بتحب ســـــــــوريا؟؟؟ [الأرشيـــــف]

blue-ocean

17/08/2007, 01:54

الصراحة انا كتير بنقهر وقت بتسمع اللبناني بيقول لبنان ولبنان ولبنان ولبنان ولبنان ولبنان

ونفس الشي الاردن ومصر

بس الشي الغريب انو نحن عنا قليلين كتير اللي متبنين بلدهم

قليلين اللي بتحسهم بحبوا بلدهم ب قلب ورب

قليلين اللي بتحمسوا ليعرفوا تاريخ بلادهم

وليقدسوا اثار اجدادهم

لك ع الاقلية ما يكبوا بالشارع وع الاقلية ما يتضحكوا وقت تقلن انو ليه عم تكبوا بالشارع

لا والابشع من هيك انن (وخاصة المغتربين ) بيضلوا ساعة عم يعلكواااااااااا ع نضافة برا

واخر شي بيجوا بكبوا بالشارع عنا وشو الحجة انو ما في سلات

وانو هنيك كل 5 متار في سلة

مرة رحنا ع تدمر و طبعا اخدنا معنا دليل سياحي

طبعا كنا نحن مهتمين كتير

ف كان عم يحكي وهوه مبسوط كتير انو نحن عم نسمع ومحروق قلبوا

قلنا ه البلد بدوا مين يحبها

قلنا انو نحن معظم العالم اللي بيجوا بتلاقيهم مو مهتمين

والرحلات اللي بتنظمها المدارس بينزلوا ه الولاد بياكلو اكلاتن وبيزتزها وبيرجعوا

فعلا شي بيحرق القلب..........

وما عدا هيك

وهادا ما عدا كل الشباب اللي همها الوحيد انو تطلع برا سوريا

انا بعرف انو حب سوريا موجود بقلب كل سوري

بس ما بصير هيك

لازم نحب سوريا اكتر

لاوم نعتز انو نحن سوريين لازم نرفع اسم سوريا لفوق

SAD_EMO

17/08/2007, 02:10

مع اني مو سورية

بس كتييييييييييييييييييييييير بحبها لسوريا:hart:

وبقول يا ريتني سورية:sick: بس طبعا انا كتييير بفتحر بأني فلسطينة:yahoo:

بس فعلا نيالكوم انكوم سوريين وبقلكون فعلن لازم انو نحب الوطن اهم شي بحياة الانسان سواء سوري او مو سوري

blue-ocean
شكرا كتير على طرح الموضوع
وما بعتقد انو في حدا ما بحبا لسوريا:sosweet:

يااااااااااااااالله شو نفسي زورها لسوريا فعلا لأنها كتييييييييير حلوة وشعبها طيوب وحباب كتيييييييير

ادعيلي ليوم آجي:cry:

volanis

17/08/2007, 02:19

مرحبا بلو اكيد كل سوري بيحب سوريا و كل مصري بيحب مصر و كل واحد بيحب بلدو و لاتصدقي اي واحد بيكره بلدو و اذا سافرتي و عشتي برا سوريا رح تعرفي اديه روحك معلئة بسوريا و بتتذكري كل لحظة حلوة من اول حب لاول صداقة لاخر اكلة من اكلات سوريا و بتئولي انو لكل بدو يطلع برا سوريا طيب مو كمان الاردنيين و الفلسطينيين و المصريين و السوريين مغتربين يعني مو بس نحنا منفكر بلسفر يمكن مو بس لنحسن وضعنا المادي يمكن لان منئدر نطور و واحدنا بيحس انو الو ئيمة العيب مو بيبلدنا العيب بلمسؤولين يلي ما بيعطو لكل واحد حئو و وئت يلي بيتخرج من الجامعة بيعد بيبت اهلو
و بلنسبة لموضوع الزبالة و رميها بلشارع هادا موضوع اخلاء و حضارة و ادب و ذوء مو موضوع كره بلبلد روحي مثلا عمان وشوفي الزباله و القاهرة مئلب نفايات بلشوارع ماعدا الاسكندرية
وللعلم بلو السوريين برا سوريا نغضوب عليهون بلاخص من العرب لانو بيعرفو انو السوري مو ئليل و بتلائي السوري مشغول كيف بدو يظبط كم لغلان و كيف بدو يخوذ....... علان و و و و و و منشان هيك بتلائي ئليل ليحكي عن بلدو لان بيعرف انو ماحدا بيسمع منو لان العرب غيورين حسودين من سوريا بس ليش و لله ما بعرف مع انو لا عنا نفط ولا غاز و لا الشعب غني ........ بس يمكن لانو بناتنا حلوين و شبابنا حلوين ههههههههههه و لله يمكن من هيك الغيرة
بئا بس تسافري برا سوريا بتشعري بلشي يلي حكيتو

blue-ocean

17/08/2007, 02:47

شكرا ع ردودكم.....

وع فكرة انا شب.............

طيب السؤال؟؟؟؟

ليش كل ما واحد بيطلع ليدرس ببطلع يرجع

او ببطل يساعد باي شي بلده......

