-
دخول

عرض كامل الموضوع : الاعيب الشباب على البنات بالأحرف الأبجدية

alaa_rsh2007
11/08/2007, 11:39
رح فرجيكن هلأ كيف الشباب بيلعبو على البنات بكلامهم
حرف الألف....
أنا صلي مدي عم راقبك ومعجب فيكي وبشخصيتك....ملاحظة (هوي بكون أول مرة بشوفها)

حرف الباء...
بحس لما بشوفك كإني ملكت اغلدنيا....(وهوي مابحس بشي أصلا)

التاء...
ترى أنا أكتر شي بحبو بالبنت انها تغار على حبيبها...(اي صدقنا)
الثاء..
ثواني بس لاحكي مع رفيقي على الخط التاني,,,(وهي طبعا رفيقتوا..)

الجيم...
جعبلي كون أنا وياكي لحالنا بهالحياة وما حدا معنا.....(وهوي بكون جعبلوا يروح لانو عندوا موعد مع وحدي تاني واتأخر كتييييير)

الحاء...
حبيتك حب فوق الخيال مابتتخيلي قديش حبك عم بزيد بقلبي يوم بعد يوم ...(وهوي ماعندوا قلب ليحب فيه)

الخاء....
خايف يجي يوم ونتفرق ..(وهوي بكون عم يستنى هاد اليوم)

هلأ هون بكون بلش يطفش منها وبدوا يغير البنت فببلش يتهرب منها....

الدال...
دقيتيلي اليوم والله ياحبيبتي كنت حاطط الجوال صامت وماشفتوا لهلأ...(وهوي بكون جنبو وصارعوا)

الذال..
ذبحتيني لسه وين رايح وين جاي....(اي طول بالك أعصابك)

الراء..
رايح اليوم مع اهلي على سهرة ماراح اقدر شوفك خليها لبكرة حبيبي..(وهوي بكون مبلط بالبيت)

مامشي الحالها الخطة الأولى للتهرب فقرر يعمل خطة تاني....

الزين...
زمان كنت قول انو مستحيل بنت تغيرني بس انت مو بس غيرتيني انت خليتيني صير شخص تاني....(هاد طبعا تفحيط بس مشان ما تحس عليه انو كان عم بتهرب منها...

السين...
سني ورا سني عم بزيد حبك بقلبي..(يا أخي ماقلنالك ما عندك قلب لحتى تحب شو مابتفهم)

الشين...
شايفي القمر شو بعيد بعد القمر بحبك..(عفوا....قصدوا شايفي القمر شو بعيد انشاء الله بدي شوطك لعندوا واخلص منك.....

الصاد..
صاير ما عم احلم غير فيكي ..(اقصدو صاير ما عم احلم غير بخلاصي منك....)

الضاد..
ضايع حاير من غيرك....(قصدوا طالع صايع من غيرك)

ط
طالع على الشام شي اسبوع بشغل يمكن مااقدر دقيلك كل يوم بتعرفي شغل وتعب رح اشتقلك...(هوي طالع على الشاطئ الأزرق شي اسبوع وما راح يلاقي وقت يدقلها...

ظ...
ظرف طارق اجاني مضطر هلأ سكر بحاكيكي بكرة ....(((طلع فلم ظرف طارق ومضطر يتابعو))))

ع
عيني لقيمت بدك اتمي تغاري علي (وهي بتكون اول مرة بتغار عليه))

غ
غيري غيري غيري....خلص طفشتيني..(مو على اساس اكتر شي بتحبو بالبنت الغيري ))))

الفاء...
فايت بالحيط ترى ماني قدران اسمع ولاكلمي يلا باي...(وهوي بكون فايت بالحيط لانو ماعم يقدر يخلص منها)

القاف..
قرفت حياتي وجاي على بالي طخ حال واخلص....(يعني اخلص منك بالمشرمحي)

الكاف...
كان عندي موعد ولغيتو مشان ماتقوليلي ما بتحبني,,(كذبك حلو)

اللام..
ليكي وينك ماتنقي كتير بتطفشيني بعدين (وهي مابتكون عم تنق بس هوي طفشان اصلا)

الميم...
ماني متحمل حدا حلي عني هلأ..(طبعا لانو عم ببلش يطبق بنت جديدي)

النون..
نسيني اعتبريني ماكنت بالحياة (مو على اساس بدك تكون انت وياها لحالك بالحياة...

