بعتذر .. من اللي حطو معايدة لكريم .. بالتشريفات
بس أنا بشوف انو معايدة كريم .. بتكون .. بالمنبر ..
هون .. بهالزواية بدي أجمع .. كلمات أشخاص .. عم نشتاق لحضورن .. بخوف وقهر ..
هون بدي استبدل دموعنا .. بكلمة تنصفن لهالناس .. مشان ما يطوين النسيان ..

رح أبدا برد كريم . على ضلو شعرا ..


هالغنية كتير بتبث فيني اشجان، و بتذكرني باعزاء طواهم ظلام السجن، و ظلم الحكام


الغنية . (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////). :D

ضلّوا شُعرا
ضلّوا اطفالْ
ضلوا حصان بلا خيالْ
ضلوا شعرا ومجانينْ
الجرح اللي عاشقْ سكينْ
ضلّوا شعرا ضلّوا اطفالْ

عبّوا حيطان الحارة
كتابة وتصويرْ
بحبر ودمْ ودمعْ ونارْ
هزّوا بصرختكنْ
بوّابة قصر الميرْ
ضلّوا شعرا ومجانينْ

هزّوا هالدنيي الختيارة
هالأرض العدْرا
المشنوقة بشاربْ رجّالْ
ضلّوا شعرا ضلّوا اطفالْ
ضلّوا شعرا ضلّوا اولاد

مرّوا متل البسمة
متل النسمة
عَ شفرة سيف الجلادْ
ضلّوا شعرا ومجانينْ

ضلّوا الخطرْ
ضلّوا المطرْ
وضلّوا العشبْ
ضلّوا الصفحة الممنوعة
بكتاب الحبْ
ضلّوا الوعدْ
وضلّوا الرعدْ
الـ عمْ يقصفْ قرميدْ النومْ
ضلّوا الخمرة الممنوعة
بشهور الصومْ
فوق الناس الضجرانة
فوق الأرض العطشانة
من سابع يَومْ
:D

من الأدب الساخر ..
يوميات طارق (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

من المنبر ..
مجلة النعيق ..
عروبة وأسلام والتاريخ يعيد نفسه - عدد واحد (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
بيزنيز على الطريقة الليبانيزية - عدد 2 (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
انفلونزا الطيور تقاطع سوريا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
القرميدة المكسورة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

:D:D

:D
في كتير ناس ما بتعرف فعلا هي الحقبات الرائعة من الحرية و الديمقراطية بسوريا
لأنو حكوماتنا الرشيدة مو فاضية تدرسنا هيك امور هامة .... لازم نبصم الاشتراكية اما تاريخ بلدنا فهاد شي بلا طعمة برأيهم





بس في نقطة صغيرة ... سوريا بتنكتب سوريا بالالف و هي يللي عم يحكي عنها موضوعك

اما سورية بالتاء المربوطة هي تعريب لكلمة سوريا القديمة قدم سوريا




عدد رؤساء سوريا من عام 1932 لعام 1958 بلغ 16 رئيس ... بمعدل رئيس كل 20 شهر

عدد رؤساء سوريا ( بالوكالة و بلا وكالة ) من عام 1961 حتى عام 1963 بلغ 3 رؤساء ... بمعدل رئيس كل 8 شهور

عدد رؤساء سوريا من عام 1963 لعام 1970 بلغ 3 رؤساء ... بمعدل 28 شهر لكل رئيس

عدد رؤساء سوريا ( بالوكالة و بلا وكالة و بفترة انتقالية و بلا فترة انتقالية) من عام 1970 لغاية اليوم بلغ 4 رؤساء .... بمعدل 105 شهور لكل رئيس ( 8.75 سنة )

و دمتم :7asheesh:


حسني الزعيم حكم سوريا لمدة 128 يوم و من مآثرو (على الرغم انها يمكن الوحيدة ) انو حط القانون المدني يللي تعدل سنة 1974 (طبعا هلأ حاليا هوي مغيب بظل قانون الطوارئ)

حسني الزعيم كان مسلّم انطوان سعادة سلاحو (سلاح العسكري هوي شرفو) و هي اشارة انو عاطيه الامان بسوريا ... يظهر انو نوايا الزعيم اختلفت مع نوايا سعادة ... الزعيم كان ناوي يحتل الاردن بمساعدة القوميين بينما سعادة كان ناوي يعمل انقلاب بلبنان بمساعدة حسني الزعيم، و يقال انو حسني الزعيم بكي بعد ما سلم سعادة و انو سلم سعادة تنفيذا لضغوط دولية ( و ماسونية) و لما برر هالشي قال (لا يجتمع في سوريا زعيمان)

باكتر من تقرير اتهم حسني الزعيم انو بيمارس اللواطة (بالاضافة للقمار و السكر)

من الامور يللي بتنذكر بالتاريخ لحسني الزعيم انو قام بانقلاب ابيض ما نزل فيه اي قطرة دم

تنفيذ حكم الاعدام بحق حسني الزعيم كان اسرع تنفيذ بتاريخ المحاكم العسكرية السورية (بعد محاكمة غير عرفية)


العالم بتعرف انو نحنا مبدعين و مشان هيك بتلاقي نص الشباب السوريين بس يهاجروا بيفتحولون طاقة القدر ببلاد برا
بس بدك يللي عنا يعرفوا هالشي





يرحم هديك الايام :( لما كان في ديمقراطية و زلم عن جد

و الله من بعد الاتاسي بتصور رجع القوتلي و بعدها بلشت عصور الانحطاط و الظلام تسود اروع بلد بالعالم :cry:

:D:D:D:D
ومنتابع ..

كريم راح يرجع...معززا مكرما رغم أنف سارقي التاريخ و تجار الظلام

حرية!!!

اشتقنا لكريم :D
مع احترامي لكهربجي ومحبتي الو
يعني قديش بدو يضل ؟؟؟؟ وبالاخر رح يرجع غصب عنون:jakoush::jakoush:
يسلمو ايديك ميمو

خليها بالقلب تجرح و لا تطلع لبرا و تفضح ...

شو بدنا نساوي ازا شعبنا عم يطبق المتل " ازا ما بتقدر تكسر ايدو ... بوسها ... و ادعي عليها بالكسر " ؟؟؟؟؟

و مع ذلك ما فيك تلوم شعب تلوع بتدمر و صيدنايا و القلعة لما ضل دموع بعيونو

ما فيك تلوم شعب محكوم بمليون عنصر مخابرات ( هاد عدا الشباب الطيبة اصحاب الخط الحلو )

ما فيك تلوم شعب شعارو الاوحد " بدنا نعيش، بدنا ناكل، طالما الفلافل رخيصة كل شي بيهون "

وا اسفاه على بلاد الحضارة

هاد قدر الشام ... بتبقى ليوم القيامة ... و ما بتنحكم إلا بالسيف


هلأ 40 سنة قمع و ارهاب و دعس ع رقاب العباد و لسا ما جلس الشعب ... اي شو الحزب البعث الانتياكا هاد اذا 17 مليون واحد (و كانوا اقل من قبل ) ما عرف يجلسهم
العتب حبيي ع القيادة الفاشلة ...
اذا اكبر ما فينا حرامي ... الشعب شو ممكن يطلع غير نصاب ؟
اذا اكبر ما فينا بايع ذمتو ... ليش عم تعتب ع الشعب ؟؟؟؟
اذا اكبر ما فينا بيزمر باليقطينا .... شو ممكن يطلع من الشعب غير التطبيل ؟؟؟
اخي انا بدي سوريا تصير احسن من سويسرا ... عندك مانع شي؟؟؟؟؟
لكان معقول لبنان طلعت من حرب آكلة الاخضر و اليابس و بعشر سنين تصير احسن من الشام؟
و نحنا يلي ما انضربت رصاصة وحدة عنا بعدنا ورا البقر؟؟
:D

والله انا يلي بعرفو انو جامعات دمشق و حلب موجودين ع ايام القيادة الغاشمة (يلي كانت قبل الحكيمة)
و كانوا مجانيين
و بالنسبة للدول العربية فكل الدول الاشتراكية التعليم فيها مجاني اما الدول يلي مانا اشتراكية فما عليها عتب و مع ذلك معظم الدول العربية التعليم فيها مجاني .... و الاتصالات كمان .... و الصحة .....
منرجع للموضوع الاساسي
يلي بهمني انو نحنا نشوف تغيير ع الارض (نحنا يعني السوريين)
و شغلة تعليم مجاني يعني هاي اقل ما يمكن انو تعملو دولة تدعي الاشتراكية و خصوصا انو معظم الدول الراسمالية التعليم عندها مجاني
و كمان الصحة ... مع انو مو زابطة بنوب
و إلا شلون بدها الدولة تفسر وين عم تروح المصاري يلي عم يلطشوها الشباب؟؟؟
ما هيي من غير شي صوفتها حمرا بقصة البترول يلي عم يبلعوا
غير صحيح
اذا كان في صح بشغل الدولة فأما لأنو ما لحأوا يخربوه او لأنو ما بيصير غير بطريقة صحيحة
عموما هوي من مخلفات القيادات الغاشمة
بعدين الدولة عندها تلت جرايد ما شاالله اذا شي مسؤول دعس صرصور بيطبلولو و بيزمرولو كأنو قضى على فصيلة الصراصير كلها
بيجيي لعنا المبعوث الاوروبي لعملية السلام مثلا:
الجرايد السورية بتعملو كاتب كتاب شمس العرب تسطع على الغرب
و الواقع يلي منشوفو بالاعلام الخارجي بيكون تهديد و وعيد و شوي تانية رح يلعن سلسفين ابونا
منحكي انو في اخطاء و تجاوزات ماشي
الاعتقالات التعسفية الكل بيقول انها خطأ و الكل معترف بهالشي
قاموا شو عملوا ؟؟؟ صاروا يعملوا فخاخ لحتى يعتقلوا تعسفيا المزيد من الابرياء
بدكم يانا نقول انو في شي منيح عم يصير بالوقت يلي ما في شي منيح عم يصير؟؟؟



نحنا كمان منحب بلدنا و ما عم نقدر نعمل اي اشي

الحرية لنا و لكم :D
و دمتم :D

:D:D:D:D

ومنتابع ...



:D

جيش أبو الزلف (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

استحملناكم سنوات ولم تحتملني دقائق (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

يُفشل (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

:D:D:D

الحمدلله على نعمة الالحاد
الحمد للعقل على نعمة الله

اما بعد

صديقي دياب، بعد ايام، يختفي قمر رمضان، و يهل عيد الفطر (السعيد) على جميع البلدان

اذكر اننا، و طارق معنا، قد اتفقنا في الفطر الماضي على ان نعايد بعضنا على سبيل "البروتوكول"، على اساس انو "كل شي ببلاش كتر منو"

مبارك مبارك

صديقي دياب
قد طال الغياب
و رحل السنونو عن سمانا
فرادا و اسراب
رحل إلى سماوات اخرى
فبقاء محلق في سنانا
مصيره الوأد في سرداب

اخباري؟
عايشين، و الحمد لهم، كالذباب
آكل كالدواب
أغب كالطين، حتى اسكر من خمر الجباب
و احسد نفسي على نعمة
انت تعرفها ... فأنت محروم منها
نعمتي اني استطيع ان افتح و ان اغلق الباب

ادعيلي ايها الكافر الكريم
فدعوى المظلوم ستلقى الجواب
ألا يزورني احد من الشباب
و ألا يوجه بحقي
اي تهمة تتعلق بالارهاب
و ان يبقي على نعمتي رب الارباب

صديقي الحزين
اتراك ترد المعايدة
في عيد .. اي عيد
حتى لو كان عيد الاحزاب؟
ام ان الحانة ستبقى خاوية
حتى اشعار اخر
او حتى موعد محكمة اخرى
من جميع الاتراب؟

تخيل صديقي!
هناك نعمة احسدك عليها
اعرفها جيدا ... فأنا محروم منها
فحيث تسكن في ذاك الجوف
لا تعرفون معنى الخوف
تخيل انك سبيت ابوه رامي مخلوف
ماذا سيفعلون؟ سيسجنوك؟
انت اصلا تسكن في قبو مسقوف

صديقي دياب
قد طال الغياب
و لكنني
و على الرغم من مللي
من انتظار غودو
ما زلت انتظر
كأب ينتظر مولودو
كمؤمن ينتظر يومه المشهود
كإله
متربص بمعبوده
و يؤجل
بكفر
يومه الموعود

فلا اخفيك سرا
ما زلت بالانتظار
لاسمع منك الاخبار
لاقرأ معك
ما كتب حسامنا من اشعار

ما زلت يا دياب
انتظر يوم الاياب
انتظر لقاء الاحباب
انتظر عودة السنونو
ليشق بجناحيه العباب


و في الختام.... عتاب
بعيد ميلاد أبو النسيم ..
:D:D:D

ما اضيق العيش لولا فسحة الامل

و بشكر الجميع على ردودهم و كل عام و انتوا بخير

حاج لليوم .. :cry: لأنو ..
بس يتبع ..

