تدخين الفتيات ........ موضوع للنقاش [الأرشيـــــف]

عرض كامل الموضوع : تدخين الفتيات ........ موضوع للنقاش

صفحات : [1] 2 3

hamido1979

13/08/2007, 07:19

مرحبا اخواتي و بعد غياب طويل عن طرح المواضيع لفت نظري موضوع بجريدة الثورة و حبيت نتناقش فيه
و متل مو كاتبين بالجريدة :
"فتاة تمسك سيجارة وأخرى تمسك النرجيلة بيديها الناعمتين تبث السموم من فمها مشهد أصبح مألوفاً لدينا.
ففي عصر العولمة والانفتاح الفضائي لم يعد التدخين حكراً على الرجال وإنما امتدت سمومه لتنتشر بين أوساط النساء والفتيات سراً وجهراً على حد سواء.
فهل يمكن أن نعتبر ذلك تمرداً على العادات والتقاليد في مجتمع تقيم سلوكيات أفراده من خلال تلك العادات أم أنها ظاهرة لإثبات الذات أم منافسة لأفعال الشباب.‏
ونظرة المجتمع إلى الفتاة المدخنة تختلف من شخص لآخر فقد يرى فيها البعض امرأة متحررة وعصرية بينما يرى آخرون أن الفتاة المدخنة تحرق شهادة سلوكها من خلال دخان سيجارتها.‏
ويبقى السؤال قائماً ما السبب في انتشار هذه الظاهرة الدخيلة على مجتمعنا هل هي الحرية والثقة القوية من أولياء الأمور أم أنها تهاون في التربية أم ارتباط الفتاة بصديقات السوء أم أن الفتاة تلجأ إلى السيجارة هرباً من ضغوط نفسية تمر بها "

"إن للتدخين أضراراً كثيرة فهو يفقد المرأة جمالها وأنوثتها كما أنه يؤثر على الأسرة أكثر من الرجل المدخن لأن المرأة تقضي معظم وقتها في المنزل ولذلك فإن ممارستها لهذا السلوك السلبي توجد جواً ملوثاً في المنزل كما أنه يؤثر على صحة المرأة الحامل وصحة جنينها.‏"

فشو رايكن انتو بهادا الموضوع مع العلم انا مدخن بس ما بحب السيجارة :larg: بئيد البنت و لا بحب البنت اللي بتدخن مع احترامي للكل :D
يا ريت الكل يشارك و يناقش اللي مكتوب بالاحمر

مع تحياتي لكل اعضاء الاخوية :ss:

Zero_Cool

13/08/2007, 10:34

ana men jihati ded el tadkhin kello ..ya3ni lal shabab w lal banat .. bes mani ded ino el benet tdakhen iza el shabab 3am edakhnoo ..shoofoo hon bi Russia nesbet el banat yalli bidakhno kbeeeeeeeeeeeeeere !!!!!!!

مجنووووووونة ايوان

13/08/2007, 10:45

كل شي مكتوب مظبوط :lol:
واصلا انا ما بحب الشب يللي بيدخن فكيف البنت :p

abu-wdea3

13/08/2007, 11:02

بتدخن .... ما بتدخن ما بتفرق معي ....

mey

13/08/2007, 11:30

شكرا كتير عهالموضوع كتير ملفت للنظر
ان من وجهة نظرى انو اول سبب يلي يؤدى الي التدخين هو التربية يا اما بيكون التحرر الزايد او الاهمال فى التربية
و بعدها ادا كان البنت عندها هيك بتكون مهيئة نفسيا للتدخين فادا انعرض عليها ما تقول
و اللسبب التانى بظن انو محاولة للمنفسة مع الشباب بحكم انو عندنا بالمجتمع الشب عندو حرية اكتر من البنت
بس انو البنت بدخن مشان ظغوط نفسية ما كتير بامن فهالسبب لانو البنات بيدخو اكتر شي لما بيكونو مع بعض و عم يتسلو
هلق التدخين مضر للبنت و لشب مشان هيك لازم يكون عندنا وعي و نساعد فالتقليل من المدخنين

BL@CK

13/08/2007, 11:51

"إن للتدخين أضراراً كثيرة فهو يفقد المرأة جمالها وأنوثتها كما أنه يؤثر على الأسرة أكثر من الرجل المدخن لأن المرأة تقضي معظم وقتها في المنزل ولذلك فإن ممارستها لهذا السلوك السلبي توجد جواً ملوثاً في المنزل كما أنه يؤثر على صحة المرأة الحامل وصحة جنينها.‏"

إإإإإيــه يمكن إذا غيرت رأيي و خطرلي أرتبط بيوم نحس من الأيام ..