اللي بحب بلدو بحاول يساعدو بشتى الطرق ومهما كانت الظروف مهما كانت الظروف مهما كانت الظروف

blue-ocean

17/08/2007, 02:50

وانشالله بتجي skull_lover

ع سوريا

وانا اكيد انو رح تنبسطي ورح تستمتعي

سوريا وفلسطين من اقدس البلاد واطهرها واجملها طبيعة

volanis

17/08/2007, 02:53

بلو كيف بدك تساعد بلدك اذا المسؤولين عنا شي بدو يظبط ابن ستو و ابن جدو و اين خالتو بمنصب و اذا صارت الوظيفة بدا مية واسطة انا يلي بعرفو انو اكتر من واحد حاولو يساعدو البلد بس للاسف بتكون في 100 عقبة بوجهون مو متل بئية البلاد بتلائي كل التسهيلات موجودة للمغتربين
لاتنسى بلدنا مملوكة لكم واحد بس و مابدون حدا يستلم اي شي اقتصادي او طبي او هندسي متل مثلا مجمع يلبغا يلي صرلو 35 سنة على حالو و عرضو المغتربين بي اوربا انو يكملو المشروع بس لبسون ئصص و بلاوي و مابدي فوتك فيا
انا من ناحيتي عملت يلي عليي و جبت معي سياح لسوريا و اكتر من هيك مافيي اعمل

blue-ocean

17/08/2007, 03:00

مشكوووووور ع ردودك.......

اخي

بس لو معظم المغتربين عملوا بجد بس ع اظهار صورة سوريا الحضارية

و حتى جابو سياح ع سوريا

لكانت سوريا من اولى البلدان السياحية بالعالم

لانو الشعب السوريا ماشاء الله منتشر بشتى اصقاع الارض و بكمية كبيرة

blue-ocean

17/08/2007, 03:01

وانا مني رح اشكرك ع عملك الايجابي

شكرا كتير,........

volanis

17/08/2007, 03:02

حبيب ئلبي موضوعك كتير عجبني و منشان هيك برد على اسئلتك بسرعة و غير هيك رجلي مكسورة و مالي غير لنت تسلى فيه
قبلاتي

Willi

17/08/2007, 03:08

ليش كل ما واحد بيطلع ليدرس ببطلع يرجع

شو بدو يرجع يعمل!!

BL@CK

17/08/2007, 11:42

قليلين اللي بتحسهم بحبوا بلدهم ب قلب ورب

قليلين اللي بتحمسوا ليعرفوا تاريخ بلادهم

اللي بدور عـ ربو بلاقيه .. إذا انت ما شفت فما معناه هالشي أنو قليلين ..

وهادا ما عدا كل الشباب اللي همها الوحيد انو تطلع برا سوريا

طبعاً ..

انت بتخدم سوريا أكتر و أنت برا ..

ممكن بالمستقبل ترجع تفيدا بخبرتك اللي كسبتا ..

أكيد نحنا بحاجة للاستفادة من تجارب غيرنا .. عالأخص انو تجربتا بالية و متخلفة و بدا حديث و تطوير :lol:

:D

blue-ocean

17/08/2007, 15:44

شكرا اخي bl@ack

بس انت اكدتلي الش اللي قلتوا

بس جاوبني كم مواطن سوري مغترب وكم مهاجر من اصل سوري في بالعالم؟؟؟؟

وكم واحد عمل شي منيح لبلده؟؟ ولو ابسط شي ؟؟

جان بن جاك الروسوي

17/08/2007, 19:21

انا بشوف بالعكس من كلامك

السوريين مرتبطين بارضن ارتباط مو طبيعي

بس طريقة التعبير عن البقية هيي اللي بتختلف

انا مثلا بحاول طلع كل مساويء بلدي لانو بدي ياها تكون كاملة

انا اذا علقت على اي خطأ هاد ما لاني بكرها لا لاني بحبها

وبتوقع انو في كتيرين وكتيرين متلي

بدنا سوريا تكون جنة تكون مستقلة وتكون الها شأن لهيك ما منحكي ومنلعي بسبب وبدون سبب عن الارض

لانها بقلوبنا ورحتضل:clap:

عاشقةعمرودياب

17/08/2007, 19:30

سوريا يا حبيبتي
هلق سوريا بتنحب وانا جد بحبها وما في متلها بالدني بس بتحس انو في بعض العالم بسوريا هن بيكرهوك فيها

BL@CK

17/08/2007, 19:52

شكرا اخي bl@ack

بس انت اكدتلي الش اللي قلتوا

بس جاوبني كم مواطن سوري مغترب وكم مهاجر من اصل سوري في بالعالم؟؟؟؟

وكم واحد عمل شي منيح لبلده؟؟ ولو ابسط شي ؟؟

انا قلت في حال تحسّنت أوضاعنا .. و عيش يا كديش .. :lol:

handsome

17/08/2007, 20:13

وقت الواحد بدو يعرف شو سوريا .. وشو موقع سوريا بقلب كل واحد سوري . لازم يسال المغتربين..
كل العالم الي قاعدي بالبلد بتوقل اي منعرف شو يعني غربي .. او بيقولو طب اذا هالقد الغربي صعبي ليش ما بترجع عالبلد؟