:shurup::shurup::sad::tears:

لك اخ....
بجد دمعو عيوني
ما بعرف شو احكي

برافوووووووووووووووووووا مرسيل :D

انتي ..................:dd:

:cry::cry::cry::cry:
ميمو عنجد بكيتيني
الله يردك ياكريم ويرجعك بيناتنا:cry::D
الموضوع بيجننننن ع فكرة

فرّت الدموع من عيني ..
وتلعثمت على شفتيّ الكلمات ..
ليس حزناً أو قهراً ..
بل غضباً وكبرياء..
هكذا ..
حراً .. ساخراً .. واثقاً ..
كنت وستبقى ..

اشتقنا لكريم :D
مع احترامي لكهربجي ومحبتي الو
يعني قديش بدو يضل ؟؟؟؟ وبالاخر رح يرجع غصب عنون:jakoush::jakoush:
يسلمو ايديك ميمو
له شو خص هي بهي.. بتمنى يرجع هلق.. مو بعد 5 دقايق... لأ هلق...

الموضوع مثبت إلى أجل غير مسمى (مو بإيدي التسمية لأنو)

خواطر تموزية
غيورغي فاسيلييف

تعصف الأحزان
وتصفر ريح الأشجان
ولا من مكان
ولا من زمان
في عالم الأعراب
في عالم الهوان

2

يا صديقي
غابت سمش الحق
وسرحت جوعى
ذئاب وذئاب
تهوى القتل
تبلع الضحية من رأسها
بدون مضغ
تلهو بجماجم الأحياء
في اقبية مخابراتهم
وحده الكبرياء
يسند السجناء
يرفع قامتهم
وهامتهم
لتصير سماء
لتصير شمس الحرية

3

خرج الهول من وكره
مسلح بكره الحرية
وكره البشرية
والمدنية
والحضارة
والنضارة
مسلح بدين الهمجية


2005

لحظاتٌ ساخطة

ذاكرةٌ ساخطة

وتتوهُ الكلمات

في ذكرى ميلادِكَ

صديقي كريم

هل نتساقى الفرح

أم نُطلقُ الآهات

..

لا بأسَ صديقي

إن فجرنا الغضب

إن غبتَ عنا دهراً

فحضوركَ في القلب

والبعدُ والعذاب

وليسَ يموتُ الحب

يا عاشقاً سوريّة

نحنُ على الدرب

..

ساخطٌ أنا

ويسخطُ الجميع

..

أودِعُ الحبَّ صدري

وأبحثُ بينَ كلماتي

أداري دمعةً تجري

وأبتلعُ آهاتي

فجأة لا أجدُ معنىً لحياتي

..

عد صديقي

أعد للأشجارِ خضرتها

أعد للربيعِ نضرته


عد و أعد للآلهة ثقتها بنفسها

..

BLacK

:D

حروفٌ مكتوبةٌ بعتمةِ الليل ..
كلماتٌ مصفوفةٌ كقضبانِ السجون ..
أوراقٌ متشحةٌ بالسواد ..
أقلامٌ كُسِرَت بقبضةِ جلاد ..
وكتبٌ أُحرِقَت إلى رماد ..
هكذا أصبحنا ..
وأصبحَ الانسان ..
يُفجّرُ الظلمَ في أجسادِ الأبرياء ..
ويُشيِّدُ عرشَهُ على جثثِ الضعفاء ..
يملأُ أقداحَهُ من خيبَتِنا ..
ويتُخِمُ "كرشَهُ" بأنينِ التعساء ..
لم يتغيرْ شيء في غيابِكَ ..
ولم نغدُ أقوياء ..
مازلنا نبحثُ عن حلمٍ ..
يأوينا فقراءً وأغنياء ..
ضعفاءً وأقوياء ..
عامل .. كاتب .. ثائر .. حر ..
وطن وكبرياء ..
مازلنا نُقدِمُ قرباناً تحت أقدامِ الوُلاةِ ..
ونبكي فوق ترابِ قبورِ الشهداء ..
مازلنا ننتظرُ الفرجَ ..
ولم يأتِ فرج ..!!!
أننتظرهُ بعد يا عزيزي ..
أم ما فاتَ قد مات ..؟!
وبعد ..
ألازلت تؤمنُ بالانسان؟

كريم ... ترجع بالسلامة

كلمة ... فكرة .... حرية

مابعرف ليش بس ماعندي شي احكيه

كريم الله كبير ونحنا ناطرينك ......

كريم
:akh:

شكرا ميمو
على فكرة أجيت بدي ثبت الموضوع لقيت أنو مثبت

رح صب تلات كاسات وحدة لكريم و وحدة لألي و وحدة للوطن بما أني الوحيد من بيناتون اللي خارج القطبان (حاليا)
كاسك يا وطن

منكمل ..
رائع جدا
تراجيديا التعليم السوري
فالعلم في بلادنا، و منذ عام 1948، له هدف واحد فقط، و هوي "خدمة المعركة".
عال كتير، هدف سامي جدا
ما عدا مشكلة وحدة
انو عدا "حزب الله" و كم فلسطيني بحماس، و كم حمار قبرصي من جماعة القاعدة، ما حدا عم يحارب.

عندما يهدف التعليم إلى "خدمة الموت"، لا يمكن لأي أمة إلا ان تكون كأمتنا، مهزومة، مكسورة، و ملتعن سلاف اللي خلفها

المشكلة اكبر من التعليم، فحياتنا كلها مرهونة للحظة الموت القاسية
إما ان ننتصر، او ان نموت. او "نستشهد" على اساس انو يللي بيستشهد ما بيموت (نظرية حمقاء لا يؤمن بها سوى الفشلة، و ما اكثرهم في بلادي)، جاعلين من النصر، غاية حقيقية، ليس لحياتنا معنى بدونها
اليابان هزمت، و هي اليوم ثاني اقوى اقتصاد في العالم
المانيا كذلك، و هي اقوى ممن انتصروا عليها

هل فكرنا يوما ان يكون التعليم لخدمة الحياة؟
هل فكرنا للحظة ان يكون النصر مجرد وسيلة لحياة اكرم؟

لا
فالنصر غاية، و بعدها مو مشكلة ازا عدنا لنحيا كما كانوا يعيشون قبل الف سنة، كما كنا نعيش بآخر مرة انتصرنا فيها
لقد فرغنا حياتنا من جميع معانيها سوى من لحظة النصر المنتظرة
فالعلم الجيد هوي ما يخدم المعركة
و الادب الجيد هوي ما يصور المعركة، و يمجد النصر الآتي مع قرع اجراس العودة
و الفن الجيد هوي ما يرفع معنويات المقاتلين الذين سيموتون لا محالة لأنه مطلبهم الاساسي
و كل ما عدا ذلك، هوي خيانة، او كفر، او انهزام
هل نحن حقا خير امة اخرجت للناس؟
هل نحن حقا ابناء الحياة؟؟؟


انو نصير ... صعب
كنت بقول مستحيل، بس ما بعترف بوجود المستحيل
مشان هيك صعب

لازم بالاول ننتصر ع انفسنا
لازم بالاول ننتصر ع الهتنا
لازم بالاول ننتصر ع رسلنا
لازم بالاول ... ننتصر ع حكوماتنا
لازم بالاول نعمل كتير شغلات...

بالمنطق، كيف بدنا ننتصر ع عدونا، ازا البيوت بالملايين و المعاش بالملاليم ؟؟؟
ازا واحد فينا بدو يتجوز، بيقعد سنة يخطط هوي و خطيبتو، و بيحسب كل شي بالبيكار و الالة حاسبة
كيف بدكم يانا ننتصر و نحنا منفوت ع الحرب بدون خطة ؟؟؟
كيف بدنا ننتصر و نحنا اصلا ما منعرف نخطط؟؟؟
نحنا بس شاطرين بالامتال
الحرب خدعة
الحرب سجال
الحرب كر و فر (شوي تانية بيركبونا ع الجمال)
الخ من هالسخافات
بس واقعيا
على مستوى النظام منضم... منفوت بالحيط
بدك يانا ننتصر، وين العلماء يللي رح ينصرونا ؟؟؟
ازا احمد زويل طفش
و فايز فوق العادة طلع مجنون
و عمر الخيام طلع كافر
و ابن سينا مهرطق
و لسا في خلق بتجي بتتغنى بعلماء ماتوا و صارت عضامهم مكاحل، و بيتحدوا فيهم الغرب كلو ... كلو مو انو دولة او تنين
لك من كتر خيبتنا، مستعد عدلك العلماء العرب و المسلمين (حرما و جمعا) بخمسين او ستين اسم، من ايام ابوهم ادم لهلأ
هدول الخمسين او ستين اسم، يا دوب... يطلعوا عدد العلماء الشهريين باميركا، يللي عطتهم مجلة "ساينس" افضل علماء العدد (مجلة شهرية هي) (يعني في غيرهم اقل حظا ..)



