اللجنة السورية لحقوق الإنسان-مصرع مواطن تحت التعذيب في فرع فلسطين

أفاد مصدر مطلع في بلدة أريحا بمحافظة إدلب أن جثة الشاب عبد المعز سالم ابن المهندس محمد بشير سالم سلمت لذويه ودفن بإشراف المخابرات العسكرية في 4/7/2007 دون أن يسمح للأسرة بمعاينة الجثة.
وكان الشاب عبد المعز سالم - حسب المعلومات التي نقلها المصدر- قد اختفى من بلدة أريحا قبل سنتين وأشيع أنه سافر إلى العراق لكن تبين فيما بعد أنه كان معتقلاً في فرع فلسطين للتحقيق العسكري (الفرع 235). ولقد رفضت المخابرات العسكرية أن يدفن عبد المعز في مقابر البلدة وقاموا بدفنه في أرض تابعة لوالده، ولقد أحضروا جثته في كيس أسود ومنعوا أفراد أسرته من مشاهدة فقيدهم أو معاينة جثته، ونقل المصدر أنه مضى شهور على وفاة عبد المعز تحت وطأة التعذيب الشديد، ومن المؤكد أنه كان يحتفظ بجثمانه في ثلاجة الموتى.
إن اللجنة السورية لحقوق الإنسان إذ تدين بأقوى التعابير إخفاء المواطنين وتعريضهم للتعذيب الشديد المفضي إلى الموت لتطالب السلطات السورية بفتح تحقيق حول عملية اعتقال وإخفاء المواطن عبد المعز سالم وتعذيبه حتى الموت. وتطالب اللجنة بأن تلتزم السلطات السورية بمنع التعذيب وتحريمه تلبية لبنود الدستور السوري والإعلان العالمي لحقوق الإنسان، ومعاقبة المسؤولين عن ممارسته آمرين ومنفذين.
وتتوجه إلى منظمات حقوق الإنسان والمجتمع المدني المحلية والعالمية لاستنكار هذه الحادثة والسعي لحث السلطات السورية للتحقيق في هذه الحادثة المؤلمة ومعاقبة المسؤولين عن التعذيب المفضي إلى الموت.

اللجنة السورية لحقوق الإنسان
7/8/2007

لا بد للكابوس أن ينتهي

لا بد للكابوس أن ينتهي
ايمت لك ياس
بس يخلصو الشباب من بلدنا:cry:

ايمت لك ياس
بس يخلصو الشباب من بلدنا


كل زيتونة ستنجب طفلا و محال أن ينتهي الزيتون


حرية شبابنا قريبة والتاريخ سيعطيهم مكانتهم كأبطال كما يستحقون


الحريةلشباب الأخوية

كل زيتونة ستنجب طفلا و محال أن ينتهي الزيتون


حرية شبابنا قريبة والتاريخ سيعطيهم مكانتهم كأبطال كما يستحقون


الحريةلشباب الأخوية
مافيني غير قول انشالله:cry:


الحرية لشباب الاخوية

ما دمتم تؤمنون بالديمقراطية و الحرية فلماذا تم مسح الرد على المقال و بمقدورنا ان ننوه لذلك بمواقع عديدة و لقد نوهنا و لم يحذف الا في هذا المنتدى الحر كما تتدعون و اليكم نشره مرة اخرى :_________________________________________________ لقد أوردتم في موقعكم بان ولدي مات تحت التعذيب في فرع فلسطين و لم يسمح لنا بدفنه في المقابر النظامية بإدلب و أنه دفن بكيس اسود و لم يسمح لنا بالكشف على جثته .و إنني إذ يؤلمني هذا القول الوارد . أرد بالأسف أنه بعد أن ضلل ولدي إلى حيث لم نكن نفهم و لم يمر علينا مثل هذا الأمر و استخدم في غدر بلده و غسلنا يدنا منه .. أعلمكم أن كل ما جاء في مقالكم المذكور ليس صحيحا و لو تتركونا بحالنا لكان أفضل . ألم يكتفي هؤلاء بجعل ولدنا يسير بطريق لا نحن و لا منطقتنا تقبل أن تسير عليه , و من منا يقبل أن يحدث تفجير في سوريا على يد أبنائنا .. إننا ننكر فعله و فعل من دفعه مع عواطفنا و محبتنا له و نقول لكم : إننا دفناه في أرضنا تكريما له و حبا به و لم نستلم جثته بكيس اسود كما يدعي كاتب الكلمات بل استلمناه بشرشف ابيض , و عندما دفن لم يكن بحوذتنا أمام مكتب دفن الموتى أوراقا ثبوتية و نحن الإسلام عاداتنا هي إكرام الميت دفنه فكرمناه و كرمنا عواطفنا حتى يكون أمامنا دائما .. اتركونا بحالنا رجاء والعبوا بغير هذا الملعب و نخص بالذكر كاتب الكلمات و من أعطاه المعلومات الزائفة التي هي عارية عن الصحة بكل كلمة وردت في المقال المذكور في هذا الموقع و سواه
شوف لقلك شغلة
نحنا ما عننا اثبات انك انت محمد بشير سالم متل ما عم تدعي .....
وانا ماني عم قول انك كاذب او صادق بس بامكان اي انسان ينتحل شخصية ويسجل باي اسم على النت
هلأ حط الاثبات انك انت فعلا محمد بشير سالم و وقتها منحكي
ومشان الخصوصية وحتى كون متساهل معك فيك تبعت الاثبات على شخصية برسالة خاصة لعندي من بروفايلي .... وبضمنلك السرية التامة على هاد الشي ....
اما اذا كان مو انت محمد بشير سالم فانا مطضر اني اتخذ الاجراء القانوني يللي عننا هون بالمنتدى بحقك ...
واهلا وسهلا فيك :D