هلق التنين ما معون حق .. انا مع اني بحب سوريا .. بس هادا ما يعني اذا صحلي ظبط مستقبلي شوي ارفض هالشي لاني ماني مستغني عن بلدي ..
سوريا بقلب كل واحج منا .. بس انو ما ضروري نكون ماشين بالطريق ونقول انو سوريا احسن بلد وهي الجن عالارض ومن هالحكي .. لانو هالشي ما بينطبق غير عالسورية ..
يعني انا اديش صرت فاتلت بلدان ( انون ما كتير كتار بس ماشي الحال ) كل واحد منون الو ميزاتو . بس ولا واحد متل سوريا.. سوريا بتضل غير . بتضل بالقلب بشي الحلو تبعا وبالشي البشع ..
هلق لسبب من الاسباب سوريا ما عما تقدر تقدملنا الي نحنا بدنا اياه منا .. من دراسة لشغل لاستقلال لحرية الخ ... مشان هيك في كتير عالم عما تطلع منا .. بس ما يعني انو هالعالم ما بتحب سوريا

اخر مرا نزلت عسوريا . اجيت من المطار عكراجات البولمان بالشام .. وكانت شي الساعة اربعة بالليل .. وكان الكراج تلت ارباع فاضي .. وكان في عيلي عراقية ..رجال ومرا وولدين صغار وولد حاملتو امو .. كانت الام عما تشرب كولاي من التنكي .. خلصت شربا قبل ما تتطلع عالبولمان وبدا تكل التنكي . راحت هيك عالرصيف وحطتا عالارض..
طب انو يا بنت الله .. بس اتطلعي لفوق 50 سم كان في زبالي .. ليش حطيتية عالارض .. يعني المخلوقة كبتا عالارض مشان ما ترفع ايدا وتحطة بالزبالي ... طب انو شو هالاكل الخ*** هاد .. بس انو ما حكيت شي لاني ما بعرف شو وضع العراقية ومن هالقصص .. بس شلت التنكي وحطيتا بالزبالي .
يعني لو اني مساوي نفس الشي بشي بلد اجنبي ( بغض النظر وين من موزامبيق للدول الارويبية ) وحدي شافني عما اعمل هيك بيقلي شو جاي عبلدنا وبدك توسخا ؟؟؟
بس خيتو نحنا غير هيك .. يعني انا ان كنت بسوريا ولا براتا .. اذا معي شي شغلة للكب بقية معي لحتى لاقي شي زبالي ( للمعلومات باليابان مافي سلات زبالي بالطريق .. والارض ما بيلتقة علية لا ورقة وولا شي ) وكمان بسوريا ماشالله عنا زبالين بتنكفي قارة كاملة .. بس خيو شعب جحش ما بيفهمم .. وهاي الشغلة الي بيقولو عنا حضارا . ما بتصير بكبسة زر
يعني متل وقت بيجيك شو واحد سعودي بيقلك نحنا متحضرين كتير لانو عنا ناطحات سحاب واسواق كبيري ؟؟ بس خود عاد حاول فهم هيك بغل انو الحضارة بحياتا ما كانت بالبنايات .
بس خيو صدقني انو السورين وين ما راحو بتضل سوريا حصرا بقلبون وكتير كمان ...
انا لما بحكي مع شي حدي اجنبي عن سوريا ما بكذب عليه بشي ؟ بحكي الواقع .. بحكي كيف العالم الطف شعب بالدني كلى .. وبحكي انو الموضفين والمسؤلين ما خرجون غير ينربطو بالحظاير
بس انو شو بيطلع بأيدنا نعمل .. هاي هيي بلدنا ونحنا منحبا لانا هيك . اذا تغيرت بجوز نبطل نحبا

يلعن ديبي شو بنبحت اوقات .. خيو ملخص الموضوع ..
انا سوري اه يا نيالي ...
مع انو فيا كتير شغلات ناقصة بس بالقلب اكتر من كاملة .
ميرسي عالموضوع
:D

بنوتة حلب

17/08/2007, 20:43

بشرفي موضوعك خيلة وكنت عم فكر نزل مشاركة شي من هالحكي

فعلا كلامك كلو صح وسليم
عنا السوريين بحبو بلدون اكيد بس مو على كل شغلة سوريا وسوريا

بس انا من النوع الي بقول سوريا وسوريا وخاصة حلب ( الي بموت فيها )

انا متغربة من 18 سنة بس ولا يوم ما حسيت حالي مبسوطة بس اول ما بنزل عاسوريا بتغير كلي وبنبسسسسط
مع انو امبارح وصلت عابلغاريا ( لانو كنت بسوريا ) بس زعلانة كتييييييير وعم نق ببابا انو بدي انزل بعد اسبوع عاحلب
المهم مو موضوعنا هاد

