعني

المهم ... التصميم حلو كتير ... هاد اذا كان بدي اجاملك

خليني قلك شغلة ... الصور اللي بالتصميم لازم يكون إلهن تفنيدة مو أنهن ينحطوا هيك يا غافل إلك الله

الألوان وانسجامها من جهة قيمتها اللونية .... متناسقة هيك ؟

طيب من جهة المجال اللي محطوطة كرماله ( مجال طبي ) مظبوطة هيك ؟؟

فكرة اليد الممدودة الي ما بقي حدا إلا ولصقها هيك على أي شي ... مجال التكنولوجيا ... أدوات المطبخ ... مجال الصحة ... المجالات الخدمية الكتيرة التانية ..... كان في كتير أفكار ممكن تعبر عن الفكرة اللي براسك بأحسن من الأيد هي

التوازن العنصري اللي بالتصميم ... أنه شو منشانه مثلاً ؟؟؟

هلق لو قسمت التصميم نصفين بربك رح يطلع كل نصف بيساوي من حيث الكتلة والعناصر والألوان القسم التاني ؟

طيب ما رح أدخل بنسب الألوان ... رح انساها باعتبار عم شوف صورة RGB هلق مارح تنطبع ولا شي

عزيزي أنا ما عم كسر فيك أو عم شكك بمواهبك

أنا عم قلك الحقيقة منشان تقوى أكتر ... برافو عليك بس لازم تسأل الأسئلة اللي كتبتها أنا هون لحالك

منشان ما حدا يجي ويسألك نفس الأسئلة

موفق

واذا بدك أي شي سواء بمجال الفيكتور أو البيتماب أنا جاهز

وماتزعل من صراحتي ... بس منشانك ومنشان الاعلان يدخل البلد صح

وبس مو أكتر

Sarah
أنه شو دخل الفوتوشوب بالكوريل مثلاً ؟؟ طيب أنه بتعرفي ؟؟

ذكرتيني بسؤال كان يضرب بمخي لما كنت صغير : أنه ليه الجو طقس اليوم يعني ؟؟ طيب أنه لو كان الصيف بيجي بالشتا أنه شو كان صار يعني ؟

الفوتوشوب شي والكوريل شي تاني خااااااااااالص

الفوتوشوب لللي ما بيقدر مخهن يفكر أكتر من 3 أو 4 ثواني لحتى يخترع فكرة جديدة

بس الاليستريتر والكوريل هنن للي ما بيستنوا شي جاهز يلصقوا من هون وهون ويفلتروا من هون وهون

بس للي بيفكروا يخترعوا شي

وأخيراً

شكراً كتير لأنك تركتي مجااااااااال لختى الصيف يجي بالشتا

وما رح يجي !!!!!!!!!!!!!!

شكرا

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -/////////////// (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

تصميم حلو ككوريل ... بس بتوقع بالفوتوشوب بيطلع شغلات أحلى بكتير ...
أنا دارس هاد وهاد ... وبشتغل على الأثنين ... بس ملاحظتي أنو الكوريل لغير هيك شغلات ...
الكوريل للرسومات التصميمية ... وليست الأعلانية

بالتصميم بيهمك الدقة ... بيهمك الأبعاد ... بيهمك كلشي ...
أما بالأعلان فأهم شي هو أنو تطلع صورة بتلف نظر .. بألوانها ... بظلالها ... بشفافياتها ...

هادا رأيي ... بس شغلك مقدر

اولا شكرا يا جيفارا
ثانيا انا شخص يقدر النقد جدا و استمع جدا له
اما بالنسبة انى بقول ان فى برنامج اسمه ترياس فى الكورال فهذا اكيد مش للناس الى بتتعامل مع الكوريل لانه موجود من كوريل 9 بس مع كوريل 13 اصبح اقوى و ادق اما بالنسبة لتوازن التصميم فانا أختلف معاك لان انا دارس التصميم فى الكلية _ انا خريج فنون تطبيقية - بس انا ليه راى مختلف فى موضوع الكتله و الفراغ و مفهوم توازن الجانبين او تقسيم العمل لا ده شى أكاديمى اكتر منو فنى و ابداع فى بعض الاحيان التصميم غير المتزن يعطى الجمال المطلوب اكثر من الفكر الاكاديمى - اما موضوع اليد فهى و جه نظر تحترمح منك لكن لو وضفت اى عنصر فى مكان و خاصته بهذا المكان فهذا ضعف العناصر كلها صالحه للأستخدام فى اى مكان ما دامت توصل الفكرة و على ذكر ذلك تابع رجائاً الاعلان التلفزيونى لدواء الفيجرا و انظر فمة الاحترام فيه و الاعلان الخاص بسنافى و قمة التواضع فيه و انظر توظيف الادوات هنا و هناك انه الفكر و الابداع
و أخيرا انا اشكرك جدا جدا على ردك المنطقى و المحترم :D

شكراً حبيب ما بخفيك مو كتير قوي التصميم بس الله يعطيك العافية

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


:clap:
يسلموا حلوه كثير
ياريت تشارك
بالبرامج التعليميه
للاستفاده
بااااااااااااااااااااي
:deal:


////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

مشكووووووووووووور جدا جدا جدا جدا جدا روعة

goooooooooooooooo

مشكوووووووووووووووووووووو ووووووووووووووووووووووووو وووووريا معلم

انا ماني شايف شي
مافيني افتح مرفقات وملفات ولفات ولا حتى مرافقات
بس طالما الشباب عم يقولو حلو, رح ابصم عالعمياني, حلو وهي بصمة,هه

انا لم أرى ألتصميم .. لكن أنا أشتغل على ألكوريل درو 10 وهو برنامج عملاق للتصميم

وأن شاء ألله ساعرضها عندما تكون لدي صلاحيه لنشرها

مع ألتقدير ....

حاولت حمل الملف قام هاد يلي صار ممكن حدا يقلي ليش

أبو علاء و الله يا معلم ماعندك صلاحية لتوصل لهي الصفحة. مدري ليش :

يمكن ماعندك تصريح أنو تفوت على هي الصفحة ، رأو الظاهر أنك عم تحاول تعدل لشي حدا أو عم تجرب توصل لخصائص أدارية. على كل حال تأكد أنو أنت مصرحلك أنو تدخل عهالقسم من صفحة نظام القسم.
إذا كنت عم تحاول المشاركة، يمكن تكون الأدارة موقفة حسابك، أو يمكن حسابك لسى ماتنشط يا حبيب .
لو تصويت-استفتاء، وانت مش مصوّت فيه او مشارك فيه. فما حتقدر اتشوف نتيجتو لبعد ما اتصوت

اي اخي في مشكلة بالمرفقات
اذا كتير مضطر تشوف الصورة ابعت للمشرف مشان التحميل على موقع خارجي

ما على اساس انحلت مشكلة المرفقات ليش رجعت هيك