يعني الموضوع محطوط فتيشة
وتصعيد على الفاضي
بعدين قبل ما تفلسفو على الزلمة مين ماكان يكون
مخابرات -مواطن- الله- شوماكان
طلعو على حالكم والكلام للكل وخاصة الفهيم صاحب الموضوع
انتو شباب سوريا
انتو يلي بدكم تعمرو هالبلد
انتو يلي شربتو وتعمدتو من مية الشام
لك منشان الله انتو يلي اهلكم
سقو هالارض دم وعرق وتعب
وندروكم لسوريا
مفكرين هيك الشغلة
لعبة ولا خشخيشة تلعبو فيها
لك يلي عم تعملوه بدى ياه اميريكا واسرائيل
بدها تتدمرنا داخليا
شيلكم من التدخل الخارجي
انتو عرفانين شو عم تعملو
انتو عم تضرو بلدكم
بعدين البلد مو رفيقكم
يعني زعلت منا تعمللها بلوك
او تحذفها وتقعد تفلسف على سماها
يعني عم تلعبو بحالكم بمستقبلكم
وكل واحد بهالامة بيعرف شغلتو
يعني السياسيين الي عنا بيعرفو
شو شغلتهم مو ناطرينكم تعلموهم


اصحو اصحو
منشان الله اصحو هي سوريا
لــــــــــــــــــــــــ ـــــــــــــــــــــــــ ـــــــك هي ســــــــــــــــــــــــ ـــــــــــــــــــــــــ ـــوريا
هي بلدنـــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ا

حاجة مسخرة وتطاول
يعني شو بدكم
لوين بدكم توصلو
هيك وبهالطريقة بتازمو القصة
وبتوقعو بالغلط
البداية كلها غلط
وانتو اعتنقتوها ومشيتو فيها



يلا حضرة المشرف حزيف الرد
وانتو سمعو وطنشو
اليوم النصيحة بجمل
والشاطر يلي بيتعلم من العالم مو من كيسو
بعرف انكم عم تقولو بقلبكم شو هادا مفلسف كتير
اي انا مفلسف
بس بحب بلدي بحلوها بمرها يلي عم توصفوه بحب بلدي
وايميلي موجود وانا مابرد حدا
وسلام
ان شاء الله يحسو بشي او مايكون كلامي على الفاضي

وكل واحد بهالامة بيعرف شغلتو
يعني السياسيين الي عنا بيعرفو
شو شغلتهم مو ناطرينكم تعلموهم


نعم نحن شغلتنا نهتف بالروح بالدم ونبوس الايدين لنحصل فيزا وننهان بلبنان لنشتغل عمال باطون. شغلتنا ننتسب لحزب البعث من شان نلاقي وظيفة حتى زبال بالبلدية.
والسياسيين عنا شغلتون يقتلو شبابنا بالمعتقلات وايسدو تم كل واحد بيفتح تمو لانو الحكي ممنوع.
يا خيي حرام عليك و الله اللي مات مواطن سوري و اللي انزتو بالسجن لانو كتبو باخوية مانون اسرائيليين كل ما في الامر انو دلو ع الغلط ولا حتى هدا ممنوع؟
يعني ماني عرفان شو لازم ايساوي المواطن اكتر من هيك؟

والله لو بدي غيب 100 سنة وارجع متل ما هيي عوجا

انتو الي عم تحكو على سوريا شروي وغروي حاجتكون حكي فاضي
السياسيين ببلدنا عارفين شو عم يعملوا وتاني شي انت لو بتعرف شو هوي حزب البعث ودستور حزب البعث ومبادئ الحزب كنت مابتحكي بهي الطريقة بس للاسف على التخلف

مؤيد جدا ً

فعلاً عارفين شو عم يعملوا , بس لمصلحتون يا حبيب .. مش لمصلحة البلد ..

و فعلا ً أدبيات الحزب ما هيك بتقول .. يعني لو بيلتزمو بأدبيات الحزب يمكن كان صار بلدنا بلد ..

اول شي بشكر سوريانا على الشفافية بالرد
وتاني شي يا اخوان التخلف والجهل.... انتو الي عم تحكو على سوريا شروي وغروي حاجتكون حكي فاضي
السياسيين ببلدنا عارفين شو عم يعملوا وتاني شي انت لو بتعرف شو هوي حزب البعث ودستور حزب البعث ومبادئ الحزب كنت مابتحكي بهي الطريقة بس للاسف على التخلف
لك مافي بلد في العالم بحب الشعب العربي وشعبو بالاخص متل سوريا
و اذا في غلط من قبل بعض الافراد وقاعدين عم يرتكبوا اخطاء لازم يكون في ردع الهن من قبل الدولة و السلطة
بعدين روحوا شوفوا شو عم بيصير بالعراق وبفلسطين وابوغريب ابوها للديمقارطية تبعكون وجوانتانامو ام الديمقراطيع تبعكن ......لك فيقوا بقى

اولا شو هي بانياس الاسد مدينة جديدة بسوريا؟؟ لاتكون من اخر منجزات الحركة التصحيحية

تانيا نحني كلنا منعرف حزب البعث كتير منيح اكتر من قائدك الخالد نفسو وبهالمناسبة فيك تقلي شو دخل حافظ الاسد وشلتو ب حزب البعث؟؟ انت بتعرف مين اللي اسس الحزب وحط مبادئو وناضل مشانها قبل ما يجي الاسد على ضهر الدبابة ويرمين برا كلن ويستخدم البعث ومبادئو ورقة توت لتغطية عورة النظام الطائفية
ميشيل عفلق صلاح الدين البيطار اكرم الحوراني منيف الرزاز وغيرن كتيرين طبعا انت اكيد هدول مو سمعان فين لانو سوريا كل شي فيها صار برايكن اسد ب اسد المكان والزمان وكل شي

بعدين ارجوك بلا هالديماغوجية المخابراتية اللي ملينا منها شوفو العراق شو صار في العراق ما خربو الا الديكتاتورية الصدامية قبل الاحتلال الامريكي و الي هي على فكرة اخت الديكتاتورية الاسدية تبعنا

مؤيد جدا ً

فعلاً عارفين شو عم يعملوا , بس لمصلحتون يا حبيب .. مش لمصلحة البلد ..

و فعلا ً أدبيات الحزب ما هيك بتقول .. يعني لو بيلتزمو بأدبيات الحزب يمكن كان صار بلدنا بلد ..

هلق يا أخي الكريم انا معك بهي انو في بعض الناس عم تستخدم مناصبها لمصلحتها الشخصية ..بس مافينا انلوم الكل على كلن شكرا لردك للطيف وتقبل مروري

هلق يا أخي الكريم انا معك بهي انو في بعض الناس عم تستخدم مناصبها لمصلحتها الشخصية ..بس مافينا انلوم الكل على كلن شكرا لردك للطيف وتقبل مروري

والله يا صاحبي, كلو اضرب من بعضو.