في نقطة قلتا انو الاولاد الي بيروحو عالرحل وبيكبو وسخ اكلاتون ؟

الحق مو على الاولاد الحق على الاهل وعلى المشرفين الي رايحين معون

مو بيقولو المدرسة تربية وتعليم وبيعلمون بالكتب على نظافة بلدون
اشوف ماعم بيطبقوا ويعيطوا عليهون ان كان اولادون او الاولاد الي عم يشرفوا عليهون

بعدين السوريين نظاف بي بيوتون وسخين برا
ليش لحتى مانخلي شارع بيتنا نظيف او على الاقل نخلى البناية نظيفة ( البنايات الي مافيها اصنصير بتبقى اوسخ )

هو كمان في حق عالدولة انو مو حاطة حاويات زباله قدام كل بناية يعني يستوردو من برا الحاويات الي الها غطا ويحطو قدام كل بناية حاوية وياخدو زاوية من الرصيف يحفرو ويعملو زاوية للحاوية كرمال ما تعيق السيارات

انا سمعت في بدولة اوروبية يمكن اسبانيا او ايطاليا الله اعلم انو نزلو حاويات زباله تجربة على المدينة كل ما واحد كب زبالة بقلبا بتقلو شكرا لتعاونكم

هي لو نزلوها عنا كان اولاد الحارات كلللللللللها انبسطت عليها وكان كل شوي نزلو كيس وسخ
او راحو نظفو حارتون من كياس الوسخ بس كرمال يسمعو كلمة شكرا لتعاونكم

يعني شغلة بسيطة كتييير
انا بعمري ما كبيت بالارض شي الا اذا كنت مضطرة كتييير يعني دبق او شي ومافي حاوية جنبي بكبو فوق كياس الزباله مو بايا مكان

على كلن الي عودة تانيه

وشكرررررا لموضوعك وحبك لبلدك

على راااااااااااسي ابن بلدي:lol::lol::lol: :D

Willi

17/08/2007, 21:05

انو الله يسامحك لك وسيم.
ذكرتني, مرة كنت ماشي بالشارع. على يمكن اجزاء ثانية. كان نزل كيس زبالة (كلو قشور جبس) فوق راسي.
بس حظي حلو نزل ورايي :lol:

وقتها شو عصبت وانحمقت من هالشعب البهيم.
كبو الكيس من بلكون البيت.
وعاد ملحفين البلكون كلو. (حاطين متل اغطية حواليه)
يعني زتو كيس الزبالة من فوقو وحتى بدون ما يتطلعو عالشارع.
بحياتنا ما رح نصير عالم

والاحلا لسى. الطريق بهديك الحارة.
كان كلو كياس زبالة.
وفي حاوية باخر الشارع.
الحاوية فاضية. وكياس الزبالة عالارض حواليها

handsome

17/08/2007, 21:18

انو الله يسامحك لك وسيم.
ذكرتني, مرة كنت ماشي بالشارع. على يمكن اجزاء ثانية. كان نزل كيس زبالة (كلو قشور جبس) فوق راسي.
بس حظي حلو نزل ورايي :lol:

وقتها شو عصبت وانحمقت من هالشعب البهيم.
كبو الكيس من بلكون البيت.
وعاد ملحفين البلكون كلو. (حاطين متل اغطية حواليه)
يعني زتو كيس الزبالة من فوقو وحتى بدون ما يتطلعو عالشارع.
بحياتنا ما رح نصير عالم

والاحلا لسى. الطريق بهديك الحارة.
كان كلو كياس زبالة.
وفي حاوية باخر الشارع.
الحاوية فاضية. وكياس الزبالة عالارض حواليها
خيو غير هيك ما بيمشي الحال عنا ..
بعدين الواحد بيمشي بالطريق وهوي راصو متتطمن بيقوم يمل
نحنا منحب الحياة المشوقة . والشعب عنا بيحب حياة ماريو كتير . وهلق عما يطبقوا عالواقع.

قال حاوي قال .. لشو خترعو وجعة هالراص ما بعرف ... لشو مساوينلنا الشوراع لكن؟
لك اخ اخ
شعبنا اسا بدو فت خبز وكروسان وسمون وبطاطا وبندورا وبيض وحجر و... يا زلمي خليا لربك
خلص خيو هلق بيقولو عنا نحنا المغتربين ما منحب سوريا:pos: وما بيعجبنا العجب:frown:

sacher

17/08/2007, 21:52

اخي العزيز حب سوريا ليس فقط بقلب كل سوري بل بقلب كل شريف وبقلب كل من عندة كرامة لان من فقد حبة لسوريا فقد فقد شرفة

Government

17/08/2007, 22:39

لك ياعيني في حدا مابحب بلدو ؟
ان شاء الله تكون بلدو الكونغو اكيد رح يحبا وكل واحد مهما حكا بس اكيد بضل بلدو اولا وقت بجد الجد

بس هلأ ممكن انو واحد ينتقد الوضع والعيشة والحياة
بس انو وقت الجد مافي غير بلدو

وخاصة المغتربين

blue-ocean

17/08/2007, 23:16

لك كل الشكر الكم ع ردودكم اللي عنجد خليتني افرح وانبسط لانو في تجاوب......

