مرحبا يا جماعة

انا كتير بسمع من رفقاي المعتنقين الديانة المسيحية انو بيروحوا ع الاخوية

ف ممكن حدا يوضحلي اكتر اكتر عن الاخوية

وكيف تنظيمن وشو علاقتن بالكنيسة........

سلام........

أخوية موقع اجتماعي شبابي سوري يضم أعضاء من جميع الديانات.ادعوك أنك تتجول فيه و تشوف بنفسك

اهلا و سهلا فيك

لا لا

انا ما قصدي ع منتدى الاخوية

انا قصدي ع الاخوية بالواقع.,,

يا سيدي هي الاخوية متل فرق شبابية تابعة للكنيسة بتكون فيا مشرف ومشرفة بينادولون اخ واخت هني مسؤولين عن الاشخاص بهيالفرقة وهني ناس عاديين باعمار مختلفة غالبا بكونوا باخويات بصغرن لانو لازم يكون عندون المام ديني وكيفة التعامل مع الناس
كل كنيسة الا اخويتا وبالاخوية في فرق كل عمر او صف مع بعض مثلا صف اول اطفال مع بعض وتاني مع بعض وهيك لتخلص جامعيين وكتير حلو الفرق بتلاقي حالك مع ناس من جيلك بتفهم عليك
الاخوية بتعطيك درس دين ساعة ولعب ساعة وفيا رحلات وحفلات بكل المناسبات والاعياد وحياة اجتماعية كتير حلوة واذا ضليت فيا بتترفع كل سنة مع اصحابك من صف لصف في حفلات ترفع للناجحين وكل فرقة بالاخوية الا اسم قديس او قديسة فلازم انت تعرف منيح شو قصة القديس تبع فرقتك وهيك كتير حلوة جد (يرحم ايام اخويتي انا )
التجمع بصير بالكنيسة عادة يلي تابعة الا الاخوية (من حيث الطوائف) وبعدين ممكن يتحضر لطلعات مع اخويات من كافة الكنايس
لما يكبر الاشخاص بالفرق ويترفعو ليصيروا جامعيين بيصيروا هني اخوة بيستلموا فرقة اصغر منون اذا حبوا
كل حكي من تجربة كان اذا في حدا يضيف اهلا وسهلا (انا كنت باخوية بالشام وجب الايضاح )

يعني اهلية محلية

امممممممممممممممممممممم
حلوة هالمعلومة

بضيف عـ كلام Geeny

الأخويات بشكل عام من أرقى الصور للتجمعات الشبابية ..

على عيني ..:D

بضيف عـ كلام Geeny

الأخويات بشكل عام من أرقى الصور للتجمعات الشبابية ..

على عيني ..:D
:cry::cry::cry: اخ ع ايام الاخويات:cry:
وبحب ضيف انو باغلب الاوقات اذا موكلها خوري الكنيسة بيكون مشرف بشكل او باخر ع الاخوية

:cry::cry::cry:
انا ولا مرة فتت باخوية لاني مسلمة:cry: والمسلمين ماعندون هيك شي:p
بس عم عوض مع تنظيمات شبابية تانية ومنها الكشاف:yahoo:

وبحب ضيف ع حكي جيني وبلاك وسويت بيبي..

بصير كتير طلعات حلوة بالاخويات ونشاطات متل المخيمات ..واللقاءات الاخوية

بحيث انو كل طايفة بتلتقي بالاخويات التابعة لالا..

وفي بسنة من السنين صار لقاء الشبيبة المسيحية بحلب اجتمعوا كل شبيبة سوريا بحلب وكان بجنن ..بتزكر كان برعاية موقع اخوية كمان ونسكافيه :lol:

بس الاخوية تجمع شبابي هادف .. وهيي عالاغلب بتكون رسالة من شخص حابب يوصل راسالتو لكل الجيل الطالع..

اي وهيك يعني...

[quote=بنفسجة;701872]:cry::cry::cry:

انا ولا مرة فتت باخوية لاني مسلمة:cry: والمسلمين ماعندون هيك شي:p

بس عم عوض مع تنظيمات شبابية تانية ومنها الكشاف:yahoo:
[/[quote


اول الشي هاي
تاني الشي ما دخل انك تكوني مسلمي فهاد يعني ما ممكن تكون بالاخوية انا ما بعرف كتير عن باقي الاخويات بس نحنا عنا باخويتي بحمص في عنا اسلام ومنرحب فيون دايما وما عنا اي مشكلي اذا كانو بيناتنا بالعكس
اذا حبيتي اهلا وميت سهلا :deal:

هلا ليش الاقباس عم يطلع هيك:o

اول الشي هاي
تاني الشي ما دخل انك تكوني مسلمي فهاد يعني ما ممكن تكون بالاخوية انا ما بعرف كتير عن باقي الاخويات بس نحنا عنا باخويتي بحمص في عنا اسلام ومنرحب فيون دايما وما عنا اي مشكلي اذا كانو بيناتنا بالعكس
اذا حبيتي اهلا وميت سهلا

اي صح ما اختلفنا

انا مسلم
بس انا مثلا اغلب رفقاتي مسيحية
وكنت بمدرسة مسيحية كاثوليكية
وكنت كل سبت و أحد بروح مع الطلاب عل الكنيسة لأن كنت بحب الابونايات (جمع ابونا او الاباء) والمسورات كتير كنت بحبون وهني كانو يحبوني وقلبون كتير طيب وما عندون تفرقة دينية ولهلا ما بعرف صلي صلاتنا تبع الاسلام :cry: وبحس عيب يعني انو ما بعرف