اولا شو هي بانياس الاسد مدينة جديدة بسوريا؟؟ لاتكون من اخر منجزات الحركة التصحيحية

تانيا نحني كلنا منعرف حزب البعث كتير منيح اكتر من قائدك الخالد نفسو وبهالمناسبة فيك تقلي شو دخل حافظ الاسد وشلتو ب حزب البعث؟؟ انت بتعرف مين اللي اسس الحزب وحط مبادئو وناضل مشانها قبل ما يجي الاسد على ضهر الدبابة ويرمين برا كلن ويستخدم البعث ومبادئو ورقة توت لتغطية عورة النظام الطائفية
ميشيل عفلق صلاح الدين البيطار اكرم الحوراني منيف الرزاز وغيرن كتيرين طبعا انت اكيد هدول مو سمعان فين لانو سوريا كل شي فيها صار برايكن اسد ب اسد المكان والزمان وكل شي

بعدين ارجوك بلا هالديماغوجية المخابراتية اللي ملينا منها شوفو العراق شو صار في العراق ما خربو الا الديكتاتورية الصدامية قبل الاحتلال الامريكي و الي هي على فكرة اخت الديكتاتورية الاسدية تبعنا

اول شي ببدا بسلام عليك يا عزيزيayhamm26 وتاني شي
شبل بانياس الاسد مانها مدينة جديدة هاد اسم انا اخترعتو على كلن اذا مانك حابب هاد الاسم مافي مشكل ماتحبو لانو والله مارح فيني غيرو ..وبأكدلك هاد مانو من منجزات الحركة التصحيحية
وتاني شي هدون الحكيت عنهن انا اكيد سامع عنهن
وتالت شي بقلك خليك مروق ولا تعصب لانو حكيك بيدل على انك معصب بقى الله يخليك روق لانو مابتسو العصبية:deal:

شو بنساويلو يعني

لولا مو عامل شي ما كان الله جازاه بهالطريقة :o

روحوا شوفوا شو عم بيصير بالعراق وبفلسطين وابوغريب
هل سمعت بالرجل الذي أطعموه فاراً ميتاً
اكيد لم تسمع به
ياسيدي هذا الرجل سوري وهل تعرف أين في سجن سوري من منجزات الحركة التصحيحية هو سجن تدمر الأسد


يا رفيق سجن تدمر وصدنايا ومراكز التحقيق أسوأ بألف مليون مرة من سجن أبوغريب أو غوانتنامو
صدقني السوري يتمنى أن يسجن في أبو غريب مئة سنة على ان يسجن في سجون الأسد لشهر واحد

عفكرة قصة إطعام السجين لفأر ميتة صحيحة
اقرأ أن أردت
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

اول شي ببدا بسلام عليك يا عزيزيayhamm26 وتاني شي
شبل بانياس الاسد مانها مدينة جديدة هاد اسم انا اخترعتو على كلن اذا مانك حابب هاد الاسم مافي مشكل ماتحبو لانو والله مارح فيني غيرو ..وبأكدلك هاد مانو من منجزات الحركة التصحيحية
وتاني شي هدون الحكيت عنهن انا اكيد سامع عنهن
وتالت شي بقلك خليك مروق ولا تعصب لانو حكيك بيدل على انك معصب بقى الله يخليك روق لانو مابتسو العصبية:deal:

اي اهلين يا حبيب انا ما اعترضت على اسمك هي مو شغلتي بس حبيت قلك انو انا بعرف انو في مدينة جميلة بسوريا اسمها بانياس مو بانياس الاسد وفي بلد اسمو سوريا من 4 الاف سنة مو سوريا الاسد الاسد زائل وسوريا والارض والشعب باقي الى حين قيام الساعة

بظن اللي بيقرا ردك الاول اللي اتهمت الاخرين بانن اخوان التعصب والجهل بيعرف مين فينا اللي معصب ماهيك يا رفيق

والله لو بدي غيب 100 سنة وارجع متل ما هيي عوجا



والله معك حق ياغالي

عوجا
وكل واحد بيفكر حالو شغلة كبيرة وبدو يعمل حالو فهيم
على كل حال انا رضيان بوضعي والحمد لله
لا بقرب على حدا ولا حدا بيقرب صوبي

بس انا حبيت وصل للشباب انهم غلطانين

وياريت من كل واحد بدو يرد عليهم ويفهمهم الصح
مايرد لانو اكتر من هيك بيورطونا معهم
:frown::frown::frown:

والله معك حق ياغالي

عوجا
وكل واحد بيفكر حالو شغلة كبيرة وبدو يعمل حالو فهيم
على كل حال انا رضيان بوضعي والحمد لله
لا بقرب على حدا ولا حدا بيقرب صوبي

بس انا حبيت وصل للشباب انهم غلطانين

وياريت من كل واحد بدو يرد عليهم ويفهمهم الصح
مايرد لانو اكتر من هيك بيورطونا معهم
:frown::frown::frown:

اي الله يسامحك قولي هيك من الاول خايفين تنتهوا نهاية هالزلمة المسكين بفرع فلسطين وبهي والله معك كل الحق
بس عجبتني هي ما بقرب على حدا ولا حدا بيقرب صوبي انتي المواطنة المثالية في دولة الاسد :lol::lol:

على كل حال انا رضيان بوضعي والحمد لله
لا بقرب على حدا ولا حدا بيقرب صوبي
بس انا حبيت وصل للشباب انهم غلطانين

:frown::frown::frown:
على قولة المتل ما متت بس ما شفت مين مات!!!!!!!!!!!!!
وكمان ع قولة المتل القناعة كنز لا يفنى.
حبيت اكد على كلام اخي فاوست انو غوانتانامو و ابو غريب هي اماكن استجمام مقارنة باقبية الفروع و سجن تدمر.

اي الله يسامحك قولي هيك من الاول خايفين تنتهوا نهاية هالزلمة المسكين بفرع فلسطين وبهي والله معك كل الحق
بس عجبتني هي ما بقرب على حدا ولا حدا بيقرب صوبي انتي المواطنة المثالية في دولة الاسد :lol::lol:


اول شي يافهيم انا شب مو بنت يا اعمى
بعدين ليش ماكون مواطن مثالي اذا كل حقوقي واصلتني

وكل واحد عقلو براسو بيعرف خلاصو


الله لايردكم

على قولة المتل ما متت بس ما شفت مين مات!!!!!!!!!!!!!
وكمان ع قولة المتل القناعة كنز لا يفنى.
حبيت اكد على كلام اخي فاوست انو غوانتانامو و ابو غريب هي اماكن استجمام مقارنة باقبية الفروع و سجن تدمر.