انا بعرف انو سوريا ب قلب كل مواطن حتى لو ما اظهر هالشي من خلال اقواله او تصرفاتو

وبعرف انو هوه اديه ما حكا بيضل بيحب بلدو

بس الحكي السلبي كتير بخليط تنفر من جلدك......... وبيخليك تحك براسك انو انا خلص بس كيرت بدي اطلع لبرا

وبس........... من دون اي تفكير...................

انا كل حكيي انو لو كل واحد بيحب سوريا عمل شي ولو بسيط,,,,,,

يعمل اي شي نحاول نشارك بالجمعيات

صحي هيه قليلة بس اذا شاركنا فيها منيح بيمشي الحال

لما نطلع برة الموضوع خلينا نشوف لبنان والاردن الجمعيات الاهلية فيها شغالة اكتر من عنا بكتييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي رررررررررررررررررررر

ف شو رأيكم؟؟؟؟؟؟؟؟

blue-ocean

17/08/2007, 23:20

بعـــــــــــديـــــــــــــــن في شغلة تانية

هيه لل سوريين

انو بيطلعوا لبراة سوريا كان ايام زمان (لبنان) وهلق تركيا بيصرفوا مصاريين

و,,,,,,,,,,,,,,

و لسا ما فتلوا سوريا متل الخلق والعالم...

وما بيعرفوا الا القليل عن سوريا

انا مرة تقاتلت مع اختي لانو هيه بدا تروح ع لبنان قبل المشاكل

وانا بدي اتعرف ع سوريا

ف لما سالتا ليش قالتلي اسمي "قضيت الصيفية بلبنان"

بس بالاخير ما رحنا ع محل ههههههههه

بنوتة حلب

18/08/2007, 00:15

خيو غير هيك ما بيمشي الحال عنا ..
بعدين الواحد بيمشي بالطريق وهوي راصو متتطمن بيقوم يمل
نحنا منحب الحياة المشوقة . والشعب عنا بيحب حياة ماريو كتير . وهلق عما يطبقوا عالواقع.

قال حاوي قال .. لشو خترعو وجعة هالراص ما بعرف ... لشو مساوينلنا الشوراع لكن؟
لك اخ اخ
شعبنا اسا بدو فت خبز وكروسان وسمون وبطاطا وبندورا وبيض وحجر و... يا زلمي خليا لربك
خلص خيو هلق بيقولو عنا نحنا المغتربين ما منحب سوريا:pos: وما بيعجبنا العجب:frown:

ههههههههههههههههه الله عليك على هالرد حلوه هالجملة الي كتبتا ههههههههههه الحياة المشوقة

بنوتة حلب

18/08/2007, 00:18

اخي العزيز حب سوريا ليس فقط بقلب كل سوري بل بقلب كل شريف وبقلب كل من عندة كرامة لان من فقد حبة لسوريا فقد فقد شرفة

هاد الحكي الحلوووو فقد شرفة

Willi

18/08/2007, 00:19

و لسا ما فتلوا سوريا متل الخلق والعالم...

وما بيعرفوا الا القليل عن سوريا

لانو ما كان في ترويج للاماكن السياحية بسوريا. ولا حتى اهتمام
هلق عم يصير ترويج اكتر. بس قبل ما كان في شي.

ما بعرف

18/08/2007, 00:51

بزماننا حكينا بالتحديد عن موضوع النظافة العامة بالتحديد
وهي الرابط

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اذا بتحبوا منرجع منكفي فيه

جوجو الامورة

18/08/2007, 01:01

اكيد منحب سوريا وخاصة حلب
وتحية لكللللللللللللللللللل السوريين بالخص الحلبية

nano881988

18/08/2007, 01:13

:clap::clap::clap::clap::clap::clap::clap::clap:
سوريا,,,,سوريا ,,,,,سوريا,,,,,,,سوريا,,,سوريا
:clap::clap::clap::clap::clap::clap::clap::clap:
لك في احلى من سوريا ,,,, وشعب سوريا ,,,, وصبايا سوريا خخخخخخخخخخخخخخخخ:p

وتحياتي لكل السوريين ولكل الاعضاء من كل الدول

سيد الشاطئ

18/08/2007, 01:24

اول شي مساء الخير للجميع بدي قول شي قلتو سابقا وبتمنى كل الناس وكل البلدان تعرفو انا ما بدي فوت بالموضوع بدقة بس بدي قول جملة بدي الكل يفهمها
(( لا تأسفن على غدر الزمان وظلمه اذا رقصت على جسس الاسود كلابا ما قصدعا تعلو على اسيادها
تبقى الاسود اسود والكلاب كلابا ))
وسوريا الله حاميها وبشار راعيها وحماك الله يا اسد
وانا بدي قول انو لو نحنا حابين نرد على اي شخص تافه من لبنان طبعا (حاشا الاوادم ) نحنا مو بس قادرين لا قادرين ندمرو بس نحنا منضل وبيضل اسدنا كبير لانو اي شخص اذا بدنا نرد عليه منكون عطينا قيمة وهوة ولا شي وبس وشكرا كتير

selma31oran

18/08/2007, 01:32

السلام عليكم
انا بنت جزائرية لكن اموت واعشق بسوريا لا اعرف لماذا
و عائلتي كلها تعشق سوريا
على فكرة
لما اكون مع صديقاتي اتصرف على اساس اني بنت سورية
ادافع عليها كتييييييييييييييييييييييي ر
الله يخلينا سوريا
شكرا