بدال ما تنبسط الدولة الموقرة انو عنا ستين الف مواطن حابين يتعلموا ... بتزعل
بدال ما يدوروا على طرق لاستيعابهم، و تشجيع غيرهم على التعليم، بشخطة قلم، منسكر كل شي
بدال ما يفتحوا فروع جديدة، علمية هالمرة
كان ممكن يخففوا العدد (طالما مطعوجين من نسبة طلاب العلم ببلادنا) عن طريق رفع الرسوم، او انو يعملوا فحص قبول بالجامعة، و يللي بيرسب بيفوت ع شي معهد سنة زمان بيتعلم لحتى ينقبل متل كل جامعات العالم و الخلق
و احلى شي انو هيك موضوع "مصيري" .. بيتم اتخاذو من قبل وزير، بوكرا بيطير، بييجي غيرو بيفتحلنا التعليم المشلوخ، و بييجي يللي بعدو بيسكرو، بيقوم يللي بعدو بيفتح التعليم المسلوخ.. و اللي بعدو بيسكرو، و هكذا دواليك
و الاحلى انو مجلس الكراكوزات، مالو علاقة باللي عم يصير
بس شاطرين يقولوا عن "خدام" انو "هدام" ... طبعا بعد ما يكون باع الاخضر و اليابس و حطهم بسويسرا
بس شاطرين يقولوا عن قناة "العربية" قناة "العبرية" ...
يعني هيك شغل تركيب اسماء مضحكة
اي من قليل اسمهم مجلس الكراكوزات ؟؟؟
بس بتعرفوا شغلة...
لما فتحوا التعليم المفتوح (بلا معنى) انصدمت...
كيف تجرأ احدهم و اقدم على خدمة المواطن بهالطريقة؟
اما هلأ زالت الصدمة
طلع رأيي مزبوط و ماني مخربط
على الحاضر ان يعلم الغايب
كل انسان متعلم هوي عدو الدولة
كنت عم فكر كمل الديبلومات... بس بطلت
كنت عم فكر روح جيب شهادتي يللي عفنت بالجامعة ... بس هلأ قررت انو ازا في مجال "يرقنوها" ما بيقصروا
المهم انو ابقى مواطن صالح .. و صالح بالعرف الحكومي = متخلف
= جاهل
المهم انو كل شي إلا الخازوق يا سيدي
عرضية سيدو
مالا فكاهة و اللا مزية

:D:D:D

مرحبا شباب

شكرا سرسورة ع المقالة

في كم نقطة حابب حطهم على كم حرف

1- متل ما وضح اكتر من شخص مشكورا انو ابداء الرأي ما بيصير يكون سبب بسجن اي شخص

2- شخصيا ماني ضد نظرة الحاج "محمد ميشيل كيلو" عن الطائفية بالبلد، اي في طائفية و للعضم كمان
من شبه المستحيل انو محمد علي يلتقي بعلي محمد، احد اهم الاخبار بالمجتمع السوري هوي "دريت انو فلانة سابا تجوزت فلان الاحمد خطيفة؟"
من فترة قصيرة رحت لاتبرع بالدم، و انا ناطر دوري قللي احد المتبرعين همسا "بتعرف انو اغلب الادارة فوق ببنك الدم من جماعة .... (صالب سبابتينو على بعض و رسم شكل صليب، بما معناه انو ادارة بنك الدم اغلبها مسيحيين) و هالشي كان جاعزو لاخونا بالله و فاتحلو مرارتو ... ليش ؟؟؟ ما بعرف

بتحبوا عدلكم كمان عن مظاهر الطائفية ببلدنا الملحومة وطنيا ؟؟؟
اسماءنا طائفية
حاراتنا طائفية
علاقاتنا طائفية
مدارسنا طائفية
شللنا طائفية

و اوراق نعوتنا طائفية
لك كلنا ع بعضنا طائفية و طائفيك

3- المقالة بالمجمل لم تجانب الحقيقة، إلا ان الحاج "محمد ميشيل كيلو" صب جام حقدو الدفين على "طائفة العلويين" و شوه صورة اوراق نعواتهم، و من خلالها حياتهم كلها بطريقة استفزازية فعلا

فقد ذكر ان من سماهم بالريفيين و قاصدا العلويين تحديدا .. اغلبهم عسكريين، متناسيا ان اغلب الصياغ مسيحيين، و اغلب الميكانيسيانية بالبلد ارمن، و اغلب الصيادنة شوفيرية برادات، و اغلب سكان الحدود مهربين...
متناسيا اننا شعب يورث كل شيء .. بدون استثناء، الديون و الاملاك، العلم و الجهل، المهنة و البطالة... باختصار كل شيء

فعلا استغربت استنكارو لكون اغلب العلويين عسكر، ليش ايمت كان "المدنيين" عسكر ؟؟؟ ما كان في اشطر منهم بالهرب ايام السفربرلك، لليوم دعوة اي شخص للخدمة الالزامية بيعتبروه مصيبة كبرى، و بتنفتح المناحات بالشوارع و الساحات، بينما تسريح اي شخص عرس ما بعدو عرس

اما الموضوع الاستفزازي التاني بمقالة الحاج "محمد ميشيل كيلو" فكان عرضو لقائمة اهل المتوفى عند الطائفتين .. العلوية (أو الريفية) و المدنية
فبينما خفض و وضع من كون الشخص رائد او مقدم.. او حتى مهندس او دكتور او مربي اجيال، رفع من شأن كون اي شخص حاجا او تقيا او ورعا او ضراب السخن

ليش بالله ممكن حدا يفهمني كيف الحاج او التقي او الشيخ عم يفيد الوطن و المجتمع ؟؟؟؟
بشو ممكن يفيدني اي انسان ازا كان تقي او ورع ؟؟؟ تقي و ورع على حالو و لربو و بس

اما المهندس و الدكتور و الرائد و .. الخ، يللي بيفيدوا الوطن و المجتمع ... هدول صاروا كخا لضرورات تمسيح الجوخ عند الحاج "محمد ميشيل كيلو"

و لم يكتفي الحاج "محمد ميشيل كيلو" بقلب الموازين الاجتماعية لضرورات تمسيح الجوخ، بل تابع تمسيحه للجوخ من خلال تبرير تسمية اهل "المدنية" بما حمد و عبد، بوضع اجتماعي ساد المجتمع السوري خلال حقبة زمنية معينة، بينما لم يجد ذلك مبررا لأن يكون اسماء "الريفيين" ثائر و كفاح و ...الخ
بالله شلون ممكن هالحاج يبرر كون والدي اسمو طوني؟ و عمي اسمو جورج؟ و خالتي اسمها تيريز ؟؟؟
لك اصلا شلون عم يبرر لحالو انو اسمو الوسطاني ميشيل (صار وسطاني بعد ما اضاف اسم "محمد" بجدارة لاسمو الشخصي بعد مقالة تمسيح الجوخ)

اما ثالثة اثافي الحاج "محمد ميشيل كيلو" و اكتر الامور استفزازية هوي اعطاؤو لقب المدنية لفئة و حجبها عن فئة اخرى...
متناسيا ان "الريفيين" اياهم، خرج منهم "محمد الماغوط" (على الرغم من عدم كونو علوي .. إلا انه ريفي)، و "سعدالله ونوس"، و الشهيد "محمد فاضل"، و "سعيد مخلوف"، و الشهيد "كمال خير بيك" و ....ألخ الخ الخ

بالختام..
بحب خبر الحاج "محمد ميشيل كيلو" ان الرجال من يصنعون المدنية و ليست المدنية هي من تصنع الرجال
تماما كما الحصان يجر العربة و ليست العربة هي من تجر الحصان

و الله يفك اسرو و اسر شبابنا و جميع معتقلي الرأي بسوريا

و دمتم :7asheesh:



لك .. أخ ..

:cry::cry::cry:

بس لحتى تكونوا بالصورة زملاءنا حسام ملحم و علي العلي، علويين
و طارق غوراني و دياب سرية سنيين
و ماهر ابراهيم اسماعيلي

هيك ناس ... فقط هيك ناس .. هيي يللي بتصلح البلد


عفوا عفوا...
معلمي

هدول الشباب .. كان (قبل اعتقالهم) همهم سوريا و سوريا فقط
لا همهم الطايفة و لا العائلة و لا شي ايديولوجيا معفنة و بطل حدا يستعملها غيرنا...

هيك ناس .. في امل انهم يصلحوا البلد ...

يللي بعرفو هوي التالي ...

الشباب ما طلعوا .. و مارح يطلعوا

خوش تبين للقيادة الحكيمة التالي

بعد اعتقال الشباب

ارتفع معدل النمو بالبلد للـ 4.50 % ... يعني ع شحطة بيصنفونا مع نمور اسيا

انخفضت نسبة البطالة من 60% للـ 1% .. و هالواحد بالمية هدول هنن التنابل يللي كعيت معهم الحكومة مشان تشغلهم و ما عم يرضوا

انعدم التضخم، و كل شي صار رخيص، حتى الاعراض

رغيف الخبز صار قد صحن السطلايت

المشاريع الاستثمارية على ابو موزة

انهوا كل المشاريع القديمة، و مشروع نهر بردى تطور و صاروا بدهم يعبوه هيلطية

صحيح ما شاركنا بالمونديال .. بس في اشاعة قوية انو الكاس رح ناخدو نحنا .. حاليا عم يتفاوض وليد المعلم مع الفيفا بهذا الشأن

و غالبا غالبا ... ببحر الاسبوع الجايي .. اسرائيل رح ترجعلنا الجولان .. مع فلسطين، و يمكن يعطونا كندا كمان، بس شغلة كندا معترضة عليها بوركينا فاسو بالامم المتحدة، و نحنا ما منحب نزعل حدا ...

و شو كمان شو كمان يا ربي ؟؟؟

اي تذكرت

ماي
و خضرة
و وجه حسن

بقا بعد هالانجازات كلها ... بدك يطالعوا الشباب ؟؟؟؟؟؟؟؟؟؟؟؟؟؟؟؟؟؟؟؟


لك كاسك يا وطن


وإني أخترتك يا وطني ..

عال كتير

هلأ بطل العجب (بضم الطه)، باعتبار عرف السبب (بضم العين)


طيب، برأيكم....

مو حاسين انو صار لازم نلاقي الحل ؟

و اللا لسا بكير ؟؟؟!!!



؟؟؟
حاج لليوم ...

بنكمل ...

مقترحاتي مشان محاربة الفساد ....

أولا: الدستور:
1-وضع دستور جديد يضمن حقوق و واجبات متساوية لجميع السوريين ( بالمشرمحي حزب البعث متلو متل غيرو ) ( حقوق متساوية يعني السني متل العلوي متل المسيحي متل الكردي متل السرياني متل ... الخ )
2-الاعتماد على مبادئ العلمانية و المرونة الزمنية في صياغة الدستور ( يعني ما بيصير نعتمد ع التشريعات الالهية المقدسة بسن الدستور الجديد لأنو الدستور لكل الناس مو لاتباع دين او طايفة معينة، و المرونة الزمنية بتعني انو ممكن مع الزمن و بشروط خاصة جدا و لمصلحة الدولة العليا انو يتم تغيير او تعديل احد بنود الدستور ... مو يتم تعديلو و تفصيلو على قياس حدا معين)
3-مبدأ " مصلحة سوريا فوق كل مصلحة " هوي اهم مبدأ بيتم على اساسو صياغة مواد الدستور ... و مصلحة سوريا فوق حتى مصلحة السوريين ... لأنو سوريا باقية ... اما السوريين بيروحوا و بيجوا ( كنعانيين بعدين اراميين بعدين شوية عرب بعدين عثمانيين ... الخ)
4-طرح الدستور للاستفتاء الشعبي العام ... و اقرارو باغلبية الثلثين ( 2/3 ) على الاقل
5-اعتبار الدستور اعلى سلطة مرجعية في الدولة ... اعلى من المراسيم و القرارات و القوانين و الاشخاص ... حتى الرئيس تحت الدستور
6-يتم انتخاب رئيس البلاد المكلف بحماية الدستور بطريقة ديمقراطية دورية ( ما في شي اسمو الى الابد)
7-يتم انتخاب السلطة التشريعية المكلفة بسن القوانين بطريقة ديمقراطية دورية
ثانيا القانون:
1-يتم سن القوانين من قبل مجلس الشعب ( السلطة التشريعية)
2-يتم استخدام القوانين من قبل القضاة
3-تنبثق القوانين من الدستور و لا تعارضه باي حال من الاحوال
4-الجميع تحت القانون و لا يوجد استثناءات مطلقة ( يعني ممكن يكون في استثناء بس لحد معين )
5-إلغاء قانون الطوارئ و الاحكام العرفية
6-عدم تدخل المؤسسة العسكرية بشؤون القضاء
ثالثا الصحافة ( السلطة الرابعة ):
1-سن قانون للمطبوعات و الصوتيات و المرئيات و الصحافة يتيح حرية الصحافة
2-الصحافة هيي المكافح الاول للفساد لذا يجب عدم وضع القيود و العراقيل فيها ... يعني لازم نعتمد على حرية الصحافة لحتى تقدر تقوم بواجبها الحقيقي
رابعا المجتمع المدني:
1-وضع قانون للاحزاب
2-عدم السماح بتمويل الاحزاب من خارج سوريا
3-ان تسمح الاحزاب بانتساب اي سوري لها ( يعني ما بيصير ينعمل حزب خصوصي للاكراد او السنة او السريان او الشعية و هيك)
4-عدم السماح لاي اجنبي بالانتساب للاحزاب السورية ( مو متل ما بيعمل حزب البعث و الاخوان المسلمين و الشيوعي)
5-عدم السماح للمؤسسة العسكرية بالتدخل في الحياة المدنية ( اسمها عسكرية )
6-عدم السماح بتسييس الجيش لأي جهة كانت ( لازم يكون الجيش دستوري مو عقائدي)
7-اجراء انتخابات دورية ديمقراطية حرة نزيهة
خامسا عدم تدخل رجال الدين بشؤون القضاء و السياسة

سادسا الاهتمام بالتعليم و الثقافة بكافة مستوياته . اما التربية فهي وطنية بحتة .. لا دينية و لا قومية و لا اجتماعية و لا اشتراكية ... الناس احرار متل ما بدهم بيفكروا و بيعتقدوا ....

