قصيدة رائعة لشاعر العامية الابنودى هى فى الحقيقة تنطبق على كل العرب وليس المصريين فقط

من المكتبة ..
:fheart:

ميرسى يا ايمان على قصيدة الجميل عبد الرحمن الابنودى الخال الصعيدى
بعد اذنك بس تسهيل على الاعضاء يعنى فاانا هنزل القصيدة بدل من تحميلها


أنا المصري ! ! ! كريم العنصرين ( جرح من فم الأبنودي )


أنا المصري... كريم العنصرين
سليل المخلصين... المؤمنين
وحامي الأمّة في وقت الشدايد
وشقَّاق السِّكك للواردين
ودمّي ملك ليكم... أجمعين
أنا المصري
كريم العنصرين

***
أنا المصري كريم العنصرين
فقدت العقل والصوت والإيدين
وبعد ما كنت نجدةوروح ووقفة
مانيش عارف نسيت ده كله فين
ومين اللي سلبني اسمي مين؟!
أناالمصري
كريم العنصرين

***
وكنت أصرخ أطفِّي النار بصوتي
ويحيي أمّتي في الشدّة موتي
فمين اللي كتب عاري ف جبيني
ومين اللي سرق شعلة سكوتي
وأنا اللي غنايا صحّى العالمين
أنا المصري
كريم العنصرين

***
أنا مِتْباع... ماهيش عادْتَك يا وطني
عدوّ... لِعدو... ومين ما قبضْش تَمَني
صبي البقال يتاجر في الضماير
وأحلى عمري ضاع مستنِّي زمني
بقينا بصمتنا الموت... مُكتفين
أنا المصري
كريم العنصرين

***
كأن الوحل... شدّ الرِّجل منِّي
أنوح وأبكِي وأنا قاصد أغنّي
وواقفين على الشطوط بأيادي سودا
محال.. حيغرّقوني غصْب عني
لو نصبوا في قلبي ميت كمين
أنا المصري
كريم العنصرين

***
بنتها من الهرم للسدِّ... يَدِّي
بنتْها كلهاف لحظة تحدي
وكنت زعيم نبيل ما بين جيفارا
وتيتو وكاسترو ونهرو وغاندي
ومش محتاج أقول أنا كنت مين؟
أنا المصري
كريم العنصرين

***
وكان يخطب تصيب الدنيا ربكة
ومن لبنان يعودأسطول أميركا
ولينا في الوجود كلمة ومكانة
وإخوة في الأمل... دمعة وضحكة
ورقابينا الأبية... مرفوعين
أنا المصري
كريم العنصرين

***
وجُونا اللي رمونا... للمهالك
تقول: "لأّه" يقولولها: "وانتي مالِك"؟
تقول: "لبنان.. أحبابنا الأعزّة.."
يقولوا: "يغوروا.. وتغوروا كذلك"
نسيت من همي أبقي إزاي حزين!!
أنا المصري
كريمالعنصرين
***
وبعنا كل شئ ينباع... بِدِقَّة
بشفافيّة ومن غير أي سِرقة
ونظَّرْنا لِعِلْم النهب... صرنا
بننهب كل شيء... لكن برقّة
بقينا دكاترة وسط النشالين!
أنا المصري
كريم العنصرين.

***
زمان كان فيه مَلِك فاحت روايحُه
وثوار جيش بروحهم يومها ضحّوا
وكان لنا شأن حتى في الهزيمة
وطن كان يعجبك جمعُه وطرحُه
علينا عين وباقي الأمّة عين
أنا المصري
كريمالعنصرين

***
وعاد تاني الملك يحكم بلادُه
ومن بعد السنين دي زاد فسادُه
وكنّا سادة فوق أرض الكنانة
وأصبحنا عبيدُه أو عِبَادُه
وضاع في الزحمة مشوار السنين
أنا المصري
كريم العنصرين

***
وتاني يا الفقيرعاد من يخونك
وتتهان في بلادك عيني عينك
ولا الدِّين مكتفي من مصّ دمَّك
ولا عارف ديونهم من ديونك
وجيت للحق؟ كله سلَف ودين
أنا المصري
كريم العنصرين

***
وده يسلِّم لده والعصر فاجر
وتاجر حِنِت سلّمنا لتاجر
وأُم الأمّة مصر الإنسانية
بتتآمر وبتداري الخناجر
وكنت النجدة... واستنجد بمين
أنا المصري
كريم العنصرين

وكنت أصرخ... وكان الكلّ يسمع
وامِدِّ الإيد... عدوّ الأمة يرجع
وجاني النطع يأمرني ويشخُط
وخلاني بقيت في الحق أنطع
أنا اللي كنت أصحِّي الغفلانين
أناالمصري
كريم العنصرين

***
وكانوايقولوا: "مصر"... الشمس تطلع
وتعلا رقابنا فوق وعيوننا تلمع
وكنا نشيل قلوبنا فوق كفوفنا
وبصدورنا نواجه أي مدفع
فمين ساعدنا ع الوضع المهين؟
أنا المصري
كريم العنصرين

***
وإزاي النهارده الدم عُومي
مقلقِل صحوتي وساكن في نومي
دِمانا بتشتعل في أرض غزة
ولبنان... نارها ماسكة في هدومي
وأنا اللي في الأسى واقف مابين!!
أنا المصري
كريم العنصرين

***
ولولا الأنظمة العربية لامت
وفي صفوف العدو حتكون وكانت
ما كان الموت عرف "صيدا" و" بَعَبْدا"
ولا كانت قيامة الغدر قامت
ولا قلب العرب بيِّت حزين!
أنا المصري
كريم العنصرين