سيد الشاطئ

18/08/2007, 01:38

الله يحميكي ويحمي كل شخص يحب سوريا والله يوفقيك ويخليكي لا اهليك انتي جد رائعة الله يحميكي

أبو الريم الغالي

18/08/2007, 01:46

الله يبارك فيك يا غالي وبكل اللي بيعشقو وطنهم بهالقوة وللأسف في كتير من السوريين ما عندهم الحس الوطني و لكن السيد الرئيس بشار الأسد الله يحفظه ويرعاه علمنا على حب الوطن وأهم شيء علمنا إياه القائد كيف منحب بعض نحنا السوريين و علمنا كمان نحب أخواننا العرب متل ما منحب بعضنا:deal::deal::deal::deal::deal::deal::dea l::deal::deal::deal::deal::deal::deal::deal: وأنا هي أول مشاركة لألي رحبو فيني:clap::clap::clap:

سيد الشاطئ

18/08/2007, 01:50

اهلا ابو الريم الحبيب

طنش تعش

18/08/2007, 03:12

الله يحميكي ويحمي كل شخص يحب سوريا والله يوفقيك ويخليكي لا اهليك انتي جد رائعة الله يحميكي
عراسي ابن العم الوطني.....لك الله محيي اصلك ...روح وهي طقشة وكم وردة :mimo:

blue-ocean

18/08/2007, 03:14

مشكووورين ع رودكم جميعا

وبالاخص الاخت الجزائرية

انا فعلا كتير انبسطت............ز

nanoosh rose

18/08/2007, 04:24

انا حبيت موضوعك فعلا انا بحس انو سوريا بدمي وحتى الشام وحتى المكان يلي ساكنة فيه بس فعلا يأما هدون البشر ما فيهم دم ياما بخجلوا من حالهم وتصرفاتهم ومشكور وتحية لكل سوري

sweeetali

18/08/2007, 04:37

نحنا ما نصير متحضرين وبشر حتى نخلص من اللا مبالة بمل شي شعبنا مو غبي ولا بهيم او ما بيفكر بس شعبنا لا مبالي بكل شي ما عندو شي مهم الا انو يشتغل وياكل لو شعب هالبلد بس بدير بالو على هالبلد لتصي جنة وما فينا نحط كل الحق عالدولة لانو كمان مو طالع بايدا شي الشعب هو الاساس هو الي بيغير وما بيتغير

blue-ocean

18/08/2007, 16:33

مشكووووورين ع ردودكم

وبالمناسبة ما بعرف اذا حدا منك يبتصفح موقع العربية . نت

بس من خلال التعليقات ع كل موضوع (وخصوصا الموضوعات اللي بتتعلق ب سوريا)

عم لاحظ ردود كلها كذب وافتراء عن شعب سوريا

شي واحد بيكتب قصة انو انسرق واتبهدل ب سوريا ...... يعني كلوا كذب

ف انا بتمنى لو بتساعدوني بالرد عليهم و النفي وطبعا ب غير الصيغة الهجومية اللي هنن عم يحكوا فيها

وبكون كتير مشكوووووووور

طنش تعش

19/08/2007, 03:52

مشكووووورين ع ردودكم

وبالمناسبة ما بعرف اذا حدا منك يبتصفح موقع العربية . نت

بس من خلال التعليقات ع كل موضوع (وخصوصا الموضوعات اللي بتتعلق ب سوريا)

عم لاحظ ردود كلها كذب وافتراء عن شعب سوريا

شي واحد بيكتب قصة انو انسرق واتبهدل ب سوريا ...... يعني كلوا كذب

ف انا بتمنى لو بتساعدوني بالرد عليهم و النفي وطبعا ب غير الصيغة الهجومية اللي هنن عم يحكوا فيها

وبكون كتير مشكوووووووور
بس تعليق زغير عاكلامك ...اعتبرو نقد ايجابي....
موضوعك حلو....وانا زلمة سوري..ومابعتقد في واحد بيكره بلدو...انا بعشق بلدي
بس تقول انو شي واحد نسرق او ابتهدل بسوريا...هي حالات بتصير بكل مطرح ويين ماكان....
كل يوم عم يتبهدل وعم ينسرق بلاوي ناس...
مع احترامي وحبي....:D

The Dark Dragon

19/08/2007, 04:47

[SIZE=4]والله يا معلم اللي بيحب سوريا مو هو اللي ما بكب فيهل زبالة ولا هو اللي ما بيسافر ولا هو اللي بيضل يعبدها ليل نهار

يعني اسمحلي فيها...التعبير عن حب المواطن لبلدو بيصير بكتير امور

يعني اكيد منها الحفاظ على النظافة...وغيرها(والله شكلو ما عندي غيرها:larg:)