سابعا توفير الضمان الصحي و الاجتماعي لجميع المواطنين

و دمتم

عمو (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////) فؤاد

:cry::cry::cry:

الله يرجعو بالسلامة
ويرجع كل واحد مظلوم لاهلو بالسلامة ..

ويرجع كل سجين رأي لاهلو بالسلامة ..

لا تعليق

عندما وجدوا شمسا حقيقية .. غير تلك التي يعرفونها .. الشمس التي اعتادوها خافتة بالنسبة لهذه الشمس .. فجأة تمتد يد تعيدهم الى تلك الغرفة ..
أعادوهم الى المنفردة و شمس المنفردة ذات الخمسين شمعة

...................
ستمر السنين.. كما مرت من قبل

منكمل .
مصالحة وطــ شو ؟؟؟؟

مين قلك انو الحديث عن المثاحة الوطنية كزب ؟؟؟

شوف كيف سمحوا للـ "قبيسيات" انو يشتغلوا بالجوامع

برأيي ..
الحق على ميشيل كيلو
هوي مسموحلو يعارض كيلو
قام عارض كيلو و نص

يعني القصة قصة زيادة وزن، و تهريب

إعلان هام:
لمن يهمه الأمر من العناصر و رؤساء الفروع
الليبراليون في سوريا لا يمتون بصلة للـ "امبرياليين" في اي مكان في العالم، على الرغم من تشابه الكلمات

يعني بلغة السوق
ليس لنا فرع آخر
لا بالبيت الابيض .. و لا بغيرو


تاريخيا .. تاريخيا هاه

كان بالفعل في فوائد جمة للديكتاتورية و رح اعطيك بعض الاوجه من التاريخ

1-
بالقرن السابع قبل الميلاد، كان الصراع بين الامبراطوريتين القرطاجية السورية و الرومانية للسيطرة على المتوسط في اوجه، ظهر بقرطاجة مجموعة نادرة من القادة الاسطوريين منهم هاني بعل برقة اعظم قائد عسكري بالتاريخ، يللي قدر يهزم الرومان بعقر دارهم و حاصر روما سنوات طويلة جدا...
المهم،
وقتها قاموا الرومانيين بحل الكونغرس الروماني الاشهر و تعيين ديكتاتور لقيادتهم للنصر، نسيت اسمو بصراحة (يمكن كسينافون).
بالوقت نفسو تمسك القرطاجيين يللي هنن على مشارف اهم و اخطر حملة (حياة او موت) بيقوموا فيها بتاريخهم .. تمسكوا بالكونغرس اللي سيطر عليه تجار شافوا بالحملة خسائر مادية .. و ما انتبهوا انو حياتهم و حياة امبراطوريتهم على المحك، و تخلوا عن هاني بعل و حملتو، .. و النتيجة كانت خراب الامبراطورية القرطاجية إلى الابد، و سيطرة الرومان لاكتر من الف سنة على حوض المتوسط


2-
بعد نجاح الثورة الفرنسية بتغيير النظام الحاكم بفرنسا، و لدواعي الابقاء على نتايج ثورة الحرية و الاخاء و المساواة و حمايتها من اعداءها الملكيين، اضطر الفرنسيين إلى تنصيب القائد نابوليون بونابارت امبراطورا عليهم و حاكما مطلقا لكل فرنسا (حيث اكون انا يكون صدر المجلس.. نابوليون)
و النتيجة كانت انتشار الثورة كالنار في الهشيم في جميع اصقاع اوروبا


3-
بعد هزيمتهم النكراء بالحرب العالمية الاولى، اختار الالمان الانقياد وراء ادولف هتلر الطموح لاعادة اعمار بلادهم، و تغيير نتائج الحرب القاسية و المذلة يللي فرضت عليهم
هلأ على الرغم من هزيمتهم بالحرب العالمية التانية الاشد مرارة من الاولى، إلا انو الالمان بقيوا من اهم شعوب العالم على كافة الاصعدة، الصناعية و الثقافية و حتى السياسية، فألمانيا اليوم دولة لا يستهان بها بكافة المجالس الدولية


طبعا الدلائل لا يمكن حصرها
و يللي بدي قولو
انو الديكتاتورية ليست دائما ذات مساوئ، و كتير احيان بتكون ضرورية و مصيرية... بس....

بس دايما دايما
الديكتاتورية ضرورية لفترة زمنية محدودة، و بعد هيك.. بتصير مدمرة

بسنة 1970 .. ما كان ممكن نتخيل كيف ممكن يكون الوضع لولا وصول حافظ الاسد للسلطة بسوريا
فالنتايج يللي تحققت بوجودو بالسلطة كانت بدون شك تحول تاريخي استراتيجي بحياة سوريا و السوريين، بس بدأ هالشي يتحول لرد فعل مدمر بعد هيك ...
يكفي انو وصلت الحالة بسوريا بأواخر القرن الماضي انو يقول حافظ الاسد شخصيا لمحمود الزعبي (رئيس الوزراء السوري آنذاك) "انا على استعداد للنزول إلى الشارع مع الجماهير و التظاهر ضد حكومتك"

اليوم، نحنا السوريين بامس الحاجة لشيء من الديمقراطية
فنار الثورة الدينية المتعصبة العمياء بلشت تغلي تحت الرماد، لهاللحظة الخيوط كلها باجهزة الامن، لكن ماذا لو انفجر الوضع ؟؟؟؟

لازم ينعطى فرصة للعلمانيين
لازم يخف الخناق حول رقابهم
لازم يتم التفريق بالتعامل بينهم و بين الدينيين

فلا حياة للسوريين بدون العلمانية
:D:D

:D
الأديب محمد الماغوط (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
الفنان وليد قارصلي (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
:D

يا شباب إذا ممكن بس تزورو هالصفحة وتعطوني رأيكم .. يعني ما بتوقع كون وصلت لإبداع كريم بس هي محاولة ..
وحسب رأيي أنو أفضل طريقة لتكريم كريم هي مواصلة العمل على طريقتو ..
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

كريم......اشتقنالك كتير....كتييير...كتيرر...:D
الله يحميك...و يرجعك بالسلامة....ناطرينك....

منكمل ...
ع
ليش ما النظام السوري بيبطل هيك حركات قرعا، و بيقطع الطريق على اعداؤو ؟؟؟؟

ليش ما بيتحاكموا الشباب محاكمة عادلة ؟؟؟ هاد ازا فرضنا جدلا انو عاملين شي غلط


بيجوز
خيانة و وطنية و استشهاد و ...الخ

بخصوص شغلة انو نطول بالنا
يعني ما حيلتنا هالشغلة شئنا ام ابينا

بخصوص شغلة الخيانة و الوطنية
خيو خلينا نتفق على شغلة
خلنيا نتفق انو كل مين بيحب سوريا ... و حصرا سوريا، يعني بدون ما يحب مصر، او مكة، او قم، او باريس مع سوريا
كل مين بيحب هالبلاد الملعونة و المباركة بذات الوقت بطريقة الهية غريبة
هوي انسان وطني مبدئيا
يعني خلينا نتعامل مع بعض على هالاساس
بعدين ...
ازا تصرفاتنا دلت على غير شي ... منعود منخون بعض، او منحط نقاط جديدة للتخوين


برجع و بردد كلمات اسامة الرحباني
يا صبي قديش بدك تعاند
وصلت ع نقطة اللاعودة
يا بتنتحر
يا بتهاجر
يا بتفوت باللعبة

من جهتي ...
قررت فوت باللعبة
امت فتت بالحيط

بس في كلمة حلوة لأنطون سعادة بهالخصوص
بيقول فيها "ما لم تكونوا أحرارا من أمة حرة فان حريات الأمم عار عليكم"


ما بعرف ليش كتير عم استشهد بالرحابنة بهاليومين (يمكن لأنو بيهمني سوريا بالمقدمة و الرحابنة بالذات بيشكلوا ضمير امتنا) بس في مسرحية للرحابنة اسمها ناطورة المفاتيح

هالمسرحية بتحكي عن حاكم ظالم، قرر شعبو كلو انو يترك المدينة و يعيشوا بالبرية ما عدا فيروز (زاد الخير اسمها بالمسرحية) و سكان المدينة بيسلموا مفاتيح بيوتهم لفيروز (من هون اجا اسم المسرحية)
بيقوم الملك (انطوان كرباج) بيصير بينذل لفيروز كونها صارت هيي الشعب
و بالاخير بيكتشف انو "جنة بلا ناس ما بتنداس"و بيصير بيصرخ و بيقول "دخيلكم ارجعوا، ما بقا اظلم حدا... بس ارجعوا" و هوي عم يبكي

مسرحية رائعة يا ريت تسمعوها



وهي ...

تعريف صريح للعولمة (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

النعيق
(عدد خاص مهداة لكل مين بيقرا بكتاب (حصرا كتاب) غير ديني اكتر من ساعة كل يوم)

على ذمة الراوي:
بزمناتو احد اصدقائي (الله يذكرو بالخير و يفك اسرو) بعد ما قرا كتاب "سأخون وطني" للاستاذ الكبير محمد الماغوط، قرر انو يلتقي فيه و لو دقيقة
و عرف صديقي انو الاستاذ الماغوط معتاد يقعد بمقهى الهافانا بالشام
صار ينزل لهنيك كل يوم و يقعد لساعات هوي و ناطرو، و بالاخير ... فات مرة ع الهافانا، قام ركض لعندو الغرسون و قللو لصاحبي .. حظك حلو ليكو الاستاذ قاعد هنيك و اشرلو ع طاولة الماغوط
ركض لعندو رفيقي و دار بيناتهم الحوار التالي...
حسام: "حبيت قابلك لحتى قدملك احترامي و مودتي، كتاباتك و اشعارك هيي وجدان امتنا و شبابها"
الماغوط: "انا و كتاباتي و اشعاري منسوا قشرة بصلة بيوم الغلا، اتطلع حواليك و شوف بشو مهتم وجدان شبابنا، غير بالموبايلات و السيارات و قصات الشعر ؟؟؟
كل شي كتبتو ما قصر بعمر اسرائيل ساعة
كل شي كتبتو ما رجع حبة رمل وحدة
كان بدي امشي من ساعة، بس الغرسون قللي انو صرلك كزا يوم عم تسأل عني فنطرتك، و هلأ اسمحلي، و شكرا ع مشاعرك النبيلة"
و مشي الاستاذ تارك قلب صاحبنا بحلقو و الدمعة عم تغرغر بعينو

لو كنت محل حسام كنت قلتلو للاستاذ الماغوط:
غلطان كتير يا استاذ
ما بعرف اديش باقي من عمر اسرائيل
و ما فيي عدلك حبوب الرمل
بس بعرف التالي
على الرغم من كل الجنون الاعمى يللي عم يضربنا، بدءا من دخان المكاري الشيطانية و بيروقراطية الموظفين المعترين، و انتهاءا بكل تهديدات الدول العظمى اليومية بتدميرنا، مرورا بكل حثالة جنبلاط و خدام و الحريري، و فساد المخلوف و غزالة و غيرو، و حرق السفارات و هبل الناس،
و على الرغم من اكتر من 2500 سنة احتلال من ما هب و دب من شعوب العالم
على الرغم من كل هالشي
بس لسا ما صرنا لا عراق 2، و لا لبنان 2، و لا كويت 2، و لا حتى دارفور 2...