فلسفة فاضية



تسالي تسالي


وان شاء الله بتزورها

والله ماكنت بعرف انو اطعام السجين فار احسن مو انو شلحو تيابو واعمل معو الي مابينعمل سبحان الله عليك معناتها انا بتمنى انو انسجن بسوريا وآكل فيران وانت طلاع انسجن ب ابو غريب عند الاميركان ولا تنسى تاخد معك الي بتحبهن ميشان يستجمو وينبسطو معك اوكي يا حبيبي فاست ويا غالي خنفور بس بتمنى بس ترجعو من هونيك تقلولي على شعوركن وانتوا عم تتصور عريانيين او منيمين شي خمسة ستة ........مارح كمل افضلي لانو بتوقع اذا ماوصلتك المعلومة هيك بعمرها مارح توصلك

روقوا يا جماعة الخير القصة ما بدها كل هالقد !!!!!
هلأ يعني الأسد هو يلي عذبو للزلمة لحتى مات منشان تحكو عليه !!!
لك يا أخي الحكومة هي يلي عم تعمل كل هالفساد شو دخل الأسد ..!!!! لسا أسد أسد والله الرئيس بشار مافي منو ويصحلكن رئيس متلو والله لو اجا واحد بدالو لكان مو بس أخوية مو موجود من أصلو لكان تم المعارضة ما انفتح بنوب وما كان لا حزب قومي ولا حزب مدري شو !!!

روقوا شبنا !!!:jakoush:

والله بكلامكم وتعلقاتكم فجرتوا مشاعري
شو ضرب الناس وقتلهم
صارت باخر الزمن وطنية
ابوك يا وطن اذا كان هيك

ولكم يلى بتلوموا حماس
انقلبت ع الشرعية
وووو قتلت ابناء شعبها
وووو مليون اكذوبة واكذوبة

ولكم حماس انفسخت بسجون السلطة
حماس واولاد حماس ماتوا ع ايدين مخابرات عباس
اتشوهوا اندبحوا انشلوا
ولكم حتى البنات ما سلموا الى قدروا يخلوها عاهرة
ماقصروا وخلوها
والى ماقدروا منعوها تتنفس

لهيك حماس ثارت ع السحون
ودمرتها ع روس سجانيها
الى حرمونا نطلع من بيوتنا

يلا الظلم ما بيتم
والزمن دوار

يا شعب سوريا الغلبان

والله ماكنت بعرف انو اطعام السجين فار احسن مو انو شلحو تيابو واعمل معو الي مابينعمل سبحان الله عليك معناتها انا بتمنى انو انسجن بسوريا وآكل فيران وانت طلاع انسجن ب ابو غريب عند الاميركان ولا تنسى تاخد معك الي بتحبهن ميشان يستجمو وينبسطو معك اوكي يا حبيبي فاست ويا غالي خنفور بس بتمنى بس ترجعو من هونيك تقلولي على شعوركن وانتوا عم تتصور عريانيين او منيمين شي خمسة ستة ........مارح كمل افضلي لانو بتوقع اذا ماوصلتك المعلومة هيك بعمرها مارح توصلك


شوف لقلك يا رفيق اولا اللي صار بابو غريب عملوا الامريكان بالعراقيين مو بامريكيين متلن والامريكي بيعتبر العراقي عدو طبعا هدا اكيد مو مبرر للجرائم والفظاعات اللي صارت بابو غريب وغيرو بس اذا عم نعيب على الواحد يعمل هيك بعدو شلون لكن اللي بيطعمي ابن بلدو فار؟؟؟؟

بعدين لاتنسى انو فظائع ابو غريب كشف عنها صحفي امريكي وحاكمو كتيرين بسببها انتي بسوريا الاسد تبعك بس صحفي سوري يقدر يكتب عن اجرام المخابرات وما يطعمو هو التاني فار ساعتها تفضل وقارن حالك بالدول المتقدمة

اول شي يافهيم انا شب مو بنت يا اعمى
بعدين ليش ماكون مواطن مثالي اذا كل حقوقي واصلتني

وكل واحد عقلو براسو بيعرف خلاصو


الله لايردكم

طيب ممكن اسالك شو هي حقوقك اللي واصلتك؟؟؟ طبعا غير الاكل والشرب :?

والله ماكنت بعرف انو اطعام السجين فار احسن مو انو شلحو تيابو واعمل معو الي مابينعمل سبحان الله عليك معناتها انا بتمنى انو انسجن بسوريا وآكل فيران وانت طلاع انسجن ب ابو غريب عند الاميركان ولا تنسى تاخد معك الي بتحبهن ميشان يستجمو وينبسطو معك اوكي يا حبيبي فاست ويا غالي خنفور بس بتمنى بس ترجعو من هونيك تقلولي على شعوركن وانتوا عم تتصور عريانيين او منيمين شي خمسة ستة ........مارح كمل افضلي لانو بتوقع اذا ماوصلتك المعلومة هيك بعمرها مارح توصلك


يعني اذا الاميركان حمير. معلش النظام السوري يكون كلو حمير؟؟
شو هالمنطق!!

ماكنت بعرف انو اطعام السجين فار احسن مو انو شلحو تيابو واعمل معو الي مابينعمل سبحان الله عليك معناتها انا بتمنى انو انسجن بسوريا وآكل فيران وانت طلاع انسجن ب ابو غريب عند الاميركان ولا تنسى تاخد معك الي بتحبهن ميشان يستجمو وينبسطو معك اوكي يا حبيبي فاست ويا غالي خنفور بس بتمنى بس ترجعو من هونيك تقلولي على شعوركن وانتوا عم تتصور عريانيين او منيمين شي خمسة ستة ........مارح كمل افضلي لانو بتوقع اذا ماوصلتك المعلومة هيك بعمرها مارح توصلك
إطعام السجين لفأر هو أقل درجات التعذيب في سجون الأسد،هناك الإغتصاب وتعرية المعتقلين والتمثيل بالأهل والضرب اليومي والقتل وألاف المفقودين وكتير كتير وأنت أكيد بتعرف يا رفيق


هلأ يعني الأسد هو يلي عذبو للزلمة لحتى مات منشان تحكو عليه !!!
لك يا أخي الحكومة هي يلي عم تعمل كل هالفساد شو دخل الأسد ..!!!! لسا أسد أسد والله الرئيس بشار مافي منو ويصحلكن رئيس متلو والله لو اجا واحد بدالو لكان مو بس أخوية مو موجود من أصلو لكان تم المعارضة ما انفتح بنوب وما كان لا حزب قومي ولا حزب مدري شو !!!