لازم تكون بتدخن ..

يا زلمي السيكارة بين شفاف البنت بتعطي البنت أنوثة غير طبيعية ..

وشو بدك أحلا من أنو يكون ابنك عم ياخد نيكوتين وهوي في بطن أموه ..

بنزل الولد مدخّن بالفطرة ..

رائع رائع ..

مؤيد و بشدة ... :lol:

البدوي الأحمر

13/08/2007, 11:59

إإإإإيــه يمكن إذا غيرت رأيي و خطرلي أرتبط بيوم نحس من الأيام ..

لازم تكون بتدخن ..

يا زلمي السيكارة بين شفاف البنت بتعطي البنت أنوثة غير طبيعية ..

وشو بدك أحلا من أنو يكون ابنك عم ياخد نيكوتين وهوي في بطن أموه ..

بنزل الولد مدخّن بالفطرة ..

رائع رائع ..

مؤيد و بشدة ... :lol:

اسمحلي اقتبس ردك .......... لأني بعشق السيكارة بإيد البنت .......... متل ما من حق الشب والرجل يدخن من حق المرأة تدخن وتاخد حريتها ....... هي حياتها أولا وأخيرا ..... أما عن العادات والتقاليد ........ فبظن نحن صرنا بعصر العادات والتقاليد انتهت وصارت بخبر كان ......... بس لازم تكون حريتها بالتدخين بتتوقف عند حرية أطفالها بالحياة ...........

Syrian Gay

13/08/2007, 16:18

انو حلو شكلا البنت او المرأة تدخن

بيبين عليها الارستقراطية وأكابر

مع اني بكره السجارات بس بحب الاركيلة :shisha:

maro18

13/08/2007, 16:52

التدخين ضار للاتنين
بس كل واحد حر يعنى البنت من حقها تدخن وماحدا يقول لها حاجة

فى ستات كتير شكلهم بيبقى حلو وهم بيدخنوا وفى ما بيليق عليهم
اكتر شىء بيضايقنى نظر الناس وكانوا شافوا شى غريب لو لاحظوا ان فى واحدة مدخنة

Placebo

13/08/2007, 17:23

الموضوع القادم ..

تحشيش الفتيات .. ماروانا وLSD .. هل أنت مؤيد ام معارض لهذه الظاهرة!

يمان Rooooonaldo

13/08/2007, 18:01

انو انا رايي...انو لا ما بحب

لانو انا ما بحب التدخين اصلا ولا شكل هالسيكارة بخلقتي لح خلي

صاحبتنا تحشش يعني

نو اي فشرت:p

بس عنجد ما بطيقا الببنت اللي بتحشش بحسا يخخخخ:pos::sick:

thelife.pro

13/08/2007, 21:59

"فتاة تمسك سيجارة وأخرى تمسك النرجيلة بيديها الناعمتين تبث السموم من فمها مشهد أصبح مألوفاً لدينا.
ففي عصر العولمة والانفتاح الفضائي لم يعد التدخين حكراً على الرجال وإنما امتدت سمومه لتنتشر بين أوساط النساء والفتيات سراً وجهراً على حد سواء.
فهل يمكن أن نعتبر ذلك تمرداً على العادات والتقاليد في مجتمع تقيم سلوكيات أفراده من خلال تلك العادات أم أنها ظاهرة لإثبات الذات أم منافسة لأفعال الشباب.‏
من وجهة نظري هاد هو التقليد الهاشم
يعني منحاول ناخد بعض من عادات الغرب وللاسف منختار العادات السيئة
منها طريقة اللباس التي أخذت اكثر من حدها في بلادنا
ثانيا التدخين من مبدأ ان الفتاة حرة باختيار قراراتها ولا يجب ان يؤثر عليها احد
وانها يجب ان تتاخر خارج المنزل كما يتاخر الشاب
ويجب ان يحق لها كل ما يفعله الشاب متجاهلة الفرق الكبير بينهما
اي انها فتاة وهو شاب

تاخذ الامور بهذه الطريقة
ولا تاخذ على منحى انها يجب ان تتعلم كما يتعلم الشاب وتساعد في تطويسر العلم كما يفعل الشاب
الاكثر لا يبحثن عن وضعهن الحقيقي للتساوي بينهم