الياء...
يابنت الحلال انا وياكي مالبعض مارح نقدر نتفق مشان هيك كل واحد يشوف طريقو احسن (طبعا هوي طريقوا تطبيق بنت جديدي))
:yahoo::yahoo::yahoo:
الآلهة
11/08/2007, 11:54
الله يخرب بيتك فضحتنا:lol:
جمانة شهاب
11/08/2007, 13:00
حلوة :lol:
alaa_rsh2007
11/08/2007, 13:12
الله يخرب بيتك فضحتنا:lol:

عم نمزح
يا صبايا لا تخادوها جد مو كل الشباب مثل بعض:o:larg:
ABD ALKHALIQ
11/08/2007, 14:37
:hart:حلوه يعطيك العافيه:hart:
NOhoneyNOmoney
11/08/2007, 14:42
ههههههههه
قولو من اول هيك حركاتكو :pos::pos::pos:

يسلمو على الموضوع :lol:
pioneer
11/08/2007, 14:49
حرف الميم
مشاركة كتير مهضومة
حرف الالف
اصابيعك مو كلا متل بعضا
حرف الدال
دمت بود
Haifa
11/08/2007, 17:09
كتير حلوين
و فيون وجهة نظر :pos:
جوجو الامورة
11/08/2007, 18:03
لا اذا هيك طمنتنا واذا كل الشباب هيك الله يعينا عليكن
جوجو الامورة
11/08/2007, 18:05
لانو سمعنا من هالحكي كتير يعني معقول يطلع كزب عن جد الله يطمنك
alaa_rsh2007
12/08/2007, 09:15
لا اذا هيك طمنتنا واذا كل الشباب هيك الله يعينا عليكن



مو كل الشباب مثل بعض يعني حدا بيفضح حالوا حطينا لتسالية عم فكر اكتب الاعيب البنات
:deal::deal::deal: لأنو كمان مو بس الشباب والبنات فيهون بركة:jakoush::jakoush:
الآلهة
12/08/2007, 09:55
مو كل الشباب مثل بعض يعني حدا بيفضح حالوا حطينا لتسالية عم فكر اكتب الاعيب البنات
:deal::deal::deal: لأنو كمان مو بس الشباب والبنات فيهون بركة:jakoush::jakoush:
عم شم ريحة فضايح ماكنة
اي شريك كتر منها الفضايح
alaa_rsh2007
12/08/2007, 13:21
لعيونك طول بالك علي رح نزل الاعيب البنات لأنو مو بس الشباب بيلعبوا على البنات:lol:
Tears_Castle
12/08/2007, 13:40
:jakoush::jakoush:
wave
12/08/2007, 23:58
الله يخلبك لييتا
The Dark Dragon
15/08/2007, 06:00
شو مشان وين حرف الهاء.....ولا لغوه من اللغة العربية:shock: :shock: :shock:




يعني هالكلام مانو صحيح...ومدري ليش بعض البنات عجبون كتير الموضوع



يعني شو هالشب وشو هالبنت اللي كاتب قصتون



يعني هو اهبل وهي هبلة



والطيور على اشكالها تقع











:lol: :lol: :lol: :lol: :lol:





شو رأيك بالعصبية:sly:


يعني هلا بدنا نستحمل سآلة البعض عبال ما ينزل موضوعك التاني:oops:



يلا استعجللنا فيه:oops:





وهي الك مشان الموضوع :D






MAJD....The Dark Dragon:larg:
sarah s
16/08/2007, 00:29
ههههههههههههههههههههههههههههههههههه
كتير كتير حلوة

منيح اللي بتعرفو حالكون والله:?