روقوا شبنا !!!
شو الشب مفكرنا هنود يعني،قال حكومة ليش حكومتك قادرة على فعل أي شيء في هذا البلد المحكومة من المخابرات والتي تأخذ أوامرها من بشار أسد و من صهره أصف شوكتوأخيه ماهر
والله حكومات تصريف الأعمال بغير دول إلها صلاحيات أكثر من الحكومة الحالية
فكرك الوزير ولك حتى رئيس الوزراة بيسترجي يقول شي لضابط مخابرات حقو فرنكين
والله يلي بيسمعك بيعتقد أنو نحن ببلد مؤسساتي مو بلد محكوم من أجهزرة الإرهاب التي تسمى زوراً أجهزة أمن ،البلد عنا محكوم من قبل مافيا بكل ماتعنيه الكلمة من تعبير لا يوجد لا قانون ولا حكومة ولا مجلس الشعب كل هذا لا يعني شيء أمام البسطار العسكري

ملف من أجل سورية خالية من التعذيب(1)


من أساليب التعذيب وجرائمه: التي شاعت سابقاً ومازال بعضها مستخدماً في سورية
التعذيب الجسدي:

1- الكرسي الألماني: هو كرسي معدني بسيط، لم يبق فيه غالباً سوى المواسير بعد نزع المساند. تمرر ماسورتا مسند الظهر تحت إبطي المعتقل ثم تقيد يداه بالكلبشات الى الخلف، وتنقلب وضعية الجلوس التقليدية بحيث يصبح الكرسي جالساً فوق المعتقل بينما يغدو جسد المعني تحت الكرسي أو بين رجليه السفليتين، لكن إبطيه وصدره معلقان بماسورتي الظهر،، ثم تثنى أرجل المعتقل وتربط برجلي الكرسي العلويتين، فيصبح جسده أشبه بقوس دائري تحت وحول الكرسي.
عندها يبدأ الضرب بالكابلات على قدمي المعتقل وساقيه، ويعاد بين فينة وأخرى شد الحبل وتشديد تقوس ظهر المعتقل، الذي كثيراً ما يصاب بشلل في أطرافه العلوية يدوم فترة تمتد تبعاً لدرجة تعرضه للتعذيب.

2- الضرب بالكابلات: على القدمين أو اليدين أومختلف أنحاء الجسد، والكابل عبارة عن مجموعة من الأسلاك النحاسية المستخدمة في نقل الكهرباء تجدل بشكل جيد، وغالباً ما أدى الضرب بهاإلى انتزاع قطع لحم المضروب مع سيلان دمه .

3- الدولاب:هو الإطار الخارجي لعجلة سيارة يوضع فيه المعتقل، فينحصر كامل جسده داخله من الرأس وحتى القدمين، عندها يتم ضربه بدون أن يستطيع أي حراك.

4- الكهرباء:تربط الأسلاك الكهربائية بمواضع حساسة من جسم المعتقل ويتم إرسال صعقات الكهرباء إليها.

وتستخدم من أجل ذلك مولدات يدوية للكهرباء، أو محولات يتم بواسطتها التحكم في شدة التيار المستخدم.

5- بساط الريح:يشد المعتقل من معصميه وقدميه بحبال إلى الجهات الأربع، فيصبح معلقاً كالأرجوحة ويبدأ الضرب على أنحاء جسده المختلفة، مع إعادة شد الحبل بين فترات ضرب وأخرى.

6- الحرق: بواسطة السجائر أو المدفأة الكهربائية لمواضع مختلفة من الجسم.

7- الضرب والركل والصفع.

8- الجلد على أسفل القدمين.

9- الحرمان من النوم.

10- الإغراق بالماء: عن طريق إغراق الرأس في وعاء أو حوض مليء بالماء.

11- السّلم: تربطقدما المعتقل بالحبال الى درجات السلّم العليا، ليصبح جسده العاري مقلوباً ومتدلياً إلى أسفل، ويتمكن المحقق الجزّار بذلك من جلده على كامل مساحة جسده المعلق (2)

12ـ الفسخ: يمدد المعتقل على ظهره، ويوضع كرسي فوق حوضه، وتدخل ساقيه، بعد طيهما وتثبيتهما بين قوائم الكرسي، فتغدو الساقان منثنيتين عند الركبتين ومفتوحتين الى أعلى، ويقف من يمينه ويساره واحد من الجزّارين صاعداً فوق إحدى ركبتيه، وضاغطاً بشكل متواتر مع زميله ( الجزّار المقابل)، كي يتمكنا من فتح ساقي المفسوخ إلى أقصى زاوية منفرجة، وإذا كان المطلوب أكثر من زاوية 180 درجة، فيجب رفع حوض (المعني بالفسخ) بوضع خشبة تحته، مما يؤدي إلى كسر الحوض وفصل الساقين عند رأس الزاوية أو نقطة المفصل العانيّ(3) .

13-الشبح: يعرّى المعتقل وتغطى عيناه بـ ( الطميشة)، ثم يقيد بالكلبشات الحديدية ويعلق من معصميه أو من قدميه بحبل يشده إلى سقف الغرفة فيصبح مشبوحاً كالذبيحة، وهكذا يتوفركامل جسده من كل الجهات مساحة حرة لضربات الجزارين وسلخهم وفنونهم، التي قد تشمل دغدغة المشبوح بصعقات الكهرباء‍0(4).

14- الضرب بالبلطة: وذلك على مشط القدم لإجبارالمعتقل على الاعتراف السريع، الأمر الذي كان يؤدي في غالب الأحيان إلى قطع معظم أصابع القدم.