بس اسمحلي انو كلامك في بعض الخطأ:oops:

يعني هلأ اللي ما بيسافر بيكون بيحب بلدو..اكيد هالشي مو صحيح وخاصة بسوريا

يعني اخر مرة قريت انو عدد المغتربين(وعلى فكرة انت جايب سيرة المغتربين بالعاطل..بحب قلك انو المغتربين من ارقى العالم اللي بالبلد لانون معاشرين حضارات وامم متقدمة...بس اكيد مو كل المغتربين:D)

اي منرجع انو عدد المغتربين وصل ل15 مليون سوري:shock: :shock: :shock: :shock: :shock: :shock:

والله الواحد اذا بيضل مسطل للصبح قليل...يعني هالمغتربين اللي بدك اياهن يحبو بلدن ويقعدوا فيها فيك تقلي من وين بدو يعيش الشعب:shock: :shock:

يعني20مليون جوا سوريا و15 مليون برا=35مليون

اي ال20 مليون عايشين ونصون منتوفين اذا مو تلات ارباعن...بقى لسى بتقلي اللي بيحب بلدو ما بيسافر:larg:

ومشان شغلة النظافة...فهي مسؤولية الدولة والمواطن...ولكن المسؤولية الكبرى تقع على عاتق الحكومة اللي مفروض تهتم بالبلد...اي والله نص البلد خرابات

ولعلمك تلتين سوريا عايشة بالمخالفات....يعني شو بدون يحبو ببلدن اذا ما عم يقدروا يعيشوا فيها بكرامة..ومع هالشي بيحبوها:larg:

بس انا بشوف انو الشعب السوري شعب جبار وصبور لابعد الحدود...وعم يحاول انو يصير بني ادم...بس لسى قدامو الطريق طويل.........................................:larg :

والي رجعة

رح احكي فيها عن تنمية مفوم المواطنة:larg:

وهي الك عالموضوع الحلو:D :D

MAJD...The Dark Dragon:larg:/SIZE]

blue-ocean

20/08/2007, 01:37

بس تعليق زغير عاكلامك ...اعتبرو نقد ايجابي....
موضوعك حلو....وانا زلمة سوري..ومابعتقد في واحد بيكره بلدو...انا بعشق بلدي
بس تقول انو شي واحد نسرق او ابتهدل بسوريا...هي حالات بتصير بكل مطرح ويين ماكان....
كل يوم عم يتبهدل وعم ينسرق بلاوي ناس...
مع احترامي وحبي....

شكرا الك

انا قصدي انو عم يصير تشويه لصورة الشعب السوري من خلال التعليقات ومن خلال الدعايات ع سوريا

وطبعا انا عم اقرا كل قصة بالعربية . نت عن سوريا فظيعة بتخليك تحس الشعب السوري كلواااااااا بدو ينهش الخليجية و يبهدلن و..........

ةطبعا كلها كذب... لانو ممكن تصير قصص هيك بس اولا مو بهالكثافة اللي عم يصورولنا ياها ومو بكل ه المبالغة

blue-ocean

20/08/2007, 01:41

حبيبي The Dark Dragon

اولا انا ما حكيت ع المغتربين شي

بالعكس السوريين المغتربيين وخصوصا بالغرب نجحوا وعملوا العمايل

بس الشي اللي بيزعل انو في نسبة كتير كبيرة ما تذكرت بلدها

ما ضروري ترجع ع البلد

بس تتذكرها بابسط شي ممكن.....تعمل اي شي بسيط تقمو لسورية.........

بعدين سوريا بتستحمل ه العدد وخصوصا انن من المثقفين والخبراء.....

blue-ocean

20/08/2007, 01:42

وعم استنى رجعتك...

ما تطول علينا.,..

The Dark Dragon

20/08/2007, 03:20

حبيبي The Dark Dragon

اولا انا ما حكيت ع المغتربين شي

بالعكس السوريين المغتربيين وخصوصا بالغرب نجحوا وعملوا العمايل

بس الشي اللي بيزعل انو في نسبة كتير كبيرة ما تذكرت بلدها

ما ضروري ترجع ع البلد

بس تتذكرها بابسط شي ممكن.....تعمل اي شي بسيط تقمو لسورية.........

بعدين سوريا بتستحمل ه العدد وخصوصا انن من المثقفين والخبراء.....

يا حبيب اذا رح يرجعوا المثقفين على سوريا...المعترين من وين رح يعيشو:?