اي من رأي
انه يجب على الفتاة ان تعمل وان تنجز

لكن ليس عليها ان تدخن وخاصة التدخين مع العلم من انني من بين المدخنين
لكن لا اتحمل ان ارى فتاة تدخن

ونظرة المجتمع إلى الفتاة المدخنة تختلف من شخص لآخر فقد يرى فيها البعض امرأة متحررة وعصرية نعم انها متحررة لكن حريتها خرجت عن الحدود المسموح بها
فتنتهي حدود الشخص عند بداية حدود الآخر بينما يرى آخرون أن الفتاة المدخنة تحرق شهادة سلوكها من خلال دخان سيجارتها.‏ ونعم الرأي
فانها لا تحرق شهادة سلوكها فقط بل تحرق انوثتها
ويبقى السؤال قائماً ما السبب في انتشار هذه الظاهرة ذكرت لك انه التقليد الهاشم
وعدم الوعي الدخيلة على مجتمعنا هل هي الحرية والثقة القوية من أولياء الأمور انه اللا مبالاة من الاهل أم أنها تهاون في التربية صدقني الانسان عندما يصبح في سن الرشد اللوم لا يلقى فقط على الاهل
فيكون لسلوكه سببان
الاول هو تربية الاهل
والثاني هو عقلية هذا الشخص
لا يمكننا رمي اللوم على الاهل دائما
فكم اعرف اهالي لا يوجد بحسنهم وادبهم
ولديهم ابناء والعياذ بالله
أم ارتباط الفتاة بصديقات السوء
انه من الاسباب ولكن لا اعتبره رئيسي
فاين العقل للتهرب من الاخطاء
مهما كانوا الرفاق سيئين فيجب ان نتذكر ان لدينا عقل نحكم فيه الامور التي تعرض علينا أم أن الفتاة تلجأ إلى السيجارة هرباً من ضغوط نفسية تمر بها
ضغوط نفسية والتدخين هو الذي يريخها ههههههههههههه
هذه اجمل نكتة سمعتها سنة 2007 يوجد موضوع سيضاف باسم يارب اموت وارتاح
اقرأه واعرف الضغوط النفسية

"إن للتدخين أضراراً كثيرة فهو يفقد المرأة جمالها وأنوثتها كما أنه يؤثر على الأسرة تخيل عندما يرى الطفل امه تدخن فما الذي يردعه
أكثر من الرجل المدخن لأن المرأة تقضي معظم وقتها في المنزل ولذلك فإن ممارستها لهذا السلوك السلبي توجد جواً ملوثاً في المنزل كما أنه يؤثر على صحة المرأة الحامل وصحة جنينها.‏"

فشو رايكن انتو بهادا الموضوع مع العلم انا مدخن بس ما بحب السيجارة :larg: بئيد البنت و لا بحب البنت اللي بتدخن مع احترامي للكل :D
يا ريت الكل يشارك و يناقش اللي مكتوب بالاحمر

مع تحياتي لكل اعضاء الاخوية :ss:

شكرا لك على هذا الطرح الجميل
ربما هذه اول مشاركاتي

اتمنى ان اكون قد ابديت صورة حسنة

nano881988

13/08/2007, 23:00

انا برايي الشخص او الشخصة يلي:larg: شخصيتو ناقصة وعبيكملها بالسيجارة

وانا بستغرب من هدول يلي بيكونو عبيشربو السيجارة بتمون بعدين يطفوها برجلون

ولا حدا يحكيلي انو هي الشغلة الوحيدة يلي بتحرق حالها مشانا ؟؟!!!

بس مع كل هاد التحشيش إلو وقتو بس بيدون سيجارا لانو انا منظر السيجارا ما بطيقو

والله يغني الجميع عنها
ويلي بقيدو الله يزيدو

hamido1979

14/08/2007, 00:12

hamido1979

14/08/2007, 00:14

كل شي مكتوب مظبوط :lol:
واصلا انا ما بحب الشب يللي بيدخن فكيف البنت :p
يسلمك تمك بس انت مبين عندك ادمان من نوع تاني "ادمان ايوان":p

الله يعافيكي منو :lol:

شكرا نورتي الموضوع

betty_palestine

14/08/2007, 00:15

والله مين بيعمل هيك الا المضغوط او اللي معو مصاري بكفي انو بالدين حرام ويسلمو

hamido1979

14/08/2007, 00:15

بتدخن .... ما بتدخن ما بتفرق معي ....
طيب ما بيفرقو معك ولادك اذا انضرو او لأ

شكرا لمرورك

hamido1979

14/08/2007, 00:17

hamido1979

14/08/2007, 00:20

إإإإإيــه يمكن إذا غيرت رأيي و خطرلي أرتبط بيوم نحس من الأيام .. ان شاء الله

لازم تكون بتدخن .. شرط اساسي

يا زلمي السيكارة بين شفاف البنت بتعطي البنت أنوثة غير طبيعية .. حتى لو كانت حمرا طويلة :lol:

وشو بدك أحلا من أنو يكون ابنك عم ياخد نيكوتين وهوي في بطن أموه .. :cry:

بنزل الولد مدخّن بالفطرة .. :x

رائع رائع ..

مؤيد و بشدة ... :lol:
شكرا لمرورك المعارض بشدة :o

hamido1979

14/08/2007, 00:24

لأني بعشق السيكارة بإيد البنت .......... ضروري تكون شاعلة خليها بئيدا و مطفيه :o..........متل ما من حق الشب والرجل يدخن من حق المرأة تدخن وتاخد حريتها ....... بس الحرية مو بالتدخين بس .............. هي حياتها أولا وأخيرا ..... أما عن العادات والتقاليد ........ فبظن نحن صرنا بعصر العادات والتقاليد انتهت وصارت بخبر كان ......... للأسف :cry: ..........بس لازم تكون حريتها بالتدخين بتتوقف عند حرية أطفالها بالحياة ...........يعني في شي ايجابي
شكرا لمرورك :D

hamido1979

14/08/2007, 00:26

انو حلو شكلا البنت او المرأة تدخن

بيبين عليها الارستقراطية وأكابر

مع اني بكره السجارات بس بحب الاركيلة :shisha:
لا و الله غلطان روح ع البرامكة اذا انت بالشام و شوف بياعات الدخان هنن وعم يدخنو و شوف الارستقراطية :o
مع تحياتي

hamido1979

14/08/2007, 00:30

hamido1979

14/08/2007, 00:31

الموضوع القادم ..

تحشيش الفتيات .. ماروانا وLSD .. هل أنت مؤيد ام معارض لهذه الظاهرة!
يلا ناطرين الموضوع

hamido1979

14/08/2007, 00:33

انو انا رايي...انو لا ما بحب

لانو انا ما بحب التدخين اصلا ولا شكل هالسيكارة بخلقتي لح خلي

صاحبتنا تحشش يعني

نو اي فشرت:p

بس عنجد ما بطيقا الببنت اللي بتحشش بحسا يخخخخ:pos::sick:
شكرا لمرورك

hamido1979

14/08/2007, 00:35

شكرا لك على هذا الطرح الجميل
ربما هذه اول مشاركاتي بس مو ربما اكيد :o:o

اتمنى ان اكون قد ابديت صورة حسنة
شكرا لمرورك و الله يعطيك العافية

hamido1979

14/08/2007, 00:41

انا برايي الشخص او الشخصة يلي:larg: شخصيتو ناقصة وعبيكملها بالسيجارة مو شرط !!!!!

وانا بستغرب من هدول يلي بيكونو عبيشربو السيجارة بتمون بعدين يطفوها برجلون شو دخل هي بهي كيف هيك لخبطن ببعضن :o

ولا حدا يحكيلي انو هي الشغلة الوحيدة يلي بتحرق حالها مشانا ؟؟!!! طيب ماشي

بس مع كل هاد التحشيش إلو وقتو بس بيدون سيجارا لانو انا منظر السيجارا ما بطيقو :shock::shock::shock: تحشيش ايه و سيجارة لأ :shock::shock::shock:

والله يغني الجميع عنها
ويلي بقيدو الله يزيدو بقيدو يعني بئيدو بس شلون زبطت معك :o
هلأ انت بتسمح المخدرات و ما بتحب التدخين يا سلام

ع اي حال شكرا لمرورك

hamido1979

14/08/2007, 00:45

والله مين بيعمل هيك الا المضغوط او اللي معو مصاري بكفي انو بالدين حرام ويسلمو
اول شي الله يسلمك
تاني شي اتركيلي موضوع حلال و حرام مشان ما تصير نقاشات دينية
تالت شي انو الضغوط بتعمل هيك ايه ممكن بس شو دخل اللي معو مصاري
مع العلم انو الب المدخنين هنن من الفقراء