الفول و الفلافل موجودين بكل هدول يللي ذكرتهم، إذن مو الفول و الفلافل هنن الرقم الصعب بهالمعادلة، و اكيد ولا الفيلات و المرسيدسات ايضا هيي الرقم الصعب
الرقم الصعب هوي انو عنا الماغوط ... و عنا يللي بيقرا الماغوط و غير الماغوط

احد الحكماء قال: "ليس بالخبز وحده يحيا الانسان، بل بكل كلمة" و ما بيعنينا باقي الحكمة بشي

و بالنهاية بتبقى الحقيقة هيي انو "أن تشعل شمعة، خير من ان تلعن الظلمة"

المسيح يحميك ... :D

الدين لله ... بس الوطن للكل شاؤوا ام ابوا
شئنا ام ابينا
شئتم ام ابيتم ( و انثوها كمان)



خيو انا شفت الموضوع بشكلو الرمزي و اسقطتو على مجموعة وقائع منعيشها

السكر بيعمل سكري و الحلو بشكل عام بيزيد السمنة (البدانة) و ازا بدنا نحكي عن المضار ما منخلص لبوكرا

بس مع ذلك ... بيبقى الحلو حلو
و لو كان الو عمل تاني غير انو ناكلو و نستمتع بأكلو (لاحظ انو الحلو دايما بيرتبط بمفهوم الجائزة... حتى بالجنة شي نهر عسل و شي نهر خمر .. سمعت عن نهر كاتشب بالجنة ؟؟؟)

بذات المقياس
الديمقراطية بتسبب الفوضى
حرية التعبير بتسبب مقاطعة مكعبات زبدة و ليغو و الخ و حتى حرق سفارات و اعلام دول ما الها علاقة بالموضوع ازا بدك

بس بتبقى الديمقراطية و الحرية موجودين لحتى نعيشهم، لحتى نرتقي و نتطور فيهم بعالم بعيد عن اليوتوبيا ملايين السنين الضوئية

بالنهاية، يللي ما بياكل حلو بتروح عليه
و يللي بياكل حلو ... وحدو بيعرف طعم الحلو

فاقد الشيء لا يعطيه

صحيح
بس هالموضوع ما بينطبق ع الحرية
لأنو حرية الشعب بتنطلق من حرية افراد من هالشعب

خلينا نفترض جدلا انو فاقد الحرية لا يعطيها
معناها يللي بيعطيها هوي جهة بيتمتع بالحرية
يعني ازا بدنا نغير وضع الحرية او الديمقراطية ببلدنا لازم نستنى حدا "حر" او "ديمقراطي" لحتى يعطينا ياها و هالشي مو صحيح
الفرنسيين حصلوا على حريتهم من استبداد الملوك بايدهم
و كذلك الروس مع قياصرتهم، و حتى الاميركان تحرروا من نير عبودية الملكة الانكليزية بدمهم

حتى السوريين تحرروا من الفرنساوية بدمهم

فاقد الشيء لا يعطيه
صحيح هالكلام
ازا انت بتدخن ما رح تقدر تقنع حدا انو يترك التدخين مهما سعلت و مهما فرجيتو صورة صدرك السينية
ازا حدا مكبل حالو بكل انواع التحجر العقلي... سواء كانت من النوع الديني او الاقليمي او العشائري او من النوع المرتبط بالاعراف و التقاليد السيئة .. او المرتبط بالخوف او الرعب من الاجراءات التعسفية تبع اجهزة الامن
اكيد ما رح يقدر يقنع حدا بالحرية او الديمقراطية
و هيك شخص ما بعتب عليه
عتبي على المثقف الواعي و المدرك لمخاطر انعدام الحرية و الديمقراطية ببلدنا

....
:D

انت عم تخون المعارضة
و انا معارض لهالنظام
عموما شغلة التخوين هي شغلة الضعفاء .. المفلسين فكريا و الاصوليين
يا بتكفروا يا بتخونوا
هدول الناس بتلاقيهم بمراكز الحكم و السلطة بالبلد حصرا، او قريبين منهم، و إلا ممكن تشرحلي شو معناة كل ما تعلن اميركا تجميد اموال شي مسؤول سوري بينط النظام بيزلغط و بيستنكر ؟؟؟
مين يلل عم يسرق البترول ؟؟؟
مين يللي آخد كل مشاريع البلد ؟؟؟
باسم مين كل مؤسسات الاعلام و شركات الانتاج التلفزيوني بهالبلد ؟؟؟
مين يللي متفنن بفن الضرايب ؟؟؟

ما كلهم باسم اذيال النظام يللي عم تخونني لما قول اني بعارضهم
و بالاخير بتجي بتتهمني او بيخطرلك اني ممكن كون عم اسرق البلد ؟؟؟ ليش ضل شي ينسرق ؟؟؟
مو انا يللي بكتب تقارير برفقاتي و بدكهم بالحبوس و بدمر احلامهم العادية و مستقبلهم
هدول يللي بيريقوا دماء الابرياء هنن اجهزة الامن حصرا

و ازا صار و طلعت بشي منصب بيأهلك انك تخون الناس ... فالخيانة جريمة فردية و ليست جماعية
لما بدك تخون حدا بتذكرو بالاسم
يا اما لا تستعمل هالكلمة بنوب
لأنو مو من حقك انك تستعملها
هي التهمة كبيرة
فيها اعدام
و ما خرج تستعملها ع الطالعة و النازلة

انا عيوني معمصة من الحقد .؟؟؟؟
لما بطالب بحقوقي بصير حاقد ؟؟
لما بطالب اني عيش محترم بدولة محترمة مو حايالله عنصر امن فينو يتمقطع فيني بصير حاقد ؟؟؟

ليش ما عم تفهموا عليي
الخيانة مو لعبة
الخيانة مو مسبة عادية
الخيانة جريمة من اخطر و اكبر الجرايم
ما هيي لعبة



الجملة الاولى يللي قبلها كانت "الحرية مو هبة"
باختصار لما اي رئيس يعطي شعبو الحرية ما بيكون عم يفضل ع راسهم بنوب
ما بيكون عم يضربهم منية
بيكون عم يعمل واجبو
عم يشوف شغلو
و غير هيك بيكون مقصر
بالنهاية .... رئيس الجمهوري (اي رئيس و اي جمهورية) مانو ملك


.........................
:fthink:

الحرية لجميع معتقلي الاخوية

طارق غوراني
حسام ملحم
علي علي

و لجميع يللي عم يتحقق معهم
دياب سرية
عمر العبدلله

و لجميع معتقلي الرأي بسوريا
:D:D:D:D:D
وحاج لليوم ..

منكمل .. وبتمنى من كل قلبي .. أنو يكون الناس عم توقف ولو للحظة تقرا هالموضوع .. :D

الحرية لشباب اخوية



ليش من ايمت كانوا يعتقلوا يللي عاطي لضميرو حبة اسبرو ؟؟؟؟
هدول حبيب ما بيعتقلوهم
هدول بيكرموهم و بيسلموهم البلد و رقابنا ازا بدك

تكرم عينك
و لو انو طلبك بيجوز يجيب آخرتي
بس تكرم

إلى عنصر المخابرات المكلف بمتابعة آخر المواضيع في منبر أخوية الحر
تحية و بعد
يسرني و يبهج قلبي أن تعرفوا اني أعتبر المعارضة أمر صحي و مشروع، كما و أرجو ان تبلغوا رؤساء الفروع التي تتبعون لها على اختلاف مشاربها الأمر التالي:
يرجى أخذ العلم أني أعارض الأوضاع البالية التي آلت إليها حال البلاد، و أحيانا بيطلع معي (مو دايما، احيانا) انو حزب البعث و المسؤولين عنه إلى اعلى السلم الهرمي فيه و في الدولة هم المسؤولين عن هذه الاوضاع بشكل أو بآخر
و يهمني جدا ان تعرفوا اني لم و لا و لما أتعامل مع اي قوى خارج حدود الوطن الغالي
بمعنى، اني مثلكم و اكتر بشعرة ... نعتبر اسرائيل عدوا استراتيجيا لوطننا، كما اني أعتبر أن السياسات التي تتبعها اميركا منذ سبعينات القرن الماضي إلى يومنا هذا ... هي سياسات معادية لمصالحنا القومية

بالعادة بختم كلامي بـ "ودمتم"
بس انتوا بالذات ارجو اللا تدوموا

المواطن المفعوص تحت بصاطيركم
كريمبو (و يللي بدو يقول طز .. طز عليه هوي)


انا مدرك تماما انو "إرضاء جميع الناس غاية لا تدرك"
و بعرف انو في عدد ضخم من الاشخاص التي تكره الموقع كلو و ليس فقط ادارتو
و بعرف اكتر مدى رفع طبقة الجليد التي نسير فوقها لما اخترنا الاعلان العالمي لحقوق الانسان كشرع و مبدأ لهالمنتديات ... بس مؤمن بأنو رح نوصل للضفة التانية

بصراحة يا جماعة
بحب باركلكم كلكم
و بحب اشكركم على مساهماتكم الرائعة بقلب هالموقع

مو بس اجهزة المخابرات مهتمة بهالظاهرة الفريدة من نوعها بعالمنا العربي (حرية الاعتقاد و الرأي في منتديات اخوية)
بل حتى وسائل الاعلام

في اخوية هناك رأي و هناك رأي آخر بشكل حقيقي و ملموس ... و ليس مجرد شعار مدحوش تحت لوغو احدى الفضائيات
في أخوية هناك حقيقة، بدون عمليات تجميل، بدون ماكياجات، مهما كانت مؤلمة او مخزية ... الحقيقة ستبقى وحدها موجودة في هذا المنتدى
هي الحقيقة ارعبت رجال المخابرات من ان تنشر فتنتشر
هي الحقيقة (حقيقة اختلاف وجهات النظر و تعدد الآراء) ارعبت من لا يسعهم التفكير بمجرد بوجود فكر مخالف لفكرهم... و في النهاية يتساءلون لماذا هم متخلفون

انا مع تشكيل قانون الاحزاب

هلأ مشان الاحزاب الدينية و العرقية

عندي توجه كتير حلو بيحل الازمة ...
كل حزب بيسمح بانتماء اي مواطن سوري بيتمتع بالاهلية القانونية لصفوفو هوي حزب مقبول .. و غير ذلك لأ
يعني ازا في حزب ما بيقبل الارمني السوري بصفوفو هاد حزب واجب منعو
ازا في حزب ما بيقبل الدرزي بصفوفو هاد حزب واجب منعو كمان و هيك

و معكم بمنع مظاهر التسليح للحزب و اقتصار التسليح على الجيش و رجال الامن

و ضد التمويل الخارجي للاحزاب
لا تقولوا مهاجرين و مغتربين و ما بعرف شو ...
اول ما ينفتح هالباب رح تصير حاكمتنا هيي السعودية و فرنسا و اميركا و .... الخ

نحنا بدنا احزاب سورية تحكمنا


انا قلت كل مواطن سوري اولا و يتمتع بالاهلية القانونية تانيا
هلأ سوري بتصور انها مفهومة
اما الاهلية القانونية فمعناتا انو ...
1- ما بيصير يكون الزلمة مجرم ضد الدولة او المجتمع
2- ما بيصير يكون اخوت او اهبل او اجدب او مجنون ... يعني قانونيا ما بيصير يكون سفيه او مجنون او مغبون غبن استغلالي او معتوه
3- لحتى يتمتع بالاهلية القانونية لازم يكون بلغ سن البلوغ القانوني
هلأ مو معقول يجي حزب البعث ينسب ولاد عمرهم 10 سنين بصفوفو
و لا حتى عمرهم 16 سنة ... يعني هدول الناس قانونيا ما عندهم القدرة على اختيار نمط حياتهم لا عنا و لا باميركا
فيك ازا حابب تتوجه (كونك حزب على فرض) لهالشريحة انك تعمل اندية او تعمل جمعيات او حركات ... الخ
بس ما بيجوز تنسب عالم زغار بقلب حزبك
اما بخصوص الناس الكبار بالعمر (يعني ستين و طالع مثلا) فمتل مو شايف حزب كاديما الاسرائيلي كل اعضاءو انتسبولو فوق الستين ... و هاد الحزب رح يقود اسرائيل ع شوي
يعني ما في مشكلة بتحديد سن للانتساب ... اصلا نحنا عم نحكي عن حزب سياسي مو حزب رياضي شغل عضلات و هيك..