***
وشوف لبنان بترحل من جنوبها
ونوم الليل... ما بْيعرف جُنوبها
سطورالنمل زاحفة للملاجئ
وريح الخونة ما هدِّت هبوبها
ألوف راحلين في قلبي مذعورين!!
أنا المصري
كريم العنصرين

***
فيا لبنان أنا مِ اللِّي خانوك
يا حزب الله حكامنا باعوك
ياصاحبي... ما عُدنا نملك غير هتافنا
هتافنا مُرّ... مالي رقابنا شوك
وعَلَنِي... بنفعل الفعل المشين!!
أنا المصري
كريم العنصرين

***
يا (نصر الله) ده زمن البياعين
وإنت طلعْت للأمة... منين؟
تفكّرنا بكل اللي نسيناه
أظنه صعب يصحوا الميتين
وخليتنا ـ الجميع ـ متفرجين
أنا المصري
كريم العنصرين

***
مازال نفس العدو... ومازال خبيث
أبونا مات وسابْهُولنا... وَريث
ومهما يلف ويدور.. راح يغور
وإسأل عِندنا بيوت السويس
حلاوة روح... وحياة الحسين!!
أنا المصري
كريمالعنصرين

***
بقت رايتك خلاص رمز لجهادك
بقت رمز المقاومة في بلادك
ولبنان كلها بايتة في ضميرك
خلاص صَبَح الجهاد ماءك وزادك
لغير المسلمين والمسلمين!!
أنا المصري
كريم العنصرين

***
بلاد الأمريكان إحنا وصهاينه
وصمتي ع اللي حاصل... كلُّه معنى
مازال الحلم لم فارق دمايا
علي رغم اللي عاشُه طعنة طعنه
يالبنان الكرامة... لا تلين
أنا المصري
كريم العنصرين

***
ويالبنان ما تِطْفيش نار نضالِك
رجالك... حتى لو ماحناش رجالك
بحور الدم ما تغرّق حقوقك
ولاتكسر مجاديف احتمالِك
حبيبك... بس مش قادر أَعِين
أنا المصري
كريم العنصرين!!

مش عارفة يا ميمو انا دايما اعك وانتى تتعبى فى تصليح اخطائى , فعلا كان المفروض انزلها فى قسم الشعر ومكتوبه :oops:على العموم تسلم ايديكى والقصييدة زادت نور بلامساتك:hart:

عبد الرحمان الأبنودي - الموت على الإسفلت (قصيدة مطولة عن استشهاد ناجي العلي)

عدى النهار

:sosweet:مش عرفة ليه حابه احط القصيدة دى للابنودى مع انها مشهورة جدا وقديمة
بس دايما تأثر فيّا لان بتعطينى مزيج من النشوة بروعت الكلام والصور
و تحزنى لانها بتذكرنى بفترة صعبة مرت بيها مصر ... هى النكسة
القصيدة غناها العندليب ولحنها بليغ حمدى:hart:




عدّى النهار .. و المغربية جايّة


تتخفّى ورا ضهر الشجر


و عشان نتوه في السكة


شالِت من ليالينا القمر



و بلدنا ع الترعة بتغسل شعرها


جانا نهار مقدرش يدفع مهرها


يا هل ترى الليل الحزين


أبو النجوم الدبلانين


أبو الغناوي المجروحين


يقدر ينسّيها الصباح


أبو شمس بترش الحنين؟


أبداً .. بلدنا ليل نهار


بتحب موّال النهار


لما يعدّي في الدروب


و يغنّي قدّام كل دار



و الليل يلف ورا السواقي


زي ما يلف الزمان .. و على النغم


تحلم بلدنا بالسنابل و الكيزان


تحلم ببكرة .. و اللي حيجيبه معاه


تنده عليه في الضلمة و بتسمع نداه


تصحى له من قبل الأدان


تروح تقابله في الغيطان


في المصانع .. و المعامل .. و المدارس .. و الساحات


طالعة له صحبة .. جنود


طالعة له رجال .. أطفال .. بنات


كل الدروب واخدة بلدنا للنهار


و احنا بلدنا ليل نهار


بتحب موال النهار


لما يعدي في الدروب


و يغني قدّام كل دار

ودى القصيدة بصوت عبد الحليم

:D:D:D

انا اكتر شي عجبني بالقصيدة هو المقطع التالي ..


و بلدنا ع الترعة بتغسل شعرها


وخصوصا مفردة ( الترعة )فهي مفردة غارقة في الرومانسية



دمتي بود

اغنية جميلة جدا :D

أجمل واروع الاغاني التي جسدت الارادة المصرية والعربية في النهوض وعدم الاستسلام للهزيمة رغم الظلمة التي خيمت على الامة

كنت هرفع الاغنية بس يلا ما في فرق بيني وبينك مشكورة جدا

وعدا النهار

مابدشّرك , (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)verocchio , (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)ارسلان,,, (////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)
:D تورتونى
(////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////)

عدى النهار .....
أغنيه هزتنا من جوه
خرجت من قلوبنا الحب اللى هوه
مواويل حزن شربناها
حفضناها
رددناها .. غنوه



*****

حليم .. و .. عدى النهار
وقبلها القسم ( أحلف بسماها وبترابها )
وبعدها صوره ( صوره صوره صوره .. كلنا بنحب الصوره )
ذكريات عربيه مصريه
كلماتك ايمان كانت النفير فى النار
ايقظت ذكريات من اقسى واجمل الايام

ايام النكسه وناصر يمتطى حصانه
.. حصان رافض للرقص
يوم ما مات ناصر
وهو على حصانه قبل العصر
وركب السادات
وقبل ما يعدى النهار
جاب فى ايده النصر


شكرا ايمان على النفير والنار الهادئه