شكرا على مرورك نورتي الموضوع

مع تحياتي

cresto

14/08/2007, 01:42

هوي مضرّ ما اختلفنا ..
بس بشوفا عادي انو البنت تدخن او تأركل ...
ليش بتضلو لاحقين البنت ع الدعسة :lol:

FIBER

14/08/2007, 02:02

لك يأبرني رب البنت يلي بدخن:larg: بموت بالسيجارة بأيد البنت لك لما شوف بنت عم دخن مدري شو بصرلي :? بنحل بأرضي:p

لك انا بحب الدخان لك بموت بشي اسمو سيجارة
بقى كيف إذا كان سيجارة + بنت =:yahoo:

myimmortal

14/08/2007, 03:06

[quote=nano881988;702594]انا برايي الشخص او الشخصة يلي:larg: شخصيتو ناقصة وعبيكملها بالسيجارة

لا اظن انك غلطان انه السيجارة نقص شخصية مو اظن متاكدة
معناها عحكيك كل 90% من العالم عندن نقص شخصية :x

myimmortal

14/08/2007, 03:08

هوي مضرّ ما اختلفنا ..
بس بشوفا عادي انو البنت تدخن او تأركل ...
ليش بتضلو لاحقين البنت ع الدعسة :lol:
والله العظيم ما بعرف لسه كل شي بتعمله البنت غريب ومنن معودين عليه بشلوا عرضها
شي بطئئ
ولسه بقولوا ليش البنات بنتحروا:larg:

myimmortal

14/08/2007, 03:14

ما بعرف ليه معئدين الامور
ليه كلشي مسموح للشب وممنوع للبنت حاج حلوا عنا عاد اختنئنا

The Dark Dragon

14/08/2007, 03:35

لك مشكووووووووور ابو حميد على هالمواضيع الحلوة:D

يعني بالنسبة لرأيي.....انو انا اكيد ما بفضل البنت اللي بتدخن...مع اني بوافق البعض انو في بنات لما بيدخنوا بيطلعوا كتير بيجننوا...بس كمان يعني البنت فيها تكون بتجنن:sosweet: :hart: :sosweet: بدون ما تدخن

يعني انو البنت كتييييييييييييير بسوريا اخدة حرية....والتدخين من جملة هالحريات اللي حصلت عليها البنت:ss:

MAJD....The Dark Dragon:larg:

زوربا

14/08/2007, 03:57

انشالله يدخنو أو لأ...............مانن كبار وفهمانبن......يصطفلو......بنات ولي شباب.....كلو متل بعضو........شو البنت رح تنضر أكتر من الشب يعني..............

مجنووووووونة ايوان

14/08/2007, 11:47

لك دخيلو كل واحد قايل انو قال شو منظر البنت بيجنن هي وعم تدخن:x:pos:
انا ما بحب حتى الشب يدخن:frown::shock:
بكرة كلكون ح تندمو ع هالحكي

Syrian Gay

14/08/2007, 12:32

لا و الله غلطان روح ع البرامكة اذا انت بالشام و شوف بياعات الدخان هنن وعم يدخنو و شوف الارستقراطية :o
مع تحياتي

انا ما بقصد هدول

بقصد الطبقة المثقفة من النساء
يبين عليهون الاكابرية

معلومة : انا ما بدخن وبكره الدخان كتير بس يعني وجهة نظر :D

Odell

14/08/2007, 13:14

حلوي البنت يلي بتدخن معلوم

بس شني انا وقفت الدخان من جديد الله لا يبليكم

فمابدي مين يجاكرني وهوي ماسيك السيجارا وعما يتمزمز عليها

لهيك بشيح وش عن كل رجل او امراءة بتدخن :frown:

khaliiiil

14/08/2007, 13:36

بتدخن .... ما بتدخن ما بتفرق معي ....

و انااا كماااان :lol::lol::lol:

انا شغلة وحدة مااا بحباااا بالبنت تشرررب أركيلة بالطرررريق بكااافي عالررصيف..