وبعرف رتّل كل التراتيل تقريباً :lol: وشاركت كم مرة بحفلات ومرة عطوني دور قديس اني مثلو ومثلتو بجدارة وكان في 3 قديسين (بس بصراحة ما بعرف ليش اختاروني انا بالذات)
المهم رفقاتي المسيحية نصحوني اني ما ادخل بالاخوية لأن قالولي انو الطلاب لو عرفو انو انت مسلم بدون ينفرو منك ومو كل الطلاب يعرفوك بس لو يعرفوك ما كان عملو هيك بس انو مو كل واحد بدو يفهم كيف بفكر وهيك

فما فتت بالاخوية :cry: وزعلان كتير ولهلا رفقاتي كللون عندون رفقات بالاخوية الا انا

طيب اذا انتو ما عندكون مشكلة فغيرك عندو مشكلة
ويا ريت فتت بالاخوية :sick:

اي صح ما اختلفنا

انا مسلم
بس انا مثلا اغلب رفقاتي مسيحية
وكنت بمدرسة مسيحية كاثوليكية
وكنت كل سبت و أحد بروح مع الطلاب عل الكنيسة لأن كنت بحب الابونايات (جمع ابونا او الاباء) والمسورات كتير كنت بحبون وهني كانو يحبوني وقلبون كتير طيب وما عندون تفرقة دينية ولهلا ما بعرف صلي صلاتنا تبع الاسلام :cry: وبحس عيب يعني انو ما بعرف

وبعرف رتّل كل التراتيل تقريباً :lol: وشاركت كم مرة بحفلات ومرة عطوني دور قديس اني مثلو ومثلتو بجدارة وكان في 3 قديسين (بس بصراحة ما بعرف ليش اختاروني انا بالذات)
المهم رفقاتي المسيحية نصحوني اني ما ادخل بالاخوية لأن قالولي انو الطلاب لو عرفو انو انت مسلم بدون ينفرو منك ومو كل الطلاب يعرفوك بس لو يعرفوك ما كان عملو هيك بس انو مو كل واحد بدو يفهم كيف بفكر وهيك

فما فتت بالاخوية :cry: وزعلان كتير ولهلا رفقاتي كللون عندون رفقات بالاخوية الا انا

طيب اذا انتو ما عندكون مشكلة فغيرك عندو مشكلة
ويا ريت فتت بالاخوية :sick:
حاسس انك كنت بالبيزانسون....:larg:
لك يا عمي شو بدك بالحكي روح فوت على اي اخوية بيستقبلوك وما عندون مشكلة ...

هلا ليش الاقباس عم يطلع هيك:o
لأنك أكلتي شقفة من هالكلمة ( [/quote] ) :p

لقلك شو يعني اخوية ..


هلأ لما مثلا بتصير شي نهار قتيلة وبتوصل للسما وبشتغل الضرب والمسبات والكفر الخ ...
المهم فلما بتجي انت مشان تخلص اللي عبتقاتلو
فانت بتنط مشان تخلصن وبتقلن صلو ع النبي ياشباب حلوا اخوية
اخوية او حبية مابتفرق كلو بنفد ع بعضو
فالمهم لما انت بتقلن خلص صلو ع النبي ياشباب زرعوا بدقناو حلوة اخوية

من هون اجت كلمة اخوية
واخوية بالمعنى التفصيلي يعني خلص بوسوا شوارب بعض وتصالحوا وصيروا حبايب ومن هالحكي (هي اذا بحالة القتيلة )

اما اذا انذكر مصطلح اخوية مشان تفك مشكلة صارت بسبب حادث سيارة
فبهالحالة بكون معنى كلمة اخوية او المغزى منو انو كلو واحد يصلح سيارتو لحالو
يعني بالعربي حلوا اخوية وكل واحد يصلح سيارتو لحالو وماحدا بصلح لحدا


وهكذا ..


وان شاء الله تكون وصلت الفكرة


ب

ياجماعة رجاء..لا تقلبوا الموضوع حوار اديان

كان السؤال شو يعني اخوية ... خلونا ضمن الموضوع ..هوي هيك بفكر حر بتفكيرو وهالقد بيفهم ...

ودمتم..:D

اخوية يعني كل العالم ولاد ابونا ادم وامنا حواء وكلون اخوة بين بعض ومافي داعي الاخ يزعل اخوه ولو انو الموضوع لا يخلو من بعض النقاشات والعلقات الخفيفة بس بالاخير بيتصالحو وبيتزكرو انون اخوة :gem:

تحياتي للاخوة والاخوات في اخوية الاخاء والتآخي الاخوي :clap:

مشكورين جميعاً على ردودكم

وهلق صار عندي فكرة منيحة

شكراااااااااااااا

ما كنت بعرف انو في اخوية غير المنتدى :?عن جد شي حلو معلومة جديدة .ثانكس كتيييييير:D

حزفت كوشة ردود برات الموضوع
وتهجمات شخصية

:D

امنية شخصية لو تكون أخوية أفقها رحب تبحث عن التعايش بين الجميع :D

مشكورين جميعاً ع مروركم..........