ضد اي حزب ديني
ضد اي حزب عرقي
بغض النظر ان غيروا استراتيجيتهم من العنف للسلم
طبعا هنن بكل بساطة يبقدروا بمجرد انو يطير البيانوني و يجي واحد متعصب انو يرجع للاستراتيجية القديمة
بس بغض النظر عن هالشي
انا معارض للمبدأ تبعهم

الشعب السوري موزاييك ديني عرقي فريد من نوعو ... مسيحيين، اسلام، دروز، علوية، اسماعيلية، يزيديين، مرشدين، اكراد، ارمن، سريان، عرب، اشوريين، شركس، بدو .... الخ الخ الخ و كلو بيكن العداوة لكلو
الاكراد بيكرهوا السريان و العكس صحيح
الارمن بيكرهوا الشركس و العكس صحيح
السنة بيكرهوا العلوية و العكس صحيح
المسيحية بيكرهوا الدروز و العكس صحيح
و هيك
هدول الناس بدون تنظيم عم يدبحوا بعضهم عند اول فرصة (احداث السويدا بين الدروز و البدو سنة 2001، احداث القامشلي بين العرب و الاكراد سنة 2003 ... الخ) كيف لو تنظموا ؟؟؟
و اكبر دليل على هالشي احداث حماه
انت بتعرف اني دايما بندد و بستنكر المجازر يللي صارت بحماه
بس فكر فيها من وجهة نظر علوية .. رح تلاقي انو العلويين قبل ما يعملوا المجازر بدافع الحقد الطائفي، عملوا هيك لأنو من وجهة نظرهم ازا استلموا الاخوان السلطة رح يبيدوهم
ما فيك تبعد هالفكرة
المنطقة شهدت كتير حالات ابادة للاشوريين و السريان و الاكراد و الارمن و الموارنة و الدروز ... الخ
لا يمكن ان تكون السلطة في سوريا إلا سلطة علمانية و إلا انهارت البلد و فتنا بحرب اهلية ما بتخيل رح نطلع منها
عدا عن ذلك الشعب السوري اثبت بجدارة منقطعة النظير مؤخرا انو شعب متخلف همجي عاطفي احمق
قدام هالمعطيات في امامنا حلين لا ثالث لهما
إما انو تبقى حكومة المخابرات الحالية مع اعطاء فسحة اوسع للمثقفين للعمل و تشكيل حكومة تكنوقراط، مع بقاء الوضع العسكري بايد البعثيين (هي مطالب المعتقل كمال لبواني)
او انو نعمل ديمقراطية بشرطين اساسيين
1- تأسيس الدستور على اساس علماني بحت (فصل الدين عن الدولة و السياسة و الاقتصاد و القضاء)
2- تشكيل لجنة لصيانة الدستور و الحفاظ على العلمانية
و هي اللجنة ...
أ: أعلى سلطة دستورية بالبلاد
ب: لا تملك حق اصدار اي قانون او قرار، و لكنها تملك حق الفيتو على اي قانون او قرار يصدر من اي جهة كانت (رئاسية، برلمانية، حكومية، قضائية، عسكرية، ... حتى على صعيد فصل او تعيين معلم بروضة حضانة) في حال كان القرار بيتعارض مع العلمانية
جـ: يتم عند التأسيس اختيار اعضائها من العلمانيين السوريين المرموقين
متل رياض ترك، عارف دليلة، كمال لبواني، .... ياس، كريمبو، الحكيم، حشت نشت الزمخشري، ابو النسيم، ديموزي:p
و بعد التأسيس يتم تعيين اعضاء حسب الحاجة عن طريق التزكية من قبل الاعضاء السابقين

بالحالتين ما ممكن انو يتشكل احزاب دينية او عرقية

هلأ ازا في حدا كتير كتير مشردق و رح ينجلط لينظم شي جهة عرقية او دينية بإمكانو ضمن الحل التاني انو يعمل جماعة ضغط دينية او عرقية
و الفرق بين جماعة الضغط و الحزب انو جماعة الضغط ما بيحقلها تمثل حالها بالبرلمان او الحكومة بصورة مباشرة
و عليه لازم تتحالف مع احد الاحزاب يللي مرخصلها العمل السياسي ضمن الدستور و القوانين .. و بيتم تمريق مصالح جماعات الضغط عن طريق المصالح المتبادلة (حكلي بحكلك)، بالنهاية السياسة ليست سوى فن المصالح و المصالح المتبادلة

و دمتم :7asheesh:
:fthink:
... منكمل ..

مرحبا شبيبة
بخصوص معنى "سوريا"

في 3 نظريات ... و هيي نظريات لأنو ولا وحدة منهم مثبتة بحقائق علمية و انما استنتاجات مقبولة و صعب ردها

1- سوريا من أشور حسب الرؤيا اليونانية لأنو متل ما وضح وايت سنيك بردودو سرجون الاكادي هوي اول مين وحد هالبلاد تحت حكم واحد

2- سوريا من صور لأنو اهل صور اول مين ركب البحر و عرف باقي الشعوب على هالبلاد

3- سوريا من "سير" اله الشمس عند الهنود (عفوا منك زين بس اسمو سير) لأنو الدورة الطبيعية و النظامية للفصول بتتم بتناسق بهي البلاد

بخصوص السوريين سريان او غيرهم
ما ممكن حدا يحدد ... سوريا سكنها اكتر من 50 شعب اغلبهم انذكروا بالكتب المقدسة و جميعهم تمازجوا مع بعض و كونوا الشعب السوري الحالي (ما عدا اليهود)
الهجرة على سوريا بدأت من فجر التاريخ و لسا ما خلصت ... يعني بس من 100 سنة هاجر على سوريا شركس و ارمن و اكراد و ... الخ، و رح تبقى حركة الهجرة من و الى سوريا شغالة

كيف يعني ؟؟؟
كيف يعني بدكم ياني اعترف انو لبنان شعب و سوريا شعب تاني مختلف تماما ؟؟؟
يمكن هنن دولتين
يمكن هنن علمين و نشيدين و حدود و كل شي بدهم ياه سايكس و بيكو و جنبلاط و خدام و كلهم
بس انا من جوا ما فيي كون سوري بدون ما يكون لبنان جزء مني
و ما بتصور انو في لبناني بيقدر يكون لبناني بدون ما تكون سوريا جزء منو
آخ يا لبنان
زعلي طول انا وياك
و سنين بقيت
جرب فيهم انا انساك
ما قدرت نسيت
ما حدا يتصور انو ممكن بيوم من الايام رح تزيد محبة سوريا بسبب كره لبنان
بس شو بدنا نعمل
في ناس من كتر ما حبوا وطنهم .... قضيوا عليه


نص قرايبيني عايشين بلبنان و منهم عمي اخو ابي
بعيد الفطر (يللي بييجي بعد رمضان) كانت خطبة بنت عمي على واحد لبناني من اشد القواتيين (جماعة الحكيم جعج) ... بنص الحفلة اخو الخطيب رفع كاسو و نادالي و قللي "و لك خيي، ما عاش بدنا الحئيئا، بدنا نشوفكم بصحة ع طول و بس"
و ازا بدك وائل كفوري قرايبي و اهلي كتير صحاب مع اهلو و ياما زايرينهم ببيتهم القديم بحوش الامرا بزحلة
صلا عشت سنة و نص بمنطقة كسارا بزحلة و درست بالمدرسة الانجيلية فيها
و الاستاذ جورج ابراهيم الخوري من اشد اصدقاء والدي و هوي يللي درسني الصولفيج (مع انو صوتي مو حلو)
اما مشان الحقد و الكره
عفوا منك ابو الفود ... بس نحنا هون بسوريا، و مو طايقين مخابراتنا و ضباطنا البلهموطية الزعران
بدك هنن يحبوهم ؟؟؟
كيف بدك صاحب السوبر ماركت يحب السوريين لما يجي لعندو الضابط السوري و يقشللو نص السوبر ماركت و يمشي مع تكشيرة او بهدلة لأنو ما لقا شي صنف كان ناوي يقشو ؟؟؟
كيف بدك صاحب الارض اللبناني يللي بدو يعمرها و مستأجر سوريين و ميت رعبة منهم ما يغلطلو بشي كلمة هيك و اللا هيك قدامهم و يروح فيها بشربة مي انو يحبنا ؟؟؟
كيف بدك ام السجين اللبناني يللي بسوريا او اختو او ابوه او ابنو انو يحبونا ؟؟؟؟
انا ما عم قول انو اللبنانية معهم حق يكرهونا ... بس ممكن اني اعزرهم و اتفهم موقفهم
يللي ما بقدر افهمو هوي ليش المعاملة بالمثل ؟؟؟ ازا نحنا زغرنا عقلنا متل اغلبيتهم و ما سمعنا صوت العقل يللي عم يصرخ بهالعجقة من عنا و عندهم رح نخسر اكتر بكتير من يللي خسرناه لهلأ
و ما عم قول انو اللبنانية كلهم رحابنة و كلهم عاقلين
متل ما عندهم جنبلاط الغدار ... عنا خدام الخاين
متل ما عندهم حريري نصاب ... عنا مليون مخلوف حرامي
بنفس الوقت
متل ما منحب صباح ... بيحبوا رويدا عطية
متل ما منحب سعيد عقل ... بيحبوا نزار قباني
متل ما منحب الرحابنة ... بيحبوا سعد الله ونوس
بالنهاية ما حدا مستفيد من الكره يللي بين السوريين و اللبنانيين اكتر من اسرائيل
و دمتم :7asheesh:

.................