15-الإطعام الكريه: يجبر المعتقل على أكل مواد تالفة وأشياء كريهة، وأحياناً يدفعه الجزارون إلى فتح فمه ودفع تلك المواد دفعاً ليزلطها بلعومه، كما حصل مع من أطعموه فأراً ميتاً في سجن تدمر( 3) و(4)

16- الأفعال المنافية للآداب: بعد تعرية المعتقل والعبث بعورته باستخدام العصا أوغيرها، يجبر تحت الضرب والتهديد على العبث بالمناطق الحميمة، وقد يغصب على ارتكاب الفاحشة مع زميله أو شقيقه المعتقل معه(4).

17 - التغذية الرديئة:من المسلم به أن الطعام الذي يقدم للمعتقلين، والسجناء عموماً،هوغالبا رديء وقليل الكمية، ويعتمد المعتقل في كثير من الأحيان على موارده الخاصة، فتتحول متطلباته إلى عبء آخرعلى عائلته أومصادره الخارجية، بينما تصبح هذه المسألة منبعاً آخر للفساد في معظم السجون.التعذيب العقلي:
يتمثل التعذيب العقلي في الحبس الانفرادي لمدد طويلة، والمنع من الاتصال بالعالم الخارجي بما في ذلك الاستعانة بمحام، حيث يبقى المعتقل شهورا وأحيانا سنوات بدون أن تعلم عائلته عنه أي شيء، أوأن تتمكن من الاطمئنان عنه. يضاف إلى ذلك رداءة وقلة الطعام، والحجز في أماكن تفتقر إلى أدنى معايير الصحة بعيدا عن الضوء والهواء النقي كالأقبية والزنازين، وإسماعه بصورة شبه دائمة أصوات التعذيب الشديد الى جانب توجيه الإهانات والشتائم المبتذلة والتهديد المستمر بتعذيب أشد أو التعرض بالتعذيب والإهانة لأحد أفراد العائلة، وبشكل خاص للزوجة أو الأخت أو الابنة، فضلاً عن إجبار المعتقل على ترديد الشائم والإهانات التي تمس شخصه وتشمل أسرته بمافي ذلك التعرض لمحرماتها.

ويترافق التحقيق، سواء في الفروع الأمنية أو القضائية، غالباً مع التهديد والتخويف مما يؤثر بشكل مباشر على معنويات المعتقل، ويؤدي إلى آثار نفسية طويلة الأمد لديه. كما أن العزل الانفرادي هو عقوبة ملازمة للتعذيب في الفروع الأمنية، وقد تستمر حتى بعد انتهاء التحقيق وتوقف التعذيب الجسدي.

ويحتجز المعتقلون في الفروع الأمنية إما في الزنازين أو في المهاجع، وغالبا تكون مساحة الزنزانة مابين 1مX 2م، وهي تتميز بعدم وصول الضوء أو الهواء لها، نظرا لوجود معظمها في الأقبية تحت الأرض، بالإضافة إلى عدم توفر الإنارة بحيث لا يميز المعتقل بين الليل والنهار، فضلا عن قذارتها وافتقارها لأدنى المعايير الصحية. وحسب تعبير أحد المعتقلين "لا يوجد هناك إلا القمل والإنسان، حتى الحشرات الأخرى لا تستطيع أن تعيش هناك"!

أما المهاجع فتتميز غالبا باكتظاظها الكبير، حتى أن بعضها يتواجد فيها ما بين 175-210 معتقلاً على الرغم من أن مساحتها لا تتعدى 42 مترا. وينام المحتجزون في هذه المهاجع على مراحل وعلى طريقة "التسييف"، وفقا لما يطلقه عليها السجناء، ويعني ذلك أن المعتقل ينام على أحد جانبيه كحد السيف ليأخذ أقل مساحة ممكنة، أما الباقون فخيارهم إما النوم وقوفا أو انتظار دورهم في النوم "تسييفا".

ووفقاً للجنة مناهضة التعذيب، فإن "أوضاع اعتقال معينة تصل إلى حد المعاملة اللاإنسانية والمهينة وأن بعض أوضاع الاعتقال تصل إلى حد التعذيب" وأشار المقرر الخاص للتعذيب إلى أوضاع الاعتقال إلى أنها "قاسية أو لا إنسانية أو مهينة" كما أشار لمرة واحدة بأنها "معذبة"، وصرح أيضا بأن "الاعتقال المطول بمعزل عن العالم الخارجي في مكان سري قد يصل إلى حد التعذيب" كما هو مبين في المادة الأولى من اتفاقية مناهضة التعذيب، وكذلك اعتبر العذاب الذي يقاسيه أقرباء المختفي بأنه يصل إلى حد التعذيب وسوء المعاملة


شواهد حديثة على استمرار جرائم التعذيب: أولاً: عند المعتقلين لأسباب أمنية

1- وردت معلومات موثقة أن معتقلين، يعتقد أنهم من المنفيين العائدين من العراق، تعرضوا لتعذيب شديد في سجن عدرا المركزي، وهم محتجزون في زنازين انفرادية وممنوعون من الزيارات ومن فرص التنفس، ويقدر عددهم بنحو ثلاثين شخصا. 1- حسن عبد الله طالب سنة رابعة في كلية الشريعة في حلب،اعتقل لعام ونصف في فرع فلسطين، أصيب بمرض السل ولم يعالج، توفي في شهر كانون الثاني عام 2003 داخل الفرع.

2- خليل محمد مصطفى (كردي) - تولد حلب 1969 - اعتقل بتاريخ 6/8/2003 من قبل فرع المخابرات العسكرية في حلب، بسب خلاف مالي مع أحد الأشخاص المتنفذين، توفي تحت التعذيب بتاريخ 10-8-2003 حيث شوهدت آثار التعذيب المخيف على كافة أنحاء جسده، وعند تجهيز الجثة للدفن تبين أن هناك كسورا وخلفا في الساق والمفاصل مع قلع العين اليمنى، بالإضافة إلى آثار تعذيب بادية على عضوه الذكري وبقية أجزاء جسمه.