شكلااا مو حلو ابدااا :shisha::shisha::shisha::mbc2::mbc2::nono:

NesReeN

14/08/2007, 13:36

اولا شكرا لك اخي ع طرح الموضوع المهم للنقاش

صراحة احنا عنا بفلسطين نادر ناااااااااااااادر جدا لما تلاقي عنا بنت بدخن
بس الشباب طبيعي جدا يدخنوا ... بس كمان عنا اولياء الامور ما بأيدوا اولادهم يلي بدخنوا
عنا بتوصل لضربهم لمن يدخنوا بخافوا عليهم كتير كتير >>> فما بالك البنت
يعني عنا نسبة المدخنات 1% وابصر كمان

في ناس بتحكي انو يلي بدخن ازا كان شب بيكون رجال
والبنت ازا دخنت بتكون فتاة متحضرة >> تخلف من نوع جديد
يلي بضر بحالو صار اسمو تحضر

فا انا من وجهة نظري أعاااااااااارض كل فتاة وست عم ادخن

لكم ارق تحياتي

nano881988

14/08/2007, 14:12

لا وانتي السادقة 99% عندهم نقص شخصية يعني معقوووووووووووووول هالورقة يلي عبتنحرق عبتريحو

طيب ما اذا كان حيك في كتير شغلات بتريح:o

وبعدين شو بدو يكون سبب التدخين ؟؟؟؟؟؟؟

ومعليش قبل ما يكون في دخان شو كانت الناس تعمل بحالها

وهي وردة:D

thelife.pro

14/08/2007, 20:36

لك التدخين مو احسن من المخدرات
ههههههههههههه

muthanna 007

14/08/2007, 21:55

شكرا الك عالموضوع وكل شي قلته صحيح وانا من وجهة نظري عن جد شكل البنت وهي بتدخن لوحدة بيكفي يعبر عن شخصيتها وبكون شكلها((((( بيقرف ))))) !!!!!!!!! صراحة......

nanoosh rose

15/08/2007, 00:43

التدخين بساوي الاسنان صفر نياعععععععععععععععععععع

The Dark Dragon

15/08/2007, 06:07

التدخين بساوي الاسنان صفر نياعععععععععععععععععععع

أنا:ورجيني سنانك لشوف
(نور::o)
أنا:شو وين سنانك.:shock:..يعني ما الك سنان وعم تحكي عالاسنان الصفر:x
نور:طيب ورجينا انت سنانك يا فالح:x
أنا::clap:
نور: مممممم....:oops: والله سنانك بيضة كتير

أنا::larg:

وخلصت القصة:ss:

شو رأيكون:larg:

MAJD....The Dark Dragon:larg:

Nathalie

15/08/2007, 10:38

أنا ما بدخن...بحشش بس :shisha:

قيصر سوريا

15/08/2007, 11:00

البنت الي بدخن ما بحبا شو ماكان الدخان وخاصة قدام العالم

Nathalie

15/08/2007, 11:02

البنت الي بدخن ما بحبا شو ماكان الدخان وخاصة قدام العالم
طب لو بتنفخ بس؟ :p
بس ريحة الدخان مو حلوة...البنت الي بتدخن ما بتنباس ;)

lalloush

15/08/2007, 15:07

يسلمو ع الموضوع لانو بوقتو
صرنا عم نشوف البنات وين ما كان عم يدخنو او يشربو اركيلة
ولسا لعزايم عيونكن تشوف:jakoush:

لو بيكون الدخان بالمناسبات بس شي
وانو يكون ادمان شي تاني

علما اني ضد التدخين والاركيلة وبشدة

farbella

15/08/2007, 16:44

يعني تركتو كل شي ولحقتو التدخين للبنات ما هو التدخين مضر للجنسين فلما بدكن تحاربوه حاربوه للطرفين مو خيار وفقوس وتانيا تركتو كل الفساد وقلة الادب ولحقتو الدخان لبش ما حدن عم يحكي عن التعري مثلا او الافعال الاباحية بالطرقات او او او ........
يعني مليون قصة وانتو لاحقين اكتر قصة شخصية بالانسان
ببكل الاحوال مشكورين على التوعية

Roaa

16/08/2007, 08:45

ردي عباره عن جزئين

الاول عن السيجاره .... انا برايي انها مو حلوة للبنت ... يمكن اكتر شي بكرهو اني شوف بنت عم تدخن

او ريحتها ... ريحه دخان سجاير

بس الاركيله .... كتير عادي وبالعكس حلوة .... يمكن هيك رايي لاني مدمنه عالاركيله :pos:

تحياتي