برأيي الحرية ليست برشامة او تحميلة مندحشها بيقوم بيمشي الحال و منطيب من مشاكلنا الاجتماعية
ولا اغنية وطنية و لا عاطفية... حتى لو صدحت ام كلتوم من هون ليوم الدين "اعطني حريتي اطلق يديا" ما رح نحصل على غرام حرية
و لا هيي قوالب جاهزة من العقائد و الايديولجيات .. منتبناها بيقوم منصير احرار
و لا هيي مجموعة من المقالات و الكتب ازا قريناها منصير منعرف كيف نمارس الحرية
مشان هيك ... حتى لو صار طول الموضوع عشرين كيلو متر، ما بيكفي انو نقراه لحتى نصير نفهم الحرية
و ما بيكفي لحتى تكون حر انك تولد من ام حرة و اب حر، و لا حتى هوي شرط من شروط التحرر

الحرية -قبل كل شي- مسؤولية
لا تحرم غيرك مما تبيحه لنفسك و لا حتى من كل ما تحرمه على نفسك
بل عامل الناس كما تريدهم ان يعاملوك

و الحرية -بعد كل شي- تربية و ممارسة

كيف بدك من شعب كامل مفعوس من 2500 سنة بما هب و دب من الجيوش من الاشوريين للاميركان، مرورا بالاغريق و الرومان و الفرس و العرب و التتر و الصليبيين و الترك و الاوروبيين و اليهود و البعثيين و الناصريين و الشيوعيين (يعني مو بقيان غير الهنود و الحبشيين ما احتلونا) انو يقدر يحكي عن الحرية ؟؟؟
كيف بدك من شعب "نصو انبيا" على قولة شكري القوتلي انو يتحرر من وصاياهم ؟؟؟؟
كيف بدك من شعب "اخترع الله" بالالوان انو ما يشوفو شخصي 32 بت؟؟؟؟؟

الحرية بدأت من عنا (أمارتا) بس مع الاسف خلصت من عنا (البعث)

ما بيمشي الحال انو نستورد حرية ماركس و جان دارك و لوثر كينغ و غاندي

لازم نرجع نحيي "أمارتا" لحتى نرجع الحرية لمسقط رأسها

و دمتم :7asheesh:



معقول ؟؟
معقول يكون النظام محظوظ لهالدرجة ؟؟؟؟

معقول يكون الحل بالنسبة لهيك نظام عفن يجي من اكثر المتضررين منه ؟؟؟؟

لا لا
المسألة ما هيي مسألة حظ على الاطلاق

المسألة مسألة عقدة

عقدة هيلسنكي
بالتعريف: هيي تعاطف الضحية مع الجلاد عندما يتحول هذا الجلاد الى ضحية لجلاد آخر
سبب التسمية: تم رصد و دراسة هذة الظاهرة على المستوى الاجتماعي لأول مرة، عندما قام المقاومون من اهالي مدينة "هلسنكي" (عاصمة فنلندا) بحماية الجنود الالمان النازيين (يللي كانوا عم يقاوموهم)، و صاروا يخبوهم و يحموهم من بطش قوات الحلفاء يللي اجوا لحتى يحرروا المدينة من النازية

لوحظت هذة العقدة مع معظم حالات الاختطاف جماعي للرهائن (اختطاف الوفد الرياضي الاسرئيلي في ميونخ، اختطاف وزارء النفظ في فييننا... الخ) و تبدأ مع ضعف المختطفين (الجلاد) نتيجة ضغوط خارجية (جلاد الجلاد) و تنتهي مباشرة بعد سقوط الجلاد، و يعود الناس الى رشدهم

و هالموضوع هوي إظهار مبكر لعقدة هلسنكي

طمن بالك ياس ... لن يطلق على سوريا قذيفة واحدة
انا متأكد من هالشي
سوريا هيي دولة التوازن الوحيدة بالمنطقة
معظم اللاجئين العراقيين عنا
و كذلك الفلسطينيين، و الارمن و الاكراد و الاشوريين السريان، لك حتى اللبنانيين
هدول الناس مع اول قذيفة رح تسقط بسوريا رح يحملوا خيامهم و يدوروا ع بلد استقرار تاني
و بالتأكيد معهم رح يكون في لاجئين سوريين يمكن بيفوقوا مجموعهم بالعدد

و المشكلة انو ع الخريطة ما في دول استقرار
لوين بدهم يلجأوا ؟؟؟
للبنان ؟؟؟ 100000 فلسطيني فيها عاملين ازمة الها اول ما الها آخر
للاردن ؟؟؟ ما هوي متخم باللاجئين الفلسطينيين "all ready"
لاسرائيل ؟؟؟ خلينا ضمن التفكير المنطقي

اميركا بتعرف هالشي، شيراك بيعرف هالشي، و حتى الحريريين بيعرفوا هالشي
و المشكلة انو البعثيين و الاسديين بيعرفوا هالشي، و الاخطر انو بيعرفوا يستعملوا هيك معلومة كتير منيح بعقد الصفقات

ما حدا بدو دبابة اجنبية بسوريا
المطلوب تغيير النظام من الداخل بدون تدخل عسكري خارجي
هاد مطلب الجميع و الجميع متفق ع هالشي

لو رحل صوتي ما بترحل حناجركم
عيوني على بكرا وقلبي معكم ... (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

:cry::cry::cry::cry:

اااخ ياميمو
الحرية لكريم وحسام ودياب وطارق وكل شباب اخويتنا
الحرية لمعتقلي الراي في سوريا
الحرية لسوريا
الحرية لشبابنا:cry:

منكمل ..

بعدين يا جماعة لسا بتقولوا مبادئ البعث بتجنن و ما بعرف شو
لك انتوا عندكم فكرة بالاول عن مبادئ البعث ؟؟ عندكم فكرة انو البعث لهلأ بعدو عايش على "بعض" المنطلقات النظرية
بتعرفوا انو البعثيين ما عم يطبقوا حرف واحد من بعثيتهم ؟؟؟؟؟؟
انا ضد هالعصابة يللي اسمها بعث
ضد الجبهة الوطنية يللي ع اساس انها تقدمية ... بس يظهر انو تقدمها لورا
و ماني مستعد حط ايدي بايد البعث حتى من اجل الدفاع عن سوريا لسبب بسيط .. انو متأكد انو البعث ما رح يدافع عن سوريا في حال صار شي لا سمح الله متل ما صار بالعراق ... طقوها فريكة الشباب
ازا صار شي لسوريا رح كون اول مين بيدافع عنها ... بس ما رح حط باعتباراتي اطلاقا انو ممكن يكون البعث حليفي بهيك معركة
لأنو ... و يللي بيقرا تاريخ البعث بيعرف انو البعث اول واحد رح يتحالف مع اميركا ضد سوريا
و دمتم :7asheesh:
من حرقة قلبنا ع البلد عم نحكي ... و لما منتمسخر منتمسخر ع الساسة تبع البلد ... متل ما نك شايف سياستهم رح توصل اميركا لحضننا

امبريالية و صهيونية ؟؟؟؟ يا رجل يللي اخترعوا هالمصطلحات بطلوا يحكوا فيها ... خوش ع شوي كان رح يعملوا سلام مع الصهاينة بس ربك ستر و انقتل رابين ... و ع فكرة الشباب مقهورين كتير عليه و كل شوي بيطالبوا بالوديعة
ازا ما عندك خبر بكل بساطة لو كان عننا اعلام كنا قدرنا نفهم الناس شو القصة ... هي شغلة الاعلام الضعيف تبعنا عمرها شي 50 سنة على ما اظن ... لهلأ ما كانوا يعرفوا يزبطوه ؟؟؟؟؟

هي مقترحاتي فوق ... بتحل ازمة الاعلام و بتحل مشاكلنا مع اميركا و ما بيعود فيها اميركا تتدخل فينا بنوب و بتخرس خالص لو اتطبقت مقترحاتي ....
الدور و الباقي ع الشباب الطيبة ... نحنا حاطين مقترحات .. بالاخوية و برات الاخوية ... بس بدك مين يطبقها ... ع القليلي يخلونا نطبقها ...

معك حق ... الناس من كتر ما شافت ويلات و معتقلات و اقبية بفروع الامن فضلت تنام ...

اما نحنا يا اما مجانين مو خايفين ع حالنا، يا اما مقايسين و ما فارقة معنا، يا اما شايفين انو بلدنا بتستاهل انو نضحي كرمالها ... بلدنا، مو رئيسها و لا الحزب يللي عم يتمقطع فيها

و دمتم :7asheesh:


يللي حضران فيلم العراب الجزء الاول رح يلاقي انو في تشابه كبير بينو و بين حياة حافظ الاسد ... بيغدروه اصدقاءو بيطلع ع كتاف الغير بيموت ابنو الكبير ... بيستلم ابنو الزغير و بيصفي الكل و بيبقى هوي

حاليا لما عم نشوف حياة بشار الاسد منلاحظ انو عم نحكي عن الجزء التاني من العراب
مساءلات قدام جهات عليا
محاولات تدمير
خيانات عائلية

و بالنهاية بيطلبوا من الخاين ( يللي خان عيلة الاسد ) انو ينتحر و بالمقابل بتبقى عيلتو عايشة معززة مكرمة

غازي كنعان حط الفرد براسو و قوص ... بس مو هوي يللي قرر هالشي

و النتيجة هيي هيي

و دمتم :7asheesh:



نسيت خبركم شغلة

باقي مشهدين من فيلم العراب 2 ما صاروا بحياة الرئيس بشار الاسد ....

لما بتهجرو مرتو

و لما بيقتل اخوه و بيصفي اعداؤو

عموما .... إن الغد لناظره قريب

بحب خبرك ازا ما كان عندك خبر ... محمد حربا وزير الداخلة الاسبق كان سني ... و شفنا الويل منو
و الله لا يسمع منك و يبعتلنا واحد سني متدين بدو يفرض شرع الله ... لأنو خراب الشام على ايدو باذن الله
بحب خبرك انو ما عندي مشكلة مع السنة ... بس عندي مشكلة كبيرة مع ما تسميه شرع الله
بالله خبرني حسب شرع الله السيارات بتوقف ع الاشارة الحمرا و اللا الخضرة ؟؟؟؟
اي نحنا بدون شرع الله و بنظام على اساس انو علماني و مواطنين درجة تانية .... لكان مع شرع الله شو بيصير فينا ؟؟؟
شفنا شرع الله ايام طالبان و شايفينو بالسعودية ... بقا معلش اسمحلي ، انا بحب سوريا و بخاف عليها و بردلها الخير و مستحيل اني بيوم اقبل انو شرع متحجر انحط لقبائل بدوية من 1400 سنة و بيعتبروها العلماء حلقة داروين المفقودة بالارض يللي اهدت التشريع و القانون للعالم كلو
و دمتم :7asheesh:
بخصوص قطع اليد ... يعني مع احترامي للجميع هاد مو حل ... و قضية انو يد الانسان اغلى من الملايين غلطان كتير فيها
شخصيا ازا بتضمنلي راحة الضمير و البال في حال سرقت و تم قطع يدي ... انا اول واحد رح اسرق و بأيدي بقطع ايدي و يا دار ما دخلك شر
حتى بالكلام عن الرادع ... انت جبت مثال جيد .. يللي بدو يركب بدو يدفع و المتهرب عن الدفع ( سارق شركة النقل ) بيدفع اكتر بكتيييييير من غيرو ... بس اكيد ما بيقطعولو لا ايدو و لا رجلو
و ازا ما دفع بينسجن و بيشتغل بالسجن ليدفع
و الحرامي حرامي ... لو قطعتلو مو بس ايدو ... رح يبقى حرامي
و بخصوص الهجرة ...
المستوى المعيشي للمسيحيين بالبلد جيد جدا ... و ليست لقمة العيش هيي يللي دفعت المسيحيين للهجرة
يللي دفعهم للهجرة هوي الاضطهاد العثماني و الفتن بينهم و بين الكراد
و حاليا يللي بيدفعهم للهجرة هوي انعدام الحرية اولا و التخلف ثانيا و التعصب الاعمى عند المسلمين ثالثا
مع انو انا معك بموضوع انو الحكومة بتشجع الهجرة و خصوصي هجرة العقول ... و الدليل هوي قانون البدل يللي بيحق للمغترب انو يدفعو و غيرو بياكلها
كل واحد بيخلص جامعتو بيصير همو يأمن شغل بالخليج ... بس لحتى يخلص من ذل العسكرية ... بدال ما تكون العسكرية فخر صارت ذل
لأنو الناس يللي عم تحكي عن شرعهم قرروا انو هنن و بس بيحقلهم يبقوا عايشين و كفروا كل الناس .. عموما حتى لو سمحوا انو يعيش اهل الذمة بشرط انو يكونوا عبيد لالهم ... اما العلويين فهنن كفرة وجب قتالهم حسب الشرع العنصري الفاشي يللي عم تدافع عنو ...
و بهالحالة بالتأكيد من حأ العلويين انو يدافعوا عن انفسهم بالطريقة نفسها يللي بتحكوا عنها ( قطع الايدي ) و حتى الرقاب ... انت قلت انو الايد غالية فكيف الروح ؟؟؟
الاخوان المسلميين و الاصوليين و اتباع السافل الخاين اسامة بن لادن و الديوس الحقير الفلسطيني ابو مصعب الزرقاوي يللي تارك فلسطين و رايح يغدر و يخرب بالعراق ... امثال هيك سفلة هنن يللي برروا للعلوية انو يبطشوا ... و يللي بيطبش ما بيفرق بين المنيح و العاطل ... و طالما قدروا يبطشوا شو المانع انو يسرقوا ؟؟؟
بعد ما برر الاصوليين الحمقى بطش العلوية بتجوا بدكم تحاسبوهم على سرقاتهم ؟؟؟
عن جد يا رب لا تواخزنا على ما فعل السفهاء منا و السفهاء هم الاصوليين ...
اما عن بيت المال ...
ما رح ناقشك فيه
ما بتصور انو عندك المؤهل الكافي لا انت و لا احسن شيخ جامع و لا احسن عالم دين .. لك اصلا شو دخل الدين بالاقتصاد ؟ شو دخلو بالقانون ؟؟؟
و لسا بتسألوا ليش التخلف ضارب اطنابو بالمجتمعات المسلمة ؟؟؟؟
ما تفوق الغرب ع الشرق غير لما قسموا العمل و تخصصوا
و طبعا بهالوقت ... كان شيخ الجامع بالشرق بدو يجمع الطب و البيطرة و الفلسفة و الاقتصاد و القانون و الفلك و التعليم و ........الخ
ما رح نصير عالم و ناس غير لما يصير عدد يللي بيعرفوا انو مستحيل ينجمع الكون باسرارو بكتاب واحد اكتر من يللي مفكرين انو كل شي مكتوب بهالكتاب ... مع انو الكتاب زاتو بيقلهم انو مو كل شي مكتوب فيه ( بس الهبل هبل )
كل ما بيدق الكوز بالجرة بيقولولنا شوفوا شو عمل عمر بن عبد العزيز و شوفو شو عمل ابو بكر و شوفو شو عمل علاك البان
طيب انا عم شوف انو ما عملوا شي
شو رأيكم تشوفوا وين صرتوا من ورا هالناس ؟؟؟
شو رأيكم تشوفوا وين صار غيركم من ورا انو ما سألوا شو عملوا هالناس ؟؟؟؟