3- بتاريخ 5/6/2003 اعتقل سبعة من الأكراد المشاركين في تظاهرة الأطفال الأكراد أمام مقر اليونيسف في دمشق، بمناسبة يوم الطفل العالمي، وفي الجلسة الأولى لمحاكمتهم التي خصصت لاستجوابهم أجمعوا على تعرضهم للتعذيب الشديد أثناء التحقيق معهم أمام فرع الأمن السياسي، وفيما يلي بعض إفاداتهم حول الموضوع:
- المحامي محمد مصطفى أحمد: " أدليت بكل الأقوال المدونة من قبل فرع الأمن السياسي تحت الضرب والإكراه، لقد أجبرت على التوقيع على الإفادة تحت الضرب الشديد.
- محمد شريف رمضان: كانت إفادتي تحت التعذيب الشديد، لقد أصبت بكسور متعددة في أنحاء مختلفة من جسدي نتيجة التعذيب وأرغموني على البصم على الإفادة التي كتبوها بأنفسهم وعيوني مغلقة بعصابة.كما تعرضت للضرب على رأسي في مبنى محكمة أمن الدولة قبيل استجواب النيابة العامة، فضلا عن أنني أقيم في زنزانة رطبة يتسرب الماء من سقفها.
- خالد أحمد علي: احتجزت ضمن "مرحاض"، فالزنزانة صغيرة جدا وتحتوي على مرحاض بدون فاصل يحجز مظهره أو رائحته عني.كما أنني تعرضت للتعذيب الشديد أثناء التحقيق معي من قبل الأمن السياسي.
- عامر مراد: لقد تعرضت للضرب الشديد أثناء التحقيق معي كما أننا أثناء نقلنا من السجن إلى محكمة أمن الدولة لاستجواب النيابة العامة تم ضرب ثلاثة منا وضرب اثنين بعيد وصولهم المحكمة
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////

من فترة قريت تقرير صحفى مع المعتقل السويدي في غوانتانامو وكان ردو اذا كان اتعرض لتحرش جنسى بنعم. اجت جندية امريكية و قامت بحركات جنسية مغرية. عندها لا اراديا راح فكري للمعتقلين عننا.:o
اساسا امريكا بتشهدننا بالتفوق بمجال التحقيق والاعتقال و الدليل على ذلك ماهر عرار اللي بعتولنا اياه لنقرره. نيالو عنده جنسية كندية و الا كان تختخ:cry:

خلصتوا حكي .....ياسيدي الله يبارك بامثالكون...بس بدي اسالكون سؤال
اذا شي واحد شاف اخوه عم ينضرب وياكل قتل ليوم القتل من شي شخص لا على التعيين
شو بتكون ردة فعلك؟؟؟؟ او اذا حدى سب امك وام امك او اختك( وبقلك انو انا عم قول مثلا وانا عم شدد اللهجة مش لاني بكرهكayhamm26 و يا khanfur بس لتوصل لمرحلة عدم ضبط النفس) شو بتعمل فيه وخاصة اذا كانت المسبة قدام الناس و علنية؟؟؟؟
والله ما بتوقع منك غير انك عم تضربو ضرب ما بيرحم لحتى تشفي غليلك منو ....بقى كيف اذا كان عم بيسب بلدك او عم يغلط على رئيس بلدك؟؟؟؟؟

يا اخوان البلد ويا اصدقائي رغم اختلاف وجهات النظر بس بقلكون انو لولا المخابرات وغيرها من قوى الامن كنت بتشوف اهلك واهلي وكل البشر في سوريا عم بيموتوا كل يوم بقنبلة وكل يوم بأنفجار...
لك صحي البلاد التانية عاطية حرية الرأي بشكل اكبر بس معقولي ماضل للناس في سوريا شي تحكي فيه غير السياسة و الدين

وبرجع بقلكون انو اذا المخابرات اعتقلت بعض الاشخاص وحبسيتون وعملت العجايب فيه مش لانو كان نايم او مظلوم ( رغم انو في مظلومين بالسجون السورية و العربية و العالمية ) وبتمنى تكون وصلت المعلومة

والله ما بتوقع منك غير انك عم تضربو ضرب ما بيرحم لحتى تشفي غليلك منو

اذا فعلا صار هيك, واجيت انت ضربتو للزلمة. فالقانون بحاسبك الك.
تانيا انك تضربو ضرب ما بيرحم, فهاد شي بدل على انو "الضارب" لازمو طبيب نفسي بسبب شراستو الزايدة عن الحدود, واللي ما الا طعمة.

بقى كيف اذا كان عم بيسب بلدك او عم يغلط على رئيس بلدك؟؟؟؟؟
شلون يعني بلدك؟؟ ليش هية مو بلدو كمان؟؟ ليش بدو يسب بلدو.
بعدين على انو اساس حسبتها انو هو سابب البلد؟؟
يعني شلون هيك دغري اتهمتو بانو سابب البلد؟؟
عالعموم حتى لو سابب البلد, فهاد ما بيعطي حق لاي حدا انو يعذبو حتى الموت!!


يا اخوان البلد ويا اصدقائي رغم اختلاف وجهات النظر بس بقلكون انو لولا المخابرات وغيرها من قوى الامن كنت بتشوف اهلك واهلي وكل البشر في سوريا عم بيموتوا كل يوم بقنبلة وكل يوم بأنفجار...

هاي اهضم جملة قريتا بالموقع من فترة طويلة.
ولك هعععععع
بتعرف شو معنات هع؟؟
قال كل يوم قنبلة قال.
اللي بيسمعك بصدق يا زلمة. ما بعرف اذا انت فعلا مصدق هالحكي. بس مصايب البلد تلت ارباعها من المخابرات البطيخ اللي عنا.
ولك تفيييه (مو عليك عليهون).


وبرجع بقلكون انو اذا المخابرات اعتقلت بعض الاشخاص وحبسيتون وعملت العجايب فيه مش لانو كان نايم او مظلوم

في عنا باخوية 7 اعضاء معتقلين. غالبا انت ما سمعت فيهون.
حاول تعرف عنهون اكتر من خلال صفحات المنتدى وساعتها رح تعرف انهون مظلومين ومظلومين ومظلومين.
وغيرهون كتير.
"جريمتهون" بس انهون ما مسحو للنظام الفاشل تبع بلدنا.

يا اخوان البلد ويا اصدقائي رغم اختلاف وجهات النظر بس بقلكون انو لولا المخابرات وغيرها من قوى الامن كنت بتشوف اهلك واهلي وكل البشر في سوريا عم بيموتوا كل يوم بقنبلة وكل يوم بأنفجار...
لك صحي البلاد التانية عاطية حرية الرأي بشكل اكبر بس معقولي ماضل للناس في سوريا شي تحكي فيه غير السياسة و الدين





عذرك أقبح من ذنب ...
هؤلاء مهما غلطوا فلايجوز أن يعاملوا بحيوانية ...
على الأقل برامج تأهيلية لهؤلاء المعتقلين تحببهم ببلدهم بيكون افضل من طرق التعذيب الوحشية التي تجعل المعتقل كارهاً لبلده أكثر من الأول
... مهما كان المعارض خطر فلايجوز ابداً انتهاك حرمته كأنسان وانتهاك انسانيته بابشع وسائل التعذيب ...