يعني كل مين الله عطاه رزقة ..جوا سوريا براتها ما بتفرق:larg:

بس بعتقد انو المغتربين بيفيدو سوريا اكتر من الشعب اللي جوا

يعني المغترب عم يوصل ثقافة بلدو للدول الاخرى....وعم يساعد بادخال عملة صعبة للبلد....وعم يساعد بمشاريع الاعمار والتنمية بسوريا..وكتير غيرها

وانا مغترب لمدة 15 سنة...وبحمد الله على هالشي:larg:

MAJD®....The Dark Dragon:larg:

أحلى صيدلانيه

20/08/2007, 03:29

انا بحب سوريا كتييييييييييييييييييييير

وكان حلم حياتي اروح لسوريا والحمدالله تحقق حلمي ولساتني جايه من سوريا والله انبسطت كتير وطول الطريق وانا ابكي مابدي ارجع وكل اللي بالطياره مستغربين ويدحكو علي لكن عن جد بحبه وبحب اهله وناسها وان شاء الله بزورها بالشتا ادعولي ياحلوين

The Dark Dragon

20/08/2007, 03:41

والله يا معلم نحنا بسوريا ما في عنا شي اسمو تنمية حس المواطنة بطريقة حضارية

يعني حتقلي الثقافة والقومية ومدري شو....انا هدول ما بعتبرن بينمو روح وحس المواطنة عند المواطن السوري

وقد ما كان...هدول ما بيوفوا بالغرض

يعني المفروض...يعني شو بدي الك...والله الشغلة مستعصية يا معلم

خلص خليها لربك...احسن شي :pos:

ماني رايق اليوم...عذرا:sick:

MAJD®....The Dark Dragon:larg:

Nathalie

20/08/2007, 11:52

الصراحة انا كتير بنقهر وقت بتسمع اللبناني بيقول لبنان ولبنان ولبنان ولبنان ولبنان ولبنان

ونفس الشي الاردن ومصر

بس الشي الغريب انو نحن عنا قليلين كتير اللي متبنين بلدهم

قليلين اللي بتحسهم بحبوا بلدهم ب قلب ورب

قليلين اللي بتحمسوا ليعرفوا تاريخ بلادهم

وليقدسوا اثار اجدادهم

لك ع الاقلية ما يكبوا بالشارع وع الاقلية ما يتضحكوا وقت تقلن انو ليه عم تكبوا بالشارع

لا والابشع من هيك انن (وخاصة المغتربين ) بيضلوا ساعة عم يعلكواااااااااا ع نضافة برا

واخر شي بيجوا بكبوا بالشارع عنا وشو الحجة انو ما في سلات

وانو هنيك كل 5 متار في سلة

مرة رحنا ع تدمر و طبعا اخدنا معنا دليل سياحي

طبعا كنا نحن مهتمين كتير

ف كان عم يحكي وهوه مبسوط كتير انو نحن عم نسمع ومحروق قلبوا

قلنا ه البلد بدوا مين يحبها

قلنا انو نحن معظم العالم اللي بيجوا بتلاقيهم مو مهتمين

والرحلات اللي بتنظمها المدارس بينزلوا ه الولاد بياكلو اكلاتن وبيزتزها وبيرجعوا

فعلا شي بيحرق القلب..........

وما عدا هيك

وهادا ما عدا كل الشباب اللي همها الوحيد انو تطلع برا سوريا

انا بعرف انو حب سوريا موجود بقلب كل سوري

بس ما بصير هيك

لازم نحب سوريا اكتر

لاوم نعتز انو نحن سوريين لازم نرفع اسم سوريا لفوق

مع إني مو سورية، بس بحب سوريا جداً. لا أطيق النظام الحاكم ولا الممارسات القمعية الي بتصير أحيانا بس الشعب على راسي من فوق، قلبهم طيب ومحترمين.

الأردن ومصر ولبنان مو مقياس مقارنة أصلاً...مصر طول عمرها شايفة حالها وبتنظر لنفسها إنها البلد الرائد في كل مجال بالوطن العربي، ولذلك بتلاقي المصري بيفتخر جدا فيها. لبنان نخرته الطائفية وكل طائفة بتزاود على وطنية الأخرى، ولذلك كل هالتعبير عن الحب هو بس منشان السلطة. الأردن حالة خاصة جداً، بتلاقيهم كل يوم بطلعوا شعار متل "الأردن أولا" أو "كلنا للأردن" لحتى يأججوا مشاعر الوطنية لدى شعب بيحاول يلاقي هوية ومش عارف، ولذلك في تعصب كبير للوطن والملك ودائما بيرددوا شعارات حب. يعني باختصار كل بلد عنده أزمة بتختلف عن الي بيصير في سوريا. بسوريا الناس مو بحاجة تثبت إنها بتحب وطنها. بحبوا الوطن بس يمكن مقتنعين إنه الوطن ما بحبهم (بسبب الظروف المعيشية والغلاء والوضع السياسي إلخ...)

بخصوص الهجرة فمو معناته السوري لما بيترك سوريا ما بحبها، بس الأوضاع في سوريا صعبة ويمكن ما بتأمن الحياة الكريمة الي الواحد بيدور عليها، وأحيانا بيشعر الإنسان إنه "مقبور" في وطنه، فلشو يصل بسوريا ما دامه بيقدر يهاجر ويعيش حياة أفضل ويساعد بلده من برة (أكتر من لو ضل فيها). :D

blue-ocean

21/08/2007, 02:53

Nathalie ناتالي شكرا كتييييييير على ردك....

blue-ocean

21/08/2007, 02:53

الصيدلانية الواعدة الله يخليكي كمان انا انسعدت وقت قريت ردك