و بناءا عليه رح اعطيك ليستة زغيرة ...
محمد حربا وزير داخلية اسبق سني
محمد عبد النبي عماد سني من حوران
صبحي الطيب استلم قيادة القوات الخاصة و هوي سني من النبك
مصطفى طلاس وزير الدفاع سني من الرستن
محمد زهير مشارقة نائب الرئيس سني من حوران
عبد الحليم خدام نائب الرئيس سني من بانياس
عبدلله الاحمر امين قطري مساعد بحزب البعث سني من التل ( ريف دمشق)
و القائمة تطوووووووووووول بس ما عم يحضرني اسماء حاليا
كل هدول كانوا سنة
و البلد خربانة
ازا هالكلام الو نتيجة انو ما دخل الطائفة او الدين بالسياسة

اما بخصوص انو 50% من المعتقلين باوروبا و اميركا محبوسين لأنو ما عم يدفعوا يللي عليهم ... رح نفترض انو النسبة صحيحة و بقللك انو التصرف صحيح 100% اما انو نقطع ايدهم ... فهاد خاطئ 100%
بخصوص اسباب التقدم الغربي
بس قبل بحب سجل انو كل الاعدامات بدون محاكمة يللي تمت خلال فترة الثورة الفرنسية هيي وصمة عار بتاريخ الثورة
كل الاعدامات اللي تمت من قبل محاكم التفتيش الفاتيكانية هيي وصمة عار بتاريخ الكنيسة الكاتوليكية و الكنيسة قبل نهاية الالفية التانية اعتذرت عنها كلها
و اي اعدام بدون محاكمة و اي تجريم بدون محاكمة هوي وصمة عار بأي نظام و بأي ثورة
مو متل ما عم تحكي انو سبب تقدم الغرب انو اقتبسوا حضارة العرب و لا لأنهم اعدموا الخونة
السبب الرئيسي انو انفتحوا ع العرب و ع الشرق ... استوعبوا حضارتهم، ما تعصبوا ضدها، استفادوا منها و طوروها ... بعكس ما عم يعملوه المسلمين اليوم من اعتبار اي شيئ جايي من الغرب هوي بدعة من الشيطان ...
لم يكن باي يوم من الايام اعدام الاشخاص سبب للحضارة لا باوروبا و لا بغيرها
و الدليل انو الثورة تمت بفرنسا و المقصلة تمت بفرنسا بس بريطانيا كما متطورة و المانيا و ايطاليا و اميركا و ....الخ
و عصر النهضة بلش باوروبا ابتداءا من فلورانسا الايطاليا مو من باريس الفرنسية
ما عم انكر دور الثورة الفرنسية بتقدم الغرب بس عم اكدلك انو الاسباب يللي ذكرتها هيي غير الاسباب
لازم لازم يكون القانون فوق الجميع
لازم لازم يكون في قانون اساسا لأنو ازا ما عندك علم نحنا عايشين ضمن قانون طوارئ بيفرض الاحكام العرفية
لازم يكون في انتخابات ديمقراطية
لازم يكون في حرية صحافة لأنها السلطة الرابعة و الرأي العام و المراقب الاول يللي بيكافح الفساد

مو قطع ايدين و رجلين و فتح تكيات بلا فايدة و ما بعرف شو ...

اما بخصوص التعصب
انا متعصب لحرية التعبير و حرية التفكير يللي بيخنقها اي شخص بباقي المنتديات بمجرد انو يذكر شي حديث نبوي او آية قرآنية و خلص يا ويلو يللي بيعارض ...بيكون عم يعارض فكرة بيصير عم يعارض الله و حلال قتلو
انا رافض رفض مطلق اي جهة بتمنعني من اني شك و فكر، حتى باقدس المقدسات بشك ... ازا كانت قوية بتلغي شكي ... ازا كانت ضعيفة فلتدمر مو يجي حدا و يدافع عنها بحجة الجهاد


..... :fthink:

م
طيب وين " حق " الهنود الحمر باميركا؟؟ ... هدول يللي عايشين بمحميات تماما متل محميات الفيلة بافريقيا
وين " حق " سكان اوستراليا الاصليين يللي صاروا بيعتبروا " عالة " على الاوستراليين ؟؟؟

الحق اخواتي بيموت ... و باعتبار انو الاعمار بيد الله فما في وقت محدد لموت الحق
يعني حق المانيا بالالزاس و اللورين مات بسبع سنين
بينما حق الكاتوليك الايرلنديين بحكم بلادهم صرلو الف سنة عم يحتضر و مع ذلك لسا ما مات و ممكن بيوم يتجسد على ارض الواقع
هلأ طالما الحق " بيموت " معناتا اكيد بدو يكون بيوم " عايش"
و متل كل شي عايش لازم يتغذى

هلأ المطالبة بالحق هوي جزء من غذاءو لكن ما بيكفي
يعني نحنا صرلنا 57 سنة عم نعوي و نطالب بحقنا بفلسطين و 85 سنة عم نطالب بحقنا باسكندرونا و مع ذلك يوم ورا يوم عم نتنازل عن جزء من حقوقنا
في جملة كتير حلوة قالها العلامة " انطوان سعادة " : لا يكون الحق حقا إلا بقدر ما يدعم من قوة
يعني لحتى نرجع حقوقنا باراضينا لازم ندعمها بالقوة ، بالجيش ، بالعسكر ، بالسلاح و الحديد و النار
شو هي طاولة المفاوضات :jakoush:

لك يا جماعة ... اليهود توهموا انو الهم حق بفلسطين ... قاموا من كتر ما دعموا " وهمهم " بالقوة تحول لحقيقة :jakoush:
شو رأيكم .... معي حأ ... و اللا لأ ؟؟؟
و دمتم :D

اليس من حق فرنسا ان تدافع عن ارضها و تسترجعها ازا احتلتها المانيا؟؟؟
بالتأكيد باعتبار انو الحق لا يموت ( من وجهة نظرك ) فمن حق فرنسا انو تسترجع اراضيها
خليني كون واضح اكتر
اليس من حق " اليابان" انو تسترجع اراضيها ازا احتلتها سويسرا؟؟؟
بالتأكيد من حقها
طيب اذا فرضنا انو الحق " لا يموت " متل ما عم تقول
اليس من حق سوريا التي عاصمتها دمشق ... ان تسترجع افغانستان يللي احتلتها اميركا؟؟؟
كيف زبطت معي ؟
لأنو افغانستان كانت بيوم من الايام جزء من اراضي الدولة الاموية يللي كانت عاصمتها دمشق
ابدا ابدا
الحق هوي اللي بيموت و ليس المطالبة به
المطالبة مجرد تعواية .... غذاء للحق ... مو اكتر
الحق هوي يللي بيموت
من كام سنة رفعت الصين دعوى ضد اليابان عم تطالبها بتعويضات لأنو الجيش الياباني استأجر خدمات ( عاهرات صينيات ) لترفيه الجنود اليابانيين ايام الحرب العالمية التانية و ما دفعولهم
الجنود اليابانيين ماتوا ...و العاهرات الصينيات ماتوا
و مع ذلك طلع واحد صيني و عوا و طالب :lol:
الحق بيموت
حق المسيحيين السوريين بحكم بلادهم يللي انتشرت منها المسيحية مات تحت اقدام الجيش الاسلامي الفاتح ... و صار حق المسلمين بحكم البلاد مدعوم بالدستور السوري
و كذلك حق الاقباط بحكم بلادهم مات ... الاقباط يللي اسمهم مشتق من اسم مصر الحقيقي ، مصر اسمها بالاجنبي " ايجبت" بس المصريين يا عيني بيقولوا عن حرف الـ ج حرف الـ ق( متل ما بيلفظوها الخليجية) فكان بينقال عن المصريين " جبت " و بالعربي " قبط " يعني اسمهم بيعني انهم " مصريين حقيقيين ) و ليسوا قبائل عربية مسلمة دخيلة
و دمتم :D

تركيا دافعت عن ما تعتبره حقها باللواء و قدرت تاخدو
نحنا بكينا ع الاطلال ( مشان ما حدا يزعل من كلمة تعواية ) و ولولنا
لما نبطل لطم و ولولة و نرجع نشتغل متل الزلم ساعتها منقول انو في النا حق باللواء
بس من هون لوقتها ..... الله يرحمو و يحسن اليه
و دمتم :grin:


.... :fthink:

سوريا الله حاميها (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

حاج لليوم .. بس بدي نسمع جوليا .. ونصرخ معا .. نشيد الحرية ..
من الأسر طلعوا (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
من الأسر طلعوا .. ولعنا ارجعوا
لألكن كل الحرية
وعيون الشمس الدهبية
جايي غني والغنية من قلبي اسمعوا
من الأسر اطلعوا
من القهر اطلعوا

دعساتن كانت مسموعة
ودقات قلوب الموجوعة
شو كان قاسي لون العتمة
أسود أسود متل قلوبن
ما اطول ساعات الغربة
عم تزحف كانت عدروبن
الحرية ندهتكن هلق
يا رفاقي اسمعو