والجميع بيعرف : أن وظيفة المخابرات بأي دولة في العالم هي مراقبة الأجانب والعناصر الأجنبية بالبلد وتحركات الاجانب بالبلد ... وليس المواطنين ابناء هذا البلد ... حتى تهمة الخيانة العظمى لاتبرر للمخابرات انتهاك حقوق الانسان بتعذيبه واغتصابه ... لو يحاكموه ويحكمو عليه بالموت بيكون افضل

انا عندما قرأت عن وسائل التعذيب المستخدمة من قبل العناصر الأمنية والمخابرات في سوريا فوراً حكمت على هؤلاء بأنهم همج وحيوانات ورعاع جاهلين ليس لديهم اي مفهوم انساني او تقدير لقيمة الانسان .. مع انني مغترب ولست بسوريا لكنني عندما قرأت عن وسائل التعذيب تقززت واشمئزيت وقرفت لدرجة انني كنت سأستفرغ من اساليب القرف تلك :sick:

بقى كيف اذا كان عم بيسب بلدك او عم يغلط على رئيس بلدك؟؟؟؟؟

ما بعتقد انو في حدا سب بلدو او بسب بلدو ولا حدا سب الرئيس او بسبه بصفة شخصية لانو فلان ابن فلان بس انتقاد الرئيس و نظام الحكم هو حق بتسمح فيه القوانين العالمية. بعدين وقت الدولة و المخابرات عم اتقوم بتعذيب او اعتقال او قتل شخص فمعناتو انون مقتنعين بهل فعل و من حيث المبدأ عملون قانوني لكان ليش اذا حدا نشر او كتب عن هل شي الكل ببلش ينكر و يخفي الحقيقة ؟؟؟ انت فيك اتقلي نص المادة اللي تبيح تعذيب شخص حتى الموت؟
حتى تهمة سب الدولة و الرئيس قانونيا تعالج امام القضاء المدني المختص. وعلى فكرة عقوبتها مو التعذيب حتى الموت.
يا اخوان البلد ويا اصدقائي رغم اختلاف وجهات النظر بس بقلكون انو لولا المخابرات وغيرها من قوى الامن كنت بتشوف اهلك واهلي وكل البشر في سوريا عم بيموتوا كل يوم بقنبلة وكل يوم بأنفجار...
هي ما فمتا! ليش ليموتو بانفجار و قنابل؟ بالدول اللي ما فيها مخابرات الناس عم اتموت بالانفجارات؟

لك صحي البلاد التانية عاطية حرية الرأي بشكل اكبر بس معقولي ماضل للناس في سوريا شي تحكي فيه غير السياسة و الدين

في ناس بتحكي بالموسيقى و الفن و الرقص و الموضة بس ليش المخابرات محتكرة السياسة و الدين؟ صار الواحد اذا عم يحكي بموضوع عام مضطر يبتعد عن استخدام كلمات معينة و يبحث الها عن بدائل و الا اتهم بالخوض في السياسة :?
وبرجع بقلكون انو اذا المخابرات اعتقلت بعض الاشخاص وحبسيتون وعملت العجايب فيه مش لانو كان نايم او مظلوم ( رغم انو في مظلومين بالسجون السورية و العربية و العالمية ) وبتمنى تكون وصلت المعلومة
هاي ما حبيتا منك. صدقني الاكترية مظاليم

يا صديقي يا شبل بانياس يا من أشربت عقلك النظريات وغذيت روحك بالمثاليات وعصبت عيينك بالترهات
ما تتكلم عنه ليس الا حبرا على ورق وكلاما منمقا تنطق به ألسنة الملوك لتداعب به صغار العقول
وما هو إلا احرفا في صفحات الجرائد وسطورا في كتب المدائح .....
وكي لا أخرج كثيرا عن الموضوع ....
فليس هناك احلى واجمل من التحرش الجنسي لإخوتنا في العراق وغير العراق من قبل اولئك الامريكان الماسونيين والصهاينة الامبرياليين ..... امام كف يلطم خد المواطن من قبل محقق سافر ظلما وبهتانا...
فما يحدث في سجنك الخالد يا صديقي لأحقر بالف مرة مما يحدث في غيره من فنادق العالم
لأن سجن تدمر وإخوته _وما أدراك ما تدمر_ قد نال مرتبة الشرف ,هناك وسط الصحراء حيث كتب "لا الله لا محمد"
قد جعل من سجون العالم تخجل من نفسها وتخزي أمام عظمته وجبروته
واني اؤكد لك ان بعض المواطنين ومن بينهم شيوخا قد تعرضوا للاعتداء الجنسي من قبل اولئك من يسمون انفسهم الشرطة العسكرية
وامنك السياسي بالتعريف الحرفي: هو المؤسسة التي يغيظها وجود 100 ليرة تائهة في جيب اي مواطن يمر من امامها فتسعى جهدها لتخليصه اياها وكانه مالك لكثير غيرها وهي الجهة التي تفتقر لتلك الورقة الصغيرة
اولم تسمع يا صديقي بعد خروجنا من لبنان ذلك الرجل الذي عند دخوله سجوننا كيف اكرموه جنودنا الابطال وتركوه وحده ليشرب ابريقا كاملا من الشاي ثم خلعوا ثيابه وربطوا له عضوه وقالو الآن ارح نفسك يا بطل ان استطعت ...
وغير ذلك الكثير مما تقشعر له الابدان فافتح عيونك يا بطل وانظر بعقلك ثم عينك الى ما حولك

ولأكون صريحا والله على ما اقول شهيد انا مع النظام السوري من الالف الى الياء لكني احلم بتغيير سياسة ذلك النظام .....
فلماذا السكوت عن الاخطاء الكبيرة العلنية وكانها غير موجودة اصلا ......؟

مواطن سوري

لكل شئ نهايه
ولا تعليق اكتر من هيك

دوام الحال من المحال


لابد للظلام ان ينجلي



حسبي الله ونعم الوكيل

والله يعين امه المسكينة :(