-
دخول

عرض كامل الموضوع : عشق المجهول

Geeny
10/06/2004, 11:10
عشق مجهول
في السّكون ، في الصّمت ، في الظّلام
أشعر بقلبك .. بأنفاسك المعطرة .. برائحة شعرك ..
أحتاجك ...
و لو بَعُدَتْ المسافات .. و لو لم تكن موجوداً ..
أحتاجك ...

ما أنتَ ؟؟؟ رجلاً ؟ صديقاً ؟ إنساناً ؟
ماذا أنت ؟؟؟

تمرّ السّنين .. يزداد الحنين .. و أنت معي
تحميني ، تمنحني القوة ، الدّفء ، الحنان الّذي لطالما تمنيته ...

تلفحني كلماتك .. تطير و تحلق بأعماقي
أملاكي الحارس ؟ أحدثك : لا اراك ، معي !!!

وهمٌ أسعى لتحقيقه ، خيالٌ يتتبع خطا الواقع
دائريٌّ ، ما أنا منك ؟ المركز ..
و القمر الّذي يحدثني عنك ، ماذا يقول ؟ أتعلم ؟ يقول انتظريه ، اسأليه ،
هو معك ، ولك

و تسرع الأيام في المضي و أنا أبحث عنك
يوم أجدك سيكون النهاية ..
نهاية عشقي ، نهاية حبّي الأبدي
ستكون بدايتك ...
الكبير
10/06/2004, 14:46
:D :D :D :D :D :D :D :D
majd88
10/06/2004, 15:16
حلو كتير
وخصوصاً المقطع الأخير لأنو بمثل الأمل
Mr.yosef
11/06/2004, 15:21
كلام كتير حلو ..... نيالو هالفارس الأحلام :hart:
Hus
11/06/2004, 20:15
انا سألت بمرة من المرات هذا الكتابات لك انت !!
بس ما حد جاوبني !؟
Geeny
17/06/2004, 23:58
هالكتابات كلها إلي ما عدا قصص بس هي لرفيقتي الروح بالروح و نشكر الله عجبتكم و كمان ما في فارس أحلام و لا رح يكون في بحياته
rashaqa
28/06/2004, 00:44
هالكتابات كلها إلي ما عدا قصص بس هي لرفيقتي الروح بالروح و نشكر الله عجبتكم و كمان ما في فارس أحلام و لا رح يكون في بحياته

طب خلي رفيقتيك تدخل تكشوف شو عم يحكو عن شغلاتا و منشان فارس الاحلام .. ليش انقرضو الاحصنة البيض ؟؟ :D
Geeny
28/06/2004, 07:14
ما المشكلة أنو أنا ما بدي فارس عل حصان أبيض بدي إنسان و هدول يلي انقرضوا :wink:
Hus
28/06/2004, 15:23
ما المشكلة أنو أنا ما بدي فارس عل حصان أبيض بدي إنسان و هدول يلي انقرضوا

:confo:
Geeny
14/08/2004, 17:05
:(
SABE
14/08/2004, 17:08
يوم أجدك سيكون النهاية ..
نهاية عشقي ، نهاية حبّي الأبدي

ليش ؟؟؟؟؟ :confo: :confo:
dimozi
14/08/2004, 19:41
ما المشكلة أنو أنا ما بدي فارس عل حصان أبيض بدي إنسان و هدول يلي انقرضوا


دخلك انا شو ؟؟؟؟؟؟؟ بوكيمون شايفتيني و لا شو؟؟؟؟
yass
14/08/2004, 21:21
حرام عليكي .. مو حكي هاد...كلنا انخدعنا و كلنا حسينا حالنا أنو الدنيا كلها واقفة بوشنا .. بس لازم الأمل يظل دايما معنا.. حتلاقي اللي بدك ياه هيك فجأة دون سابق ميعاد..
بعدين دخلك شبو dimozi بيجوز ما عندو حصان أبيض بس اكيد عندو بسكليتة و مركبلها جرس كمان...
:D :D :D :) :) :)
SABE
14/08/2004, 23:38
دخلك انا شو ؟؟؟؟؟؟؟ بوكيمون شايفتيني و لا شو؟؟؟؟

:o :o :o محشوم ابن العم ...
Geeny
15/08/2004, 00:15
يا ريت يا yass لاقيه فجأة و يكون الأمل فيه لانو تعبت :( يمكن أنا صغيرة س قلبي تعبان كتير
الله يوفق ديموزي مع حبيبته لأنو مع عدم معرفتي الشخصية فيه إلا أني بحترمه و بعزو كتير
Anmar
15/08/2004, 02:06
يا ريت يا yass لاقيه فجأة و يكون الأمل فيه لانو تعبت يمكن أنا صغيرة س قلبي تعبان كتير


يا ستي سدقيني الشغلة ما حرزانة لكل هالتشاؤم ...

وانت لازم يكون إيمانك بالله كبير لأنو أكييييييييد مخبيلك كل خير ورح يعطيك كل اللي بتستاهليه ...يعني حتى لو طالت فترة الإنتظار خلي ايمانك بأنو الله بحبك كتير وما عندو هواي انو يعزبك ... وانشا الله رح تتعرفي على الشب اللي بيستاهلك وبقدرك واللي رح تسعدي معو ..
وتحياتي ...
:D
dimozi
15/08/2004, 13:16
الله يوفق ديموزي مع حبيبته لأنو مع عدم معرفتي الشخصية فيه إلا أني بحترمه و بعزو كتير

لك الله ينصر دينك و يخليكي و يوفقك و يعمر ديارك و يعلي مقدارك و يطعمك ابن الحلال اللي عندوا اكبر اسطبل بسوريا كلها و كلها خيل ابيض , و تنبسطي و تتوفقي بالباكالوريا و تجيبي مجموع اد الدنيا , على ها الدعوة المرتبة ,,,,, كتريلنا منهن هدول الدعوات :)
Geeny
15/08/2004, 13:53
ايه ما تكرم عينك :)
يا ربّ تفهموا بعض و تكونوا صادقين مع بعض وما تخلوا شي يفرقكم :D الله يوفق كل ‘نسان حبّ من كل قلبه :)
dimozi
15/08/2004, 19:17
يا ربّ تفهموا بعض و تكونوا صادقين مع بعض وما تخلوا شي يفرقكم الله يوفق كل ‘نسان حبّ من كل قلبه

هلاء الدعا هيك ما زبط , اول شي دعيلنا نصير مع بعض بعدين منفهم بعض و ما في شي بيفرقنا :P ... على كل يسلموا ايديكي........عفوا تمك :lol: